Dóttir Snæbjörns Sigurgeirssonar bakara á Sauðárkróki og Ólínu Ingibjargar Björnsdóttur. Starfaði við verslun. Ólöf var heitbundin Erlendi Hansen rafvirkja, hún lést af barnsförum aðeins 23 ára gömul.

Dóttir Árna Guðmundssonar frá Þorbjargarstöðum í Laxárdal og k.h. Svanfríðar Guðrúnar Þóroddsdóttur. Búsett á Sauðárkróki. Kvænt Stefáni Jónssyni frá Gauksstöðum, þau eiga fjórar dætur.

Ólöf Sveinbjörnsson Wolf fæddist í Reykjavík 13. apríl 1906. Faðir: Þórður Guðmundur Sveinbjörnsson (1871-1950). Vann sem vélritari í Reykjavík. Fluttist svo til Kaupmannahafnar og giftist þar Georg Wolf kommandörkaptein. Látin í Kaupmannahöfn 2. júlí 1994.

Foreldrar: Stefán Guðmundsson og Hrafnhildur Stefánsdóttir. Kvæntur Maríu Björk Ingvadóttur, þau eiga þrjú börn. Búsettur á Sauðárkróki.

,,Á fundi í háskólaráði hinn 29. september 1944 var samþykkt að ráða mann til að hefja orðtöku rita eftir fyrimælum kennara í íslenskum fræðum. Samþykkt háskólaráðs markar upphaf starfsemi Orðabókar Háskólans. Í kjölfar hennar var Árni Kristjánsson, síðar menntaskólakennari á Akureyri, ráðinn til orðtöku og réttum tveimur árum síðar var komið á yfirstjórn orðabókarverksins. Fyrri hluta árs 1947 voru starfsmenn orðnir tveir og í ársbyrjun 1948 urðu þeir þrír er Jakob Benediktsson var ráðinn til að taka við forstöðu verksins. Má segja að þá hafi Orðabók Háskólans orðið háskólastofnun þó að það hafi ekki verið formlega staðfest fyrr en með fyrstu reglugerð um Orðabók Háskólans árið 1966. Orðabókin var upphaflega til húsa í Aðalbyggingu Háskólans en fluttist þaðan 1969 í Árnagarð við Suðurgötu þar sem hún var til 1991 þegar stofnunin fluttist í núverandi húsnæði á Neshaga 16."

Bókaútgefandi í Reykjavík. Rak lengi bókaútgáfuna Örn og Örlygur.

Örlygur fæddist í Reykjavík 1970. Hann er með BA -próf í íslensku og heimspeki og próf í hagnýtri fjölmiðlun.

Var í Skagastrandarkaupstað 1930. Stundaði almenna vinnu á Sauðárkróki, m.a. veðurathuganir, ásamt með nokkrum búskap. Síðast bús. á Sauðárkróki. Kvæntist Erlu Ásgrímsdóttur, þau eignuðust sjö börn.

Örn Guido Bernhöft fæddist í Reykjavík 23. apríl 1930. Foreldrar hans voru hjónin Óskar Guido Bernhöft stórkaupmaður og Jóhanna María Möller frá Sauðárkróki. ,,Örn ólst upp í foreldrahúsum í Reykjavík, lengst af í Garðastræti, Eftir stúdentspróf frá Menntaskólanum í Reykjavík 1951 hélt hann utan til náms í Technische Hochschule í München 1952-1956, fyrst í efnaverkfræði og síðar í rafmagnsverkfræði. 1957 hóf Örn störf hjá Reykjavíkurborg, fyrst hjá Teiknistofu Rafmagnsveitunnar, þar sem hann gegndi um hríð starfi forstöðumanns, síðar sem fulltrúi skipulagsstjóra og svo á skrifstofu borgarstjóra. Í byrjun áttunda áratugarins hóf Örn störf hjá innflutningsfyrirtæki fjölskyldu sinnar, H.Ólafsson & Bernhöft, og starfaði þar meðan heilsan leyfði. Örn var meðal þeirra fyrstu hér á landi sem gerðu við sjónvarpstæki og settu upp sjónvarpsloftnet enda var hann alla tíð áhugasamur um rafmagnstækni. Hann var mikill hestamaður og gefinn fyrir útilegur og ferðalög. Örn gegndi trúnaðarstörfum fyrir FR, Félag farstöðvaeigenda á Íslandi, og var um tíma formaður þess. Hann var félagi í Frímúrarareglunni." Örn kvæntist 20. janúar 1961 Svövu Jóhönnu Pétursdóttur, þau eignuðust tvo syni.

