Showing 5155 results

Authority record

Bjarni Guðmundsson (1943

  • S02408
  • Person
  • 1943

Bjarni er frá Kirkjubóli í Dýrafirði, fæddur 18. ágúst 1943. Hann lauk doktorsprófi frá Norska Landbúnaðarháskólanum árið 1971 og kenndi síðan búfræði á Hvanneyri í meira en fjögurra áratuga skeið. Vann einnig við rannsóknir. Frá síðustu aldamótum hefur Bjarni veitt Landbúnaðarsafni Íslands forstöðu og stýrt uppbyggingu þess. Hann hefur skrifað nokkrar bækur, m.a. Konur breyttu búháttum og Íslenskir sláttuhættir.

Bjarni Gíslason (1933-2012)

  • S02089
  • Person
  • 01.08.1933-18.01.2012

Bóndi í Eyhildarholti í Rípurhreppi og skólastjóri við Grunnskóla Rípurhrepps. Síðast bús. á Sauðárkróki.

Bjarni Halldórsson (1898-1987)

  • S00960
  • Person
  • 25.01.1898-15.01.1987

Hann ólst upp hjá móður sinni. Hún giftist aldrei en var alla tíð vinnukona. I nokkur ár voru þau á Sjávarborg hjá hjónunum Pálma Péturssyni síðar kaupmanni á Sauðárkróki. Er þau fluttust til Sauðárkróks +aro 1905, vildu þau fá Bjarna fyrir fósturson og taka móður hans til sín líka. Þetta góða boð þáði Helga ekki, en hélt áfram að basla í vinnumennsku með dreginn sinn á ýmsum stöðum. Bjarna þótti sárt að fá ekki að alast upp hjá þessum hjónum, sem voru honum einstaklega góð og leið fyrir það að hafa ekki átt neitt heimili í uppvextinum. Snemma mun hugur hans staðið til nám en sökum fátæktar var að ekki auðsótt leið. Árið 1917 tókst honum þó að komast í Hvítárbakkaskóla og var þar í tvo vetur. Á þessum næstu árum voru ungmennafélögin. Búnaðarfélög tóku forystu um ræktun landsins og æskufólkið fyllist bjartsýni og trí á land sitt og þjóð og tók fullan þátt í sjálfstæðisbaráttu þjóðarinnar. Bjarni á uppsölum lét ekki sitt eftir liggja, og beitti sér strax af fullum þunga. Bjarni var í hreppsnefnd 1937-1950, í skattanefnd hreppsins 1938-1946, og yfirskattanefnd sýslunar 1947-1962. Formaður í fasteignamatsnefnd Skagafjarðarsýslu 1963-1970, Hann var fulltrúi Skagfirðinga á fundum Stéttarsambandsins bænda um 30 ára skeið 1945-1975

Bjarni Haraldsson (1930-)

  • S00054
  • Person
  • 14.03.1930

Bjarni Haraldsson fæddist 14.03.1930 á Sauðárkróki og var annað tveggja barna Haraldar Júlíussonar verslunarmanns og Guðrúnar Ingibjargar Bjarnadóttur. Bjarni giftist Ásdísi Kristjánsdóttur og eiga þau saman einn son, fyrir átti Bjarni tvær dætur og Dísa þrjú börn. Bjarni starfaði við akstur stóran hluta ævi sinnar, frá 1950-1954 ók hann norðurleiðarrútu fyrir Norðurleið. hf á leiðinni Akureyri – Reykjavík. Árið 1954 stofnaði hann fyrirtækið Vöruflutningar Bjarna Haraldssonar og tók að sér flutninga á milli Sauðárkróks og Reykjavíkur á Bens bifreið. Eftir því sem árin liðu stækkuðu bílarnir og útgerðin jókst. Bjarni seldi flutningafyrirtækið árið 2001 eftir farsælan rekstur. Bjarni tók við rekstri verslunar Haraldar Júlíussonar árið 1973 en hann tók fyrir alvöru að vinna innanbúðar með föður sínum árið 1959. En verslunin hefur starfað óslitið frá 1919 og að mestu óbreytt frá 1930 þegar húsið sem hún er í nú var reist. Það ár hóf Olíuverslun Íslands BP samvinnu um eldsneytissölu við verslunina. Verslun Haralds Júlíussonar, sem í daglegu tali er nú oft kölluð verslun Bjarna Har. er fyrir löngu orðin mikilvægur þáttur í menningarlífi Sauðárkróks og í ímynd allra Skagfirðinga sem dregur ferðamenn að, enda fáar ef nokkrar búðir sem hans eftir á Íslandi. Alkunnur er húmor Bjarna og tilsvör hans orðin landsþekkt, en Bjarni er með ríka þjónustulund og hefur gaman af því að spjalla við fólk og greiða götur þess.
Bjarni var sæmdur heiðursborgara titli af Sveitarfélaginu Skagafirði sumarið 2019 fyrir framlag hans til verslunar- og þjónustureksturs til íbúa sveitarfélagsins og gesta í um 70 ár og fyrir að gera skagfirskt samfélag enn betra.

