Showing 6402 results

Authority record

Guðbjörg Þorvaldsdóttir (1925-1992)

  • S00112
  • Person
  • 15. mars 1925 - 15. des. 1992

Dóttir Þorvaldar Guðmundssonar og Salómear Pálmadóttur. Fædd í Brennigerði í Borgarsveit, Skag. 15. mars 1925. Síðast búsett í Reykjavík.
Maki 1: Sveinn Guðmundsson á Sauðárkróki
Maki 2: Erlendur Þórðarson.

Anna Pála Guðmundsdóttir (1923-2018)

  • S00113
  • Person
  • 2. sept. 1923 - 24. des. 2018

Dóttir Dýrleifar Árnadóttur frá Utanverðunesi og Guðmundar Sveinssonar frá Hóli í Sæmundarhlíð, síðar full­trúi og skrif­stofu­stjóri Kaup­fé­lags
Skag­f­irðinga. Anna Pála giftist Ragnari Pálssyni frá Þrastarstöðum, síðar útibússtjóri Búnaðarbankans á Sauðárkróki og eignuðust þau 7 börn.

Sigrún Sigríður Pétursdóttir (1922-1987)

  • S00114
  • Person
  • 21.06.1922 - 31.05.1987

Sigrún Sigríður Pétursdóttir fæddist á Sauðárkróki 21. júní 1922. Foreldrar hennar: Pétur Hannesson og Sigríður Sigtryggsdóttir.
Sigrún var húsfreyja á Sauðárkróki og jafnframt skrifstofumaður á bæjarskrifstofu Sauðárkróks.
Maður hennar: Árni Ásgrímur Þorbjörnsson (1915-2005), lögfræðingur og kennari.
Kjörsonur þeirra: Þorbjörn Árnason (1948-2003), lögfræðingur.
Sigrún lést á Sauðárkróki 31. maí 1987.

Hanna Ingibjörg Pétursdóttir (1926-2012)

  • S00115
  • Person
  • 08.08.1926-31.01.2012

Hanna I. Pétursdóttir fæddist á Sauðárkróki 8. ágúst 1926. Hún andaðist á Droplaugarstöðum hinn 31. janúar 2012. Hanna var eitt þriggja barna hjónanna Péturs Hannessonar, póst- og símstöðvarstjóra, og Sigríðar Sigtryggsdóttur. Hanna gekk í barna- og unglingaskóla á Króknum, stundaði nám við MR veturinn 1942-3 og lauk þaðan gagnfræðaprófi en hvarf síðan aftur norður og vann við afgreiðslustörf. Veturinn 1944-45 stundaði hún nám við Húsmæðraskólann á Laugalandi í Eyjafirði. Þá lá leiðin aftur suður þar sem hún starfaði í verslunum í Reykjavík, m.a. hinni rómuðu Haraldarverslun.

Hanna kynntist verðandi eiginmanni sínum, Svavari Júlíussyni, bifvélavirkjameistara og verkstjóra hjá Vegagerð ríkisins, árið 1946 og þau gengu í hjónaband hinn 25. október 1947. Börn Hönnu og Svavars urðu fjögur. Hanna vann heimavið meðan börnin voru yngri en sinnti þó ýmsum störfum utan heimilis annað slagið. Eftir að hún varð ekkja, nýorðin fimmtug, vann hún lengst af hjá Gjaldheimtunni í Reykjavík og unni þeim vinnustað af heilum hug. Hún var mikill Skagfirðingur í sér þótt hún flytti ung suður og heimsótti Krókinn sinn reglulega. Hanna sat í stjórn Skagfirðingafélagsins í Reykjavík um hríð og var ötul í starfi kvennadeildar félagsins um árabil.

Dagbjört Anna Magnúsdóttir (1865-1937)

  • S001152
  • Person
  • 15. júní 1865 - 4. apríl 1937

Húsfreyja á Hraunum í Fljótum, Skag. Húsfreyja í Reykjavík 1910. Kvæntist Einari Baldvini Guðmundssyni (eldri) á Hraunum á Fljótum.

Kári Steinsson (1921-2007)

  • S00116
  • Person
  • 1921-2007

Fæddur í Neðra-Ási í Hjaltadal, Skag. 2. apríl 1921. Foreldrar hans voru Steinn Stefánsson og og Soffía Jónsdóttir bændur í Neðra-Ási í Hjaltadal. ,,Átján ára fór Kári að Laugarvatni og stundaði nám við Alþýðuskólann í tvo vetur og Íþróttaskólann þriðja veturinn. Hann útskrifaðist sem íþróttakennari 1942. Eftir nám á Laugarvatni sinnti Kári svokallaðri umferðarkennslu í íþróttum víða um land um tíma. Hann fór m.a. gangandi yfir heiðar til að sinna þeirri fræðslu, stundum á skíðum. Í tuttugu sumur vann Kári við skurðgröft og framræslu hjá búnaðarsamböndum í Skagafirði og A-Húnavatnssýslu, en á veturna vann hann ýmis verkamannastörf hjá Kaupfélagi Skagfirðinga, fór á vertíð o.fl. Kári sinnti sundkennslu í Skagafirði og víðar um árabil, auk þess að vera prófdómari í sundi og leikfimi. Hann starfaði í nokkur ár hjá Útgerðarfélagi Skagfirðinga, en síðustu starfsárin, 1982-1991, var hann vaktstjóri við Sundlaug Sauðárkróks." Eiginkona Kára var Dagmar Valgerður Kristjánsdóttir frá Róðhóli í Sléttuhlíð, þau eignuðust fimm börn.

