Sýnir 6402 niðurstöður

Nafnspjöld

Anna Sigurbjörg Jóhannsdóttir (1927-2006)

  • S01545
  • Person
  • 5. feb. 1927 - 6. sept. 2006

Anna Sigurbjörg Jóhannsdóttir fæddist 5. febrúar 1927 á Skriðulandi í Kolbeinsdal í Skagafirði. Foreldrar Önnu voru Jóhann Jóhannsson og Guðrún Sigmundsdóttir. Maður hennar var Ásgeir Sæmundsson (1923-2007), rafmagnstæknifræðingur, þau voru búsett í Reykjavík og eignuðust sex börn.

Ármann Rögnvaldur Helgason (1899-1977)

  • S01552
  • Person
  • 1. jan. 1899 - 3. jan. 1977

Foreldrar: Helgi Pétursson og k.h. Margrét Sigurðardóttir. Ármann ólst upp hjá foreldrum sínum á Hofi á Höfðaströnd 1899-1901, á Spáná í Unadal 1901-1902, Geirmundarhóli í Hrolleifsdal 1902-1910 og á Kappastöðum í Sléttuhlíð 1910-1911, en foreldar hans bjuggu þar til 1915. Árið 1913 fór Ármann sem hjú að Ríp í Hegranesi og var þar til vors 1917. Þá fór hann að Eyhildarholti og var þar í eitt ár. Síðan að Ási og var þar til vors 1924, að hann fór í Vatnskots til vorsins 1927. 1927-1930 var hann við vega- og símavinnu í Suður - Þingeyjarsýslu. Árið 1930 var hann talinn til heimilis að Hamri í Hegranesi hjá Hróbjarti Jónassyni mági sínum, þá skráður sem símamaður að atvinnu. Árið 1931 flutti Ármann til Sauðárkróks og hóf störf hjá Kaupfélagi Skagfirðinga. Þar vann hann margvísleg störf, s.s. við fiskvinnslu, sláturhússtörf og fl. Hjá KS vann hann samfellt fram á sjötugsaldur.
Kvæntist Sigurbjörgu Stefaníu Pálmadóttur frá Skagaströnd, þau eignuðust þrjú börn.

Hólmfríður Jónsdóttir (1812-1871)

  • S01672
  • Person
  • 1812 - 6. apríl 1871

Hólmfríður Jónsdóttir fæddist árið 1812 og átti a.m.k. fimm systkini. Var á Efri-Glerá, Lögmannshlíðarsókn, Eyj. 1816 ásamt fjölskyldu sinni. Faðir hennar var Jón Sveinsson (1771-1840) og móðir var Þóra Torfadóttir (1769-1853). Hjúskaparstaða þeirra er óljós samkvæmt manntali 1816. Í manntalinu 1835 er hún skráð sem vinnukona í Djúpadal, Akrahreppi en þar virðist einnig dvelja Þóra móðir hennar og Jóhanna yngri systir Hólmfríðar. Í Ministerialbók segir að Hólmfríður nokkur Jónsdóttir hafi flutt frá miðgrund að Höskuldsstöðum 1836. Í manntalinu 1840 er hún skráð vinnukona á Þverá, Akrahreppi. Árið 1845 er hún skráð sem vinnuhjú í Uppsölum, Akrahreppi, húskona í Réttarholti 1850 og vinnukona í Búðarnesi, Myrkársókn í Eyjafirði árið 1870. Samkvæmt bréfi í bréfasafni hreppstjóra Akrahrepps eignaðist Hólmfríður barn með Jóni Illugasyni árið 1834 en í bréfinu er hún sögð vera vinnukona á Höskuldsstöðum. Engar frekari heimildir finnast um þetta barn.

Kristín Sigurðardóttir (1872-1916)

  • S01558
  • Person
  • 5. des. 1872 - 13. mars 1916

Foreldrar: Sigurður Gunnlaugsson síðast b. á Skriðulandi í Kolbeinsdal og k.h. Guðrún Jónsdóttir. Kristín kvæntist Halli Jóhannssyni, þau bjuggu í Garði í Hegranesi, þau eignuðust ekki börn saman. Með fyrri konu sinni hafði Hallur eignast fjögur börn.

Ingveldur Jónsdóttir (1839-1907)

  • S01561
  • Person
  • 4. jan. 1839 - 3. júlí 1907

Dóttir Sr. Jóns Hallssonar og k.h. Jóhönnu Hallsdóttur. Húsfreyja í Krossanesi, Seyluhr., Skag., síðar á Hofsósi. Var á Felli, Fellssókn, Skag. 1845. Kvæntist Stefáni Einarssyni frá Reynistað.

Magnús Einar Jóhannsson (1874-1923)

  • S01565
  • Person
  • 27. júlí 1874 - 23. des. 1923

Magnús ólst upp í Arabæ hjá foreldrum sínum. Hann gekk í Latínuskólann í Rvík og lauk þaðan stúdentsprófi þaðan vorið 1898 og frá Læknaskólanum í Rvík í júní 1898. Sumarið 1897 var hann aðstoðarmaður hjá Fr. Zeuten héraðslækni á Eskifirði. Haustið 1898 var hann settur héraðslæknir í Sauðárkrókshérði til næsta vors og sat á S.króki. Árið 1899-1900 var hann skipaður héraðslæknir í Hofsóshéraði, sem þá var ný stofnað og gegndi því embætti til æviloka. Allt frá æskuárum hafði hann mikinn áhuga á leiklist, tók sjálfur þátt í leiksýningum skólapilta öll sín skólaár, og stjórnaði leiksýningum á S.króki veturinn, sem hann dvaldist þar. Lét hann sér einnig mjög annt um Lestrarfélag Hofshrepps, var í stjórn þess og annaðist bókakaup þess og bókavörslu á heimili sínu um langt árabil. Einnig annaðist hann um tíma útgáfu á handskrifuðu sveitarblaði, Höfðstrendingi, á vegum Málfundafélags staðarins og skrifaði það að miklu leyti einn. Kom hann þar á framfæri ýmsum áhugamálum sínum, sem vörðuðu hag byggðarlagsins. Árið 1916 festi hann kaup á jörðinni Hugljótsstöðum á Höfðaströnd sem hann nytjaði síðan. Magnús kvæntist Rannveigu Tómasdóttur frá Völlum í Svarfaðardal, þau eignuðust sjö börn.

Anna Pétursdóttir (1914-1976)

  • S00229
  • Person
  • 11.06.1914-24.09.1976

Anna Pétursdóttir, f. 11.06.1976 á Akureyri, d. 34.09.1976 í New York. Foreldrar: Pétur Pétursson kaupmaður og Þóranna Pálmadóttir. Anna sleit barnsskónum á Akureyri og gekk þar í gagnfræðaskóla. Þaðan fluttist hún með foreldrum sínum til Siglufjarðar en síðan til Reykjavíkur þar sem hún stundaði ýmis skrifstofustörf. Maki 1: Kristján Jónasson læknir. Héldu þau saman vestur um haf árið 1942 þegar Kristján fór til framhaldsnáms, fyrst til Kanada og síðan til Rochester í Bandaríkjunum. Kristján og Anna eignuðust einn son. Árið 1946 komu þau aftur til Íslands. Kristján lést af slysförum ári síðar. Eftir það vann Anna ýmis verslunar- og skrifstofustörf í Reykjavík.
Maki 2: Ólafur G. Jónsson. Þau bjuggu lengst á Kársnesbraut 107 í Kópavogi. Eignuðust saman eina dóttur. Fóru til New York árið 1969 og bjuggu ytra þar til Anna lést.

Lára Friðriksdóttir (1868-óvíst)

  • S01577
  • Person
  • 1868-óvíst

Dóttir Friðriks Andrésar Formars Níelssonar b. og snikkara og s.k.h. Elínar Kristínar Snorradóttur. Lára ólst upp með foreldrum sínum í Neðra-Ási í Hjaltadal og á Miklabæ í Óslandshlíð. Fór til Vesturheims.

