Showing 6402 results

Authority record

Regína Margrét Sigurðardóttir Birkis (1937-)

  • S01599
  • Person
  • 1. feb. 1937

Barnabarn Jónasar Kristjánssonar læknis á Sauðárkróki og k.h. Hansínu Benediktsdóttur, dóttir Guðbjargar Birkis, dóttur þeirra. Regína fæddist í Reykjavík og ólst þar upp. Hún var formaður Nemendasambands Kvennaskólans þar sem hún stundaði nám 1954. Regína hefur starfað víða, m.a. hjá Þjóðminjasafni 1967 til 1976 og síðar hjá Reykjavíkurhöfn.

Reimar Helgason (1902-1970)

  • S00589
  • Person
  • 27.05.1902-21.11.1970

Reimar Helgason, f. að Kirkjuhóli í Seyluhrepp27.05.1902, d. 21.11.1970. Foreldrar: Helgi Guðnason og fyrri kona hans, Sigurbjörg Jónsdóttur. Reimar ólst upp í foreldrahúsum á Kirkjubóli þar til hann missti móður sína 12 ára gamall, þá fór hann í fóstur til Jóhanns Sigurðssonar og Sigurlaugar Ólafsdóttur á Löngumýri. Varð hann síðan vinnumaður þar í áraraðir og síðar lausamaður. Árið 1942 keypti hann jörðina Bakka í Vallhólmi en var alltaf viðloða Löngumýrarheimilið og sá t.d. um rekstur rafstöðvarinnar þar. Reimar var ókvæntur og barnlaus.

Reynir Guðmundsson (1938-1987)

  • S01914
  • Person
  • 18. júní 1938 - 22. júní 1987

Bóndi í Nýjabæ í Bæjarsveit, síðast búsettur í Andakílshreppi.

Reynir Hjaltason (1932-2007)

  • S00269
  • Person
  • 12.05.1932 - 07.05.2007

Reynir Hjaltason fæddist þann 12. maí 1932. Hann var á Vöglum árið 1945.

Reynir Ludvigsson (1924-2000)

  • S01401
  • Person
  • 29.01.1924-20.08.2000

Reynir var fæddur í Reykjavík 29. janúar 1924. Foreldrar hans voru hjónin Ragnheiður Sumarliðadóttir og Ludvig Carl Magnússon frá Sauðárkróki. ,,Reynir kvæntist ekki en var í sambúð með Signýju Ólafsdóttur, en hún og hennar fjölskylda sýndu honum ætíð tryggð og vináttu. Eftir lát móður sinnar dvaldi Reynir í fá ár hjá frændfólki sínu að Breiðabólsstað í Miðdölum, en hóf nám í bókbandi hjá Ársæli Árnasyni bókbandsmeistara á stríðsárunum seinni og lauk því námi ásamt iðnskóla á tilskildum tíma. Eftir námið starfaði hann síðan að iðn sinni bæði hjá meistara sínum og fleiri bókbandsfyrirtækjum eins og Félagsbókbandinu og Gutenberg. Í mörg ár starfaði Reynir við afgreiðslu hjá dagbl. "Tíminn"."

Reynir Þorgrímsson (1936-2014)

  • S03072
  • Person
  • 7. okt. 1936 - 1. maí 2014

Reynir Þorgrímsson fæddist á Siglufirði 7. október 1936. Foreldrar Reynis voru Þorgrímur Brynjólfsson frá Syðri-Vatnahjáleigu í Austur-Landeyjum og Margét Ingibjörg Jónsdóttir frá Ljótsstöðum á Höfðaströnd. ,,Reynir ólst upp á Siglufirði og bjó þar til 16 ára aldurs. Þá flutti hann til Reykjavíkur og stundaði nám við Samvinnuskólann og útskrifaðist þaðan árið 1954. Reynir kom víða komið við í atvinnulífinu, hann var einn af stofnendum Hagkaups, rak og átti verksmiðju á Sauðárkróki þar sem sokkabuxur undir nafninu Gleymmérei voru framleiddar. Hann átti bílasöluna Bílakaup sem var í Borgartúninu. Þá stofnaði hann Fyrirtækjasöluna í Suðurveri árið 1986 og rak hana þar til hann settist í helgan stein árið 2012. Reynir var áhugaljósmyndari og hélt hann margar ljósmyndasýningar, meðal annars í Ráðhúsi Reykjavíkur þar sem hann sýndi og seldi ljósmyndir sem hann hafði tekið og nefndi Skartgripi fjallkonunnar. Reynir var virkur í félagsstörfum, hann var félagsmaður í JCI og var þar landsforseti frá '73-'74, hann var einn af stofnfélögum Lionsklúbbsins Víðarr og þá var hann einnig frímúrari. Reynir kvæntist Rósu Guðbjörgu Gísladóttur, þau eignuðust fjögur börn, þau bjuggu meirihluta ævi sinnar í vesturbænum í Kópavogi."