Jóhanna Jónsdóttir (1865-1945)

  • S001165
  • Person
  • 17. des. 1865 - 14. des. 1945

Dóttir Jóns Jónssonar b. í Hátúni og k.h. Guðrúnar Steinsdóttur. Jóhanna kvæntist Pétri Jóhannssyni b. á Húsabakka í Seyluhreppi, þau fluttu til Vesturheims 1899, börn þeirra fædd á Íslandi voru sex.

Kristján Skagfjörð Jónsson (1921-1996)

  • S00117
  • Person
  • 18. júlí 1921 - 17. feb. 1996

Kristján fæddist á Sauðárkróki og var sonur Áslaugar Sigvaldínu Egilsdóttur og Jóns Ingvars Guðmundssonar. ,,Kristján ólst upp á Sauðárkróki og stundaði þar ýmis störf í æsku. Hann vann lengi hjá Vita- og hafnamálastofnun við byggingar á vitum víða á landinu. Lengst af var hann starfsmaður Sementsverksmiðju ríkisins, eða frá 1956 til 1991 og var verkstjóri í mörg ár í líparítnámu fyrirtækisins hjá Þyrli í Hvalfirði." Kristján giftist Rósu Sigurðardóttur og eignuðust þau tvö börn.

Stefán Halldór Halldórsson (1880-1955)

  • S00118
  • Person
  • 1880-1955

Stefán Halldór Halldórsson
Fæddur í Stóra-Dunhaga í Hörgárdal, Eyj. 11. nóvember 1880
Skósmiður á Sauðárkróki 1930.

Hjörtur Laxdal (1908-1946)

  • S00120
  • Person
  • 1908-1946

Fæddur á Skíðastöðum á Laxárdal ytri, Skag. 21. desember 1908. Látinn í Reykjavík 12. maí 1946.
Sjómaður, rakari og kaupsýslumaður á Sauðárkróki. Ókvæntur og barnlaus.

Gunnþórunn Sveinsdóttir (1885-1970)

  • S00121
  • Person
  • 1885-1970

Fædd í Borgarey í Vallhólmi, Skag. 2. febrúar 1885. Látin í Reykjavík 18. nóvember 1970.
VInnukona á Skíðastöðum, Hvammssókn, Skag. 1910. Bóndi á Mælifellsá á Efribyggð, Skag. Gistihúsrekandi og kaupkona á Sauðárkróki. Síðast bús. í Reykjavík.
Gaf út bókina; Gleym mér ei.

Sigvaldi Jónsson (1919-1993)

  • S00122
  • Person
  • 25. jan. 1919 - 8. júlí 1993

Fæddur í Mósgerði í Flókadal, Skag. 25. janúar 1919
Látinn í Reykjavík 8. júlí 1993
Var á Sauðárkróki 1930. Vinnumaður víða.
Sjómaður á Dalvík og síðar í Reykjavík. Síðast bús. í Reykjavík.

Bjarni Magnússon (1928-1958)

  • S00123
  • Person
  • 1928-1958

Fæddur í Ásgarði í Hvammshr., Dal. 19. ágúst 1928. Látinn 26. febrúar 1958.
Síðast bús. í Oklahoma. Maki: Ethelen Magnusson.

Sigrún Þórey Hjálmarsdóttir (1915-2019)

  • S00124
  • Person
  • 28. sept. 1915 - 4. júlí 2019

Sigrún Þórey Hjálmarsdóttir var fædd í Eyjafjarðarsýslu 28. september 1915. ,,Sigrún var fjóra vet­ur í far­skóla, nokkr­ar vik­ur á hverj­um vetri. Einn vet­ur var hún í Hús­mæðraskól­an­um á Laugalandi í Eyjaf­irði og lauk ljós­mæðraprófi frá Ljós­mæðraskóla Íslands 1944. Hún starfaði sem ljós­móðir í Hrafnagils­hreppi og Saur­bæj­ar­hreppi 1944-1958 og í Öng­ulsstaðahreppi 1947-1958. Hafði aðset­ur á Espi­hóli í Hrafnagils­hreppi þann tíma. Árið 1960 gift­ist hún Ólafi Ru­ne­bergs­syni, bónda og hand­verks­manni í Kár­dalstungu í Vatns­dal og bjuggu þau þar síðan. Sigrún og Ólaf­ur eignuðust einn son.
Sigrún var á 104. aldursári þegar hún lést.

Jón Þórarinsson (1911-1997)

  • S00125
  • Person
  • 12.11.1911-23.02.1997

Jón Dal Þórarinsson var fæddur í Jórvík í Hjaltastaðaþinghá í Norður-Múlasýslu 12. nóvember 1911. Hann var bóndi og búfræðingur í Efra-Holti í Tunguhlíð og einnig á Efra-Lýtingsstaðakoti. Hann bjó seinast í Reykjavík. Kona hans var Sigurveig Jóhannesdóttir (1915-2005). Jón lést í Reykjavík 23. febrúar 1997.