Una Stefanía Valdimarsdóttir (1903-1973)

  • S01579
  • Person
  • 2. ágúst 1903 - 21. mars 1973

Dóttir Valdimars Jónssonar sjómanns á Sauðárkróki og Sigurjónu Óladóttur. Vinnukona á Siglufirði 1930. Síðast bús. í Reykjavík.

Kristjana Magnúsdóttir (1934-2010)

  • S01584
  • Person
  • 1. ágúst 1934 - 23. júlí 2010

Dóttir Magnúsar Konráðssonar (bróður sr. Helga Konráðssonar) og Eyþóru Jósefínu Sigurjónsdóttur.

Geirlaug Jóhannesdóttir (1892-1932)

  • S01591
  • Person
  • 28. júlí 1892 - 6. apríl 1932

Foreldrar: Jóhannes Randversson og Ólína Ragnheiður Jónsdóttir. Fædd og uppalin í Eyjafirði, faðir hennar flutti til Skagafjarðar árið 1909, móðir hennar hafði þá látist nokkrum árum áður. Kvæntist Jóni Þ. Björnssyni skólastjóra á Sauðárkróki, þau eignuðust tíu börn.

Jóhanna Margrét Jónsdóttir (1915-1985)

  • S01594
  • Person
  • 2. feb. 1915 - 22. mars 1985

Dóttir Jóns Þ. Björnssonar skólastjóra á Sauðárkróki og Geirlaugar Jóhannesdóttur. Kvæntist í Noregi og bjó þar. Síðast búsett í Reykjavík.

Magnús Sigurðsson (1908-1985)

  • S01598
  • Person
  • 17. sept. 1908 - 10. sept. 1985

Foreldrar hans voru hjónin Sigurður Helgason bóndi í Torfgarði á Langholti og Helga Magnúsdóttir. Verkamaður í Reykjavík.

Helgi Sigurðsson (1913-2008)

  • S01596
  • Person
  • 19.09.1913-19.12.2008

Helgi Sigurðsson fæddist í Torfgarði á Langholti í Skagafirði 19. september árið 1913. Foreldrar hans voru hjónin Sigurður Helgason bóndi í Torfgarði á Langholti og Helga Magnúsdóttir húsfreyja. Helgi kvæntist árið 1939 Þóru Jóhannsdóttur húsfreyju í Stóru-Gröf syðri, þau eignuðust tvö börn. Þóra átti þrjú börn af fyrra hjónabandi.
,,Helgi ólst upp í foreldrahúsum í Torfgarði en fór snemma að vinna utan heimilis sem kaupamaður á ýmsum bæjum og verkamaður víða, m.a. við lagningu þjóðvegarins um Blönduhlíð í Skagafirði. Helgi var bóndi á Víðimýri 1939-1941, á Reykjarhóli 1941-1943, á Kárastöðum í Hegranesi 1943-1944 og í Geitagerði 1944-1957 en það ár keypti hann jörðina Stóru-Gröf syðri á Langholti þar sem hann bjó um margra ára skeið þar til hann flutti til Sauðárkróks árið 1969. Starfaði hann þar um árabil í fóðurvörudeild Kaupfélags Skagfirðinga."

Svanhildur Bjarnadóttir (1937-2002)

  • S01600
  • Person
  • 8. feb. 1937 - 5. jan. 2002

Svanhildur Bjarnadóttir fæddist í Reykjavík 8. febrúar 1937. Foreldrar hennar eru hjónin Bjarni Pálsson vélstjóri og Ásta Jónasdóttir. Árið 1956 giftist Svanhildur Þórarni Guðmundssyni, þau eignuðust þrjú börn. Þau skildu. Árið 1963 giftist Svanhildur Sigurði A. Magnússyni, þau eignuðust tvö börn. Þau skildu. Sambýlismaður Svanhildar hin síðari ár var Bæringur Guðvarðsson. ,,Svanhildur lauk gagnfræðaprófi 1953 og stundaði nám í hraðritun í Bretlandi um eins árs skeið. Hún vann hjá Skipaútgerð ríkisins frá 1961 til 1964. Árið 1974 réð hún sig á skrifstofu Flugleiða og starfaði þar uns hún fór utan með manni sínum vorið 1978. Heimkomin haustið 1980 var hún um skeið auglýsingastjóri Þjóðviljans, starfaði því næst hjá Hafskipum og síðan ferðaskrifstofunni Faranda en hvarf aftur til Flugleiða árið 1990 og starfaði þar fram á haust 2001."

Ebba Guðrún Brynhildur Flóventsdóttir (1907-1935)

  • S01601
  • Person
  • 13. feb. 1907 - 21. maí 1935

Dóttir Flóvents Jóhannssonar bústjóra á Hólum og b. á Sjávarborg og k.h. Margrétar Jósefsdóttur. Kvæntist Guðmundi Skarphéðinssyni skólastjóra á Siglufirði. Húsfreyja á Siglufirði.

Vettvangur (1978-1979)

  • S01613
  • Corporate body
  • 01.01.1978-01.01.1979

Vettvangur gaf út blaðið Vettvangur blað frjálsra skoðanaskipta árið 1978. Út komu 10 tölublöð, það síðasta var jólablaðið sem kom út í desember 1978. Hreinn Sigurðsson, prentari, var ritstjóri og ábyrgðarmaður blaðsins en blaðið var prentað í Myndprenti á Sauðárkróki.

Ný útsýn (1969-1970)

  • S01617
  • Félag/samtök
  • 01.01.1969-01.07.1970

Í ársbyrjun 1969 hóf Alþýðubandalagið útgáfu blaðs, sem ætlað var að koma út 8-10 sinnum á ári hverju og bar nafnið Ný útsýn. Var blaðið gefið út fram á mitt ár 1970.

Þórður Kristinsson (1886-1929)

  • S01608
  • Person
  • 1. nóv. 1886 - 11. okt. 1929

Kaupmaður á Ísafirði, síðar í Reykjavík. Kvæntist Dýrunni Jónsdóttur frá Ögmundarstöðum.

Alþýðubandalagið (1968-1999)

  • S03566
  • Félag/samtök
  • 1956-1999

"Sósíalistaflokkurinn og Málfundafélag jafnaðarmanna (vinstri armur Alþýðuflokksins) stofnuðu Alþýðubandalagið árið 1956. Fyrst í stað var um kosningabandalag að ræða, sem Þjóðvarnarflokkurinn gekk til liðs við árið 1963. Árið 1968 varð bandalagið formlegur stjórnmálaflokkur. Alþýðubandalagið tók þátt í kosningabandalaginu Samfylkingin í kosningum til Alþingis 1999."

Bjarni Sigmundsson (1898-1978)

  • S01619
  • Person
  • 26. feb. 1898 - 28. júní 1978

Maki: Guðrún Snorradóttir f. 1896, frá Garðakoti í Hjaltadal, dóttir Snorra Bessasonar og Önnu Björnsdóttur. Þau eignuðust fjögur börn (þ.á.m. Bessi Bjarnason þjóðkunnur leikari). Þau hófu búskap sinn í Tungu við Suðurlandsbraut, reistu seinna nýbýlið Hlíðarhvamm í Sogamýri en bjuggu lengst af í Skipasundi 24. Þar bjuggu einnig tveir synir þeirra ásamt eiginkonum og átta börnum. Árið 1970 fluttu þau hjónin á Hrafnistu.

Guðmundur Gíslason (1864-1954)

  • S01629
  • Person
  • 18. des. 1864 - 25. okt. 1954

Foreldrar: Gísli Gíslason vinnumaður á Óspakseyri og Helga Guðmundsdóttir frá Kambhóli í Víðidal. Þegar Guðmundur var þriggja ára missti hann föður sinn, móðir hans giftist aftur Jóhanni Guðmundssyni. Þau fluttust til Skagafjarðar þegar Guðmundur var tvítugur. Guðmundur kvæntist Ólöfu Jónsdóttur árið 1891, þau bjuggu á Hryggjum í Staðarfjöllum 1893-1898, á Hlíðarenda við Sauðárkrók 1898-1900, fluttu til Sauðárkróks árið 1900 og áttu þar heima síðan. Guðmundur og Ólöf eignuðust fimm börn saman. Fyrir hafði Guðmundur eignast dóttur með Helgu Magnúsdóttur frá Breið.

