Foreldrar: Snorri Bessason og Anna Björnsdóttir, þá búsett í Garðakoti í Hjaltadal, síðar í Enni í Viðvíkursveit og síðast í Reykjavík. Var bifreiðastjóri í Reykjavík.
Maki: Oddný Einarsdóttir frá Hamragerði í Eiðaþinghá, f. 24.05.1907, d. 22.11.1983. Þau eignuðust eina dóttur.

Zóphónías Pálsson fæddist á Hvanneyri í Borgarfirði 17. apríl 1915. ,,Hann var næstelstur sex barna hjónanna Guðrúnar Hannesdóttur frá Deildartungu í Borgarfirði og Páls Zóphóníassonar, alþingismanns og búnaðarmálastjóra. Zóphónías ólst upp á Hólum í Hjaltadal frá fjögurra ára aldri, þar sem faðir hans var skólastjóri Bændaskólans, en 1928 fluttist hann með foreldrum sínum til Reykjavíkur. Að loknu stúdentsprófi frá Menntaskólanum í Reykjavík stundaði Zóphónías nám í mælingaverkfræði við Landbúnaðarháskólann í Kaupmannahöfn og lauk þaðan prófi árið 1939. Starfaði hann síðan í Danmörku, aðallega hjá Geodætisk Institut, bæði í Óðinsvéum og í Kaupmannahöfn, fram til ársins 1945 er hann fluttist með fjölskyldu sinni heim til Íslands og hóf starf sem verkfræðingur hjá Skipulagi bæja og kauptúna. Var hann síðan yfirverkfræðingur þar árin 1950 til 1954 en þá var hann skipaður skipulagsstjóri ríkisins og gegndi hann því embætti til ársins 1985 er hann lét af störfum vegna aldurs. Zóphónías vann þar áfram um skeið að tilteknum skipulagsmálum og var einnig nokkur ár starfandi hjá varnarmáladeild utanríkisráðuneytisins. Árin 1945 til 1954 kenndi hann við Iðnskólann í Reykjavík og var prófdómari þar til 1985. Zóphónías var einnig prófdómari við verkfræðideild HÍ frá 1948 til 1985. Hann var félagi í Rótarýklúbbnum Reykjavík Austurbær frá stofnun hans árið 1963."
Hinn 20. desember 1940 kvæntist Zóphónías Lis Nellemann, þau eignuðust fjögur börn.

Zóphonías Magnús Jónasson, f. í Ökrum í Fljótum 12.09.1896, d. 02.04.1983. Foreldrar: Solveig Guðbjörg Ásmundsdóttir (1853-1921) og Jónas Jónasson (1853-1921). Þau bjuggu í Ökrum, Stóraholti og Molastöðum. Fluttu til Siglufjarðar er þau brugðu búi. Zóphonías var yngstur tíu systkina. Zophónías ólst upp á Ökrum til fjórtán ára aldurs en þá fluttist fjölskyldan að Stóraholti og tveimur árum síðar að Molastöðum. en gerðist bóndi á Molastöðum 1921-1923, flutti þá til Akureyrar. Vann þar við smíði laxastiga, að sprengja grjót og hlaða grjótkanta. Virku í starfi Framsóknarmanna.
Maki: Guðbjörg Jónsdóttir, húsfreyja (1901-1983). Þau eignuðust fimm börn.

Zóphónías Halldórsson, f. í Brekku í Svarfaðardal. Foreldrar: Halldór Rögnvaldsson (1816-1881) bóndi í Brekku og kona hans Guðrún Björnsdóttir (1800-1857). Zóphónías lærði undir skóla hjá sr. Páli Jónssyni sálmaskáldi á Völlum í Svarfaðardal. Hann varð stúdent í Reykjavík 1873 og cand theol. 1876. Honum voru veittir Goðdalir 1876 og Viðvík 1886. Settur prófastur í Skagafjarðarprófastdæmi 1889 og skipaður ári síðar. Var prestur í Viðvík og prófastur til æviloka. Ásamt Hjörleifi Einarssyni beitti hann sér fyrir stofnun Prestafélags hins forna Hólastiftis 1898 og var formaður þess frá stofnun til æviloka. Var formaður Kaupfélags Skagfirðinga frá 1889-1890. Stofnaði ýmis félög í heimasveit sinni og héraðinu, m.a. Lestrarfélag presta í Skagafjarðarsýslu, Lestrarfélag Viðvíkurhrepps, Búnaðarfélag Viðvíkurhreppps. Einnig stofnaði hann kristilegt ungmennafélag í prestakalli sínu. Var hreppsnefndaroddviti frá 1894-1904, sýslunefndarmaður frá 1898-1904. Var kennari við Hólaskóla nokkur síðustu árin og einnig fyrirlesari. Stundaði smáskammtalækningar og starfaði mikið að bindindismálum. Hlaut Riddarakross Dannebrogs 1905. Ritaði í Tíðindi prestafélags Hólastiftis og greinar í Kirkjublaðið, Nýja kirkjublaðið og Bjarma.
Maki: Jóhanna Soffía Jónsdóttir (1855-1931) frá Hafnarfirði. Þau eignuðust þrjá syni.

Vilhjálmur er minkaveiðimaður og bóndi á Sílalæk í Aðaldal. Kona hans er Sigrún Baldursdóttir.

Foreldrar: Jónas Jónsson b. og smáskammtalæknir í Hróarsdal í Hegranesi og 3.k.h. Lilja Jónsdóttir. Bóndi og smiður á Ytri-Brekkum. Kvæntist Pálínu Níelsínu Konráðsdóttur frá Ytri-Brekkum.

Vilhjálmur Þ. Gíslason, f. 16.09.1897, d. 19.05.1982. Foreldrar: Þorsteinn Gíslason ritstjóri og skáld og kona hans Þórunn Pálsdóttir. Vilhjálmur ólst upp í Ryekjavík. Hann varð stúdent 1917, lagði stund á íslensk fræði og tók meistarapróf í norrænum fræðum 1923. Hann stundaði ritstörf, bæði fræðilegs efnis og skáldskap. Einnig starfaði hann við fréttamennsku og var fréttamaður útvarps. Árið 1935 varð hann bókmenntaráðunautur útvarpsins. Árið 1952 var hann skipaður útvarpsstjóri og gegndi því embætti til sjötugs.

Foreldrar: Hallgrímur Tryggvi Hallgrímsson b. á Hólum og k.h. Sigurbjörg Vilhjálmsdóttir. Vilhjálmur stundaði nám við Héraðsskólann á Laugarvatni 1937-1939, síðan húsasmíði í Vestmannaeyjum árin 1941-1945 og varð meistari í þeirri iðn. Árið 1943 kvæntist hann Heiðbjörtu og bjuggu þau í Vestmanneyjum fyrsta hjúskaparár sitt. Árið 1946 fluttu þau til Sauðárkróks og áttu þar heima síðan. Þar stofnaði Vilhjálmur ásamt fleirum trésmíðaverkstæðið Litlu-Trésmiðjuna, rak og stýrði því fyrirtæki til 1963. Þá var trésmiðjan Borg stofnuð og var Vilhjálmur einn af stofnendum og meðeigandi. Vilhjálmur var einnig prófdómari í iðn sinni á Sauðárkróki og víðar á Norðurlandi. Árið 1974 gerðist hann handavinnukennari við grunnskólann á Sauðárkróki og gegndi því starfi á meðan heilsa leyfði. Vilhjálmur og Heiðbjört eignuðust tvö börn.

Vilhjálmur Guðmundsson, f. á Refsteinsstöðum í Víðidal 06.01.1922, d. 14.09.2002 á Hvammstanga. Foreldrar: Sigurlaug Jakobína Sigurvaldasdóttir og Guðmundur Pétursson. Viðhjálmur hóf búskap á Hraunum í Fljótum 1945 en flutti árið 1967 að Gauksmýri i Vestur-Húnavatnssýslu. Síðustu árin bjó hann á Hvammstanga.
Maki: Jónína Hallgrímsdóttir frá Hrafnabjörgum á Héraði. Þau eignuðust fjögur börn og ólu einnig upp barnabarn sitt, Jónínu Rakel Gísladóttur.

