Showing 6 results

Authority record
Family

Guðlaug Gunnlaugsdóttir (1838-1910)

  • S00806
  • Family
  • 22. júní 1838 - 16. okt. 1910

Foreldrar: Gunnlaugur Þorsteinsson og Geirlaug Eiríksdóttir. Guðlaug ólst upp á Svaðastöðum en hún missti föður sinn 5. ára. Kvæntist Birni Þorkelssyni, þau bjuggu alla sína búskapartíð á Sveinsstöðum. Guðlaug og Björn eignuðust fimm börn, aðeins eitt þeirra komst á legg. Þau áttu eina fósturdóttur, Jakobínu Sveinsdóttur.

Guðríður Pétursdóttir (1867-1955)

  • S00756
  • Family
  • 04.01.1867-23.11.1955

Foreldrar: Pétur Brandsson b. á Lundi í Þverárhlíð og Sigþrúður Sigurðardóttir. Guðríður kvæntist Friðriki Stefánssyni b. í Valadal þar sem þau bjuggu 1900-1925, þau eignuðust þrjú börn.

Kári Kort Jónsson (1949-2018)

  • S02903
  • Family
  • 06.08.1949-10.02.2018

Kári Kort Jónsson, f. 06.08.1949, d. 10.02.2018. Foreldrar: Þuríður Guðlaug Márusdóttir, f. 1926 og Jón Kort Ólafsson, f. 1921, d. 2000.
Kári ólst upp í Efra-Haganesi í Fjótum. Hann lærði bifvélavirkjun á bílaverkstæði Áka á Sauðárkróki þar sem hann starfaði þar til hann flutti til Reykjavíkur árið 1972. Árið 1973 stofnaði Kári eigið fyrirtæki og var sjálfstæður atvinnurekandi upp frá því. Síðustu starfsárin vann hann m.a. við fasteigna- og bílasölu. Tók virkan þátt í félagsstarfi, m.a. JC hreyfingunni og var um tíma í hverfisráði Sjálfstæðisflokksins í Breiðholti. Hann var einnig í skagfirsku söngsveitinni.
Maki 1: Sigurlaug Viborg, f. 1949. Þau slitu samvistum árið 1985. Þau eignuðust þrjú börn. Þau hófu búskap á Sauðárkróki en fluttu til Reykjavíkur.
Maki 2: Kristín Alfreðsdóttir, f. 1959. Þau eignuðust tvö börn. Þau slitu samvistum 2012. Þau bjuggu í Reykjavík.

María Einarsdóttir (1882-1962)

  • S02733
  • Family
  • 12.09.1882-25.08.1962

María Einarsdóttir, f. 12.09.1882, d. 25.08.1962 á Siglufirði. Foreldrar: Margrét Jónsdóttir frá Bræðrá og Einar Ásgrímsson á Arnarstöðum. Maki: Jón Hallgrímsson, f. 1883. Þau eignuðust einn son. Jón og María voru fyrstu hjúskaparárin í vistum í Sléttuhlíð en komu til Siglufjarðar 1906. Þau voru í húsmennsku á Árbakka (hjábýli Skútu) 1906-1908 en talin búendur á hluta Neðri-Skútu 1908-1909. Þá slitu þau samvistir og Jón fór í siglingar. María var í Neðri-Skútu fá ár eftir skilnaðinn en fór síðan yfir í kaupstaðinn. Er skráð á Siglufirði 1930 og síðast búsett þar.

Sigmundur Andrésson (1854-1926)

  • S02925
  • Family
  • 15.10.1854-24.04.1926

Sigmundur Andrésson, f. í Syðra-Langholti í Árnessýslu 15.10.1854, d. 24.04.1926 á Vindheimum. Foreldrar: Andrés Magnússon og Katrín Eyjólfsdóttir, í Syðra-Langholti.
Sigmundur ólst að miklu leyti upp á Brunnastöðum hjá Katrínu systur sinni og Guðmundi manni hennar. Á unglingsárum sínum naut hann fræðslu einn vetur hjá sr. Magnúsi bróður sínum. Hann stundaði sjómennsku í uppvextinum og komst í mikinn lífsháska 17 ára gamall þegar bátinn steytti á skeri og tveir drukknuðu en þrír komust að. Einnig fór hann í kaupavinnu á sumrin, m.a. norður í land. Þar kynntist hann konuefni sínu. Um alllangt skeið stundaði hann meðalalækningar og var tíðum leitað til hans í framsveitunum.
Sigmundur var bóndi á Írafelli 1889-1900, á Lýtingsstöðum 1900-1902 og á Vindheimum 1902-1920. Bjö hann þar til dánardags.
Maki: Monika Sigurlaug Indriðadóttir (1862-1939). Þau eignuðust tvö börn.

Ungmennafélagið Framför (1905-)

  • S01654
  • Family
  • 1905-

Ungmennafélagið Framför, stofnað 1. nóvember árið 1905. Á stofnfundi þess voru átta ungir menn og var Jón Árnason á Reykjum aðalhvatamaðurinn að stofnun félagsins. Fleiri gengu í félagið á næstu fundum og má telja að þá 25 menn sem gengu í félagið á fyrsta ári þess sem stofnfélaga. Fyrstu árin voru eingöngu piltar í félaginu en eftir fáein ár voru stúlkur einnig teknar inn í félagið. Á árunum 1909-1912 munu félagar hafa verið á bilinu 50-60.
Í fyrstu var félagið eingöngu málfundafélag en fljótlega var einnig farið að æfa íþróttir. Árið 1910 gaf Jóhann hreppstjóri á Brúnastöðum í Lýtingsstaðahreppi félaginu land undir gróðarstöð, með því skilyrði að þar yrði hafin trjárækt. Eftir það hófst þar kartöflurækt og gróðursetning trjáplantna. Á vegum félagsins var einnig starfandi stúka.
Eftir nokkurra ára starf hófst sundkennsla á vegum félagsins í Steinsstaðalaug. Hérðasmót vorum haldin við Geldingaholt árin 1908-1913 en síðar í Garði. Á fyrstu árum féalgsins var samkomuhúsið við Steinsstaði torfhús með þiljum innan og trégólfi. Var það reist af bindindisfélagi og lestrarfélagi sem störfuðu í sveitinni.
Félagslífið var fjörugt fyrstu árin. Að vetrinum voru fundir annan hvern sunnudag. Einnig voru glímur, dans og leikir.