Guðmundur Guðni Kristjánsson (1893-1975)

  • S01634
  • Person
  • 23. jan. 1893 - 4. nóv. 1975

Frá Meira Garði í Dýrafirði. Kvæntist Láru Ingibjörgu Magnúsdóttur, þau eignuðust átta börn. Hófu búskap í Súðavík en fluttust svo á Ísafjörð. Árið 1966 fluttu þau til Reykjavíkur.

Magnús Halldórsson Magnússon (1932-2015)

  • S01637
  • Person
  • 6. nóv. 1932 - 4. jan. 2015

Magnús H. Magnússon fæddist á Sauðárkróki 6. nóvember 1932. Foreldrar hans voru Hólmfríður Elín Helgadóttir og Magnús Halldórsson. ,,Magnús lærði bifvélavirkjun við Iðnskóla Sauðárkróks, fékk síðar meistararéttindi í bifvélavirkjun 14. október 1959. Hann vann fyrst um sinn hjá Kaupfélagi Skagfirðinga. Flutti suður 1958, hóf störf hjá Vélsmiðju Hafnarfjarðar. Stofnaði síðan eigin rekstur 1969 til 1982. Þaðan fór hann til Ofnasmiðjunnar og endaði síðan starfsferil sinn hjá Olíudreifingu. Magnús var virkur þátttakandi í karlakórnum Þröstum frá árinu 1959." Hinn 14. janúar 1961 gekk Magnús að eiga Sigríði Bjarnadóttur úr Hafnarfirði, þau eignuðust fjögur börn.

Rósa Jensdóttir Eriksen (1929-1993)

  • S01640
  • Person
  • 11. maí 1929 - 21. nóv. 1993

Fædd og uppalin á Sauðárkróki. Dóttir Jens Péturs Eriksen og Sigríðar Amalíu Njálsdóttur. Rósa tók gagnfræðapróf á Akureyri 1947 og var síðan einn vetur á húsmæðraskólanum á Löngumýri, 1949-1950. Hún byrjaði snemma að vinna á símstöðinni á Sauðárkróki. Maki: Karl Salómonsson frá Ísafirði. Fyrstu árin bjuggu þau í Kópavogi. Þau eignuðust fjögur börn. Karl lést árið 1970 langt fyrir aldur fram. Rósa vann hjá Landsímanum í Reykjavík sem talsímavörður og varðstjóri og í nokkur ár var hún verslunarstjóri í Ás-verslunum. Árið 1973 fluttist Rósa vestur í Hrútafjörð og giftist Jósep Rósinkarssyni bónda á Fjarðarhorni. Hann var ekkjumaður með fimm börn og tók Rósa þar við stóru heimili sem hún stýrði í um 15 ár en þá skildu leiðir þeirra. Rósa fluttist þá suður aftur og vann á langlínumiðstöðinni í Reykjavík á meðan heilsa leyfði.

Sigmundur Birgir Pálsson (1932-2003)

  • S01643
  • Person
  • 28. nóv. 1932 - 29. jan. 2003

Sigmundur Birgir Pálsson fæddist á Sauðárkróki 28. nóvember 1932. Foreldrar hans voru Marvin Páll Þorgrímsson og Pálína Bergsdóttir. ,,Sigmundur ólst upp á Sauðárkróki. Hann lauk gagnfræðaprófi frá Gagnfræðaskóla Sauðárkróks. Hann fór síðan að læra húsgagnasmíði hjá Byggingafélaginu Hlyn 1955 og á meðan tók hann þriggja mánaða nám í Iðnskólanum. Sigmundur vann áfram á Hlyn og varð seinna einn af eigendunum, hann hætti þar 1985. Það sama ár hóf hann störf á Sjúkrahúsi Skagfirðinga sem húsvörður og vann þar til ágústloka 2002. Sigmundur var mikill félagsmálamaður og starfaði með hinum ýmsu félagasamtökum á Króknum. Hann var m.a. skátaforingi í Skátafélaginu Andvara, formaður Ungmennafélagsins Tindastóls, félagi í Iðnaðarmannafélagi Sauðárkróks, formaður Lionsklúbbs Sauðárkróks og mjög virkur félagsmaður þar. Hann var einn af stofnendum Félags eldri borgara á Sauðárkróki og starfaði þar af krafti. Sigmundur bjó alla tíð á Sauðárkróki." Hinn 12. ágúst 1963 kvæntist Sigmundur Guðlaugu Gísladóttur frá Ólafsfirði, þau eignuðust fjórar dætur.

Ásgrímur Jónas Brynjólfur Helgason (1933-2010)

  • S01645
  • Person
  • 12. mars 1933 - 14. okt. 2010

Sonur Maríu Guðmundsdóttur og Helga Ísfjörð Gunnarssonar á Fagranesi. Verkamaður á Sauðárkróki. Kvæntist Ragnhildi Guðrúnu Lúðvíksdóttur frá Sauðárkróki.

Guðrún Espólín Jónsdóttir (1865-1943)

  • S01646
  • Person
  • 7. nóv. 1865 - 23. des. 1943

Dóttir Jóns Jónatanssonar og k.h. Rannveigar Sigríðar Espólín Hákonardóttur. Fór 1877 að Gröf til Hólmfríðar föðursystur sinnar. Fór austur í Mjóafjörð með móður sinni 1883, síðar til Ameríku og giftist þar Jóni Hall (Halldórssyni) ættuðum í Skaftafellssýslu.

Þorsteinn Árnason (1884-1946)

  • S01652
  • Person
  • 24. okt. 1884 - 22. maí 1946

Frá Kálfatjörn á Vatnsleysuströnd. Útgerðarmaður á Raufarhöfn 1930. Kvæntist Rósu Jörgensen.

Jón Helgason (1866-1942)

  • S01659
  • Person
  • 21. júní 1866 - 19. mars 1942

Prestur í Reykjavík 1895-1908. Prestaskólakennari, síðar biskup. Húsbóndi í Reykjavík 1910. Biskup á Tjarnargötu 26, Reykjavík 1930.

Ólafur Björn Guðmundsson (1919-2008)

  • S01671
  • Person
  • 23. júní 1919 - 27. ágúst 2008

Foreldrar: Guðmundur M. Björnsson bóndi í Tungu í Gönguskörðum (1894-1956) og Þórey Ólafsdóttir handavinnukennari (1895-1945). Maki: Elín Maríusdóttir, f. 1919, d. 2007. Þau eignuðust 4 börn. Bjuggu allan sinn búskap við Langagerði í Reykjavík. Fyrir átti Ólafur einn son með Jóhönnu H. Bergland. ,,Ólafur Björn ólst upp í Tungu í Gönguskörðum og á Sauðárkróki. Hann varð stúdent frá MA stærðfræðideild 1940. Fluttist þá til Reykjavíkur og lagði stund á lyfjafræði við HÍ og síðar í Kaupmannahöfn þar sem hann útskrifaðist cand. pharm. 1948 frá Lyfjafræðiháskólanum í Kaupmannahöfn. Hann starfaði alla sína starfsævi í Reykjavíkurapóteki og var þar yfirlyfjafræðingur 1962-1993 þegar hann lét af störfum vegna aldurs. Ólafur gegndi ýmsum trúnaðarstörfum, var m.a. formaður Lyfjafræðingafélags Íslands 1960-1962 og í stjórn Hins íslenska náttúrufræðifélags 1967-1971. Hann var ritari Garðyrkjufélags Íslands 1968-1997 og ritstjóri Garðyrkjuritsins, ársrits Garðyrkjufélags Íslands, 1968-2000. Ólafur hlaut riddarakross hinnar íslensku fálkaorðu fyrir störf að garðyrkjumálum 1. janúar 1991. Gulllauf Garðyrkjufélags Íslands hlaut hann fyrir störf í þágu félagsins og garðyrkjunnar almennt. Gullmerki Lyfjafræðingafélags Íslands 30. nóvember 2002."

