Showing 6402 results

Authority record

Valdimar Pétursson (1911-1968)

  • S00437
  • Person
  • 02.04.1911-05.04.1968

Sonur Péturs Hannessonar og Sigríðar Jónsdóttur á Hlíðarenda við Sauðárkrók. Þau slitu samvistum þegar Valdimar var átta ára gamall og eftir það fylgdi hann föður sínum. Þegar hann var um tvítugt flutti hann til móður sinnar á Sauðárkróki og gerði þaðan út bát með bróður sínum. Sigurður vann ýmis störf, m.a. við múrverk, vegagerð, á sláturtíð og á eigin verkstæði þar sem hann smíðaði dívana. Valdimar sat lengi í stjórn Vmf. Fram og var formaður þess um skeið. Þá var hann fulltrúi á þingum ASÍ og lengi einn af forvígismönnum Alþýðuflokksfélags Sauðárkróks. Valdimar kvæntist Herdísi Sigurjónsdóttur frá Sigríðarstöðum í Fljótum, þau eignuðust þrjú börn.

Sigurður Pálsson Jónsson (1910-1972)

  • S00439
  • Person
  • 20.10.1910-15.09.1972

Alinn upp hjá Sigurgeiri Daníelssyni kaupmanni á Sauðárkróki og k.h. Jóhönnu M. Jónsdóttur. Sigurður, eða Siggi P. eins og hann var kallaður var kaupmaður á Sauðárkróki. Einnig var hann meðlimur í Lúðrasveit Sauðárkróks og Kirkjukór Sauðárkróks. Hann kvæntist Ingibjörgu Eiríksdóttur frá Djúpadal.

Lúðvík Kemp (1889-1971)

  • S00440
  • Person
  • 08.08.1889-30.07.1971

Lúðvík Kemp var fæddur í Víkurgerði í Fáskrúðsfirði. Foreldrar hans voru Stefán Árnason bóndi á Ásunnarstöðum, og fyrsta kona hans, Helga Lúðvíksdóttir Kemp. Móðir hans var berklaveik og ólst hann upp hjá fósturforeldrum. Kemp lauk prófi frá Flensborgarskóla í Hafnarfirði 1909 og frá Verzlunarskóla Íslands 1911. Þá réðst hann norður í Skagafjörð. Kvæntist hann þar Elísabetu Stefánsdóttur frá Jórvík í Breiðdal árið 1912. Kemp var bóndi á Illugastöðum í Laxárdal 1914–1947 og jafnframt vegaverkstjóri. Síðan bjó hann á Akureyri í tvö ár en flutti þá til Skagastrandar þar sem hann stundaði skrifstofustörf í mörg ár. Kemp var landsþekktur hagyrðingur á sinni tíð en ekki þótti kveðskapur hans eiga við í fínni selskap.

Erla Björg Magnúsdóttir (1943-)

  • S00441
  • Person
  • 29.06.1943

Erla Björg Magnúsdóttir fæddist 29. júní 1943.
Maður hennar: Hafþór Sigurbjörnsson (1949-).

Hallfríður Ingibjörg Egilsdóttir (1945-)

  • S00443
  • Person
  • 15.04.1945

Hallfríður Ingibjörg Egilsdóttir fæddist 15. apríl 1945.
Hún var dóttir Jóhanns Egils Sigurðssonar og Dýrfinnu Gunnarsdóttur.

Gunnhildur Abelína Magnúsdóttir (1926-2012)

  • S00444
  • Person
  • 27.04.1926-28.04.2012

Fæddist á Sauðárkróki 27. apríl 1926. Foreldrar hennar voru Steinunn Ingibjörg Ólafsdóttir og Magnús Konráðsson. Fósturforeldrar hennar frá sex mánaða aldri voru Gunnhildur Andrésdóttir húsmóðir og Abel Jónsson sjómaður, búsett á Sauðárkróki. Gunnhildur giftist 30. ágúst 1945 Svafari Helgasyni. Þau eignuðust tvær dætur. Gunnhildur starfað lengst af hjá Pósti og síma á Sauðárkróki. Hún var félagi í kirkjukór Sauðárkrókskirkju í 40 ár og virkur félagi í félagsstarfi á Sauðárkróki um árabil.

Magnús Gunnarsson (1887-1955)

  • S00446
  • Person
  • 01.01.1887 - 10.07.1955

Magnús Gunnarsson fæddist í Vík í Staðarhreppi 1. janúar 1887. Hann var sonur Gunnars Ólafssonar og Sigurlaugar Magnúsdóttur.
Magnús var bóndi í Utanverðunesi í Rípurhreppi, Skagafirði 1914-1955 og hreppstjóri þar 1942-1955.
Systir hans, Sigurbjörg var ráðskona hjá honum og sinnti einnig bústörfum.
Ókvæntur og barnslaus.
Magnús lést í Utanverðunesi 10. júlí 1955.

Erla Árnadóttir (1921-2000)

  • S00447
  • Person
  • 6. des. 1921 - 28. sept. 2000

Erla fæddist í Vík, Staðarhreppi í Skagafirði 6. desember 1921. Foreldrar hennar voru Ingibjörg Sigurðardóttir og Árni J. Hafstað bóndi í Vík í Staðarhreppi. Eiginmaður Erlu var Indriði Sigurðsson, stýrimaður, f. 7.5. 1921 að Hofdölum, Skagafirði, d. 6.11. 1986, þau eignuðust fimm börn. ,,Erla útskrifaðist frá Kvennaskólanum í Reykjavík. Hún vann ýmis störf á sinni starfsævi, þ.á m. hjá Búnaðarbankanum, Búnaðarfélaginu, í Ísbirninum á Seltjarnarnesi og á Lögfræðistofu Sigurðar Baldurssonar, en lengst af vann hún á Borgarbókasafninu við Þingholtsstræti."

Ottó Geir Þorvaldsson (1922-2001)

  • S00448
  • Person
  • 18.02.1922-05.08.2001

Ottó Geir Þorvaldsson fæddist á Sauðárkróki 18. febrúar 1922. Foreldrar hans voru Þorvaldur Þorvaldsson og Helga Jóhannesdóttir á Sauðárkróki. Ólst upp á Sauðárkróki og nam við Unglingaskóla Sauðárkróks. Sjómaður og bílstjóri á árunum 1940-1950. Bústjóri á hrossaræktarbúi að Kirkjubæ á Rangárvöllum 1950-1952. Kvæntist Jóhönnu Erlu Axelsdóttur 1952, þau eignuðust sex börn. Ottó var bústjóri á Þingeyrum í Húnaþingi 1953-1954. Flutti svo aftur í Skagafjörð og reisti nýbýli í Víðimýrarseli í Seyluhreppi 1954 og gerðist bóndi þar 1954-1972 er hann flutti að Viðvík.

Hallfríður Gísladóttir (1910-1982)

  • S00449
  • Person
  • 31. jan. 1910 - 2. ágúst 1982

Fædd 31. janúar 1910 á Egg í Hegranesi og ólst upp á Bessastöðum í Sæmundarhlíð. Kvæntist Hákoni Pálssyni frá Miðhvammi í Aðaldal árið 1934. Þau bjuggu fyrst um sinn á Húsavík en fluttu til Sauðárkróks árið 1949. Þau áttu einn kjörson.