Elínborg Lárusdóttir (1891-1976)

  • S00126
  • Person
  • 12.11.1891-05.11.1976

Elínborg Lárusdóttir fæddist á Tunguhálsi í Lýtingsstaðahreppi í Skagafirði 12. nóvember 1891. Maður hennar var Ingimar Jónsson (1891-1982), prestur og skólastjóri. Hún lést 5. nóvember 1976.

Kristín Jónsdóttir (1886-1948)

  • S00127
  • Person
  • 25. jan. 1886 - 1. júní 1948

Foreldrar: Jón Þorláksson b. í Brekkukoti ytra í Blönduhlíð og 3. k. h. Steinunn Björnsdóttir frá Miðhúsum í Óslandshlíð. Hún var húsfreyja á Þorsteinsstöðum í Tungusveit, Lýtingsstaðahreppi. Maður hennar var Stefán Jónatansson (1892-1936) bóndi á Þorsteinsstöðum.

Brunabótafélag Íslands (1917-)

  • S00128
  • Organization
  • 1916

Brunabótafélag íslands var stofnað árið 1917 og er starfandi enn þann daginn í dag sem eignarhaldsfélag. Í upphafi var því veittur einkaréttur til að brunatryggja húseignir utan Reykjavíkur. Eftir lagabreytingu á sjötta áratugnum hófst samkeppni við önnur vátryggingafélög. Í lok níunda áratugarins varð það helmingseigandi að öflugu félagi með stofnun Vátryggingafélags Íslands hf. Með nýrri löggjöf árið 1994 er því breytt í Eignarhaldsfélagið Brunabótafélag Íslands. Hlutverk félagsins er að stuðla að eflingu brunavarna og slökkviliða svo og alhliða forvarnarstarfs í sveitarfélögunum. Hefur félagið stutt við ýmis verkefni á sviði bruna- og forvarna sem eru sveitarfélögunum til hagsbóta. Hafa þau m.a. verið unnin í nánu samstarfi við Brunamálastofnun og Landssamband slökkviliðs- og sjúkraflutningamanna.

Ólafur Sveinsson (1927-)

  • S00129
  • Person
  • 03.09.1927

Ólafur Sveinsson fæddist þann 3. september 1927. Hann var læknir á Sauðárkróki.

Árni J. Jóhannsson (1873-1955)

  • S00130
  • Person
  • 02.07.1873-12.09.1955

Árni var fæddur á Steinsstöðum í Lýtingsstaðahreppi í Skagafirði þann 2. júlí 1873. Hann fór til Vesturheims árið 1876 frá Steinstöðum. Bóndi á föðurleifð sinni við Hallson, N-Dakota, USA og líklega fleiri stöðum. Kona hans var Anna Guðbjörg Björnsdóttir Johnson (1879-1953). Árni lést í Hallson 12. september 1955.

Árni Þorbjörnsson (1915-2005)

  • S00131
  • Person
  • 10.06.1915-29.06.2005

Árni Ásgrímur Þorbjörnsson fæddist á Geitaskarði í Langadal, Engihlíðarhreppi í Austur-Húnavatnssýslu þann 10. júní 1915. Árni var lögfræðingur og kennari á Sauðárkróki. Hann sat í bæjarstjórn 1958-1968. Kona hans var Sigrún Sigríður Pétursdóttir (1922-1987). Kjörsonur þeirra var Þorbjörn Árnason (1948-2003).
Árni lést á Sauðárkróki 29. júní 2005.

Ásgrímur Hartmannsson (1911-2001)

  • S00132
  • Person
  • 13.07.1911-13.08.2001

Ásgrímur Hartmannsson fæddist í Kolkuósi í Skagafirði þann 13. júlí 1911. Hann var bæjarstjóri, kaupmaður og framkvæmdastjóri á Ólafsfirði.
Kona hans var Helga Jónína Sigurðardóttir (1917-2005).
Ásgrímur lést á Ólafsfirði 13. ágúst 2001.

Bruno Scweizer (1897-1958)

  • S00133
  • Person
  • 3.5.1897-11.11.1958

Bruno Schweizer fæddist 3. maí 1897 í Dissen við Ammervatn í Bæjaralandi. Hann stundaði nám í germönskum fræðum við háskólana í Munchen, Innsbruck og Freiburg og lauk doktorsprófi í þjóðfræði árið 1925.

Á árunum 1927-1931 starfaði hann við Sprachatlas málvísndastofnunina í Marburg en 1931 sneri Bruno aftur á heimaslóðir og starfaði við háskólann í Munchen. Á árunum 1935-1936 ferðaðist Bruno á eigin vegum um Ísland þar sem hann gat stundað þjóðfræðirannsóknir. Í ferðunum tók hann yfir 1000 ljósmyndir, sem margar hverjar eru einstakar í sinni röð, enda lýsa þær samfélagi sem var á hverfanda hveli, en tæknibyltingin hafði þegar hafið innreið sína í íslenskar sveitir. Í ferðum sínum um Ísland kynntist hann konu sinni Þorbjörgu Jónsdóttur frá Heiðarseli á Síðu, Flutti Þorbjörg með manni sínum til Þýskalands og eignuðust þau tvo syni, Helga og Gunnar.