Guðrún Sigríður Gísladóttir (1918-1988)

  • S01678
  • Person
  • 26. des. 1918 - 17. feb. 1988

Foreldrar: Gísli Ólafsson skáld frá Eiríksstöðum, verkmaður á Sauðárkróki og k.h. Jakobína Guðrún Þorleifsdóttir. Guðrún ólst upp hjá foreldrum sínum, fyrst á Bergsstöðum, síðan á Fjósum árin 1919-1920, þá á Hólabæ í Langadal 1920-1924, á Blönduósi 1924-1928 og síðan á Sauðárkróki. Á unglingsárunum var hún í síld á Siglufirði. Átján ára fór hún til Reykjavíkur og vann þar í Hampiðjunni. Árið 1941 kvæntist hún Inga Gests Sveinssyni, þau fluttu á Neskaupsstað, síðan á Sauðárkrók og til Reykjavíkur 1963. Þau slitu samvistir 1968. Á Neskaupsstað var Guðrún formaður Slysavarnarfélags kvenna og söng í Samkór Neskaupsstaðar. Á Sauðárkróki tók hún mikinn þátt í starfi Kvenfélags Sauðárkróks. Guðrún var söngelsk og lék á ýmis hljóðfæri. Jafnframt var hún hagmælt og eftir hana liggur töluvert af lausavísum. Árið 1978 gaf hún út tvö ljóðakver; Skagfirskar glettur og Norðfjarðarlofsöng. Eftir að hún flutti til Reykjavíkur árið 1963 rak hún söluturn um tíma og vann svo við matargerð á veitingahúsum. Seinni maður Guðrúnar var Þórður Þorkelsson frá Seyðisfirði.
Guðrún og Ingi eignuðust fjögur börn.

Oddný Kristín Þorvaldsdóttir (1919-2010)

  • S01681
  • Person
  • 9. jan. 1919 - 17. apríl 2010

Foreldrar hennar voru þau Þorvaldur Jónsson og Helga Jóhannsdóttir. ,,Oddný bjó á Sauðárkróki fram til ársins 1948 er hún flutti til Reykjavíkur. Oddný vann við ýmis störf svo sem síldarverkun og síðar á saumastofum meðfram húsmóðurstörfunum. Oddný giftist Hólmari Magnússyni, þau eignuðust tvo syni.

Þórhildur Ingibjörg Jakobsdóttir (1912-1996)

  • S01682
  • Person
  • 29. feb. 1912 - 19. ágúst 1996

Þórhildur Ingibjörg Jakobsdóttir fæddist á Skúf í Norðurárdal. Móðir hennar var Hallfríður Sigurðardóttir og faðir hennar Jakob Frimannsson. Þórhildur var aðeins sex mánaða gömul er faðir hennar lést úr berklum. Sigurlaug Sigurðardóttir og Ólafur Björnsson á Árbakka tóku Þórhildi þá til fósturs og ólu hana upp sem sitt eigið barn. Þórhildur giftist árið 1938 Guðmundi Torfasyni frá Kollsvík í Strandasýslu, þau eignuðust þrjú börn og voru alla sína búskapartíð búsett í Reykjavík.

Páll Sigurðsson (1905-1977)

  • S01687
  • Person
  • 25. ágúst 1905 - 4. júlí 1977

Sonur Sigurðar Pálssonar héraðslæknis á Sauðárkróki og k.h. Þóru Gísladóttur. Var á Vesturgötu 23, Reykjavík 1930. Bókavörður í Reykjavík.

Gísli Eiríksson (1798-1838)

  • S01693
  • Person
  • 21. mars 1798 - 29. sept. 1838

Gísli er sagður vera á Hólum, Bakkasókn, Eyjafirði árið 1801. Skráður sem niðursetningur í Lönguhlíð, Myrkársókn, Eyj. 1816. Bóndi á Kjartansstöðum á Langholti í manntalinu 1835 og býr þar þá ásamt konu sinni Ingibjörgu Guðmundsdóttur.

Jónas Sigfússon (1791-1864)

  • S01697
  • Person
  • 18. okt. 1791 - 17. mars 1864

Var á Auðnum, Bakkasókn, Eyj. 1801. Býr ásamt foreldrum sínum, Sigfúsi Jónssyni (1746-1829) og Rósu Jónsdóttur (1749- um 1840) og systur, Lilju Sigfúsdóttur að Miðlandi í Bakkasókn í Eyjafirði. Jónas er skráður bóndi á Neðstalandi í Öxnadal 1821-1822. Ráðsmaður á Höskuldsstöðum í Blönduhlíð. Samkvæmt manntalinu 1835 býr Jónas að Réttarholti ásamt konu sinni Rannveigu Þorkelsdóttur (f. 1799) og fjórum börnum. Í manntalinu 1840 er hann enn skráður sem húsbóndi í Réttarholti en er nú orðinn ekkill. Börnin hans fjögur búa hjá honum. Bústýra hans er Lilja Sigfúsdóttir, liklega systir hans og býr hún í Réttarholti ásamt tveimur börnum sínum. Í manntalinu 1845 er hann enn skráður til heimilis að Réttarholti en nú búa þrjú barna hans þar. Í manntalinu 1860 er hann enn skráður húsbóndi og ekkill í Réttarholti en Rósa Jónasdóttir, líklega dóttir hans, er nú bústýra hjá honum.

Björn Símonarson (1853-1914)

  • S01699
  • Person
  • 26. apríl 1853 - 27. des. 1914

Gullsmiður og úrsmiður á Akureyri og Sauðárkróki 1890. Húsbóndi í Reykjavík 1910. Átti Björnsbakarí við Vallarstræti sem eftir honum er nefnt.

Birgit Bang (1936-2014)

  • S01702
  • Person
  • 13. maí 1936 - 19. júní 2014

Birgit Bang fæddist í Árósum í Danmörku 13. maí 1936. Foreldrar hennar voru Ole Bang apótekari á Sauðárkróki og k.h. Minna Elísa Bang. ,,Birgit ólst upp á Sauðárkróki. Hún starfaði framan af við afgreiðslustörf í apóteki föður síns en drýgstan hluta starfsævinnar vann hún á Heilsustofnun NLFÍ í Hveragerði. Eftir að hún lét af störfum fluttist hún aftur til Sauðárkróks og bjó þar síðustu árin." Birgit eignaðist einn son með Ásmundi Jónssyni.

Gissur Ísleifur Helgason (1942-

  • S01710
  • Person
  • 23. mars 1942

Foreldrar Ólafs Hauks voru Helgi Ólafsson kennari á Sauðárkróki og Akureyri, síðar búsettur í Reykjavík, og k.h. Valý Þ.Á. Ágústsdóttir. Framkvæmdastjóri í Kaupmannahöfn, kvæntur Benediktu Atterdag Helgason.

Anna Helgadóttir (1936-

  • S01708
  • Person
  • 13. jan. 1936

Dóttir Helga Ólafssonar kennara á Sauðárkróki og Akureyri og k.h. Valýar Þorbjargar Ágústsdóttur. Búsett á Akranesi, gift Pétri Baldurssyni, fyrrv. flutningastjóra.

Guðlaugur Helgason (1934-

  • S01707
  • Person
  • 24.01.1934-

Foreldrar: Helgi Ólafsson kennari á Sauðárkróki og Akureyri, síðar búsettur í Reykjavík, og k.h. Valý Þ.Á. Ágústsdóttir. Flugstjóri. Kvæntist Ernu Kristinsdóttur sjúkraliða.

Júlíus Björnsson (1886-1970)

  • S01716
  • Person
  • 2. júlí 1886 - 8. júlí 1970

Foreldrar: Björn Bjartmarsson b. á Birnunesi á Árskógströnd og í Hrísey og Hallbera Rósa vinnukona, þau voru ekki gift. Júlíus ólst upp hjá vandalausum. Réðist að Neðra-Ási í Hjaltadal árið 1905 og átti heima í Skagafirði eftir það. Vinnumaður í Hofstaðaseli hjá Sigurði Björnssyni og Konkordíu Stefánsdóttur 1907-1939, á Hofsstöðum 1939-1940, á Frostastöðum 1940-1941, á Flugumýri 1941-1942, á Unastöðum 1942-1944 en vistréðist þá að Flugumýri aftur og átti þar heima síðan óslitið til æviloka 1970. Júlíus var ókvæntur og barnlaus.

