Sigríður Sigurbjörg Garðarsdóttir fæddist 1. janúar 1952. Dóttir Svanhildar Steinsdóttur og Garðars Björnssonar í Neðra-Ási.
Hún býr í Miðhúsum II í Akrahreppi í Skagafirði ásamt manni sínum Jóni Stefáni Gíslasyni (1950-).

Eiginkona Jóhanns Friðriksonar

Fædd á Sauðárkróki, dóttir Maríu Helgadóttur og Sigurðar Björnssonar á Stóru-Ökrum í Blönduhlíð. Kennari og sagnfræðingur að mennt og var safnstjóri hjá Byggðasafni Skagfirðinga 1987-2018.

Dóttir Jóhönnu Sigurbjargar Sigurðardóttur og Sigurfinns Bjarnasonar á Meyjarlandi. Vinnukona á Innstalandi 1930. Kvæntist Óskari Guðmundssyni, bjó í Reykjavík.

Fædd á Sauðárkróki, dóttir Skafta Óskarssonar og Ingibjargar Hallgrímsdóttur.

Fædd og uppalin á Dýrfinnustöðum í Blönduhlíð. Foreldrar hennar voru María Jóhannesdóttir og Runólfur Jónsson. Sigríður giftist 23. nóvember 1947 Ingólfi Hannessyni, alifuglabónda og athafnamanni í Kópavogi, f. á Stóra-Hálsi í Grafningshreppi. Þau eignuðust fimmtán börn. ,,Sigríður og Ingólfur voru ein af frumbyggjum Kópavogs, hófu búskap þar árið 1946 og ráku m.a. stórt alifuglabú í bænum til langs tíma. Þau tóku virkan þátt í uppbyggingu Kópavogs og bjuggu þar allt til dánardags."

Dóttir Gunnlaugar Friðriku Thorlacius og Carsten Stang. Búsett í Noregi. Barnabarn sr. Hallgríms Thorlacius á Reynistað.

Fædd í Enni í Viðvíkursveit. Kvæntist Jakobi Pálmasyni (1849-1916). Húsfreyja í Dæli í Sæmundarhlíð, Skag. Fór til Vesturheims 1887 frá Elivogum á Langholti.

Sigríður fæddist í Reykjavík. Hún var kennari frá Kennaraskólanum og síðar prófessor í uppeldis- og kennslufræði frá Kennaraháskóla Íslands. Hún var einnig með doktorsgráðu í menntasálfræði. Sigríður veitti forstöðu fyrstu alþjóðlegu PISA rannsóknunum. Hún skrifaði bækurnar Gömlu dansarnir - brot úr íslenskri menningarsögu og Íslenskir söngdansar í þúsund ár. Hún giftist Hjörleifi Baldvinssyni - þau eignuðust þrjú börn.

Sigríður var fædd að Völlum í Svarfaðardal árið 1913 og þar ólst hún upp, en flutti svo til Reykjavíkur. Foreldrar hennar voru hjónin Sólveig Pétursdóttir Eggertz og sr. Stefán Baldvin Kristinsson. Sigríður lauk prófi frá Samvinnuskólanum árið 1932 og starfaði við verslunarstörf 1933- 1937. Einnig vann hún hjá Tryggingastofnun ríkisins frá 1937-1942. Sigríður var þingritari og starfaði á skrifstofu Alþingis. Hún vann að þýðingum og og gerð útvarpsþátta. Hún skrifaði, ásamt eiginmanni sínum, Ferðabók sem kom út 1962. Sigríður starfaði fyrir Framsóknarflokkinn, var m.a. varamaður í borgarstjórn, átti sæti í fræðslu - og félagsmálaráði, svo eitthvað sé nefnt. Hún varð heiðursfélagi Kvenfélagasambands Íslands 1980 og heiðursfélagi hjá Styrktarfélagi vangefinna 1993. Hún var gift Birgi Torlaciusi frá Búlandsnesi í Suður-Múlasýslu.

Fædd á Sauðárkróki. Foreldrar hennar voru Þorleifur Þorbergsson útgerðarmaður og Ingibjörg Guðmundsdóttir. Þorleifur lést þegar Sigríður var barn og flutti hún þá með móður sinni til Gísla móðurbróður síns sem þá var veitingamaður á Hótel Tindastóli. Sigríður starfaði svo um árabil við hótelið. Einnig var hún virkur félagi í Kvenfélagi Sauðárkróks. Eftir að þau fluttu til Reykjavíkur starfaði hún um nokkurra ára skeið á Fæðingarheimili Reykjavíkur. Sigríður var gift Lárusi Blöndal og eignuðust þau tvo syni.