Richard Beck (1897-1980)

  • S02597
  • Person
  • 9. júní 1897 - 20. júní 1980

Richard Beck, fæddur á Svínaskálastekk í Reyðarfirði. Foreldrar: Hans Kjartan Beck og Þórunn Vigfúsína Vigfúsdóttir. Kona: Ólöf Daníelsdóttir frá Helgustöðum. Hún lést skömmu eftir að þau giftu sig. Fór vestur um haf með móður sinni. Kennari, prófessor og rithöfundur í Kanada.

Ríkharður Jónsson (1888-1972)

  • S02589
  • Person
  • 20. sept. 1888 - 17. jan. 1977

Ríkarður Jónsson fæddist 20. september árið 1888 að Tunguhóli í Fáskrúðsfirði. Hann var sonur Jóns Þórarinssonar, sem var frægur þjóðhagasmiður og bóndi að Núpi á Berufjarðarströnd og síðan að Strýtu við Hamarsfjörð, og síðari konu hans, Ólafar Finnsdóttur húsfreyju. Ríkharður ólst upp að Strýtu, en fór sautján ára til Reykjavíkur í trésmíðanám til Stefáns Eiríkssonar og lauk prófi í þeirri grein tvítugur að aldri. Hann stundaði síðan nám hjá Einari Jónssyni myndhöggvara í Kaupmannahöfn og í Teknisk Selskabs Skole og stundaði nám í Listaháskólanum í Kaupmannahöfn í fimm og hálft ár. Ríkharður gerði mannamyndir og minnisvarða en einnig rismyndir og tréskurðarverk í kirkjur og aðrar opinberar byggingar. Meðal þekktra verka Ríkarðs má nefna biskupsstól í Kristskirkju í Landakoti, krossmark þar með Kristslíkneski og hurðina á Arnarhvoli. Hann gerði auk þess fjölda brjóstmynda og lágmynda af samtíðarmönnum, skírnarfonta og predikunarstóla.

Rípurhreppur

  • S02647
  • Corporate body
  • 1000-1998

Rípurhreppur hinn forni tekur yfir sveitina Hegranes sem er skýrt afmörkuð frá öðrum byggðarlögum Skagafjarðar af kvíslum héraðsvatna öllum megin nema sjó að norðan. Hegranes er sem eyja í miðju Skagafjarðarhéraði, landslag einkennist af fjölmörgum ásum og berghryggjum en mýrasundum á milli og þar eru að finna mörg vötn og tjarnir. Rípurhreppur er kenndur við kirkjustaðinn Ríp, en sókninni er þjónað af Glaumbæjarprestakalli. Hinn 6. júní 1998 sameinaðist Rípurhreppur 10 öðrum sveitarfélögum í Skagafirði: Skefilsstaðahreppi, Sauðárkrókskaupstað, Skarðshreppi, Staðarhreppi, Seyluhreppi, Lýtingsstaðahreppi, Viðvíkurhreppi, Hólahreppi, Hofshreppi og Fljótahreppi, og mynduðu þau saman Sveitarfélagið Skagafjörð.

RNS

Rögnvaldur Björnsson (1850-1918)

  • S02152
  • Person
  • 26. des. 1850 - 6. ágúst 1918

Rögnvaldur Björnsson, f. að Auðólfsstöðum í Langadal. Foreldrar: Björn Ólafsson (1817-1853) frá Auðólfsstöðum, síðast bóndi í Eyhildarholti og kona hans Filippía Hannesdóttir (1819-1908) frá Ríp. Rögnvaldur missti föður sinn ungur er hann drukknaði í Héraðsvötnum vorið 1853. Síðar giftist móðir hans Markúsi Árnasyni. Eftir andlát föður síns fór Rögnvaldur í fóstur að Stóru-Seylu á Langholti til móðursystur sinnar Maríu Hannesdóttur og Magnúsar Magnússonar prests í Glaumbæ. Þegar María flutti til dóttur sinnar að Ystu-Grund árið 1865 fór Rögnvaldur með henni þangað og ólst upp hjá Sigríði Magnúsdóttur og Gísla Þorlákssyni sem þar bjuggu. Rögnvaldur hóf búskap í Hjaltastaðahvammi 1880 en fluttist í Réttarholt 1883 og bjó þar til 1892. Var á Bjarnastöðum 1892-1895 en fór þá aftur í Réttarholt og eignaðist jörðina. Bjó þar til dánardags.
Var sýslunefndarmaður Akrahrepps 1886-1917, hreppsnefndarmaður í Akrahreppi 1881-1887 og 1896-1901, oddviti 1883-1886.
Maki: Freyja Jónsdóttir (1859-1942) frá Barði í Fljótum. Þau eignuðust 7 börn en ein dóttir þeirra lést á unglingsaldri.

