Showing 3185 results

Authority record
Person

Aage V. Michelsen (1928-2018)

  • S00075
  • Person
  • 14. okt. 1928 - 7. jan. 2018

Sonur Frank Michelsen úrsmíðameistara og Guðrúnar Pálsdóttur. Bifvélavirki í Hveragerði.

Abel Jónsson (1898-1953)

  • S002707
  • Person
  • 18.04.1898-25.12.1953

Abel Jónsson, f. 18.04.1898 í Brautarholti í Svarfaðardal., d. 25.12.1953 á Sauðárkróki. Foreldrar: Jón Jónsson og Margrét Jóhannsdóttir. Abel var fyrsta árið hjá móður sinni að Brautarholti en hjá foreldrum sínum á Hrísum í Svarfaðardal 1898-1900. Fór þá í fóstur til Sigurjóns Jónassonar og Kristínar Stefánsdóttur sem síðast bjuggu að Sæbóli í Aðalvík. Um tvítugt kom Abel í Skagafjörð og var þar vinnumaður á Heiði í Gönguskörðum, síðan á Veðramóti. Flutti til Sauðárkróks 1923. Stundaði þar sjómennsku og einnig í tvö ár á Dalvík. Fór aftur til Sauðárkróks og starfaði m.a. sem matsveinn á síldarbátum nokkur sumur. Maki: Gunnhildur Andrésdóttir, f. 22.08.1887 á Tyrfingsstöðum á Kjálka. Þau eignuðust ekki börn en tóku að sér fósturdóttur. Abel lést af völdum krabbameins, 55 ára að aldri.

Adolf Ingimar Björnsson (1916-1976)

  • S01376
  • Person
  • 28. febrúar 1916 - 3. febrúar 1976

Adolf Björnsson rafveitustjóri. Fæddur 28.02.1916.

Adolf var fæddur i Vestmannaeyjum. Faðir: Björn Erlendsson, formaður. Móðir: Stefanía Jóhannsdóttir, húsmóðir. Adolf lauk prófi frá Iðnskólanum í Reykjavík árið 1937. Hann tók sveinsprófið í rafvirkjun 1939 og varð löggiltur rafvirkjameistari árið 1945. „Háspennupróf tók hann árið 1949 og féll leyfisbréf til háspennuvirkjunar sama ár. Á árunum 1938—1949 starfar Adolf sem rafvirkjasveinn og meistari í Reykjavik, og m.a. á þeim árum var hann um skeið við framkvæmdir við Skeiðsfossvirkjuni Fljótum og á Siglufirði. 15. mars 1949 ræður hann sig sem rafveitustjóra til Rafv. Sauðárkróks og starfaði sem slíkur til dauðadags. Samhliða því var hafði Adolf eftirlit með raflögnum í Skagafjarðarsýslu frá 1950 til 1959. Adolf var mikill áhugamaður um eflingu iðnfyrirtækja í Skagafirði og var mikill baráttumaður fyrir vatnsvirkjunum á Norðurlandi vestra.

Adolf var mjög virkur í félagsstarfi ýmis konar. Til dæmir var Adolf ritari í Félagi ísl. rafvirkja 1944 til 1945. Formaður iðnaðarmannafélags Sauðárkróks 1952 til 1968. Þá var hann formaður stjórnar félagsheimilisins Bifrastar á Sauðárkróki 1953-1958, í stjórn Sambandi íslenskra rafveitna 1960, 1962, 1974 til 1976. Adolf tók virkan þátt í starfi Rotary og Frímúrarareglunnar á Íslandi.

Þann 28. febrúar 1947, kvæntist Adolf eftirlifandi konu sinni Stefáníu Önnu Frimannsdóttur, frá Austara-Hóli i Fljótum. Þeim var ekki barna auðið en Stefanía átti fyrir einn son sem Adolf gekk í föðurstað.

  1. febrúar 1976 lést Adolf Björnsson á Borgarsjúkrahúsinu í Reykjavík.

Agnar Baldvinsson (1885-1947)

  • S01785
  • Person
  • 04.09.1885-02.12.1947

Foreldrar Agnars slitu samvistum er hann var barn að aldri, fluttist hann með móður sinni til Skagafjarðar og ólst þar upp. Dvöldust þau á ýmsum stöðum austan og vestan Vatna. Var jafnan mikið ástríki með þeim mæðginum. Dvaldist Guðrún á eftri árum á vegum sonar síns,meðan hans naut við, en ekkju hans og barna eftir það. Agnar var bóndi á hálfum Vöglum 1910-1912, Litladal 1912-1925, er hann brá búi og fór að Flugmýri, þaðan að Miklabæ og loks í Víkurkot, á öllum stöðum í húsmennsku. Fluttist frá Víkurkoti til Sauðárkróks. - Agnvar var frekar hár maður, samsvaraði sér vel, hraustu og karlmannlegur, verkmaður góður og verklaginn, dagfarsprúður og glaðlyndur. Hann var vinssæll af nágrönnum sínum og hafði ánægju af að blanda geði við aðra, ræðinn og góður féelagi. Geðríki átti hann nokkurt, en stillti vel skap sitt, greindur og allvel hagorður, en flíkaði lítt skáldskap sínum, og mun, fátt eitt til af honum. Agnar neytti aldrei áfengis og var hófsamur í lífi sínu. Hann stundaði nám í Hólaskóla einn vetur. Byrjaði búskap með mjög lítil efni, var alltaf leiguliði og fremur fátækur, en komst þó vel af fyrir sig. Ekki var hann talinn fjármálamaður, en var jafnan ánægður með sitt. Á Sauðárkróki stundaði hann ýmis störf, átti þar nokkrar kindur og var fjallskilastjóri þar í nokkur ár. Einnig kenndi hann krökkum, heima hjá sér, allmarga vetur og var vinsæll við þau störf sem önnur. Nokkuð mun hann hafa efnast á Sauðárkróki og festi þar kaup á eigin íbúð.