"Fæddur á Sauðárkróki 18. desember 1952. Foreldrar: Egill Bjarnason (fæddur 9. nóvember 1927, dáinn 15. apríl 2015) ráðunautur og kona hans Alda Vilhjálmsdóttir (fædd 20. nóvember 1928) verkstjóri. Maki (12. október 1974): Ragnhildur Pála Ófeigsdóttir (fædd 17. september 1951) skáld og húsmóðir. Foreldrar: Ófeigur J. Ófeigsson og kona hans Ragnhildur Ásgeirsdóttir. Börn: Anna Katrín (1975), Bjarni Jóhann (1978), Ófeigur Páll (1985), Ragnhildur Alda (1990).
Stúdentspróf MA 1972. Viðskiptafræðipróf HÍ 1977. MA-próf í hagfræði Suður-Kaliforníu-háskóla í Los Angeles 1980 og doktorspróf 1982.
Framkvæmdastjóri SUS á sumrum 1976 og 1977. Hagfræðingur Félags íslenskra iðnrekenda sumurin 1978 og 1981. Hagfræðingur Vinnuveitendasambands Íslands 1982–1987. Framkvæmdastjóri Verslunarráðs Íslands 1987–2003. Fulltrúi (skrifstofustjóri) í framkvæmdastjórn Alþjóðagjaldeyrissjóðsins í Whashington 2003. Ráðuneytisstjóri í sjávarútvegsráðuneytinu 2004–2006. Framkvæmdastjóri Samtaka atvinnulífsins frá 2006.
Í deildarráði viðskiptadeildar Háskóla Íslands 1976–1977. Ritstjóri Hagmála 1975–1976. Í kauplagsnefnd 1982–1987. Í þriggjamannanefnd Verðlagsráðs 1983–1987, í Verðlagsráði frá 1987. Í stjórn Íslensk-ameríska félagsins frá 1983. Formaður Sambands ungra sjálfstæðismanna 1985–1987. Formaður EAN á Íslandi frá 1987 og formaður EDI-félagsins frá 1989. Stjórnarformaður Skjaldar hf., Sauðárkróki, 1989–1993. Í stjórn Handsals hf. 1991–1992. Í þingmannanefnd EFTA/EES frá 1991, formaður Íslandsdeildarinnar frá 1991 og formaður þingmannanefndarinnar 1991–1992. Formaður stjórnar Kvikmyndasjóðs 1994–2003.
Alþingismaður Norðurlands vestra 1991–2003 (Sjálfstæðisflokkur).
Varaþingmaður Norðurlands vestra febrúar–mars 1988.
Sjávarútvegsnefnd 1991–1996 og 1997–2003, efnahags- og viðskiptanefnd 1991–2003 (formaður 1995–2003), sérnefnd um stjórnarskrármál 1992–1993, 1996–1997 og 1999, sérnefnd um fjárreiður ríkisins 1995–1997, kjörbréfanefnd 2001–2003.
Íslandsdeild þingmannanefndar EFTA 1996–2003 (formaður).
Ritstjóri: Hagmál (1975–1976)."

Foreldrar: Eggert Briem sýslumaður á Reynistað og k.h. Ingibjörg Eiríksdóttir. Vilhjálmur lauk stúdentsprófi 1890 og prófi frá Prestaskólanum í Reykjavík 1892. Vígðist prestur á Goðdölum 1894 og þjónaði því brauði til 1899. Árið 1901 var honum veittur Staðarstaður sem hann þjónaði til 1912. Flutti það sama ár til Reykjavíkur og var starfsmaður Landsbankans 1912-1938 og Söfnunarsjóðs Íslands. Árið 1921 varð hann forstöðumaður Söfnunarsjóðsins og gegndi því starfi til 1956. Þegar Vilhjálmur bjó á Goðdölum beitti hann sér fyrir því að byggð yrði brú á Jökulsá vestari, var það mikið átak á þeim tíma. Kvæntist Steinunni Pétursdóttur frá Valadal, þau eignuðust þrjú börn og ólu upp einn fósturson.

Vilhjálmur Árnason, f. í Víkum á Skaga 30.10.1898, d. 09.09.1974 á Sauðárkróki. Foreldrar: Árni Antoníus Guðmundsson bóndi og smiður í Víkum og kona hans Anna Lilja Tómasdóttir. Vilhjálmur ólst upp í Víkum, þar sem forfeður hans höfðu búið margar kynslóðir. Hann ólst upp við landbúnaðarstörf og útgerð þar. Hann var bóndi í Víkum 1926-1934 fyrst á hálfri jörðinni og síðan allri. Bjó á Hvalnesi 1934-1956 og síðan á Sauðárkróki til æviloka. Þar stundaði hann ýmsa verkamannavinnu, m.a. í fiskvinnslu og á sláturhúsi.
Maki: Ásta Jónína Kristmundsdóttir (1902-1980).Þau eignuðust þrjú börn. Einnug ólu þau upp tvö fósturbörn, Karl Thomsen Hólm og Önnu Lilju Leósdóttur.

Vilhjálmur var lærður skósmiður en vann þó lengst af sem verkamaður í Reykjavík, m.a. við húsbyggingar o.fl. Kvæntist Elínu Sveinsdóttur frá Bjarnastaðahlíð. Þau bjuggu um tíma á Eyrarbakka, síðast í Reykjavík.

Dóttir Helga Péturssonar og Margrétar Önnu Sigurðardóttur, þau bjuggu m.a. á Geirmundarhóli í Hrollleifsdal og á Kappastöðum í Sléttuhlíð. Giftist Hróbjarti Jónassyni múrarameistara frá Hróarsdal í Hegranesi, þau eignuðust sex börn. Þau bjuggu lengst af á Hamri í Hegranesi. Vilhelmína starfaði um árabil með Kvenfélagi Rípurhrepps. Síðast búsett á Sauðárkróki.

Dóttir Guðmundar Sigurðssonar b. í Ytra-Vallholti og k.h. Guðrún Eiríksdóttir frá Djúpadal. Vilhelmína kvæntist Tómasi Skúlasyni b. í Álftagerði, síðar búsett í Reykjavík.

Sonur Lárusar Stefánssonar b. á Skarði og s.k.h. Sigríðar B. Sveinsdóttur. Daglaunamaður á Sauðárkróki 1930. Fór tíu ára gamall í fóstur að Veðramóti. Kvæntist Baldeyju Reginbaldsdóttur frá Látrum í Aðalvík, þau bjuggu á Dalsá í Gönguskörðum (1924-1929), í Tungu í Gönguskörðum (1931-1935) og á Sævarlandi 1935-1963. Vilhelm og Baldey eignuðust fimm börn.

Vilhelm Jóhann Jóhannsson, d. í Litladal 22.07.1902, d. 08.12.1980 á Sauðárkróki. Foreldrar: Jóhann Hinrik Jónsson bóndi í Litladal í Dalsplássi og kona hans Hólmfríður Guðrún Helgdadótir. Vilhelm ólst upp í foreldrahúsum og naut barnakennslu hjá föður sínum og var einnig um vetrartíma við unglinganám hjá sr Tryggva Kvaran á Mælifelli. Seinna tók hann íþróttanámskeið sunnan heiða en hann var mikil íþróttamaður. Varð hann þó að hverfa frá þeim þegar hann smitaðist af berklum um tvítugsaldur og varð að dvelja eitt ár á Vífilsstöðum og síðar á ævinni heilan vetur á Kristneshæli.
Tyrggvi giftist árið 1927 og reisti bú í Litladalskoti (Laugardal) það ár og bjó þar í eitt ár. Bjó á Skíðastöðum á Neðribyggð 1928-1929 og í Laugardal frá 1929-1972. Litladalskot var þriðjungur Litladals en árið 1953 var nafni jarðinnar breytt í Laugardal. Er þau hjónin brugðu búi árið 1972 fluttu þau að Hólavegi 26 á Sauðárkróki. Þrátt fyrir aldur og vanheilsu hóf Vilhelm þá störf hjá Sauðárkróksbæ og hafði með höndum umsjón íþróttarvallar á sumrum og á vetrum umsjón barnaskólans og íþróttasalar. Hann starfaði mikið fyrir ungmennafélagið Framör í sveit sinni og var kjörinn heiðursfélagi þess árið 1975.
Maki: Margrét Ingibjörg Jóhannsdóttir 22.02.1903-18.08.1980) frá Skíðastöðum. Þau eignuðust fjögur börn.

