Showing 3770 results

Authority record
Person

Sigurfinnur Jónsson (1930-)

  • S01852
  • Person
  • 11. mars 1930

Foreldrar: Jón Jónsson b. á Steini á Reykjaströnd og k.h. Sigfríður Jóhannsdóttir. Finni er fæddur á Daðastöðum á Reykjaströnd þar sem foreldrar hans bjuggu til 1946 er þau fluttu að Steini á Reykjaströnd. Línumaður og síðar verkstjóri hjá Rarik, búsettur á Sauðárkróki. Kvæntist Maríu Jóhannsdóttur frá Daðastöðum.

Sigurgeir Angantýsson (1939-2012)

  • S02888
  • Person
  • 12.04.1939-02.05.2012

Sigurgeir Angantýsson, f. 12.04.1939 í Ási í Glerárhverfi á Akureyri, d. 02.05.2012. Foreldrar: Björg Dagmar Bára Jónsdóttir frá Lambanesi í Fljótum og Angantýr Elínór Jónsson frá Gröf í Svarfaðardal. Sigurgeir ólst upp í Glerárhverfi til 4 ára aldurs en þá fluttist fjölskyldan til Siglufjarðar, þaðan í Málmey á Skagafirði og loks á Sauðárkrók árið 1946. Þar bjó Sigurgeir mestan hluta ævi sinnar. Hann lærði bifreiðavirkjun á Akureyri og starfaði þar í nokkur ár. Flutti aftur á heimaslóðir og hóf störf á Bifreiðaverkstæði Áka. Gerðist síðan sjálfstæður atvinnurekandi til margra ára. Hóf síðan störf hjá Sauðárkróksbæ sem verkstæðisformaður í áhaldahúsi bæjarins og starfaði við það ásamt verkstjórn þar til hann hætti störfum sökum aldurs. Sigurgeir var virkur í félagsmálum, starfaði m.a. í Kiwanisklúbbnum Drangey. Lék á hljóðfæri, m.a. með danshljómsveitum og söng í kórum, m.a. Karlakór Akureyrar og Rökkurkórnum.
Maki 1: Sigríður Gréta Þorsteinsdóttir frá Akureyri. Þau eignuðust tvær dætur. Þau slitu samvistum.
Maki 2: Þórey Jóhanna Dóra Þorsteinsdóttir frá Hofsós. Þau eignuðust tvö börn.

Sigurgeir Daníelsson (1866-1959)

  • S01761
  • Person
  • 14. maí 1866 - 29. okt. 1959

Foreldrar: Daníel Daníelsson á Skáldstöðum í Eyjafirði og k.h. Guðrún Sigurðardóttir frá Gröf í Kaupangssveit. Sigurgeir ólst upp hjá foreldrum sínum á Skáldastöðum og vann að búi þeirra, þar til hann kvæntist árið 1893, Jóhönnu Jónsdóttur frá Syðra-Dalsgerði í Eyjafirði. Það sama ár hófu þau búskap, fyrst í Hólum á móti tengdaföður sínum, en fluttust árið 1896 að Núpufelli og bjuggu þar til 1906, er þau fluttust til Sauðárkróks. Þar tók Sigurgeir að sér rekstur sjúkrahússins og gegndi því starfi í allmörg ár. Samhliða störfum sínum við sjúkrahúsið stofnsetti hann verslunina Drangey og rak hana allt fram á efri ár. Einnig var hann mörg ár þátttakandi í útgerð á Sauðárkróki. Sigurgeir gegndi mörgum trúnaðarstörfum bæði í Eyjafirði og á S.króki. Hann var í hreppsnefnd Sauðárkrókshrepps í mörg ár og hreppstjóri 1920-1932. Sigurgeir og Jóhanna eignuðust ekki börn en ólu upp tvö fósturbörn. Sigurgeir eignaðist son með Ásdísi Andrésdóttur eftir að kona hans lést.

Sigurgeir Einarsson heildsali í Reykjavík

  • S03211
  • Person
  • 29.04.1871-11.04.1953

Sigurgeir Einarsson, f. að Miðkrika í Hvolhreppi í Rangárvallasýslu 29.04.1871, d. 11.04.1953. Foreldrar: Sigríður Sigurðardóttir og Einars Einarsson. Sigurgeir ólst upp í foreldrahúsum við almenn sveitastörf. Hann stundaði síðan sjóðróðra um nokkurt skeið. Hann sigldi til Danmerkur og stundaði þar nám og verslunarstörf um skeið. Eftir heimkomuna vann hann við Lefolis verslun á Eyrarbakka, en 1898 fluttist hann til Reykjavíkur og vann við verslun Gunnars Þorbjarnarsonar í Hafnarstræti. Þegar sú verslun hætti störfum stofnaði Sigurgeir umboðsverslun sem hann starfrækti meðan heilsa leyfði. Einnig fékkst hann við útgerð um tíma. Hann var mikill bókamaður og lagði stund á ritstörf. Gaf út þrjár bækur, auk blaða- og tímaritsgreina. Hann var ókvæntur og barnlaus.

Sigurgeir Jónsson (1918-1996)

  • S00306
  • Person
  • 30.8.1918-25.1.1996

Sigurgeir Jónsson fæddist á Sauðárkróki 30. ágúst 1918. Foreldrar hans voru Jón Þ. Björnsson skólastjóri frá Veðramóti í Vindhælishreppi í A-Hún. og kona hans, Geirlaug Jóhannesdóttir, ættuð úr Eyjafirði. ,,Skömmu eftir að Sigurgeir útskrifaðist úr Verslunarskóla íslands vorið 1942, tók hann við gjaldkerastörfum hjá bæjarverkfræðingi Reykjavíkur, starfaði síðan um skeið hjá Skjalasafni Reykjavíkur og eftir það sem vaktmaður hjá Skeljungi."

Sigurgeir Sigurðsson (1934-2017)

  • S03439
  • Person
  • 14.12.1934-03.10.2017

Sigurgeir Sigurðsson, f. á Sauðárkróki 14.12.1934, d. 03.10.2017. Foreldrar: Ingibjörg Eiríksdóttir og eiginmaður hennar, Sigurður P. Jónsson, kaupmaður á Sauðárkróki. Hann ólst upp á Sauðárkróki og lauk þar gagnfræðaprófi 1951. Flutti hann þá til Reykjavíkur og lauk þremur árum í Verslunarskólanum. Fór eftir það á síld en hóf síðan störf á Keflavíkurflugvelli og starfaði þar í þrjú ár. Hann var starfsmaður Landsbankans 1955, starfaði hjá Varnarliðinu 1956-1959 og sem sölumaður hjá Kr. Kristjánsson 1960-1964. Hann var sveitarstjóri á Seltjarnarnesi 1965-1974 og bæjarstjóri 1974-2002. Var í sveitar-og bæjarstjórn þar og einnig varaþingmaður Reykvíkinga. Hlaut heiðursmerki Hinnar íslensku fálkaorðu fyrir störf sín að sveitarstjórnarmálum árið 2000.
Maki: Sigríður Gyða Sigurðardóttir myndlistarkona. Þau eignuðust þrjú börn. Fyrir átti Sigurgeir soninnn Hörð, barnsmóðir Matthildur Sonja Matthíasdóttir.

Sigurgeir Snæbjörnsson (1928-2005)

  • S00224
  • Person
  • 14.06 1928-19.07.2005

Sigurgeir Snæbjörnsson fæddist á Sauðárkróki 14. júní 1928. Sigurgeir var sonur hjónanna Snæbjörns Sigurgeirssonar, bakarameistara á Sauðárkróki og Ólínu Björnsdóttur frá Skefilsstöðum á Skaga. Sigurgeir var alinn upp á Sauðárkróki. 4ra ára missti hann föður sinn en Ólína giftist aftur Guðjóni Sigurðssyni bakarameistara á Sauðárkróki, f. á Mannskaðahóli á Höfðaströnd. Sigurgeir kvæntist hinn 12. júní 1954 Auði Hannesdóttur, þau eignuðust fimm börn.