Helga Ástríður Ásgrímsdóttir (1909-1991)

  • S01724
  • Person
  • 20. feb. 1909 - 4. ágúst 1991

Foreldrar: Ásgrímur Stefánsson og k.h. Sigmunda Skúladóttir. Helga ólst upp hjá foreldrum sínum í Efra- Ási til 17 ára aldurs er hún fluttist með móður sinni til Siglufjarðar og var þar til ársins 1933, að hún fluttist aftur að Efra Ási og hóf þar búskap með Pétri M. Runólfssyni manni sínum. Hann lést árið 1962. Þá lét Helga af búskap og var næstu árin starfsmaður við skólann á Hólum. Síðustu árin bjó hún á Hofsósi og Sauðárkróki. Helga og Pétur eignuðust þrjár dætur og tóku einn fósturson.

Ari Arason (1813-1881)

  • S01722
  • Person
  • 1. jan. 1813 - 12. sept. 1881

Ari var fæddur á Flugumýri 1813. Faðir: Ari Arason (1763-1840) fjórðungslæknir. Móðir: Sesselja Vigfúsdóttir húsfreyja.
Ari ólst upp hjá foreldrum sínum og hlaut "betri manna" menntun fyrir fermingu. Eftir fermingu var honum komið til náms hjá Pétri prófasti Péturssyni á Víðivöllum. Útskrifaðist stúdent úr heimaskóla sumarið 1831 hjá Gunnlaugi Oddssyni dómkirkjupresti í Reykjavík. Fór til Kaupmannahafnar sama sumar til náms í Háskólanum. Hóf þar nám í tannlækningum. Kom heim aftur 1833 en fór aftur utan sama ár og tók þá að lesa læknisfræði. Lauk þar ekki fullnaðarprófum til embættis. Faðir hans aldraður og heilsuveill kallaði hann heim til að aðstoða sig við búreksturinn. Faðir hans lést 1840 og veitti Ari búi móður sinnar forstöðu þar til hún andaðist árið 1843. Það haust fór Ari til Reykjavíkur og dvaldi þar við ýmis störf um veturinn, meðal annars lagði hann stund á orgelleik og söng hjá Pétri Guðjónsen orgelleikara. Ari er skráður húsmaður á Flugumýri 1844 en tók jörðina til ábúðar 1845 og bjó þar til æviloka. Rak þar stórbú.
Eiginkona: Helga Þorvaldsdóttir (1816-1894).
Saman áttu þau 11 börn. Fjögur þeirra komust á legg.

Jón Jónsson (1813-1866)

  • S01731
  • Person
  • 1813-1866

Í manntalinu 1816 er Jón skráður til heimilis í Merkigili/Miðhúsum. Faðir hans er Jón Höskuldsson (1770-1831) en móðir ekki nefnd og barnið sagt vera "hjábarn". Eiginkona Jóns Höskuldssonar á þessum tíma er ekki móðir barnsins enda var hún orðin 72 ára. Ingibjörg Einarsdóttir "matselja" er einnig skráð þarna til heimilis en í manntalinu 1835 og 1840 er Ingibjörg þessi skráð til heimilis á Merkigili og ber þá titilinn "húsmóðir" og Jón Jónsson er skráður þar einnig til heimilis sem "hennar son og fyrirvinna". Ingibjörg Einarsdóttir (1788-1872) var elst af ellefu systkinum. Ólst hún upp hjá foreldrum sínum við fátækt. Hún kom ung ráðskona að Merkigili til Jóns og Ingu fyrri konu hans, því Inga var þá orðin "heilsulítil og lítt fær til umsýslu heimilisins". Dró skjótt saman með þeim Jóni bónda, og áttu þau börn saman að Ingu lifandi. Vildi séra Jón á Miklabæ, sonur Ingu, stía þeim sundur og koma Ingibjörgu burt af bænum, en Inga var því mótfallin og bað son sinn þess, að Ingibjörg mætti vera kyrr, því hún væri sér svo góð og hjúkraði sér “með slíkri nærgætni, að engin önnur mundi geta það eins.„ Lét séra Jón þá kyrrt liggja fyrir bænarstað móður sinnar. Er mælt, að Inga hafi sótt um konungsleyfi til þess að Jón mætti kvænast Ingibjörgu að sér látinni“ segir í Skagf.1850-1890 II, bls. 166.
Jón var skráður sem bóndi á Merkigili frá 1846 til æviloka en hann dó 1866.
Eiginkona 1 (giftust 1845): Guðrún Björnsdóttir (1821-1848). Þau áttu saman fjögur börn.
Eiginkona 2 (giftust 1849): Þorbjörg Ingjaldsdóttir (1817-1855). Þau áttu saman þrjú börn.
Fyrir hjónabönd sín átti Jón barn með Helgu Sveinsdóttur (f. 1818): Jóhanna (f. 1836). Honum var einnig kennt barn sem Sigríður Jónsdóttir (f.1819) átti: Þorfinnur (f. 1843) en Jón neitaði.

Lárus Jónsson (1828-óvíst)

  • S01732
  • Person
  • 1829-óvíst

Lárus fæddist 1829. Faðir: Jón Höskuldsson (1770-1831). Móðir: Ingibjörg Einarsdóttir (1788-1872). Lárus virðist vera skráð sem tökubarn hjá Jóni Jónssyni (1776-1841) á Keldulandi, og í manntalinu 1840 er hann skráður sem fósturbarn hjá sama manni en nú á Frostastöðum. Í Skagfirskum æviskrám 1850-1890 II. bindi, bls. 167 segir að Lárust hafi verið smiður á Akureyri, ókvæntur og barnlaus. Ekki er vitað hvenær hann dó.

Jón Jónsson (1776-1841)

  • S01730
  • Person
  • 05.05.1776-27.07.1841

Bóndi og hreppstjóri á Úlfsstöðum í Blönduhlíð, Skag. Sennilega sá sem er vinnumaður á Öngulstöðum, Munkaþverárklausturssókn, Eyj. 1801. Húsbóndi og hreppstjóri á Keldulandi í Silfrastaðasókn, Skag. 1835. Virðist hafa búið á Frostastöðum 1840.
„Sumir efuðu faðerni hans“, segir Espólín. Skv. Æ.A-Hún. var Jón af sumum talinn launsonur Jóns Jakobssonar sýslumanns á Espihóli.
Maki: Ingibjörg Pálsdóttir (1782-1843). Saman áttu þau a.m.k. 5 börn og a.m.k. 2 fósturbörn.

Stefán Þorleifsson (1838-1865)

  • S01745
  • Person
  • 1838-17.03.1865

Líklega fæddur að Grundargerði. Móðir: Þóra Þorsteinsdóttir (1804-1855) Grundargerði. Faðir: Þorleifur Einarsson (1788-?). Þau voru ekki gift.
Í manntalinu 1845 er Stefán hjá móður sinni í Grundargerði. Stefán er skráður vinnupiltur á Víðivöllum 1854-56 og á Heiði í Gönguskörðum 1856-57, jafnvel lengur.
Vinnumaður í Fagranesi, Fagranesókn, Skag. 1860. Samkvæmt íslendingabók fórst Stefán af eldingu á Auðnum á Vatnsleysuströnd, frá Háreksstöðum, Mýr. 17. mars 1865.

Herdís Þorgrímsdóttir (1931-2016)

  • S01747
  • Person
  • 24. jan. 1931 - 18. júlí 2016

Herdís Þorgrímsdóttir fæddist á Stafshóli í Deildardal í Hofshreppi, Skagafirði, 24. janúar 1931. Foreldrar hennar voru Þorgrímur Þorleifsson (1901-1988) og Guðrún Tómasdóttir (1908-1975). ,,Frá Stafnshóli fluttist Herdís að Hjarðarholti við Hofsós. Þar gekk hún í barnaskóla og síðar í húsmæðraskólann að Löngumýri í Skagafirði. Herdís giftist Halldóri Sigurgeirssyni bónda og organista árið 1953, fluttu þá í Arnstapa í Þingeyjarsveit og bjuggu með tengdaforeldrum sínum þar. Halldór lést 1968 og bjó Herdís áfram á Arnstapa síðustu árin með syni sínum Þorgeiri þar til hann tók við búinu. Samhliða bústörfunum vann Herdís ýmis störf við Stórutjarnaskóla." Herdís og Halldór, eignuðust sex börn.

