Sýnir 5156 niðurstöður

Nafnspjöld

Rafmagnsveitur ríkisins (1947-2006)

  • S01339
  • Opinber aðili
  • 1947-2006

Rafmagnsveitur ríkisins hófu starfsemi sína þann 1. janúar árið 1947.
RARIK var stofnað 1. ágúst 2006 og tók þá við rekstri Rafmagnsveitna ríkisins.

Ólafía Sigurðardóttir (1898-1983)

  • S01352
  • Person
  • 30. apríl 1898 - 5. maí 1983

Húsfreyja. Húsfreyja á Sauðárkróki 1930. Síðast bús. í Reykjavík. Árið 1906 urðu miklar breytingar á heimili Ólafíu þegar Sigurður faðir Ólafíu féll fyrir borð af skútu og drukknaði. Eldri systkini hennar fóru þá í vistir en Ólafía dvaldist að mestu hjá móður sinni Dagbjörtu. Snemma kom fram að Ólafía var vel gerð til munns og handa og ákaflega músíkölsk. Unglingur eignaðist hún harmonikku og í minnum eru sumarkvöldin fögur á Þingeyri þegar lognsléttur sjórinn var sem spegill og unglingarnir fengu lánaða báta og reru út á fjörðinn. Þá sat Ólafía í skut eða stafni og spilaði á haronikku og svo var sungið. Og foreldrarnir fylgdust með heiman að. Þannig var rómantíkin í þá daga. Eldri systir Ólafíu- Oddný re´ðst til kaupavinnu sumarið 1914 norður til Skagafjarðar. Það leiddi til þess að ári síðar fluttu þær mægður Dagbjört og Ólafía, norður á Sauðárkrók. Unga stúlkan fór til starfa á heimili Jóhannesar Hallgrímssonar kaupmanns og Ingibjargar Erlendsdóttur konu hans. Brátt kynntist hún pildinum Pétri og giftust þau um jólaleyti árið 1917. Næsta sumar 1918 var hún kaupakona hjá Oddnýju systur sinni í Bakkakoti í Vesturdal og þar fæddist elsta barn þeirra hjóna, sonurinn Rafn Alaexnder. Síðan fæddust þeim hjónum 12 dætur en ein þeirra lést á öðru aldursári. ólafía var meðalkona á vöst, dökkhærð og fríð yfirlitum. Hún var kvik og létt í spori, sérstaklega lundgóð og glavær og viðmót hennar elskulegt.

Gunnar Guðjón Helgason (1929-2007)

  • S01354
  • Person
  • 21. september 1929 - 7. janúar 2007

Bakari. Var í Fagranesi, Sauðárkrókssókn, Skag. 1930. Verkstjóri hjá Hitaveitu Sauðárkróks.

Snorri Björnsson (1744-1807)

  • S01356
  • Person
  • 07.12.1744 – 22.06.1807

Faðir: Björn jónsson (1710-1763)
Bóndi á Hjaltastöðum í Flugumýrarsók, Skag. 1801. Prestur á Ríp í Hegranesi 1770-1786 og á Hjaltastöðum í Hofstaðaþingum, Skag. frá 1786 til dauðadags.

Steingrímur Matthíasson (1876-1948)

  • S01363
  • Person
  • 31.03.1876-27.07.1948

Héraðs- og spítalalæknir á Akureyri, var þar 1930, síðar í Tönder á Jótlandi og Nexsö á Borgundarhólmi.

Guðmundur Benediktsson (1901-1987)

  • S01374
  • Person
  • 06.04.1901-25.10.1987

Guðmundur Benediktsson, f. 06.04.1901 á Hrafnabjörgum í Svínadal A-Hún., d. 25.10.1987 á Akranesi. Foreldrar: Benedikt Jóhannes Helgason bóndi á Hrafnabjörgum og Guðrún Ólafsdóttir. Guðmundur missti föður sinn aðeins 6 ára gamall og fluttist tveimur árum síðar með móður sinni að Ási í Vatnsdal til móðurbróður síns, Guðmundar Ólafssonar alþingismanns, og átti þar heima til fullorðinsára. Vann hann þar að búi frænda síns og á sumrin á námsárunum og átti þar heima þar til hann gerðist prestur og fluttist að Barði. Hann hóf nám við MA og lauk þar stúdentsprófi vorið 1928. Lauk embættisprófi frá guðfræðideild HÍ 1933 og var settur sóknarprestur í Barðsprestakalli í Fljótum sama ár og þjónaði þar til 1966. Þar hafði hann einnig búskap og byggði upp húsakost á jörðinni. Tók jafnframt að sér aukaþjónustu í Fellsókn 1951-1952 og í Hofsósprestakalli öllu 1962-1963.
Guðmundur var allmörg ár í hreppsnefnd og oddviti hennar frá 1946-1950. Formaður sjúkrasamlags sveitarinnar 1945-1965. Formaður lestrarfélags Haganeshrepps 1934-1966.
Þegar Guðmundur missti konu sína sviplega tók Signý dóttir þeirra við forstöðu heimilisins en hún var skipuð skólastjóri við barnaskólann á Sólgörðum árið 1959. Þá voru þau feðgin ýmist heima á Barði eða í skólanum á Sólgörðum, sem var heimavistarskóli. Kenndi Guðmundur þá í forföllum Signýjar og þegar með þurfti. Guðmundur fluttist til Guðmundar Ólafs sonar síns sem þá bjó í Reykjavík en síðar fluttist hann með honum á Akranes.
Maki: Guðrún Sigrún Jónsdóttir, f. 1905 á Kimbastöðum í Borgarsveit. Þau eignuðust fimm börn og lést eitt þeirra fárra vikna. Ólu auk þess upp Guðfinnu Gunnarsdóttur frá 9 ára aldri.

