Showing 5158 results

Authority record

Þórey Sigurðardóttir (1924-2009)

  • S01728
  • Person
  • 12.03.1924-30.11.2009

Þórey Sigurðardóttir fæddist á Skúfsstöðum í Hjaltadal, Skagafirði, 12. mars 1924. Faðir: Sigurður Jónsson (1882-1965) bóndi á Skúfsstöðum. Móðir: Anna Sigurðardóttir (1885-1943), húsmóðir á Skúfsstöðum.
"Þórey ólst upp á Skúfsstöðum í Hjaltadal. Nítján ára gömul, við lát móður sinnar, gekk hún í störf hennar og sinnti húsfreyjustörfum á Skúfsstöðum meðan faðir hennar lifði. Þórey var ráðskona við Barnaskóla Rípurhrepps frá 1965 þar sem Lilja Sigurðardóttir vinkona hennar var skólastjóri og styrktist þá ævilöng vinátta Þóreyjar við fjölskylduna. Með þeim Lilju og Sigurði Jónassyni og börnum flutti Þórey til Akureyrar og saman keyptu þau Möðruvallastræti 1 sem varð heimili Þóreyjar eftir það nema síðasta eina og hálfa árið sem hún bjó á Hlíð. Þórey var einn af stofnendum Kristniboðsfélagsins Frækornsins í Skagafirði. Á Akureyri gekk hún til liðs við Kristniboðsfélag kvenna, var þar gjaldkeri í rúm 20 ár, og KFUK þar sem hún var í stjórn í 25 ár og þar af formaður í 19 ár. Þórey vann alla tíð við þjónustustörf, á FSA, Sólborg og hjá Akureyrarbæ í heimaþjónustu. Sérstaka unun hafði Þórey af því að vinna í kristilegu starfi með börnum og unglingum. Þórey var matráðskona og umsjónarkona með stúlknastarfi í Sumarbúðum á Hólavatni í 30 ár, frá 1966-1996. Bar hún alla tíð hag Hólavatns fyrir brjósti og var það Þóreyju mikil gleði þegar hún var sæmd heiðursviðurkenningu KFUM og KFUK á Íslandi í febrúar á þessu ári."
Þórey var ógift og barnlaus.
Þórey lést 30. nóvember 2009.

Þórey Sveinsdóttir (1872-1926)

  • S02676
  • Person
  • 1872-1926

Þórey Sigurlaug Sveinsdóttir, f. 06.01.1872, d. 02.08.1926. Foreldrar: Sveinn Guðmundsson og Þorbjörg Ólafsdóttir í Bjarnastaðahlíð. Maki: Tómas Pálsson. Bjuggu á Bústöðum í Austurdal. Eignuðust 7 börn.

Þórey Árnadóttir (1874-1914)

  • S01055
  • Person
  • 29. nóvember 1874 - 18. september 1914

Var á Kálfstöðum, Hólasókn, Skag. 1880. Vinnukona á sama stað 1901. Kennari.

Þórey Ólafsdóttir (1895-1945)

  • S00894
  • Person
  • 23.08.1895-17.11.1945

Þórey var einkabarn og ólst upp hjá foreldrum sínum til fullorðinsára, fyrst hjá foreldrum sínum til fullorðinsára, fyrst í húnavatnsýslu og síðar á Sauðárkróki. Þar fékk hún góða skólamenntun, enda flugnæm. Einkum var íslenskan henni hugleikin, eins og heyra mátti og sjá alla tíð í ræðu hennar og riti. Þórey varð húsmóðir fyrst á Sauðárkróki og svo síðar í Tungu í Gönguskörðum. Þau fluttu svo aftur til Sauðárkróks og var Þórey í hinu ýmsu félagsstarfi t.d. kvenfélaginu og leikfélaginu. Hún var líka handavinnukennari við barnaskolann á árunum 1936-1945 og sítti nokkur námskeið til Akureyrar til að kynna sér kennslunýjungar.

Þórhallur Hermannsson (1938

  • S02490
  • Person
  • 1938

Bóndi á Kambsstöðum í Ljósavatnsskarði. Formaður Veiðfélags Skjálfandafl. Kvæntur Ingu Hauksdóttur.

Þórhallur J. Ásmundsson (1953-)

  • S00285
  • Person
  • 23.02.1953

Þórhallur Ásmundsson fæddist 23. febrúar 1953.
Hann er blaðamaður og fyrrverandi ritstjóri héraðsfréttaritsins Feykis.

