Showing 6402 results

Authority record

Nikódemus Jónsson (1871-1953)

  • Person
  • 10.09.1871-13.08.1953

Bóndi og smiður á Valabjörgum og í Hátúni í Seyluhr. Skag. Síðar sjómaður og póstur á Sauðarkróki. Var í Valabjörgum, Víðimýrarsókn, Skag. 1880.

Nikólína Einarsdóttir (1897-óvíst)

  • S01151
  • Person
  • 23.05.1897-óvíst

Dóttir Einars Baldvins Guðmundssonar (eldri) og Dagbjartar Önnu Magnúsdóttur (1865-1937) á Hraunum í Fljótum, þriðju konu hans. Hún ólst upp hjá móður sinn eftir að faðir hennar lést, fyrst í Haganesi og síðar í Reykjavík.
Maki: Axel Louis Andreasen (1892-1972). Þau bjuggu í Ringkjöbing í Danmörku. Þau eignuðust 2 dætur.

NLFA

Nöf hf.

  • S00270
  • Privat company
  • 1968-1973

Útgerðarfélagið Nöf hf. Hofsósi var stofnað árið 1968. Árið 1973 sameinuðust Nöf hf. og Útgerðarfélag Skagfirðinga um kaup á togara frá Noregi og í framhaldi voru félögin sameinuð.

Northeastern North Dakota Herritage Assosiation (1986-)

  • S03496
  • Organization
  • 1986-

"The Northeastern North Dakota Heritage Association was formed in June 1986. The purpose of the organization was to build the Pioneer Heritage Center with interpretive exhibits that tell the Settlement Era Story from 1870-1920 of northeastern North Dakota. Their main goals are as follows:

Develop a living history of pioneer life through the use of restored community buildings on the site of the Pioneer Heritage Center.
Develop the Pioneer Heritage Center as a northeastern North Dakota educational and research facility for genealogy, settlement-era history, and natural history.
Work in cooperation with the North Dakota Parks and Recreation Department to attract tourism to northeastern North Dakota.
Develop the Pioneer Heritage Center as a social and cultural meeting place for area people."

Ný útsýn (1969-1970)

  • S01617
  • Organization
  • 01.01.1969-01.07.1970

Í ársbyrjun 1969 hóf Alþýðubandalagið útgáfu blaðs, sem ætlað var að koma út 8-10 sinnum á ári hverju og bar nafnið Ný útsýn. Var blaðið gefið út fram á mitt ár 1970.

Oddgnýr Ólafsson (1883-1961)

  • S01753
  • Person
  • 10. feb. 1883 - 25. des. 1961

Oddgnýr ólst upp hjá föður sínum, Ólafi Grímssyni og fóstru, Lilju Kristjánsdóttur, á Selnesi og síðar á svokölluðum Selnesbakka sem var fyrir og eftir síðustu aldamót einhver mesta verstöð í Skagafirði. Oddgnýr fór að stunda sjó þaðan eins og faðir hans. Eignaðist hann bát þar og var formaður á honum í mörg ár. Mun hafa verið með síðustu formönnum á Selnesbökkum. Árið 1923 fluttist Oddgnýr til Sauðárkróks og hélt áfram sjómennskunni þar, bæði á eigin fari eða sem háseti hjá öðrum, svo sem Pálma Sighvats, en síðar mest hjá Halldóri Sigurðssyni. Oddgnýr reyndist farsæll formaður, siglari mikill og góður sjómaður. Oddgnýr var heiðursfélagi í Útvegsmannafélagi Sauðárkróks. Ókvæntur og barnlaus.

Oddný Anna Jónsdóttir (1897-1989)

  • S00347
  • Person
  • 16.09.1897-20.12.1989

Oddný Anna Jónsdóttir fæddist á Siglufirði þann 16. september 1897.
Hún var húsmóðir á Narfastöðum í Viðvíkurhreppi.
Maður hennar var Elías Þórðarson (1897-1991).