Árni Jóhannsson (1897-1976)

  • S01379
  • Person
  • 08.10.1897-19.08.1976

Verslunarmaður í Hofsósi og gjaldkeri bæjarfógeta á Siglufirði. Síðast bús. á Siglufirði.

Sigurður Jóhann Guðmundsson (1906-1989)

  • S01390
  • Person
  • 10.01.1906-31.07.1989

Sigurður ólst upp hjá foreldum sínum á Sauðárkróki, næstyngstur fimm systkina, sem upp komust af sex. Eigi var þar auður í búi, en foreldrar Guðmundar voru dugnðarfólk og tókst að komast af við ýtrustu sparsemi og stopula daglaunavinnu, ásamt því sem faðirinn stundaði sjómennsku, þegar gafst. Reykingasalur af skipinu Víking er strandaði við Sauðárkrók um aldamót 1900 var húsakynni fjölskyldunar og rímað tæpast þessa stóru fjölskyldu. Siggi í Salnum var þekktur að dugnaði og kappsemi snemma ævi. Sjómennskan var honum eðlislæg við hana ólst hann upp. Ungur að árum hóf hann útgerð á vélbáti, sem hann keypti ásamt Helga bróður sínum og varð strax formaður. Þetta varð að mestu ævistarf hans þaðan af og þeir voru ekki margir, sem settur meiri svip á vélbátaútgerð Sauðárkróks eða voru þekktari en Siggi. Sigurður fluttist til Keflavíkur með Sigurði frænda sínum og fjölskyldu.

Ingibjörg Lovísa Albertsdóttir (1895-1955)

  • S01396
  • Person
  • 7. janúar 1895 - 22. nóvember 1955

Húsfreyja á Páfastöðum, kvæntist Sigurði Skagfield. glæsimennsku.
Þau Lovísa og Sigurður gift
ust á vormorgni lífsins. Þau áttu
sér eðlilega marga og mikla
drauma um vini, um vorfuglaklið,
um langa og beina rósabraut
lífs síns. Þau byrjuðu búskap að
Páfastöðum, vel metin, ættsæll
og vinsæl, studd fjárhagslegra
verðmæta frá báðum hliöum. En
þetta varaði skammt. Sigurði féll
ekki sveita lífið. Hafin heyrði
með sínum innri eyrum, að blás
inn var lúður og slegin var málm
gjöll í dísahöllum fjarlægra
landa. Hans þrá leitaði þangað.
Hann vissi af sínum goðborna
hæfileika og þráði að mikla
hann og stækka. Hann sleit af
sér átthagaböndin, yfirgaf heim
ili sitt, konu og börn, vini og ætt
menn og hélt út í heim til að leita
gæfunnar, frama og auðs. Þarna
var djarft teflt og teningum
kastað um frama og framtíð.—
Sigurður brauzt fram á listabraut
mni, vann marga sigra, fékk að-
dáun og lófatak þúsundanna.
Hann dvaldist langdvolum í
Þýzkalandi, !heimalandi óperunn
ar og söng þar í mörgum stórverkum.
En samt var það svo, að
honum auðnaðist ekki föst staða
rjá söngleikhúsum. Hann gat
ekki sett upp ogendurheimt heim
ili sitt með konu og börnum, sem
hann að sjálfsögðu þráði. Hon
um reyndist gangan erfið og um
oí löng upp á sigurhæðir sönglistarinnar,
enda þótt hann
þreytti skeiðið af kappi.

Ásta Bjarnadóttir (1922-2007)

  • S01398
  • Person
  • 16.02.1922-23.02.2007

Ásta Bjarnadóttir fæddist á Húsavík 16. febrúar 1922. Hún lést 23. febrúar sl.
Foreldrar Ástu voru Bjarni Benediktsson, kaupmaður á Húsavík, f. 29. september 1877, d. 24. júní 1964, og Þórdís Ásgeirsdóttir f. 30. júní 1889, d. 23. apríl 1965.

Systkini Ástu voru Ásgeir, Benedikt, Ragnheiður, Stefán, Gunnar, Vernharður, Regína Magdalena, Kristín, Bryndís, Þórdís, Hansína Margrét, Rannveig Karólína, Bjarni Benedikt og Baldur, fóstursystir Þóra Ása Guðjohnsen. Eftirlifandi systkini eru Ragnheiður, Þórdís, Bryndís, Baldur og Þóra Ása.

  1. september 1947 giftist Ásta Kjartani Sæmundssyni, kaupfélagsstjóra í Reykjavík, f. 6. apríl 1911, d. 24. apríl 1963. Sambýlismaður Ástu frá 1974 var Atli R. Ólafsson, forstjóri Atson leðuriðju, f. 4. mars 1913, d. 31. júlí 1985.

Börn Ástu og Kjartans eru Bjarni Þór, kjörsonur Kjartans, f. 22. febrúar 1940, d. 24. janúar 1990. Maki Bjarna var Hrafnhildur Björnsdóttir, f. 1. nóvember 1940; synir þeirra eru Kjartan Þór, f. 17. desember 1959, maki Þórey Sigurðardóttir; Birgir, f. 18. júlí 1962, maki Rannveig Guðmundsdóttir; Geir, f. 8. júní 1964, maki Ásta Helga Viðar; Baldur, f. 29. júlí 1977, maki Ingibjörg Guðmundsdóttir.