Í stríðinu urðu þeir atburðir sem áttu eftir að reynast fjölskyldunni afdrifaríkir. Árið 1940 stóðu fyrir dyrum þjóðflutningar þýskumælandi fólks frá Suður-Tírol á Ítalíu til Þýskalands og var hlutverk Brunos að skrá menningarverðmæti sem flytja átti. Vann hann að margvíslegum rannsóknum á lifnaðarháttum og tungumáli Tírol þjóðverjana og tók upp mikið magn af töluðu máli, sem enn er verið að rannsaka af málvísindamönnum. Þetta verkefni vann hann undir stjórn Ahnenerbe, stofnun sem hafði sitthvað á samviskunni og var undir stjórn SS og Heinrich Himmler. Að loknu stríði var hann handtekinn, eins og aðrir sem líkt var á fyrir komið og fluttur í gæslubúðir í Garmisch. Þar sat hann í 11 mánuði án ákæru, enda var hann aldrei í nasistaflokknum eða hafði unnið óhæfuverk í þeirra nafni.

Að loknu gæsluvarðhaldinu tókst fjölskyldunni að flytja til Íslands, árið 1948 og dvaldist Bruno hér á landi til hausts 1949 er hann fór aftur heim til Diessen. Erfitt reyndist fyrir hann að fá starf við sitt hæfi á Íslandi og fjölskyldan fylgdi á eftir árið 1952. Hagur fjölskyldunnar virtist vænkast á ný og Bruno fékk verkefni við sitt hæfi. Hins vegar var Bruno ekki heilsuhraustur og þann 11. nóvember 1958 lést hann úr hjartaáfalli.

Eftir lát manns síns bjó Þorbjörg áfram í Diessen ásamt sonum sínum. Helgi varð doktor í sálfræði og er prófessor við háskólann í Innsbruck. Gunnar starfar við forna iðn Schweizerættarinnar og rekur tinverksmiðju í Diessen. Árið 1990 sneri Þorbjörg aftur heim til Íslands og settist að í dvalarheimilinu Klausturhólum á Kirkjubæjarklaustri. Þar lést hún 31. janúar 2002 99 ára að aldri.

Eins og áður sagði eru ljósmyndir Brunos einstakar á margan hátt. Hann var nákvæmur þegar kom að því að taka myndir af fornum byggingum eða starfsháttum en hafði einnig auga fyrir myndbyggingu og skemmtilegum augnablikum. Mannamyndir hans eru sterkar og svipbrigðin njóta sín vel ekki síst í myndum af börnum.

Myndir Brunos bera með sér að hann hugðist nýta þær í kynningu á Íslandi og íslenskri menningu, þess vegna eru landslagsmyndir nokkuð fyrirferðamiklar. Hann lét handlita nokkrar filmur og hélt ófáa fyrirlestra um Ísland í Þýskalandi þar sem myndirnar voru sýndar.

Baldur Pálmason (1919-2010)

  • S00134
  • Person
  • 17.12.1919-11.09.2010

Kristófer Baldur Pálmason fæddist í Köldukinn á Ásum í Austur-Húnavatnssýslu þann 17. desember 1919. Hann var útvarpsmaður, ljóðskáld og þýðandi í Reykjavík. Gegndi fjölmörgum félags- og trúnaðarstörfum.
Hann lést í Reykjavík 11. september 2010.

Benjamín Sigvaldason (1895-1971)

  • S00135
  • Person
  • 03.09.1895-23.04.1971

Benjamín Sigvaldason fæddist á Hóli í Kelduhverfi, Norður-Þingeyjarsýslu þann 3. september 1895.
Hann var bóndi og bóksali á Gilsbakka, Skinnastaðarsókn, N-Þingeyjarsýslu. Rithöfundur, safnaði m. a. sagnaþáttum og gaf út, skáldmæltur. Hann var síðast búsettur í Reykjavík.
Kona hans var Guðrún Helgadóttir (1910-1996).
Benjamín lést 23. apríl 1971.

Brynleifur Tobíasson (1890-1958)

  • S00136
  • Person
  • 20.04.1890-27.02.1958

Brynleifur Tobíasson fæddist í Geldingaholti í Langholti, Skagafirði þann 20. apríl 1890.
Hann var yfirkennari Menntaskólans á Akureyri og áfengisvarnarráðunautur ríkisins frá 1954 til æviloka.
Fyrri kona hans var Sigurlaug Hallgrímsdóttir (1893-1922). Seinni kona hans var Guðrún Guðnadóttir (1900-1958).
Brynleifur lést 27. febrúar 1958.