Agnar Jónsson (1909-1984)

  • S02987
  • Person
  • 13.10.1909-14.02.1984

Agnar Klemens Jónsson, f. 13.10.1909, d. 14.02.1984. Foreldrar: Klemens Jónsson landritari og síðari kona hans, Anna María Schiöth.
Agnar varð ritari í danska utanríkisráðuneytinu 1. febrúar 1934, síðar attaché við danska sendiráðið í Washington og vararæðismaður á dönsku aðalræðismannsskrifstofunni í New York. Hann fékk lausn að eigin ósk úr dönsku utanríkisþjónustunni 1. júní 1940 og gekk í hina nýstofnuðu íslensku utanríkisþjónustu, fyrst ræðismaður í New York en síðar varð hann deildarstjóri og skrifstofustjóri í utanríkisráðuneyti íslands.
Hann var skipaður sendiherra í Bretlandi og Hollandi 1951. Fimm árum siðar var hann skipaður ambassador í Frakklandi, sendiherra á Spáni, Portúgal, ítalíu og Belgíu; ambassador í Grikklandi 4. desember 1958. Hann var skipaður ráðuneytisstjóri í utanríkisráðuneytinu 1. janúar 1961 en fékk lausn 1. september 1969 og var sama dag skipaður ambassador í Noregi; hann var skipaður ambassador í Israel, ítalíu, Póllandi og Tékkóslóvakíu 27. janúar 1970. Agnar Klemens var ritari utanríkismálanefndar 1943—51 og 1961—69. Hann sat í fjölmörgum nefndum fyrir hönd rikisins og gegndi ýmsum trúnaðarstörfum, átti m.a. sæti í sendinefnd íslands hjá Sameinuðu þjóðunum í tvö ár. Hann var sæmdur heiðursmerkjum margra þjóða. Ýmis rit liggja eftir Agnar Klemenz Jónsson, m.a. Lögfræðingatal og Stjórnarráð Islands 1904—1964, margvísleg rit um utanríkismál og lögfræði.
Maki: Ólöf Bjarnadóttir. Þau eignuðust fjögur börn.

Agnar Magnússon (1907-1970)

  • S02713
  • Person
  • 08.02.1907-04.03.1970

Agnar Magnússon, f. 08.02.1907, d. 04.03.1970. Foreldrar: Magnús Einar Jóhannsson, f. 1874, læknir á Hofsósi og Rannveig Tómasdóttir. Maki: Anna G. Laxdal, f. 1922, d. 1999. Þau eignuðust 6 börn. Bjuggu allan sinn búskap í Reykjavík, síðast að Hólmgarði 3.

Ake Hanson

  • Person

Ake var prófessor í Lundi í Svíþjóð

Albert Guðmundsson (1925-1994)

  • S0?
  • Person
  • 1925-1994

Albert var fæddur í Reykjavík. Foreldrar: Guðmundur Gíslason gullsmiður og kona hans Indíana Katrín Bjarnadóttir húsfreyja. Börn:Helena Þóra, Ingi Björn og Jóhann Halldór.
Samvinnuskólagenginn, Verslunarnám frá Skotlandi.
Atvinnumaður í knattspyrnu, heildsali í Reykjavík. Fjármálaráðherra, iðnaðarráðherra. Sendiherra Íslands í París.

Albert Guðmundur Sölvason (1903-1971)

  • S00975
  • Person
  • 1. júlí 1903 - 5. nóvember 1971

Bátsformaður og vélamaður á Sauðárkróki 1930. Verkstjóri, vélsmiður og vélstjóri, síðast bús. á Akureyri.

Albert Kristjánsson (1865-1955)

  • S01096
  • Person
  • 22.11.1865-11.12.1953

Albert Kristjánsson f. 22.11.1865 á Kotá við Akureyri, d. 11.12.1955 á Páfastöðum. Foreldrar: Kristján Stefánsson, f. 1834 og Soffía Jónsdóttir, f. 1834. Soffía giftist síðar Jónasi Rögnvaldssyni bónda í Kjartansstaðakoti. Albert ólst upp með móður sinni og fluttist með henni innan við fermingaraldur til Skagafjarðar. Fór hann þá að vinna fyrir sér. Búfræðingur frá Hólum 1888. Bóndi á Páfastöðum 1889-1951. Sat í hreppsnefnd Staðrhrepps 1901-1916 og oddviti hennar 1904-1916. Tók mikinn þátt í félagsmálum og var m.a. einn af stofnendum Kaupfélags Skagfirðinga og Sláturfélags Skagfirðinga.
Maki: Guðrún Ólafsdóttir, f. 19.01.1856. Þau eignuðust 4 börn og náðu þrjú þeirra fullorðinsaldri.

Albert Sölvason (1903-1971)

  • Person
  • 1903-1971

Albert fæddist á Páfastöðum í Skagafirði .Foreldrar Alberts voru Sölvi Jónsson járnsmiður og kona hans Stefanía Ferdínansdóttir húsfreyja. Albert nam ketil-og plötusmíði, einnig var hann með vélstjórapróf.
Abert varð síðar framkvæmdastjóri á Akureyri.

Albert Sölvi Karlsson (1953-1997)

  • S01424
  • Person
  • 28.05.1953-17.02.1997

Albert Sölvi Karlsson, f. á Akureyri 28.05.1953, d. 17.02.1997. Foreldrar: Kristín Albertsdóttir (1930) og Karl Hólm Helgason (1930). Þau bjuggu saman á Akureyri í 3 ár en slitu þá samvistum og bjó ALbert Sölvi með móður sinni hjá foreldrum Kristínar, Albert Guðmundi Sölvasyni og Karólínu Guðmann, í Eiðsvallagötu 28 á Akureyri þar sem hann ólst upp. var
Faðir ALberts eignaðist 5 börn með seinni konu sinni, Selmu Guðmundsdóttur.
Albert Sölvi lauk námi frá Menntaskólanum á Akureyri 1975. Fór hann síðan í Háskóla íslands 1976 og dvaldi þar eitt misseri en varð að hætta þar námi vegna veikinda. Albert hélt síðan til Bandaríkjanna haustið 1977 og fór í háskóla Siu-C Carbondale í III. Lauk hann þar námi með B.A. í ensku og master gráðu í sögu. Þá snéri hann heim til íslands vorið 1983.
Albert kenndi í Menntaskólanum á Akureyri um tíma. En 1984 hóf hann að kenna hjá V.M.A og kenndi þar allt fram á síðasta dag. Á sumrin vann Albert sem næturvörður á Hótel Eddu á Akureyri í 22 ár.
Síðustu árin fór hann að skrifa og voru gefnar út eftir hann nokkrar bækur erlendis.

Albert Volker Lindemann (1899-1969)

  • S00168
  • Person
  • 17.08.1899-24.03.1969

Albert Volker Lindemann var fæddur í Þýskalandi þann 17. ágúst 1899.
Hann var veitinga- og forstöðumaður í Varmahlíð.
Fékk íslenskan ríkisborgararétt árið 1945.
Hann lést 24. mars 1969.