Ásmundur Eiríksson (1899-1975)

  • S01405
  • Person
  • 02.11.1899-12.11.1975

Skrifstofumaður í Yzta-Mó, Barðssókn, Skag. 1930. Heimili: Reykjarhóll. Forstöðumaður Hvítasunnusafnaðarins í Reykjavík.

Bjarni Eiríksson (1724-1803)

  • S01415
  • Person
  • 1724-1893

Bóndi í Djúpadal, Flugumýrarsókn, Skag. 1801. Dánarbú hans var skráð 15.4.1803.

Akrahreppur (1000-)

  • S00004
  • Félag/samtök
  • 1000-

Akrahreppur (áður kallaður Blönduhlíðarhreppur) er syðsti hreppur Skagafjarðarsýslu austan héraðsvatna. Greina má hreppinn í fjögur byggðarlög; Blönduhlíð, frá hreppamörkum við Viðvíkursveit um Kyrfisá að Bóluá; Norðurárdal frá Bóluá að Valagilsá; Kjálka frá Norðurá inn með Héraðsvötnum að Grjótárgili ; Austurdal frá Grjótárgili inn til öræfa; nokkur býli í Vallhólmi tilheyra einnig Akrahreppi. Akrahreppi þótt þau séu nú vestan Héraðsvatna, sem hafa breytt um farveg á þessum slóðum. Víðlend afréttarlönd tilheyra sveitarfélaginu, Silfrastaðaafrétt og Nýjabæjarafrétt.
Aðalatvinnuvegur er landbúnaður og er ekkert þéttbýli í sveitarfélaginu. Grunnskóli hreppsins var á Stóru-Ökrum, í félagsheimilinu Héðinsminni, frá 1949 til 2006 en í kjölfar deilna milli foreldra og kennara var hann lagður niður og síðan hefur nemendum verið ekið í skóla í Varmahlíð. Fjórar kirkjur eru í Akrahreppi, á Flugumýri, Miklabæ, Silfrastöðum og Ábæ í Austurdal en Ábæjarsókn er nú öll í eyði. Lítils háttar jarðhiti er á nokkrum stöðum í Akrahreppi og var byggð sundlaug á Víðivöllum árið 1938, sem ekki er lengur í notkun. Nú hefur hitaveita verið lögð frá Varmahlíð um mestalla Blönduhlíð.

Benedikt Sveinsson (1885-1927)

  • S01452
  • Person
  • 15.09.1885-04.07.1927

kenndur við Árbæ í spjaldskrá safnsins. Íslendingabok segir þetta;Verkamaður í Reykjavík. Vann við kolanám ríkisins í Tungunámu á Tjörnesi 1917-18.

Sigurður Stefánsson (1895-1988)

  • S01459
  • Person
  • 15.12.1895-22.04.1988

Sigurður ólst upp hjá föður sínum og stjúpmóður sem reistu bú á Þverá er Sigurður var á öðru aldursári. Dvaldist Sigurður á heimili þeirra framá fullorðinsár og voru öll ummæli hans um stjúpmóður sína mjög á besta veg. Að þverá vistaðist síðan konuefni Sigurðar og reistu þau bú árið 1916 á Rein í Hegranesi. Þar bjuggu þau í 3 ár en fluttust þá að Syðri Hofdölum í húsmennsku. Bjuggu þau í 3 ár en fluttust þá að Hjaltastaðakoti (nú Grænumýri) í Blönduhlíð í eitt ár en síðan tók húsmennska við á ný og lá um bæina Merkigarð í Tungusveit 1922-1923, Torfmýri í Blönduhlíð 1923-1924 og Ytri Húsabakka í Seyluhreppi 1924-1926, en þaðan fluttust þau til Sauðárkróks og þar stóð heimili þeirra æ síðan. Þótt búskapur þeirra hjóna framan ævinnar á bágum rýrðarkotum skilaði þeim litlum ábata nlundaði henigðin til bústarfa lengst af með Sigurði og fram á efstu ár hafði hann nokkrar skepnur sér til gamans en þó einnig til marktækra nytja um alllangt skeið líkt og margir Sauðárkróksbúar fram yfir miðja öldina. Hann keypti jörðina Sauðá árið 1958 og varð síðasti eigandi hennar altl til þess að Sauðárkróksbær yfirtók með eignarnámi. Var hann stundum kenndur við Sauðá. Sigurður stundaði lengst af verkamannavinnu, eftir að hann fluttist úr sveitinni, og vann um árabil á vegum kaupfélagsins. Hann var einn í hópi fastra starfsmanna við sláturhúsið þar sem hann starfaði sem vigtarmaður í tengslum við kjötmatsmann. Var aðdáunarvert að fylgjast með Sigurði er hann vann þetta starf sem stjórnaðist af hraða kjötskoðunarmannsins en Sigurður las af vigtinni og skrifaði nótuna samtímis þar sem ekki skakkaði um tugabrot eða dálk og engu skeikaði með frábærri rithönd og vandvirkni en nótan var frágengin samtímis og lokið var vigtun fyrir innleggjandann. Það mun hafa verið samdóma álit allra sem kynntust að vinnubrögð þessu lík væru á fárra manna færi. Um öll efni var manngerð Sigurðar sú að hann hafði allra traust sem honum kynntust, hæglátur vandaður og öruggur. Sigurður var afar vel greindur og viðhorf hans til mannlífsins jafnan jákvæð sem honum veittist auðveldara felstum örum að koma til skila í fáum orðum. Hann starfaði talsvert með Verkamannafélaginu Fram á fyrstu árum þess og vann ötullega að eflingu þess, sat í stjórn umskeið, var fylgsimaður jafnaðarhreyfingarinnar og starfaði um árabil með Alþýðuflokksfélaginu á Sauðárkróki.