1946 veiktist Sigurgeir af berklum og átti í þeim veikindum í 2 ár. Haustið 1948 sat hann í þriðja bekk Gagnfræðaskólans á Sauðárkróki og tók þaðan landspróf um vorið. Haustið 1949 fór hann í rafvirkjanám í Iðnskólanum í Reykjavík, en kláraði ekki námið þar sem veikindi hans tóku sig upp á ný. Hann vann um tíma sem verkstjóri hjá Varnarliðinu í Keflavík og síðan vann hann við verslunarstörf, fyrst fyrir aðra en síðan við sín eigin fyrirtæki og starfaði við þau alla sína starfsævi.

Sigurjón Bergvinsson (1848-1934)

  • S02661
  • Person
  • 28. feb. 1848 - 19. apríl 1934

Sigurjón fæddist á Halldórsstöðum í Bárðardal sonur Bergvins Einarssonar og Friðbjargar Ingjaldsdóttur. Hann var bóndi í Fnjóskadal, en síðar Skagafirði; í Flatatungu á Kjálka 1889-1892 og í Glæsibæ í Staðarhreppi 1892-1900. Sigurjón sat í hreppsnefnd Staðarhrepps og var oddviti hennar 1896-1899. Fór til Vesturheims árið 1900.
Sigurjón var tvíkvæntur; fyrri kona hans var Júlíana Margrét Jónsdóttir frá Sörlastöðum, þau eignuðust eina dóttur. Júlíana lést úr tæringu árið 1885. Seinni kona Sigurjóns var Anna Þorkelsdóttir frá Flatatungu, þau eignuðust þrjú börn er upp komust og ólu einnig upp systurdóttur Sigurjóns.

Sigurjón Eiríksson (1867-1941)

  • S02094
  • Person
  • 14. apríl 1867 - 1941

Fór til Vesturheims 1883 frá Tyrfingsstöðum, Akrahr., Skag. Bjó í grennd við Wynyard í Saskatchewan.Gekkst fyrir því að Wynyardhérað yrði gert að lögsagnarumdæmi og varð fyrsti oddviti sveitarráðsins.

Sigurjón Friðbjörn Björnsson (1926-

  • S02331
  • Person
  • 25. nóv. 1926-

Foreldrar: Halldóra Friðbjörnsdóttir frá Hvammkoti á Skaga og s.m.h. Björn Björnsson járnsmiður á Sauðárkróki. Sálfræðingur að mennt. Fyrrum prófessor í sálarfræði við Háskóla Íslands. Rithöfundur og þýðandi. Kvæntist Margréti Eybjörgu Margeirsdóttur.

Sigurjón Gestsson (1944-

  • S03035
  • Person
  • 8. júlí 1944-

Búsettur á Sauðárkróki. Kvæntur Svanborgu Guðjónsdóttur (1950-), þau eiga tvö börn.

Sigurjón Gíslason (1878-1956)

  • S03025
  • Person
  • 21. jan. 1878 - 12. júní 1956

Fæddur á Krithóli á Neðribyggð. Foreldrar: Gísli Guðmundsson og Herdís Ólafsdóttir, þau voru ekki kvænt. Herdís varð síðar ráðskona Sigurðar Gunnarssonar b. í Syðra-Vallholti. Sigurjón var gagnfræðingur frá Möðruvallaskóla og stundaði barnakennslu í Akrahreppi um alllangt skeið meðfram búskapnum. Sigurjón ólst upp á ýmsum stöðum í Skagafirði, fyrst með föður sínum en síðan um hríð með móður sinni eftir lát föður hans. Var bóndi á Syðstu-Grund 1900-1930, er hann brá búi. Reisti aftur bú í Húsey árið 1934 með seinni konu sinni og bjó þar til 1944. Hóf svo búskap að nýju í Torfgarði árið 1946. Keypti þá jörð og bjó þar til dánardags. Maki 1: Efemía Halldórsdóttir (1869-1929). Þau eignuðust einn son er lést á öðru ári. Einnig fóstruðu þau systurson Efemíu, Garðar Jónsson hreppstjóra og skólastjóra á Hofsósi. Fyrir átti Efemía einn son.
Maki 2: Sigríður Jóhannsdóttir (1906-1970) ljósmóðir, frá Torfustöðum í Svartárdal. Þau eignuðust ekki börn.

Sigurjón Helgason (1895-1974)

  • S02030
  • Person
  • 24.05.1895-20.08.1974

Foreldrar: Helgi Björnsson bóndi á Ánastöðum og seinni kona hans, Margrét Sigurðardóttir. Sigurjón ólst upp hjá foreldrum sínum, fjölskyldan bjó lengst af á Ánastöðum, en einnig á Mælifellsá, í Kolgröf á Efribyggð og síðast á Reykjum í Tungusveit. Sigurjón var bóndi á Reykjum í Tungusveit 1917-1918, í Hamarsgerði á Fremribyggð 1922-1929, í Árnesi í Tungusveit 1929-1938 og loks á Nautabúi 1938-1974. Skólagöngu hlaut Sigurjón á heimilinu en kennari kom á heimilið hvern vetur. Eftir fermingu vann hann fyrir sér á ýmsum stöðum í sveitinni, m.a. á Gilhaga. Sigurjón gegndi mörgum trúnaðarstörfum fyrir sveit sína.
Maki: Margrét Magnúsdóttir, þau eignuðust 3 börn en eitt þeirra dó á fyrsta ári. Fyrir átti Margrét tvö börn.

Sigurjón Jónasson (1877-1959)

  • S02516
  • Person
  • 9. mars 1877 - 10. nóv. 1959

Sigurjón fæddist á Gunnsteinsstöðum í Langadal. Foreldrar hans voru Jónas Jónsson og Vigdís Guðmundsdóttir bændur á Hólakoti á Reykjaströnd. Bóndi í Hólakoti á Reykjaströnd 1903-1922 og á Skefilsstöðum á Skaga 1922-1953, bjó áfram á Skefilsstöðum hjá syni sínum. Sigurjón kvæntist Margréti Stefánsdóttur frá Daðastöðum og eignuðust þau fimm syni.

Sigurjón Jónasson (1915-1993)

  • S02113
  • Person
  • 27. ágúst 1915 - 6. sept. 1993

Sigurjón var fæddur 27. ágúst 1915 að Garði í Hegranesi. Foreldrar hans voru Jónas Gunnarsson bóndi og Steinunn Sigurjónsdóttir húsfreyja, og ólst Sigurjón upp í föðurhúsum í Hátúni í Seyluhreppi. ,,Sigurjón varð búfræðingur frá Bændaskólanum á Hólum 1939. Hann flutti að Syðra-Skörðugili 1940 og bjó þar til dauðadags. Sigurjón var þekktur hestamaður og meðal stofnenda Hestamannafélagsins Stíganda. Hann tók mikinn þátt í félagsmálum, bæði með Ungmennafélaginu Fram og samvinnuhreyfingunni. Sigurjón var formaður sóknarnefndar Glaumbæjarsóknar og söng með Karlakórnum Heimi í fjölda ára. Sigurjón kvæntist Sigrúnu Júlíusdóttur, þau eignuðust fögur börn."

Sigurjón Jónsson (1867-1944)

  • S01247
  • Person
  • 23. júlí 1867 - 26. júní 1944

Foreldrar: Jón Jónsson b. og hreppstjóri á Hóli og k.h. Sigríður Magnúsdóttir. Sigurjón ólst upp hjá foreldrum sínum. Var við smíðanám hjá Þorsteini Sigurðssyni smið en kvæntist um það bil og hætti þá smíðanámi. Sigurjón var ýmist við búskap eða í húsmennsku. Bóndi á Þröm 1892-1893, Bessastöðum 1902-1911 og Varmalandi 1923-1928. Kvæntist Björgu Runólfsdóttur frá Meðalheimi í Ásum, þau eignuðust tvo syni.

Sigurjón Magnús Konráðsson (1904-óvíst)

  • S01157
  • Person
  • 1904-óvíst

Sonur Konráðs Þorsteinssonar og Guðrúnar Ágústu Jóhannsdóttur á Grímsstöðum í Svartárdal, fluttu til Vesturheims 1904. Nafnið er ekki til í Íslendingabók, drengurinn hefur því sennilega fæðst eftir að þau komu til Vesturheims. Dó í frumbernsku.