Dóttir Maríu Kristínar Valgardsdóttur Claessen og Sigurðar Thoroddsen. Húsfreyja í Reykjavík.

Ljósmyndari í Reykjavík.
Faðir: Geir Tómasson Zoëga rektor (1857-1928)
Móðir: Bryndís Sigurðardóttir húsfreyja (1858-1924)
Sigríður lærði ljósmyndun hjá Pétri Brynjólfssyni í Reykjavík 1906-1910. Sótti námskeið við Teknologisk institut; Fagskolen for Håndværkere og mindri Industri drivenda í Kaupmannahöfn í mars 1911. Framhaldsnám hjá August Sander í Köln í Þýskalandi 1911-1914.
Vann um tíma á ljósmyndastofu Noru Lindstrøm og hjá Rosu Parsberg í Kaupmannahöfn 1910-1911. Vann hjá Otto Kelch í Bad Freienwald í Þýskalandi 1911. Rak ljósmyndastofu í Austurstræti 14, Vöruhúsinu í Reykjavík frá 1914 til 1915 en þá brann húsið. Keypti ljósmyndastofu Péturs Brynjólfssonar 14. maí 1915 með Steinunni Thorsteinson. Sigríður Zoëga & Co. var fyrst til húsa á Hverfisgötu 18 en frá 1917 á Hverfisgötu 4 og frá 1934 í Austurstræti 10. Myndatökum hætt á stofunni 1955 en stofan hélt áfram að sinna ljósprentun. Sigríður starfaði á stofunni til 1967.

Sigrún Aadnegard fæddist 26. júní 1944.
Hún er húsfreyja á Bergsstöðum í Skagafirði.
Hún var um tíma formaður Sambands skagfirskra kvenna og forstöðumaður Félagsheimilisins Ljósheima.
Sigrún stóð að stofnun Kvenfélagsins Framfarar í Skarðhreppi og var hún fyrsti formaður þess.
Maður hennar er: Andrés Viðar Ágústsson (1942-).

Verslunarstjóri á Eskifirði.
Maki 1: Halldór Pálsson byggingaverkfræðingur, f. 1896. Þau eignuðust einn son.
Maki 2: Davíð Jóhannesson póst- og símstjóri. Þau eignuðust einn son. Fyrir átt Davíð tvo syni með fyrri konu sinni, Ingibjörgu, sem var systir Sigrúnar.

Sigrún Ásbjörg Fannland fæddist á Ingveldarstöðum á Reykjaströnd í Skagafirði 29. maí 1908. Móðir hennar var Anna Guðrún Sveinsdóttir og faðir hennar Hálfdán Kristjánsson. Fósturforeldrar hennar voru Ingibjörg Björnsdóttir og Guðmundur Sigurðsson á Innstalandi á Reykjaströnd. Sigrún giftist Páli Sveinbjörnssyni frá Kjalarlandi í Austur-Húnavatnssýslu 14. apríl 1931. Þau skildu. Þau áttu sex börn. Sigrún flutti til Keflavíkur árið 1961. Hún vann bæði við fiskvinnslu og afgreiðslustörf hjá Kaupfélagi Suðurnesja. Hún gaf út ljóðabókina "Við arininn" árið 1979. Síðustu tvö árin dvaldi hún á Hlévangi, dvalarheimili aldraðra í Keflavík.

Foreldrar: Daníel Ólafsson prestur í Viðvík og k.h. Svanhildur Guðrún Loftsdóttir. Sigrún fluttist ung með foreldrum sínum til Reykjavíkur. Lauk þar námi úr Kvennaskólanum. Ennfremur naut hún menntunar í söng og fleiru. Hún flutti aftur til Skagafjarðar með foreldrum sínum. Starfaði um tíma við barna- og unglingakennslu. Var um árabil heimiliskennari og annaðist heimilistörf á Syðri-Brekkum hjá þeim hjónum Sigtryggi Jónatanssyni og Sigurlaugu Jóhannesdóttur, er þá bjuggu þar. Kvæntist Benedikti Hannessyni frá Kjarvalsstöðum árið 1892. Þau bjuggu á Framnesi, í Glaumbæ á hluta, Ásgeirsbrekku og í Brekkukoti ytra en fluttu til Vesturheims árið 1900, þau eignuðust þrjú börn.