Sigurlína Jónína Jónsdóttir (1922-1994)

  • S01472
  • Person
  • 31.01.1922 - 01.02.1994

Sigurlína Jónína Jónsdóttir fæddist 31. janúar 1922 á Deplum í Stíflu.
Sigurlína ólst upp að Molastöðum í Fljótum. Hún kynntist manni sínum, Björgvini Márussyni (1916-1993) er hún var kaupakona hjá móðurbróður sínum á Hraunum í Fljótum.
Þau bjuggu í Fyrirbarði. Þau hófu búskap sinn þar í torfbæ sem þau fluttu úr árið 1954. Þau brugðu búi vorið 1990 og fluttust til Sauðárkróks.
Sigurlína lést 01.02.1994 á Sauðárkróki.

Björgvin Abel Márusson (1916-1993)

  • S01473
  • Person
  • 05.11.1916 - 13.11.1993

Björgvin Abel Márusson fæddist 5. nóvember 1916 á Molastöðum í Austur-Fljótum.
Hann var bóndi á Stóru-Reykjum í Flókadal 1941-1942, á Barði 1942-1946 og í Fyrirbarði í Fljótum 1946-1990.
Sem ungur maður sótti hann sjó á opnum bátum frá Haganesvík, vann ýmis störf tengd síldinni á Siglufirði, var nokkrar vertíðir í Vestmannaeyjum og vann við Efrafellsvirkjun í Soginu.
Kona hans var Sigurlína Jónsdóttir (1922-1994).
Björgvin lést á sjúkrahúsinu á Sauðárkróki 13. nóvember 1993.

Guðrún Magnúsdóttir (1880-1956)

  • S01492
  • Person
  • 14.09.1880 - 11.06.1956

Guðrún Magnúsdóttir fæddist að Krakavöllum í Flókadal 14. september 1880.
Maður hennar var Guðmundur Jónsson (1877-1959). Þau hófu búskap í Haganesi í Fljótum, fluttu síðar í Neðra-Haganes og bjuggu þar 1905-1918. Síðan fluttu þau að Syðsta-Mói. Þau voru ætíð kennd við þann bæ. Þau fluttu til Siglufjarðar árið 1932 og áttu heima þar seinustu árin.
Guðrún lærði söng og lék á harmonikku. Hún unni skáldskap og tónlist.
Hún sá að mestu um börn og bú, en maður hennar starfaði mestmegnis utan heimilis.
Guðrún lést 11. júní 1956.

Ólöf Eyvindsdóttir (1767-1843)

  • S01495
  • Person
  • 1767-18.07.1843

Ólöf var fædd í Víðidal 1767 (Íslendingabók segir 1766). Faðir: Eyvindur Björnsson vinnumaður í Helguhvammi. Móðir: Þorgerður húsmóðir á Felli í Kollafirði.
Vitað er að Ólöf var vinnukona á Þorleifsstöðum í Blönduhlíð 1801. Kringum 1836 virðist hún vera á flakki en virðist síðast hafa verið á sveitarframfæri á Mið-Grund í Blönduhlíð.
Ólöf átti tvö börn með Sigurði Jónssyni (1742-1800) og "segir Espólín að Sigurður hafi orðið "líflaus fyrir barneignir"." Börn þessi voru Sigurlaug Sigurðardóttir (1791-1856) og Benónía Sigurðardóttir 81793-1846).

Jósef Haukur Jósefsson (1915-1999)

  • S01500
  • Person
  • 11.11.1915-03.09.1999

Var á Hólum, Hólasókn, Skag. 1930. Búfræðingur og verslunarmaður. Síðast bús. í Reykjavík.

Ólafur Ásgrímsson (1786 - eftir 1845)

  • S01517
  • Person
  • 1786 - ?

Lítið vitað um Ólaf en hann var vinnumaður á Flugmýrarhvammi í Skagafirði 1835 og niðursetningur á Miklabæ árið 1845. Ólafur átt alnafna einu ári yngri. Sá yngri fékk viðurnefnið "skárri" eða "betri" en sá eldri hafði viðurnefnið "verri".
Virðist hafa átt soninn Þorstein en ekki hafa fundist frekari upplýsingar um hann.

Sölvi Þorkelsson (1775-1850)

  • S01514
  • Person
  • 07.10.1775-16.07.1850

Sölvi er skráður sem fósturbarn á Munaþverá í Eyjafirði 1785. Árið 1801 er hann skráður sem vinnumaður á Hólum í Hólasókn, Skagafirði. Hann er prestur á Hjaltastöðum í Blönduhlíð, Skagafirði frá 1807 til 1844.
Faðir: Þorkell Ólafsson (1748-1820), prestur að Hvalnesi á Miðnesi og síðar á Hólum í Skagafirði. Var prófastur í Skagafjarðarprófastdæmi 1787 til 1805.

Eiginkona Sölva var Þórey Guðmundsdóttir (1781 - eftir 1845). Saman áttu þau a.m.k.fjögur börn (Sveinn, Jakob, Gísli og Þórarinn).

Anna Magnea Eiríksdóttir (1908-1993)

  • S01515
  • Person
  • 15.10.1908 - 10.06.1993

Anna Magnea Eiríksdóttir fæddist 15. október 1908.
Hún dvaldi lengst af hjá móður sinni, Önnu Sigríði Magnúsdóttur á Reykjahóli á Bökkum, Haganeshreppi og síðar Árna bróður sínum eftir að hann tók við búsforráðum þar.
Anna lést á Borgarspítalanum 10.06.1993.