Rögnvaldur Elfar Finnbogason (1925-2010)

  • S01377
  • Person
  • 13.05.1925-01.02.2010

Rögnvaldur Elfar Finnbogason fæddist á Eskifirði, sonur Finnboga Þorleifssonar, útgerðarmanns og skipstj. á Eskifirði og Dórótheu Kristjánsdóttur. ,,Rögnvaldur ólst upp á Eskifirði. Hann lauk stúdentsprófi frá Menntaskólanum á Akureyri 1944 og stundaði nám við Háskóla Íslands veturinn 1945-46. Hann vann við skrifstofustörf á Siglufirði árin 1947-1948 eða uns þau hjónin fluttust til Sauðárkróks, þar sem hann var gjaldkeri bæjarsjóðs á árunum 1948-1958. Hann gegndi starfi bæjarstjóra á Sauðárkróki árin 1958-1966. Rögnvaldur var skrifstofustjóri síldarútvegsnefndar fyrir Austurland á árunum 1966-1970 og bjó fjölskyldan þá á Seyðisfirði. Árið 1971 lá leiðin til Reykjavíkur og hóf Rögnvaldur þá störf á skattstofunni. Þar starfaði hann til 1976. Hann gegndi starfi bæjarritara í Garðabæ frá 1976-1983 og var forstjóri Sjúkrasamlags Garðabæjar á árunum 1983-1990. Rögnvaldur starfaði lengi fyrir Brunabótafélagið, síðar VÍS, og gegndi fjölda opinberra trúnaðarstarfa bæði á Sauðárkróki og víðar." Rögnvaldur kvæntist árið 1947 Huldu Ingvarsdóttur, þau eignuðust þrjú börn.

Rögnvaldur Gíslason (1923-2014)

  • S02920
  • Person
  • 16. des. 1923 - 7. apríl 2014

Foreldrar: Gísli Magnússon og Guðrún Sveinsdóttir í Eyhildarholti. Maki: Sigríður Jónsdóttir frá Djúpadal, þau eignuðust fjögur börn. Rögnvaldur ólst upp í Eyhildarholti og gekk í farskóla í Rípurhreppi en var síðan einn vetur í Gagnfræðaskólanum í Reykjavík, annan í Héraðsskólanum á Laugarvatni og þann þriðja í Bændaskólanum á Hólum. Hann varð búfræðingur 1945. Aðra vetur var hann við bústörf heima í Eyhildarholti, en á sumrin oftast í vega- og brúarvinnu víða um Norður- og Norðausturland. Þegar þau Sigríður giftust hófu þau búskap í Djúpadal og stóð til að þau tækju þar að fullu við búi en snöggur endir var bundinn á þau áform þegar Rögnvaldur fékk lömunarveiki vorið 1956. Hann lamaðist ekki en varð óvinnufær um nokkurra ára skeið og gat ekki unnið erfiðisvinnu eftir það. Um tíma vann Rögnvaldur íhlaupavinnu á skrifstofu Búnaðarsambands Skagafjarðar, en í ársbyrjun 1961 hóf hann störf á sýsluskrifstofunni á Sauðárkróki og vann þar til starfsloka um sjötugt, lengst af sem aðalbókari. Fyrstu árin átti fjölskyldan áfram heimili í Djúpadal ásamt föður og föðurbræðrum Sigríðar, en Rögnvaldur leigði herbergi á Sauðárkróki og kom heim um helgar. Haustið 1967 fluttist fjölskyldan til Sauðárkróks og áttu þau hjón þar heima síðan.