Albert Þiðriksson (1843-1916)

  • S01789
  • Person
  • 1843-1916

Albert ólst upp hjá foreldrum sínum, þar til móðir hans lést 1855, en var léttadrengur í Ljótsstöðum á Höfðaströnd 1855-1858. Þá fór hann til föður síns og vann búi hans á Sviðningi 1858-1859, síðan smali hjá hjónunum Jóni Árnasyni og Kristrúnu Guðmundsdóttur á Kálfsstöðum í Hjaltdal 1859-1862. Var fermdur hjá þeim árið 18++0 og fékk eftir farandi vitnisburð; "tæplega að sér í kunnáttu, skilningi og bóklestri, hægur og ekki óþægur". Albert var vinnumaður á ýmsum bæjum í Hjaltadal á árunum 1862-1875, eða þar til hann reisti bú á föðurleifð sinni, Bóndi á Sviðningi 1875-1876. Brá þá búi, seldi jörðina fyrir lítið verð og fór vestur um haf með konu sinni og dóttur þeirra nýfæddri. Lánuðu þau hjónin ýmsum fyrir fargjaldi vestur, svo þau áttu aðeins eftir einn dollar af jarðarverðinu er þau komu til Gimli. Albert var hið mesta valmenni, trúmaður í orðsins besta skilningi og vildit ekki vamm sitt vita í neinum hlut.. Hann var hjálpfís og hluttekningarsamur við þá sem bágt áttu. Hann var ráðvandur í öllum kaupum og sölu, orðheldinn og sannsögull. Laus var hann við alla hræsni, yfirdrepsskap og tvöfeldni.

Alda Sigurbjörg Ferdinandsdóttir (1944-)

  • S00346
  • Person
  • 11.03.1944

Alda Sigurbjörg Ferdinandsdóttir fæddist í Neðra-Ási í Hjaltadal þann 11. mars 1944.
Húsmóðir á Lóni og á Sauðárkróki.
Maður hennar er Benth U. Behrend (1943-).

Alda Vilhjálmsdóttir (1928-)

  • S00511
  • Person
  • 20.11.1928-

Foreldrar Öldu voru hjónin á Hvalnesi á Skaga, Vilhjálmur Árnason og Ásta Kristmundsdóttir. Alda kvæntist 30. maí 1953 Agli Bjarnasyni frá Uppsölum í Blönduhlíð, þau eignuðust fjögur börn. Þau bjuggu á Bárustíg á Sauðárkróki.

Aldís Guðnadóttir (1867-1943)

  • S02714
  • Person
  • 30.07.1867-11.02.1943

Aldís Guðnadóttir, f. 30.07.1867 í Vilinndanesi, d. 11.02.1943 á Gilsbakka. Foreldrar: Guðni Guðnason og Ingiríður Eiríksdóttir. Maki: Jón Jónsson. Þau eignuðust einn son. Voru búsett á Gilsbakka og Aldís bjó þar með Hjörleifi syni þeirra eftir að Jón féll frá og allt þar til Hjörleifur tók við búin 1918. Hún ól upp eina stúlku, Aldísi Sveinsdóttur frá Skatastöðum.

Aldís Sveinsdóttir (1890-1977)

  • S02716
  • Person
  • 13.10.1890-01.11.1977

Aldís Sveinsdóttir, f. 13.10.1890 á Breiðargerði í Tungusveit, d. 01.11.1977 á Kristnesi í Eyjafirði. Foreldrar: Sveinn Eiríksson og Þorbjörg Eiríksdóttir á Skatastöðum í Austurdal. Missti móður sína á níunda ári og hafði skömmu áður verið tekin í fóstur hjá Jóni Jónssyni og Aldísi Guðnadóttur á Gilsbakka. Var þar fram yfir tvítugt og fór þá vinnukona að Bústöðum. Fór á Sauðárkrók 1912 en var á Frostastöðum í Blönduhlíð 1914. Maki: Kristinn Jóhannsson, f. 02.12.1886 á Flugumýri í Blönduhlíð. Þau eignuðust fimm syni. Bjuggu í Borgargerði, Miðsitju og á Hjaltastöðum en frá 1930 á Sauðárkróki. Eftir að Aldís varð ekkja bjó hún um sinn á Sauðárkróki en fór síðar í vistir á ýmsa bæi, m.a. Flatatungu, Egilsá og Höskuldsstaði. Haustið 1947 fluttist hún til Akureyrar en mun líklega hafa komið aftur í Skagafjörð. A.m.k. var hún skráð til heimilis í Keflavík í Hegranesi árið 1950. Fór aftur til Akureyrar og vann m.a. við húshjálp. Að síðustu fór hún á dvalarheimili á Kristnesi og lést þar.

Alexander Barton Thom (1849-1926)

  • S02692
  • Person
  • 1849-1926

Alexander Barton Thom, fæddur í Stratford, Ontario í febrúar 1849. Foreldrar: Elizabeth Barton og John Strathearn Thom, skoskir innflytjendur. Kom til Manitoba kringum 1880 og opnaði þar ljósmyndastúdíó um svipað leyti. Ferðaðist mikið um vesturhluta Kanada og ljósmyndaði landslag. Rak ljósmyndastofur á ýmsum stöðum. Lést 22.04.1926.

Alexander Jóhannesson (1888-1965)

  • S00639
  • Person
  • 01.08.1889-07.06.1965

Alexander Jóhannesson, f. 15.07.1888 á Gili í Borgarsveit, d. 28.03.1934. Foreldrar: Jóhannes Davíð Ólafsson og Margrét Guðmundsdóttir. Alexander varð stúdent 1907, mag art í þýskum fræðum frá Kaupmannahöfn 1913 og doktor frá Halle í Þýskalandi 1915. Hann kenndi þýsku við Háskóla Íslands og jafnframt íslenska málfræði og germanska samanburðarmálfræði. Hann varð dósent 1926, prófessor 1930 og gegndi rektorsembætti 1932-1935, 1939-1942 og 1948-1954. Alexander átti mkinn þátt í að móta háskólahverfið sem formaður byggingarnefndar HÍ og sat einnig í ýmsum nefndum og ráðum. Hann skrifaði ýsmar bækur, bæði fræðirit og kennslubækur auk þess að skrifa um bókmenntir og þýða ljóð. Hann var mikill áhugamaður um flugmál og heitir flugvöllurinn við Sauðárkrók eftir honum.
Maki: Heba Geirsdóttir.

Alfreð Guðmundsson (1962-)

  • S002728
  • Person
  • 20.05.1962-

Alfreð Guðmundsson, f. 20.05.1962. Kennari í Árskóla á Sauðárkróki.