Eiríkur Ásmundsson (1927-2004)

  • S01520
  • Person
  • 22.01.1927 - 05.08.2004

Eiríkur Ásmundsson fæddist á Stóru-Reykjum í Fljótum í Skagafjarðarsýslu 22. janúar 1927.
Eftir að hafa lokið gagnfræðaprófi frá Gagnfræðaskóla Siglufjarðar og unnið ýmis störf til sjós og lands, þá hóf hann búskap á Stóru-Reykjum árið 1950 ásamt konu sinni Huldu Ingibjörgu Magnúsdóttur (1928-).
Hann var framkvæmdastjóri Samvinnufélags Fljótamanna frá 1966 til 1973. Kaupfélagsstjóri Kaupfélags Króksfjarðar frá 1973 til 1980. Frá 1980 til 1986 var hann fulltrúi og bókari hjá KSÞ Svalbarðseyri og starfaði síðan hjá Iðnaðardeild SÍS á Akureyri frá 1986 til 1993.
Hjónin Eiríkur og Hulda ráku gistiheimilið Hamraborg á Svalbarðseyri á árunum 1994 til haustsins 2003.
Eiríkur lést á lyflækningadeild Fjórðungssjúkrahússins á Akureyri 5. ágúst 2004.

Guðrún Stefánsdóttir (1917-1995)

  • S01525
  • Person
  • 14.12.1917-28.08.1995

Foreldrar hennar voru Sigrún Haraldsdóttir húsmóðir frá Hjalteyri og Stefán Stefánsson frá Sauðárkróki, kaupmaður á Akureyri. Systkini hennar eru Helga, en hennar maður var Erik Mogensen, og Stefán, hans kona er Steinunn Hjartar. Guðrún lauk gagnfræðaprófi frá Menntaskólanum á Akureyri, og var einnig við nám í dönskum kvennaskóla. 31.5. 1941 giftist Guðrún Jörundi Pálssyni arkitekt frá Hrísey, f. 20.12. 1913, d. 6.9. 1993.

Gísli Halldórsson Kolbeins (1926-)

  • S01526
  • Person
  • 30.05.1926

Fæddur 30. maí 1926 í Flatey á Breiðafirði, A-Barð.
Hann fluttist nokkurra vikna gamall að Stað í Súgandafirði. Árið 1951 var sr. Gísli vígður til prests og tók við embætti sóknarprests í Sauðlauksdal. Hann þjónaði síðan Melstaðarprestakalli frá 1954 til 1977 og Stykkishólmi frá 1977 til 1992, en þá fór sr. Gísli á eftirlaun.
Meðfram embættisstörfum sínum var sr. Gísli með búskap í Sauðlauksdal og á Melstað, en þegar hann tók við embætti í Stykkishólmi fékk hann sér trillu og stundaði eggjatöku og nýtti æðardún í Breiðafjarðareyjum eins og forfeður hans gerðu. Eftir það leysti hann af víða um land, en hefur undanfarin ár stundað fræðistörf, og hefur m.a. rannsakað og skrifað rit um Vatnsenda-Rósu, störf hennar og ævi.
Kona sr. Gísla er Sigríður Ingibjörg Bjarnadóttir Kolbeins (1927-) frá Brekkubæ í Nesjum.

Magnús Eiríksson (1951-)

  • S01536
  • Person
  • 17.11.1951

Magnús Eiríksson fæddist 17. nóvember 1951. Foreldrar hans: Eiríkur Ásmundsson og Hulda Ingibjörg Magnúsdóttir.
Kona hans er Guðrún Ólöf Pálsdóttir (1955-), Siglufirði.

Steinar Ingi Eiríksson (1954-)

  • S01540
  • Person
  • 21.04.1954

Steinar Ingi Eiríksson fæddist 21. apríl 1954.
Kona hans er Ólína Sigríður Jóhannsdóttir.

Jóhannes Pálsson (1890-1970)

  • S01544
  • Person
  • 29.08.1890-08.11.1970

Trésmiður og málari á Akureyri 1930. Húsamálari í Reykjavík. Síðast bús. í Reykjavík.

Anna Sigurbjörg Jóhannsdóttir (1927-2006)

  • S01545
  • Person
  • 05.02.1927 - 06.09.2006

Anna Sigurbjörg Jóhannsdóttir fæddist 5. febrúar 1927 á Skriðulandi í Kolbeinsdal í Skagafirði.
Maður hennar var Ásgeir Sæmundsson (1923-2007), rafmagnstæknifræðingur. Þau kynntust árið 1948 og hófu búskap hjá föður Ásgeirs á Spítalastígnum í Reykjavík. Þau giftu sig árið 1953 og fluttu um svipað leyti að Snekkjuvogi 3. Árið 1956 fluttu þau á Fornhaga 11 og bjuggu þar að frátöldum Andakílsárunum. Yngsta dóttir þeirra bjó hjá þeim, ásamt dóttur sinni.
Anna lést í Reykjavík 6. september 2006

Ármann Helgason (1899-1977)

  • S01552
  • Person
  • 01.01.1899-03.01.1977

Ármann ólst upp hjá foreldrum sínum á Hofi 1899-1901. á Spáná í Unadal 1901-1902, Geirmundarhóli í Hrolleifsdal 1902-1910 og Kappastöðum í Sléttuhlíð 1910-1911, en foreldar hans bjuggu þar til 1915. Hann mun ungur hafa þurft að taka til hendi. Foerldar fátæk og búferlafluttingar tíðir. Árið 1913 var Ármann sem hjú að Ríp í Hegranesi og var þar til vors 1917. Þá fór hann að Eyhildarholti og var þar í ár. Síðan að Ási og var þar til vors 1924, að hann fór í Vatnskot til vorsins 1927-1930. Árið 1930 var hann talinn til heimilis að Hamri hjá Hróbjarti Jónassyni mági sínum, þá skráður sem símamaður að atvinnu.
Árið 1931 fór Ármann til Sauðárkróks og hóf störf hjá Kaupfélagi Skagfirðinga. Þar vann hann margvísle störf, s.s. við fiskvinnslu og sláturhússtörf og fl. Hann vann hjá KS í hinum ýmsu störfum meðan heilsa og þrek entist.