Valtýr Jónsson (1924-2000)

  • S00451
  • Person
  • 10.12.1924-19.07.2000

Valtýr Jónsson fæddist í Geldingaholti í Seyluhreppi í Skagafirði. Foreldrar hans voru hjónin Soffía Jósafatsdóttir og Jón Jónsson Skagfirðingur. Valtýr starfaði sem sölumaður í Reykjavík.

Guðvarður Sigurðsson (1917-1994)

  • S00452
  • Person
  • 11.02.1917-18.05.1994

Fæddist í Hofsgerði á Höfðaströnd. Foreldrar hans voru Sigurður Sveinsson og Guðbjörg Sigmundsdóttir. Guðvarður var þríburi. Starfaði sem bakari í Reykjavík. Ókvæntur og barnlaus.

Sæmundur Árni Hermannsson (1921-2005)

  • S00453
  • Person
  • 11.05.1921-12.08.2005

Sæmundur Árni Hermannsson fæddist á Ysta-Mói í Fljótum í Skagafirði. Foreldrar hans voru Hermann Jónsson bóndi og hreppstjóri og Elín Lárusdóttir. ,,Sæmundur stundaði bústörf á unglingsárunum, var í vegavinnu, í síldarvinnu á sumrin og á vertíð í Keflavík. Hann var síðar með bílaútgerð í Fljótum. Sæmundur flutti til Vestmannaeyja 1950, var þar hótelstjóri og síðan tollvörður, tollvörður á Þórshöfn á Langanesi sumarlangt og loks á Keflavíkurflugvelli. Sæmundur flutti til Sauðárkróks 1957 og var tollvörður þar um árabil. Hann tók við starfi framkvæmdastjóra Sjúkrahúss Skagfirðinga í ársbyrjun 1961 og gegndi því til 1991 er hann lét af störfum fyrir aldurs sakir. Sæmundur helgaði sig hrossarækt eftir að hann flutti í Skagafjörð og rak hrossaræktarbú að Ytra-Skörðugili frá árinu 1971. Sæmundur var alla tíð virkur félagi í Framsóknarflokknum, sat m.a. í bæjarstjórn Sauðárkrókskaupstaðar fyrir flokkinn. Þá var hann virkur félagi í Lionshreyfingunni og fyrsti forseti hennar á Sauðárkróki. Sæmundur var einn af stofnendum félags eldriborgara á Sauðárkróki og fyrsti formaður þess." Sæmundur Árni kvæntist 26. janúar 1952 Ásu Sigríði Helgadóttur frá Vestmannaeyjum, þau eignuðust sjö börn.

Einar Sigtryggsson (1924-2016)

  • S00454
  • Person
  • 08.09.1924-14.03.2016

Einar fæddist í Sólheimagerði í Blönduhlíð. Foreldrar hans voru Sigtryggur Einarsson og Ágústa Jónasdóttir. Fyrstu árin ólst Einar upp í Héraðsdal en flutti svo með foreldrum sínum til Sauðárkróks. Kona Einars var Guðrún Gunnarsdóttir frá Ábæ, þau eignuðust þrjú börn. Einar og Guðrún bjuggu alla sína búskapartíð á Sauðárkróki. ,,Einar var húsasmíðameistari og vann við þá iðn alla tíð. Sem ungur maður vann Einar við vitasmíðar víða um land. Einar lærði hjá Sigurði Sigfússyni húsasmíðameistara og vann hjá honum um tíma. Þá vann hann á Trésmíðaverkstæði KS um árabil. Einar stofnaði ásamt sonum sínum fyrirtækið Raðhús ehf. og byggðu þeir feðgar íbúðir og verslunarhúsnæði á Sauðárkróki. Þá stofnaði Einar ásamt fjölskyldu sinni verslunina Hlíðarkaup og vann hann þar til 85 ára aldurs. Einar var ötull félagsmálamaður. Hann starfaði í ýmsum félögum, m.a. í Alþýðuflokknum, Skákfélagi Sauðárkróks, Hestamannafélaginu Léttfeta og Iðnsveinafélagi Skagafjarðar. Einar hafði yndi af ljóðum og kveðskap, sjálfur var hann vel hagmæltur."

Hjálmar Jónsson (1950-)

  • S00455
  • Person
  • 17.04.1950-

Fæddur í Borgarholti í Biskupstungum 17. apríl 1950. Foreldrar: Jón Óli Þorláksson járnsmiður og kona hans Árveig Kristinsdóttir. Maki: Signý Bjarnadóttir (fædd 9. júlí 1949).
Nám: Stúdentspróf MA 1971. Guðfræðipróf HÍ 1976. Framhaldsnám í St. Paul í Bandaríkjunum 1993.
,,Sóknarprestur í Bólstaðarhlíðarprestakalli 1976–1980. Sóknarprestur í Sauðárkróksprestakalli síðan 1980, prófastur síðan 1982. Vann við löggæslu, fangavörslu, sjómennsku o.fl. Kenndi við Húnavallaskóla, Gagnfræðaskóla Sauðárkróks og Fjölbrautaskóla Norðurlands vestra. Í ritstjórn landsmálablaðsins Feykis frá stofnun, í stjórn Prestafélags Hólastiftis. Í Hólanefnd frá 1982, formaður 1982–1987. Í fræðsluráði Norðurlandsumdæmis vestra frá 1982. Í skólanefnd Sauðárkróks 1982–1994, formaður lengst af. Í sálmabókarnefnd frá 1985. Í útvarpsráði 1991–1995. Í útvarpslaganefnd frá 1992. Í nefnd um endurskoðun laga um mannanöfn. Í nefnd um jöfnun námskostnaðar. Fulltrúi Íslands á þingi Evrópuráðsins 1995–1999. Í stjórn Þróunarsamvinnustofnunar Íslands síðan 1997 og í stjórn Lánasjóðs landbúnaðarins síðan 1998. Alþingismaður Norðurlands vestra 1995–2001 (Sjálfstæðisflokkur). Varaþingmaður Norðurlands vestra október og nóvember 1991, mars–apríl 1992, febrúar–mars og mars 1993, mars, október og desember 1994, janúar 1995. Fjárlaganefnd 1995–2001, allsherjarnefnd 1995–2001, landbúnaðarnefnd 1995–2001 (formaður 1999–2001), kjörbréfanefnd 1999–2001, sérnefnd um stjórnarskrármál 1999–2000. Íslandsdeild Norðurlandaráðs 1999–2001." Hjálmar hefur einnig ort ljóð og sálma sem birst hafa í Sálmabókarviðbæti og samið smásögur og greinar um ýmis efni.