Vilhelm Georg Theodor Bernhöft, f. í Reykjavíik 05.01.1869, d. 24.06.1939. Foreldrar: Vilhelm Georg Theodor Bernhöft, f. 1828, d. 1871, bakarameistari í Reykjavík, og Johanne Louise Bernhöft, fædd Bertelsen. Vilhelm varð stúdent frá Lærða skólanum 1890 og cand.med. frá Læknaskólanum 1894. Hann fór til Kaupmannahafnar sama ár, dvaldi hjá Carl Thorlaksson tannlækni í tvö ár og kynnti sér almenna tanngerð og tannfyllingar með verklegum æfingum en lauk ekki prófi í tannlækningum. Þegar heim kom til Íslands árið 1896 varð hann tannlæknir í Reykjavík til æviloka. Vilhelm var kennari í tannlækningum við Læknaskólann 1898-1911 og síðan við læknadeild Háskóla Íslands. Vilhelm var í raun fyrsti tannlæknirinn á Íslandi því þótt aðrir hefðu stundað þessa iðn þá var Vilhelm sá fyrsti sem hafði til þess raunverulega kunnáttu.
Maki: Kristín Þorláksdóttir Bernhöft, f. 26.9. 1878, d. 2.12. 1957, húsfreyja og tannsmiður. Þau eignuðust fimm börn.

Sonur Erlendar Pálssonar verslunarstjóri í Grafarósi og á Hofsósi og Guðbjargar Stefánsdóttur. Vilhelm stundaði nám við Gagnfræðaskólann á Akureyri 1905-1908. Eftir það aðstoðarmaður föður síns við verslunarstörf. Verslunarstjóri í Hofsósi 1922-1947. Vilhelm var oddviti Hofshrepps 1922-1934, póstafgreiðslumaður á Hofsósi 1922-1947 og símstjóri 1944-1947. Gjaldkeri Sparisjóðs Hofshrepps í 26 ár, afgreiðslumaður Eimskipafélags Íslands 1922-1947, umboðsmaður Brunabótafélags Íslands 1934-1947. Formaður hafnarnefndar Hofsósskauptúns. Einnig einn þriggja eigenda rafstöðvarinnar á Hofsósi frá 1931. Árið 1947 fluttist Vilhelm til Blönduóss þar sem hann starfaði sem póst- og símstjóri í tíu ár en flutti þá til Reykjavíkur þar sem hann starfaði á pósthúsinu til 1963. Vilhelm kvæntist Hólmfríði Pálmadóttur frá Hofsósi, þau eignuðust fimm börn.

Foreldrar hennar voru hjónin Guðmundur Halldórsson, málari á Akureyri og kona hans Sigurhanna Jónsdóttir. Fósturforeldrar Vilborgar voru Þorvarður G. Þormar sóknarprestur í Laufási við Eyjafjörð og k.h. Ólína Marta Jónsdóttir Þormar. Vilborg giftist í Laufási 6. maí 1944 Guðmundi Jörundssyni, bifreiðarstjóra og slökkviliðsmanni á Akureyri. Vilborg ólst upp í Laufási frá 8 ára aldri og bjó síðan alla sína ævi á Akureyri, lengst af húsmóðir á Eyrarvegi 17. Vilborg og Guðmundur eignuðust fjögur börn.

Sonur Sigurjóns Jónassonar b. og oddvita, síðast á Skefilsstöðum á Skaga og k.h. Margrétar Stefánsdóttur. Bóndi, síðar smiður á Sauðárkróki. Kvæntist Sigríði Sigtryggsdóttur.

Starfaði sem ljósmyndari á Akureyri m.a. í samstarfi við Jón Sigurðsson um hríð. Fór í myndatökuferðir til Siglufjarðar og hafði aðsetur í Barnaskólanum þar. Rak ljósmyndstofu í Hafnarstræti 106 á Akureyri 1927-1936. Ljósmyndari í Reykjavík frá 1936, m.a. sérlegur ljósmyndari ráðuneyta og forsætaembættisins frá upphafi. Undirleikari á píanó fyrir kóra og einsöngvara á Akureyri í mörg ár. Tók kvikmyndir af atvinnuháttum Íslendinga og þjóðlífi frá 1937.

Vigfús var fæddur á Möðruvöllum í Hörgárdal. Faðir: Hans Scheving, klausturhaldari á Möðruvöllum. Móðir: Guðrún Vigfúsdóttir, húsfreyja.
Vigfús var sýslumaður á 18. öld, lengst af í Skagafjarðarsýslu. Hann varð stúdent frá Hólaskóla 1754 og lauk lögfræðiprófi frá Kaupmannahafnarháskóla 1757. Hann var lengi Hólaráðsmaður en þegar Þórarinn Jónsson sýslumaður á Grund dó 1767 var hann settur sýslumaður Eyjafjarðarsýslu og gegndi því embætti þar til Jón Jakobsson tók við árið eftir. Vigfús varð sýslumaður Skagafjarðarsýslu 21. febrúar 1772 og bjó þá á Víðivöllum í Blönduhlíð. Kona Vigfúsar var Anna Stefánsdóttir, dóttir Stefáns Ólafssonar prests á Höskuldsstöðum og systir Ólafs Stephensen stiftamtmanns. Vorið 1800 fékk Vigfús lausn frá embætti og flutti þá suður að Innra-Hólmi til Magnúsar Stephensen, tengdasonar síns, var hjá honum eftir það og dó í Viðey.

Vigfús Magnússon, f. á Selnesi á Skaga 08.04.1881, d. 24.04.1958 á Sauðárkróki. Foreldrar: Magnús Björnsson bóndi á Selnesi og kona hans Ingibjörg Vigfúsdóttir Reykdal. Vigfús ólst upp hjá foreldrum sínum á Selnesi uns faðir hans lést 1899. Eftir það var hann hjá móður sinni sem bjó ekkja á Selnesi til 1905. Hann gerðist þá lausamaður og átti heima á Selnesi til 1907. Þá fór hann að Akri og átti heima þar árið 1908. Á Borgarlæk var hann 1909, á Fossi 1910-1914, á Selnesi 1915-1916, á Hvalnesi 1917, á Selnesi 1918, á Fossi 1919-1921 og loks á Hóli 1922-1923. Árið 1923 fluttist hann til Sauðárkróks og bjó í svokölluðu Vigfúsarhúsi í þrjú ár. Árið 1926 var hann í húsinu Hóli og átti heima þar í allmörg ár. Síðast var hann skráður til heimilis á Freyjugötu 14 þar sem hann var með bátasmíðina í sérstökum skúr.
Vigfús var ekki iðnlærður en vann við járn-og bátasmíði meðan heilsa leyfði.
Barnsmóðir: Sesselja Hansen Stefánsdóttir, f. 05.11.1880, d. 30.08.1960. Dóttir þeirra var Soffía Sigurey, f. 14.06.1923-27.07.1997.

Vigfús Lárus Friðriksson, f. í Bjarghúsum í Vesturhópi 19.10.1899, d. 18.05.1986. Foreldrar: Friðrik Magnússó bóndi og trésmiður í Bjarghúsum og Ingibjörg Vigfúsdóttir.
Vigfús tók gagnfræðapróf frá Menntaskólanum á Akureyri 1915. Hann lærði ljósmyndum hjá Guðmundi R. Trjámannssyni á Akureyri 1923-1925 og tók sveinspróf 1927. Hann var við verslunarstörf og fleira á Akureyri 1915-1923. Stofnaði ljósmyndastofu á Akueyri um 1925 en Vigfús Sigurgeirsson keypti stofuna 1926. Vigfús Lárus rak stofu í félagið við Jón Sigurðsson undir nafninu Jón og Vigffús á áriunum 1926-1952.
Maki: Nýbjörg Jakobsdóttir (1906-1994). Þau eignuðust eina dóttur.