Þórhallur Vilmundarson (1924-2013)

  • S02639
  • Person
  • 1924-2013

Þórhallur var fæddur á Ísafirði 1924. Foreldrar hans voru Kristín Ólafsdóttir læknir og Vilmundur Jónsson landlæknir. Vilmundur átti tvær systur, Guðrúnu og Ólöfu.
Árið 1941 lauk Þórhallur stúdentsprófi frá menntaskólanum í Reykjavík og cand.mag. gráðu í íslenskum fræðum frá Háskóla Íslands 1950, því næst stundaði hann nám háskóla í Danmörku og Noregi (Kaupmannahöfn og Osló).
Þórhallur var kennari við Menntaskólann í Reykjavík árabilið 1951 til 1960. Þar kenndi hann íslenska bókmenntasögu við heimspekideild HÍ og var skipaður prófessor í sögu Íslands 1961 og var hann forseti heimspekideildar 1969-1971. Þá var hann forstöðumaður Örnafnastofnunar frá stofnun hennar eða frá 1969-1998 og var formaður örnefnanefndar. Einnig átti hann sæti í nýyrðanefnd árabilið 1961-1964 og íslenskri málnefnd 1964-2001.

Þórleif Jónsdóttir (1911-1927)

  • S01971
  • Person
  • 01.03.1911-1927

Frá Marbæli í Óslandshlíð.

Erfiljóð um Þórleifu.
Þórleif Jónsdóttir f. 1. mars 1911 d. 1927
Við undrandi spyrjum um ákvörðun lífs
sem aðeins hér morguninn lítur,
og bergja hér þarf ei á bölinu kífs
en bikarinn tæma þó hlýtur
Ó þróttmikla æska, svo björt og svo blíð
þér byggir þú framtíðarheima,
og vonarlönd þín eru frjósöm og fríð
og fagurt að lifa og dreyma
Svo vængléttar höfðu þær vogað sér hátt
vonir þínar ungu,
allt var svo laðandi ljúft og kátt
um lífsgleði vordísir sungu.
En þegar að sumarið svífur á braut
þá sest hér að haustið og vetur,
og blómin þau frjósa og falla í skaut
sinnar fóstru, er ei lífgað þau getur.
Þú varst eins og rós sem að breiðir sín blöð
mót brosandi sólgeislum hlýjum,
með alúðlegt viðmót og ætið svo glöð
hverjum unnir þú deginum nýjum
en sárt var hve haustið koma sviplega fljótt
og svifti burt lífsmætti þínum
það dvínaði gleði, og dimmdi svo skjótt
varð dapurt í huganum mínum.

Þórunn Bjarnadóttir (1855-1936)

  • S02986
  • Person
  • 15.06.1855-22.05.1936

Þórunn Bjarnadóttir, f. 15.06.1855, d. 22.05.1936. Foreldrar: Bjarni Brynjólfsson bóndi, skipasmiður, hreppstjóri og dannebrogsmaður á Kjaransstöðum og Helga Ólafsdóttir húsfreyja, fædd Stephensen.
Maki: Sigurður Stefánsson (1854-1924) prestur í Vigur. Þau eignuðust fjögur börn og dó það yngsta í æsku.

Þórunn Jóhannesdóttir (1888-1982)

  • S02277
  • Person
  • 14.01.1888 - 10.03.1982

Var á Hólum, Holtssókn, Skag. 1890. Ráðskona í Keldnakoti í Sléttuhlíð, Skag. 1930. Húsfreyja á Daufá í Lýtingstaðarhreppi, Skag. og síðar á Sauðárkróki. Síðast bús. á Akureyri. Nefnd Þóranna á manntali 1890 (Íslendingabók)

Þórunn Jónsdóttir (1941-)

  • S00411
  • Person
  • 06.09.1941

Þórunn Jónsdóttir fæddist 6. september 1941. Dóttir Jóns Sigurjónssonar bónda og hreppstjóra í Ási í Hegranesi og k.h. Lovísu Guðmundsdóttur. Maður hennar var Sigurjón Björnsson (1930-1993). Þau bjuggu í Garði í Hegranesi.

Þórunn Klementz Þorkelsdóttir (1926-1979)

  • S03019
  • Person
  • 07.10.1926-13.05.1977

Þórunn Clementz Þorkelsdóttir, f. 07.10.1926, d. 13.05.1977.
Maki: Þorkell Clementz vélfræðingur.
Kjördóttir: Þórunn Þorkelsdóttir.