Leikfélag Skagfirðinga (1968-

  • S01749
  • Félag/samtök
  • 1968-

Fundur (stofnfundur) í Félagsheimilinu Miðgarði í Varmahlíð, 3. desember 1968. Þrjú félög hugðust stofna með sér leikfélag. Þetta voru félögin Ungmennafélagið Fram í Seyluhreppi, Kvenfélag Seyluhrepps og Karlakórinn Heimir.
Fyrsta stjórn félagsins:
Freysteinn Þorbergsson, Sjónarhól
Sigfús Pétursson, Álftagerði
Kristján Sigurpálsson, Lundi

Til vara:
Pálmi Jónsson, Garðhúsum
Haukur Hafstað, Vík
Herfríður Valdimarsdóttir, Brekku

Í klausu í Einherja frá árinu 1971 kemur fram að frumraun félagsins hafi verið Maður og kona. Næst var Ævintýri á gönguför tekið til sýninga.

Elísabet Jónsdóttir (1885-1967)

  • S01755
  • Person
  • 1. mars 1885 - 14. maí 1967

Dóttir Jóns Jónssonar á Kárastöðum, síðast b. í Sveinskoti á Reykjaströnd og s.k.h. Önnu Guðmundsdóttir. Elísabet var sambýliskona Péturs Þorgrímssonar frá Hofstaðaseli. Búsett á Sauðárkróki.

Brynja Björg Bragadóttir (1956-2013)

  • S01763
  • Person
  • 24. des. 1956 - 10. júlí 2013

Brynja Björg Bragadóttir fæddist á Sauðárkróki 24. desember 1956. Foreldrar hennar eru Sigurlaug Sveinsdóttir og Bragi Þ. Sigurðsson, Sauðárkróki. Brynja giftist 1976 Ómari Imsland rafmagnsverkfræðingi. Þau skildu 2005. Þau eignuðust fjóra syni. ,,Brynja ólst upp á Sauðárkróki og gekk þar í barna- og gagnfræðaskóla, lauk síðan námi frá Eiðaskóla og tók síðar sjúkraliðapróf og vann um skeið sem sjúkraliði á Landakotsspítala. Hún bjó tæpan áratug í Danmörku á meðan Ómar stundaði þar nám og vinnu. Eftir að synir hennar uxu úr grasi varð hún skólaliði í Mýrarhúsaskóla fram á þetta ár. Hún bjó lengst af á Seltjarnarnesi."

Ingólfur Guðmundsson (1953-

  • S01766
  • Person
  • 14. maí 1953-

Sonur Guðmundar Helgasonar frá Tungu í Gönguskörðum og k.h. Ernu Guðbjargar Ingólfsdóttur frá Sauðárkróki.

Jóhanna Freyja Jónsdóttir (1922-2016)

  • S01769
  • Person
  • 26. júní 1922 - 30. sept. 2016

Jóhanna Freyja Jónsdóttir fæddist 26. júní 1922 í Réttarholti, Skagafirði. Foreldrar hennar voru Sigríður Rögnvaldsdóttir og Jón Sigurðsson. ,,Jóhanna lauk barna- og gagnfræðaskólanámi í Skagafirði og stundaði nám við Húsmæðraskólann að Staðarfelli veturinn 1941 til 1942. Jóhanna var húsmóðir í Réttarholti og stundaði þar bústörf með fjölskyldu sinni. Seinna starfaði hún í nokkra vetur í mötuneyti Þelamerkurskóla. Árið 2006 fluttist hún til Akureyrar og var síðast búsett þar." Jóhanna giftist Gísla Sigurjóni Kristjánssyni, þau eignuðust þrjú börn.

Guðrún Ingiríður Jóhannesdóttir (1932-)

  • S01773
  • Person
  • 26. apríl 1932-

Dóttir Moniku Helgadóttur og Jóhannesar Bjarnasonar á Merkigili. Guðrún ólst upp á Merkigili. Kvæntist Einari Kristmundssyni frá Rauðbarðaholti í Hvammssveit í Dölum, búsett þar frá 1953.

Margrét Marta Jóhannesdóttir (1928-2016)

  • S01775
  • Person
  • 22. ágúst 1928 - 3. feb. 2016

Margrét Marta Jóhannesdóttir fæddist á Merkigili í Skagafirði 22. ágúst 1928. Foreldrar hennar voru Monika Sigurlaug Helgadóttir frá Ánastöðum, húsfreyja á Merkigili og Jóhannes Bjarnason bóndi á Merkigili, frá Þorsteinsstöðum í Tungusveit í Skagafirði. Barnsfaðir Margrétar Mörtu var Baldur Árnason, þau eignuðust eina dóttur.
Margrét vann á nokkrum bæjum í Skagafirði við almenn heimilis- og bústörf þegar hún hafði aldur til. Hún var í Húsmæðraskólanum á Akureyri veturinn 1950-1951 og í framhaldinu vann hún hjá Gefjunni á Akureyri þar til hún eignaðist Moniku. Fyrstu árin eftir það hélt hún saumanámskeið í Skagafirði og víða um Norðurland. Hún tók einnig að sér að sauma fyrir einstaklinga. Hún kom síðan aftur í Merkigil þegar heimilisfólkinu fór að fækka og vann að búinu í nokkur ár eða til ársins 1974. Þá fluttist hún til Akureyrar ásamt dótturinni og vann þar við að sauma og við fiskvinnslu. Bjó hún þar til haustsins 1982 en þá fluttist hún suður yfir heiðar og settist að á Seltjarnarnesi og bjó þar alla tíð síðan.

Sigurbjörg Helgey Jóhannesdóttir (1939-

  • S01774
  • Person
  • 26. jan. 1939-

Dóttir Moniku Helgadóttur og Jóhannesar Bjarnasonar á Merkigili. Búsett í Ölfusi. Maki 1: Páll Sigurðsson frá Fornahvammi. Maki 2: Halldór Guðmundsson frá Hvammi í Ölfusi.

Ólafur Þorsteinsson (1929-1985)

  • S01777
  • Person
  • 19. okt. 1929 - 2. ágúst 1985

Var í Bæ á Höfðaströnd, Skag. 1930. Síðast bús. í Hofsóshreppi. Sonur Þorsteins Stefánssonar og Láru Árnadóttur á Hofsósi.

Lára Árnadóttir (1904-1983)

  • S01779
  • Person
  • 18. mars 1904 - 8. maí 1983

Var í Bæ á Höfðaströnd, Skag. 1930. Síðast bús. í Hofsóshreppi. Kvæntist Þorsteini Stefánssyni.

Steinunn Hallsdóttir (1877-1946)

  • S01782
  • Person
  • 3. júní 1877 - 21. okt. 1946

Foreldrar: Hallur Jóhannsson b. í Garði í Hegranesi og 1.k.h. Ingibjörg Engilráð Jóhannesdóttir. Steinunn aflaði sér menntunar í hannyrðum og saumum. Hún var vel hagmælt. Kvæntist Páli Pálssyni b. og skósmiði frá Syðri-Brekkum, þau bjuggu lengst af að Garði í Hegranesi, þau eignuðust einn son.

Kristbjörg Margrét Þorvaldsdóttir (1888-óvíst)

  • S01786
  • Person
  • 8. júlí 1888-óvíst

Dóttir Þorvaldar Ólafssonar b. í Hólkoti á Reykjaströnd og k.h. Kristínar Magnúsdóttir. Kristbjörg fluttist suður, lést ógift og barnlaus.