Jón Tómasson (1924-2016)

  • S00456
  • Person
  • 27. sept. 1924 - 12. des. 2016

Jón fæddist á Sauðárkróki. Foreldrar hans voru Tómas Gíslason, kaupmaður á Sauðárkróki og kona hans Elínborg Jónsdóttir. Jón kvæntist 21. júní 1947 Önnu Árnadóttur, þau eignuðust fimm börn. ,,Jón var stúdent frá MA 1946. Nam leðuriðnað við Cordwainers Technical College í London 1947-48. Framkvæmdastjóri Nýju skóverksmiðjunnar hf. í Reykjavík 1948-1958 og Múlalundar vinnustofu Öryrkjabandalags SÍBS í Reykjavík 1959-1964. Stofnaði heildverslunina Hoffell sf. ásamt Magnúsi Péturssyni og Klæðagerðina Elízu ásamt fleirum. Rak einnig um tíma Skótízkuna og Elízubúðina ásamt eiginkonu sinni."

Ólafur Jóhann Gunnlaugsson Briem (1884-1944)

  • S00457
  • Person
  • 14. júlí 1884 - 19. nóv. 1944

Ólafur Jóhann var sonur Gunnlaugs Briem, alþm. og verslunarstjóra í Hafnarfirði og Frederike C.J. Claessen. Ólafur Jóhann var framkvæmdastjóri í Reykjavík. Hann kvæntist Önnu Valgerðu Claessen Briem en þau voru systkinabörn þar sem Jean Valgard faðir Önnu var bróðir Frederike móður Ólafs. Anna og Ólafur eignuðust fimm börn.

Ole Bieltvedt (1906-1985)

  • S00458
  • Person
  • 8. mars 1906 - 13. des. 1985

Ole var fæddur í Noregi. Kvæntist Guðnýju Jónsdóttur frá Bíldudal í janúar 1936, þau eignuðust sjö börn. Þau bjuggu fyrstu árin í Noregi en fluttu svo til Íslands árið 1948. Ári síðar fluttu þau til Sauðárkróks og starfaði Ole sem tannlæknir þar í 16 ár. 1965 fluttu þau til Reykjavíkur þar sem Ole starfaði sem yfirlæknir skólatannlækninga.

Júlíus Friðriksson (1924-1994)

  • S00459
  • Person
  • 31.01.1924-23.04.1994

Var á Sauðárkróki árið 1930, varð síðar rafvirkjameistari í Reykjavík

Bryndís Jónsdóttir (1924-)

  • S00460
  • Person
  • 27.12.1924-

Verkakona á Sauðárkróki. Fór til Reykjavíkur árið 1944 og vann fyrst sem vinnukona við húsverk hjá ýmsum, síðan í 10 ár í mötuneyti við Útvegsbankann. Eftir það alllengi á hótelum og veitingastöðum í Reykjavík, síðast á Hrafnistu og Elliheimilinu Grund. Jafnframt húsfreyja í Reykjavík.

Ingibjörg Óskarsdóttir (1924-2011)

  • S00461
  • Person
  • 26.10.1924-24.07.2011

Ólst upp á Sauðárkróki. Kvæntist Jóni Dagssyni Jóhannssyni múrarameistara á Sauðárkróki, síðar í Kópavogi.

Gyða Jónsdóttir (1924-2011)

  • S00462
  • Person
  • 4. ágúst 1924 - 17. janúar 2011

Var á Sauðárkróki 1930. Heimilisiðnaðarkennari á Blönduósi, síðar húsfreyja í Reykjavík.

Guðrún Lovísa Snorradóttir (1925-2010)

  • S00463
  • Person
  • 27. febrúar 1925 - 31. mars 2010

Guðrún Lovísa Snorradóttir, f. 27.02.1925 í Stóru-Gröf á Langholti í Skagafirði, d. 31.03.2010 á Sauðárkróki.
Foreldrar: Snorri Stefánsson og Jórunn Sigurðardóttir, ábúendur í Stóru-Gröf. Guðrún var yngst þriggja systkina sem upp komust. Guðrún ólst upp í Stóru-Gröf til átta ára aldurs en þá flutti fjölskyldan á Sauðárkrók. Hún gekk í barna- og unglingaskóla á Sauðárkróki en á sumrin dvöldu þau í Stóru-Gröf. Árið 1947 hóf hún búskap með Pálma Sigurðssyni og þau giftu sig árið 1953. Þau eignuðust 3 börn.

Sigríður Magnúsdóttir (1925-2020)

  • S00464
  • Person
  • 20. júlí 1925 - 9. maí 2020

Fædd og uppalin á Sauðárkróki. Foreldrar hennar voru Magnús Halldórsson beykir og Hólmfríður Helgadóttir saumakona. Kvæntist Friðriki Ingólfssyni árið 1947, þau eignuðust fimm börn, fyrir átti Sigríður einn son. Þau hjón byggðu býlið Laugarhvamm 1948 og bjuggu þar alla sína búskapartíð.

Jóhanna Lárentsínusdóttir (1926-)

  • S00465
  • Person
  • 16.09.1926

Frá Stykkishólmi. Var sambýliskona Erlendar Hansen til 36 ára. Þau stofnuðu og ráku saumastofuna Vöku á Sauðárkróki frá 1972-1988.

Jens Þorkell Halldórsson (1922-1992)

  • S00466
  • Person
  • 01.04.1922-11.05.1992

Jens Þorkell Halldórsson, f. í Súðavík 01.04.1922, d. 11.05.1992. Foreldrar: Halldór Guðmundsson, f. 09.02.1888 og Sigrún Jensdóttir, f. 20.12.1891. Þorkell ólst upp á Súðavík hjá foreldrum sínum fyrstu árin en fór síðan til Sr. Ólafs Ketilssonar á Hvítanesi við Ísafjarðardjúp og fermdist þaðan. Þaðan fór hann um tíma til móðursystur sinnar á Akureyri en síðan Vogum í Kelduhverfi til Þórarins Þórarinssonar og Jóhönnu Haraldsdóttur, þar sem hann átti heima næstu árin. Hann gekk í barnaskólann í Súðavík og fór í unglingaskóla í Núpasveit í N-Þigeyjarsýslu og síðar í Bændaskólann á Hólum í Hjaltadal veturnar 1946-1948. Eftir það var hann einn vetur fjósamaður á Hólum. Hann vann við landbúnaðarstörf, vegavinnu og við sláturhússtörf í N-Þingeyjarsýslu. Lengst af vann hann á þungavinnuvélum hjá Ræktunarsambandi Skagfirðinga, árin 1949-1989. Á yngri árum var hann virkur meðlimur ungmennafélaga, fyrst með Ungmennafélaginu Leifi í N-Þingeyjasýslu og síðar með Ungmennafélaginu Hjalta í Hjaltadal, er hann var við nám í Bændaskólanum á Hólum.
Maki: Eiríka Alfreðsdóttir, f. 31.06.1027, d. 1970. Hún var frá Þýskalandi. Þau eignuðust þrjú börn. Fjölskyldan bjó á Sauðárkróki að undanskildum tveimur árum í Þýskalandi. Fyrir átti Þorkell dóttur með Dagbjörtu Jónsdóttur og einnig átti hann fyrir einn son.