Sonur Önnu Pálu Guðmundsdóttur og Ragnars Pálssonar. Læknir á Sauðárkróki.

Örn Sölvi Halldórsson, f. 25.02.1971.

Oscar Gustaf Adolf var konungur Svíþjóðar frá 8. desember 1907 til dauðadags. Hann var af Bernadotte-ætt, sonur Óskars 2. Svíakonungs og Soffíu af Nassau. Hann var 92 ára þegar hann lést og er sá konungur Svíþjóðar sem langlífastur hefur orðið og ríkti þriðja lengst. Faðir hans tók við ríkjum árið 1872 og varð Gústaf þá krónprins Svíþjóðar og Noregs en Noregur fékk sjálfstæði tveimur árum áður en hann tók við krúnunni og varð hann því aldrei Noregskonungur. Hann var íhaldssamur í skoðunum og vildi halda fast í völd krúnunnar. Árið 1914 þvingaði hann ríkisstjórn Frjálslynda flokksins til að segja af sér og skipaði sjálfur menn í utanþingsstjórn en eftir kosningarnar 1917 neyddist hann til að fela formanni Frjálslynda flokksins stjórnarmyndun og láta af tilraunum til að hafa áhrif á stjórnun ríkisins. Hann var talinn hallur undir nasista og Þýskaland á fjórða áratugnum en reyndi að fá Hitler til að draga úr Gyðingaofsóknum. Gústaf giftist þann 20. september 1881 Viktoríu prinsessu af Baden, dóttur Friðriks 1. stórhertoga. Hún var afkomandi Gústafs 4. Adólfs Svíakonungs og með hjónabandi þeirra sameinuðust gamla Vasaættin og hin nýja konungsætt, Bernadotte. Hjónaband þeirra mun ekki hafa verið sérlega hamingjusamt, enda er Gústaf talinn hafa verið sam- eða tvíkynhneigður. Þau eignuðust þrjá syni; Gústaf 6. Adólf (1882-1973), Vilhelm prins, hertogi af Södermanland (1884-1965), Eiríkur prins (1889-1918).

Foreldrar: Gunnlaugur Benediktsson og Oddný Ólafsdóttir á Litlu-Giljá. Skráð ómagi á Eiríksstöðum, Bergstaðasókn, A-Hún. 1930. Tökubarn í Kúvík, Árnessókn, Strand. 1845. Húsmannsfrú í Brekku, Þingeyrasókn, Hún. 1870. Húsmannsfrú á Þorbrandsstöðum, Holtastaðasókn, Hún. 1880.
Maki: Sveinn Eiríksson, f. 07.10.1831, d. 04.10.1892, frá Stóru-Giljá. Þau eignuðust níu börn, fjögur þeirra komust upp. Bjuggu á ýmsum jörðum í Langadal og víðar í Húnavatnssýslu. Fóru að Illugastöðum í Laxárdal ytri og bjuggu þar til æviloka Sveins. Ósk flutti vorið eftir andlát Sveins að Smyrlabergi á Ásum.

Foreldrar: Halldór Þorleifsson og Ingibjörg Jónsdóttir á Miklabæ í Óslandshlíð. Ósk ólst upp á Miklabæ hjá foreldrum sínum, allt þar til hún giftist Stefáni G. Sigmundssyni frá Bjarnastöðum í Unadal og þau hófu búskap á Hlíðarenda. Þau bjuggu á Hlíðarenda 1936-1982. Ung starfaði hún á ungmennafélaginu Geisla og seinna í kvenfélaginu Ósk. Ósk og Stefán eignuðust fimm börn, þrjár dætur komust á legg, einnig tóku þau fósturdóttur.

Var á Brandsstöðum, Bergstaðasókn, A-Hún. 1930. Fósturfaðir Jósafat Jónsson. Starfaði við verslunar- og þjónustustörf í Reykjavík. Maki II: Jóhann Þorvaldsson.