Sigrún er kennari að mennt og býr í Reykjavík. Hún kvæntist Kristni Bjarna Jóhannssyni lækni. Þau eiga þrjú uppkomin börn.

Foreldrar: Eiríkur Guðmundsson b. í Sölvanesi og s.k.h. Jórunn Guðnadóttir. Sigrún ólst upp hjá foreldrum sínum í Sölvanesi. Kvæntist árið 1917 Finnboga Bjarnasyni frá Þorsteinsstöðum í Tungusveit. Þau bjuggu í Sölvanesi 1918-1920, á Merkigili 1920-1923, á Sveinsstöðum 1923-1925, á Mið-Grund 1925-1935, á Hrauni í Öxnadal 1935-1936, á Stokkahlöðum í Hrafnagilshreppi 1938-1940, á Kroppi í sömu sveit 1940-1942 og eftir það á Akureyri. Sigrún og Finnbogi eignuðust fimm syni og tóku tvö fósturbörn.

Sigrún Guðmundsdóttir, f. 26.06.1929 á Ísafirði. Foreldrar: Guðmundur Guðni Kristjánsson f. 23.01.1893 og Lára Ingibjörg Magnúsdóttir, f. 19.07.1894. Hún átti sjö bræður. Sigún ólst upp á Ísafirði. Hún útskrifaðist sem fóstra frá uppeldisskóla Sumargjafar í Reykjavík árið 1949 og vann á leikskólum þar til hún giftist árið 1954. Hún hóf aftur störf árið 1972 og starfaði þá sem leikskólakennari í Garðabæ og Reykjavík. Var leikskólastjóri í Hlíðarborg við Eskihlíð í Reykjavík frá 1974 og þar til hún lét af störfum árið 1982. Maki: Hallgrímur F. Árnason bifreiðastjóri, f. 12.09.1918. Þau eignuðust þrjú börn. Bjuggu allan sinn búskap í Hafnarfirði en eftir að Hallgrímur lést fluttist Sigrún til Reykjavíkur.

Sigrún Gísla Halldórsdóttir fæddist 30. maí 1942 á Halldórsstöðum í Seyluhreppi. Foreldrar hennar voru hjónin á Halldórsstöðum, Halldór Gíslason og Guðrún Sigurðardóttir. ,,Sigrún ólst upp í foreldrahúsum á Halldórsstöðum við öll almenn sveitastörf. Sem unglingur var hún í barnapössun innan sveitarinnar. Þá vann hún tímabundið við mötuneyti á ýmsum stöðum, svo sem í Skógaskóla og Vestmannaeyjum. Hún vann við símstöðina í Varmahlíð og fleiri störf hjá Lindermann, sem rak þar hótel, bensínsölu ásamt fleiru. Þá vann hún á nokkrum stöðum á Sauðárkróki svo sem í eldhúsinu á sjúkrahúsinu, við afgreiðslustörf í verslun Haraldar Júlíussonar, Matvörubúðinni og í vefnaðarvörudeild Kaupfélags Skagfirðinga. Hún var í nokkur ár verkstjóri í unglingavinnunni á vegum sveitarfélagsins. Þá var hún í allmörg ár starfsmaður Sauðárkrókskirkju sem aðstoðarmaður við athafnir og umsjón á þrifum á kirkju og safnaðarheimili, en hafði svo yfirumsjón með kirkjugarðinum allt til starfsloka í september 2011. Þá hafði hún til margra ára ásamt eiginmanni sínum umsjón með föndri eldri borgara á Sauðárkróki. Sigrún hafði gaman af söng og starfaði með Kirkjukór Glaumbæjarsóknar í mörg ár. Hún var virkur félagi í Sálarrannsóknarfélagi Skagafjarðar. Þá var hún alla sína ævi frístundabóndi og átti bæði kindur og hesta." Þann 17. júní 1967 giftist Sigrún Sverri Sigurðssyni Svavarssyni, frá Sauðárkróki, þau eignuðust tvö börn saman, fyrir átti Sverrir þrjá syni.

Húsfreyja á Akureyri. Síðast búsett í Reykjavík.