Bjarni Ingibergur Sigfússon (1916-2001)

  • S01483
  • Person
  • 21.06.1916-29.03.2001

Úr minningagrein á mbl.is

Bjarni Ingibergur Sigfússon fæddist á Syðri-Brekkum í Blönduhlíð í Skagafirði 21. júní 1916. Hann andaðist á Landspítalanum 29. mars síðastliðinn og fór útför hans fram frá Bústaðakirkju 5. apríl.
Minn kæri vinur, ég þakka þér. Ég þakka tímann sem liðinn er, já, þökk fyrir gleði og gaman. Máske við hittumst á himneskri strönd og hleypum þar fáki um sólskinslönd, þá skulum við syngja þar saman. (Árni Jóhannsson.)

Nú er síðasti hlekkur móðursystkina minna brostinn. Látinn er Bjarni Ingibergur Sigfússon.
Bjarni fæddist á Syðri-Brekkum árið 1916 en afi og amma bjuggu þar frá 1904 og var tvíbýli á bænum. Um haustið 1917 brennur bærinn og urðu afi og amma að búa um sig í fjárhúsum með sjö börn sem þau áttu þá og í janúar 1918 missa þau Sigurð son sinn, 19 ára að aldri.

Þessi ár voru einhver hörðustu sem komu á síðustu öld. En þrátt fyrir fátækt og mikla erfiðleika tókst ömmu og afa að glæða hjá börnum sínum sérstaka bjartsýni og trú á lífið sem mótaði lífsviðhorf þeirra alla tíð. Eflaust hefur reynsla þeirra þegar bærinn brann 1917 fært þau nær hvert öðru en mér er í barnsminni hvað systkinin voru samhent og samkennd þeirra mikil.

Þessum eiginleikum miðluðu þau svo til okkar afkomenda sinna.

Afi og amma flytja að Hofi á Höfðaströnd um vorið 1918 og í ágúst eignast þau dreng sem þau skíra Sigurð. Að Gröf flytjast þau 1921. Bjarni elst upp í glaðværum hópi systkina sem eftir þetta eru kölluð Grafarsystkin. Bjarni vandist öllum störfum til sveita og var sá harðduglegasti maður sem ég hef séð vinna, sama að hverju hann gekk. Við Agnar vorum í sveit hjá ömmu og afa til 1941 en það ár deyr amma og Bjarni tekur við búinu. Hann, ásamt Ólafi Jónssyni og Svanhildi systur hans, keypti jörðina 1937 og byggðu tveggja íbúða hús 1938 og eftir það er tvíbýli í Gröf.

Bjarni festi ráð sitt 1943, eignaðist einstaklega góða konu, Gunnlaugu Stefánsdóttur frá Gautastöðum í Fljótum, en hún var í vist hjá mömmu og Árna Jóhannsyni á Siglufirði þegar þau kynntust.

Við Agnar vorum í sveitinni hjá Bjarna og Laugu til ársins 1945. Á ég bjartar minningar um þessi ár. Bjarni var vinnuharður og gekk að öllum störfum með miklum krafti. Eitt sinn vantaði nýmeti. Bjarni rauk niður í Grafargerðisgil og beitti nokkra stokka af línu. Hann tók svo Agnar með sér og lögðu þeir línuna af árabát sem hann átti. Ég var að sniglast í fjörunni og fylgjast með en þeir voru rétt fyrir utan víkina.