Oddný Finnbogadóttir (1948-

  • S01454
  • Person
  • 11. nóv. 1948

Fósturdóttir Friðriks Jens Friðrikssonar læknis og Sigríðar Guðvarðsdóttur. Kvænt Birni Friðriki Björnssyni, búsett á Sauðárkróki.

Oddný Kristín Þorvaldsdóttir (1919-2010)

  • S01681
  • Person
  • 9. jan. 1919 - 17. apríl 2010

Foreldrar hennar voru þau Þorvaldur Jónsson og Helga Jóhannsdóttir. ,,Oddný bjó á Sauðárkróki fram til ársins 1948 er hún flutti til Reykjavíkur. Oddný vann við ýmis störf svo sem síldarverkun og síðar á saumastofum meðfram húsmóðurstörfunum. Oddný giftist Hólmari Magnússyni, þau eignuðust tvo syni.

Oddrún Guðmundsdóttir (1936-2001)

  • S01925
  • Person
  • 10. feb. 1936 - 8. ágúst 2001

Oddrún Sigurlaug Guðmundsdóttir fæddist á Giljum í Vesturdal í Skagafirði hinn 10. febrúar 1936. Foreldrar hennar voru hjónin Guðmundur Jónsson og Ingibjörg Jónsdóttir. Guðmundur og Ingibjörg bjuggu síðar á Hofi í Vesturdal, í Hvammi í Svartárdal og í Stapa í Lýtingsstaðahreppi. Oddrún giftist 8. ágúst 1964 Sigurbergi Hraunari Daníelssyni deildarstjóra, þau eignuðust fjögur börn. ,,Oddrún lauk prófi frá Gagnfræðaskólanum á Sauðárkróki og Íþróttakennaraskólanum á Laugarvatni 1962. Hún vann við verslunarstörf á Sauðárkróki og kenndi síðan um árabil sund í Sundlaug Kópavogs."

Oddur Björnsson (1865-1945)

  • S02707
  • Person
  • 18.07.1865-05.07.1945

Oddur Björnsson, f. 18.07.1865 að Hofi í Vatnsdal, d. 05.07.1945. Foreldrar: Björn Oddsson bóndi á Hofi og seinni kona hans, Rannveig Ingibjörg Sigurðardóttir. Oddur lauk prentnámi í Reykjavík 1884. Fór til framhaldsnáms í Kaupmannahöfn og starfaði síðar þar sem prentari til ársins 1901. Fluttist til Akureyrar og rak prentsmiðju og bókaútgáfu þar. Maki: Ingiibjörg Benjamínsdóttir. Þau eignuðust fjögur börn. Var gerður að heiðursborgara Akureyrar 1935. Hlaut riddarakross fálkaorðunnar 1935 og stórriddarakross 1938.

Oddur Einarsson (1870-1953)

  • Person
  • 08.11.1970-02.05.1953

Oddur Einarsson, f. 08.11.1870, d. 02.05.1953. Foreldrar: Einar Bjarnason og Guðrún Einarsdóttir. Oddur fæddist að Kleppi við Viðeyjarsund og ólt þar upp hjá foreldrum sínum. Oddur tók við búi á Kleppi eftir föður sinn 1894 og bjó þar fram yfir aldamótin. Frá Kleppi fór hann að Kálfaholti (nú Úlfarsá) í Mosfellssveit og bjó þar til 1915, að hann flutti að Þverárkoti á Kjalarnesi og bjó þar til dánardags. Oddur var við búskap í hátt í sextíu ár. Hann þótti afar fjárglöggur og markaglöggur og var réttarstjóri og umsjónarmaður Kollafjarðarréttar í um 30 ár. Mikill gestagangur var á heimilinu og mikill ágangur af búfé á jörðinni. Þóttu þau hjónin afar gestrisin og greiðagóð. Oddur lést af slysförum þegar hann var að flytja mjólk til næsta bæjar.
Maki: Guðrún Magnúsdóttir (d. 1932). Þau eignuðust ekki börn en ólu upp Guðmundínu Guðmundsdóttur. Einnig ólst Guðrún Magnúsdóttir að nokkru leyti upp hjá þeim.