Sigrún Hróbjartsdóttir fæddist 23. maí 1927 og var dóttir hjónanna Hróbjartar Jónassonar frá Hróarsdal og Vilhelmínu Helgadóttur. Sigrún lauk námi við Húsmæðraskólann á Löngumýri árið 1950 og var síðar húsfreyja og bústýra á Hamri í Rípurhreppi í Skagafirði. Maður hennar var Einar Kristinsson frá Vopnafirði og eignuðust þau fjögur börn. Sigrún sinnti ýmsum félagsstörfum samhliða bústörfunum og var m.a. formaður Kvenfélags Rípurhrepps og ritari Sóknarnefndar Rípurkirkju. Sigrún lést 16. október 2015.

Frá Litla-Hóli í Eyjafirði. Handmenntakennari á Akranesi og í Reykjavík.

Foreldrar: Jóhannes Davíð Ólafsson sýslumaður á Sauðárkróki 1884-1897 og k.h. Margrét Guðmundsdóttir Johnsen. Var í Hafnarstræti 92 á Akureyri, Eyj. 1910. Kvæntist Sigvalda Bendy gullsmíðameistara í Kaupmannahöfn.

Sigrún Jónsdóttir, f. í Vík 26.07.1904, d. 17.06.1996. Foreldrar: Jón Jóhannesson og Anna Soffía Jósefsdóttir. FImm ára missti hún móður sína og ólst upp hjá föður sínum í Birkihlíð og á Auðnum. Með henni ólst upp frændi hennar, Þorsteinn Björnsson. Hún hóf búskap með Kristjáni á Litla-Vatnsskarði í A-Hún og síðan áttu þau heima á Sauðárkróki og nágrenni þar til þau slitu samvistir. Sigrún gerðist kaupakona að Dalkoti í V-Hún og kynntist þar seinni manni sínum. Þau bjuggu þar fyrst ásamt foreldrum hans en fluttu til Hvammstanga. Árið 1951 fluttu þau í Vatnahverfi í A-Hún. Þar bjuggu þau tæð 20 ár. Þá fluttu áu suður og stofnuðu til búrekstar að Katrínarkoti í Garðabæ. Nokkru síðar keypti Sigrún sér íbúð í Keldulandi 7 í Reykjavík.
Maki: Kristján Guðbrandsson frá Syðra-Hóli á Skagaströnd. Þau eignuðust fimm börn. Þau skildu.

Foreldrar: Jón Kristbergur Árnason og k.h. Amalía Sigurðardóttir. Sigrún ólst upp með foreldrum sínum, fyrst á Vatni á Höfðaströnd, en þaðan fluttu þau í Víðivelli 1921. Sigrún fór svo á Húsmæðraskólann á Blönduósi veturinn 1930-1931. Kvæntist árið 1934 Ingimari Jónssyni frá Flugumýri og þar bjuggu þau óslitið frá 1932-1955 er Ingimar lést. Sigrún hélt áfram búskap til 1959 er synir hennar tóku við. Haustið 1964 fór hún í vinnu að Reykjaskóla í Hrútafirði og var þar næstu þrjá vetur en þar var yngsti sonur hennar við nám. Árið 1969-1970 var hún hjá Steinunni dóttur sinni í Garðabæ. Alltaf átti hún þó heimili á Flugumýri og fluttist ekki þaðan fyrr en en hún keypti íbúð á Sauðárkróki árið 1972. Þar dvaldi hún næstu 5 árin, eða þar til hún fór á sjúkrahús vegna veikinda. Strax í æsku komu í ljós hjá Sigrúnu tónlistarhæfileigar og sérlega fögur söngrödd, sem hún hélt alla tíð. Sigrún og Ingimar eignuðust átta börn.

Sigrún Jónsdóttir, f. 02.01.1916, d. 15.10.1977. Foreldrar: Jóhanna Lovísa Pálmadóttir og Jón H. Ísleifsson. Skrifstofumaður í Reykjavík.

Sigrún Jónsdóttir fæddist í Borgarfirði 12. febrúar 1918. Kjörforeldrar: Jón Ívarsson, kaupfélagsstjóri á Höfn í Hornafirði, forstjóri og alþingismaður, og eiginkona hans, Guðríður Jónsdóttir. ,,Sigrún ólst upp á Höfn í Hornafirði, fór síðan til náms í Kennaraskóla Íslands og lauk þaðan námi. Einnig lauk hún námi frá íþróttakennaraskólanum á Laugarvatni og í orgelleik. Hún var kennari í Vestmannaeyjum 1942 og fluttist til Akraness 1945 og hafði þar forgöngu um íþróttastarf fyrir konur, útivist og fjallgöngur. Sigrún fluttist til Reykjavíkur 1954 og kenndi í Gagnfræðaskóla verknáms og Ármúlaskóla og gegndi því starfi til starfsloka. Sigrún var virk í ýmsum félagsstörfum og fór margar ferðir um fjöll og lengri göngur í aðra landshluta með öðrum húsmæðrum á Akranesi." Eiginmaður Sigrúnar var Magnús Jónsson skólastjóri frá Bolungarvík, þau eignuðust tvö börn.