Foreldrar: Jóns Vigfússonar á Hofi og kona hans Þórdís Jónsdóttir. Vigfús varð stúdent frá Skálholtsskóla 1728. Hann vígðist aðstoðarprestur séra Guðmundar Högnasonar að Hofi í Álftafirði haustið 1734 og varð síðan prestur í Stöð í júli 1737. Maki: Guðrún Jónsdóttir, ekkja eftir séra Högna Guðmundsson prest í Stöð. Þau eignuðust þrjár dætur. Fæddist hin fyrsta, Guðríður, árið 1739 og orti þá prestur Barnaljóðin, eins konar heilræðavísur til hennar. Jón Eiríksson gaf síðan þessi ljóð móðurbróður síns út í Kaupmannahöfn 1780. Önnur útgáfa kom einnig út í Kaupmannahöfn 1838. Séra Vigfús samdi einnig Hugvekjur út af öllum Passíusálmum Hallgríms Péturssonar og voru þær gefnar út í Kaupmannahöfn 1833.

Vigfús Helgason, f. 12.12.1893, d. 31.07.1967.
Foreldrar: Ása Kristjánsdóttir og Helgi Guðmundsson. Vigfús fæddist að Hóli í Hörðudal í Dalasýslu en fluttist í æsku með foreldrum sínum að Ketilstöðum í Hörðudal. Hann vann á búi foreldra sinna til ásrsins 1916 en fór þá til Noregs og stundaði nám í Lýðskólanum Klep einn vetur og ári eftir við búnaðarskólann á Stend. Þar stundaði hann bæði bóklegt og verklegt nám og lauk prófi vorið 1918. Sumarið eftir dvaldist hann á fleiri stöðum í Noregi og stundaði verklegt nám. Haustið 1918 fór hann til Danmerkur til framhaldsnáms í búfræði við Landbúnaðarháskólann í Kaupmannahöfn og lauk þaðan kandidatsprófi vorið 1920. Veturinn eftir dvaldi hann í Reykjavík og hlýddi á fyrirlestra í Háskóla Íslands. Árið 1921 dvaldi hann nokkra mánuði í Englandi og Skotlandi og kynnti sér nýjungar í sauðfjárrækt. Haustið 1921 var hann skipaður kennari við Bændaskólann á Hólum í Hjaltadal og gengdi því starfi til ársins 1963 er hann hætti vegna aldurs. Árið 1927 fór hann í námsferð um Norðurlönd og dvaldi einnig nokkurn tíma við framhaldsnám í búsvísindum árin 1928 og 1929. Fyrstu árin í kennslu vann hann ýmis önnur verkefni á sumri, var m.a. við mælingar á Flóaáveitusvæðinu og trúnaðarmáður Búnaðarfélags Íslands í Skagafirði og Húnavatnssýslu þar sem hann tók út jarðabætur. Frá því um 1940 hafði Vigfús smábúskap á Hólum. Árið 1932 keypti hann nýbýlið Varmahlíð í Seyluhreppi og hóf sama ár allmikla garðrækt á jörðinni. Hana rak hann í sex og hafði nokkurn annan búskap á jörðinni. Reisti einnig veitingaskála á staðnum og dvaldi þessi sumur í Varmahlíð. Um þetta leyti stóð til að byggja Héraðsskóla í Varmahlíð og var Vigfús þvingaður til að selja jörðina.
Maki (g. 10.08.1935) Elín Helga Helgadóttir frá Núpum í Fljótshverfi. Þau eignuðust 8 börn.

Vigfús fæddist á Ásum í Skaftártungu 20. janúar 1927. Foreldrar hans voru sr. Björn O. Björnsson og Guðríður Vigfúsdóttir. Vigfús ólst upp í foreldrahúsum, en árið 1941 flutti fjölskyldan til Reykjavíkur. Þar starfaði hann við ýmislegt, m.a. hjá hernum og var á þeim árum að verulegu leyti fyrirvinna fjölskyldunnar. Vigfús hóf bókbandsiðn árið 1947 við Iðnskólann í Reykjavík og lauk þaðan sveinsprófi og varð síðar meistari í iðninni. Hann hélt til Kaupmannahafnar til framhaldsnáms árið 1950 og að námi loknu bauð föðurbróðir hans, Sigurður O. Björnsson, starf hjá Prentverki Odds Björnssonar, fyrirtæki fjölskyldunnar á Akureyri. Þar starfaði Vigfús sem verkstjóri í bókbandi í 30 ár. Hann kvæntist Elísabetu Guðmundsdóttur frá Flatey á Skjálfanda árið 1953, þau eignuðust átta börn. Auk þeirra starfa sem að framan greinir vann Vigfús lengst af við ritstörf og eftir hann hafa komið út á annan tug bóka, aðallega sögur fyrir börn.

Ábúandi á Borgum í Þistilfirði.

Vigdís Pálsdóttir var fædd á Hólum í Hjaltadal 13. janúar 1924. Hún var yngst sex barna hjónanna Guðrúnar Hannesdóttur og Páls Zóphóníassonar, skólastjóra Bændaskólans á Hólum, síðar búnaðarráðunauts, alþingismanns og búnaðarmálastjóra. Stundaði Vigdís nám í Landakotsskóla, Miðbæjarskóla og lauk þremur bekkjum í Menntaskólanum í Reykjavík en hætti þá námi. Vann hún skrifstofustörf í Reykjavík næstu ár, en fór til hússtjórnarnáms á Laugalandi veturinn 1942-1943, starfaði í Útvegsbankanum í nokkur ár en hóf nám í Handíðaskóla Lúðvíks Guðmundssonar og Kurt Zier og var í fyrsta hópi handavinnukennara, sem útskrifaðist úr skólanum vorið 1949. Eftir það starfaði hún við útsaum og kjólaskreytingar á saumastofu Feldsins um skeið, en vann aftur í Útvegsbanka Íslands þar til 1953. Vigdís hóf störf í handavinnudeild Kennaraskóla Íslands 1964 og kenndi þar næstu áratugi uns hún lét af störfum 1989. Vigdís starfaði um áratugaskeið á vettvangi Heimilisiðnaðarfélags Íslands. Vann þar að stofnun tímaritsins Hugur og hönd og réð miklu um efni þess og útlit í nær tvo áratugi. Vigdís giftist Baldvin Halldórssyni, prentara, leikara og leikstjóra, 25. ágúst 1951, þau eignuðust þrjú börn.

Vigdís er dóttir Kristjóns Sigurðssonar og Indíönu Sveinsdóttur sem ættuð var úr Skagafirði, en hún flutti ung til Vesturheims. Vigdís er systir Borgu Jakobson. Bræður þeirra voru Ólafur og Sveinn. Indíana var móðursystir Kristmundar. Vigdís giftist Joseph Bauernhuber og eignuðust þau þrjú börn.

Dóttir Gunnars Flóventssonar Blöndal og Halldóru Hafdísar Karenar Hallgrímsdóttur frá Siglufirði.

Var í Grímstungu, Undirfellssókn, Hún. 1901. Kennari á Hólabaki, Þingeyrasókn, A-Hún. 1930. Var á Bjargi, Blönduóshr., A-Hún. 1957. Kennari og skólastjóri. Síðast bús. í Blönduóshreppi.

Vibekka Bang fæddist á Sauðárkróki 26. september 1939. Foreldrar Vibekku voru hjónin Ole Bang, apótekari á Sauðárkróki, f. í Árósum á Jótlandi 23. mars 1905, d. 17. nóvember 1969, og Minna Bang, f. í Árósum 5. september 1914, d. 22. maí 2005. Vibekka giftist hinn 13. apríl 1963 Brynjari Pálssyni og eignuðust þau tvo syni.
,,Vibekka lauk grunnskólanámi frá Gagnfræðaskóla Sauðárkróks 1955. Hún var síðan eitt ár í Húsmæðraskóla í Silkeborg í Danmörku. Þegar heim kom hóf hún störf sem afgreiðslustúlka hjá föður sínum í Sauðárkróks Apóteki og vann þar fram til ársins 1970. Hún og maður hennar ráku saman Bókabúð Brynjars á Sauðárkróki frá árinu 1982 til ársins 2005."