Alfreð Jónsson (1921-2011)

  • S02758
  • Person
  • 05.08.1921-22.03.2011

Alfreð Jónsson, f. að Stóru-Reykjum í Fljótum 05.08.1921, d. á Sauðárkróki 22.03.2011. Foreldrar: Jóns Guðmundsson, f. 1900 og Hlega Guðrún Jósefsdóttir, f. 1901. Alfreð var elstur 13 barna þeirra. Maki: Viktoría Lilja Guðbjörnsdóttir, f. 20.10.1924. Þau eignuðust sex börn en eitt þeirra dó í fæðingu. Alfreð ólst upp í foreldrahúsum í Fljótum. Fyrstu árin í Neðra-Haganesi, þá í Dæli og árið 1929 fluttist fjölskyldan í Móskóga. Vorið 1940 flutti hann með foreldrum sínum að Molastöðum. Hann fór ungur að vinna fyrir sér og aðstoða á heimili foreldra sinna. Alfreð og Lilja hófu búskap á Reykjarhóli 1944 og bjuggu þar til 1973, er Guðmundur sonur þeirra tók við búinu. Meðfram búskapnum stundaði Alfreð ýmis störf til sjós og lands, átti m.a. vörubíl sem hann vann að við gerð Skeiðsfossvirkjunar. Eftir að þau hættu að búa fluttu þau að Nýrækt í Fljótum og þaðan til Siglufjarðar en Alfreð vann þá hjá Vegagerð ríkisins á sumrin og var til sjós á veturna. Hann vann áfram hjá Vegagerðinni eftir að þau fluttu á Sauðárkrók 1978 og sigldi á millilandaskipum Sambandsins nokkra vetur. Einnig átti hann trillu eftir að hann hætti störfum vegna aldurs. Alfreð starfaði talsvert að félagsmálum, sat m.a. í hreppsnefnd Holtshrepps og var í stjórn Landssambands smábátaeigenda um tíma. Á efri árum sat hann við skriftir og skrifaði þætti í Skagfirskar æviskrár og endurminningaþætti sem birtust sumir birtust í Skagfirðingabók. Einnig lauk hann við að rita endurminningar sínar og gefa út fyrir fjölskyldu og vini. Þegar Alfreð og Lilja fluttu á Sauðárkrók byggði hann hús að Fornósi 9 og bjó þar til dánardags.

Alma Alvilda Anna Jóhannsdóttir Möller (1890-1959)

  • S02820
  • Person
  • 01.05.1890-05.07.1959

Alma Alvilda Anna Jóhannsdóttir Möller, f. 01.05.1890 á Blönduósi. Foreldrar: Katarina Alvilda María Möller (fædd Thomsen) og Jóhann G. Möller kaupmaður. Alma var yngst af stórum systkinahópi. Þrettán ára gömul missti hún föður sinn en ólst upp hjá móður sinni og systkinum. Eftir að bróðir hennar, Ólafur, sem stýrði verslun föður síns að honum látnum, lést í blóma lífsins fluttu þær mæðgur til Lúsindu systur Ölmu og eiginmanns hennar, Gísla Ísleifssonar sýslumanns á Blönduósi. Þar dvöldi þær Gísli fluttist til Reykjavíkur 1913 en þá fluttu þær mæðgur til Sauðárkróks. Móðir Ölmu fluttist svo með henni að Kornsá. Alma var mjög trúhneigð og músíkölsk.
Maki: Runólfur Björnsson frá Kornsá. Þau eignuðust sjö börn. Þau hófu búskap á parti jarðarinnar 1914. Slitu síðar samvistir og eftir það dvaldi Alma að mestu hjá börnum sínum, síðustu árin mesxt hjá Ingunni dóttur sinni í Keflavík.

Alma Hagen Bellingham

  • S0
  • Person

Fædd í Kanada. Borga móðir hennar og Kristmundur eru systrabörn.

Amalía Sigurðardóttir (1890-1967)

  • S00355
  • Person
  • 25.05.1890 - 14.06.1967

Amalía Sigurðardóttir fæddist á Víðivöllum í Akrahreppi þann 25. maí 1890.
Hún var á húsfreyja á Vatni á Höfðaströnd og á Víðimel í Seyluhreppi.
Fyrri maður hennar var Jón Kristbergur Árnason (1885-1926).
Seinni maður hennar var Gunnar Jóhann Valdimarsson (1890-1967).
Amalía lést á Sjúkrahúsi Skagfirðinga 14. júní 1967.

Andrés Björnsson

  • S0
  • Person

Andrés var fæddur í Krossanesi í Vallhólma í Skagafirði. Foreldrar hans voru Björn Bjarnasson bóndi og Stefanía Ólafsdóttir húsfreyja. Andrés var Cand.mag í íslenskum fræðum og starfaði hjá breska upplýsingaráðinu frá 1943 til 1944, en hóf þá störf hjá Ríkisútvarpinu og var settur útvarpsstjóri 1968-1984. Andrés sótti námskeið í útvarps-og sjónvarpsfræðum við Bostonháskóla1959. Hann var aukakennari við M.R 1943-1945 og aukakennari hjá Verslunarskóla Íslands 1952-1955.
András gegndi mörgum félags - trúnaðarstörfum, m.a.stjórnarformaður Sinfóníuhljómsveitar Íslands 1968 -1982 og formaður Tónskáldasjóðs Ríkisútvarpsins. Sat í stjórn Hins fornvinafélags.
Andrés lagði stund á ritstörf og þýðingar s.s. rit eftir Knut Hamsun, Somerset Maugham og margt annað liggur eftir hann.
Hann kvæntist árið 1947, Margréti Villhjálmsdóttur húsfreyju. Þau eignuðust fjögur börn.

Andrés Daníelsson (1879-1954)

  • S0
  • Person
  • 1879-1954

Andrés var fæddur á Harastöðum á Skagaströnd í Austur -Húnavatnssýslu. Foreldrar hans voru Andrés Daníelsson bóndi og kona hans Hlíf Jónsdóttir. Andrés átti þrjá bræður og misstu þeir föður sinn ungir að árum. Hann flutti ungur til Vesturheims og fjölskyldan öll. Tóku sér búsetu í Blaine í Washingtonfylki.
Eiginkona Andrésar var Guðbjörg Vilhelmína Ingimundardóttir. Þau áttu engin börn saman, en tóku að sér stúlku.
Andrés vann í fyrstu við verslun, en varð síðar fasteignasali. Daníel var einnig bæjarráðsmaður, þingmaður, fylkisstjóri; og friðdómari um tíma. Hann lést árið 1954. Daníel var bróðir Árna Daníelssonar, tengdaföður Kristmundar.