Agnar, sem seinna varð sjómaður, varð sjóveikur og setti Bjarni hann í land og sagði honum að sækja hest og kerru undir aflann og tók mig með sér á sjóinn. Dró hann svo línuna sem var með heilmikinn fisk. Agnar kom svo með kerruna og um kvöldið var mikill fiskur á hlaðinu í Gröf. Þetta var minn eini línuróður og á ég hann Bjarna að þakka. Hann átti til að hringja í Grafargerðisbændur eftir kvöldmat í góðu veðri og biðja þá að mæta niður í gil og taka nokkur fyrirdráttarköst. Ég man eftir ágætisveiði eitt sinn og eftir að aflanum hafði verið skipt í þrjá staði lá stór sjóbirtingur í fjörunni. Bjarni brá hnífi á fiskinn og skipti honum í þrjá hluta. Í Grafargerði var þá tvíbýli, skipta ætti afla rétt. Í þessu fólst mikil kennsla fyrir okkur strákana.

Bjarni átti afbragðsgóða hesta, ég man sérstaklega eftir Bjarnabrún, hann var stór og ofsaviljugur, aldrei fékk ég að ríða á honum, okkur var bara treyst á þægari hesta.

Bjarni hafði mikla og bjarta söngrödd, í Gröf var mikið sungið. Eftir að síminn kom áttu þeir það til Bjarni og vinur hans, Gísli á Sleytustöðum, að syngja í símann og Bjarni spilaði þá gjarna líka á munnhörpu og öll sveitin lá á hleri. Þetta voru yndisleg ár. Eftir að Jónína fæddist átti Lauga til að kalla á mig og láta mig passa hana seinni part dags svo hún gæti farið í heyskapinn með Bjarna, afa og Agnari sem að sjálfsögðu var miklu duglegri en ég.

Það urðu breytingar árið 1946, þá deyr afi og við fórum ekki í sveitina um sumarið, fórum að vinna á Sauðárkróki hjá Sigurði bróður Bjarna sem þá var búinn að hasla sér völl þar við byggingaframkvæmdir. Þar urðu miklar breytingar, stofnaður Gagnfræðaskóli og Iðnskóli og bærinn fékk kaupstaðarréttindi 1947. Íbúum fjölgaði og fólk vantaði til starfa. Bjarni selur Ólafi sinn hluta jarðarinnar 1947 og flytur til Sauðárkóks. Byggðu þau Lauga fallegt hús að Hólavegi 13, þar sem heimili þeirra stóð, öllum opið og sama gestrisnin og var í Gröf. Bjarni vann hjá Sigurði bróður sínum, fyrst við byggingavinnu og síðan verslunarstörf.

Til Reykjavíkur flytja þau árið 1966 og kaupa hús á Sogavegi 100, það var alltaf gaman að heimsækja þau, tekið var á móti manni með veisluborði fyrirvaralaust. Vissulega hefðu þær heimsóknir mátt vera fleiri því alltaf var gaman að hitta Bjarna og rifja upp árin í Gröf. Bjarni og Lauga áttu góð ár í Reykjavík. Hann stundaði verslunarstörf og hún vann auk þess utan heimilis. Þau höfðu gaman af að ferðast og fóru margar ferðir til sólarlanda með vinum sínum.

Milli Grafarsystkinanna var alla tíð mikið og kærleiksríkt samband. Höfum við niðjar þeirra reynt að halda því við með ættarmóti á fimm ára fresti. Nú eru það börnin okkar sem fyrir þeim standa. Í sumar er ætlunin að hittast í Reykholti, þar mun Bjarna verða saknað. Ég vissi af veikindum Bjarna og að hann var að berjast við ólæknandi sjúkdóm.

Ég kveð frænda minn með söknuði, hann kenndi mér og Agnari bróður mínum ungum að vinna og var fyrirmynd í leik og starfi. Fyrir það og margar ánægjustundir vil ég nú þakka.

Ég kveð Bjarna með ljóðlínum sem ortar voru í minningu föður hans, Sigfúsar Hanssonar:

Minn kæri vinur, ég þakka þér.
Ég þakka tímann sem liðinn er,

já, þökk fyrir gleði og gaman.