Oddur Guðmundsson (1944-

  • S02469
  • Person
  • 14. ágúst 1944-

Oddur ólst upp á Árbakka skammt frá Tyrðilmýri, utarlega á norðurströnd Ísafjarðardjúps. Býr á Patreksfirði.

Ófeigur Egill Helgason (1903-1985)

  • S02029
  • Person
  • 26.10.1903-13.07.1985

Ófeigur Egill Helgason, f. 26.10.1903, d. 13.07.1985. Foreldrar: Helgi Björnsson b. á Ánastöðum í Svartárdal og s.k.h. Margrét Sigurðardóttir. Bóndi á Reykjaborg 1936-1985. Ófeigur ólst upp hjá foreldrum sínum, fyrst á Ánastöðum, síðan á Mælifellsá, í Kolgröf og loks á Reykjum. Um tvítugt fór hann suður og starfaði við byggingavinnu, m.a. við Landspítalann og Útvarpshúsið. Uppúr 1930 fór hann að stunda vetrarvertíðir á Suðurnesjum í fiskaðgerð og úrvinnslu í landi. Árið 1933 festi hann kaup á hluta af jörðinni Skíðastöðum í Lýtingsstaðahreppi og stofnaði þar nýbýlið Reykjaborg. Vegna landþrengsla á Reykjaborg, keypti hann síðar eyðijarðirnar Miðvelli og Grímsstaði í Svartárdal og nytjaði með. Hann hóf ræktun garðávaxta og grænmetis á Reykjaborg, byggði gróðurhús og mun hafa verið fyrstur búenda í Lýtingsstaðahreppi til þess að nota jarðvarma til húshitunar. Einnig byggði hann iðnaðarhús og hóf að súta gærur sem hann seldi úr landi. Eins byggði hann á 8. áratugnum sundlaug úr torfi. Ófeigur tók jafnframt virkan þátt í starfi ungmennafélagsins á svæðinu og kenndi lengi sund við gömlu laugina á Steinsstöðum. Ófeigur kvæntist Liselotte Önnu Louise Helgason frá Lübeck í Þýskalandi, þau eignuðust tvö börn.

Ögmundur Eyþór Svavarsson (1928-1999)

  • S00103
  • Person
  • 30.03.1928-23.08.1999

Fæddur á Sauðárkróki. Sonur Svavars Guðmundssonar (1905-1980) og Sigurbjargar Ögmundsdóttur (1907-1994). Ögmundur ólst upp hjá móðurforeldrum sínum Ögmundi Magnússyni söðlasmiði og Kristínu Björgu Pálsdóttur. Ögmundur var mjólkurfræðingur, giftur Maríu Guðlaugu Pétursdóttur (1927-2001). Helsta áhugamál Ögmundar var tónlist og gaf hann út einn geisladisk sem heitir Minningar. Hann stjórnaði Karlakór Sauðárkróks um tíma og var í hljómsveit.

Ögmundur Jónasson (1948-

  • S02527
  • Person
  • 17. júlí 1948-

Ögmundur fæddist í Reykjavík. Foreldrar hans voru Jónas B. Jónsson og Guðrún Ö. Stephensen. Ögmundur er kvæntur Valgerði Andrésdóttur.

Ögmundur Kristinn Helgason (1944-2006)

  • S02318
  • Person
  • 28. júlí 1944 - 8. mars 2006

Ögmundur var fæddur á Sauðárkróki 8. júlí 1944. Foreldrar hans voru Sigríður Ögmundsdóttir og Helgi Einarsson. Sagnfræðingur, forstöðumaður Handritadeildar Landsbókasafnsins, kennari við Þjóðfræðideild Háskóla Íslands og starfsmaður Árnastofnunar, síðast búsettur í Reykjavík. Kvæntist Rögnu Ólafsdóttur kennara, þau eignuðust tvö börn.