Sigurjón Markússon (1868-1919)

  • S02444
  • Person
  • 04.02.1868-12.01.1919

Foreldrar: Markús Arason (1836-1935), síðast bóndi að Ríp í Hegranesi og fyrri kona hans Steinunn Jónsdóttir (1837-1888). Sigurjón ólst upp með foreldrum og naut fræðslu í heimahúsum og hjá sóknarpesti. Hann hóf búskap að Stóru-Gröf á Langholti í Staðarhreppi og bjó þar 1888-1896. Flutti þá að Eyhildarholti í Hegranesi 1896 bjó þar til 1910 er hann brá búi og flutti til Sauðárkróks. Dvaldi þar í eitt ár en fluttu þá aftur að Eyhildarholti og bjó þar í eitt ár. Flutti þá að Sjávarborg í Sauðárhreppi og bjó þar 1912-1915 er hann fór að Íbishóli í Seyluhreppi og bjó þar til æviloka. Bjó stóru búi framan af ævi og átti um tíma 1000 fjár í félagi við föður sinn. Hafði einnig mikið kúabú og var einn af brautryðjendum rjómabúsins Framtíðin á Gljúfuráreyrum í Viðvíkursveit.
Maki: Guðrún Magnúsdóttir frá Lýtingsstöðum, f. um 1864, d. 26.06.1896. Þau eignuðust þrjár dætur.
Bústýra Sigurjóns eftir andlát konu hans var Sigurlaug Vigfúsdóttir, f. 11.05.1870, d. 28.08.1951. Þau eignuðust 5 börn. og komust 4 þeirra upp.

Sigurjón Ósland Jónsson (1869-1937)

  • S03210
  • Person
  • 17.09.1869-05.01.1937

Sigurjón Jónsson, f. á Syðstu-Grund í Blönduhlíð 17.09.1869, d. 05.01.1937 á Akureyri. Foreldrar: Jón Jónsson bóndi á Syðstu-Grund og kona hans Björg Jónsdóttir. Þau fóru til Vesturheims og létust bæði þar. Sigurjón ólst upp með foreldrum sínum á Syðstu-Grund. Fór að vinna fyrir sér, er hann hafði aldur til og reri meðal annars á Suðurnesjum. Bóndi á Þorleifsstöðum 1893-1894, Keldum í Sléttuhlíð 1894-1899, Skálá í Sléttuhlíð 1899-1901. Keypti Ósland og bjó þar 1901-1918. Seldi þá jörðina og brá búi að mestu. Var í Torfhól 1918-1920. Fór til Vesturheims og dvaldi þar 1920-1922. Setti á stofn og rak kjötbúð á Siglufirði 1922-1923. Bóndi á Hvalnesi í Skaga 1923-1931 og 1933-1934. Bjó á Borgarlæk 1928-1930 og 1932-1934. Brá þá búi og flutti fyrst til Skagastrandar til barna sinna. Sigurjón var einn af stofnendum Búnaðarfélags Óslandshlíðar og formaður þess um skeið.
Maki (gift 1892): Sigurjóna Magnúsdóttir, f. 16.03.1861, d. 23.06. 1929. Þau eignuðust sjö börn. Áður átti Sigurjóna eitt barn með heitmanni sínum, Jóni Jónssyni, bróður Sigurjóns.

Sigurjón Páll Ísaksson (1950-)

  • S00052
  • Person
  • 27.08.1950

Sigurjón Páll Ísaksson er fæddur í Reykjavík 27. ágúst 1950. Faðir: Ísak Jónsson, fæddur á Gilsárteigi í Eiðaþinghá, S-Múl. 31. júlí 1898. Látinn 3. desember 1963. Sigrún Sigurjónsdóttir, fædd á Nautabúi í Hólahr., Skag. 1. desember 1913. Látin 26. október 1978.

Sigurjón Runólfsson (1915-2000)

  • S00259
  • Person
  • 15. ágúst 1915 - 27. maí 2000

Fæddur og uppalinn á Dýrfinnustöðum í Blönduhlíð. Foreldrar hans voru María Jóhannesdóttir og Runólfur Jónsson. ,,Sigurjón lauk prófi sem búfræðingur frá Bændaskólanum á Hólum í Hjaltadal 1940. Hann axlaði ungur ábyrgð á æskuheimilinu ásamt móður sinni, ömmu og elstu systkinum, þegar faðir hans missti heilsuna. Sigurjón tók alfarið við búinu sem bóndi á Dýrfinnustöðum í Akrahreppi í Skagafirði árið 1937. Hann var í sveitarstjórn Akrahrepps um árabil og m.a. formaður bygginganefndar. Sigurjón studdi margskonar menningarstarf og vann ötullega að uppbyggingarmálum í sveitinni. Hann var vel hagmæltur og eiga margir vinir hans í fórum sínum vísur og kvæði eftir hann. Sigurjón hætti ekki búskap fyrr en heilsa hans brást. Áttatíu og tveggja ára fluttist hann ásamt eiginkonu sinni til Sauðárkróks." Sigurjón kvæntist 4. júlí árið 1963 Sigríði Guðrúnu Eiríksdóttur, þau eignuðust saman eina dóttur. Fyrir átti Sigríður eina dóttur. Sigurjón og Sigríður áttu einnig einn uppeldisson.

Sigurjón Sæmundsson (1912-2005)

  • S02479
  • Person
  • 5. maí 1912 - 17. mars 2005

Sigurjón fæddist í Lambanesi í Fljótum í Skagafirði. Foreldrar hans voru Sæmundur Jón Kristjánsson útvegsbóndi og Herdís Jónsdóttir húsmóðir og verkakona. Sigurjón missti föður sinn á fjórða ári, þá fór hann til móðursystur sinnar og síðar var hann léttadrengur á ýmsum bæjum milli þess sem hann var hjá móður sinni. Sigurjón fór til Siglufjarðar tólf ára gamall, var þar til sjós og vann í síld. Hann var sextán ára þegar hann flutti til Akureyrar ásamt móður sinni og bræðrum. Þar hóf hann prentnám og festi síðar kaup á Siglufjarðarprentsmiðju. Hann var bæjarfulltrúi fyrir Alþýðuflokkinn í 20 ár og formaður Iðnaðarmannafélags Siglufjarðar í 15 ár. Sigurjón var mikill söngmaður og söng í kórum áratugum saman; söng auk þess einsöng. Hann var frumkvöðull að stofnun Tónlistarskólans Vísis. Eiginkona Sigurjóns var Ragnheiður Jónsdóttir. Þau eignuðust tvö börn.

Sigurjón Samúelsson (1936-2017)

  • S02508
  • Person
  • 6. feb. 1936 - 4. ágúst 2017

Sigurjón var fæddur á Hrafnabjörgum við Ísafjarðardjúp, sonur hjónanna Samúels G. Guðmundssonar bónda og Hildar Hjaltadóttur húsfreyju og ljósmóður. Sigurjón fór snemma til sjós, fór m.a. til Grindarvíkur á vertíð. Hann fór á Hvanneyri á vélanámskeið og vann lengi á jarðýtu hjá Búnaðarfélaginu. Um 1958 tók Sigurjón við búinu á Hrafnabjörgum. Sigurjón sat lengi í hreppsnefnd Ögurhrepps og seinna Súðavíkurhrepps, var einnig formaður búnaðarfélags Ögurhrepps nokkurn tíma og sat í stjórn Ræktunarsambands Ögur- og Reykjafjarðarhrepps. Sigurjón átti gífurlega stórt hljómplötusafn, sem hann hafði safnað um árabil. Hann var mikill unnandi tónlistar. Hann eignaðist tvo syni.