Rögnvaldur Jónsson (1856-1926)

  • S01220
  • Person
  • 17. sept. 1856 - 2. júlí 1926

Foreldrar: Jón Jónsson b. á Arnarstöðum í Sléttuhlíð og víðar og k.h. Gunnhildur Hallgrímsdóttir. Bóndi á Þrastarstöðum 1884-1886, á Geirmundarhóli í Hrollleifsdal 1886-1889, í Miðhúsum í Óslandshlíð 1889-1914, í húsmennsku 1914-1917, byggði ásamt konu sinni upp nýbýlið Hlíðarenda úr landi Miklabæjar í Óslandshlíð árið 1917 og bjó þar til dauðadags. Kvæntist Steinunni Helgu Jónsdóttur frá Þrastarstöðum, þau eignuðust fimm börn, fjögur þeirra komust á legg. Rögnvaldur var smiður bæði á járn og tré og eftirsóttur við veggjahleðslu og hvers konar byggingarvinnu. Hann var einn af stofnendum bindindisfélagsins ,,Tilreyndin" í Óslandshlíð 1898 er síðar varð Ungmennafélagið Geisli, nú Neisti.

Rögnvaldur Jónsson (1884-1967)

  • S02073
  • Person
  • 17.09.1884-11.03.1967

Rögnvaldur Jónsson, f. í Hjaltastaðahvammi. Foreldrar: Jón Jónasson síðar bóndi á Þorleifsstöðum og kona hans Guðrún Þorkelsdóttir.
Rögnvaldur ólst upp hjá foreldrum sínum við algeng sveitastörf og naut lítillar uppfræðingar utan fermingarundirbúnings. Hóf búskap í Valagerði 1907-1908, þá ókvæntur. Nytjaði jörðina, en hélt til hjá foreldrum sínum á Þorleifsstöðum.
Maki: Árný Sigríður Árnadóttir, f. 30.09.1891. Þau eignuðust 3 börn.
Eftir giftingu bjó hann eitt ár á Minni-Ökrum, 1911-1912. Fluttu þau hjón þá að Þorleifsstöðum og voru talin búlaus. Bjuggu á Tyrfingsstöðum 1916-1924, Ytri Kotum 1924-1929. Úr því áttu þau heima á Sauðárkróki til æviloka og vann Rögnvaldur sem verkstjóri hjá Vegagerð ríkisins um 30 ára skeið.

Rögnvaldur Jónsson (1908-2003)

  • S02101
  • Person
  • 29. ágúst 1908 - 1. okt. 2003

Rögnvaldur Jónsson fæddist í Réttarholti í Skagafirði 29. ágúst 1908. Foreldrar hans voru Jón Rögnvaldsson bóndi í Réttarholti og kona hans Sólveig Halldórsdóttir. ,,Rögnvaldur varð búfræðingur frá Hólaskóla 1930. Jafnframt bústörfum var hann kennari í Akrahreppi 1934-1960 og skólastjóri þar 1960-1966. Hann var kirkjuorganisti við Flugumýrar- og Miklabæjarkirkju 1927-1965 og einnig um skeið við Hofstaðakirkju og Hóladómkirkju." 26. maí 1932 kvæntist Rögnvaldur Ingibjörgu Maríu Jónsdóttur, þau eignuðust tvö börn. Rögnvaldur og Ingibjörg stofnuðu heimili í Flugumýrarhvammi og bjuggu þar ávallt síðan.

Rögnvaldur Ólafsson (1919-2007)

  • S01929
  • Person
  • 10. des. 1919 - 25. mars 2007

Rögnvaldur Þorsteinn Guðlaugur Ólafsson, eða Valdi rakari eins og hann var yfirleitt kallaður, fæddist á Siglufirði 10. desember 1919. ,,Rögnvaldur lærði hárskeraiðn á Siglufirði hjá Jónasi rakara. Hann flutti til Sauðárkróks 1946 og þar kynntist hann konu sinni Dóru Ingibjörgu Magnúsdóttur, þau eignuðust fimm börn saman, fyrir átti Rögnvaldur son. Rögnvaldur vann lengst af við rakaraiðn en einnig hjá trésmiðjunni Borg, Kaupfélagi Skagfirðinga og við önnur ýmis störf.

Rögnvaldur Ólafsson (1943-

  • S01395
  • Person
  • 10.12.1943-

Barnabarn Láru Ingibjargar Magnúsdóttur og Guðmundar Guðna Kristjánssonar.