Ólafía Elísabet Rósantsdóttir (1897-1931)

  • S00676
  • Person
  • 20. okt. 1897 - 8. apríl 1931

Fædd í Árnesi í Trékyllisvík. Foreldrar hennar voru Rósant Andrésson seinna verkamaður á Sauðárkróki og Sigurlaug Guðmundsdóttir. Elísabet ólst upp hjá foreldrum sínum og fluttist með þeim til Sauðárkróks frá Gjögri í Strandasýslu árið 1909. Elísabet kvæntist Jóni Eðvald Guðmundssyni verkamanni á Sauðárkróki, þau eignuðust tvo syni sem upp komust.

Ólafía Kristín Magnúsdóttir (1878-1949)

  • S03337
  • Person
  • 25.08.1878-05.02.1949

Ólafía Kristín Magnúsdóttir, f. að Nesi á Seltjarnarnesi 25.08.1878, d. 05.02.1949. Foreldrar: Magnús Eggert Jónsson og Guðrún Þorfinnsdóttir. Ólafía ólst pp á Flankastöðum á Miðnesi. Hún fluttist til Ísafjarðar með foreldrum sínum og þar lágu leiðir hennar og eiginmannsins saman. Þau giftu sig þar árið 1897. Árið eftir fluttust þau til Sauðárkróks. Þar var húsfreyjustarfið og barnauppeldið hlutskipti Ólafíu. Árið 1914 fluttist hún með börnin til Reykjavíkur en Bjarnleifur hafði farið þangað haustið áður.
Ólafía hafði mikinn áhuga á bindindismálum og var um 50 ára skeið í Goodtemplarareglunni og starfaði einnig að verkalýðsmálum.
Maki: Bjarnleifur Árni Jónsson (1874-1954). Þau ieignuðust níu börn.

Ólafía Sigurðardóttir (1898-1983)

  • S01352
  • Person
  • 30. apríl 1898 - 5. maí 1983

Foreldrar: Sigurður Ólafsson b. og sjómaður á Eyri í Önundarfirði og k.h. Ásgerður Ólafsdóttir. Þegar Ólafía var átta ára gömul missti hún föður sinn og var ein með móður sinni eftir það. Árið 1915 fluttu þær mæðgur norður á Sauðárkrók þar sem Ólafía hóf að starfa á heimili Jóhannesar Hallgrímssonar kaupmanns og k.h. Ingibjargar Erlendsdóttur. Fljótlega kynntist hún mannsefni sínu, Pétri Jónssyni frá Kimbastöðum og kvæntust þau árið 1917, fyrsta ár sitt í búskap bjuggu þau að Bakkakoti í Vesturdal, í Reykjavík 1920-1925, á Sauðárkróki 1925-1950 er þau fluttust til Reykjavíkur. Eftir dauða Péturs 1951 flutti Ólafía fyrst til Njarðvíkur, var síðan nokkur ár á Akranesi en síðast búsett í Reykjavík. Ólafía og Pétur eignuðust þrettán börn, þar af tólf stúlkur.

Ólafur Áki Vigfússon (1877-1961)

  • S02202
  • Person
  • 29. jan. 1877 - 7. maí 1961

Ólafur Áki Vigfússon (1877-1961) starfaði lengi sem vinnumaður og verkamaður í Skagafirði og Reykjavík. Þekktur hagyrðingur. Varðveittir eru nokkrir gamanbragir hans.

Ólafur Arngrímsson (1901-1932)

  • S01952
  • Person
  • 08.02.1901-29.09.1932

Ólafur Arngrímsson, f. 08.02.1901, d. 29.09.1932. Foreldrar: Arngrímur Sveinsson b. á Gili í Fljótum og k.h. Ástríður Sigurðardóttir. Var víða í vinnumennsku eftir fermingu, á Krossi í Óslandshlíð, í Miðhúsum og á Miklabæ. Bóndi á Gili í Fljótum 1929-1932. Ólafur var virkur í starfsemi Ungmennafélags Holtshrepps og þótti góður leikari, einnig lék hann á fiðlu. Sambýliskona Ólafs var Þóra Pálsdóttir frá Hvammi í Austur-Fljótum, þau eignuðust einn son.