Jóhann Sólberg Þorsteinsson (1910-2006)

  • S00468
  • Person
  • 6. mars 1910 - 12. maí 2006

Jóhann Sólberg var fæddur í Stóru-Gröf í Skagafirði 6. mars 1910, foreldrar hans voru hjónin Þorsteinn Jóhannsson og Mínerva Sveinsdóttir. ,,Jóhann lauk námi frá Bændaskólanum á Hvanneyri 1930. Hann lærði mjólkurfræði í Noregi og brautskráðist frá Statens Meieriskole í Þrándheimi sumarið 1938. Eftir heimkomuna hóf hann störf við Mjólkursamlagið í Borgarnesi, en hélt síðan til Akureyrar og starfaði þar við Mjólkursamlagið í fjögur ár. Árið 1945 tók hann við starfi mjólkurbústjóra á Sauðárkróki og gegndi því til ársloka 1982." Jóhann kvæntist Áslaugu Ester Sigfúsdóttur, þau eignuðust þrjár dætur.

Ragnar Pálsson (1924-1987)

  • S00469
  • Person
  • 16. apríl 1924 - 29. september 1987

Ragnar fæddist 16. apríl 1924 á Þrastarstöðum, Hofshreppi, Skagafirði. Ragnar var sonur hjónanna Hólmfríðar Rögnvaldsdóttur og Páls Erlendssonar. ,,Ragnar gekk í barnaskóla á Hofsósi og í gagnfræðaskóla á Siglufirði en þangað fluttist fjölskyldan frá Þrastarstöðum árið 1939. Ragnar tók inntökupróf í Menntaskólann á Akureyri og stundaði nám þar í einn vetur." Ragnar kvæntist Önnu Pálu Guðmundsdóttur og eignuðust þau 7 börn. ,,Til Sauðárkróks kom Ragnar 1942 og réðst þá til starfa við sýslumannsembættið. Næstu árin starfaði Ragnar m.a. hjá Kaupfélagi Skagfirðinga og var kaupmaður um skeið. Árið 1954 hófst ferill Ragnars sem bankamanns en það ár réðst hann sem gjaldkeri hjá Sparisjóði Sauðárkróks og árið 1960 tók hann við starfi sparisjóðsstjóra. Þegar Búnaðarbanki Íslands yfirtók umsýslu sparisjóðsins 1964 og stofnaði útibú á Sauðárkróki gerðist Ragnar útibússtjóri. Þessu starfi gegndi Ragnar til dauðadags."

Haukur Gunnarsson (1921-2009)

  • S00470
  • Person
  • 18.07.1921-03.02.2009

Haukur Gunnarsson var fæddur 18. júlí 1921 á Reynimel við Bræðraborgarstíg í Reykjavík. Haukur var sonur Gunnars Guðnasonar, sérleyfishafa, frá Ásakoti í Flóa og Ingibjargar Hjartardóttur frá Reynimel við Bræðraborgarstíg. Árið 1945 kvæntist Haukur eiginkonu sinni, Aðalbjörgu Sigurðardóttur, þau eignuðust fjögur börn. ,,Haukur útskrifaðist frá Verslunarskóla Íslands árið 1939. Samhliða námi vann hann við verslunarstörf hjá frænda sínum, Hirti Hjartasyni, og rak útibú verslunarinnar í Austurholti. Árið 1942 fór hann í tveggja ára verslunarnám til Bandaríkjanna og starfaði þar um tíma. Er heim kom hóf hann störf hjá Ferðaskrifstofu ríkisins og síðar í Orlofsbúðinni. Einnig aðstoðaði hann föður sinn við rekstur sérleyfisáætlunarbíla á BSÍ. Mestallan starfsaldur sinn starfaði Haukur við verslunar- og ferðaþjónustu, lengst af sem verslunarstjóri í Rammagerðinni í Hafnarstræti. Hann sat í ýmsum nefndum tengdum ferðamálum, m.a. SKÁL-klúbbnum sem er félag forystumanna í ferðamálum. Óhætt er að segja að Haukur hafi verið brautryðjandi í ferðaþjónustu á Íslandi."

Ása Sigríður Helgadóttir (1930-2015)

  • S00471
  • Person
  • 18.03.1930-05.07.2015

Ása Sigríður Helgadóttir var fædd í Vestmannaeyjum 18. mars 1930. Foreldrar Ásu Sigríðar voru hjónin Ellen Marie Torp Steffensen frá Kalundborg í Danmörku og Helgi Jónatansson frá Efsta-Bóli í Önundarfirði. Þau bjuggu í Vestmannaeyjum. Hinn 26. janúar 1952 giftist Ása Sæmundi Árna Hermannssyni frá Ysta Mói í Fljótum, þau eignuðust sjö börn. ,,Ása og Sæmundur bjuggu fyrstu búskaparár sín í Vestmannaeyjum, Reykjavík og Kópavogi. Árið 1957 fluttu þau til Sauðárkróks. Fyrstu árin bjuggu þau í Skógargötu 18 en árið 1967 byggðu þau sér stórt og fallegt heimili á Skagfirðingabraut 47. Sem ung kona í Vestmannaeyjum vann Ása við skrifstofustörf. Er hún flutti til Sauðárkróks var hún heimavinnandi fyrstu árin en síðar vann hún nokkur ár í fiski. Flest ár sín á vinnumarkaði starfaði Ása sem launafulltrúi á Sjúkrahúsi Skagfirðinga á Sauðárkróki. Ása var alla tíð virk í Kvenfélagi Sauðárkróks og gegndi þar fjölmörgum trúnaðarstörfum. Hún söng mikið með kórum á sínum yngri árum í Vestmannaeyjum og síðar í Kirkjukór Sauðárkrókskirkju og kór eldri borgara í Skagafirði. Hún sat í barnaverndarnefnd Suðárkróks um árabil. Seinni árin var hún einnig virkur félagi í Kvenfélaginu Heimaey sem er félagsskapur brott fluttra kvenna frá Vestmannaeyjum."

Svavar Helgason (1920-2005)

  • S00472
  • Person
  • 30.08.1920-15.02.2005

Svavar fæddist á Hamri í Fljótum 30. ágúst 1920. Foreldrar hans voru Gunnhildur Kristjánsdóttir húsmóðir og Helgi Kristinsson smiður á Siglufirði. Svavar kvæntist 30. ágúst 1945 Gunnhildi Magnúsdóttur, þau eignuðust tvær dætur. ,,Svavar gekk í Gagnfræðaskóla Siglufjarðar, síðan í Verslunarskóla Íslands og útskrifaðist þaðan 1939. Hann vann lengst af við skrifstofustörf hjá Kaupfélagi Skagfirðinga. Svavar var einn af stofnendum Lionsklúbbs Sauðárkróks."

Sigrún Sigurðardóttir (1910-1988)

  • S00474
  • Person
  • 16.10.1910-23.09.1988

Sigrún var fædd á Ísafirði, foreldrar hennar voru Sigurður Þorvaldsson b. og hreppstjóri á Sleitustöðum og k.h. Guðrún Sigurðardóttir. Sigrún kvæntist Óskari Gíslasyni frá Miðhúsum, þau eignuðust tvö börn.