Rögnvaldur Steinsson (1918-2013)

  • S02004
  • Person
  • 3. okt. 1918 - 16. okt. 2013

Rögnvaldur Steinsson fæddist á Hrauni á Skaga 3. október 1918. Foreldrar hans voru hjónin Steinn Leó Sveinsson útvegsbóndi á Hrauni á Skaga og k.h. Guðrún Sigríður Kristmundsdóttir. ,,Rögnvaldur ólst upp hjá foreldrum sínum á Hrauni en þar var stundaður jöfnum höndum landbúnaður og sjósókn á uppvaxtarárum hans, en á Hrauni átti hann heimili sitt allt til æviloka. Ungur hóf hann að vinna að búi foreldra sinna og varð búskapur hans starfsvettvangur að stærstum hluta utan veturinn 1949 er hann var til sjós á báti frá Reykjavík. Einnig stundaði hann grásleppuveiðar í allmörg ár ásamt öðrum, en sjómennska og veiðiskapur áttu ávallt sterk ítök í honum samfara búskaparáhuga. Árið 1958 tóku Rögnvaldur og Guðlaug við búi á Hrauni sem og veðurathugun og vitavörslu allt til 1991 er synir þeirra og tengdadóttir tóku að mestu við hefðbundnum búskap. Snéri hann sér þá alfarið að umhirðu æðarvarps og dúntekju á jörðinni og sinnti því af alúð til hinstu stundar." Rögnvaldur giftist 25. desember 1956 Guðlaugu Jóhannsdóttur frá Sólheimum í Sæmundarhlíð, þau eignuðust fjóra syni.

Rögnvaldur Þorleifsson (1851-1908)

  • S00661
  • Person
  • 07.09.1851-05.03.1908

,,Rögnvaldur bjó á Lambanesi í Fljótum 1873-1884, Saurbæ í Fljótum 1884-1886, Óslandi 1886-1889, Brekkukoti 1889-1902, er hann brá búi. Húsmaður á Torfhóli 1902-1906. Efra Hóli í Óslandshlíð 1906-1908. Hann stundaði sjó vor og haust alllengi, átti sexróinn bát, er hann kallaði Svan, og þótti hann gott siglingaskip. Að vorinu hélt Rögnvaldur honum út frá Drangey til fugl- og fiskveiða, en að haustinu ýmist úr Óslandshlíð eða úr Grafarós. Rögnvaldur var mjög aflasæll og talinn með bestu skipstjórnarmönnum. Var einn af stofnendum Bindindisfélagsins Tilreyndin 1898 sem síðar varð Ungmennafélagið Geisli, (nú Neisti)." Rögnvaldur kvæntist Guðrúnu Jónsdóttur frá Hreppsendaá í Ólafsfirði, þau eignuðust fimm börn.

Rósa Daníelsdóttir (1875-1929)

  • S00640
  • Person
  • 21.07.1875-16.01.1929

Fædd og uppalin á Skáldastöðum í Eyjafirði. Um tvítugt sigldi hún til Danmerkur og dvaldist um skeið, uns hún fluttist með unnusta sínum, Pétri Sighvatssyni, til Dýrafjarðar. Giftust þau þar og fluttu síðan til Sauðárkróks, þau eignuðust sex börn.

Rósa Einarsdóttir (1882-1965)

  • S02123
  • Person
  • 5. mars 1882 - 8. ágúst 1965

Bjó á Stokkahlöðum í Hrafnagilshreppi, Eyj. Vinnukona þar 1930.

Rósa Eiríksdóttir (1791 - fyrir 1855)

  • S01691
  • Person
  • 1791 - fyrir 1855

Var á Hólum, Bakkasókn, Eyj. 1801. Vinnhjú á Steinsstöðum, Bakkasókn, Eyj. 1816. Í manntalinu 1835 er Rósa skráð sem vinnukona á Stóru-Ökrum, gift Hallgrími Hallgrímssyni vinnumanni á sama stað. Í manntalinu 1840 og 1845 er hún skráð sem húsfreyja í Miðhúsum í Miklabæjarsókn, Skagafirði og býr þar ásamt fyrrgreindum eiginmanni. Í manntalinu 1850 er hún, ásamt Hallgrími, skráð til heimilis á Minniakragerði. Eftir það er ekki frekari upplýsingar að finna.

Rósa Guðrún Sighvats (1943-

  • S02874
  • Person
  • 9. des. 1943-

Foreldrar: Sighvatur Pétursson Sighvats og Herdís Pálmadóttir frá Reykjavöllum. Fædd og uppalin á Sauðárkróki. Nú búsett á Akureyri.