Andrés Þorsteinsson (1890-1959)

  • S02821
  • Person
  • 17.04.1890-14.03.1959

Andrés Þorsteinsson, f. 17.04.1890 á Ytri-Hofdölum, d. 14.03.1959 á Landspítalanum. Foreldrar: Þorsteinn Hannesson bóndi á Hjaltastöðum og kona hans Jórunn Andrésdóttir. Andrés ólst upp hjá foreldrum sínum til níu ára aldurs á Ytri-Hofdölum en þá fluttust þau í Hjaltastaði. Andrés hlaut venjulega undirbúningsfræðslu í heimahúsum en veturinn 1911-1912 fór hann í unglingaskólann á Sauðárkróki. Veturinn eftir var hann í bændaskólanum á Hólum en lauk ekki prófi þaðan. Næstu árin var hann heima og vann að búi móður sinnar. Eftir að búskap lauk fluttist Andrés til Siglufjarðar. Fyrstu árin þar van hann við ýmis störf, .a. útgerð um skeið. Einnig í flatningsverksmiðju O.Tynes í nokkur sumur. Á vetrum var hann á verkstæði h.f. Odda á Akureyri og hlaut þar meistararéttindi vélsmiða. Árið 1926 tók hann minna mótorvélstjórapróf á Siglufirði. Stofnandði vélaverkstæði og rak til dauðadags.
Maki: Halldórs Jónsdóttir, f. 22.02.1896 frá Torfhóli í Óslandshlíð. Þau eignuðust einn son. Fóstursonur þeirra var Andrés Pétursson, f. 31.08.1911.

Angantýr H. Hjálmarsson (1919-1998)

  • S0
  • Person
  • (1919-1998)

Angantýr var Eyfirðingur. Hann var kennari og skólastjóri og formaður Náttúruverndarnefndar í Eyjafjarðarsýslu. Var í Syðri-Villingadal í Saurbæjarsókn.

Anna Aðalbjörg Gunnlaugsdóttir (1915-1993)

  • S00382
  • Person
  • 08.10.1915-01.07.1993

Anna Aðalbjörg Gunnlaugsdóttir ólst upp í Víðinesi. Foreldrar hennar voru Gunnlaugur Jónsson og Sigríður Guðmundsdóttir. Haustið 1933 fór Anna til Reykjavíkur að læra sauma hjá Andrési Andréssyni klæðskera. Haustið 1934 réðst hún sem vinnustúlka að Hólum til Steingríms Steinþórssonar og Theodóru Sigurðardóttur. Haustið 1935 kvæntist hún Páli Sigurðssyni og hófu þau sambúð í torfbænum á Hólum, þau bjuggu á Hólum í 10 ár en fluttu þá að Hofi í Hjaltadal þar sem þau bjuggu til 1963. Þá fluttust þau til Akureyrar þar sem Anna starfaði á saumastofum í bænum. Þau hjónin fluttu svo til Sauðárkróks 1985 og bjuggu þar til æviloka. Þau eignuðust þrjú börn.

Anna Björnsdóttir (1867-1917)

  • S02768
  • Person
  • 13.11.1867-23.09.1917

Anna Björnsdóttir, f. 13.11.1867 í Stóragerði, d. 23.09.1917 í Enni. Foreldrar: Björn Illugason og Helga Jónsdóttir í Enni í Viðvíkursveit.
Maki: Snorri Bessason, f. 18.09.1862. Þau giftu sig og hófu búskap í Stóragerði í Óslandshlíð 1890 og bjuggu þar þrjú ár. Bjuggu í Hringveri 1893-99, í Garðakoti 1899-1916 og í Enni 1916-1918 en Snorri brá búi ári eftir andllát Önnu.
Anna og Snorri eignuðust fimm börn sem upp komust.

Anna Cathrine Schiöth (1846-1921)

  • S01231
  • Person
  • 10.04.1846-27.04.1921

Fædd í Kaupmannahöfn 10. apríl 1846. Faðir: Larsen, úrsmíðameistari í Kaupmannahöfn. Móðir: Clara Cathrine Larsen. Anna fluttist til Íslands 1868. Hún lærði ljósmyndun í Kaupmannahöfn veturinn 1877-1878. Rak ljósmyndastofu í nafni eiginmanns síns (H. Schiöth) á Akureyri á sumrin 1878-1899. Arnór Egilsson keypti ljósmyndastofuna 1899.
Maki: Peter Frederik Hendrik Schiöth bakarameistari, síðar póstmeistari (1841-1923). Þau eignuðust fimm börn.

Anna Dóra Antonsdóttir (1952-

  • S02575
  • Person
  • 1952

Anna Dóra er fædd á Dalvík. Hún lauk kennaraprófi og MA í sagnfræði. Býr í Reykajavík.

Anna Elín Kristjánsdóttir (1863-1928)

  • S01249
  • Person
  • 20.06.1863-10.01.1928

Ekkja Jónasar Jónassonar, þau voru kennd við Tjörn í Borgarsveit. Anna Elín varð ekkja 1901 eftir Jónas Jónasson, f. 24.11. 1851 á Auðunarstöðum í Víðidal, er síðar var ferjumaður á Tjörn í Borgarsveit, en veiktist skyndilega og fluttu þau á Sauðárkrók þar sem hann lést. Anna Elín fluttist með fjögur börn sín til Vesturheims 1902. Þau bjuggu öll í Mountain N-Dak. Anna Elín giftist aftur Guðna Gestssyni, f. 2.5. 1862 á Langanesi, d. 18.6. 1923. Var hann ekkjumaður eftir fyrri konu og þrjú börn.

Anna Erlendsdóttir Ólafsson (1886-1947)

  • S01082
  • Person
  • 5. júní 1886 - 16. ágúst 1947

Húsfreyja á Geirseyri við Patreksfjörð. Húsfreyja á Þrúðvangi , Eyrasókn, V-Barð. 1930.

Anna Friðriksdóttir (1909-1993)

  • S01357
  • Person
  • 22. desember 1909 - 2. janúar 1993

Var á Eyrarlandsvegi 8, Akureyri, 1910. Húsfreyja á Sauðárkróki 1930. Síðast bús. á Sauðárkróki. Fædd 21.12.1909 skv. kb.

Anna Gunnlaugsdóttir (1898-1964)

  • S01105
  • Person
  • 29. mars 1898 - 4. apríl 1964

Var í Gunnlaugsbæ, Hvanneyrarsókn, Eyj. 1901. Fór til Vesturheims 1913 frá Siglufirði, Hvanneyrarhreppi, Eyj. Húsfreyja á Siglufirði 1930.