Gísli Brynjólfsson (1909-1987)

  • S00137
  • Person
  • 23.06.1909-04.05.1987

Gísli Brynjólfsson fæddist í Skildinganesi í Seltjarnarneshreppi., Kjós þann 23. júní 1909.
Hann var háseti í Bergstaðastræti 11, Reykjavík 1930. Prestur og síðar prófastur á Kirkjubæjarklaustri á Síðu, Skaftafellssýslu.
Hann starfaði við málgagn Bændaflokksins er nefndist "Framsókn" en það er vitnað í það í bréfinu.
Kona hans var Ásta Þórey Valdimarsdóttir (1915-1996)
Gísli lést 4. maí 1987.

Gísli Magnússon (1893-1981)

  • S00138
  • Person
  • 25.03.1893-17.07.1981

Gísli Magnússon fæddist á Frostastöðum í Blönduhlíð, Skagafirði þann 25. mars 1893. Foreldrar Magnús Gíslason, bóndi og hreppstjóri á Frostastöðum og Kristin Guðmundsdóttir. Hann lauk Gagnfræðaprófi frá Mentaskólanum í Reykjavík 1910. Búfræðiprófi frá Hólaskóla 1911. Búnaðarnámi í Noregi og Skotlandi 1912 - 1914 ( aðllega sauðfjárrækt. Vann á búi foreldra á Frostastöðum til vors 1923, hóf þá búrekstur að Eyhildarholti í Hegranesi.
Hann var bóndi á Frostastöðum í Blönduhlíð og í Eyhildarholti í Hegranesi, Skagafirði. Hann var í pólítík, Varafulltrúi á Búnaðarþingi, kjörin aðalfulltrúi 1962. Formaður Framsóknafelags Skagfirðinga frá stofnun 1928 og í miðstjórn Framsóknarflokksins frá 1937. Starfaði m.a. í hreppsnefnd Rípurhrepps og var oddviti hreppsnefndarinnar 1935 - 1958. Þá var hann í Sýslunefnd Skagafjarðar frá 1942 og í yfir- skattanefnd Skagafjarðarsýslu og Sauðárkrókskaupstað frá 1934. Hann var ritstjóri Glóðafeykis, félagsrits Kaupfélags Skagfirðinga. Hann var í stjórn K.S. 1919 - 1922 og aftur 1939 og síðan varaformaður þar frá 1946 og síðar formaður. Gísli kenndi um skeið og var organisti í Flugumýrarkirkju og síðar í Rípurkirkirkju.
Kona hans var Stefanía Guðrún Sveinsdóttir (1895-1977)
Gísli lést á Sauðárkróki 17. júlí 1981.

Hannes J. Magnússon (1899-1972)

  • S00139
  • Person
  • 22.03.1899-18.02.1972

Hannes J. Magnússon var fæddur á Torfmýri í Akrahreppi, Skagafirði þann 22. mars 1899.
Hann var kennari, skólastjóri og rithöfundur á Akureyri, síðast búsettur í Reykjavík. Móðir hans hét Ragnheiður Jakobína Gísladóttir og notaði hún miðnafnið í daglegu tali. Þaðan er J í nafni Hannesar dregið.
Kona hans var Solveig Einarsdóttir (1905-1976).
Hannes lést 18. febrúar 1972.

Helgi Tryggvason (1903-1988)

  • S00140
  • Person
  • 10.03.1903-19.08.1988

Helgi Tryggvason var fæddur í Kothvammi, Kirkjuhvammshreppi í Húnavatnssýslu þann 10. mars 1903.
Hann var kennari í Reykjavík 1945. Kenndi í kennaraskólanum. Síðast búsettur í Kópavogi.
Fyrri kona hans var Magnea Hjálmarsdóttir (1908-1996). Seinni kona hans var Guðbjörg Bjarnadóttir (1923-2012).
Helgi lést 19. ágúst 1988.

Hjörleifur Kristinsson (1918-1992)

  • S00141
  • Person
  • 12.11.1918-01.10.1992

Hjörleifur Kristinsson var fæddur í Borgargerði í Norðurárdal í Skagafirði þann 12. nóvember 1918. Foreldrar: Kristinn Jóhannsson og kona hans Aldís Sveinsdóttir. Fluttist í Gilsbakka 11 ára gamall og ólst þar upp síðan hjá Hjörleifi Jónssyni fósturbróður Aldísar. Bóndi á Gilsbakka frá 1973 til æviloka. Ókvæntur og barnlaus.

Hjalti Jónsson (1909-1984)

  • S00142
  • Person
  • 29.07.1909-06.04.1984

Hjalti Jónsson var fæddur á Stóru-Ökrum í Blönduhlíð í Skagafirði þann 29. júlí 1909.
Hann var í Valadal, Glaumbæjarsókn, Skagafirði 1930. Bóndi í Víðiholti hjá Víðimýri, Skagafirði. Síðast búsettur í Seyluhreppi.
Kona hans var Ólína Rebekka Eiríksdóttir (1918-2006).
Hjalti lést í Reykjavík 6. apríl 1984.