Rósa Jensdóttir Eriksen (1929-1993)

  • S01640
  • Person
  • 11. maí 1929 - 21. nóv. 1993

Fædd og uppalin á Sauðárkróki. Dóttir Jens Péturs Eriksen og Sigríðar Amalíu Njálsdóttur. Rósa tók gagnfræðapróf á Akureyri 1947 og var síðan einn vetur á húsmæðraskólanum á Löngumýri, 1949-1950. Hún byrjaði snemma að vinna á símstöðinni á Sauðárkróki. Maki: Karl Salómonsson frá Ísafirði. Fyrstu árin bjuggu þau í Kópavogi. Þau eignuðust fjögur börn. Karl lést árið 1970 langt fyrir aldur fram. Rósa vann hjá Landsímanum í Reykjavík sem talsímavörður og varðstjóri og í nokkur ár var hún verslunarstjóri í Ás-verslunum. Árið 1973 fluttist Rósa vestur í Hrútafjörð og giftist Jósep Rósinkarssyni bónda á Fjarðarhorni. Hann var ekkjumaður með fimm börn og tók Rósa þar við stóru heimili sem hún stýrði í um 15 ár en þá skildu leiðir þeirra. Rósa fluttist þá suður aftur og vann á langlínumiðstöðinni í Reykjavík á meðan heilsa leyfði.

Rósa Jónsdóttir (1749- um 1840)

  • S01698
  • Person
  • 1749- um 1840

Fermdist í Bakkasókn í Öxnadal 1762. Húsfreyja á Auðnum, Bakkasókn, Eyj. 1801. Er skráð sem húsfreyja á Miðlandi í manntalinu 1816. Þar er einnig skráður til heimilis eiginmaður hennar, Sigfús Jónsson, og tvö börn þeirra, Lilja og Jónas. Í manntalinu 1835 er hún skráð enn skráð til heimilis að Miðlandi. Hún er sögð 88 ára og titluð ekkja og móður húsbóndans sem er Jón Sigfússon. Vitað að hún var á Hólum í Öxnadal 1838 og mun hafa látist um það leyti og að líkindum á Hólum þó ekki liggi það ljóst fyrir.

Rósa Stefánsdóttir (1895-1993)

  • S02042
  • Person
  • 10. okt. 1895 - 14. júlí 1993

Rósa fæddist 10. október á Króksstöðum í Kaupvangssveit í Eyjafirði. ,,Sem unglingur var Rósa í vist hjá hinum nafntogaða presti og fræðimanni, sr. Jónasi á Hrafnagili sem þá var kennari við Gagnfræðaskólann á Akureyri. Árið 1930 var hún ráðin aðstoðarkona á Sjúkrahúsi Akureyrar, en skömmu síðar ráðskona við Menntaskólann á Akureyri. Hélt síðan til frekara náms í Danmörku og lauk prófi frá merktum hússtjórnarskóla, Ankerhus í Sorø. Næstu árin stundaði hún kennslu í sinni grein við Kvennaskólann á Laugalandi í Eyjafirði og síðar Kvennaskólann og Miðbæjarskólann í Reykjavík. Árið 1940 giftist hún Jóni Þ. Björnssyni skólastjóra á Sauðárkróki sem þá hafði verið ekkjumaður í átta ár, hann hafði átt tíu börn með fyrri konu sinni. Hún sá um þungt heimili þeirra af skörungsskap, en kenndi jafnframt við Barna- og unglingaskóla Sauðárkróks 1942­1952. Auk færni sinnar í öllum húsmóðurstörfum var Rósa mikill matreiðslusnillingur. Í meira en áratug stóð hún fyrir hótelrekstri á Hólum í Hjaltadal á sumrin eða þar til þau hjónin fluttust til Reykjavíkur 1962. Eftir það var Rósa lengi matráðskona við Hagaskólann í Reykjavík."

Rósmundur Ingvarsson (1930-

  • S02220
  • Person
  • 6. ágúst 1930-

Rósmundur Ingvarsson, fæddur 6. ágúst 1930, sonur Ingvars Jónssonar b. á Hóli í Tungusveit og s.k.h. Ragnheiður Elín Pálsdóttir. Rósmundur var bóndi á Hóli 1962-1993. Síðan búsettur í Varmahlíð. Hefur unnið ötullega að örnefnaskráningu fyrir Skagafjörð.