Anna Guðmundsdóttir (1916-1990)

  • S02773
  • Person
  • 03.06.1916-14.09.1990

Anna Guðmundsdóttir, f. 03.06.1916 í Hvarfsdal í Dölum, d. 14.09.1990. Foreldrar: Guðmundur Ari Gíslason Kaldbak, f. 1880, bóndi í Steinholti í Staðarhreppi og kona hans Sigríður Helga Gísladóttir, f. 1891. Anna ólst upp hjá foreldrum sínum fyrstu árin, en þau bjuggu þá í Dölum og Snæfellssýslu. Þau fluttu svo til Skagafjarðar og fór Anna fljótlega eftir það í fóstur til Jóns Sigurðssonar og Sigrúnar Pálmadóttur á Reynistað og ólst þar upp frá sex ára aldri. Hún flutti til Siglufjarðar 1933 og var þar í eitt ár. Fór þá til Reykjavíkur. Húsmóðir og starfsmaður við matreiðslu í Hafnarhúsinu í 16 ár. Síðar lengi við Laugarnesskóla og loks forstöðumaður Athvarfsins þar.
Maki: Einar Sigurjón Magnússon, bifreiðastjóri hjá Hreyfli, f. 14.10.1906. Þau eignuðust fjögur börn en ólu auk þess upp dóttur Einars frá fyrra hjónabandi.

Anna Hrefnudóttir (1956-)

  • S02018
  • Person
  • 18.05.1956-

Anna Hrefnudóttir fæddist og ólst upp í Krossgerði við Berufjörð. Flutti til Reykjavíkur 17 ára gömul og átti heima að mestu leyti í Reykjavík. Hefur síðan búið víða um land.
Myndlistanám:
Nám í Myndlista- og handíðaskóla Íslands 1988 til 1992. Útskrifuð þaðan úr grafíkdeild 1992.
Myndlistaskólinn í Reykjavík 1986 og 1987.
Gestanemandi í Vestlandets Kunstakademi Bergen, Noregi haustið 1991.
Annað nám:
Útskrifuð úr kennslu- og uppeldisfræði, fyrir list- og verkgreinar, frá Kennaraháskóla Íslands 1998.
Einkasýningar:
Söxu Stöðvarfirði 2011
Gallerý Snærós Stöðvarfirði 2009
Gallerý Úlfur Baldursgötu 11, Reykjavík sept. 2006
Munaðanesi, Borgarfirði, júní til sept. 2005
H&iocute;tel Bláfell Breiðdalsvík 2005 - Acrylmálverk ÞETTA ER 'ÉG
Franskir dagar Fáskrúðsfirði. 2005 - Acrylmyndir og ljóð - PORTRETT AF MANNI OG KONU
Djazzhátíŵ - Egilsstaða, Valaskjálf, 24.- 26. júní 2004 - SKRIFAÐ í SANDINN
Næsti bar Ingólfsstræti 1 A, 15. feb. til 14. mars. 2003 - Acrylmyndir og ljóð
Kosningaskrifstofa VG í Reykjavík apríl 2003
Safnahúsinu Sauðárkróki, 12. til 20. okt. 2002 - Myndir og ljóð -
Staðarborg í Breiðdal, ágúst til okt. 2002 - Myndir og ljóð - -
Hrísey á Fullveldishátíð í júlí 2002
Listhúsinu Laugardal Reykjavík, ágúst 2001 - Myndir og ljóð -
Deiglan Akureyri, feb. 2001 - Gefðu mér auga -
Galleríið Hjá Þeim Reykjavík 1994
Hvammur í Hrísey 1993

Samsýningar:
Stöð í Stöð Stöðvarfirð 2006
Næsti bar Ingólfsstræti 1 A, apríl til maí. 2003 - OrÐ -
Kosningaskrifstofa VG í Keflavík apríl 2003
Kvennaráðstefnan Nordisk Forum Turku, Finnlandi 1994
Vest-norræn kvennaráðstefna á Egilsstöðum 1992

Önnur störf viðkomandi myndlist:
Kennsla í myndmennt í Digranesskóla 1997 til 2000 og í grunnskólanum í Hrísey 1992 til 1993.

Anna Ingibjörg Jónsdóttir (1871-1960)

  • S01944
  • Person
  • 06.07.1871-19.12.1960

Anna var fædd á Miklabæ í Óslandshlíð. Anna hafði yndi af lestri góðra boka, þá sjaldan tími vannst til frá öðrum skyldustörfum fyrr á árum. Ljóðelsk var hún og söngvin, kunni ógrynni af lögum og hafði fallega rödd. Hún lærði karlmannafatasaum á yngri árum frá Ingibjögu Pétursdóttur klæðskera á Sauðárkróki og var eftirsótt til þess starfs fram á efri ár. Einnig var hún vetrartíma hjá frú Sigríði Jónsdóttur á Reynistað við nám.

Anna Jóhannsdóttir (1930-1998)

  • S0?
  • Person
  • (1930-1998)

Anna fæddist í Neskaupstað. Foreldrar: Jóhann Sveinsson og Klara Hjelm. Maki: Þorsteinn Árnason læknir frá Sjávarborg í Skagafirði. Börn: Klara, Árni, Þorsteinn og Daníel. Anna og Þorsteinn bjuggu um tíma á Sjávarborg í Skagafirði. Anna var svilkona Kristmundar.

Anna Jónsdóttir (1867-1911)

  • S002736
  • Person
  • 13.08.1867-06.11.1911

Anna Jónsdóttir, f. 13.08.1867, d. 06.11.1911. Var í Reykjavík. Húsfreyja á Höfða í Skutulsfirði. Maki: Kristmundur Jónsson bóndi þar.

Anna Jónsdóttir (1922-2009)

  • S00362
  • Person
  • 06.08.1922 - 14.07.2009

Anna Jónsdóttir fæddist 6. ágúst 1922. Dóttir Sigurlaugar Sigurðardóttur frá Hvalnesi og Jóns Pálmasonar frá Svaðastöðum. Stjúpfaðir Önnu var Gunnlaugur Björnsson frá Brimnesi. Anna ólst upp á Brimnesi hjá móður sinni og stjúpa og byggði svo nýbýlið Laufhól í Viðvíkursveit ásamt Steingrími Vilhjálmssyni manni sínum. Steingrímur og Anna eignuðust tíu börn.

Anna Karólína Nordal (1902- 1998)

  • S0?
  • Person
  • 1902-1998

Anna fæddist í Kanada og kom aldrei til Íslands. Foreldrar: Rósa Davíðsdóttir Nordal og Lárus Bjarni Rafnsson Nordal.