Christian Waldemar Carl Popp (1866-1920)

  • S00475
  • Person
  • 22.10.1866-25.01.1920

Fæddur á Akureyri en flutti ársgamall með foreldrum sínum til Danmerkur og ólst þar upp uns þau fluttust til Sauðárkróks árið 1885. Faðir hans rak verslun á Sauðárkróki og starfaði Christian við verslunina fyrst um sinn en tók svo alveg við rekstri hennar árið 1893. Aðal verslunin var á Sauðárkróki en útibú á Hofsósi og í Kolkuósi. Verslun Popp var önnur stærsta verslunin í Skagafirði á þessum tíma. ,,Popp var að mörgu leyti stórhuga í verslun sinni og fitjaði upp á ýmsum nýjungum í atvinnuháttum. Hann lét t.d. verka hafsíld, gerði tilraun með álakistu í kílnum milli Áshildarholtsvatns og Miklavatns, og hann stofnaði ásamt fleirum hlutafélög, sem kallað var Reykjarhólsgarðurinn. Var girt af allmikið land á Reykjarhóli í Seyluhreppi og hafin þar kartöflurækt við jarðhita. Var þetta allt brautryðjendastarf hvert á sínu sviði, og stóð hið síðastnefnda í nokkur ár. Útgerð hafði Popp þó nokkra. Hafði hann einnig fiskmótttöku í Drangey, Selvík og víðar, og fisktökuskipin Skagfirðingur, Stormfuglinn og Fálkinn, sem hann átti hvert á eftir öðru, stunduðu fiskveiðar jafnframt. Árið 1902 brann íbúðarhús hans. Tengdafaðir hans teiknaði þá fyrir hann nýtt hús, sem kom svo tilhöggvið frá Danmörku og var sett hér upp árið 1903. Nýja húsið, Villa Nova, sem þá þótti glæsilegasta íbúðarhús á Norðurlandi, var bæði dýrt í byggingu og sérstaklega dýrt í rekstri. Fór því að halla mjög undan fæti efnalega fyrir Popp eftir þetta. Hann varð að losa sig við útibúin og loks að selja alla verslunina 1912. Sama ár flutti hann til Danmerkur með fjölskylduna." Kona Popps var Paula Anna Lovise, þau eignuðust þrjú börn, fyrir hafði Popp eignast son sem lést eins árs gamall.

Þorsteinn Sigurðsson (1859-1921)

  • S00476
  • Person
  • 18.09.1859- 04.03.1921

Þorsteinn fæddist 18. september 1859 á Laugalandi í Þelamörk. Faðir: Sigurður Sigurðsson (1829-1894), járnsmiður og bóndi víða í Eyjafirði og Skagafirði. Móðir: Lilja Jónsdóttir (1827-1874). Þorsteinn ólst upp með foreldrum sínum. Vorið 1865 reistu foreldrar hans bú á Bólu í Blönduhlíð og bjuggu þar og í Hjaltastaðakoti til ársins 1874. Það ár lést móðir hans og brá þá faðir hans búi. Talið er að Þorsteinn hafi þá snúið sér að smíðanámi og því næst haldið til Kaupmannahafnar til framhaldsnáms. Líklega kom hann heim árið 1880. Árið 1881 var hann að við smíðar á Bergstöðum í Austur-Húnavatnssýslu. Árið 1882 flutti hann til Sauðárkróks og þar byggði hann sér hús (Þorsteinshús) og smíðaverkstæði. ,,Eftir að Þorsteinn settist að á S.króki og um aldarfjórðungs skeið, var hann höfuðsmiður héraðsins. Á því tímabili tók hann marga sveina til kennslu og tók árlega að sér smíði marvíslegra timburbygginga, bæði í Skagafirði og Húnavatnssýslu austanverðri. Þá á meðal byggingu margra bæjar- og íbúðarhúsa, margra kirkna, svo sem Sauðárkrókskirkju og Blönduóskirkju. Byggði brýr á allmörg vatnsföll í Skagafjarðarsýslu. ... Hjá honum lærðu jafnframt margir, sem við tóku síðar, er hann hvarf á brott. Vorið 1907 flutti hann til Vesturheims.
Þorsteinn kvæntist Sigurbjörgu Jónsdóttur (1849-1918) frá Yzta-Hóli í Sléttuhlíð árið 1890. Þau áttu saman einn son, Hrólf (1892-1966) en árið 1921 var hann bóndi á Bifröst, Selkirk, Mainitoba, Kanada.

Paula Anna Lovise Popp (1878-1932)

  • S00478
  • Person
  • 23.09.1878-15.04.1932

Fædd í Danmörku. Kvæntist Christian Popp kaupmanni á Sauðárkróki, þau eignuðust þrjú börn.

Ingrid Hansen (1884-1960)

  • S00479
  • Person
  • 31.12.1884- jan 1960

Ingrid dvaldi hjá Popp fjölskyldunni á Sauðárkróki á árunum 1905-1910 og aftur 1910-1912.

Louis Emil Popp (1898- óvitað)

  • S00480
  • Person
  • 31.12.1898-óvitað

Sonur Christian Popp og Paula Popp. Deildarstjóri í Kaupmannahöfn, kvæntur Inger Björg Thaae.

Jón Magnússon Ósmann (1862-1914)

  • S00482
  • Person
  • 06.11.1862-24.04.1914

Jón ólst upp með foreldrum, naut heimafræðslu og sónarpresta með þeim vitnisburði: "kann og skilur vel, les dável, hegðar sér dável". Fór sem ráðsmaður 1886 að Yztu Grund í Blönduhlíð til Dýrleifar Gísladóttur, ekkju Páls Pálssonar síðast að Frostastöðum. Fór til aftur til foreldra árið 1888, er Dýrleif brá búi. Eftir það stundaði hann sjósókn og veiðiskap og aðstoðaði föður sinn við búrekstur og ferjustarfa á vesturós Héraðsvatna, en eftir að hann kvæntist, var hann í húsmennsku með grasnyt og hélt áfram veiðiskap. Bjó á hluta af jörðinni frá 1910 til æviloka og þá með bústýru og hafði ferjustarfið með höndum. Jón var með stærstu mönnum að vallarsýn, fullir 2 metrar á hæð og eftir því þrekinn, var talinn um 130 kg á þyngd og fullyrt að hann hefið 4 manna afl, en mun aldrei hafa verið fullreynt eða aflfátt. Mynduðust ýmsar sagnir um hreysti hans og átök. Hann var jarphærður, gráeygður, jafnlyndur og hagorður, hafði yndi af skáldsap í bundnu og óbundnu máli, greiðasamur og gjöfull við ferðamenn, gesti og gangandi.

Margrét Friðrika Evaldsdóttir Hemmert (1907-1989)

  • S00483
  • Person
  • 11.01.1907 - 29.01.1989

Margrét Hemmert fæddist á Skagaströnd 11. janúar 1907.
Hún var tannsmiður á Blönduósi, Sauðárkróki, Seyðisfirði og síðar í Reykjavík og Hafnarfirði.
Maður hennar var Eysteinn Bjarnason (1902-1951).