Hólmfríður Jónsdóttir (1812-1871)

  • S01672
  • Person
  • 1812-06.04.1871

Hólmfríður Jónsdóttir fæddist árið 1812 og átti a.m.k. fimm systkini. Var á Efri-Glerá, Lögmannshlíðarsókn, Eyj. 1816 ásamt fjölskyldu sinni. Faðir hennar var Jón Sveinsson (1771-1840) og móðir var Þóra Torfadóttir (1769-1853). Hjúskaparstaða þeirra er óljós samkvæmt manntali 1816. Í manntalinu 1835 er hún skráð sem vinnukona í Djúpadal, Akrahreppi en þar virðist einnig dvelja Þóra móðir hennar og Jóhanna yngri systir Hólmfríðar. Í Ministerialbók segir að Hólmfríður nokkur Jónsdóttir hafi flutt frá miðgrund að Höskuldsstöðum 1836. Í manntalinu 1840 er hún skráð vinnukona á Þverá, Akrahreppi. Árið 1845 er hún skráð sem vinnuhjú í Uppsölum, Akrahreppi, húskona í Réttarholti 1850 og vinnukona í Búðarnesi, Myrkársókn í Eyjafirði árið 1870.

Samkvæmt bréfi í bréfasafni hreppstjóra Akrahrepps eignaðist Hólmfríður barn með Jóni Illugasyni árið 1834 en í bréfinu er hún sögð vera vinnukona á Höskuldsstöðum. Engar frekari heimildir finnast um þetta barn.

Jón Guðmundsson Klæðskeri

  • S01560
  • Person
  • ?

Klæðskeri í Reykjavík og Sauðárkróki, ættaður frá Bakkakoti í Lýtingsstaðarhrepp.

Ingveldur Jónsdóttir (1839-1907)

  • S01561
  • Person
  • 04.01.1839-03.07.1907

Húsfreyja í Krossanesi, Seyluhr., Skag., síðar á Hofsósi. Var á Felli, Fellssókn, Skag. 1845.

Magnús Einar Jóhannsson (1874-1923)

  • S01565
  • Person
  • 27.07.1874-23.12.1923

Magnús ólst upp í Arabæ hjá foreldrum sínum. Hann gekk í Latínuskólann í Rvík og lauk þaðan stúdentsprófi þaðan vorið 1898 ogfrá Læknaskólanum í Rvík í júní 1898. Sumarið 1897 var hann aðstoðarmaður hjá Fr. Zeuten héraðslækni á Eskifiri. Haustið 1898 var hann settur héraðslæknir í Sauðárkrókshérðai til næsta vors og sat á S.króki. Árið 1899-1900 var hann skipaður héraðslæknir í Hofsóshéraði, sem þá var ný stofnað og gegndi því embætti til æviloka. Magnús var meðalmaður á hæð, beinvaxinn og grannvaxinn og léttur í spori. Hann var snyrtimenni í klæðaburði og umgengni sv af bar. Allt frá æskuárum hafði hann mikinn áhuga á leiklist, tók sjálfur þátt í leiksýningum skólapilta öll sín skóla ár, og stjórnaði leikskýningum á S.króki veturinn, sem hann dvaldist þar. Mun honum hafa verið nokkur eftirsjá að þessu hugðarefni en þá verandi landlækni Guððmundi Björnssyni þótti ekki hæfa að héraðslæknar fengjust við slíkan leikaraskap. Magnús hafði óvenju næmt eyra fyrir tónlist og sat sig ekki úr færi að njóta, ef hann mátti, sem sjaldan bar þó við eftir að hann fluttist í hérað sitt. Magnús var áægtur námsmaður og honum lét vel að fræði. Hann átti auðvelt með að setja fram skoðanir sínar í ræðu og riti, enda oft til hans leitað, ef flytja þurfti erindi eða tækifærisræðu, enda oft til hans leitað, ef flytja þurfti erindi eða tækisfærisræðu á samkomu. Hann var mikill bókaunnandi og fylgdist vel með bæði í íslenskum bókmenntum og fræðigrein sinni og átti sjálfur gott bókasafn. Lét hann sér einnig mjög annt um Lestrarfélag Hofshrepps, var í stjórn þess og annaðist bókakaup þess og bókavörxlu á heimili sínu um langt árabil. Einnig annaðist hann um tíma útgáfu á handskrifuðu sveitarblaði, Höfðstrendingi, á vegum Málfundafélags staðarins og skrifaði það að miklu leyti einn. Kom hann þar á framfæri ýmsum áhugamálum sínum, sem vörðuðu hagt byggðarlagsins. Daglegu lífi sínu, ef frá eru talin embættisstörfin, lýsir Magnús sjálfur með þessari stöku:

Skrifa mér til skemmtunar.
Skýst út vísa stunum.
Um þarfamál, ef þráttað var,
þá er að sitja á fundum.