Anna Kristín Gunnarsdóttir (1952-)

  • Person
  • 06.01.1952

Fædd á Sauðárkróki 6. janúar 1952. Foreldrar: Gunnar Þórðarson (fæddur 6. október 1917) fyrrverandi yfirlögregluþjónn og bifreiðaeftirlitsmaður og kona hans Jófríður Björnsdóttir. Maki (23. júní 1979): Sigurður Jónsson (fæddur 7. janúar 1952) kennari, þau eiga fjögur börn. Stúdentspróf MA 1972. Frönskunám við Université de Paris Cencier 1974 og 1975. Kennarapróf KHÍ 1979. Diplóma í menntunarfræðum KHÍ 1998. Meistaranám í menntunarfræðum KHÍ frá 1998. Ýmis námskeið í kennslufræðum 1980–1997.

Starfaði í gestamóttöku Hótel Sögu 1975–1979. Kennari við Gagnfræðaskóla Sauðárkróks 1979–1990. Kennari við Fjölbrautaskóla Norðurlands vestra á Sauðárkróki í hlutastarfi 1979–1996. Framkvæmdastjóri Farskóla Norðurlands vestra – miðstöðvar símenntunar 1995–2003. Bæjarfulltrúi á Sauðárkróki 1986–1998. Í hérðsnefnd Skagfirðinga 1994–1998. Fulltrúi menntamálaráðuneytisins á ársfundi Nordens folkliga akademi í Svíþjóð 1997–2002. Varamaður í stjórn Landssímans 1999–2001. Varamaður í stjórn Byggðastofnunar 1999–2003. Í útvarpsráði 1999–2003. Stjórnaði tilraunaverkefninu Learning Community innan Leonardo da Vinci starfsmenntaáætlunar ESB 2000–2003.

Alþingismaður Norðvesturkjördæmis 2003–2007 (Samfylkingin). Varaþingmaður Norðurlands vestra mars 1992, janúar–febrúar 1994 (Alþýðubandalag) og apríl–maí 2002 (Samfylkingin). Fjárlaganefnd 2003–2005, landbúnaðarnefnd 2003–2007, samgöngunefnd 2005–2007. Íslandsdeild Vestnorræna þingmannaráðsins 2004–2007.

Anna Kristín Jóhannsdóttir (1865-1930)

  • S02824
  • Person
  • 25.03.1865-24.03.1930)

Anna Kristín Jóhannsdóttir, f. 25.03.1865 að Gröf á Höfðaströnd, d. 24.03.1930 á Siglufirði. Foreldrar: Jóhann Bjarnason og kona hans Halldóra Þorfinnsdóttir.
Maki: Jón Jónsson, f. 1861. Þau eignuðust sjö börn.
Þau bjuggu á Torfhóli í Óslandshlíð 1887-1897, Stóragerði 1897-1906, Brekkukoti 1906-1909. Brugðu þá búi en reistu aftur bú á Torfhóli 1911. Voru þar til 1918. Brugðu þá búi og fluttust til Hofsóss. Fluttist þaðan til Siglufjarðar, til Halldóru dóttur sinnar. Þar dó Anna Kristín.

Anna Kristín Jónsdóttir (1865-1941)

  • S00775
  • Person
  • 29.03.1865-18.10.1941

Var ráðskona hjá Jónasi Egilssyni bónda á Völlum í Vallhóli. Þau áttu börn saman Sigurlaug f. 8. júlí og Haraldur hreppstjóri á Völlum, Egill dó ókvæntur og barnlaus. Áður en Anna varð ráðskona hjá Jónasi var hún gift Jóni Magnússyni og áttu þau barn saman Jón Kristinn b. á Syðri-Húsabakka.

Anna Lísa Bang (1942-)

  • S02877
  • Person
  • 14.10.1942-

Anna Lísa Bang (áður Anne Lise Bang) f. 14.10.1942. Foreldrar: Ole Bang og

Anna Magnea Eiríksdóttir (1908-1993)

  • S01515
  • Person
  • 15.10.1908 - 10.06.1993

Anna Magnea Eiríksdóttir fæddist 15. október 1908.
Hún dvaldi lengst af hjá móður sinni, Önnu Sigríði Magnúsdóttur á Reykjahóli á Bökkum, Haganeshreppi og síðar Árna bróður sínum eftir að hann tók við búsforráðum þar.
Anna lést á Borgarspítalanum 10.06.1993.

Anna Margrét Magnúsdóttir (1873-1959)

  • S01054
  • Person
  • 18.11.1873-16.07.1959

Var dóttir Magnúsar Ólafssonar bónda og hreppstjóra á Möðruvöllum, móðir var Marselína Kristjándsdóttir húsfreyja á Möðruvöllum. Nám Önnu Margrétar var á Laugalandi í kvennaskóla árin 1889-1892. Lærði ljósmyndun í Kaupmannahöfn um 1897. Mun hafa lært matreiðslu samtímis. Lærði handavinnu, útsaum og hattagerð í Kaupmannahöfn um árið 1901. Hún rak ljósmyndastofu í Lækjargötu 3, Akureyri 1898-1901. Rak vesrlun með hannyrðavörur og hvenhatta í Lækjargötu 3 frá 1902 og síðar í Brekkugötu 1b. Rak handavinnuskóla á Akureyri 1911-1922 og ef til vill lengur og kenndi þar sjálf útsaum. Fluttist frá Akureyri um 1930 og var það m.a. búsett í R.vík. á Siglufirði og í Vestmannaeyjum. Um tíma forstöðukona barnaheimilissins Sumargjafar, Grænuborgar og vesturborgar í R.vík og einnig barnaheimilis á Siglufirði

Anna Margrét Þuríður Kristjánsdóttir Möller (1846-1918)

  • S00809
  • Person
  • 28.08.1846-20.02.1918

Dóttir Kristjáns Möller veitingamanns í Reykjavík og Sigríðar Magnúsdóttur. Fyrri maður Önnu var Jósef Gottfreð Blöndal verslunarstjóri í Grafarósi og áttu þau saman þrjú börn. Jósef Blöndal lést 1880. Í september 1885 giftist Anna Jean Valgard Claessen kaupmanni á Sauðárkróki. Saman eignuðust þau fjögur börn, tvö þeirra komust á legg. Fyrir átti Jean Valgard fjögur börn með Kristínu Eggertsdóttur Briem, sem Anna gekk í móðurstað.