Sonur Stefáns Jónssonar frá Sauðárkróki og konu hans Guðrúnar Guðmundsdóttur frá Mið-Grund. Óskar var aðeins 3ja ára þegar foreldrar hans lögðu í Kanada siglingu árið 1904. Óskar varð eftir í Bjarnarbæ á Sauðárkróki hjá Bjarna Jónssyni föðurbróður sínum og Guðrúnu Ósk konu hans og ólst upp hjá þeim. Kvæntist Guðrúnu Pálsdóttur, þau eignuðust þrjú börn. ,,Óskar starfaði fyrir Síldarútvegsnefnd sem síldarmatsmaður í mörg ár víða um land en eftir það á Sauðárkróki við húsamálningar. Hann tók virkan þátt í bæjarlífinu á Króknum, var einn af stofnendum Iðnaðarmannafélagsins og Ungmennafélagsins og heiðursfélagi þess, og starfaði mikið með Leikfélagi Sauðárkróks."

Óskar var fæddur á Tumabrekku í Óslandshlíð í Skagafirði 24. janúar 1907. Foreldrar hans voru Gísli Björn Gíslason bóndi í Tumabrekku og kona hans Guðbjörg Þorleifsdóttir. ,,Óskar var bóndi í Tumabrekku og Þúfum í Óslandshlíð, hann stundaði sjómennsku alla tíð meðfram búskap. Vorið 1969 hætti hann búskap og flutti til Akureyrar. Óskar vann þar sem lagermaður hjá KEA til starfsloka." Óskar giftist 1. ágúst 1931, Ástu Pálínu Hartmannsdóttur frá Melstað í Óslandshlíð, þau eignuðust þrjú börn.

Sonur Björns Finnboga Guðnasonar byggingameistara á Sauðárkróki og Margrétar Guðvinsdóttur. Skólastjóri Árskóla á Sauðárkróki. Kvæntur Erlu Kjartansdóttur, þau eiga fjóra syni.

Foreldrar: Vilhelm Georg Theodór Bernhöft tannlæknir og k.h. Kristín Þorláksdóttir Johnson Bernhöft. Kaupmaður í Reykjavík. ,,Guido starfaði hjá Ó. Johnson & Kaaber þar til hann stofnaði ásamt frænda sínum Ólafi Hauki Ólafssyni heildverslunina H. Ólafsson og Bernhöft, 2. janúar árið 1929 og starfaði Guido hjá fyrirtækinu til ársins 1988. Guido var ætíð virkur í starfi Frímúrarareglunnar. Hann átti sæti í sóknarnefnd Dómkirkjunnar og var þar gjaldkeri. Hann var virkur félagi í Félagi íslenskra stórkaupmanna og í Félagi íslenskra frímerkjasafnara. Þá var hann einn stofnenda Golfklúbbs Reykjavíkur." Guido kvæntist Jóhönnu Maríu Möller frá Sauðárkróki, þau eignuðust þrjú börn.

Óskar Ingi Magnússon fæddist í Ásmundarnesi, Kaldrananeshreppi á Ströndum 12. janúar 1917. Foreldrar hans voru Magnús Andrésson, bóndi og sjómaður á Kleifum í Kaldbaksvík, Kaldrananeshreppi og k.h. Efemía Bóasdóttir. Eftir lát Magnúsar var Óskar tekinn í fóstur, þá rúmlega ársgamall, af föðurbróður sínum, Rósanti Andréssyni og Sigurlaugu Guðmundsdóttur ljósmóður. Ólst hann upp hjá þeim til fullorðinsára. Hinn 17. apríl 1943 kvæntist Óskar Herfríði (Hebbu) Valdimarsdóttur frá Vallanesi, þau eignuðust þrjú börn. ,,Óskar stundaði nám við Barna- og unglingaskólann á Sauðárkróki, lauk mótorvélstjóraprófi 1937 og fiskimannaprófi frá Stýrimannaskólanum í Reykjavík 1942. Hann byrjaði ungur að stunda sjóinn á mb. Skagfirðingi. Hann var einnig stýrimaður á togurum frá Hafnarfirði og sigldi til Bretlands á stríðsárunum. Óskar var við og við stýrimaður á togurum frá Sauðárkróki 1945-1948. Árið 1949 gerðust Óskar og Hebba bændur á Brekku í Seyluhreppi í Skagafirði og bjuggu þar alla tíð síðan, aðallega með sauðfé. Meðfram búskap ráku þau sumardvalarheimili í Brekku um 30 ára skeið. Þau stunduðu jafnframt skógrækt á jörð sinni og gróðursettu í um 50 hektara lands. Óskar var einn af stofnendum skátafélagsins Eilífsbúa á Sauðárkróki. Hann var virkur félagi í ýmsum félögum tengdum landbúnaði og formaður Sauðfjárræktarfélags Seyluhrepps í 33 ár. Hann tók virkan þátt í starfsemi Guðspekifélags Íslands, Sálarrannsóknarfélags Íslands, Ungmennafélagsins Fram og Leikfélags Skagfirðinga. Hann var heiðursfélagi Skógræktarfélags Skagfirðinga, Sauðfjárræktarfélags Seyluhrepps og skátafélagsins Eilífsbúa."