Rótarýklúbbur Sauðárkróks (1948-

  • S02816
  • Organization
  • 26.09.1948-

Rótarýklúbbur Sauðárkróks var stofnaður 26.09.1948 í Hótel Villa Nóva á Sauðárkróki, að undangegnum þremur stofnfundum fyrr í sama mánuði.
Í fyrstu stjórn klúbbsins voru kosnir sr Helgi Konráðsson, forseti, Torfi Bjarnason héraðslæknir, varaforseti, Kristinn P. Briem kaupmaður, Ole Bang lyfsali, gjaldkeri og Valgarð Blöndal stallari. Fullgildingarhátíð klúbbsins var haldin 3. september árið 1949, að viðstöddu fjölmenni. Klúbburinn hefur unnið að ýmsum samfélagsverkefnum, svo sem uppsetningu útsýnisskífu, hljóðfærakaupum fyrir lúðrasveit, aðstoð við undirbúning þjóðhátíðar á Hólum. Einnig hefur klúbburinn staðið í ýmsum fjáröflunum og veitt verðlaun fyrir námsárangur.

Rúnar Kristjánsson (1951-

  • S02241
  • Person
  • 15.11.1951-

Guðmundur Rúnar Kristjánsson er fæddur í Litlateigi á Akranesi. Faðir: Kristján Arnbjörn Hjartarson (1928-2003) verkamaður á Skagaströnd. Móðir: Sigurbjörg Björnsdóttir (1930-1981) verkakona á Skagaströnd.
Rúnar er ..húsasmiður og skáld, búsettur á Skagaströnd. Hefur starfað mikið að félagsmálum, birt fjölda greina og ljóða í blöðum og tímaritum."

Runólfur Jónsson (1864-1943)

  • S02082
  • Person
  • 23. júlí 1864 - 4. júní 1943

Runólfur ólst upp hjá foreldrum sínum, en hóf sjósókn ungur að aldri og reri í ýmsum verstöðvum. Kom frá Akureyri til Sauðárkróks 1903 og dvaldist þar síðan til æviloka. Fyrstu árin á Sauðárkróki átti hann dálítinn bústofn og stundaði garðyrkju með góðum árangri jafnframt sjósókninni. Árið 1915 eignaðist hann einn eigin bát, fjögurra manna far, og sótti þá sjóinn fast, var oftast einn á bátnum og aflaði vel. Árið 1918 taldi hann sig hafa aflað 950 stórþorska, 2000 þyrsklinga og 7050 ýsur af ýmslum stærðum. Veiddi einnig hafsíld í net með góðum árangri. Oft herti hann mikið að afla sínum og seldi bændum fyrir landbúnaðarafurðir eða peningagreiðslur. Gaf einnig oft nágrönnum sínum sínum á staðnum og kunningjum af afla sínum. Varð fyrir trúaráhrifum frá Lárusi farandpredikara Jóhannessyni og tók eftir það að predika úti á götum Sauðárkróksbæjar og kenndi þá í anda hinnar gömlu bókstafstrúar á Biblíuna. Kvæntist Soffíu Ólafsdóttur, þau eignuðust þrjú börn.

Runólfur Kristinn Lárusson (1934-2011)

  • S03581
  • Person
  • 05.05.1934-02.08.2011

Runólfur Lárusson, f. 05.05.1934, d. 02.08.2011. Foreldrar: Lárus Runólfsson (1903-1981) sjómaður og hafnarvörður á Sauðárkróki og Ellen Guðlaugsdóttir (1905-1961).
Runólfur fékk heilablóðfall um tuttugu árum áður en hann lést og dvaldi eftir það á Heilbrigðisstofnun Sauðárkróks og var bundinn við hjólastól.

Sæmundur Árni Hermannsson (1921-2005)

  • S00453
  • Person
  • 11.05.1921-12.08.2005

Sæmundur Árni Hermannsson fæddist á Ysta-Mói í Fljótum í Skagafirði. Foreldrar hans voru Hermann Jónsson bóndi og hreppstjóri og Elín Lárusdóttir. ,,Sæmundur stundaði bústörf á unglingsárunum, var í vegavinnu, í síldarvinnu á sumrin og á vertíð í Keflavík. Hann var síðar með bílaútgerð í Fljótum. Sæmundur flutti til Vestmannaeyja 1950, var þar hótelstjóri og síðan tollvörður, tollvörður á Þórshöfn á Langanesi sumarlangt og loks á Keflavíkurflugvelli. Sæmundur flutti til Sauðárkróks 1957 og var tollvörður þar um árabil. Hann tók við starfi framkvæmdastjóra Sjúkrahúss Skagfirðinga í ársbyrjun 1961 og gegndi því til 1991 er hann lét af störfum fyrir aldurs sakir. Sæmundur helgaði sig hrossarækt eftir að hann flutti í Skagafjörð og rak hrossaræktarbú að Ytra-Skörðugili frá árinu 1971. Sæmundur var alla tíð virkur félagi í Framsóknarflokknum, sat m.a. í bæjarstjórn Sauðárkrókskaupstaðar fyrir flokkinn. Þá var hann virkur félagi í Lionshreyfingunni og fyrsti forseti hennar á Sauðárkróki. Sæmundur var einn af stofnendum félags eldriborgara á Sauðárkróki og fyrsti formaður þess." Sæmundur Árni kvæntist 26. janúar 1952 Ásu Sigríði Helgadóttur frá Vestmannaeyjum, þau eignuðust sjö börn.