Pétur Björnsson (1897-1978)

  • S00484
  • Person
  • 25.10.1897 - 11.05.1978

Pétur Björnsson fæddist í Brekkukoti í Blönduhlíð í Skagafirði 25. október 1897. Hann var frá Á í Unadal í Skagafirði og um skeið bóndi í Garði í Hegranesi. Síðar var hann kaupmaður á Siglufirði. Hann var auk þess erindreki Áfengisvarnarráðs ríkisins í Reykjavík. Seinast búsettur þar. Kona hans var Þóra Jónsdóttir (1902-1987).

Axel Guðmundsson (1924-2007)

  • S00485
  • Person
  • 09.09.1924-27.04.2007

Axel Guðmundsson fæddist á Bakka á Bökkum í Vestur-Fljótum í Skagafjarðarsýslu. Foreldrar hans voru hjónin Guðmundur Jónsson og Ólöf Anna Björnsdóttir. ,,Axel bjó á Neskoti í Fljótum með móður sinni og uppeldisföður, Hafliða Eiríkssyni, f. 1895, d. 1979. Þau fluttust á Akranes 1953 og síðan til Reykjavíkur árið 1960. Axel kvæntist árið 1973 Rannveigu Jónsdóttur frá Brjánsstöðum á Skeiðum, f. 1922. Axel vann margvísleg störf eftir að hann kom til Reykjavíkur. Hann vann lengi í timburverslun Völundar, síðan keyrði hann bíl á vegum hreinsunardeildar Borgarinnar og síðustu árin vann hann sem meindýraeyðir hjá Reykjavíkurborg."

Sigurlína Kristín Kristinsdóttir (1958-)

  • S00486
  • Person
  • 13.01.1958-

Foreldrar hennar voru Guðrún Ólöf Guðmundsdóttir og Kristinn Jónasson. Foreldrar Sigurlínu bjuggu bæði í Tungu og á Knappstöðum í Stíflu. Sigurlína kvæntist Hauki Ástvaldssyni (1950-2011), þau hófu búskap á Deplum í Stíflu 1974, þau eignuðust þrjár dætur. Sigurlína er nú búsett á Sauðárkróki.

Sigurður Jóhannesson (1916-1947)

  • S00488
  • Person
  • 03.08.1916-03.03.1947

Sigurður ólst upp í Dalasýslu. Foreldrar hans voru Jóhannes Jónsson b. á Giljalandi í Haukadal og k.h. Sigurbjörg Sigurðardóttir. Sigurður stundaði nám við Héraðsskólann að Reykjum í Hrútafirði 1935-1937, gagnfræðaskólann í Reykjavík 1937-1938 og Samvinnuskólann í Reykjavík 1938-1939. Hann var barnakennari í Dalasýslu og Strandasýslu 1939-1941. Einnig vann hann við fjárgæslu, vegavinnu og sjómennsku. Var fulltrúi verðlagsnefndar í Reykjavík 1941-1942 og kaupfélagsstjóri í Haganesvík 1942-1945. Var við nám í Stokkhólmi veturinn 1945-1946 þar sem hann kynnti sér m.a. starfsemi samvinnufélaga og markaðsmál sjávarafurða. Þegar heim kom tók hann ásamt öðrum við rekstri síldarsöltunarstöðvar á Siglufirði eitt sumar. Skrifstofumaður hjá Kaupfélagi Stykkishólms 1946-1947. Sigurður kom einnig talsvert að félagsmálum og ýmsum framkvæmdum. Árið 1944 kvæntist hann Jóneyju Björgu Sæmundsdóttur frá Austara-Hóli í Fljótum, þau eignuðust eina dóttur.

Haukur Björnsson (1940-)

  • S00490
  • Person
  • 20.07.1940-

Bóndi í Bæ á Höfðaströnd á árunum 1959-1974. Kvæntist Áróru Heiðbjörtu Sigursteinsdóttur. Seinni sambýliskona var Margrét Björney Guðvinsdóttir.

Hreinn Jónsson (1939-2009)

  • S00491
  • Person
  • 8. sept. 1939 - 5. nóv. 2009

Sonur Jóns Gunnlaugssonar og Soffíu Jónsdóttur. Hreinn var trésmíðameistari og starfaði í fjölda ára hjá Trésmiðjunni Borg og var jafnframt einn af eigendum fyrirtækisins. Varð síðan húsvörður við Barnaskólann á Sauðárkróki. Söng í áratugi með kirkjukór Sauðárkrókskirkju. Kvæntist Camillu Jónsdóttur hjúkrunarfræðingi.

Svava Sigurbjörg Hjaltadóttir (1952-2012)

  • S00492
  • Person
  • 1. feb. 1952 - 24. feb. 2012

Dóttir Hjalta Jósafats Guðmundssonar smiðs á Sauðárkróki og k.h. Kristínar Bjargar Svavarsdóttir. Kvæntist Jónasi Björnssyni hljóðfæraleikara, þau eignuðust þrjú börn saman, fyrir átti Svava dóttur.

Jónas Björnsson (1958-1997)

  • S00494
  • Person
  • 29.01.1958-28.09.1997

Tommari og var í ýmsum hljómsveitum. Starfaði við Tónlistaskóla Skagafjarðar í kringum árið 1980.

Rannveig Ingibjörg Þorvaldsdóttir (1921-2002)

  • S00495
  • Person
  • 01.01.1921-06.07.2002

Dóttir Þorvaldar Þorvaldssonar verkamanns og bílstjóra á Sauðárkróki og k.h. Helgu Jóhannesdóttur. ,,Rannveig ólst upp á Sauðárkróki og stundaði nám í Unglingaskóla Sauðárkróks árin 1935 og 1937. Var í námi við Héraðsskólann að Laugarvatni 1939-1940. Lauk verslunarprófi frá Samvinnuskólanum í Reykjavík 1942. Stundaði enskunám í Edinborg 1967 og í London 1968. Vann við skrifstofustörf hjá Kaupfélagi Árnesinga á Selfossi 1942 og hjá Kaupfélagi Skagfirðinga 1952-1954. Var sýsluskrifari og tryggingafulltrúi við sýslumanns- og bæjarfógetaembættið á Sauðárkróki í hartnær fjóra áratugi."

Guðrún Ingibjörg Svanbergsdóttir (1927-2015)

  • S00496
  • Person
  • 17.08.1927-25.07.2015

Guðrún Ingibjörg Svanbergsdóttir fæddist 17. ágúst 1927 á Hrafnsstöðum ofan Akureyrar. Guðrún giftist Ólafi Gíslasyni frá Sauðárkróki, þau eignuðust þrjú börn. ,,Guðrún ólst upp á Akureyri á heimili móður sinnar. Á Akureyri kynntist hún mannsefni sínu, Ólafi, sem starfaði þar sem bifreiðastjóri. Þar bjuggu þau fyrstu árin þar til þau fluttu til Sauðárkróks árið 1948 og stofnuðu þar framtíðarheimili sitt á Skagfirðingabraut 33. Guðrún starfaði við fiskvinnslu og á prjónastofu ásamt heimilisstörfum og uppeldi sona þeirra hjóna en árið 1967 festi hún kaup á Húsgagnaverslun Sauðárkróks sem hún rak til ársins 1996. Árið 2005 flutti Guðrún til Akureyrar það sem hún eyddi síðustu æviárunum."