Sigurjón Sigtryggsson (1916-1993)

  • S02512
  • Person
  • 2. júlí 1916 - 10. maí 1993

Sigurjón var fæddur á Hæringsstöðum í Svarfaðardal. Foreldrar hans voru Sigtryggur Davíðsson sjómaður og kona hans Sigríður Jóhannesdóttir húsfreyja. Sigurjón flutti til Siglufjarðar árið 1945 og bjó þar alla tíð síðan. Hann var kvæntur Kristbjörgu Ásgeirsdóttur og eignuðust þau þrjú börn. Sigurjón fékkst mikið við fræðistörf á efri árum og skrifaði hann greinar í tímarit og var í ritstjórn Siglfirðingabókar þar sem birtar voru greinar eftir hann. Sjóferðaminningar voru gefnar út 1981 og síðar kom út þriggja binda verk, Frá Hvanndölum til Úlfsdala.

Sigurjón Sigurðsson (1915-2004)

  • S02961
  • Person
  • 16. ágúst 1915 - 6. ágúst 2004

Fæddur í Reykjavík. Foreldrar: Sigurður Björnsson brunamálastjóri (1876-1947) og k.h. Snjólaug Sigurjónsdóttir (1878-1930). Maki: Sigríður Kjaran. Þau eignuðust sex börn.
Sigurjón varð stúdent frá Menntaskólanum í Reykjavík árið 1935 og lauk lögfræðiprófi frá Háskóla Íslandds árið 1941. Hann kynnti sér skipulagningu og framkvæmd lögreglumála á Norðurlöndum og í Bretlandi árið 1948, í Bandaríkjunum árið 1952 og í Þýskalandi 1954. Starfaði um tveggja ára skeið hjá Sjóvártryggingafélagi Íslands en kom svo til starfa hjá lögreglunni í Reykjarvík árið 1944 sem fulltrúi. Settur lögreglustjóri í Reykjavík frá 1. Ágúst 1947 en skipaður í embættið í febrúar 1949 og gegndri stöðunni óslitið til ársloka 1985 er hann hætti fyrir aldurssakir. Hafði yfirumsjón með Bifreiðaeftirliti Ríkisins í rúma þrjá áratugi, var skólastjóri Lögregluskóla ríkisins í tvo áratugi og kenndi við skólann nokkuð fram á áttræðisaldur. Samhliða gengdi hann setudómarastörfum í ýmsum málum. Gegndi ýmsum félags- og trúnaðarstörfum. Eftir hann liggja rit tengd lögreglustörfum og umferðamálum. Hlaut hann fjölmargar heiðursviðurkenningar, m.a. íslenska fálkaorðu og gullmerki Lögreglufélags Reykjavíkur.

Sigurjón Sumarliðason (1867-1954)

  • S03046
  • Person
  • 6. nóv. 1867 - 9. maí 1954

Fæddur í Sælingsdalstungu í Hvammssveit í Dalasýslu. Foreldrar: Sumarliði Guðmundsson bóndi og póstur og fyrri kona hans Guðrún Sigurðardóttir. Sigurjón ólst að nokkru upp hjá foreldrum sína en fór snemma til vandalausra. Um tvítugt flutti hann með foreldrum sínum til Eyjafjarðar. Bjuggu þau m.a. að Lögmannshlíð og í Skjaldarvík en fluttu að Ásláksstöðum. Sigurjón gerðist fylgdarmaður föður síns á póstferðum milli Akureyrar og Staðar í Hrútafirði. Árið 1888 fór hann til Ameríku og dvaldi þar í fimm ár. Heimkominn gerðist hann aftur fylgdarmaður föður síns en tók alfarið við póstferðunum árið 1902 og hélt því starfi til 1916. Jafnframt póstferðalögunum ferðaðist Sigurjón mikið með útlendingum og hélt því starfi áfram, eftir að hann hætti póstferðum. Sigurjón gerðist bóndi á Ásláksstöðum 1895 og bjó til 1930. Byggði hann sér þá hús á Akureyri, við Munkaþverárstræti 3 og bjó þar síðan. Fyrir vel unnið starf í þjónustu landsins, var Sigurjón sæmdur riddarakrossi Fálkaorðunnar. Árið 1909 giftist Sigurjón Guðrúnu Jóhannsdóttur frá Víðivöllum i Fnjóskadal, þau áttu einn fósturson.

Sigurjón Sveinsson (1854-1939)

  • S02096
  • Person
  • 20.11.1854-15.05.1939

Var í Syðrafjalli, Múlasókn, S-Þing. 1860. Fór til Vesturheims 1873 frá Garði, Helgastaðahreppi, S-Þing. Kaupmaður í Wynyard, Saskatchevan, Kanada. Barn vestra: Páll, f. 14.8.1886 á Mountain, N-Dakota, d. 4.3.1926.

Sigurjón Sveinsson (1908-2006)

  • S02111
  • Person
  • 13. júní 1908 - 21. apríl 2006

Sonur Sveins Sigurðssonar b. á Giljum og í Bakkakoti í Vesturdal o.v. og k.h. Guðrún Jónsdóttir frá Bakkakoti. Bóndi á Giljum og Bakkakoti, síðar í Byrgisskarði í Vesturdal, síðar búsettur á Sauðárkróki. Kvæntist Steinvöru Júníusdóttur frá Íbishóli.

Sigurjón Þorsteinsson (1928-1983)

  • S01985
  • Person
  • 31. júlí 1928 - 12. nóv. 1983

Var á Reykjum, Staðasókn, V-Hún. Bílstjóri síðast búsettur í Reykjavík.

Sigurjón Þorvaldur Árnason (1897-1979)

  • S03139
  • Person
  • 3. mars 1897 - 10. apríl 1979

Foreldrar: Sr. Árni Björnsson prófastur á Sauðárkróki og k.h. Líney Sigurjónsdóttir. Aðstoðarprestur í Görðum í Álftanesi 1922-1924, prestur í Vestmannaeyjum 1924-1944 og í Reykjavík frá 1945. Kvæntist Þórunni E. Kolbeins.

Sigurjóna Bjarnadóttir (1892-1963)

  • S01754
  • Person
  • 8. júní 1892 - 4. jan. 1963

Foreldrar: Bjarni Jóhannsson b. í Þúfum í Óslandshlíð og k.h. Jónína Dóróthea Jónsdóttir. Sigurjóna ólst upp hjá foreldrum sínum og var hjá þeim allt þar til hún kvæntist Antoni Gunnlaugssyni frá Stafshóli, utan einn vetur, sem hún vann í eldhúsi á Akureyrarspítala. Þau bjuggu á Fjalli í Kolbeinsdal 1917-1922, á Molastöðum í Fljótum 1923-1924, á Sviðningi í Kolbeinsdal 1924-1926, í Ásgeirsbrekku í Viðvíkursveit 1926-1928, á Ingveldarstöðum í Hjaltadal 1931-1932, í Enni í Viðvíkursveit 1932-1935, á Litlahóli 1936-1948. Síðast búsett á Sauðárkróki. Sigurjóna og Anton eignuðust tólf börn.

Sigurjóna Karlotta Jóhannsdóttir (1909-2004)

  • S00351
  • Person
  • 24.12.1909 - 07.05.2004

Sigurjóna Karlotta Jóhannsdóttir fæddist í Gröf á Höfðaströnd þann 24. desember 1909. Hún ólst upp í Brekkukoti í Hjaltadal í Skagafirði. Var á Krossum, Stærra-Árskógssókn í Eyjafirði. 1930. Heimili: Brekkukot, Hólahreppur. Nam vefnað og aðra handavinnu í Danmörku 1936-1937. Gerðist í framhaldinu af því húsmæðraskólakennari á Blönduósi og var þar frá 1937-1950. Var á Hólum í Hjaltadal, kenndi einnig í Húsmæðraskólanum á Löngumýri í Skagafirð 1958-1961i. Flutti til Akureyrar 1955, húsfreyja og saumakona þar. Síðast búsett þar. Kjörsonur: Pálmi Pétursson, f. 5.3.1940. Maður hennar var Sigurður Hall Karlsson (1906-1992).