Foreldrar: Franz Jónatansson b. og kennari í Málmey og k.h. Jóhanna Gunnarsdóttir. Verónika ólst upp hjá foreldrum sínum, fyrst á Höfðaströnd og síðan í Málmey. Árið 1914 fóru þau að Skálá og varð það heimili hennar næstu fjóra áratugina. Einn vetur var hún í skóla á Sauðárkróki og veturinn 1916 á húsmæðraskóla í Reykjavík. Hún kunni bæði söngstjórn og orgelleik. Kvæntist árið 1918 Eiði Sigurjónssyni frá Óslandi og tóku þau við búsforráðum á Skálá af foreldrum hennar það sama ár og bjuggu til 1954 er þau fluttu til Reykjavíkur. Í Reykjavík starfaði Verónika á Elliheimilinu Grund. Verónika og Eiður eignuðust fjögur börn.

Foreldrar: Unnur Hallgrímsdóttir húsmóðir (1918-1976) og Ingólfur Nikódemusson (1907-1991) húsasmíðameistari.
Valur ólst upp á Sauðárkróki og lauk hefðbundinni skólagöngu þar. Hann stundaði nám við Iðnskólann á Sauðárkróki og lauk þaðan meistaraprófi í húsgagna- og húsasmíði. Hann vann um tíma hjá Vegagerð ríkisins og sem lögreglumaður en lengstan hluta starfsævinnar starfaði hann við smíðar og rak eigið trésmíðaverkstæði. Árið 2000 hóf hann störf sem kennari við tréiðnadeild FNV og náði sér í kennsluréttindi frá HA. Hann kenndi til ársins 2008. Rak einnig köfunarþjónustu um skeið. Valur var virkur í félagsmálum. Var einn af stofnfélögum Iðnsveinafélags Skagafjarðar og sat í stjórn Byggðasafns Skagfirðinga. Var virkur í starfi frímúrara á Sauðárkróki. Hann stundaði tómstundabúskap með bróður sínum á Kjartansstöðum um nokkurra ára skeið. Maki: Anna Pála Þorsteinsdóttir, f. 1947, frá Hofsósi. Þau eignuðust fjögur börn.

Rafvirkjameistari í R.vík

Valtýr Jónsson fæddist í Geldingaholti í Seyluhreppi í Skagafirði. Foreldrar hans voru hjónin Soffía Jósafatsdóttir og Jón Jónsson Skagfirðingur. Valtýr starfaði sem sölumaður í Reykjavík.

Valtýr Hólmgeirsson var fæddur að Heiði á Langanesi 31. júlí 1921. Hann lést í Sjúkrahúsi Húsavíkur 25. október 1996. Foreldrar Valtýs voru Hólmgeir Vilhjálmsson bóndi á Heiði og Ragnheiður Pétursdóttir húsfreyja. Valtýr kvæntist 7. júní 1952 eiginkonu sinni Steingerði Theodórsdóttur, f. 1. febrúar 1922, frá Akureyri. Þau eignuðust 4 börn. 1) Sólveig, f. 6. júní 1954 2) Bragi Davíð, f. 11. júlí 1956. 3) Ragnheiður, f. 11. desember 1959,. 4) Rósa, f. 16. janúar 1961. Valtýr vann við bústörf hjá foreldrum sínum fram til 1950, en fór þá að vinna við afgreiðslustörf hjá Pósti og síma á Raufarhöfn. 1. janúar 1953 tók hann við starfi stöðvarstjóra Pósts og síma á Raufarhöfn og gegndi því starfi til 1991 er hann lét af störfum vegna aldurs. Einnig var hann veðurathugunarmaður fyrir Veðurstofu Íslands á Raufarhöfn í rúm 43 ár.

Valgerður Rögnvaldsdóttir, f. 16.10.1892 á Bjarnastöðum í Blönduhlíð. Foreldrar: Rögnvaldur Björnsson, f. 1850, bóndi í Réttarholti og kona hans Freyja Jónsdóttir, f. 1859. Valgerður ólst upp hjá foreldrum sínum og vann á búi þeirra þar til hún stofnaði eigið heimili. Valgerður veiktist af berklum og lést úr tæringu aðeins 34 ára.
Maki: Halldór Vídalín Magnússon frá Syðstu-Grund, f. 15.01.1898. Hófu búskap í Réttarholti 1919. Þau eignuðust ekki börn.

Valgerður fæddist árið 1790 í Kaupangi í Kaupangssveit. Faðir: Páll Guðmundsson bóndi í Fífilgerði og Þórustöðum í Kaupangssveit. Móðir: Ingibjörg Hallgrímsdóttir húsfreyja í Fífilgerði. Valgerður ólst upp hjá foreldrum móður sinnar og fermdist frá þeim með ágætum vitnisburði 1804. Hún var vinnukona á Hrappsstöðum í Bárðadal 1809-10, á Ljósavatni í Ljósavatnsskarði 1811-12, á Eyjardalsá í Bárðardal 1814-15, á Gilsbakka í Hvítársíðu 1816-17, bústýra í Hóli á Álftanesi 1817-18, húskona í Sjávargötu á Álftanesi 1819-20, vinnukona hjá foreldrum sínum á Þórustöðum 1820-21, í Hvassafelli í Saurbæjarhreppi 1821-22, á Akureyri 1822-23, á Krithóli 1825-26, á Stóra-Vatnsskarði 1826-27, á Þingeyrum 1827-28, á Sæunnarstöðum í Hallárdal 1828-30, á Hróarsstöðum á Skagaströnd 1830-31, á Strjúgsstöðum í Langadal 1831-32, á Borgarlæk á Skaga 1834-35, á Hrauni á Skaga 1835-36, í Mánavík á Skaga 1836-37, á Silfrastöðum 1837-38, bústýra hjá Guðmundi á Vöglum 1838-39, vinnukona á Einarsstöðum í Kræklingahlíð 1839-40. Bjó með þáverandi eiginmanni sínum, Guðmundi Guðmundssyni 1840-56 (þar af 1840-45 á Minni-Ökrum), Stekkjarflötum 1845-46, Stigaseli 1846-47, á Miðhúsum í Austurdal 1847-53, og Stigaseli aftur 1853-56 en var hjá Kristmundi syni sínum í Efra-Ási 1856-57, á Sviðningi 1857-59, á Sæunnarstöðum 1859-61 og á Vakursstöðum 1861 til æviloka.
Eiginmaður 1: Daníel Jónsson (1782- eftir 1829) vinnumaður á Hrappsstöðum í Bárðardal. Skildu með dómi. Áttu ekki barn saman.
Eiginmaður 2: Guðmundur Guðmundsson (1796-1873).
Valgerður átti börn með Páli Sigurðssyni (1769-1846): Sigurður (f. 1818), Þuríður (f. 1819).
Valgerður átti barn með Þorbergi Þorbergssyni (1801-1868): Kristmundur Frímann (f. 1829). Valgerður var alsystir fyrri eiginkonu Þorbergs.
Valgerður lýsti Ólaf Jónsson vinnumann á Efri-Mýrum í Refasveit föður að Kristmundi en hann neitaði og var Þorbergur dæmdur faðir að drengnum "og það víst með réttu".
Valgerður dó 1870 á Vakursstöðum í Hallárdal.

Valgerður Kristjónsdóttir fæddist 12. nóvember 1945. Dóttir Elísabetar Ísleifsdóttur og Kristjóns Kristjónssonar.
Valgerður er kennari, búsett í Reykjavík.
Maður hennar er Björn Theodórsson viðskiptafræðingur.