Anna Petrína Jakobsdóttir (1881-1970)

  • S00653
  • Person
  • 22.06.1881-1970

Dóttir Jakobs Pálmasonar b. í Dæli, síðar í Auðnum í Sæmundarhlíð og Sigríðar Sveinsdóttur frá Enni í Viðvíkusveit. Anna Petrína fluttist til Vesturheims með móður sinni árið 1887. Kvæntist Albert Kristjánssyni frá Ytri Tungu á Tjörnesi, hann var prestur og fylkisþingmaður Bændaflokksins (progressive) og sat eitt kjötímabil.

Anna Pála Guðmundsdóttir (1923-2018)

  • S00113
  • Person
  • 2. sept. 1923 - 24. des. 2018

Dóttir Dýrleifar Árnadóttur frá Utanverðunesi og Guðmundar Sveinssonar frá Hóli í Sæmundarhlíð, síðar full­trúi og skrif­stofu­stjóri Kaup­fé­lags
Skag­f­irðinga. Anna Pála giftist Ragnari Pálssyni frá Þrastarstöðum, síðar útibússtjóri Búnaðarbankans á Sauðárkróki og eignuðust þau 7 börn.

Anna Pétursdóttir (1914-1976)

  • S00229
  • Person
  • 11.06.1914-24.09.1976

Anna Pétursdóttir, f. 11.06.1976 á Akureyri, d. 34.09.1976 í New York. Foreldrar: Pétur Pétursson kaupmaður og Þóranna Pálmadóttir. Anna sleit barnsskónum á Akureyri og gekk þar í gagnfræðaskóla. Þaðan fluttist hún með foreldrum sínum til Siglufjarðar en síðan til Reykjavíkur þar sem hún stundaði ýmis skrifstofustörf. Maki 1: Kristján Jónasson læknir. Héldu þau saman vestur um haf árið 1942 þegar Kristján fór til framhaldsnáms, fyrst til Kanada og síðan til Rochester í Bandaríkjunum. Kristján og Anna eignuðust einn son. Árið 1946 komu þau aftur til Íslands. Kristján lést af slysförum ári síðar. Eftir það vann Anna ýmis verslunar- og skrifstofustörf í Reykjavík.
Maki 2: Ólafur G. Jónsson. Þau bjuggu lengst á Kársnesbraut 107 í Kópavogi. Eignuðust saman eina dóttur. Fóru til New York árið 1969 og bjuggu ytra þar til Anna lést.

Anna Rósa Pálsdóttir (1880-1923)

  • S00563
  • Person
  • 02.01.1880 - 26.04.1923

Anna Rósa Pálsdóttir fæddist að Syðri-Brekkum 2. janúar 1880, dóttir Páls Pálssonar og Dýrleifar Gísladóttur.
Hún var húsfreyja að Utanverðunesi í Hegranesi og síðar á Sauðárkróki.
Maður hennar var Árni Magnússon (1872-1936), þau eignuðust tvö börn.

Anna Rögnvaldsdóttir (1878-1955)

  • S00681
  • Person
  • 05.08.1878-02.05.1955

Dóttir Rögnvalds Þorleifssonar og Guðrúnar Jónsdóttur. Kvæntist Jóni Erlendssyni frá Gröf á Höfðaströnd, þau bjuggu myndarlegu búi að Marbæli í Óslandshlíð. Anna og Jón eignuðust sjö börn.

Anna S. Björnsson (1952

  • S0
  • Person
  • 1952

Foreldrar: Ólafur Sveinsson Björnsson og konu hans Þórunnar Árnadóttur.

Anna S. Gunnarsdóttir, Egilsá (1904-1982)

  • S0
  • Person
  • 1904-1982

Anna var fædd í Keflavík í Hegranesi í Skagafirði. Foreldrar hennar voru Gunnar Ólafsson bóndi og Sigurlaug Magnúsdóttir húsfreyja. Maki: Guðmundur Friðfinnsson á Egilsá. Þau hjón eignuðust þrjár dætur, þær Kristínu,Sigurlaugu og Sigurbjörgu Lilju. Þau hjón voru mjög samhent, m.a. skógrækt og blómarækt. Anna og Guðmundur ráku barnaheimili um tíma.
Anna var afar gestrisin, gjafmild, geðgóð og gamansöm. Einnig var hún mikill íslenskuvinur og gerði strangar kröfur til sjálfrar sín í þeim efnum.

Anna Sigríður Albertsdóttir (1920-1997)

  • S00423
  • Person
  • 16.05.1920 - 22.11.1997

Anna Sigríður Albertsdóttir fæddist í Reykjavík 16. maí 1920.
Hún var búsett í Reykjavík.
Fyrri maður hennar var Walter Theódór Ágústsson (1926-1952).
Seinni maður: Tryggvi Eyjólfsson, þau slitu samvistum.

Anna Sigríður Bogadóttir (1912-1972)

  • S00395
  • Person
  • 09.10.1912 - 12.04.1972

Anna Sigríður Bogadóttir fæddist á Hólum í Austur-Fljótum 9. október 1912.
Hún var húsfreyja á Sólbakka á Hofsósi.
Maður hennar var Jón Kjartansson (1907-1981).

Anna Sigurbjörg Gunnarsdóttir (1904-1982)

  • S00425
  • Person
  • 01.04.1904 - 20.05.1982

Anna Sigríður Gunnarsdóttir fæddist í Keflavík í Hegranesi 1. apríl 1904. Hún var dóttir Gunnars Ólafssonar og Sigurlaugar Magnúsdóttur.
Anna var húsfrú á Egilsá í Akrahreppi í Skagafirði.
Maður hennar var Guðmundur Liljendal Friðfinnsson (1905-2004).

Anna Sigurbjörg Jóhannsdóttir (1927-2006)

  • S01545
  • Person
  • 05.02.1927 - 06.09.2006

Anna Sigurbjörg Jóhannsdóttir fæddist 5. febrúar 1927 á Skriðulandi í Kolbeinsdal í Skagafirði.
Maður hennar var Ásgeir Sæmundsson (1923-2007), rafmagnstæknifræðingur. Þau kynntust árið 1948 og hófu búskap hjá föður Ásgeirs á Spítalastígnum í Reykjavík. Þau giftu sig árið 1953 og fluttu um svipað leyti að Snekkjuvogi 3. Árið 1956 fluttu þau á Fornhaga 11 og bjuggu þar að frátöldum Andakílsárunum. Yngsta dóttir þeirra bjó hjá þeim, ásamt dóttur sinni.
Anna lést í Reykjavík 6. september 2006

Results 1 to 85 of 3185