Máske við hittumst á himneskri strönd

og hleypum þar fáki um sólskinslönd,

þá skulum við syngja þar saman.

(Árni Jóhannsson.)

Við Auður sendum öllum aðstandendum innilegar samúðarkveðjur. Guð veri með ykkur.

Sverrir Sveinsson.

Bjarni J. Rafnar

  • Person
  • 1922-2005

Bjarni var fæddur á Akureyri 1922. Foreldrar hans voru Jónas Jónasson Rafnar yfirlæknir á Kristnesi og Ingibjörg Bjarnardóttir húsfreyja. Þar ólst Bjarni upp. Hann lauk læknisprófi frá Háskóla Íslands 1948 og stundaði framhaldsnám í Danmörku og hlaut sérfræðingsleyfi í kvensjúkdómum og fæðingarhjálp árið1956. Mestan hluta starfsæfinnar starfaði Bjarni sem heimilislæknir og sérfræðingur. Hann var deildarlæknir og yfirlæknir á handlækningadeild og fæðingardeild Fjórðungssjúkrahússins á Akureyri. Þegar Bjarni flutti til Reykjavíkur vann hann við Leitarstöð Krabbameinsfélagsins.

Bjarni Jónasson Rafnar

  • Person
  • 1922-2005

Bjarni fæddist á Akureyri 1922. Foreldrar hans voru Jónas Jónasson Rafnar yfirlæknir á Kristnesi og kona hans Ingibjörg Bjarnadóttir húsfreyja Bjarni kvæntist Bergljótu Sigríði Haraldsdóttur. Í fyrstu bjuggu þau í Reykjavík, síðan á Akureyri. Börn þeirra eru: Björg, Haraldur, Kristín og Þórunn.
Bjarni ólst upp á Kristnesi. Hann lauk námi við MA árið 1940 og cand. med- prófi frá HÍ 1948. Hann stundaði nám í fæðingarhjálp og kvensjúkdómun í Danmörku. Frá

Bjarni Jónsson (1872-1948)

  • S01175
  • Person
  • 24. maí 1872 - 13. nóvember 1948

Lögfræðingur og bankastjóri á Akureyri. Útibúsbankastjóri á Akureyri 1930. Var í Reykjavík 1945. Sigldi til Kaupmannahafnar 1898 til náms við Kaupmannahafnarháskóla. Lauk embættisprófi í lögfræði 1906 og kom þá heim. Bjarni helgaði sig fræðistörfum á efri árum og vann að æviskrám íslenskra Hafnarstúdenta. Í formála þess rits segir Einar Bjarnason um Bjarna að hann hafi haft unun af „að kynnast fólki, sem hann hitti, og spyrja það um ætt þess og hagi. Var svo komið, að tæplega mun það mannsbarn hafa verið í landinu, að hann ekki þekkti eða vissi deili á einhverju nánu skyldmenni þess.“

Bjarni Jónsson (1945-)

  • IS-HSk-S00377
  • Person
  • 29.09.1945

Bjarni Jónsson fæddist á Sauðárkróki 29. september 1945.
Hann er rafvirki, búsettur í Reykjavík.
Kona hans er Gyða Blöndal Flóventsdóttir (1946-).

Bjarni Kristinn Eyjólfsson (1883-1933)

  • S00634
  • Person
  • 08.08.1883-11.12.1933

Nam ljósmyndun á ljósmyndastofu Sigfúsar Eymundssonar í Reykjavík fyrir árið 1902 og framhaldsnám erlendis 1903. Rak ljósmyndastofu undir heitinu Atelier Moderne í Templarasundi í R.vík. á árunum 1904-1910.

Bjarni Kristmundsson (1889-1954)

  • S0
  • Person
  • 1889-1954

Bjarni var fæddur í Ásbjarnarnesi Vestur-Hún. Var bóndi víða. Kona hans var Kristín Sveinsdóttir húsfreyja. Þau eignuðust fimmtán börn. Öll komust þau á legg, utan tveggja drengja sem létust ungir. Bjarni var faðir Kristmundar. (Sjá betur í ættfræðiritum)

Bjarni Magnússon (1928-1958)

  • IS-HSk-S00123
  • Person
  • 1928-1958

Fæddur í Ásgarði í Hvammshr., Dal. 19. ágúst 1928
Látinn 26. febrúar 1958
Var á Grund , Reykjavík 1930. Síðast bús. í Oklahoma. Maki: Ethelen Magnusson.