Ragnheiður Þorvaldsdóttir (1927-)

  • S00499
  • Person
  • 19.02.1927

Dóttir Þorvaldar Þorvaldssonar og Helgu Jóhannesdóttur. Ólst upp á Sauðárkróki og nam þar í Unglingaskóla Sauðárkróks 1942 og í húsmæðraskólanum á Löngumýri 1946-1947. Starfaði lengi við fiskvinnslu og tók virkan þátt í kórastarfi. Búsett á Sauðárkróki.

María Magnúsdóttir (1909-2005)

  • S00502
  • Person
  • 22. nóv. 1909 - 10. feb. 2005

María Karólína Magnúsdóttir fæddist á Njálsstöðum í Vindhælishreppi 22. nóvember 1909. Foreldrar hennar voru Magnús Steingrímsson, frá Njálsstöðum í Vindhælishreppi og Guðrún Einarsdóttir, frá Hafurstaðakoti í Vindhælishreppi. María ólst upp hjá foreldrum sínum sem lengst af bjuggu á Bergstöðum, Þverá og Sæunnarstöðum í Hallárdal á Skagaströnd. ,,María stundaði nám í unglingaskólanum á Hólum í Hjaltadal 1930 og Kvennaskólanum Blönduósi 1933-1934. Hún lauk ljósmæðranámi frá Ljósmæðraskóla Íslands 1931. Hún var ljósmóðir í Engihlíðarumdæmi 1931-1936, í Bólstaðarhlíðarumdæmi 1933-1935, í Sauðárkróks- og Skarðshreppsumdæmi og á Sjúkrahúsi Skagfirðinga á Sauðárkróki 1936-1979. Þá vann María við mæðra- og ungbarnaeftirlit á Sauðárkróki. En 1939 fór hún í sex mánaða náms- og starfsdvöl til Danmerkur til að kynna sér meðferð ungbarna. María var stofnfélagi Rauðakrossdeildar Sauðárkróks og var í fyrstu stjórn hennar. Hún sat í barnaverndarnefnd um árabil og var virk í Kvenfélagi Sauðárkróks og var þar heiðursfélagi. Árið 1979 flutti María til Hafnarfjarðar og starfaði við heimilishjálp þar yfir veturinn til 1989. En á sumrin á sama tíma starfaði hún á Löngumýri í Skagafirði sem þá var rekið sem sumarorlofsstaður aldraðra á vegum þjóðkirkjunnar." María giftist 10.5. 1942 Pétri Jónassyni frá Syðri-Brekkum, síðar hreppstjóra á Sauðárkróki, þau eignuðust eina dóttur.

Þuríður Pétursdóttir (1920-2011)

  • S00504
  • Person
  • 26.05.1920-04.12.2011

Guðný Þuríður Pétursdóttir, alltaf kölluð Þurý, fæddist í Vatnshlíð í Austur-Húnavatnssýslu 26. maí 1920. Foreldrar hennar voru Herdís Grímsdóttir frá Syðri-Reykjum í Biskupstungum og Pétur Guðmundsson bóndi í Vatnshlíð. Eiginmaður Þurýjar var Stefán Sigurðsson skipstjóri, þau eignuðust tvær dætur.

Trausti Sveinbergur Símonarson (1920-2018)

  • S00505
  • Person
  • 23.10.1920-05.01.2018

Trausti Sveinbergur Símonarson, f. 23.10.1920, d. 05.01.2018. Foreldrar: Símon Jóhannsson og Monika Súsanna Sveinsdóttir.
Maki: Þórey Guðmundsdóttir. Þau bjuggu í Litluhlíð í Lýtingsstaðahreppi. Þau eignuðust fjóra syni.

Sverrir Björnsson (1935-2014)

  • S00507
  • Person
  • 31.12.1935-31.03.2014

Sverrir Björnsson, húsasmíðameistari, fæddist á Halldórsstöðum á Langholti í Skagafirði 31. desember 1935. Foreldrar hans voru Björn Gíslason, bóndi og smiður í Reykjahlíð í Varmahlíð og Hallfríður Þorsteinsdóttir. Eiginkona Sverris er Guðný Eyjólfsdóttir (1937-) frá Reykjavík, þau eignuðust fimm börn. ,,Sverrir ólst upp í Skagafirði, á Halldórsstöðum, í Geitagerði og Stóru-Seylu þar til foreldrar hans byggðu Reykjahlíð 1948 á landskika úr Reykjarhóli. Skólaganga Sverris hófst í farskóla í Húsey. Hann fór í Gagnfræðaskólann á Sauðárkróki og lærði síðan trésmíðar í Iðnskólanum á Sauðárkróki. Þaðan lá leiðin til Reykjavíkur í starfsnám þar sem hann lauk sveinsprófi í trésmíði. Í Reykjavík kynntist hann konu sinni. Sverrir og Guðný bjuggu sín fyrstu búskaparár í Reykjavík, en fluttu til Sauðárkróks 1961 og hafa búið þar síðan. Sverrir vann við trésmíðar alla tíð þar til hann lét af störfum vegna aldurs. Fljótlega fór hann að vinna sjálfstætt með mági sínum en saman ráku þeir trésmíðaverkstæði. Um 1970 hóf hann störf hjá Trésmiðjunni Borg, gerðist litlu síðar hluthafi í fyrirtækinu og vann þar sem húsasmíðameistari til starfsloka. Sverrir var meðlimur í ýmsum kórum í gegnum tíðina, m.a. Karlakór Sauðárkróks, Kirkjukór Sauðárkróks og síðustu árin Kór eldri borgara. Hann var einnig meðlimur í Lionsklúbbi Sauðárkróks í áratugi."

Gunnar Haraldsson (1938-1989)

  • S00510
  • Person
  • 15.02.1938-22.02.1989

Jón Gunnar fæddist á Fjalli í Kolbeinsdal þann 15. febrúar árið 1938. Foreldrar hans voru Guðný Jónsdóttir og Haraldur Björnsson, búfræðingur frá Bændaskólanum á Hólum í Hjaltadal. Nokkurra mánaða gamall fluttist hann með móður sinni að Kýrholti í Viðvíkursveit og ólst þar upp til fullorðinsára. ,,Drjúgan hluta ævi stundaði Jón Gunnar verslunarstörf. Um skeið var hann verslunarstjóri hjá Silla og Valda í Reykjavík, gegndi síðar starfi deildarstjóra hjá Kaupfélagi Skagfirðinga á Sauðárkróki." Jón Gunnar kvæntist Láru Angantýsdóttur, þau áttu saman einn son, fyrir átti Lára annan son.

Alda Vilhjálmsdóttir (1928-)

  • S00511
  • Person
  • 20.11.1928-

Foreldrar Öldu voru hjónin á Hvalnesi á Skaga, Vilhjálmur Árnason og Ásta Kristmundsdóttir. Alda kvæntist 30. maí 1953 Agli Bjarnasyni frá Uppsölum í Blönduhlíð, þau eignuðust fjögur börn. Þau bjuggu á Bárustíg á Sauðárkróki.