Foreldrar: Júlíus Jónsson og Aðalbjörg Sigurjónsdóttir, þau bjuggu á Á í Unadal 1915-1918, í Hólakoti á Höfðaströnd 1918-1919, Fjalli í Kolbeinsdal 1922-1927 og síðast á Dalvík. Sigrún kvæntist Sigurjóni Markúsi Jónassyni frá Hátúni í Seyluhreppi. Þau hófu búskap á Syðra-Skörðugili á Langholti árið 1940 og bjuggu þar alla tíð síðan, þau eignuðust fjögur börn.

Sigrún er fædd í Reykjavík 15. júní 1944, dóttir Magnúsar Jónssonar Scheving sjómanns og múrara og Sólveigar Vilhjálmsdóttur húsmóður. Sigrún hefur verið virk í stjórnmálum í áratugi. Er með BA-próf í þjóðfræði og borgarfræðum frá HÍ 2006. Maki 1: Kári Einarsson verkfræðingur, þau skildu, þau eignuðust tvær dætur. Maki 2: Páll Pétursson f. alþingismaður og ráðherra. Býr í Reykjavík.

Sigrún Marta Jónsdóttir fæddist í Stóru-Gröf á Langholti hinn 10. nóvember árið 1900. Foreldrar hennar voru Jón Þorsteinsson, verkstjóri á Sauðárkróki, og kona hans, Jóhanna Guðrún Gísladóttir. Jón var af hinni kunnu Borgarætt. Jóhanna var ættuð úr Laxárdal ytri. Þau hjón fluttust til Sauðárkróks árið 1910. Sigrún giftist 21. júlí 1930 Kristjáni Waldemar Carli Magnússyni verzlunarmanni, f. 29. ágúst 1900 á Sauðárkróki, d. 30. júní 1973. Þau hjón voru barnlaus. Sigrún gekk í barna- og unglingaskóla á Sauðárkróki. Líklega var Sigrún fyrsta skagfirzka konan, sem gerði skrifstofustörf að ævistarfi sínu. Hún var sýsluskrifari við sýslumannsembættið á Sauðárkróki 1927-1942, og jafnframt fulltrúi. Að minnsta kosti tvívegis var hún settur sýslumaður í veikindaforföllum sýslumanns með bréfi dómsmálaráðuneytisins 29. júní 1931 og aftur 1. júlí 1937. Hún sinnti öllum störfum sýslumanns nema dómarastörfum, hélt manntalsþing og framkvæmdi fógeta- og notarialgerðir. Hún mun fyrst íslenzkra kvenna hafa farið með sýsluvöld. Árið 1942 lét hún af störfum hjá sýslunni og gerðist gjaldkeri og bókari Sauðárkrókshrepps, síðar Sauðárkróksbæjar 1942- 1948 og gjaldkeri sjúkrasamlagsins þar 1942-1968.

Sigrún Pálmadóttir fæddist á Höfða á Höfðaströnd þann 17. maí 1895.
Hún var húsfreyja á Reynistað í Staðarhreppi í Skagafirði.
Maður hennar var Jón Sigurðsson alþingismaður (1888-1972).

Sigrún Sigríður Pétursdóttir fæddist á Sauðárkróki 21. júní 1922. Foreldrar hennar: Pétur Hannesson og Sigríður Sigtryggsdóttir.
Sigrún var húsfreyja á Sauðárkróki og jafnframt skrifstofumaður á bæjarskrifstofu Sauðárkróks.
Maður hennar: Árni Ásgrímur Þorbjörnsson (1915-2005), lögfræðingur og kennari.
Kjörsonur þeirra: Þorbjörn Árnason (1948-2003), lögfræðingur.
Sigrún lést á Sauðárkróki 31. maí 1987.

Sigrún var fædd á Ísafirði, foreldrar hennar voru Sigurður Þorvaldsson b. og hreppstjóri á Sleitustöðum og k.h. Guðrún Sigurðardóttir. Sigrún kvæntist Óskari Gíslasyni frá Miðhúsum, þau eignuðust tvö börn.