Sigurlaug Anna Rögnvaldsdóttir (1877-1956)

  • S00680
  • Person
  • 15. mars 1877 - 20. mars 1956

Foreldrar: Rögnvaldur Þorleifsson og Guðrún Jónsdóttir. Sigurlaug ólst upp á Lambanes-Reykjum og hóf svo búskap þar með manni sínum Jóni Gísla Gunnlaugi Halldórssyni frá Teigum í Flókadal. Þau bjuggu síðan á Berghyl, á Molastöðum og í Stóru-Brekku í Fljótum þar til þau fluttu suður, fyrst í Hafnarfjörð en síðan til Reykjavíkur. Sigurlaug og Jón eignuðust 14 börn, 10 þeirra komust til fullorðinsára.

Sigurlaug Árnadóttir (1910-2002)

  • S02497
  • Person
  • 6. feb. 1910 - 26. júní 2002

Sigurlaug var fædd á Sauðárkróki, foreldrar hennar voru hjónin sr. Árni Björnsson prestur á Sauðárkróki 1887-1913 og k.h. Líney Sigurjónsdóttir. ,,Eftir að Sigurlaug lauk námi frá Kvennaskólanum í Reykjavík hóf hún nám við Hjúkrunarskóla Íslands og útskrifaðist árið 1933. Fór síðan í frekara nám í Belgíu og Englandi í eitt ár. Sigurlaug vann á Hvítabandinu og Röntgendeild Landsspítala 1934 -1937. Sigurlaug giftist 8.8. 1937 Skafta Benediktssyni frá Hlíð í Lóni, þau keyptu jörðina Hraunkot í Lóni og bjuggu þar frá hausti 1937. Hún var organisti í Stafafellskirkju í hartnær 60 ár. Sigurlaug starfaði mikið að félags - og menningarmálum. Hún sat lengi í hreppsnefnd Bæjarhrepps og var með fyrstu konum á Íslandi til að gegna því starfi. Hún sat lengi í formannaráði Kvenfélagasambands Íslands og sat landsþing þess. Hún sat einnig fulltrúaráðsfundi og landsfundi Kvenréttindafélags Íslands, og á vettvangi þess bar hún árið 1952 upp tillögu um að í hverri sveitarstjórn, nefnd og ráði á Íslandi skyldi sitja að minnsta kosti ein kona. Sigurlaug átti lengi sæti í hreppsnefnd Bæjarhrepps og var ein fyrsta kona á Íslandi til að gegna því starfi. Hún sat í Byggðasafnsnefnd og Þjóðhátíðarnefnd Austur-Skaftafellssýslu 1975. Sigurlaug sá um útgáfu á bókum Guðlaugar mágkonu sinnar og las sögur hennar upp í útvarpi ásamt frumsömdum erindum sínum. Hún þýddi einnig allmargar bækur og sá um útgáfu þeirra. Fyrir störf sín að félags- og menningarmálum fékk hún riddarakross Fálkaorðunnar árið 1975. Sigurlaug var frumkvöðull í garðrækt. Þau Skafti komu upp skrúðgarði þar sem hún kom upp af fræjum ýmsum skrautjurtum frá fjarlægum heimshlutum. Hún fékk fyrir þau störf viðurkenningar víða að, þar á meðal frá Garðyrkjufélagi Íslands árið 1985. Auk allra annarra starfa gegndi Sigurlaug mikilvægu uppeldisstarfi. Hún fóstraði mikinn fjölda sumarbarna." Sigurlaug og Skafti áttu einn fósturson.

Sigurlaug Bjarnadóttir (1926-

  • S02511
  • Person
  • 4. júlí 1926-

Sigurlaug fæddist í Vigur í Ísafjarðardjúpi. Foreldrar hennar voru Bjarni Sigurðsson bóndi og Björg Björnsdóttir húsfreyja. Maki Sigurlaugar var Þorsteinn Óskarsson Thorarensen, þau eignuðust þrjú börn. Sigurlaug er fyrrum menntaskólakennari, borgarfulltrúi og alþingismaður.

Sigurlaug Björg Árnadóttir Knudsen (1863-1949)

  • S03013
  • Person
  • 05.11.1863-24.04.1949

Sigurlaug Björg Árnadóttir Knudsen, f. á Höfnum á Skaga 05.11.1863, d. 24.04.1949. Prestfrú á Breiðabólsstaði í Vesturhópi. Foreldrar hennar voru Arni Sigurðsson óðalsbóndi í Höfnum og kona hans Margrjet Guðmundsdóttir.

Sigurlaug Björnsdóttir (1895-1966)

  • S00522
  • Person
  • 21.01.1895 - 03.03.1966

Sigurlaug Björnsdóttir fæddist á Borgarey í Lýtingsstaðahreppi 21. janúar 1895.
Hún var verkakona og vann við prjónaskap, búsett á Siglufirði.
Ógift og barnslaus.
Sigurlaug lést 3. mars 1966.

Sigurlaug Brynjólfsdóttir (1870-1966)

  • S03231
  • Person
  • 03.07.1870-13.04.1966

Sigurlaug Brynjólfsdóttir, f. í Ölduhrygg 03.07.1870, d. 13.04.1966 á Sauðárkróki. Foreldrar: Brynjólfur Oddsson og kona hans Valgerður Rafnsdóttir. Um sex ára aldur fór hún í fóstur að Sveinsstöðum til Björn Þorkelssonar og Guðlaugar Gunnlaugsdóttur og átti þar heimili til 1904. Þar kynntist hún Jóni manni sínum, sem var vinnumaður þar. Þau bjuggu á hluta Sveinsstaða 1901-1904 og fluttu þá að Brandsstöðum í Blöndudal er þau fluttu ða Grófargili 1905. Eftir lát mannsins síns árið 1924 bjó Sigurlaug áfram á Grófargili með aðstoð dætra sínna næstu fjögur árin. Hún andaðist hjá dóttur sinni í Sauðárkróki 96 ára gömul.
Maki: Jón Benediktsson (03.07.1872-17.05.1924). Þau eignuðust 5 börn en eitt þeirra dó í bernsku.

Sigurlaug Einarsdóttir (1901-1985)

  • S03467
  • Person
  • 09.07.1901-23.06.1985

Sigurlaug Einarsdóttir, f. 09.07.1901, d. 23.06.1985. Foreldrar: Einar Jónsson bóndi í Brimnesi og koma hans, Margrét Símonardóttir. Sigurlaug ólst upp með foreldrum sínum í Brimnesi. Árið 1921 tók móðir hennar sig upp og sigldi með þær systur til Danmerkur til að afla þeim frekari menntunar. Þar voru þær í nokkur ár, gengu í menntaskóla og lýðháskóla. Árið 1924 hófu þær systur hannyrðakennslu í Reykjavík og stundaði Sigurlaug hana þar til hún giftist. Sigurlaug var húsfreyja í Læknishúsinu á Flatey 1930. Síðast búsett í Hafnarfirði.
Maki: Ólafur Einarsson læknir. Þau einguðust sex börn.

Sigurlaug Gísladóttir (1873-1959)

  • S00893
  • Person
  • 16.06.1873-3.10.1959

Fædd að Hvammi í Laxárdal. Kvæntist Ólafi Guðmundssyni sjómanni á Sauðárkróki, þau eignuðust eina dóttur.

Sigurlaug Guðmundsdóttir (1911-2003)

  • S01512
  • Person
  • 02.06.1911 - 31.07.2003

Sigurlaug Guðmundsdóttir fæddist að Ytrafelli á Fellsströnd í Dalasýslu 2. júní 1911. Foreldrar hennar voru Sigríður Helga Gísladóttir og Guðmundur Ari Gíslason. Sigurlaug ólst upp hjá foreldrum sínum en þau bjuggu á einum sex bæjum í Snæfellsnes- og Dalasýslum. Hún flutti með þeim til Skagafjarðar 11 ára gömul. Um tvítugt fór hún til Reykjavíkur og starfaði þar á ýmsum stöðum. Hún sótti námskeið í fatasaumi, orgelleik, útsaumi og listmálun. Hún og maður hennar, Sigurður Stefánsson frá Brennigerði, hófu búskap á Brenniborg 1936. Þau hættu honum árið 1942 og fluttu til Reykjavíkur. Þau dvöldu þar í fimm ár en fluttu síðan aftur í Skagafjörðinn, að Brúnastöðum. Síðustu starfsárin vann hún í eldhúsi á Sjúkrahúsinu á Sauðárkróki og síðasta áratuginn dvaldi hún að mestu á dvalarheimilinu þar. Sigurlaug og Sigurður eignuðust tvo syni.