María Hermannsdóttir (1936-1985)

  • S00512
  • Person
  • 01.06.1936-31.05.1985

Foreldrar hennar voru Hermann Sigurjónsson og Rósa Júlíusdóttir. Fyrri maður Maríu var Kjartan Haraldsson frá Unastöðum í Kolbeinsdal, þau bjuggu bæði í Gröf á Höfðaströnd og á Miklabæ í Óslandshlíð en síðast á Sauðárkróki, þau eignuðust einn son. Seinni maður Maríu var Ingimundur Árnason frá Ketu í Hegranesi, þau bjuggu lengst af á Sauðárkróki en keyptu árið 1982 jörðina Laufskála í Hjaltadal. Ingimundur átti tvö börn af fyrra hjónabandi.

Dagrún Halldórsdóttir (1905-1980)

  • S00517
  • Person
  • 15.07.1905-31.12.1980

Verslunarmær á Akureyri 1930. Kona Svavars Dalmanns Þorvaldssonar. Síðast búsett í Reykjavík.

Sveinsína Bergsdóttir (1894-1981)

  • S00518
  • Person
  • 25.11.1894-20.12.1981

,,Sveinsína ólst upp hjá foreldrum sínum, Bergi Sveinssyni og Jóhönnu Sveinsdóttur, fyrst á Þorbrandsstöðum í Langadal, en fluttist síðan að Mánaskál á Laxárdal, er hún var þrettán ára gömul. Um tvítugsaldur brá hún sér til Reykjavíkur og sótti sauma- og hannyrðanámskeið hjá systrunum á Landakoti og vann þar jafnframt. Að því loknu fluttist hún heim í átthagana og dvaldis á Mánaskál allt þar til hún fluttist til Ingimundar Bjarnasonar járnsmiðs að Kirkjuskarði. Sveinsína var merkiskona á marga lund; mikil húsmóðir og sinnti félagsmálum af atorku og áhuga. Hún var formaður verkakvennafélagsins Öldunnar 1940-1941, starfaði lengi með kvenfélaginu og var um árabil ein af virkustu félögum leikfélagsins. Ásamt annasömum húsmóðurstörfum, vann hún um langt árabil þá vinnu sem til féll, bæði sláturhúss- og fiskvinnu. Hún var greind, glaðvær, góður félagi sem hvarvetna bar með sér hressandi blæ. Hún var ágætlega hagmælt og alltítt, að snjallar stökur hennar um menn og atvik á vinnustöðum flygju milli starfsfólksins og vektu kátínu. Sveinsína var meðalhá vexti og allþrekin, dökkhærð og brúneyg. Tengsl hennar við sveitina voru sterk. Hún hafði mikið yndi af að umgangast dýr og sinnti af alýð þeim blómum, sem uxu í garði hennar. Gestrisni hennar og greiðasemi var rómuð og gerði hú sér ekki mannamun með hreinlyndi og heillyndi fremur en bóndi hennar. Hún var virt kona, vinmörg og höfðingleg." Ingimundur og Sveinsína eignuðust fjórar dætur.

Ásgrímur Sveinsson (1914-1995)

  • S00519
  • Person
  • 19.08.1914-12.12.1995

Sonur Sveins Jónssonar b. á Hóli í Sæmundarhlíð og Bergnýjar Magnúsdóttur frá Saurbæ í Kolbeinsdal. Ásgrímur var í unglingaskóla á Hólum 1930-1931 og fór svo til Hafnarfjarðar og var þar við klæðskeranám hjá Einari Einarssyni klæðskerameistara. Sveinspróf tók hann 1937 og fékk meistararéttindi 1940. Frá árinu 1937 var Ásgrímur ráðinn til að veita forstöðu saumastofu Kaupfélags Skagfirðinga sem tók til starfa í nóvember sama ár. Veitti hann stofunni forstöðu til 1952. Þá setti Ásgrímur upp eigin saumastofu og fataverslun á neðri hæð Aðalgötu 3 á Sauðárkróki en þau hjónin bjuggu á efri hæðinni. Verslunina rak hann til 1964 en þá gerðist hann húsvörður við Barnaskóla Sauðárkróks þar sem hann starfaði til 1985. Ásgrímur var hestamaður og smíðaði bæði skeifur og beislisbúnað. Jafnframt aflaði hann sér réttinda til hústeikninga og teiknaði nokkur íbúðarhús á Sauðárkróki. Ásgrímur kvæntist Hólmfríði Jóhannesdóttur frá Sauðárkróki, þau eignuðust þrjú börn.

Stefán Gunnar Haraldsson (1930-2014)

  • S00520
  • Person
  • 12.09.1930 - 24.06.2014

Stefán Gunnar Haraldsson fæddist í Brautarholti í Skagafirði 12. september 1930. Foreldrar hans voru hjónin Jóhanna Gunnarsdóttir frá Keflavík í Hegranesi og Haraldur Bjarni Stefánsson frá Brautarholti. ,,Áður en Stefán festi ráð sitt vann hann ýmis störf, m.a. hjá byggingarverktökum, í vegavinnuflokki, við mjólkurflutninga og nokkur sumur hjá Búnaðarsambandinu á jarðýtu. Á gamlársdag 1954 giftist Stefán Gunnar Mörtu Fanneyju Svavarsdóttur, þau eignuðust fjögur börn. Stefán og Marta stofnuðu nýbýli út úr landi Víðimýrar sem þau nefndu Víðidal. Þar hófu þau búskap árið 1954. Stefán vann við búskap alla sína tíð auk þess sem hann var vörubílstjóri og vann því utan heimilis, einkum yfir sumartímann. Hann var einn af stofnendum Lionsklúbbs Skagafjarðar og vörubílstjórafélagsins Fjarðar. Hann söng með Karlakórnum Heimi og kirkjukór Víðimýrarkirkju í 60 ár og síðustu árin var hann í Kór eldri borgara."

Haukur Haraldsson (1927-2013)

  • S00521
  • Person
  • 05.07.1927 - 09.09.2013

Haukur fæddist í Brautarholti 5. júlí 1927. Hann var sonur Haraldar Bjarna Stefánssonar og Jóhönnu Gunnarsdóttur.
Hann var búsettur á Sauðárkróki. Bifreiðastjóri hjá K.S. og síðar starfsmaður hjá Loðskinni.
Kona hans var Erla Maggý Guðjónsdóttir frá Sauðárkróki.
Haukur lést 9. september 2013.

Sigurlaug Björnsdóttir (1895-1966)

  • S00522
  • Person
  • 21.01.1895 - 03.03.1966

Sigurlaug Björnsdóttir fæddist á Borgarey í Lýtingsstaðahreppi 21. janúar 1895.
Hún var verkakona og vann við prjónaskap, búsett á Siglufirði.
Ógift og barnslaus.
Sigurlaug lést 3. mars 1966.

Results 511 to 595 of 6402