Dóttir Sigurðar Eggertssonar Briem og Guðrúnar Ísleifsdóttur. Læknir, var í framhaldsnámi í lækningum í Bandaríkjunum. Kvæntist Friðgeiri Ólasyni lækni, þau fórust ásamt þremur börnum sínum með Goðafossi, sem skotinn var niður af þýskum kafbáti á Faxaflóa 10. nóvember 1944.

Sigrún Þóra Ásgrímsdóttir, f. 25.12.1923 á Ysta-Hóli í Sléttuhlíð. Foreldrar: Ólöf Konráðsdóttir, f. 1890 og Ásgrímur Halldórsson f. 1886 á Tjörnum í Sléttuhlíð. Sigrún kvæntist Kjartani Jónssyni Hallgrímssyni, þau eignuðust fimm börn og bjuggu lengst af á Tjörnum. Sigrún var síðast búsett á Sauðárkróki.

Sigrún Þórey Hjálmarsdóttir var fædd í Eyjafjarðarsýslu 28. september 1915. ,,Sigrún var fjóra vet­ur í far­skóla, nokkr­ar vik­ur á hverj­um vetri. Einn vet­ur var hún í Hús­mæðraskól­an­um á Laugalandi í Eyjaf­irði og lauk ljós­mæðraprófi frá Ljós­mæðraskóla Íslands 1944. Hún starfaði sem ljós­móðir í Hrafnagils­hreppi og Saur­bæj­ar­hreppi 1944-1958 og í Öng­ulsstaðahreppi 1947-1958. Hafði aðset­ur á Espi­hóli í Hrafnagils­hreppi þann tíma. Árið 1960 gift­ist hún Ólafi Ru­ne­bergs­syni, bónda og hand­verks­manni í Kár­dalstungu í Vatns­dal og bjuggu þau þar síðan. Sigrún og Ólaf­ur eignuðust einn son.
Sigrún var á 104. aldursári þegar hún lést.

Sigþrúður Friðriksdóttir fæddist að Valadal í Skörðum 28. nóvember 1903. Foreldrar hennar voru Friðrik Stefánsson, bóndi í Valadal og kona hans Guðríður Pétursdóttir. ,,Sigþrúður ólst upp hjá foreldrum sínum í Valadal. Hún stundaði nám í saumaskap á Sauðárkróki og stundaði saumaskap með búskapnum alla tíð. Sigþrúður giftist 1927 Birni Jónssyni, þau bjuggu á Valabjörgum á Skörðum frá 1927 til 1941, Brún í Svartárdal 1941 til 1945 og fluttu þá að Gili í Svartárdal og áttu þar heima til dauðadags."

Gistihússtjóri á Akureyri.

Sigtryggur Bergþór Pálsson, f. á Sauðárkróki 13.03.1931, d. 07.01.1964 í Kaupmannahöfn. Rafvirki á Sauðárkróki.
Maki: Sigurlaug Guðrún Gunnarsdóttir frá Víðimel (giftist síðar Garðari Guðjónssyni).

Sigtryggur Einarsson f. 11.3.1886 í Héraðsdal. Foreldrar: Einar Jónsson og Dagbjört Björnsdóttir í Héraðsdal. Bjó á móti föður sínum í Héraðsdal og síðar bóndi þar 1920-1927. Fluttist síðar til Sauðárkróks. Starfaði hjá Kaupfélagi Skagfirðinga. Maki: Ágústa Jónasdóttir, f. 1.8.1904 á Merkigili í Austurdal. Þau áttu sex börn.

Foreldrar: Jakob Jakobsson og k.h. Gróa Þorláksdóttir. Bóndi í Hofstaðaseli 1917-1932. Sigtryggur ólst upp á Hofstöðum því foreldrar hans fóru þangað í vinnumennsku 1889 og voru þar samfellt til 1908. Sigtryggur fór í Hólaskóla og lauk þaðan búfræðiprófi vorið 1905. Hofstaðasel var þá í eigu Hofstaðabræðra og Sigtryggur reisti þar bú á hálflendu jarðarinnar á móti Sigurði Björnssyni frá Hofstöðum. Á Hólum mun hafa kviknað hjá Sigtryggi eðlislægur áhugi á dýralækningum og tók hann að fást við þær af brýnni þörf og mikið var til hans leitað. Hann las sér til og fékkst við burðarhjálp, saumaði og gerði að sárum. Hann flutti með fjölskylduna til Húsavíkur haustið 1931. Mörg ár var hann síðan bæjarpóstur á Húsavík og gekk þá jafnan undir nafninu Tryggvi póstur. Sigtryggur kvæntist Jakobínu Þorbergsdóttur frá Leyningi í Siglufirði, þau eignuðust tvö börn.