Ólafur Ásgrímsson (1786 - eftir 1845)

  • S01517
  • Person
  • 1786 - eftir 1845

Lítið vitað um Ólaf en hann var vinnumaður á Flugmýrarhvammi í Skagafirði 1835 og niðursetningur á Miklabæ árið 1845. Ólafur átt alnafna einu ári yngri. Sá yngri fékk viðurnefnið "skárri" eða "betri" en sá eldri hafði viðurnefnið "verri". Virðist hafa átt soninn Þorstein en ekki hafa fundist frekari upplýsingar um hann.

Ólafur Axel Jónsson (1934-2018)

  • S01021
  • Person
  • 15. sept. 1934 - 26. okt. 2018

Ólafur Axel Jónsson fæddist 15. september 1934 á Kjartansstöðum í Skagafirði. Foreldrar hans voru Jón Friðbjörnsson og Hrefna Jóhannsdóttir. Hann var fyrst um sinn sjómaður og gerði út bátinn Sigurvon. Lengst af starfaði hann hjá Kaupfélagi Skagfirðinga. Maki: Bára Þóranna Svavarsdóttir, f. 1936, þau eignuðust þrjár dætur.

Ólafur Bergmann Sigurðsson (1936-2017)

  • S02906
  • Person
  • 18. júlí 1936 - 21. apríl 2017

Foreldrar: Ólína Ragnheiður Ólafsdóttir og Sigurður Bergmann Magnússon. Þau bjuggu á Hafursstöðum við Skagaströnd en síðan á Sauðárkróki. Ólafur starfaði hjá Kaupfélagi Skagfirðinga á Sauðárkróki. Hann var ókvæntur og barnlaus.

Ólafur Björn Guðmundsson (1919-2008)

  • S01671
  • Person
  • 23. júní 1919 - 27. ágúst 2008

Foreldrar: Guðmundur M. Björnsson bóndi í Tungu í Gönguskörðum (1894-1956) og Þórey Ólafsdóttir handavinnukennari (1895-1945). Maki: Elín Maríusdóttir, f. 1919, d. 2007. Þau eignuðust 4 börn. Bjuggu allan sinn búskap við Langagerði í Reykjavík. Fyrir átti Ólafur einn son með Jóhönnu H. Bergland. ,,Ólafur Björn ólst upp í Tungu í Gönguskörðum og á Sauðárkróki. Hann varð stúdent frá MA stærðfræðideild 1940. Fluttist þá til Reykjavíkur og lagði stund á lyfjafræði við HÍ og síðar í Kaupmannahöfn þar sem hann útskrifaðist cand. pharm. 1948 frá Lyfjafræðiháskólanum í Kaupmannahöfn. Hann starfaði alla sína starfsævi í Reykjavíkurapóteki og var þar yfirlyfjafræðingur 1962-1993 þegar hann lét af störfum vegna aldurs. Ólafur gegndi ýmsum trúnaðarstörfum, var m.a. formaður Lyfjafræðingafélags Íslands 1960-1962 og í stjórn Hins íslenska náttúrufræðifélags 1967-1971. Hann var ritari Garðyrkjufélags Íslands 1968-1997 og ritstjóri Garðyrkjuritsins, ársrits Garðyrkjufélags Íslands, 1968-2000. Ólafur hlaut riddarakross hinnar íslensku fálkaorðu fyrir störf að garðyrkjumálum 1. janúar 1991. Gulllauf Garðyrkjufélags Íslands hlaut hann fyrir störf í þágu félagsins og garðyrkjunnar almennt. Gullmerki Lyfjafræðingafélags Íslands 30. nóvember 2002."