Bjarni Pálsson (1790-1840)

  • S01683
  • Person
  • 09.08.1790 - 06.02.1842

Var á Undirfelli, Undirfellssókn, Hún. 1801. Aðstoðarprestur á Bægisá á Þelamörk 1817-1820 og prestur á Felli í Sléttuhlíð frá 1820 til æviloka. „Hann var stórvel gefinn maður bæði til sálar og líkama.“ Barnlaus. Í manntali 1835 og 1840 er hann skráður á Felli og þar er skráð kona hans, Ingibjörg Bjarnadóttir (1773-1846).
Faðir: Páll Bjarnason (1763-1838), prestur á Undirfelli, Undirfellssókn, A-Hún., Móðir: Guðrún Bjarnadóttir (1763-1834).

Bjarni Pálsson (1961

  • S0
  • Person
  • 1961

Fæddur í Reykjavík. Foreldrar hans voru Páll Bjarnason og Rannveig Kristjánsdóttir. Fyrrum eiginkona Bjarna er Zanný Sigurbjörnsdóttir. Börn þeirra eru Katrín Björk og Magnús Páll. Barnsmóðir: Jóhanna Guðmundsdóttir. Barn hennar og Bjarna er Lilja Dögg.
Kristmundur er föðurbróðir Bjarna . Bjarni er bakari að mennt.

Bjarni Pétursson (1947-2008)

  • S02429
  • Person
  • 1947-2008

Bjarni var fæddur á Kvígsstöðum í Andakílshreppi í Borgarfirði, en flutti ungur að Gautlöndum í Mývatnssveit ásamt foreldrum sínum og ólst þar upp. Systursonur Kristmundar. Hann var menntaður bifvélavirki og starfaði við þá iðn alla tíð. Bjó í Hafnarfirði. Eiginkona hans er Þórunn Kristinsdóttir og börn þeirra eru Bjarni Þór, Kristinn Ásgeir og Berglind.

Bjarni Sigmundsson (1898-1978)

  • S01619
  • Person
  • 22.02.1898-28.06.1978

Bjarni Sigmundsson, f. 26.02.1898, d. 28.06.1978.Foreldrar: Ingibjörg Einarsdóttir, f. 1853.
Maki: Guðrún Snorradóttir f. 1896, frá Garðakoti í Hjaltadal. Þau eignuðust fjögur börn (þ.á.m. Bessi Bjarnason þjóðkunnur leikari). Þau hófu búskap sinn í Tungu við Suðurlandsbraut, reistu seinna nýbýlið Hlíðarhvamm í Sogamýri en bjuggu lengst af í Skipasundi 24. Þar bjuggu einnig tveir synir þeirra ásamt eiginkonum og átta börnum. Árið 1970 fluttu þau hjónin á Hrafnistu og þar bjó Bjarni til dánardags.

Bjarni Sigurðsson (1915-1974)

  • S03005
  • Person
  • 24.071889-30.07.1974

Bjarni Sigurðsson, f. í Vigur 24.07.1889, d. 30.07.1974. Foreldrar: Sr Sigurður Stefánsson prestur í Vigur og Þórunn Bjarnadóttir húsfreyja. Bjarni fór ungur til náms í Flensborgarskóla og lauk þaðan prófi 1907 en sneri aftur heim í Vigur að námi loknu og bjó þar alla tíð síðan. Hann var bóndi þar til tveir synir hans tóku við búi á 6. áratugnum en þau hjónin bjuggu áfram í Vigur. Hann var oddviti hreppsnefndar 1924—1962. Sýslunefndarmaður 1925—1962. Hreppstjóri ögurhrepps frá 1936. Form. Búnaðarfélags Ogurhrepps 1921—1961 og fulltrúi á fundum Búnaðarsambands Vestfjarða 1923—1961. Í sáttanefnd frá 1926. í stjórn Formannasjóðs N.-Is. í 22 ár. Fulltrúi N.-ís. á fundum Stéttarsambands bænda 1947—1956. Í stjórn Djúpbátsins h/f frá 1947. Hann var organisti í ögurkirkju um 20 ára skeið.