Dóttir Jóns Jónssonar hreppstjóra á Hafsteinsstöðum og k.h. Steinunnar Árnadóttur. Valgerður ólst upp hjá foreldrum sínum á Hafsteinsstöðum til fullorðinsára. Lærði karlafatasaum og fleira hjá Sigríði Jónsdóttur húsfreyju á Reynistað. Kvæntist Bjarna Sigurðssyni b. og smið, þau bjuggu í Glæsibæ, á Sauðárkróki, í Hafnarfirði og loks í Reykjavík, þau eignuðust þrjú börn.

Valgerður Hafstað, f. í Vík í Skagafirði 01.06.1930, d. 09.03.2011. Foreldrar: Ingibjörg Sigurðardóttir frá Geirmundarstöðum í Sæmundarhlíð og Árni Hafstað frá Hafsteinsstöðum. Valgerður var yngst tíu systkina sem upp komust. Valgerður stundaði myndlistarnám við Akademi for fri og merkantil kunst í Kaupmannahöfn, Handíða- og myndlistarskóla Íslands og Academi de la Grande Chaumiere í París. Hún lærði m.a. mósaíkvinnslu í Ecole des Arts Italiennes. Af verkum hennar hérlendis má nefna steinda glugga í Tjarnarkirkju í Svarfaðardal og veggskreytingu í Varmahlíðarskóla í Skagafirði.
Maki: André Énard (1926-) listmálari. Þau bjuggu fyrst í Frakklandi. Þau eignuðust þrjá syni.

Fædd og uppalin í Djúpadal, dóttir Eiríks hreppstjóra í Djúpadal og k.h. Hólmfríðar Jónsdóttur. Kvæntist Jóni Jónssyni (1832-1897), þau hófu búskap í Djúpadal 1856, fluttu að Saurbæ í Hörgárdal 1861 og bjuggu þar í eitt ár, fluttu aftur að Djúpadal vorið 1862 þar sem Valgerður hélt búi til 1898. Valgerður og Jón eignuðust 11 börn, þrjú þeirra náðu fullorðinsaldri.

Var á Tannstöðum í Hrútafirði síðar saumakona í Reykjavík.

Valgeir Sigfús Þorvaldsson, f. 02.07.1960.
Búsettur á Vatni á Höfðaströnd.

Foreldrar: Guðjón Jónsson og Valborg Hjálmarsdóttir bændur á Tunguhálsi. Bóndi og vörubifreiðastjóri á Daufá á Neðribyggð. Kvæntist Guðbjörgu Felixdóttur frá Húsey, þau eignuðust fjögur börn.

Foreldrar hans voru Finnbogi Bjarnason frá Þorsteinsstöðum og Sigrún Eiríksdóttir frá Sölvanesi. Foreldrar hans fluttu frá Mið-Grund að Hrauni í Öxnadal árið 1935, voru þar í eitt ár, á Stokkahlöðum í Hrafnagilshreppi 1938-1940, á Kroppi í sömu sveit 1940-1942 og þaðan til Akureyrar. Valgarður bjó hjá foreldrum sínum, ókvæntur og barnlaus.

Foreldrar hans voru Sigurður Thoroddsen frá Leirá í Leirársveit, Borgarfirði, landsverkfræðingur og síðar yfirkennari við Lærða skólann í Reykjavík og María Kristín Claessen. ,,Valgard lauk prófi í rafmagnsverkfræði 1938 frá Norges Tekniske Höjskole í Þrándheimi í Noregi. Að loknu námi starfaði Valgard hjá Rafmagnsveitu Reykjavíkur og Rafmagnseftirliti ríkisins. Frá 1938 til 1961 var hann rafveitustjóri í Hafnarfirði. Ennfremur var hann slökkviliðsstjóri í Hafnarfirði 1952 til 1961. Valgard var yfirverkfræðingur hjá Rafmagnsveitu Reykjavíkur 1961 til 1964 og slökkviliðsstjóri í Reykjavík 1964 til 1966 og jafnframt framkvæmdastjóri Almannavarna. Auk sinna föstu starfa sinnti Valgard fjölmörgum trúnaðarstörfum. Hann átti sæti í stjórn Sambands íslenskra rafveitna 1943 til 1961, í samstarfsnefnd ríkisins, Reykjavíkur og Hafnarfjarðar um hagnýtingu jarðhita. Hann var formaður Rafmagnsverkfræðingafélags Íslands 1955, formaður Fegrunarfélags Hafnarfjarðar 1951 til 1962, Fimleikafélags Hafnarfjarðar 1959 til 1965 og í stjórn Handknattleikssambands Íslands 1961 til 1962. Ennfremur var hann 1. varabæjarfulltrúi Sjálfstæðisflokksins í bæjarstjórn Hafnarfjarðar 1958 til 1962 og átti sæti í byggingarnefnd og útgerðarráði Hafnarfjarðar 1952 til 1961. Valgard var einn af stofnendum Rotaryklúbbs Hafnarfjarðar 1946 og forseti hans 1955 til 1956. Auk þess var hann umdæmisstjóri Rotaryhreyfingarinnar á Íslandi 1974 til 1975." Kona Valgards var Marie Tuvnes, norsk að uppruna, þau eignuðust fjögur börn.

Fæddur og uppalinn á Dýrfinnustöðum í Blönduhlíð. Sonur Maríu Jóhannesdóttur og Runólfs Jónssonar á Dýrfinnustöðum. Garðyrkjumeistari í Reykjavík. Ókvæntur og barnlaus.

Valgarð Jónsson var fæddur á Sauðárkrók árið 1932, sonur Jóns Sigvalda Nikódemussonar, vélvirkjameistara og Önnu Friðriksdóttur, húsfreyju. Hann fór 19 ára til Ameríku og bjó þar síðan.

Valgarð Hafsteinn Valgarðsson, f. 16.02.1949.
Móðir: jakobína Ragnhildur Valdimarsdóttir.

Fæddur á Hellulandi í Hegranesi, sonur Björns Skúlasonar veghefilsstjóri og Ingibjörg Jósafatsdóttir. Valgarð stundaði akstur bæði á eigin vegum og hjá öðrum á árunum 1942-1957. Árið 1956 hóf hann störf hjá Kaupfélagi Skagfirðinga og þar var hann þar til hann lét af störfum vegna aldurs 1989. Vann einnig um nokkurt skeið hjá Tengli.
Maki: Jakobína Ragnhildur Valdimarsdóttir, f. 02.08.1921. Þau hjónin bjuggu lengt af á Skagfirðingabraut 4. Þau eignuðust fimm börn.

Foreldrar: Tómas Jóhannsson kennari á Hólum í Hjaltadal og k.h. Ástríður Magnúsdóttir frá Mosfelli í Mosfellssveit. Faðir Valdísar lést þegar hún var eins árs gömul og fluttist hún þá með móður sinni og systur í Mosfellssveit. Var einn vetur, 1945-1946, í framhaldsskóla í Varmahlíð. Fór árið 1947 til Bandaríkjanna sem barnfóstra hjá Bjarna Guðjónssyni stórkaupmanni í New York. Kvæntist Andrew Caltagirone slökkviliðsmanni í New York, þau eignuðust fjögur börn. Andrew lést árið 1983. Valdís flutti aftur til Íslands árið 1984 og var síðast búsett í Reykjavík. Sambýlismaður hennar seinni árin var Björn Björgvinsson bankastarfsmaður.

Valdimar Stefánsson, f. í Fagraskógi við Eyjafjörð 24.09.1910, d. 23.04.1973. Foreldrar: Stefán Baldvin Stefánsson og Ragnheiður Davíðsdóttir. Hann varð stúdent frá Menntaskólanum á Akureyri 1930 og lauk lagaprófi frá Háskóla Íslands 1934. Eftir það sinnti hann ýmsum lögfræðistörfum í Reykjavík og víðar. Haustið 1936 gerðist hann fulltrúi lögreglustjórans í Reykjavík. Árið 1940 varð hann fulltrúi sakadómara. Skipaður sakadómari 1947 og yfirsakadómari 1961.
Maki: Ásta Júlía Andrésdóttir. Þau eignuðust tvö börn.