Árni Þorvaldsson (1891-1965)

  • S01788
  • Person
  • 23. júní 1891 - 16. mars 1965

Foreldrar: Þorvaldur Ólafsson b. í Hólkoti og k.h. Kristín Magnúsdóttir. Árni ólst upp hjá foreldrum sínum í Hólkoti. Árið 1920 kvæntist hann og bjó síðan í félagi við foreldra sína til ársins 1932 er hann tók alfarið við búi í Hólkoti og bjó þar til sjötugs aldurs, er hann flutti til Sauðárkróks. Árni stundaði sjómennsku meðfram búskapnum. Hann var virkur félagi í hestamannafélaginu Léttfeta á Sauðárkróki og var svo lánsamur að eignast héraðsfræga gæðinga. Árið 1930 var Lestrarfélag Skarðshrepps stofnað. Árni var þá kosinn bókavörður þess og gengdi því starfi í 32 ár, til ársins 1962. Árni kvæntist Sigurbjörgu Hálfdánardóttur frá Sauðárkróki, þau slitu samvistum árið 1935, þau eignuðust fimm börn.

Albert Þiðriksson (1843-1916)

  • S01789
  • Person
  • 1843 - 14. feb. 1916

Foreldrar: Þiðrik Ingimundarson b. á Sviðningi í Kolbeinsdal og f.k.h. Helga Bjarnadóttir. Albert ólst upp hjá foreldrum sínum, þar til móðir hans lést 1855, en var léttadrengur í Ljótsstöðum á Höfðaströnd 1855-1858. Þá fór hann til föður síns og vann að búi hans á Sviðningi 1858-1859, síðan smali hjá hjónunum Jóni Árnasyni og Kristrúnu Guðmundsdóttur á Kálfsstöðum í Hjaltdal 1859-1862. Var fermdur hjá þeim árið 1860. Albert var vinnumaður á ýmsum bæjum í Hjaltadal á árunum 1862-1875, eða þar til hann reisti bú á föðurleifð sinni, Bóndi á Sviðningi 1875-1876. Brá þá búi, seldi jörðina fyrir lítið verð og fór vestur um haf með konu sinni og dóttur þeirra nýfæddri. Lánuðu þau hjónin ýmsum fyrir fargjaldi vestur, svo þau áttu aðeins eftir einn dollar af jarðarverðinu er þau komu til Gimli. Settist að í Víðirnesbyggð.

Stefán Alexander Albertsson (1886-óvíst)

  • S01795
  • Person
  • 1886-óvíst

Sonur Alberts Þiðrikssonar frá Sviðningi og k.h. Elínar Petrínu Pétursdóttur. Fæddur í Vesturheimi. Búsettur í Víðirnesbyggð á Nýja-Íslandi, kvæntist Guðmundu Jósefsdóttur Johnson.

Helga Victoria Albertsdóttir (1879-1920)

  • S01792
  • Person
  • 1879-1920

Dóttir Alberts Þiðrikssonar frá Sviðningi og k.h. Elínar Petrínu Pétursdóttur. Fædd í Vesturheimi. Giftist Andrési Ísfeld b. á Hólmi í Víðirnesbyggð og í Skógum í Víðirnesbyggð, en síðan lengi að Winnipeg Beach í Manitoba.

Þórdís Emilía Albertsdóttir (1889-1923)

  • S01796
  • Person
  • 1889-1923

Dóttir Alberts Þiðrikssonar frá Sviðningi og k.h. Elínar Petrínu Pétursdóttur. Fædd í Vesturheimi. Kona Eyjólfs Þorkelssonar Erickson frá Gili í Borgarsveit, sem um langt skeið var búsettur í Selkirk í Manitoba, en síðast í Calgary í Alberta.

Steingrímur Benediktsson (1901-1971)

  • S01802
  • Person
  • 20. maí 1901 - 23. nóv. 1971

Flutti frá Sauðárkróki til Vestmannaeyja árið 1928. Skólastjóri. Verkstjóri á Brekastíg 6, Vestmannaeyjum 1930. Síðast bús. í Vestmannaeyjum.
Maki: Hallfríður Kristjánsdóttir. Þau eignuðust sjö börn.

Tobías Jóhannesson (1914-1998)

  • S01803
  • Person
  • 25. mars 1914 - 5. júní 1998

Sonur Jóhannesar G. Guðmundssonar b. á Hellu í Blönduhlíð og k.h. Sigþrúðar Konráðsdóttur. Bifreiðastjóri um skeið á BSA, síðar bílamálarameistari og keypti af Kristjáni Kristjánssyni bílasprautunarverkstæði á Akureyri, sem hann rak til ársins 1993 undir nafninu Bílasprautun Tóbíasar. Kvæntist Guðrúnu Björnsdóttur frá Sauðárkróki.

Björn Ólafsson (1862-1949)

  • S01815
  • Person
  • 23. sept. 1862 - 5. feb. 1949

Foreldrar: Ólafur Rafnsson b. í Kálfárdal og k.h. Sigríður Gunnarsdóttir. Björn missti föður sinn í bernsku og ólst upp með móður sinni. Hún giftist 1870 síðari manni sínum Eggerti Þorvaldssyni á Skefilsstöðum og ólst Björn þar upp. Eftir andlát Eggerts var Björn fyrirvinna fyrir búi móður sinnar á Skefilsstöðum, þar til hann reisti þar sjálfur bú. Bóndi á Skefilsstöðum 1897-1919, brá þá búi að mestu, börn hans bjuggu með honum á jörðinni til 1922. Eftir það var Björn og k.h. í mörg ár í húsmennsku á Skefilsstöðum, þar til þau fluttu til Ólínu dóttur sinnar og síðari manns hennar Guðjóns Sigurðssonar, bakara á Sauðárkróki. Dvöldu þau hjá þeim til æviloka. Kvæntist Guðrúnu Björnsdóttur frá Ytra-Mallandi, þau eignuðust fjögur börn.

Lilja Jónsdóttir (1924-2007)

  • S01819
  • Person
  • 3. apríl 1924 - 1. júlí 2007

Lilja Jónsdóttir fæddist á Syðri Húsabakka 3. apríl 1924. Foreldrar hennar voru Emilía Kristín Sigurðardóttir, f. á Marbæli á Langholti og Jón Kristinn Jónsson, f. í Vallanesi í Vallhólmi. ,,Lilja ólst upp í foreldrahúsum á Syðri Húsabakka við almenn sveitastörf. Hross voru hennar líf og yndi og átti hún góða hesta. Lilja fór í Kvennaskólann á Löngumýri veturinn 1945-1946, og kom þá vel í ljós hve listfeng hún var. Hannyrðir og fatasaumur léku í höndunum á henni og fékk Húsabakkaheimilið að njóta góðs af því. Lilja stefndi að því að verða handavinnukennari, en sökum vanheilsu móður sinnar varð hún kyrr heima og annaðist foreldra sína þar til yfir lauk. Árið 1982 flutti hún ásamt Sigurði bróður sínum til Sauðárkróks og voru búsett þar síðan. Störfuðu bæði lengst af í sútunarverksmiðjunni Loðskinn. Lilja var ókvænt og barnlaus.

Björg Jórunn Friðriksdóttir Hansen (1928-2017)

  • S01837
  • Person
  • 25. júní 1928 - 6. apríl 2017

Dóttir Friðriks Hansen og Jósefínu Erlendsdóttur. Kennari og bókasafnsfræðingur í Reykjavík. Gegndi margvíslegum félags- og trúnaðarstörfum.

Kristbjörg Sigurjóna Bjarnadóttir (1935-2015)

  • S01838
  • Person
  • 13.05.1935 - 22.11.2015

Kristbjörg Sigurjóna Bjarnadóttir fæddist í Stóru-Brekku í Fljótum 13. maí 1935. Foreldrar hennar voru Bjarni Kristjánsson bóndi í Ökrum í Fljótum og eiginkona hans Aldís Margrét Guðmundsdóttir. Kristbjörg ólst upp með foreldrum sínum og bræðrum í Ökrum. ,,Hún gekk í gagnfræðaskóla á Siglufirði í 3 vetur. Eiginmaður hennar var Axel Þorsteinsson, fæddur á Vatni á Höfðaströnd, þau eignuðust sex börn. Árið 1953 keyptu Axel og Kristbjörg jörðina Litlu-Brekku á Höfðaströnd og stunduðu þar búskap til ársloka 1987 er Bjarni sonur þeirra tók við jörðinni. Þau dvöldu áfram í Litlu-Brekku til ársins 2002 en fluttu þá að Túngötu 2 á Hofsósi."