Maki: Björg Björnsdóttir frá Veðramóti í Gönguskörðum. Þau eignuðust 6 börn.

Bjarni Thorarensen Vigfússon (1786-1841)

  • S01368
  • Person
  • 30.12.1786-24.08.1841

Bjarni fæddist á Brautarholti á Kjalarnesi. Faðir: Vigfús Þórarinsson, síðar sýslumaður í Rangárvallasýslu (1789) og bjó þá á Hlíðarenda í Fljótshlíð þar sem Bjarni ólst upp. Móðir: Steinunn Bjarnadóttir (Pálssonar landlæknis).
Bjarni hlaut góða kennslu heima fyrir hjá einkakennurum og lauk stúdentsprófi 15 ára. Bjarni sigldi til Kaupmannahafnar og lauk lagaprófi frá Hafnarháskóla. Bjarni sneri til Íslands 1811 varð nokkru síðar dómari í Landsyfirréttinum. Síðar varð hann sýslumaður í Árnessýslu 1820. 1822 varð hann aftur dómari við Landsyfirrétt og bjó þá í Gufunesi.
Skipaður amtmaður í Norður- og austuramti árið 1833 og bjó á Möðruvöllum í Hörgárdal, Eyjafjarðarsýslu. Bjarni var skáld mikið og talin helsti boðberi rómantísku stefnunnar á Íslandi.
Eiginkona Bjarna var Hildur Bogadóttir (Benekiktssonar úr Hrappsey) og áttu þau fjölda barna.

Bjarni Vilhjálmsson þjóðskjalavörður (1915-1987)

  • Person
  • 1915-1987

Bjarni fæddist í Hátúni á Nesi í Norðfirði. Foreldrar hans voru Kristín Árnadóttir frá Grænanesi og Vilhjálmur Stefánsson frá Hofi. Bjarni var kvæntur Kristínu Eiríksdóttur. Fyrrum Þjóðskjalavörður.

Bjarni Á. Jóhannnsson (1926-2002)

  • S0
  • Person
  • 1926-2002

Bjarni var fæddur í Grafargerði á Höfðaströnd í Skagafirði. Foreldrar hans voru Jóhann Ólafsson og Guðleif Jóhannsdóttir Miðhúsum Skagafirði. Bjarni reisti nýbýli úr landi Mannskaðahóls á Höfðaströnd. Hann var kennari í Hofsósi.

Bjarni Þórðarson (1914-1982)

  • Person
  • 1914-1982

Foreldrar Bjarna voru Þórður Begsteinsson frá Urðarteigi og Matthildur Bjarnadóttir af skaftfellskum ættum. Bjarni fæddist á Kálfafelli í Suðursveit. Hann tók vélstjórnarpróf og vann sem slíkur í mörg ár. Var síðan bæjarstjóri. Eiginkona hans var Anna Eiríksdóttir og áttu þau tvo syni, Eirík og Bergsvein. Bjarni missti konu sína 1976. Seinni kona hans var Hlíf Bjarnadóttir. Bjarni var virkur í verkalýðs-og stjórnmálum.

Björg Baldursdóttir (1952

  • S0
  • Person
  • 1952

Björg fæddist á Ísafirði 10.september 1952. Uppalin í Vigur í Ísafjarðardjúpi. Foreldrar hennar voru Sigríður Salvarsdóttir og Baldur Bjarnason. Björg er kennari að mennt.

Björg Björnsdóttir (1889-1977)

  • S01004
  • Person
  • 07.07.1889-24.01.1977

Björg Björnsdóttir, f. á Veðramóti í Gönguskörðum 07.07.1889, d. 24.01.1977. Foreldrar: Þorbjörg Stefánsdóttir og Björn Jónsson hreppstjóri.
Maki: Bjarni Sigurðsson (1889-1974) frá Vigur. Þau eignuðust sex börn. Þau hófu búskap í Vigur vorið 1919 og bjuggu þar til ársins 1953, er synir þeirra, Björn og Baldur og kona Baldurs tóku þar við búi.