Sonur Péturs Hannessonar og Sigríðar Jónsdóttur á Hlíðarenda við Sauðárkrók. Þau slitu samvistum þegar Valdimar var átta ára gamall og eftir það fylgdi hann föður sínum. Þegar hann var um tvítugt flutti hann til móður sinnar á Sauðárkróki og gerði þaðan út bát með bróður sínum. Sigurður vann ýmis störf, m.a. við múrverk, vegagerð, á sláturtíð og á eigin verkstæði þar sem hann smíðaði dívana. Valdimar sat lengi í stjórn Vmf. Fram og var formaður þess um skeið. Þá var hann fulltrúi á þingum ASÍ og lengi einn af forvígismönnum Alþýðuflokksfélags Sauðárkróks. Valdimar kvæntist Herdísi Sigurjónsdóttur frá Sigríðarstöðum í Fljótum, þau eignuðust þrjú börn.

Bifreiðarstjóri, sjómaður og fisksali á Sauðárkróki.

Foreldrar: Konráð Bjarnason b. í Brekkukoti fremra í Blönduhlíð og k.h. Rósa Magnúsdóttir. Skráður bóndi í Brekku við Víðimýri árið 1921-1922. 1922 er hann talinn fara með foreldrum sínum frá Bakka í Hólmi til Sauðárkróks. Þar áttu þau heimili upp frá því að undanskyldum fardagaárinu 1927-1928 sem þau voru á Sjávarborg, Valdimar þá talinn vinnumaður þar. Á Sauðárkróki rak Valdimar lengi nokkurn búskap líkt og margir aðrir en sinnti jafnframt allri þeirri vinnu sem bauðst. Hann stundaði nokkuð sjó og átti um tíma trillubát í félagi með öðrum og var formaður. Lengst vann hann í Mjólkursamlagi Skagfirðinga og lauk þar starfsævi sinni. Eftir lát konu sinnar bjó hann á heimilum dætra sinn og undi sér síðustu árin við hestamennsku. Kvæntist Ingibjörgu Jóhannsdóttir frá Stóru-Gröf á Langholti, þau eignuðust fimm börn.

Var á Flugumýri, Flugumýrarsókn, Skag. 1930. Stórkaupmaður í Reykjavík.

,,Valdimar var fæddur á Skriðulandi í Arnarneshreppi í Eyjafirði, en ólst upp í Svarfaðardal. Sonur hjónanna Jóhanns Páls Jónssonar bónda og kennara og konu hans Önnu Jóhannesdóttur. Valdimar lauk kennaraprófi árið 1937 og kenndi við Samvinnuskólann 1937 til 1940. Einnig sótti hann fyrirlestra í íslenskri bókmenntasögu við Háskóla Íslands. Árið 1938 var Valdimar blaðamaður við Nýja dagblaðið og ritstjóri tímaritsins Vöku 1938-1939. Hann var ritstjóri vikublaðsins Þjóðólfs árin 1941- 1942. Einnig var hann blaðamaður við Alþýðublaðið 1943-1944. Valdimar var og ritstjóri Frjálsrar þjóðar 1952-1953. Hann varð formaður Þjóðvarnarflokkssins frá upphafi árið 1953 til 1960. Um skeið var hann formaður Verkalýðsfélags Dalvíkur. Var í fræðsluráði Reykjavíkur árabilið 1954-1958 og í stjórn Félags íslenskra bókaútgefanda í mörg ár. Valdimar var útgefandi og forstjóri forlagsins Iðunnar 1945-1988. Árið 1942 kvæntist Valdimar Ingunni Ásgeirsdóttur og eignuðust þau þrjú börn."

Valdimar Helgi Guðmundsson, f. 25.03.1877 á Myrká í Hörgárdal. Foreldrar: Guðmundur Jónsson, bóndi á Bási í Hörgárdal og víðar og kona hans Lilja Gunnlaugsdóttir. Valdimar fór ungur úr foreldrahúsum til móðurbróður síns, Jóhanns í Flöguseli og var þar fram yfir fermingu. Stundaði svo vinnumennsku í nokkur ár. Hóf búskap á Bessahlöðum í Öxnadal. Fluttist að Efra-Rauðalæk á Þelamörk 1905. Á yngri árum fékkst Valdimar við nautgripakaup fyrir Kaupfélag Eyfirðinga og eitt vorið rak hann í einni ferð um 30 naut, mörg fullorðin og mannýg, í einni ferð niður yfir heiði til Akureyrar. Með honum í för var aðeins Guðmundur sonur hans, þá innan við fermingu. Árið 1910 fluttist hann ásamt konu sinni, Arnbjörgu Guðmundsdóttur, að Fremri-Kotum og bjuggu þau þar til 1924. Keyptu þá jörðina Bólu og fluttu þangað og bjó Valdimar þar lengst af síðan, síðast hjá Guðmundi syni sínum. Valdimar og Arnbjörg eignuðust tvo syni og eins fósturdóttur.

Foreldrar hans voru Guðmundur Jónsson og Svava Einarsdóttir, þau skildu þegar Valdimar var tveggja ára. Guðmundur fór þá að Ási í Hegranes ásamt móður sinni og ólst þar upp. Hann lauk búfræðiprófi frá Hólum vorið 1915. Þar kynntist hann Margréti Gísladóttur konu sinni en hún var ættuð úr Fljótum. Vorið 1919 hófu þau búskap að Mið-Mói í Flókadal. Eftir langa og erfiða vetur í Fljótum fluttu þau að Garði í Hegranesi og fengu hluta jarðarinnar til ábúðar. Árið 1925 fluttu þau til Sauðárkróks og hófu að byggja sér íbúðarhús að Skagfirðingabraut 12 og nefndist það Sólbakki. Á Sauðárkróki vann Valdi ýmsa daglaunavinnu, var fláningsmaður í sláturtíð og fór til Siglufjarðar á síldarvertíð á sumrin. Seinna komu þau sér upp nokkrum kindum og áttu fjárhús á Nöfunum fyrir ofan bæinn. Valdi var góður söngmaður og var m.a. einn af stofnendum kirkjukórs Sauðárkróks 1942. Valdimar og Margrét eignuðust tvo syni, aðeins annar þeirra komst á legg.

Valdimar Friðbjörnsson, d. 06.01.1926, d. 19.06.1996. Foreldrar: Friðbjörn Björnsson og Björg Valdimarsdóttir. Maki: Sigurlaug Barðadóttir. Þau eignuðust fjögur börn.
Sjómaður og skipstjóri og starfaði einnig við fiskverkun og hjá Olíuverslun Íslands. Einnig hjá Sölumiðstöð hraðfrystihúsanna.

Valdimar Eyberg Ingimarsson, f. 02.12.1927 á Brandaskarði í A-Húnavatnssýslu. Foreldrar: Ingimar Sigvaldason og Valný M. Benediktsdóttir. Valdimar ólst upp á Brandaskarði til fjögurra ára aldurs, eftir það fluttist hann með móður sinni og móðurömmu í Skagafjörð þar sem hann var til 26 ára aldurs. Hann vann þar ýmis landbúnaðarstörf. Þaðan lá leiðin til Reykjavíkur og síðar Hafnafjarðar. Var bústjóri í Vestmannaeyjum og vann við Skipasmíðastöðina Dröfn í Hafnarfirði. Síðustu 20 æviárin vann hann hjá Póststofunni í Hafnarfirði. Síðast búsettur í Hafnarfirði.
Maki 1: Fjóla Hafsteinsdóttir. Þau eignuðust einn son.
Maki 2: Hólmfríður Kristjánsdóttir. Hún lést eftir langvarandi veikindi 1978.

Póstafgreiðslumaður og símstöðvarstjóri á Eskifirði 1930.