Kvenfélagið Hvöt (1950-)

  • S01839
  • Félag/samtök
  • 1950-

Kvenfélagið Hvöt í Fellssókn var stofnað 25. september 1950, að Skálá að frumkvæði Rannveigar Líndal. Stofnendur voru 11 og í fyrstu stjórn voru kosnar:
Verónika Fransdóttir, Skálá, formaður
Sigríður Stefánsdóttir, Glæsibæ, gjaldkeri
Sigrún Þ. Ásgrímsdóttir, Tjörnum, ritari.

Ragnar Björnsson (1945-

  • S01841
  • Person
  • 04.06.1945

Sonur Emmu Ástu Sigurlaugar Hansen og Björns Björnssonar.

Magnús Sigurbjörn Ásgrímsson (1888-1963)

  • S01849
  • Person
  • 10. sept. 1888 - 14. júlí 1963

Foreldrar: Ásgrímur Björnsson b. í Hólakoti í Austur-Fljótum og k.h. María Stefanía Eiríksdóttir. Magnús fór í hákarlalegur strax og aldur leyfði og var samskipa föður sínum á Fljótavíkingi 1904 þegar Ásgrímur féll fyrir borð og drukknaði. Hann var í vinnumennsku í Stóra-Holti í Fljótum um hríð, réðst þaðan til Héðinsfjarðar og var síðan um skeið á Siglufirði. Fluttist árið 1912 í Skagafjörð og kvæntist Elísabetu Evertsdóttur árið 1914. Bóndi í Miklagarði á Langholti 1917-1918, á Rein í Hegranesi 1920-1921 og 1923-1931, í Vatnskoti í Hegranesi 1931-1935. Eftir það á Sauðárkróki til 1952 er þau hjónin fluttust að Kúskerpi í Blönduhlíð til dóttur sinnar og bjuggu þar síðan. Á Sauðárkróki vann Magnús við fiskvinnslu og aðra daglaunavinnu sem til féll. Magnús og Elísabet eignuðust tvö börn.

Elísabet Evertsdóttir (1878-1957)

  • S01850
  • Person
  • 13. nóv. 1878 - 8. nóv. 1957

Foreldrar: Evert Evertsson á Nöf við Hofsós og s.k.h. Guðbjörg Árnadóttir. Elísabet ólst upp með foreldrum sínum til níu ára aldurs, fyrst á Nöf, síðan á Stafshóli í Deildardal og að Minna-Hofi. Eftir það fór hún í fóstur til vandalausra, fyrst í Garðshorn á Höfðaströnd en síðan að Tumabrekku í Óslandshlíð þar sem hún var til tvítugs hjá Goðmundu Sigmundsdóttur og Þorgrími Kristjánssyni. Í fjögur ár var hún vinnukona á Marbæli á Langholti og sex ár á Reynistað þar sem hún kvæntist Magnúsi Ásgrímssyni frá Hólakoti í Austur-Fljótum. Þau bjuggu í Miklagarði á Langholti 1917-1918, á Rein í Hegranesi 1920-1921 og 1923-1931, í Vatnskoti í Hegranesi 1931-1935. Þaðan fóru þau til Sauðárkróks þar sem þau áttu heimili til 1952 en fluttu þá að Kúskerpi í Blönduhlíð til dóttur sinnar og áttu þar heimili síðan. Elísabet og Magnús eignuðust tvö börn.

Sigfríður Jóhannsdóttir (1896-1971)

  • S01856
  • Person
  • 8. ágúst 1896 - 17. mars 1971

Foreldrar: Jóhann Jónatansson b. á Hóli á Skaga o.v. og sambýliskona hans Valgerður Ásmundsdóttir. Sigfríður ólst upp með foreldrum sínum á Sævarlandi, Hóli, Kelduvík og Selnesi. Var í vinnumennsku á Skaga, í Húnavatnssýslum, í Reykjavík, á Akureyri, að Veðramóti í Gönguskörðum og loks á Ingveldarstöðum syðri á Reykjaströnd þar sem hún kynntist mannsefni sínu, Jóni Jónssyni. Þau bjuggu á Ingveldarstöðum syðri á Reykjströnd 1916-1921, á Daðastöðum á Reykjavík 1921-1946 og á Steini 1946-1962. Sigfríður og Jón eignuðust fimm börn.

Halldór Maríus Svanur Jónsson (1934-2010)

  • S01855
  • Person
  • 10. des. 1934 - 3. mars 2010

Halldór Maríus Svanur Jónsson fæddist á Daðastöðum á Reykjaströnd 10. desember 1934. Foreldrar hans voru Sigfríður Jóhannsdóttir og Jón Jónsson, bóndi á Daðastöðum og síðar á Steini á Reykjaströnd. Halldór flutti 1946 með foreldrum sínum í Stein á Reykjaströnd og hóf þar búskap og var bóndi alla sína tíð en vann einnig utan heimilis samhliða búskapnum. Halldór starfaði sem fláningsmaður um langt árabil við sauðfjárslátrun í gamla Sláturhúsi Kaupfélags Skagfirðinga á Sauðárkróki. Halldór vann hjá Fiskiðju Skagfirðinga frá 1980 allt til ársins 2005. Í fyrstu starfaði hann við löndun og síðar við skreiðarverkun. Halldór sinnti einnig ýmsum félagsmálum. Halldór kvæntist árið 1968 Höllu Kristrúnu Guðmundsdóttur frá Veðramóti, þau eignuðust fjögur börn.

Ólafur Björnsson (1843-1881)

  • S01863
  • Person
  • 20. nóv. 1843 - 27. maí 1881

Ólafur Björnsson fæddist á Ríp árið 1843. Faðir: Björn Ólafsson, bóndi í Eyhildarholti. Móðir: Filippía Hannesdóttir, húsfreyja á Ríp. Séra Ólafur ólst upp með foreldrum sínum, þar til faðir hans drukknaði 1853, og síðar með móður sinni. Tekinn í Reykjavíkurskóla árið 1865 og útskrifast sem stúdent 1872. Ólafur fékk Ríp 27. ágúst 1874, vígðist 30. ágúst 1874. Frá 1877 þjónaði hann einnig Fagranesprestakalli. Fékk veitingu fyrir Hofi á Skagaströnd 1880 en dó áður en hann tók við embætti þar. Ólafur hafði verið heilsuveill síðustu árin "þjáðist af riðu og tinaði mikið". Ólafur var ókvæntur og barnlaus. Hann dó á Hjaltastöðum í Blönduhlíð árið 1881. Ólafur var ókvæntur og barnlaus.

Björn Hafliðason (1863-1939)

  • S01869
  • Person
  • 9. júlí 1864 - 27. okt. 1939

Foreldrar: Hafliði Finnbogason og k.h. Guðrún Steingrímsdóttir á Hamri í Fljótum. Björn var í foreldrahúsum til 11 ára aldurs, en fór þá til Siglufjarðar og var þar smaladrengur og við aðra snúninga. Fermdur í Hvanneyrarkirkju. Upp úr því fluttist hann að Heiði í Sléttuhlíð til Jóhannesar föðurbróður síns og var þar í 3 ár. Síðan vinnumaður hjá Jóni Jónassyni að Syðri Á í Ólafsfiðri um 9 ára skeið, síðan hjá Jakobi b. og útgm í Hornbrekku og konu hans Önnu Einarsdóttur. Kynntist þar verðandi konu sinni, Engilráð Einarsdóttur. Voru þau hjónin fyrstu búskaparár sín í húsmennsku í Hornbrekku í Ólafsfirði, en fluttust síðan að Brimnesi í sömu sveit og bjuggu þar í 3 ár á hluta af jörðinni. Síðan í Barðsgerði í Haganeshreppi 1896-1898, í Borgargerði 1898-1907, á Sigríðarstöðum 1907-1923, Mið-Mói 1923-1925. Brugðu þá búi og fluttust til Ólafsfjarðar. Voru þar í 2 ár, en fóru þá til Siglufjarðar og höfðu þar heimili ásamt sonum sínum til æviloka. Samfara búskapnum stundaði Björn sjómennsku. Björn og Engilráð eignuðust níu börn og ólu einnig upp bróðurdóttur Björns.

Niðurstöður 426 to 510 of 6402