Björg Hemmert Eysteinsdóttir (1941-)

  • IS-HSk-S00428
  • Person
  • 01.10.1941

Björg Hemmert Eysteinsdóttir fæddist 10. október 1941.
Maður hennar: Ágúst Ágústsson (1946-)

Björg Jónasdóttir (1892-?)

  • S01253
  • Person
  • 1890-

Var í Önnubæ, Sauðárkrókssókn, Skag. 1901. Fór til Vesturheims 1905 frá Sjávarborg, Sauðárhreppi, Skag. Settist að í Mountain og stundaði landbúnað. K. 4.4.1913: Elísabet Guðnadóttir, f. 20.10.1889.

Björg Jórunn Hansen (1891-1924)

  • IS-HSk-S00321
  • Person
  • 17.01.1891-11.04.1924

Dóttir Christians Hansen og Bjargar Hansen. Björg Jórunn er tvíburasystir Jóhannesar Friðriks Hansenn en hann lést árið 1952

Björg Lovísa Pálmadóttir (1885-1972)

  • S00061
  • Person
  • 31.05.1885-15.09.1972

Björg Lovísa Pálmadóttir fæddist á Hofstöðum í Hofsstaðabyggð, Skag. 31. maí 1885. Faðir: séra Pálmi Þóroddsson (1862-1955). Móðir: Anna Hólmfríður Jónsdóttir (1856-1946).
Eiginmaður: Guðmundur Sveinbjörnsson (1871-1950), skrifstofustjóri. Húsfreyja í Reykjavík 1910. Húsfreyja á Túngötu 8, Reykjavík 1930. Húsfreyja í Reykjavík 1945. Síðast bús. í Reykjavík. Björg Lovísa lést 1972.

Björg Magnúsdóttir Thoroddsen (1912-)

  • S00898
  • Person
  • 26. maí 1912 - 27. maí 2004

Var á Fjólugötu 2, Reykjavík 1930. Húsfreyja á Neskaupstað, Akranesi og síðast í Reykjavík.

Björg Sigmundsdóttir (1884-1952)

  • IS-HSk-S00384
  • Person
  • 13. mars 1884 - 26. febrúar 1952

Húsfreyja á Sleðbrjóti, Sleðbrjótssókn, N-Múl. 1930. Ath. tvö ártöl eru við giftinarár, 1875 og 1906. Húsfreyja á Sleðabrjót í Jökulsárhlíð.

Björg Sigríður Anna Eiríksdóttir (1865-1928)

  • S00736
  • Person
  • 01.07.1865-31.07.1928

Björg ólst upp hjá foreldrum sínum í Blöndudalshólum fram yfir tvítugsaldur. Þó mun hún hafa verið öðru hvoru á Auðkúlu hjá föðursystur sinni, maddömu Þorbjörgu og manni hennar. Björg var há kona fríð sýnum. Í félagsmálum, tók hún nokkurn þátt, var félagi í "Hinu skagfizka kvenfélagi" og formaður þess í mörg ár. Starfaði einnig þar að líknarmálum. Hún var mikil húsmóðir og var manni sínum samhent með höfðingskap allan.

Björg Sigurrós Jóhannesdóttir (1899-1995)

  • IS-HSk-S00359
  • Person
  • 06.08.1899 - 28.12.1995

Björg Sigurrós Jóhannesdóttir fæddist á Holtsstöðum í Langadal 6. ágúst 1899.
Hún var á Móbergi, Engihlíðarhreppi, A-Húnavatnssýslu og handavinnukennari á Löngumýri.
Björg lést 28. desember 1995.

Björgunarsveitin Grettir (1976-)

  • S00645
  • Organization
  • 1976

Björgunarfélag Hofshrepps var stofnað árið 1934 en lá í dvala frá árinu 1950. Það var endurvakið árið 1976 og fljótlega eftir það var tekið upp nafnið Grettir.

Björgunarsveitin Skagfirðingasveit (1965-)

  • S00568
  • Organization
  • 1965-

Björgunarsveitin Skagfirðingasveit á Sauðárkróki var stofnuð árið 1965 og hefur starfað samfellt í rúm 49 ár. Sveitin hefur sinnt leit, björgun og fleiri verkefnum.
Gögn sveitarinnar voru afhent með gögnum Slysavarnadeildarinnar Skagfirðingasveitar. Hún var stofnuð 1932.