Foreldrar: Ingibjörg Óskarsdóttir og Jón Dagsson múrarameistari. Læknir á Sauðárkróki. Búsettur á Höfuðborgarsvæðinu.

Óskar Þórðarson var fæddur á Ísafirði 2. maí 1915. Foreldrar hans voru hjónin Dýrunn Jónsdóttir, f. á Ögmundarstöðum í Skagafirði 3. september 1884, og Þórður Kristinsson, f. á Ísafirði 1. nóvember 1885. Óskar kvæntist 18. október 1941 Ingunni Eyjólfsdóttur, f. í Reykjavík 27. nóvember 1919, þau eignuðust sjö börn. ,,Óskar lauk námi frá Verslunarskóla Íslands árið 1933. Að námi loknu stundaði hann fyrst ýmis verslunarstörf, en réðst síðan til Reykjavíkurborgar. Þá var hann um skeið skrifstofustjóri hjá Byggingarfélaginu Stoð í Reykjavík. Árið 1961 réðst hann til Byggingardeildar Reykjavíkurborgar og var þar forstöðumaður að undanteknum síðustu starfsárum sínum sem hann var skrifstofustjóri."

Össur Björn Kristjánsson, f. 26.08.1869, d. 28.10.1921. Móðir: Ragnheiður Pétursdóttir. Össur stundaði lengst af jarðabótavinnu og túngirðingar. Hann var einna fyrstur til að vinna að útrýmingu bráðadauða í sauðfé með bólusetningu í Ísafjarðarsýslum. Hafði hann það starf á hendi í 25 ár.

Húsfreyja á Akureyri.

Dóttir Paulu og Christian Popp.

Ottó Geir Þorvaldsson fæddist á Sauðárkróki 18. febrúar 1922. Foreldrar hans voru Þorvaldur Þorvaldsson og Helga Jóhannesdóttir á Sauðárkróki. Ólst upp á Sauðárkróki og nam við Unglingaskóla Sauðárkróks. Sjómaður og bílstjóri á árunum 1940-1950. Bústjóri á hrossaræktarbúi að Kirkjubæ á Rangárvöllum 1950-1952. Kvæntist Jóhönnu Erlu Axelsdóttur 1952, þau eignuðust sex börn. Ottó var bústjóri á Þingeyrum í Húnaþingi 1953-1954. Flutti svo aftur í Skagafjörð og reisti nýbýli í Víðimýrarseli í Seyluhreppi 1954 og gerðist bóndi þar 1954-1972 er hann flutti að Viðvík.

Ottó fæddist á Sauðárkróki, sonur hjónanna Guðrúnar Pálsdóttur húsfreyju og Jörgen Frank Michelsen úrsmiðs og kaupmanns á Sauðárkróki. Hann lærði skriftvélatækni í Þýskalandi og stofnaði fyrirtækið Skrifstofuvélar árið 1946. Hann var forstjóri IBM á Íslandi 1967-1982. Hann gengdi trúnaðarstörfum á sviði menningar - og félagsmála og einnig fyrir þjóðkirkjuna.
Ottó kvæntist Gyðu Jónsdóttur og eignaðist með henni fjögur börn.

Var í Nýjabæ, Hólasókn, Eyjafirði 1901. Ókvæntur og barnlaus.

Dóttir Magnúsar Guðmundssonar verslunarmanns á Sauðárkróki og Hildar Margrétar Pétursdóttur. Tvíburasystir Kristjáns C. Magnússonar. Lést tæpra átta ára gömul.