Sigtryggur Jónatansson, f. í Litla-Árskógi Eyjafjarðarsýslu 12.11.1850-d. 30.03.1916 á Framnesi. Foreldrar: Jónatan Ögmundsson bóndi á Efri-Vindheimum í Eyjafirði og kona hans Hólmfríður Gunnlaugsdóttir.
Sigtryggur ólst upp hjá foreldrum sínum. Fór ungur að Hraunum í Fljótum og svo til Jóns bróður síns að Höfða á Höfðaströnd. Ráðsmaður í Brimnesi í nokkur ár, þar til hann kvæntist og hóf búskap í Brekkukoti í Akrahreppi árið 1879. Þar var hann í 4 ár og fór svo að Syðri-Brekkum og bjó þar í 12 ár. Keypti þá Framnes í Akrahreppi og fór þangað 1895 og bjó þar til 1913. Hann var í mörg ár í hreppsnefnd Akrahrepps og oddviti í 12 ár.
Maki: Sigurlaug Jóhannesdóttir (08.09.1857-11.01.1939) frá Dýrfinnustöðum. Þau eignuðust sjö börn.

Fyrrum hreppstjóri í Svalbarðshreppi. Kvæntur Vigdísi Sigurðardóttur. Búsettur á Þórshöfn.

Sonur Trausta Friðrikssonar og Ásu Nýbjargar Ásgrímsdóttur. Fór til Vesturheims árið 1922 með foreldrum sínum. Starfaði sem málari í Vancouver.

Kvæntist Jóhanni Björnssyni frá Grímsstöðum í Lýtingsstaðahrepp. Maður hennar fór til Vesturheims árið 1883, hún virðist hafa farið einna, sennilega uppúr 1900. Settust að í Alberta í Kanada.

Sonur Laufeyjar Magnúsdóttur í Enni í Viðvíkursveit og Daníels Einarssonar. Laufey kvæntist síðar Kristjáni Einarssyni b. í Enni. Verslunarmaður á Sauðárkróki síðar Kópavogi. Kvæntist Oddrúnu Guðmundsdóttur, þau eignuðust fjögur börn.

Dóttir Jóns Magnússonar Ósmanns og Guðnýjar Pálsdóttur í Utanverðunesi. Kvæntist Birni Pálmasyni, þau bjuggu á Ytri-Húsabakka, í Glaumbæ og víðar.

Sigurbjörg fæddist á Sæunnarstöðum í Hallárdal, í Austur - Húnavatnssýslu. Foreldrar hennar voru Sigurbjörg Andrésdóttir og Benóný Ólafsson. Árið 1935 flutti hún til Reykjavíkur, en þar vann hún lengst af við aðhlynningu gamals og lasburða fólks sem bjó heima. Síðustu árin var hún á elliheimilinu í Hveragerði og Grund þar sem hún lést.

Sigurbjörg Björnsdóttir var fædd á Löngumýri í Vallhólmi, Skagafirði þann 18. nóvember 1886.
Hún var húsfreyja í Deildartungu í Reykholtsdal, Borgarfirði. Síðast búsett í Reykholtsdalshreppi.
Maður hennar var Jón Hannesson (1885-1953).
Hún lést á Akranesi 12. janúar 1984.

Sigurbjörg Guðmundsdóttir, f. 06.04.1920, d. 05.01.2006 á Sauðárkróki. Foreldrar: Dýrleif Árnadóttir, f. 1899 og Guðmundur Sveinsson, f. 1893. Sigurbjörg gekk í barnaskóla Sauðárkróks og tók gagnfræðapróf frá Menntaskólanum á Akureyri vorið 1937. Hún starfaði í Sauðárkróksapóteki til ársins 1944 er hún giftist Björgvini Bjarnasyni og hófu þau búskap á Siglufirði. Árið 1947 fluttu þau til Sauðárkróks er Björgvin varð þar bæjarstjóri og bjuggu þar til ársins 1958 er hann varð sýslumaður Strandamanna með aðsetur á Hólmavík. Árið 1968 fluttust þau til Ísafjarðar en Björgvin tók þar við embætti sýslumanns í Ísafjarðarsýslum, en árið 1973 tók hann við embætti bæjarfógeta á Akranesi. Þar bjó Sigurbjörg til ársins 1997 er hún flutti aftur til Sauðárkróks. Sigurbjörg var alla tíð heimavinnandi húsmóðir. Sigurbjörg og Björgvin eignuðust þrjú börn.