Sigurlaug Guðnadóttir (1910-1974)

  • S01059
  • Person
  • 05.08.1910-09.10.1974

Dóttir Guðna H. Jónssonar og Stefaníu Guðrúnar Sigmundsdóttur á Heiði í Sléttuhlíð. Húsfreyja á Vesturvegi 26, Vestmannaeyjum 1930. Síðast bús. í Reykjavík. Kvæntist Þorsteini Steinssyni vélsmið.

Sigurlaug Guðrún Gunnarsdóttir (1933-2014)

  • S00556
  • Person
  • 9. október 1933 - 8. júlí 2014

Sigurlaug Guðrún Gunnarsdóttir, Silla Gunna, fæddist 9.10. 1933 að Víðivöllum í Blönduhlíð. Foreldrar hennar voru Amalía Sigurðardóttir og s.m.h.Gunnar Jóhann Valdimarsson. Þann 31.12.1953 giftist Silla Gunna, Sigtryggi Bergþóri Pálssyni, þau eignuðust þrjú börn. ,,Silla Gunna var alin upp á kirkjustaðnum Víðimýri og á Víðimel í Skagafirði. Að lokinni hefðbundinni barnaskólagöngu fór hún til náms á Húsmæðraskólann á Löngumýri. Hún starfaði hjá Kaupfélagi Skagfirðinga, sjúkrahúsinu á Sauðárkróki og á saumastofu. Árið 1979 hóf hún störf hjá Fjölbrautaskóla Norðurlands vestra, fyrst sem aðstoðarkona í mötuneyti og síðar sem matráðskona allt til ársins 2001 þegar hún fór á eftirlaun. Hún sinnti ýmsum félagsstörfum þ.á m. var hún ein af stofnendum Lionessuklúbbsins Bjarkar, starfaði í kvenfélagi Seyluhrepps og var félagi í kór eldri borgara. Silla Gunna tók virkan þátt í kirkjustarfi, var um árabil í sóknarnefnd Sauðárkrókskirkju og vann ötult starf meðal safnaðarkvenna."

Sigurlaug Guðrún Sigurðardóttir (1903-1971)

  • S03064
  • Person
  • 6. maí 1903 - 23. feb. 1971

Foreldrar: Sigurður Jónsson og Guðrún Símonardóttir á Hvalnesi á Skaga. 16 ára gömul fór hún til Margrétar móðursystur sinnar að Brimnesi í Viðvíkursveit en þar hafði hún oft dvalið tímabundið frá barnsaldri. Veturinn 1920-1921 var hún við nám í Kvennaskóla í Reykjavík. Vorið 1921 flutti hún í Svaðastaði og kvæntist Jóni Pálmasyni. Næstu árin voru þau í húsmennsku á Svaðastöðum. Árið 1923 yfirgaf Jón konu sína og tvær ungar dætur og fór til Ameríku. Þau skildu að lögum stuttu seinna og dvaldist Sigurlaug áfram á Svaðastöðum fyrst um sinn en fór þaðan alfarin til Reykjavíkur árið 1925 þar sem hún gekk að eiga Gunnlaug Björnsson frá Narfastöðum í Viðvíkursveit. Vorið 1929 fluttu Sigurlaug og Gunnlaugur í Brimnes og hófu þar búskap og bjuggu þar síðan. Sigurlaug og Gunnlaugur eignuðust saman einn son en fyrir hafði Sigurlaug eignast tvær dætur með fyrri manni sínum.

Sigurlaug Gunnarsdóttir (1888-1966)

  • S01242
  • Person
  • 24. júlí 1888 - 28. júlí 1966

Dóttir Gunnars Ólafssonar og Guðnýjar Jónsdóttur sem bjuggu m.a. í Keldudal og Ási í Hegranesi. Lausakona í Hlíð, Snóksdalssókn, Dal. 1930. Síðast bús. í Reykjavík.

Sigurlaug Hallgrímsdóttir (1893-1922)

  • S03368
  • Person
  • 22.09.1893-24.06.1922

Sigurlaug Hallgrímsdóttir, f. á Akureyri 22.09.1893, d. 24.06.1922. Foreldrar: Hallgrímur Hannes Sigurðsson stýrimaður á Akureyri og kona hans Guðrún Sigurðardóttir.
Sigurlaug lést af barnsförum. Hún og Brynleifur bjuggu á Akureyri.
Maki: Brynleifur Tobíasson. Þau eignuðust einn son.

Sigurlaug Hallsdóttir (1906-1989)

  • S02596
  • Person
  • 21. jan. 1906 - 10. ágúst 1989

Fluttist til Hofsóss á öðru aldursári með foreldrum sínum, Halli Einarssyni sjómanni og Friðriku Jóhannsdóttur, frá Hóli á Skaga. Vann m.a. við síldarsöltun á Siglufirði. Síðast búsett á Sauðárkróki. Ógift og barnlaus.

Sigurlaug Jóhannsdóttir (1918-1975)

  • S02762
  • Person
  • 3. júní 1918 - 4. júlí 1975

Sigurlaug Jóhannsdóttir, f. 03.06.1918 í Brekkukoti (nú Laufskálum) í Hjaltadal. Foreldrar: Jóhann Guðmundsson bóndi í Brekkukoti, f. 1876 og kona hans Birgitta Guðmundsdóttir, f. 1881. Sigurlaug lærði kjólasaum í Reykjavík. Maki: Aðalsteinn Sveinbjörn Óskarsson, f. 1916. Þau bjuggu á Kóngsstöðum í Skíðadal 1939-1941 og Ytri-Másstöðum 1941-1950 en fluttu þá til Dalvíkur sökum heilsubrests Sigurlaugar. Þau eignuðust þrjár dætur. Sigurlaug fékkst við ljóðagerð og var hefti með ljóðum hennar prentað fyrir fjölskyldu og vini í tilefni af 90. ártíð hennar 2008.

Sigurlaug Jónasdóttir (1892-1982)

  • S001107
  • Person
  • 08.07.1892-13.10.1982

Foreldrar: Jónas Egilsson og Anna Kristín Jónsdóttir á Völlum. Sigurlaug ólst upp á Völlum hjá foreldrum sínum. Árið 1908 fór hún í Kvennaskólann á Blönduósi, þaðan sem hún útskrifaðist tveimur árum seinna. Námsárangur hennar varð með þeim ágætum, að forstöðukonan, Rósa Arasen, vildi fá hana sér til aðstoðar við kennsluna. Nokkrum árum síðar var Sigurlaug einn vetur í Reykjavík. Þar stundaði hún vinnu á saumastofu fyrri hluta dags, en seinni partinn var hún vinnukona hjá Sigurði Thoroddsen og Maríu Kristínu Claessen. Árið 1921 kvæntist hún Bjarna Halldórssyni og það sama ár hófu þau búskap á Völlum þar sem þau bjuggu til 1925 er þau keyptu Uppsali í Blönduhlíð þar sem þau bjuggu til 1973. Sigurlaug og Bjarni eignuðust átta börn.

Sigurlaug Jónsdóttir (1870-1968)

  • S01036
  • Person
  • 19. jan. 1870 - 12. maí 1968

Foreldrar: Jónas Jónsson í Hróarsdal og 2. k. h. Elísabet Gísladóttir frá Lóni í Viðvíkursveit. Sigurlaug ólst upp hjá foreldrum sínum fram undir tvítugt, en þá réðst hún norður að Þönglabakka í Fjörðum þar sem hún kynntist manni sínum Theódóri Friðrikssyni frá Flatey á Skjálfanda. Fyrstu árin bjuggu þau í tvíbýli að Gili í Fjörðum á móti foreldrum Theódórs. Næstu þrjú árin voru þau hér og þar í húsmennsku, síðast að Bárðartjörn í Höfðahverfi. Árið 1902 fluttu þau vestur í Skagafjörð og voru fyrst um sinn í húsmennsku á kotum í grennd við Sauðárkrók en bjuggu svo í níu ár á Sauðárkróki þar til þau fluttu til Húsavíkur 1916 þar sem þau bjuggu saman til 1936 er þau skildu. Eftir lok seinni heimstyrjaldar flutti Sigurlaug aftur til Sauðárkróks og bjó þar í Blöndalshúsi fram á tíræðisaldur. Síðustu æviárin dvaldi hún í Reykjavík hjá syni sínum. Sigurlaug og Theódór eignuðust sex börn.