Dóttir Frank Michelsen úrsmíðameistara á Sauðárkróki og Guðrúnar Pálsdóttur. ,,Fyrst bjó hún á Sauðárkróki, síðan í Hveragerði í eitt ár, en eftir 1945 alfarið í Reykjavík. Hún starfaði á prjónastofunni Hlín í 19 ár, síðan hjá Nóa Síríusi til 72 ára aldurs."

Pála Pálsdóttir fæddist á Hofsósi 25. október 1912. Foreldrar hennar voru Páll Árnason og Halldóra Jóhannsdóttir í Ártúni á Höfðaströnd. Pála útskrifaðist frá Kennaraskóla Íslands 1933. Að námi loknu varð hún kennari, og skólastjóri um tíma, við Barnaskóla Súðavíkur. Þar kenndi hún til vors 1939, að undanskildu árinu 1935, en þá sótti hún kennaranámskeið við lýðháskólann í Askov í Danmörku og í Vadstena í Svíþjóð. Vorið 1939 var hún skipuð kennari við barnaskólann á Hofsósi og gegndi því starfi til 1975, síðar stundakennari til 1977. 11 ára gömul byrjaði hún að læra á orgel og var organisti við Hofskirkju og síðar Fellskirkju frá 1939-1960, einnig í Hofsóskirkju 1960-1972. Hún var frumkvöðull að stofnun Kvenfélagsins Öldunnar í Hofsósi árið 1951 og formaður þess til 1965 og síðan aftur frá 1975. Hún vann einnig töluvert fyrir Samband skagfirskra kvenna.
Hún sæmd hinni íslensku fálkaorðu árið 1983, sérstaklega fyrir framlag sitt til tónlistar og söngmenntunar.
Maður hennar var Þorsteinn Hjálmarsson (1913-1993) póst- og símstöðvarstjóri á Hofsósi, þau eignuðust níu börn.

Margrét Ingibjörg Pála Sveinsdóttir, f. 31.08.1912 á Þingeyri, d. 19.04.1991 í Reykjavík. Foreldrar: Sveinn Bergsson og Ingibjörg Jónsdóttir. Kornungri var Pálu komið í fóstur hjá Magnúsi Guðmundssyni og Hildi Margréti Pétursdóttur á Sauðárkróki. Sextán ára fór hún til Reykjavíkur og gekk í Ingimarsskóla. Síðan lá leið hennar aftur á Sauðárkrók. Þar átti hún heimili að Suðurgötu 4, þar til eiginmaður hennar lést árið 1967 er hún fluttist til Reykjavíkur. Í Reykjavík starfaði Pála hjá Hjartavernd.
Maki: Sigurður Björnsson frá Litlu-Giljá, þau eignuðust tvær dætur.

Foreldrar: Bergur Sveinsson b. síðast á Mánaskál í Laxárdal fremri, og k.h. Jóhanna Sveinsdóttir. Pálína missti föður sinn sex ára gömul og ólst upp hjá vandalausum eftir það. Um tvítugt flutti hún til Reykjavíkur og vann á búinu í Tungu við Suðurlandsbraut. Flutti aftur norður í Skagafjörð 1925 að Ási í Hegranesi og vann þar um tveggja ára skeið en fluttist þá til Sauðárkróks þar sem hún kynntist mannsefni sínu, Páli Þorgrímssyni, þau voru alla tíð búsett á Sauðárkróki. Pálína tók virkan þátt í réttindabaráttu verkakvenna, ein af stofnendum Vkf. Öldunnar og sat í stjórn þess um skeið. Pálína og Páll eignuðust fimm börn.

Pálína Björnsdóttir, f. 09.08.1866, d. 23.12.1949 á Syðri-Brekkum í Blönduhlíð. Foreldrar: Björn Pétursson bóndi á Hofstöðum og fyrri kona hans, Margrét Pálsdóttir. Pálína dvaldi í föðurhúsum fram undir tvítugt. Þá fór hún í ljósmæðraskóla á Akureyri. Alla tíð síðan stundaði hún ljóðsmóðurstarf, eða 52 ár. Hún þótti einstaklega dugleg til vinnu og farsæl í ljósmóðurstörfum sínum. Hún og eiginmaður hennar stunduðu búskap í Syðri-Brekkum í Blönduhlíð.
Maki: Jónas Jónsson (1856-1941). Þau eignuðust sex börn.