Læknisstörf sín rækti hann af mikilli samviskusemi, oft við mikla örðugleika í víðáttumiklu og samgönguvana héraði, er ein vitjunin tók við af annarri, jafnvel svo dögum skipti. Embættisskýrslur sínar færði hann með þeirri nákvæmni og reglusemi sem honum var í blóð borin. Miðað við þær aðstæður, sem völ var á um hans daga, mun ekki ofsagt að hann hafi verið farsæll læknir, og fór af því, að honum hefði heppnast vel fæðingarhjálp. Aldrei var Magnús fjáður maður, sem var er að vænta miðað við kjör héraðslkna þeirra tíma, auk þess sem þorri héraðsbúa bjó á þeim árum við mikla fátækt. Á fyrstu embættisárum sínum reisti Magnús sér allstórt íbúðarhús á bökkum innan við Hofsós. Hann ræktaði túnblett kringum húsið, en hafði auk þess grasnytjar á ýmslum stöðum til ársins 1916, er hann festi kaup á jörðinni Hugljótsstöðum á Höfðaströn sem hann nytjaði síðan. Magnús lést úr heilahimnubólgu eftir fárra daga legu á sjúkrahúsi Sauðárkróks. Hann var jarðsettur í kirkjugarðinum við Suðurgötu í fæðingarbæ sínum í Reykjavík.

Guðrún Þorsteinsdóttir (1876-1957)

  • S01567
  • Person
  • 25.09.1876-06.03.1957

kona Bjarna frá Vogi. Húsfreyja á Smiðjustíg 7, Reykjavík 1930. Húsfreyja í Reykjavík 1945. Kennslukona á Sauðárkróki.

Svanhildur Bjarnadóttir (1937-2002)

  • S01600
  • Person
  • 08.02.1937-05.01.2002

Svanhildur Bjarnadóttir fæddist í Reykjavík 8. febrúar 1937. Hún lést af slysförum 5. janúar síðastliðinn. Foreldrar hennar eru hjónin Bjarni Pálsson vélstjóri, f. 27. júlí 1906, d. 17. febrúar 1967, og Ásta Jónasdóttir, f. 9. nóvember 1911. Bræður Svanhildar eru: Jónas, f. 23. júní 1938, maki Kristín Guðrún Hjartardóttir, og eiga þau einn son; og Svavar, f. 26. júlí 1943, maki Brynja B. Halldórsdóttir, og eiga þau þrjú börn.
Árið 1956 giftist Svanhildur Þórarni Guðmundssyni, f. 9. júní 1936, d. 12. október 1995. Synir þeirra eru: 1) Bjarni, f. 4. mars 1957, maki Magnea Ingólfsdóttir; 2) Guðmundur Týr, f. 19. júlí 1958, maki Marsibil Jóna Sæmundsdóttir; Guðmundur á fimm börn úr fyrri sambúðumog tvö barnabörn; 3) Ragnar, f. 16. febrúar 1961, maki Elizabeth Jacobsen sem á tvö börn af fyrra hjónbandi; búsett í Bergen. Árið 1963 giftist Svanhildur Sigurði A. Magnússyni, f. 31. mars 1928. Synir þeirra eru: 1) Magnús Aðalsteinn, f. 23. júní 1964, maki Ragnheiður Valdimarsdóttir, og eiga þau eina dóttur; 2) Sigurður Páll, f. 13. desember 1968, maki Hulda Magnúsdóttir, og eiga þau tvo syni. Hálfsystur bræðranna eru: 1) Kristín, f. 14. október 1953, maki Gunnar Valur Jónsson, og eiga þau þrjú börn; 2) Hildur, f. 27. júlí 1957, maki Kristján Vattnes Sævarsson; Hildur á þrjú börn af fyrra hjónabandi; 3) Þeódóra Aþanasía f. 23. desember 1991. Sambýlismaður Svanhildar undanfarin ár var Bæringur Guðvarðsson, f. 9. júní 1928.

Svanhildur lauk gagnfræðaprófi 1953 og stundaði nám í hraðritun í Bretlandi um eins árs skeið. Hún vann hjá Skipaútgerð ríkisins frá 1961 til 1964. Árið 1974 réð hún sig á skrifstofu Flugleiða og starfaði þar uns hún fór utan með manni sínum vorið 1978. Heimkomin haustið 1980 var hún um skeið auglýsingastjóri Þjóðviljans, starfaði því næst hjá Hafskipum og síðan ferðaskrifstofunni Faranda en hvarf aftur til Flugleiða árið 1990 og starfaði þar fram á haust 2001.

Vettvangur (1978-1979)

  • S01613
  • Corporate body
  • 01.01.1978-01.01.1979

Vettvangur gaf út blaðið Vettvangur blað frjálsra skoðanaskipta árið 1978. Út komu 10 tölublöð, það síðasta var jólablaðið sem kom út í desember 1978. Hreinn Sigurðsson, prentari, var ritstjóri og ábyrgðarmaður blaðsins en blaðið var prentað í Myndprenti á Sauðárkróki.

Ný útsýn (1969-1970)

  • S01617
  • Félag/samtök
  • 01.01.1969-01.07.1970

Í ársbyrjun 1969 hóf Alþýðubandalagið útgáfu blaðs, sem ætlað var að koma út 8-10 sinnum á ári hverju og bar nafnið Ný útsýn. Var blaðið gefið út fram á mitt ár 1970.