Sigurlaug Jónsdóttir (1904-1979)

  • S01965
  • Person
  • 10.02.1904-25.05.1979

Foreldrar: Jón G. Erlendsson b. á Marbæli í Óslandshlíð og k.h. Anna Rögnvaldsdóttir. Ráðskona á Eiðum, Eiðasókn, S-Múl. 1930. Húsfreyja í Dalhúsum í Eiðaþinghá og Eiðum, S-Múl. Síðast bús. á Egilstöðum. Kvæntist Jóni Sigfússyni símstöðvarstjóra á Eiðum.

Sigurlaug Jónsdóttir (1929-2008)

  • S01690
  • Person
  • 10. jan. 1929 - 1. sept. 2008

Sigurlaug Jónsdóttir fæddist á Sauðárkróki 10. janúar 1929. Foreldrar hennar voru Anna Friðriksdóttir og Jón Sigvaldi Nikódemusson. ,,Veturinn 1948-1949 stundaði Sigurlaug nám við Húsmæðraskóla Reykjavíkur. Hún starfaði m.a. hjá Mjólkursamlagi Kaupfélag Skagfirðinga, Bæjarskrifstofu Sauðárkróks, Skrifstofu Kaupfélags Skagfirðinga og Sláturhúsi Kaupfélags Skagfirðinga." 17. júní 1956 giftist Sigurlaug Gunnari G. Helgasyni, þau eignuðust sex börn, fyrir átti Sigurlaug son með Júlíusi Gestssyni.

Sigurlaug Jósafatsdóttir (1891-1965)

  • S01756
  • Person
  • 7. des. 1891 - 27. okt. 1965

Dóttir Jósafats Guðmundssonar b. í Krossanesi og k.h. Guðrúnar Ólafsdóttur. Sigurlaug kvæntist ekki en eignaðist dóttur.

Sigurlaug Magnúsdóttir (1865-1938)

  • S01196
  • Person
  • 21.07.1865-26.06.1938

Sigurlaug var fædd og uppalin að Utanverðunesi í Hegranesi, dóttir Magnúsar Árnasonar og Sigurbjargar Guðmundsdóttur. Kvæntist Gunnari Ólafssyni frá Ögmundarstöðum, þau bjuggu í Keflavík í Hegranesi, þau eignuðust 14 börn, Gunnar átti einn son fyrir hjónaband.

Sigurlaug Magnúsdóttir (1886-1960)

  • S01195
  • Person
  • 11. okt. 1886 - 14. jan. 1960

Dóttir Helgu Indriðadóttur ljósmóður og Magnúsar Jónssonar frá Gilhaga. Sigurlaug ólst upp hjá foreldrum sínum í Gilhaga. Kvæntist Steingrími Guðmundssyni árið 1912 þau bjuggu á Írafelli í Svartárdal, Þverá í Hallárdal A-Hún, í Gilhaga í Fremribyggð, í Þorsteinsstaðakoti í Tungusveit, á Akureyri og síðast í Breiðargerði (1947-1960). Lærði karlmannafatasaum og starfaði við sauma þau ár sem hún bjó á Akureyri. Sigurlaug og Steingrímur eignuðust tvö börn og áttu einn fósturson.

Sigurlaug Margrét Jónasdóttir (1898-1985)

  • S02502
  • Person
  • 1898-1985

Sigurlaug fæddist í Háagerði í Vindhælishreppi í Austur-Húnavatnssýslu. Foreldrar hennar voru hjónin Jónas Sveinsson og Björg Björnsdóttir. Eiginmaður Sigurlaugar var Jónas Þorbergsson fyrrum útvarpsstjóri. Þau eignuðust tvö börn, Björgu og Jónas.

Sigurlaug Oddsdóttir (1932-2010)

  • S00527
  • Person
  • 27.09.1932 - 29.01.2010

Sigurlaug fæddist að Flatatungu í Akrahreppi 27. september 1932. Dóttir Odds Einarssonar og Sigríðar Gunnarsdóttur. Sigurlaug var nemi í Barnaskóla Akrahrepps og síðar Húsmæðraskólanum á Löngumýri, en þar var hún árið 1950. Hún lærði til ljósmóður 1957-58 og starfaði í kjölfarið sem ljósmóðir í framsveitum Skagafjarðar, fyrst haustið 1958. Ári seinna fór hún til Danmerkur og vann þar á Hótel D’Angleterre. Í kjölfarið fór hún yfir til Svíþjóðar og vann á Karolinska sjúkrahúsinu í Gautaborg og Södrasjúkrahúsinu í Stokkhólmi. Þar kynnti hún sér fyrirburafæðingar og meðferð fyrirbura. Haustið 1960 kom hún heim og vann um tíma á sjúkrahúsinu á Sauðárkróki við ljósmóður- og hjúkrunarfræðingsstörf. Á árunum 1962-1963 vann hún á sjúkrahúsinu á Akranesi. Frá hausti 1963 til 1984 var hún starfandi ljósmóðir á Fjórðungssjúkrahúsinu á Akureyri, en þangað hafði hún flutt með einkadóttur sína, Sigríði Aðalheiði Pálmadóttur. Hún bjó seinustu árin í Kópavogi.

Sigurlaug Ólafsdóttir (1865-1922)

  • S02727
  • Person
  • 9. sept. 1865 - 31. jan. 1922

Foreldrar: Ólafur Rafnsson og Sigríður Gunnarsdóttir á Tyrfingsstöðum. Maki: Sölvi Guðmundsson bóndi á Skíðastöðum í Laxárdal og víðar. Þau eignuðust átta börn, eitt dó á fyrsta ári.

Sigurlaug Pálsdóttir (1934-2020)

  • S00406
  • Person
  • 10.06.1934-22.11.2020

Sigurlaug Pálsdóttir frá Laufskálum/Brekkukoti í Hjaltadal, foreldrar hennar voru Páll Jónsson og Guðrún Gunnlaugsdóttir. Maður hennar var Sighvatur Fanndal Torfason (1936-2004), þau eignuðust þrjú börn. Þau bjuggu í Hvítadal og á Neðri Brekku í Saurbæ í Dalasýslu til ársins 1966 er þau fluttust til Sauðárkróks.

Sigurlaug Sigurðardóttir (1877-1961)

  • S03114
  • Person
  • 17. mars 1877 - 23. nóv. 1961

Fædd á Fossi á Skaga. Dóttir Sigurðar Gunnarssonar b. og hreppstjóra á Fossi og k.h. Sigríðar Gísladóttur. Kvæntist Ásgeiri Halldórssyni, þau bjuggu á Fossi frá 1903 en höfðu jafnframt einn þriðja hluta af Gauksstöðum til ábúðar til 1922. Árið 1951 fluttu þau til Sauðárkróks og þaðan til Reykjavíkur. Sigurlaug og Ásgeir eignuðust eina dóttur.

Sigurlaug Sigurðardóttir (1878-1974)

  • S03525
  • Person
  • 05.01.1878-15.10.1974

Sigurlaug Sigurðardóttir f. á Stóra-Vatnsskarði 05.01.1878, d. 15.10.1974 á Sauðárkróki. Foreldrar: Sigurður Bjarnason bóndi á Stóra-Vatnsskarði og seinni kona hans, Salbjörg Sölvadóttir. Sigurlaug missti föður sinn þegar hún var tólf ára. Móðir hennar lét þá af búskap og fór Sigurlaug í vist til frænku sinnar Soffíu Þorkelsdóttur og eiginmanns hennar. Meðna hún dvaldi þar lærði hún margt nytsamlegt, svo sem fatasaum.
Maki: Benedikt Sigurðsson. Þau bjuggu á Fjalli í Sæmundarhlíð. Þau eignuðust þrjú börn og tóoku nokkur til viðbótar í fóstur.