Sigurbjörg Gunnarsdóttir fæddist í Keflavík í Hegranesi 12. júní 1888. Dóttir Gunnars Ólafssonar og Sigurlaugar Magnúsdóttur.
Hún var ráðskona á Utanverðunesi, Rípursókn, Skagafirði 1930 og síðar bústýra þar hjá Magnúsi Gunnarssyni (1887-1955), bróður sínum, en hann var bóndi og hreppstjóri í Utanverðunesi. Sigurbjörg bjó í Hróarsdal frá árinu 1956. Hún var ógift og barnlaus.

Dóttir Sigríðar Magnúsdóttur og Halldórs Þorleifssonar á Ystu-Grund, síðar á Sauðárkróki. Sigurbjörg lést úr berklum aðeins 23 ára gömul, ógift og barnlaus.

Foreldrar: Halldór Halldórsson b. í Brekkukoti og k.h. Guðbjörg Guðmundsdóttir. Sigurbjörg starfaði mikið að félagsmálum. Hún var formaður ungmennafélagsins Geisla 1933-1934 og virkur félagi lengi síðan. Hún var einn af stofnendum kvenfélagsins Óskar og formaður þar frá upphafi í 35 ár. Auk þess var hún ein af stofnendum Sambands skagfirskra kvenna og einn af stofnendum skógræktarfélags í sinni heimasveit og vann við plöntun trjáa í mörg ár. Einnig lék hún á orgel og fiðlu og var vel hagmælt. Sigurbjörg kvæntist Magnúsi Hofdal Hartmannssyni frá Melstað, þau bjuggu í Brekkukoti 1931-1985, þau eignuðust fjögur börn og áttu einn fósturson.

Dóttir Moniku Helgadóttur og Jóhannesar Bjarnasonar á Merkigili. Búsett í Ölfusi. Maki 1: Páll Sigurðsson frá Fornahvammi. Maki 2: Halldór Guðmundsson frá Hvammi í Ölfusi.

Dóttir Friðriks Andrésar Formars Níelssonar b. og snikkara og f.k.h. Guðrúnar Halldórsdóttur. Sigurbjörg Friðriksdóttir ,,lærði mjólkuriðnað í Danmörku, kom heim og kenndi en sneri aftur. Giftist dönskum manni á Akureyri, skildu, ókunnugt um niðja.“ Var á Hofi, Hólasókn, Skag. 1860. Var á Neðriási, Hólasókn, Skag. 1870.

Foreldrar: Guðrún Jónsdóttir og Jón Guðmundsson síðast b. á Gautastöðum í Stíflu. Áður en Sigríður kvæntist var hún alllengi þjónustustúlka hjá V. Claessen á Sauðárkróki. Sigurbjörg kvæntist Þorsteini Sigurðssyni trésmíðameistara á Sauðárkróki, þau eignuðust einn son. Þau bjuggu á Sauðárkróki til ársins 1907 er Þorsteinn og sonur þeirra fóru til Vesturheims. Talið er að Sigurbjörg hafi búið hjá Claessen fjölskyldunni í Reykjavík þar til hún fór einnig til Vesturheims árið 1912.

Húsfreyja á Dvergastöðum og Litlahóli í Eyjafirði.

Foreldrar: Jón Jónsson b. á Kimbastöðum í Borgarsveit og sambýliskona hans Björg Sigurðardóttir. Sigurbjörg var alin upp hjá foreldrum sínum á Kimbastöðum til 1911, síðan í Borgargerði til 1916 og loks á Sauðárkróki. Hún tók við búsforráðum á Hafsteinsstöðum árið 1926 og bjó þar ásamt manni sínum, Jóni Jónssyni frá Hafsteinsstöðum, til 1940. Það sama ár fluttust þau að Steinholti og síðan að Gýgjarhóli árið 1952, þar bjó Sigurbjörg til ársins 1986, Jón maður hennar lést 1972. Síðast búsett á Sauðárkróki. Sigurbjörg og Jón eignuðust tvo syni.