Ólafur Björnsson (1843-1881)

  • S01863
  • Person
  • 20. nóv. 1843 - 27. maí 1881

Ólafur Björnsson fæddist á Ríp árið 1843. Faðir: Björn Ólafsson, bóndi í Eyhildarholti. Móðir: Filippía Hannesdóttir, húsfreyja á Ríp. Séra Ólafur ólst upp með foreldrum sínum, þar til faðir hans drukknaði 1853, og síðar með móður sinni. Tekinn í Reykjavíkurskóla árið 1865 og útskrifast sem stúdent 1872. Ólafur fékk Ríp 27. ágúst 1874, vígðist 30. ágúst 1874. Frá 1877 þjónaði hann einnig Fagranesprestakalli. Fékk veitingu fyrir Hofi á Skagaströnd 1880 en dó áður en hann tók við embætti þar. Ólafur hafði verið heilsuveill síðustu árin "þjáðist af riðu og tinaði mikið". Ólafur var ókvæntur og barnlaus. Hann dó á Hjaltastöðum í Blönduhlíð árið 1881. Ólafur var ókvæntur og barnlaus.

Ólafur Briem (1852-1930)

  • S00219
  • Person
  • 18.08.1852-28.11.1930

Foreldrar hans voru Ólafur Briem og Dómhildur Þorsteinsdóttir. Ólafur missti foreldra sína ungur og fór þá í fóstur að Espihóli til Eggerts Ó. Briem og Ingibjargar Eiríksdóttur Briem. Síðar fór hann til sr. Ólafs Þorvaldssonar á Hjaltastöðum og k.h. Sigríðar Magnúsdóttur. Uppúr tvítugu sigldi hann til Kaupmannahafnar og lærði trésmíði. Flutti til Sauðárkróks árið 1886 og byggði þar húsið Bræðrabúð. Ólafur starfaði alla tíð síðan sem trésmiður á Sauðárkróki. Hann var ókvæntur og barnlaus.

Ólafur Dan Daníelsson (1877-1957)

  • S00727
  • Person
  • 31.10.1877-10.12.1957

Sonur Daníels Ólafssonar og Svanhildar Loftsdóttur, síðast á Framnesi. Yfirkennari í Reykjavík.

Ólafur Gíslason (1916-1999)

  • S03301
  • Family
  • 18.03.1916-22.02.1999

Ólafur Gíslason f. á Fjósum í Svartárdal 18.03.1916, d. 22.02.1999. Var á Sauðárkróki 1930. Foreldrar: Jakobína Guðrún Þorleifsdóttir (29.06.1890, d. 29..05.1968) og Gísli Ólafsson, (02. 01.1885-14.01.1967). Þegar Ólafur fæddist voru þau í húsmennsku á Fjósum í Svartárdal, en árið eftir fóru þau að Leifsstöðum í sömu sveit og voru þar eitt ár, þá eitt ár á Bergstöðum og loks eitt ár á Fjósum. Þá fengu þau jarðnæði og reistu bú í Hólabæ í Langadal og bjuggu þar til 1924 en fluttu þá til Blöndúóss. Fjórum árum seinna, eða 1928. fluttu þau á Sauðárkrók. Ólafur starfaði sem bifreiðastjóri á Akureyri og Sauðárkróki. Einnig vann hann við afgreiðslustörf á Sauðárkróki og síðast sem póstfulltrúi.
Maki: Guðrún Ingibjörg Svanbergsdóttir (17.08.1927-25.05.2015) frá Hrappstöðum í Glæsibæjarhreppi í Eyjafirði. Þau eignuðust þrjá syni.
Var bifreiðastjóri á Akureyri er hann kynntist Guðrúnu. Þau bjuggu fyrstu árin saman á Akureyri en fluttu svo til Sauðárkróks árið 1948. Þau leigðu um tíma læknishúsið á Sauðárkróki og ráku húsgagnaverslun sem þar var í nokkur ár, frá 1967. Guðrún rak verslunina til 1996. Hún flutti til Akurerar 2005 og bjó þar síðustu æviárin.