Árni Ásgrímur Blöndal (1929-2017)

  • S00144
  • Person
  • 31.05.1929-22.09.2017

Árni Ásgrímur Blöndal, f. 31.05.1929, d. 22.09.2017. Foreldrar: Jóhanna Árnadóttir Blöndal frá Geitaskarði í A-Húnavatnssýslu og Jean Valgard Blöndal kaupmaður. Maki: María Kristín Sigríður Gísladóttir, frá Eyhildarholti, f. 04.08.1932. Þau eignuðust ekki börn en tóku að sér bróðurson Árna, Kristján Þórð Blöndal. Árni ólst upp á Sauðárkróki og gekk þar í barnaskóla. Fór síðan í Héraðsskólann í Varmahlíð og stundaði nám við Iðnskólann á Sauðárkróki árið 1954. Foreldrar hans voru hótelhaldarar á Villa Nova á Sauðárkróki og ráku jafnframt bókaverslun Kr. Blöndal. Vann Árni á þessum stöðum frá unga aldri og kom síðar að rekstrinum með foreldrum sínum. Árið 1955 keypti hann bókabúðina og rak hana ásamt konu sinni allt til ársins 1982. Tók einnig við starfi flugvallarvarðar af föður sínum árið 1965 og gegndi því til 1996. Gegndi ýmsum trúnaðarstörfum í félagslífi bæjarins. Stundaði laxveiði og bridge. Var einn af brautryðjendum frímúararreglunnar á Sauðárkróki og félagi í Rótarýklúbbi Sauðárkróks. Var virkur í Félagi eldri borgara og söng í Kór eldri borgara. Mikill áhugamaður um tónlist og hagmæltur og eftir hann liggja vísur sem m.a. hafa birst í vísnahorni Morgunblaðsins.

Hjalti Jósafat Guðmundsson (1929-2012)

  • S00145
  • Person
  • 13.06.1929-26.08.2012

Hjalti Jósafat Guðmundsson fæddist á Sauðárkróki 13. júni 1929. Foreldrar hans voru Hólmfríður Jónasdóttir og Guðmundur Jósafatsson. 23. janúar 1952 kvæntist Hjalti Kristínu Björgu Svavarsdóttur og eignuðust þau fimm börn. ,,Hjalti ólst upp á Sauðárkróki. Hann var húsasmíðameistari og starfaði við það fag alla sína tíð. Hann var oft kallaður til sem prófdómari við sveinspróf og vann mikið með iðnsveinafélaginu á Sauðárkróki. Hjalti var einn af stofnendum Kiwanisklúbbsins Drangeyjar á Sauðárkróki og var virkur félagsmaður til síðasta dags."

Magnús Bjarnason (1899-1975)

  • S00148
  • Person
  • 13.03.1899-13.11.1975

Fæddur í Stóru-Gröf á Langholti. Foreldrar hans voru Bjarni Magnússon járnsmiður á Sauðárkróki og Kristín Jónsdóttir. Systir Magnúsar var Guðrún Bjarnadóttir, móðir Bjarna Haraldssonar (Bjarna Har). Magnús lauk kennaraprófi frá Kennaraskóla Íslands 1924 og starfaði sem barnakennari í Skagafjarðar- og Húnavatnssýslum næstu níu ár. 1934-1961 starfaði hann sem fastur kennari við Barnaskólann á Sauðárkróki. 1936-1946 starfaði hann einnig við unglingaskólann á Sauðárkróki. Magnús sat bæði í hreppsnefnd Sauðárkrókshrepps um tíma og í bæjarstjórn. Eins starfaði Magnús mikið fyrir Verkamannafélagið Fram á Sauðárkróki, starfaði fyrir Alþýðuflokkinn og sat í stjórn Kaupfélags Skagfirðinga 1946-1961. Magnús var ókvæntur og barnlaus.

Gunnlaugur Eggert Kristinsson Briem (1922-2014)

  • S00149
  • Person
  • 08.11.1922-01.01.2014

Gunnlaugur Eggert Briem fæddist á Sauðárkróki 8. nóvember 1922. Foreldrar hans voru Kristinn P. Briem kaupmaður á Sauðárkróki, og Kristín Björnsdóttir Briem. Gunnlaugur kvæntist hinn 6.11. 1954 Hjördísi Á. Briem hjúkrunarfræðingi og eignuðust þau fjögur börn. ,,Gunnlaugur lauk stúdentsprófi frá Menntaskólanum í Reykjavík árið 1943, embættisprófi í lögfræði frá Háskóla Íslands árið 1949. Hann stundaði framhaldsnám í réttarfari í opinberum málum í Svíþjóð og Danmörku 1950-51. Hann var fulltrúi hjá Sakadómaranum í Reykjavík 1949-61, var settur sakadómari 1961 og yfirsakadómari frá 1973. Árið 1982 var hann síðan skipaður yfirsakadómari og gegndi því embætti þar til hann lét af störfum fyrir aldurs sakir árið 1992. Gunnlaugur var auk þess dómari í Félagsdómi 1983-86, formaður Siglingadóms 1986-89, gegndi setudómarastörfum í nokkrum málum og var varadómari í Hæstarétti í einstökum málum á árunum 1984-92. Hann sat í stjórn Dómarafélags Íslands 1970-72, var endurskoðandi félagsreikninga 1977-78 og sat í nefnd til að endurskoða lög um meðferð opinberra mála árið 1985."