Björgvin Abel Márusson (1916-1993)

  • S01473
  • Person
  • 05.11.1916 - 13.11.1993

Björgvin Abel Márusson fæddist 5. nóvember 1916 á Molastöðum í Austur-Fljótum.
Hann var bóndi á Stóru-Reykjum í Flókadal 1941-1942, á Barði 1942-1946 og í Fyrirbarði í Fljótum 1946-1990.
Sem ungur maður sótti hann sjó á opnum bátum frá Haganesvík, vann ýmis störf tengd síldinni á Siglufirði, var nokkrar vertíðir í Vestmannaeyjum og vann við Efrafellsvirkjun í Soginu.
Kona hans var Sigurlína Jónsdóttir (1922-1994).
Björgvin lést á sjúkrahúsinu á Sauðárkróki 13. nóvember 1993.

Björgvin Bjarnason (1915-1989)

  • S02729
  • Person
  • 1903-1983

Björgvin Bjarnason f. 12.07.1915 í Vík í Mýrdal, d. 10.12.1989 á Akranesi. Foreldrar: Bjarni Kjartansson og Svanhildur Einarsdóttir. Björgvin varð stúdent frá MA 1937 og Cand. juris frá HÍ 1944. Var málflutningsmaður á Siglufirði 1944-1947. Kennari við Gagnfræðaskólann þar 1945-1947. Bæjarstjóri á Sauðárkróki 1947-1958. Sýslumaður Strandasýslu frá 1958-1968. Bæjarfógeti á ísafirði og sýslumaður Ísafjarðarsýslu frá 1968. Bæjarfógeti á Akranesi 1973 til 1985. Gegndi ýmsum trúnaðarstörfum á öllum þessum stöðum.
Maki: Sigurbjörg Guðmundsdóttir, f. 06.04.1920. Þau eignuðust þrjú börn.

Björgvin Jónsson (1929-2000)

  • S01480
  • Person
  • 28.08.1929-17.09.2000

Björgvin Jónsson fæddist á Ási í Hegranesi í Skagafirði 28. ágúst 1929. Hann lést á heimili sínu 17. september 2000

Björn Björnsson (1898-1982)

  • S01662
  • Person
  • 06.04.1898-20.11.1982

Var í Vallarstræti, Reykjavík. 1901. Var í Reykjavík 1910. Bakarameistari á Tjarnargötu 16, Reykjavík 1930. Var nefndur Björnstjerne við skírn.

Björn Björnsson (1908-1986)

  • S01451
  • Person
  • 29.01.1909-10.01.1986

Var á Illugastöðum, Hvammssókn, Skag. 1910. Bifreiðastjóri á Sauðárkróki. Lausamaður í Vatnskoti, Rípursókn, Skag. 1930. Heimili: Sauðárkrókur. Fór ungur í fóstur til vandalausra. Síðast bús. í Akrahr. Íslendingabok og spjaldskrá HSk ber ekki saman um fæðingarár en það er 1909 samkvæmt spjaldskrá en 1908 á íslendingabok

Björn Björnsson (1916-2002)

  • S02424
  • Person
  • 1916- 2002

Björn var fæddur á Grjótnesi á Melrakkasléttu. Foreldrar hans voru Vilborg Sigríður Guðmundsdóttir húsfreyja og Björn Sigurðsson bóndi. Björn kvæntist Hildi Önnu Raabe Björnsson. Hann bjó alla tíð á Grjótnesi og var til fjölda ára vitavörður á Rauðanúpi.

Björn Björnsson (1943)

  • S0
  • Person
  • 1943

Björn fæddist að Syðra-Laugalandi í Eyjafirði. Fyrrum skólastjóri.

Björn Daníelsson (1920-1974)

  • IS-HSk-S00326
  • Person
  • 06.02.1920 - 22.06.1974

Björn Daníelsson fæddist þann 6. febrúar 1920.
Hann var á Valdarási, Víðidalstungusókn í V-Húnavatnssýslu 1930. Starfaði sem skólastjóri á Sauðárkróki.
Kona hans var Margrét Ólafsdóttir (1916-2015)
Björn lést 22. júní 1974.

Results 341 to 425 of 5155