Pálína Halla var fædd í Ásbúðum á Skaga í Austur-Húnavatnssýslu og þar ólst hún upp. Pálína giftist Leifi Gíslasyni 22. Nóvember 1940, þau eignuðust tvo syni, Baldvin og Ásmund. Pálína og Leifur bjuggu í Ásbúðum til ársins 1965 þá brugðu þau búi og fluttust til Kópavogs og bjuggu til æviloka.

Dóttir Jóns Péturssonar b. á Nautabúi í Neðribyggð og k.h. Sólveigar Eggertsdóttur. Kaupakona, fyrst á Akureyri, síðar í Reykjavík. Ókvænt.

Fædd á Eilífsstöðum í Kjós. Foreldrar: Þorfinnur Jónsson og Þuríður Pálsdóttir. Búsett í Reykjavík frá 1908, félagi í Verkakvennafélaginu Framsókn, Jafnaðarfélagi Reykjavíkur, Alþýðuflokknum og kvenfélagi Alþýðuflokksins. Starfaði aldarfjórðung hjá alþýðudeild Háskóla Íslands. Gift Magnúsi Péturssyni og áttu þau tvö börn saman, en Pálína tvö börn af fyrra hjónabandi.

Páll Agnar Pálsson fæddist að Kletti í Reykholtsdal 9. maí 1919. Foreldrar hans voru hjónin Páll Zóphóníasson skólastjóri á Hólum, síðar alþm. og búnaðarmálastjóri, og Guðrún Hannesdóttir. Þau bjuggu á Hvanneyri, Kletti í Reykholtsdal, Hólum í Hjaltadal og í Reykjavík. ,,Páll Agnar varð stúdent frá Menntaskólanum í Reykjavík 1937 og dvaldi eftir það á Austur-Grænlandi árlangt sem aðstoðarmaður í jarðfræðileiðangri Lauge Kock. Páll hélt þaðan til Kaupmannahafnar og lauk kandidatsprófi frá Dýralæknaháskólanum í Kaupmannahöfn 1944.
Hann stundaði dýralæknastörf á Jótlandi 1944-1945 og framhaldsnám í sýkla- og meinafræði húsdýra í Danmörku, Svíþjóð og Bretlandi á árunum 1945-1948. Páll Agnar var sérfræðingur við Tilraunastöð Háskólans í meinafræði á Keldum frá árinu 1948-1998 og var forstöðumaður þeirrar stofnunar á árunum 1959-1967. Á Keldum vann Páll margvísleg rannsóknarstörf, einkum á sviði visnu og mæðiveiki. Páll var yfirdýralæknir frá árinu 1959- 1989 er hann lét af störfum fyrir aldurs sakir. Páll Agnar gegndi fjölmörgum trúnaðarstörfum, var í stjórn Hafnarstúdenta og Íslendingafélagsins í Kaupmannahöfn í nokkur ár og varaformaður Landssambands hestamannafélaga 1959-63. Þá átti hann sæti í stjórn Tilraunaráðs búfjárræktar 1960-65, í dýraverndarnefnd 1958-78, í stjórn vísindasjóðs 1972-75, formaður fisksjúkdómanefndar 1970-89, í flúormengunarnefnd 1969-84, í lyfjanefnd um árabil og í Dýraverndunarnefnd Evrópuráðsins 1968-94. Páll sat fjölmarga fundi og ráðstefnur um búfjársjúkdóma erlendis og flutti erindi um það efni víða um lönd. Páll var kjörinn félagi í Vísindafélagi Íslendinga árið 1965 og var sæmdur Riddarakrossi hinnar íslensku fálkaorðu 17. júní 1974. Árið 1976 hlaut hann heiðursverðlaun úr sjóði Ásu Wright. Hann var sæmdur heiðursdoktorsnafnbót við Konunglega dýralækna- og landbúnaðarháskólann í Kaupmannahöfn 1985, við Dýralæknaháskóla Noregs 1985 og við læknadeild Háskóla Íslands 1986. Árið 1992 varð hann heiðursfélagi í Dýralæknasamtökum Finnlands og heiðursfélagi í Íslenska dýralæknafélaginu 1994. Páll Agnar lagði stund á ritstörf og ritaði fjölda greina og ritgerða, einkum um búfjársjúkdóma, sem birst hafa í innlendum og erlendum tímaritum."
Hinn 22. júní 1946 kvæntist Páll Kirsten Henriksen dýralækni, þau eignuðust tvær dætur.