Þórður Kristinsson (1885-1929)

  • S01608
  • Person
  • 01.11.1885-11.10.1929

Kaupmaður á Ísafirði. spjaldskrá og islendingabok.is greinir á um fæðingarár annars vegar 1885-1886

Bjarni Sigmundsson (1898-1978)

  • S01619
  • Person
  • 22.02.1898-28.06.1978

Bjarni Sigmundsson, f. 26.02.1898, d. 28.06.1978.Foreldrar: Ingibjörg Einarsdóttir, f. 1853.
Maki: Guðrún Snorradóttir f. 1896, frá Garðakoti í Hjaltadal. Þau eignuðust fjögur börn (þ.á.m. Bessi Bjarnason þjóðkunnur leikari). Þau hófu búskap sinn í Tungu við Suðurlandsbraut, reistu seinna nýbýlið Hlíðarhvamm í Sogamýri en bjuggu lengst af í Skipasundi 24. Þar bjuggu einnig tveir synir þeirra ásamt eiginkonum og átta börnum. Árið 1970 fluttu þau hjónin á Hrafnistu og þar bjó Bjarni til dánardags.

Guðmundur Gíslason (1864-1954)

  • S01628
  • Person
  • 18.12.1864-25.10.1954

Þegar Guðmundur var þriggja ára missti hann föður sinn, en móðir hans giftist aftur.Guðmunduru ólst upp ásamt systrum sínum tveim. Hann mun snemma hafa farið að vinna fyrir sér og unnið öll algeng störf þar vestra, fyst á Ströndum og síðar í Húnavatnssýslu. Tvítugur að aldri flyst hann til Skagafjarðar ásamt móður sinni og stjúpa. Mun fyrst hafa verið á Gvendarstöðum á Staðarfjöllum og kvænist þar árið 1891. Reisir bú á Hryggjum 1893 og býr þar til 1898, flyst þá að Hlíðarenda við Sauðárkrók og til Sauðárkróks árið 1900 og býr þar til dauðadags. Á Sauðárkróki voru þau hjón lengi í bæ, er stóð á mölinni sunnan árinnar og var löngum við Guðmund kenndur og kallaður "Guðmundarbær". Hann er nú löngu horfinn og steinhús risið á lóðinni. Er það húsið nr. 24 við Freyjugötu.Guðmundur missti konu sína árið 1940, en var eftir það nokkur ár hjá syni sínum, Jóni Eðvald, en árið 1948 fluttist hann til Helgu dóttur sinnar og manns hennar, Stefáns Jóhannessonar. Var hann þá blindur orðinn og farinn að heilsu og kröftum. Hjá þeim andaðist hann og vantaði þá aðeins tvær vikur til að verða níræður. Guðmundur var alltaf fremur fátækur. Einkum voru búskaparár hans á Hryggjum honum erfið. Voru þá mikil harðindaár, sem urðu bændum þungí skauti, einkum þeim er á erfiðum fjallakotum bjugu og síðla vetrar 1898 var svo komið að harðdægir skuldaheimtumenn gengu svo hart fram, að eignir þeirra hjóna dauðar og lifandi, voru seldar á uppboði. Svo langt var gengið, að matarílát fólksins voru tekin og jafnvel rúmfötin úr rúmunum. Uppboðið hljóp á 223 krónur, og mun það hafa nægt, til að allir fengju sitt, en þau hjón stóðu uppi algerlega eignalaus með 3 ung börn. Þrátt fyrir þetta mikla áfall tókst þeim með frábærri eljusemi og dugnaði að framfleyta sér án þess að sækja nokkurn tíma um né þiggja opinbera hjálp.

Magnús Halldórsson Magnússon (1932-2015)

  • S01636
  • Person
  • 06.11.1932-04.01.2015

Magnús Halldórsson Magnússon, f. 06.11.1932 á Sauðárkróki. Foreldrar: Magnús Halldórsson, f. 1891 og Hólmfríður Elín Helgadóttir, f. 1900. Ólst upp hjá hjónunum Magnúsi Helgasyni f. 1896 og Jónínu Guðmundsdóttur f. 1893 í Héraðsdal. Bifvélavirkjameistari og sjálfstæður atvinnurekandi í Hafnarfirði.
Maki: Sigríður Bjarnadóttir, f. 22.03.1932.

Rósa Jensdóttir Eriksen (1929-1993)

  • S01639
  • Person
  • 11.05.1929-21.11.1993

Rósa Petra Jensdóttir, f. 11.05.1929. d. 25.11.1993. Foreldrar: Jens Pétur Eriksen og Sigríður Amalía Njálsdóttir.
Rósa tók gagnfræðapróf á Akureyri 1947 og var síðan einn vetur á húsmæðraskólanum á Löngumýri, 1949-1950. Hún byrjaði snemma að vinna á símstöðinni á Sauðárkróki.
Maki: Karl Salómonsson frá ísafirði. Fyrstu árin bjuggu þau í Kópavogi. Þau eignuðust fjögur börn, en fyrsta barnið dó nýfætt. Karl lést árið 1970 langt fyrir aldur fram. Rósa vann hjá Landsímanum í Reykjavík sem talsímavörður og varðstjóri og í nokkur ár var hún verslunarstjóri í Ás-verslunum.
Árið 1973 fluttist Rósa vestur í Hrútafjörð og giftist Jósep Rósinkarsyni bónda á Fjarðarhorni. Hann var ekkjumaður með fimm börn og tók Rósa þar við stóru heimili sem hún stýrði í um 15 ár en þá skildu leiðir þeirra. Rósa fluttist þá suður aftur og vann á langlínumiðstöðinni í Reykjaví meðan heilsa leyfði.

Niðurstöður 1 to 85 of 5156