Fæddur á Grund í Eyjafirði. Foreldrar: Ólafur Briem timburmeistari og Valgerður Dómhildur Þorsteinsdóttir, þau bjuggu á Grund. Valdimar ólst upp frá tíu ára aldri hjá föðurbróður sínum, Jóhanni Briem, prófasti í Hruna og konu hans, Sigríði Stefánsdóttur Briem. Hann lauk stúdentsprófi frá Lærða skólanum 1869 og embættisprófi í guðfræði frá Prestaskólanum í Reykjavík 1872. Hann var barnakennari í Reykjavík 1872-1873. Prestur á Hrepphólum í Hrunamannahreppi 1873-1880 og á Stóra-Núpi í Gnúpverjahreppi. Fluttist hann þangað 1880 og bjó til æviloka. Prófastur í Árnesprófastdæmi 1897-1918. Vígslubiskup í Skálholtsbiskupsdæmi 1909-1930. Valdimar var eitt helsta sálmaskáld þjóðarinnar fyrr og síðar og afkastamikill þýðandi. Fjölda sálma eftir hann er að finna í sálmabók íslensku þjóðkirkjunnar og einnig í færeysku sálmabókinni.

Valdemar Bjarnason, f. 06.01.1873 á Reykjum í Tungusveit, d. 01.03.1911 í Sólheimagerði í Blönduhlíð. Foreldrar: Bjarni, ókvæntur vinnumaður á Hnjúki í Skíðadal og Sigríður, f. 1834, d. 1907. Fluttist átta ára að Víðivöllum. Bóndi í Víkurkoti, Stokkhólma, Þorleifsstöðum, Vöglum og Keldulandi. Brá búi 1910 og þau hjónin fóru í Sólheimagerði. Lést úr brjósttæringu 01.03.1901. Maki: Ingibjörg Gunnarsdóttir, f. 01.09. 1866. Þau áttu sjö börn , þar af fimm sem upp komust.

Fædd á Breið í Lýtingsstaðahreppi. Foreldrar: Rósa Björnsdóttir og Hjálmar Sigurður Pétursson bændur á Breið. Vinnukona á Mælifelli og húskona á Sauðárkróki. Húsfreyja á Tunguhálsi frá 1926. Kvæntist Guðjóni Jónssyni, þau eignuðust sex börn. Starfaði í Kvenfélagi Lýtingsstaðahrepps og kirkjukór Goðdalasóknar. Fluttist á Sauðárkrók 1964. Starfaði í fiski og á Saumastofunni Ylrúnu á Sauðárkróki.

Foreldrar: Kristján Ragnar Gíslason, f. 1887 og Aðalbjörg Vagnsdóttir, f. 1893, bjuggu á Minni-Ökrum. Maki: Svana H. Björnsdóttir, f. 1923. Þau eignuðust sex syni. Vagn ólst upp á Minni-Ökrum í Blönduhlíð og flutti með foreldrum sínum til Sauðárkróks þegar þau hættu búskap. Hefðbundin skólaganga fór fram á Króknum og síðan var hann tvo vetur á Bændaskólanum á Hólum í Hjaltadal. Vagn vann ungur að árum í verslun Haraldar Júlíussonar, þar til hann tvítugur að aldri flutti til Reykjavíkur. Þar starfaði hann við ýmislegt, en sneri sér fljótlega að akstrinum sem varð hans ævistarf. Vagn var einn af stofnendum Hreyfils og vann þar við leiguakstur svo lengi sem heilsa leyfði. Hann stofnaði og rak flutningafyrirtæki ásamt Brynleifi Sigurjónssyni, sem sá um flutninga til Akureyrar og Ísafjarðar á framleiðsluvörum Ölgerðar Egils Skallagrímssonar, ásamt því að vera með umboðsskrifstofu á Akureyri.

Fæddur í Sveinatungu í Norðurárdal. Foreldrar: Jóhann Eyjólfsson og Ingibjörg Jóhanna Sigurðardóttir. Var um tíma einn besti glímumaður landsins. Var um skeið gjaldkeri hjá Mjólkurfélagi Reykjavíkur en fór síðan að fást við gipsmunagerð. Vann ýmis trúnaðarstörf fyrir sjálfstæðisflokkinn.
Maki 1: Guðrún Bjarnþóra Guðmundsdóttur. Þau eignuðust eina dóttur.
Maki 2: Vilborg Helgadóttir hjúkrunarkona. Þau bjuggu allan sinn búskap í Goðatúni 1 í Garðahreppi.

Unnur Vilhjálmsdóttir fæddist á Eyrarbakka 14. júlí 1918. Foreldrar hennar voru Elín Sveinsdóttir frá Bjarnastaðahlíð og Vilhjálmur Andrésson. Hinn 3. júlí 1943 gekk Unnur að eiga Kristján Jóelsson byggingarmeistara, þau eignuðust fjögur börn.

Unnur Pálsdóttir var fædd á Hvanneyri í Borgarfirði 23. maí 1913. Hún var elst sex barna hjónanna Guðrúnar Hannesdóttur og Páls Zóphóníassonar, skólastjóra Bændaskólans á Hólum, síðar búnaðarráðunauts, alþingismanns og búnaðarmálastjóra. Unnur giftist 16. júlí 1937 Sigtryggi Klemenzsyni, sem lengi var ráðuneytisstjóri í fjármálaráðuneytinu og síðar seðlabankastjóri, þau eignuðust sex dætur.

Foreldrar: Magnús Benediktsson formaður á Sauðárkróki og k.h. Guðný Jónasdóttir. Þegar hún var 13 ára gömul missti hún föður sinn og ömmu úr taugaveiki. Unnur var næstelst systkina sinna og þurfti fljótlega eftir þetta að fara að vinna fyrir sér. Árið 1918 réðst hún vinnukona hjá Kristínu og Kristni Briem. Þar kynntist hún Jóni Björnssyni og kvæntust þau árið 1919. Árið 1920 keyptu þau sér eigið hús á Sauðárkróki og bjuggu þar næstu 60 árin, þau eignuðust fimm börn.

Dóttir Bennie-ar Lárusdóttur (Ingveldar Benediktu) og sr. Magnúsar Jónssonar. Bankaaðstoðarmaður á Laufásvegi 63, Reykjavík 1930. Húsfreyja í Reykjavík 1945. Síðast bús. í Reykjavík.

Unnur Jakobsdóttir fæddist að Hólum í Reykjadal 3. janúar 1888.
Hún var kennari á Hólum, Einarsstaðasókn, S-Þingeyjarsýslu. Síðast búsett í Reykdælahreppi.
Unnur lést 22. maí 1968.

Foreldrar: Hallgrímur Helgi Jónsson lengst b. í Hringveri og k.h. Anna Gunnarsdóttir. Húsfreyja á Sauðárkróki. Kvæntist Ingólfi Nikódemussyni húsasmíðameistara, þau eignuðust átta börn.

Skrifstofustúlka á Akureyri 1930. Skrifstofustarfsmaður í Reykjavík 1945.

Fæddur 12. september 1968. Ólst upp á Sólheimum í Svínadal. Sagnfræðingur að mennt. Var héraðsskjalavörður hjá Héraðskjalasafni Skagfirðinga á Sauðárkróki 2000-2014. Kvæntist Nínu Þóru Rafnsdóttur. Býr í Garðabæ. Starfar nú á Þjóðskjalasafninu.

Una Þorbjörg Árnadóttir fæddist á Kjarvalsstöðum í Hjaltadal 28. maí 1919.
Hún fluttist með foreldrum sínum á Sauðárkrók árið 1964. Verkakona þar og rithöfundur. Eftir hana liggja skáldsögurnar Bóndinn í Þverárdal (1964) og Enginn fiskur á morgun (1969). Einnig birtust eftir hana smásögur, ljóð og framhaldssögur í Heima er bezt.
Hún var ógift og barnslaus.
Una lést að heimili sínu, Ægisstíg 6 á Sauðárkróki 5. febrúar 1982.

Dóttir Valdimars Jónssonar sjómanns á Sauðárkróki og Sigurjónu Óladóttur. Vinnukona á Siglufirði 1930. Síðast bús. í Reykjavík.

Fædd á Dýrfinnustöðum. Dóttir Maríu Jóhannesdóttur og Runólfs Jónssonar. Kvæntist Kristjáni Hólm Jónssyni. Búsett í Hveragerði.