Jón Þ. Björnsson (1882-1963)

  • S00150
  • Person
  • 15. ágúst 1882 - 21. ágúst 1964

Jón fæddist að Háagerði í Austur-Húnavatnssýslu þann 15.8. 1882, sonur Björns Jónssonar, hreppstjóra á Veðramóti, og Þorbjargar Stefánsdóttur frá Heiði í Gönguskörðum. Fyrri kona Jóns var Geirlaug Jóhannesdóttir og eignuðust þau tíu börn. Seinni kona Jóns var Rósa Stefánsdóttir. Jón lauk gagnfræðaprófi frá Möðruvöllum 1899, kennaraprófi frá Jonstrup á Sjálandi 1908 en sótti jafnframt námskeið við Kennaraháskóla Kaupmannahafnar 1905 og fór síðar utan í námsferðir. Jón var skólastjóri Barnaskóla Sauðárkróks frá 1908-52, og skólastjóri unglingaskóla þar 1908-46. Hann vann ötullega að málefnum góðtemplara, sinnti ýmsum trúnaðarstörfum fyrir regluna og var heiðursfélagi Stórstúku Íslands. Jón gegndi fjölmörgum trúnaðarstörfum. Hann var hreppsnefndarmaður í tvo áratugi og oddviti lengst af, sóknarnefndarformaður í 40 ár, formaður Ungmennafélagsins Tindastóls, sat í stjórn Rauða kross félags Skagafjarðar og Dýraverndunarfélags Skagafjarðar, var heiðursfélagi ýmissa samtaka og félaga og fyrsti heiðursborgari Sauðárkróks. Jón lést í Reykjavík 21. ágúst 1964

Magnús Jónsson (1925-1993)

  • S00151
  • Person
  • 27.07.1925-01.08.1993

Magnús Jónsson var fæddur á Sauðárkróki 27. júlí 1925, þriðja barn þeirra hjóna Jóns Björnssonar og Unnar Magnúsdóttur. Hann ólst upp á Aðalgötu 17, þar sem hann bjó einnig síðustu árin ásamt eiginkonu sinni, Kristínu Helgadóttur. Magnús og Kristín hófu búskap sinn á Sauðárkróki árið 1947, þar sem þau bjuggu fram til 1968. Þeim fæddust fimm börn. Magnús vann við ýmiss konar störf, meðal annars hafnargerð, símalagnir, verslunarstörf og smíðar.

Sigfús Jónsson (1930 - 2013)

  • S00152
  • Person
  • 10.12.1930-20.01.2013

Rafvirkjameistari og raftæknifræðingur í Reykjavík og á Seltjarnarnesi.

Jón Eiríksson (1898-1988)

  • S00154
  • Person
  • 01.05.1898-08.06.1988

Jón Eiríksson var fæddur í Djúpadal í Blönduhlíð, Skagafirði þann 1. maí 1898. Foreldrar hans voru Eiríkur Jónsson b. og smiður í Djúpadal og Sigríður Hannesdóttir. Jón lauk búfræðiprófi frá Bændaskólanum á Hvanneyri vorið 1918 og hóf síðar búskap í Djúpadal ásamt konu sinni Nönnu Þorbergsdóttur (1906-1930) frá Húsavík, þau eignuðust eina dóttur, Nanna lést aðeins 24 ára gömul úr berklum. Jón tók virkan þátt í félagsmálum í sinni sveit og var t.d. meðal stofnenda Ungmennafélagsins Glóðafeykis og deildarstjóri Akradeildar K.S. í 20 ár. Jón var mjög vinsæll maður og lögðu margir leið sín í Djúpadal.

Jón Gunnlaugsson (1901-1974)

  • S00155
  • Person
  • 07.10.1901-22.03.1974

Jón Gunnlaugsson var fæddur í Geitafelli í Reykjahverfi, S-Þingeyjarsýslu þann 7. október 1901.
Hann var bóndi í Yztahvammi, Nessókn, S-Þingeyjarsýslu og síðar í Ysta-Hvammi, Aðaldælahreppi, S-Þingeyjarsýslu.
Kona hans var Guðrún Gísladóttir (1903-1998).
Jón lést á Húsavík 22. mars 1974.

Jón Sigurðsson (1888-1972)

  • S00155
  • Person
  • 13.03.1888-05.08.1972

Jón Sigurðsson var fæddur á Reynistað í Staðarhreppi, Skagafirði þann 13. mars 1888.
Hann var óðalsbóndi, hreppstjóri, oddviti, sýslunefndarmaður, búnaðarþingsfulltrúi, alþingismaður og fræðimaður á Reynistað í Skagafirði. Búfræðingur frá Hólaskóla 1905. Nam við lýðháskólann í Askov í Noregi 1906-1907. Hvatamaður að stofnun Sögufélags Skagfirðinga, stofnunar Héraðsskjalasafns Skagfirðinga og Byggðasafnsins í Glaumbæ. Átti frumkvæðið að ritun Skagfirskra æviskráa. Sæmdur riddarakrossi hinnar íslensku fálkaorðu 1951.
Kona hans var Sigrún Pálmadóttir (1895-1979).