Þórunn Kristjánsdóttir Elfar (1895-1943)

  • S00738
  • Person
  • 18. apríl 1895 - 3. september 1943

Dóttir Kristjáns Gíslasonar kaupmanns á Sauðárkróki og Bjargar Eiríksdóttur. Verslunarkona á Sauðárkróki og í Reykjavík. Síðast búsett í Reykjavík. Kvæntist Benedikt Elfar.

Þórunn Sigurðardóttir (1881-1968)

  • S00051
  • Person
  • 22.08.1881-26.02.1968

Fædd á Völlum, Saurbæjarhr., Eyj. 22. ágúst 1881
Látin á Sauðárkróki 26. febrúar 1968
Símastúlka á Sauðárkróki 1930. Símavörður á Sauðárkróki. Síðast bús. á Sauðárkróki. Ógift og barnlaus.

Heimildir: Þjóðskrá, Skagf.1910-1950, Skagf.1910-1950 III. Íslendingabók.is 20.08.2015.

Þórunn Ólafsdóttir (1884-1972)

  • S01212
  • Person
  • 14.04.1884-28.11.1972

Árið 1890 var Þórunn hjá foreldum sína að Grund í Reykjavík en 1901 var hún námsmey og leigði í Iðnaðarmannahúsinu í Reykjavík. Hún lærði herrafatasaum og þar syðra mun hún hafa kynnst Pétri Zophoníassyni frá Viðvík. Kom hún norður í Viðvík vorið 1904 sem unnusta hans og taldi sig sitja þar í festum. En málin þróuðust á annan veg. Pétur búsettist syðra og kvæntist annari stúku árið 1906. Þórunn var samt áfram í í Viðvík með dóttur þeirra því að Viðvíkurhjónum féll vel við hana og þótti miður ráðslag sonar síns. En eftir að Zop. préstur lést í janúar 1908 leystist heimilið upp um vorið. Þórunn réðst þá út að Hraunum í Fljótum með dóttur sína og var þar síðan mörg ár þar sem hún stundaði mest saumaskap og fataviðgerðir. Eftir að Þórður fluttist til Siglufjarðar bjuggu þau fyrst í leiguhúsnæði, voru 1920 í Roaldshúsi neðra. Síðan fluttustu þau í eigið húsnæði að Hafnargötu 6 þar sem Þórður byggði hús, hæð, kjallara og ris. Síðar breytti Björn elsti sonur hennar risinu í íbúðarhæð og bjó þar lengi síðan en Þórunn á neðri hæðinni ásamt Nönnu elstu dóttur sinni og bjó fjölskyldan þar áfram eftir að Nanna giftist. Þórunn var fríðleiksstúlka, vel á fót komin og hélt sér vel, í lægra lagi á vöxt, róleg í fasi og skipti lítt skapi. Hún var lærð herrafatasaumakona og vann alla tíð við saumaskap, auk þess sem hún gekk til verka utan beimilis, svo sem síldarsöltun á sumrin, eins og flestallar húsmæður á Siglufirði á þeim tíma. Ljóst má vera að það varð henni ekki lítið áfall þegar eiginmaðurinn fór frá henni og fimm börnum þeirra árið 1931. Þegar það bættist við fyrra skipsbrot sem hún tvítug sem hún tvítug hafði beðið í Viðvík var nóg komið. Tilfinningar hennar og fortíð voru lítið til u mræðu en öllum var ljóst sem henni kynntust að hún var mikilhæf kona.

Þórður Guðmundur Sveinbjörnsson (1871-1950)

  • S00063
  • Person
  • 09.10.1871-08.04.1950

Þórður Guðmundur Sveinbjörnsson, skrifstofustjóri, var fæddur á Húsavík 9. október 1871. Faðir: Lárus Edvard Sveinbjörnsson (1834-1910). Móðir: Jörgine Sigríður Margrethe Thorgrímsen (1849-1915). Eiginkona: Björg Lovísa Pálmadóttir (1885-1972). Guðmundur lést 8. apríl 1950.

Þórður Hansen (1949-)

  • S02893
  • Person
  • 08.06.1949-

Þórður Hansen, f. 08.06.1949. Foreldrar: Jóhannes Friðrik Hansen (1925-) og Ingibjörg Jóhanna Þórðardóttir Hansen (1927-2011).
Maki: Edda Lúðvíksdóttir. Þórður er verktaki á Sauðárkróki.