Ólafur Gottskálksson (1798-1857)

  • S02305
  • Person
  • 1798 - 8. nóv. 1857

Bóndi á Auðbjargarstöðum og Fjöllum. Var í Nýjabæ í Þingeyjarsýslu 1801.

Ólafur Grétar Guðmundsson (1946-

  • S03074
  • Person
  • 26. feb. 1946-

Foreldrar: Anna Friðriksdóttir frá Jaðri og Guðmundur Ólafsson, þau skildu árið 1947. Ólafur ólst upp með móður sinni á Sauðárkróki. Kvæntist Láru Margréti Ragnarsdóttur hagfræðingi, þau eignuðust þrjú börn. Þau skildu. Seinni kona Ólafs er Steinunn Aagot Kristjánsdóttir, hún átti þrjú börn fyrir. Augnlæknir í Reykjavík.

Ólafur Guðmundsson (1861-1945)

  • S00892
  • Person
  • 12.10.1861-30.05.1945

Ólst upp hjá foreldum sínum í Hún.sýslu., var í vinnumennsku á ýmsum bæjum í Skefilsstaðahreppi 1878-1894, kvæntist það sama ár Sigurlaugu Gísladóttur. Fyrstu ár sín í hjónabandi voru þau ýmist í vinnumennsku eða húsmennsku þar til þau fluttu til Sauðárkróks árið 1905, í svokallaðan Jósefsbæ, síðar Ólafsbæ. Ólafur stundaði sjómennsku og verkamannavinnu. Ólafur og Sigurlaug eignuðust eina dóttur.

Ólafur Guðmundsson (1917-1988)

  • S00583
  • Person
  • 22. janúar 1917 - 7. maí 1988

Fæddur í Litlu-Hlíð í Vesturdal, sonur Guðmundar Ólafssonar og Ólínu Arnbjargar Sveinsdóttur. Í barnæsku veiktist Ólafur af lömunarveiki og lamaðist af völdum hennar. Dvaldist hann þá um skeið á Sauðárkróki hjá Jónasi lækni og náði með hans hjálp allgóðum bata. Lömunin háði honum þó töluvert alla ævi. Vorið 1939 útskrifaðist Ólafur frá Bændaskólanum á Hólum með fyrstu ágætiseinkunn. Ólafur kvæntist Guðrúnu Margréti Guðmundsdóttur og hófu þau búskap í Litlu-Hlíð, þau eignuðust ekki börn saman en Guðrúnu fylgdu fóstursynir hennar og fyrri manns hennar. Guðrún lést 1963. Seinni kona Ólafs var Helga Arngrímsdóttir, þau áttu ekki börn.

Ólafur Guðmundsson (1918-1982)

  • S01692
  • Person
  • 11. feb. 1918 - 10. des. 1982

Sonur Guðmundar Guðna Kristjánssonar og Láru Ingibjargar Magnúsdóttur. Deildarstjóri í Reykjavík. Síðast búsettur í Kópavogi.

Ólafur Gunnarsson (1885-1927)

  • S01244
  • Person
  • 23. september 1885 - 15. janúar 1927

Var í Reykjavík 1910. Læknir á Hvammstanga og í Reykjavík.

Ólafur Halldórsson (1920-2013)