Páll Ágúst Þorgilsson, f. á Kambi í Deildardal 09.09.1872, d. 15.02.1925. Foreldrar: Þorgils Þórðarson, bóndi á Kambi og kona hans Steinunn Árnadóttir. Páll ólst upp með foreldrum sínum og vann að búi þeirra. Fór í Flensborgarskólann í Hafnarfirði og lauk þar námi. Reisti bú á Stafni í Deildardal 1897, bóndi þar til 1905, á Brúarlandi frá 1905 til æviloka.
Maki: Guðfinna Ásta (29.06.1873-09.05.1959). Þau eignuðust 7 börn sem upp komust. Auk þess eignaðist Páll tvö börn utan hjónabands með Pálínu Sumarrós Pálsdóttur, mágkonu sinni.

Fæddur í kringum 1920 (+/- 3 ár). Var í Ungmennaskóla Sauðárkróks veturinn 1937-1938.

Fósturforeldrar: Páll Andrés Pálsson (1913-1974) og Dalrós Baldvinsdóttir (1914-1985). Ljósmyndari á Akureyri.

Páll Árnason, f. á Ysta-Mói í Fljótum 12.08.1868, f. 30.12.1916 á Sauðárkróki. Foreldrar: Árni Þorleifsson (1824-1889) bóndi og hreppstjóri á Ysta-Mói og kona hans Valgerður Þorvaldsdóttir.
Páll ólst upp í foreldrahúsum og stundaði sjósókn og landbúnaðarstörf. Hann hlaut meiri fræðslu en almennt gerðist hjá sr Tómasi Bjarnasyni á Barði, sem síðar varð tengdafaðir hans. Einnig fékkst hann mikið við smíðar, einkum bátasmíðar. Páll hóf búskap á Ysta-Mói 1892 og bjó þar til æviloka, fyrst með móður sinni en síðar með konu sinni. Pall gegndi fjölda trúnaðarstarfa, var m.a. odvviti Holtshrepps hins forna 1896-1898, fyrsti hreppsstjóri Haganeshrepps 1896-1916, en hann lést það ár. Var einnig í hreppsnefnd Haganeshrepps fjölda ára og oddviti hreppsins í 10 ár. Sýslunefndarmaður frá 1912-1915.
Páll var mikill framkvæmdamaður og byggði m.a. íbúðarhús úr timbri árið 1896 sem var eitthvert vandaðsta hús í sveit á þeim tíma. Auk búskaparins stundaði hann sjósókn og skipa- og bátasmíðar.
Kona: Ragnheiður Tómasdóttir frá Barði, f. 23.09.1868, d. 23.03.1962. Ragnheiður og Páll eignuðust þrjú börn og komust tvö þeirra til fullorðinsára.

Páll Árnason, f. á Hreiðarsstöðum í Svarfaðardal 09.07.1879, d. 15.12.1965 á Sauðárkróki. Foreldrar: Ísak Árni Ísaksson og kona hans Anna Björnsdóttir. Páll ólst upp í foreldrahúsum að mestu þar til hann fór í Möðruvallaskóla 1900 og varð gagnfræðingur 1902. Fluttist þá vestur í Hjaltadal og vann að jarðræktarstörfum að vorinu en barnafræðslu ða vetrinum, bæði í Hólahreppi, Viðvíkurhreppi og Óslandshlíð. Kvæntist og fluttist að Kvíabekk í Ólafsfirði og bjó þar 1907-1910. Þá fluttist hann að Hofi á Höfðaströnd og bjó þar eitt ár. Brá þá búi og fluttist í Hofsós. Var kennari við barnaskólann þar 1910-1935. Reisti bú í Ártúni 1916 og bjó þar til 1946, að hann fluttist aftur í Hofsós. Páll var hreppsnefndarmaður 1913-1925, þar af oddviti í 6 ár. Sat í stjórn Kaupfélags Austur-Skagfirðinga um skeið og var endurskoðandi reikninga í 25 ár. Hann var skattanefndarmaður, útttektarmaður, kjötmats- og ullarmatsmaður o.fl. í mörg ár.
Maki: Þórey Halldóra Jóhannsdóttir (1875-1957). Þau eignuðust fjögur börn.