Þórður Jónsson (1749-1812)

  • S01423
  • Person
  • 1749-22.11.1812

Fæddur um 1749 en heimildir eru ekki fyrir nákvæmri dagsetningu.
Bóndi í Réttarholti í Blönduhlíð, Skag. Var í Axlarhaga, Flugumýrarsókn, Skag. 1801. Bóndi á Kvennabrekku í Miðdölum, Dal. 1803-05.
Eiginkona hans var Ragnhildur Tómasdóttir fædd 1753.

Þórður Kristinsson (1885-1929)

  • S01608
  • Person
  • 01.11.1885-11.10.1929

Kaupmaður á Ísafirði. spjaldskrá og islendingabok.is greinir á um fæðingarár annars vegar 1885-1886

Þórður Pálsson (1876-1922)

  • S01136
  • Person
  • 30. júní 1876 - 24. desember 1922

Héraðslæknir í Öxarfjarðarumdæmi um tíma eftir 1903 og sat á Skinnastað. Héraðslæknir í Borgarnesi.

Þórður Pétursson Sighvats (1909-1993)

  • S01275
  • Person
  • 11.08.1909-07.02.1993

Þórður var þriðji í röð sex systikina. Hann var alinn upp á heimili foreldra sinna, miklu menningarheimili þar sem nýjasta tækni þeirra tíma var höfð í hávegum enda höfðu foreldrar hans búið og menntast í útlöndum. Hann hóf snemma að vinna við síma og raflagnir með föður sínum ásamt sjómennsku og öðrum algengum störfum. Hann tók vélstjórapróf árið 1932 og annaðist vélar frystihúss Kaupfélags Skagfirðinga ásamt öðrum í mörg ár. Þórður var vélstjóri á síldarbátum sem hann gerði út ásamt Pálma bróður sínum og Sigurði P. Jónssyni frænda þeirra á árunum 1932-1937. Hann lauk iðnskólaprófi í rafvirkjun árið 1939, sá fysti á Sauðárkróki, og fékk meistaréttindi í því fagi 1943. Á árunum 1939-1949 var hann rafveitustjóri á Sauðárkróki. Símstjóri var hann rafveitustjóri á Sauðárkróki. Símstjóri var hann frá 1938-1954. Hann var símstjóri eftir það til 1979, er hann lét af störfum. Þórður annaðist núlagnir og viðhald símalagna allt frá N- Ísafjarðarsýslu austur í Þingeyjarsýslur þótt starfsvettvangur hans væri fyrst og fremst í Skagafirði. Þórður var glöggur á að finna hentug línustæði með tilliti til veðurfars og vandað allan frágang við línulagnarinar. Því var brugðið af símamönnum hversu lítið væri um línuskemmtir af völdum óveðra en loftlínum var ávallt haldið rækilega við á sumrin og þannig markvisst reynt að koma í veg fyrir bilanir á vetrum þegar erfitt gat verið að komast til viðgerða veðurs og færðar. Vinnuflokkar Þórðar störfuðu einnig við lagningu jarðstrengja og uppsetningu sjálfvirks síma, bæði í dreifbýli og þéttbýli í Skagafirði.
Þórður var vinsæll verkstjóri og eftirsótt að komast í vinnu til hans. Frá árinu 1940 rak Þórður eigið rafmagnsverkstæði sem síðar verð grunnurinn að félagin Al hf. er hann stofnaði með rafvirkum sem hann hafði kennt. Nafni þess fyrirtækis var seinna breytt í Rafsjá hf.
Þórður var lengið viðloðandi verslunarrekstur og var hluthafi í mörgum fyrkrtækjum á Sauðárkróki og endurskoðandi reikninga Búnaðarbankans á Sauðárkróki í marga áratugi. Þórður var áhugasamur um félagsmál, félagi í Leikfélagi Sauðárkróks í marga áratugi, sá um lýsingu á sýningum félagsins og lék stöku hlutverk. Hann var félagi í Rótarýklúbbi, stangveiðifélagi og Iðnaðarmannafélagi Sauðárkróks og var heiðraður af Landssambandi iðnaðarmanna. Þórður var meðalhár, grannvaxinn, nokkuð lotinn í herðum eftir liðagikt á barnsaldri, dökkhærður og bláeygður. Hann hafði hægláta kímnigáfu, var vinsæll maður, með afbrigðum barngóður og þekktur fyrir orðheppni.