  • S02464
  • Person
  • 18. apríl 1920 - 4. apríl 2013

Ólafur fæddist að Króki í Gaulverjarbæjarhreppi. Foreldrar hans voru Halldór Bjarnason bóndi og Lilja Ólafsdóttir húsfreyja. Ólafur lauk stúdentsprófi frá MA árið 1946 og cand. mag. prófi í íslenskum fræðum frá Háskóla Íslands 1952. Hann sérmenntaði sig í handritalestri hjá Jóni Helgasyni prófessor í Kaupmannahöfn og starfaði einnig sem lektor við Kaupmannahafnarháskóla. Ólafur fluttist heim til Íslands með fjölskyldu sína árið 1963 og hóf þá störf við Handritastofnun Íslands, sem síðar fékk heitið Stofnun Árna Magnússonar og starfaði hann þar til starfsloka. Eftir það vann Ólafur sjálfstætt. Ólafur vann um áratugaskeið að rannsóknum á handritum, textum og útgáfum á fornsögum. Var kjörinn félagi í Vísindafélagi Íslands1975 og árið 2010 var hann heiðraður á færeyskri menningarhátíð í Reykjavík fyrir starf sitt í þágu menningartengsla Færeyinga og Íslendinga. Sama ár hélt Stofnun Árna Magnússonar málþing honum til heiðurs. Ólafur kvæntist Aðalbjörgu Vilfríði Karlsdóttur og eignuðust þau þrjú börn.

Ólafur Haukur Helgason (1930-2006)

  • S01705
  • Person
  • 11. apríl 1930 - 31. okt. 2006

Foreldrar Ólafs Hauks voru Helgi Ólafsson kennari á Sauðárkróki og Akureyri, síðar búsettur í Reykjavík, og k.h. Valý Þ.Á. Ágústsdóttir. ,,Ólafur varð stúdent frá MA 1952. Nám í læknisfræði við HÍ 1952-53, cand. phil. þaðan og með próf í efnafræði. Nám í tannlækningum við háskólana í Kiel og Heidelberg í V-Þýskalandi en lauk ekki prófi. Kennarapróf frá Kennaraskóla Íslands 1963. Vann við kennslustörf um árabil og ýmis önnur störf. Sendi frá sér frumsamin kvæði sem birt voru í Morgunblaðinu og víðar."

Ólafur Helgi Antonsson (1947-2017)

  • S00277
  • Person
  • 15.04.1947

Ólafur Helgi Antonsson fæddist 15. apríl 1947. Sjómaður, vélstjóri og leigubílstjóri á Sauðárkróki, síðar strætóbílstjóri í Reykjavík.

Ólafur Helgi Jensson (1879-1948)

  • S03000
  • Person
  • 8. jan. 1879 - 22. júní 1948

Ólafur Helgi Jensson, f. á Kroppsstöðum í Önundarfirði. Foreldrar: Jens Jónsson og Sigríður Jónatansdóttir. Ólafur ólst upp hjá foreldrum sínum til fermingaraldurs. Fór þá til náms til mágs síns, sr. Björns Jónssonar á Miklabæ í Skagafirði og dvaldist þar áralangt. Fór í Flensborgarskólann haustið 1894 og lauk þar námi vorið 1896. Gerðist þá verslunarmaður á Sauðárkróki hjá Popp kaupmanni. Vann þar um 14 ár, fyrst sem búðarmaður og síðan bókhaldari. Var svo verslunarstjóri á Hofsósi í 5 ár. Rak verslun og útgerð á Hofsósi frá vorinu 1910 í félagi við Jón Björnsson frá Gröf. Vegna mikils taps á fiskisölu erlendis lagði verslunin upp laupana árið 1922. Þá fluttist Ólafur með fjölskyldu sína til Siglufjarðar og fékkst þar við útgerð í nokkur ár. Hann varð gjaldkeri við útibú Íslandsbanka 1923 og gegndi því starfi til 1927. Þá var hann skipaður póstafgreiðslumaður í Vestmannaeyjum. Fluttist þangað og gegndi starfinu til æviloka. Var lengi í hreppsnefnd og sóknarnefnd á Hofsósi, á Siglufirði formaður niðurjöfnunarnefndar í 3 ár og átti sæti í skólanefnd þar í bæ. Sat í sáttanefnd og var sáttasemjari í vinnudeilum í Vestmannaeyjum. Maki: Lilja Haraldsdóttir (1882-1944) frá Sauðárkróki, þau eignuðust 5 börn.

Results 4251 to 4335 of 6402