Sigurlaug Sigurgeirsdóttir (1876-1929)

  • S01310
  • Person
  • 7. maí 1876 - 6. apríl 1929

Með foreldrum og í vistum í Fnjóskadal og á Svalbarðsströnd til 1893, flutti þá til Akureyrar.

Sigurlaug Stefánsdóttir (1917-2002)

  • S02607
  • Person
  • 1. okt. 1917 - 23. maí 2002

Sigurlaug Helga Stefánsdóttir fæddist á Akureyri 1. október 1917. ,,Foreldrar hennar voru Stefán Stefánsson, járnsmíðameistari á Akureyri, f. í Litlu- Hlíð í Lýtingsstaðahreppi og kona hans, Steinunn Guðrún Eiríksdóttir, húsfreyja á Akureyri, f. í Fremri-Svartárdal í Lýtingsstaðahreppi. Sigurlaug bjó á Akureyri alla ævi. Hún lauk námi frá Gagnfræðaskóla Akureyrar og einnig frá Húsmæðraskólanum að Laugalandi í Eyjafirði. Hún vann á heimili foreldra sinna og síðan hjá Höldi um árabil við rekstur söluskála. Sigurlaug giftist Braga Svanlaugssyni, verkstjóra á BSA. Bragi var ekkjumaður og átti tvö börn fyrir, þau eignuðust ekki börn saman."

Sigurlaug Sveinsdóttir (1929-2008)

  • S03016
  • Person
  • 27.12.1929-27.12.2007

Sigurlaug Sveinsdóttir, f. á Akureyri 27.12.1929, d. 27.12.2007. Foreldrar: Sveinn Árnason Bjarman og Guðbjörg Björnsdóttir Bjarman. Hún ólst upp í foreldrahúsum á Akureyri og lauk gagnfræðaprófi þar 17 ára gömul.
Maki: Snorri Sigurðsson skógfræðingur (1929-2009). Þau eignuðustu sex börn. Tvær dætur þeirra létust ungar.
Snorri nam skógfræði í Noregi og bjuggu þau 4 ár í Kóngsbergi og Ási. Heim komin bjuggu þau fyrst á Akureyri en síðan í Kópavogi, síðast hjá dóttur sinni og tengdasyni. Hún starfaði við umönnunarstörf og sinnti líknarmálum.

Sigurlaug Sveinsdóttir (1934-

  • S01762
  • Person
  • 3. mars 1934-

Dóttir Margrétar S. Kristinsdóttur og Sveins Sölvasonar á Sauðárkróki. Gagnfræðingur frá Gagnfræðaskóla Sauðárkróks. Við afgreiðslu í Sauðárkróksapóteki 1952-1955. Starfaði einnig við fiskvinnslu, við plastgerð í Plastgerðinni Dúða og síðast hjá Loðskinni. Kvænt Braga Þ. Sigurðssyni vélsmiði úr Loðmundarfirði.

Sigurlaug Þorkelsdóttir (1913-2005)

  • S03418
  • Person
  • 05.05.1913-18.05.2005

Sigurlaug Þorkelsdóttir, f. á Daðastöðum á Reykjaströnd 05.05.1913, d. 18.05.2005. Foreldrar: Anna Sigríður Sigurðardóttir og Þorkell Jónsson á Ingveldarstöðum á Reykjaströnd. Sigurlaug ólst upp á Daðastöðum á Reykjaströnd. Sigurlaug var lengst af búsett á Bárustíg á Sauðárkróki og starfaði hjá Skildi. Síðustu árin bjó hún á dvalarheimilinu á Sauðárkróki.
Maki: Friðrik Friðriksson. Þau eignuðust fjögur börn, en fyrir átti Sigurlaug eina dóttur.

Sigurlaug Traustadóttir (1907-1945)

  • S00704
  • Person
  • 21. okt. 1907 - 20. mars 1945

Dóttir Trausta Friðrikssonar og Ásu Nýbjargar Ásgrímsdóttur. Flutti til Vesturheims með foreldrum sínum árið 1922. Húsfreyja í Winnipeg.

Sigurlína Ágústína Gísladóttir (1880-1967)

  • S01112
  • Person
  • 1. ágúst 1880 - 19. júlí 1967

Foreldrar: Gísli Sigurðsson b. í Neðra-Ási og k.h. Kristín Björnsdóttir. Kvæntist Kristni Erlendssyni b. og kennara á Ingveldarstöðum á Reykjaströnd. Sigurlína tók mikinn þátt í öllu félagslífi með manni sínum, starfaði mikið að leikstarfsemi á yngri árum og að kvenfélagsmálum. Sigurlína og Kristinn eignuðust tíu börn, Kristinn eignaðist einnig dóttur utan hjónabands með Sigurlaugu Jósafatsdóttur frá Krossanesi.

Sigurlína Björnsdóttir (1898-1986)

  • S01884
  • Person
  • 22.05.1898-11.10.1986

Foreldrar: Björn Bjarnason b. í Brekku hjá Víðimýri og s.k.h. Stefanía Ólafsdóttir. ,,Sigurlína ólst upp hjá foreldrum sínum og fylgdi þeim að Reykjarhóli 1909 og síðan Krossanesi 1915. Veturnar 1915-1916 og 1916-1917 stundaði hún ná við Kvennaskólann á Blönduósi. Eftir það var hún tvo vetur við barnakennslu á ýmsum stöðum. Að Eyhildarholti fór hún1920 og giftist ári síðar Jóni Jónssyni frá Nautabúi. Húsmóðurstörfin á Hofi voru umfangsmikil, gestakomur tíðar, því jörðin var kirkjustaður í þjóðbraut og félagsmálastörf bóndans orsökuðu bæði mikinn gestagang og ekki síður langar fjarvistir hans frá heimilinu. Þá kom á herðar Sigurlínu að annast forsjá búsins og heimilisins. Árið 1971 fluttist Sigurlína frá Hofi til Reykjavíkur ásamt móður sinni." Sigurlína og Jón eignuðust þrjú börn, tvö þeirra komust á legg, einnig tóku þau þrjá fóstursyni.

Sigurlína Jónína Jónsdóttir (1922-1994)

  • S01472
  • Person
  • 31.01.1922 - 01.02.1994

Sigurlína Jónína Jónsdóttir fæddist 31. janúar 1922 á Deplum í Stíflu. Dóttir hjónanna Sigríðar Guðmundsdóttur frá Bakka í Austur-Fljótum og Jóns Sigmundssonar frá Vestara-Hóli, en þau hjón bjuggu lengst af á Molastöðum, síðar að Hraunum og síðast að Lambanes-Reykjum. Kvæntist Björgvini Márussyni (1916-1993) frá Fyrirbarði og hófu þau búskap þar 1946. Bjuggu þar samfleytt til ársins 1990 er þau fluttu til Sauðárkróks, þau eignuðust níu börn, átta þeirra komust á legg.

Sigurlína Kristín Kristinsdóttir (1958-)

  • S00486
  • Person
  • 13.01.1958-

Foreldrar hennar voru Guðrún Ólöf Guðmundsdóttir og Kristinn Jónasson. Foreldrar Sigurlínu bjuggu bæði í Tungu og á Knappstöðum í Stíflu. Sigurlína kvæntist Hauki Ástvaldssyni (1950-2011), þau hófu búskap á Deplum í Stíflu 1974, þau eignuðust þrjár dætur. Sigurlína er nú búsett á Sauðárkróki.

Sigurlína Sigurbjörg Jónasdóttir (1890-1959)

  • S01251
  • Person
  • 11. feb. 1890 - 27. nóv. 1959

Dóttir Jónasar Jónassonar ferjumanns á Tjörn í Borgarsveit og Önnu Elínar Kristjánsdóttur. Móðir hennar fór til Vesturheims 1902 ásamt þremur börnum sínum. Samkvæmt Vesturfaraskrá fór Sigurlína til Vesturheims frá Sjávarborg 1903, þá skráð sem tökubarn þar. Húsfreyja í N-Dakota.

Results 3146 to 3230 of 3770