Þórður Runeberg Magnússon Blöndal (1885-1949)

  • S01291
  • Person
  • 21.12.1885-30.10.1949

Þórður fluttist 20 vikna gamall frá Leirárgörðum norður að Holti á Ásum. Þaðan fór hann árið 1889 í fóstur að Kornsá í Vatnsdal til frænda síns, Lárusar Blöndal sýslumanns og Kristínar konu hans. Að Lárusi látnum fór hann í fóstur, þá 12 ára að aldri til sonar hans, Björns prests á Hofi á Skagaströnd og k.h. Bergljótar systur sr Bjarna tónskálds á Siglufirði. Fluttist Þórður með þeim árið 1901 að Hvammi í Laxárdal, er sr. Björn tók við prestakalli þar. Þórður naut ekki langskólanáms, en mun hafa nitið betri heimafræðslu hjá frændum sínum en almennt gerðist sem í ljós kom síðar á ævinni. Um tvítugsaldru sigldi Þórður til Danmerkur og starfaði þar á búgarði um tveggja ára skeið, mun hafa ætlað sér undirbúning að búnaðaranámi, en veiktist af mislingum og hvarf heim án þess að af náminu yrði. Við heimkomuna settist Þórður að á Sævarlandi og gerðist ábúnandi þar árið 1914, er Elín hálfsystir hans fluttist til hans ásamt móður sinni. Bjuggu þau systkinin þar á hluta jarðarinnar á móti Jóhanni Sigurðssyni og k.h. Sigríði Magnúsdóttur til ársins 1921, er þau fluttusut til Sauðárkróks og settust þar að. Bú hafði Þórður aldrei stórt, en var talinn mikillsnyrtibóndi. Á Sauðárkróki vann hann verslunar- og skrifstofustörf. Starfaði hann fyrst sem sýsluskrifari, en réðst þaðan til KS og vann fyrst við afgreiðslu og síðan bókhald. Þórður var afbragðsvel greinudr, allvel sjálmenntaður, nákvæmur í störfum og vandaður. Á hann hlóðust trúnaaðarstörf sem kröfðust allra þessara eiginleika. Hann sat í hreppsnefnd Skefilsstaðahrepps og síðar í hreppsnefnd Sauðárkróks; í sóknarnefnd á Sauðárk´roki um árabil og jafnframt gjaldkeri; gjaldkeri sjúkrasamlagsins lengi og talið, að enginn einn maður hefði á þeim tíma unnið betur að uppbgygingu þess. Hann hafði emð h0ndum bókhald fyrir fjölmarga einstaklinga og félagasamtök og var öllu talið vel borgið, þar sem hann lagði hönd að: talinn öruggur fyrirgreiðslumaður þeirra, sem rétta þurftu hlut sinn í einhverjum efnum. Þórður var mikill trúmaður, en glaðvær og nokkur fagurkeri að upplagi, dulur fremur á einkahagi, príður og traustur eins og best má verða. Mikil risna var á heimili þeirra systkina og lögðu margir leið sína, ekki síst gamlir sveitungar úr Skefilsstaðahreppi, sem nutu þar gistingar og beina.

Þórður Stefánsson (1926-2002)

  • S01718
  • Person
  • 26.08.1926-02.04.2002

Var á Hrafnhóli í Hjaltadal, Skag. 1930. Síðast bús. á Marbæli Hofshreppi.

Þórður Sveinbjörnsson (1918-1977)

  • S00062
  • Person
  • 05.06.1918-16.06.1977

Þórður Sveinbjörnsson (eftirnafn), skrifstofumaður í Reykjavík, var fæddur í Reykjavík 5. júní 1918. Faðir: Þórður Guðmundur Sveinbjörnsson (1871-1950). Móðir: Björg Lovísa Pálmadóttir (1885-1972).
Látinn 16. júní 1977.

Þórður Tómasson (1921-

  • S02436
  • Person
  • 1921

Þórður fæddist í Vallatúni undir Eyjafjöllum. Safnvörður á Skógum. Eftir hann liggur fjöldi bóka um íslenskt þjóðlíf fyrri tíma.

Þórólfur Pétursson (1942-)

  • S00014
  • Person
  • 21.01.1942

Þórólfur Pétursson fæddist á Hjaltastöðum þann 21. janúar 1942. Hann er bóndi á Hjaltastöðum í Akrahreppi. Kona: Anna Jóhannesdóttir (f. 1956).

Results 5101 to 5158 of 5158