Sæmundur Dúason (1889-1988)

  • S02478
  • Person
  • 10. nóv. 1889 - 4. feb. 1988

Sæmundur fæddist á Langhúsum í Fljótum. Foreldrar hans voru Eugenía Jónsdóttir Norðmann og Dúi Kristján Grímsson. Sæmundur ólst upp við almenn sveitastörf og sjómennsku. Kona hans var Guðrún Valdný Þorláksdóttir og eignuðust þau sex börn og ólu þess auk upp tvö fósturbörn. Sæmundur var fræðimaður að eðlisfari og mikill unnandi íslenskrar tungu. Hann lagði stund á þýsku, frönsku og esparento sér til ánægju. Hann stundaði sjómennsku með búskapnum, en árið 1914 fluttu þau til Reykjavíkur. Hann stundaði nám við Verslunarskóla Reykjavíkur og tæpum tuttugu árum síðar hóf hann nám við Kennaraskóla Íslands og starfaði við kennslu í Fljótum, Grímsey og á Siglufirði. Sæmundur skrifaði ævisögu sína, Einu sinni var.

Sæmundur Jónasson (1890-1972)

  • S02483
  • Person
  • 30. mars 1890 - 17. júlí 1972

Foreldrar: Jónas Jónsson b. og smáskammtalæknir í Hróarsdal í Hegranesi og 2.k.h. Elísabet Gísladóttir. Verkamaður í Reykjavík.

Sæmundur Jónsson (1915-1993)

  • S03522
  • Person
  • 28.11.1915-13.05.1993

Sæmundur Jónsson f. í Holtskoti í Seyluhreppi 28.11.1915, d. 13.05.1993 á Sauðárkróki.
Foreldrar: Jón Jónsson "Skagfirðingur" og kona hans Soffía Jósafatsdóttir. Sæmundur ólst upp hjá foreldrum sínum í Holtskoti, síðan í Geldingaholti og loks Glaumbæ. Þar bjó hann fardagaárið 1937-1938 en vorið 1938 fluttist hann að Bessastöðum. Árið 1961 var jörðinni skipt og stofnaði Jón sonur hans nýbýlið Fosshól á hálfri jörðinni. Sæmundur gegndi ýmsum trúnaðarstörfum, m.a. var hann í hreppsnefnd Staðarhepps 1966-1982 og oddviti þann tíma. Hann var í stjórn sjúkrasamlags Staðarhepps 1958-1974 og gjaldkeri allan þann ´tima.
Maki: Mínerva Gísladóttir (1915--1998). Þau eignuðust sjö börn. Fyrir átti Mínerva dóttur með Sigurjóni Kristinssyni.

Sæmundur Sigurjón Sigfússon (1879-1960)

  • S01215
  • Person
  • 1. júlí 1879 - 15. júlí 1960

Lærisveinn á Hólum, Hólasókn, Skag. 1901. Kennari, búfræðingur og hótelstjóri á Sauðárkróki. Síðast bús. í Reykjavík.

Sæunn Steinsdóttir (1876-1960)

  • S00730
  • Person
  • 26.05.1876-06.08.1960

Frá Hryggjum í Staðarfjöllum, dóttir Steins Steinssonar og Bjargar Pétursdóttur. Sæunn missti föður sinn í bernsku og ólst upp á Hafsteinsstöðum hjá Jóni hreppstjóra Jónssyni og k.h. Steinunni Árnadóttur. Hún lærði fatasaum og rak sauma verkstæði, áður en hún giftist. Kvæntist Jóhannesi Jóhannessyni smiði, þau bjuggu lengst af í Glæsibæ, þau eignuðust fjögur börn.

Results 4761 to 4845 of 6402