Páll Árnason, f. á Hreiðarsstöðum í Svarfaðardal 09.07.1879, d. 15.12.1965 á Sauðárkróki. Foreldrar: Ísak Árni Runólfsson (1851-1934) bóndi á Atlastöðum og kona hans Anna Björnsdóttir (1859-1954). Páll ólst upp í föðurgarði og vann að búi föður síns að mestu til 1900, að hann fór í Möðruvallaskóla og varð gagnfræðingur þaðan 1902. Fluttist þá vestur í Hjaltadal og vann að jarðræktarstörfum að vorinu en barnafræðslu að vetrinum, í Hólahreppi, Viðvíkurhreppi og Óslandshlíð. Kvæntist og fluttist að Kvíabekk í Ólafsfirði. Bjó þar 1907 til 1910, að hann fluttist að Hofi á Höfðaströnd. Bjó þar eitt ár og brá þá búi og fluttist í Hofsós. Var kennari við barnaskólann þar 1910-1935. Reisti bú í Ártúni 1916 og bjó þar til 1946 að hann fluttist aftur í Hofsós og átti þar heimili til dauðadags. Páll vann mikið að opinberum störfum fyrir sveit sína. Var hreppsnefndarmaður 1913-1925, þar af oddviti í 6 ár. Í stjórn Kaupfélags Austur-Skagfirðinga á Hofsósi um skeið og endurskoðandi reikninga félagsins í 25 ár. Var skattanefndarmaður, úttektarmaður, kjótmats- og ullarmatsmaður og fleira í mörg ár.
Maki (gift 114.07.1904): Þórey Halldóra Jóhannsdóttir, f. 21.08.1875, d. 31.07.1957. Þau eignuðust 4 börn og ólu einnig upp að mestu þrjú fósturbörn.

Páll Árnason, f. 05.08.1906 að Geitaskarði í Langadal í Austur-Húnavatnssýslu, d.12.01.1991 í Vestmannaeyjum. Maki: Ósk Guðrún Aradóttir. Þau eignuðust þrjú börn. Þau fluttu til Vestmannaeyja árið 1951, eftir 17 ára búskap á Móbergi og í Glaumbæ. Þar bjuggu þau í Þórlaugargerði til ársins 1985 en fluttu þá niður í kaupstaðinn og bjuggu að Heiðarvegi 38.

Kennari, útgerðarmaður, hreppstjóri og kaupmaður í Ólafsfirði og Hrísey. Verzlunarmaður í Syðstabæ, Hríseyjarsókn, Eyj. 1930.

Sonur Helgu Pálsdóttur Biering og Hilmars Biering, var sumarstrákur hjá Kristjáni C. og Sigrúnu M.

Páll Björnsson, f. á Þverá í Blönduhlíð 02.08.1881 (30.07.1881 skv. kirkjubók), d. 16.03.1965 í Beingarði í Hegranesi. Foreldrar: Björn Stefánsson bóndi í Ketu í Hegranesi og kona hans Helga María Bjarnadóttir. "Páll ólst upp á heimili foreldra sinna og fylgdi þeim í búferlaflutningum að Brekkukoti fremra í Blönduhlíð, Framnesi og síðast að Ketu þar sem hann vann að búi þeirra fram yfir tvítugt. Vorið 1904 vistréðst hann hjá séra Jóni Ó. Magnússyni presti að Ríp og fluttist með honum þaðan vestur á Fróðá á Snæfellsnesi og árið síðar að Bjarnarhöfn. Hann kom aftur að vestan árið 1906 og átti síðan heimili hjá foreldrum í Ketu samfleytt til ársins 1913, að hann réðst sem ráðsmaður að Beingarði til Guðrúnar Jónsdóttur, sem þá um vorið hafði misst Jónas Árnason sambýlismann sinn. Árið 1919 hóf hann búskap á jörðinni og gekk tveim árum síðar að eiga heimasætuna þar."
Maki: (gift 16.12.1921): Guðný Jónasdóttir (08.10.1897-08.10.1997) frá Beingarði. Þau eignuðust þrjú börn.

Nýja bókafélagið