Lárus Arnórsson (1895-1962)

  • S00156
  • Person
  • 29.04.1895-05.04.1962

Lárus Arnórsson f. 29.04.1895 á Hesti í Borgarfirði, d. 05.04.1962. Foreldrar Arnór Jóhannes Þorláksson prestur á Hesti og f.k.h. Guðrún Elísabet Jónsdóttir. Fósturforeldar: Stefán Jónsson prófastur á Staðarhrauni í Mýrarsýslu og k.h. Jóhanna Katrín Magnúsdóttir. Lárus ólst upp hjá foreldrum sínum þar til móðir hans lést, er hann var tíu ára gamall. Lárus og yngsta systir hans fóru í fóstur til prófasthjónanna á Staðarhrauni. Lárus varð stúdent frá MR vorið 1915 og cand. theol. frá HÍ árið 1919. Það ár var hann settur aðstoðarprestur sr. Björns Jónssonar á Miklabæ og vígður 6. júlí sama sumar. Var honum síðar veittur Miklibær 1921. Þjónaði hanní Miklabæjar-, Flugumýrar- og Silfrastaðasókn til æviloka. Lárus þjónaði líka Glaumbæjarprestakalli 1935-1940 og Goðdala- og Ábæjarsókn 1928-1940. Árin 1929-1954 var símstöð á Miklabæ og var Lárus stöðvarstjóri þar. Bréfhirðing var þar einnig á árum Lárusar, allt frá árinu 1875 til 1954. Á árunum 1939-1951 var Lárus deildarstjóri K.S. í Akrahreppi. Auk þessara starfa rak Lárus umfangsmikinn búskap. Maki: Guðrún Björnsdóttir, f. 27.02.1897 á Miklabæ, d. 19.01.1985 í Mosfellsbæ. Þau eignuðust fjögur börn en eitt þeirra lést á öðru ári. Lárus eignaðist einn son með mágkonu sinni, Jensínu Björnsdóttur.

Ólafur Jóhannesson (1913-1984)

  • S00157
  • Person
  • 01.03.1913-20.05.1984

Ólafur Jóhannesson var fæddur í Stóra-Holti í Fljótum þann 1. mars 1913. Foreldrar hans voru Jóhannes Friðbjörnsson og Kristrún Jónsdóttir.
Ólafur var lagaprófessor og forsætisráðherra í Reykjavík. Kona hans var Dóra Guðrún Magdalena Guðbjartsdóttir (1915-2004) og þau eignuðust þrjú börn. Ólafur var alþingismaður Skagfirðinga 1959, alþingismaður Norðurlands vestra 1959–1979, alþingismaður Skagfirðinga 1979–1984. Varaþingmaður Skagfirðinga apríl–maí 1957. Forsætisráðherra og dóms- og kirkjumálaráðherra 1971–1974 og 1978–1979, dóms- og kirkjumála- og viðskiptaráðherra 1974–1978, utanríkisráðherra 1980–1983. Formaður þingflokks Framsóknarflokksins 1969–1971.

Páll Guðmundsson (1907-1972)

  • S00158
  • Person
  • 05.03.1907-24.07.1972

Páll Guðmundsson var fæddur á Gilsárstekk, Breiðdalshreppi, S-Múlasýslu þann 5. mars 1907.
Hann var bóndi, hreppstjóri og oddviti á Gilsárstekk, síðar skrifstofumaður í Breiðdalsvík.
Kona hans var Hlíf Petra Magnúsdóttir (1908-2007).
Páll lést 24. júlí 1972.

Sigurbjörg Björnsdóttir (1886-1984)

  • S00159
  • Person
  • 18.11.1886-12.01.1984

Sigurbjörg Björnsdóttir var fædd á Löngumýri í Vallhólmi, Skagafirði þann 18. nóvember 1886.
Hún var húsfreyja í Deildartungu í Reykholtsdal, Borgarfirði. Síðast búsett í Reykholtsdalshreppi.
Maður hennar var Jón Hannesson (1885-1953).
Hún lést á Akranesi 12. janúar 1984.

Sigurður Sigurðsson (1887-1963)

  • S00160
  • Person
  • 19.09.1887-20.06.1963

Sigurður Sigurðsson, f. í Vigur, Ögurhreppi í Ísafjarðardjúpi 19.09.1887, d. í Hafnarfirði 20.06.1963. Foreldrar: Sigurður Stefánsson prestur og alþingismaður í Vigur og kona hans Þórunn Bjarnadóttir húsfreyja í Vigur. Sigurður ólst upp hjá foreldrum sínum í Vigur. Hann varð stúdent frá MR 1908. Cand. juris frá HÍ 1914. Yfirdómslögmaður á Ísafirði frá 1914-1921, jafnframt gjaldkeri í útibúi Íslandsbanka á Ísafirði og síðar gæslustjóri Landsbanka Íslands þar á meðan hann bjó á Ísafirði. Skipaður fulltrúi í fjármáladeild Stjórnarráðs Íslands 1921 og settur bæjarfógeti í Vestmannaeyjum frá 26. febrúar til 4. ágúst 1924. Skipaður sýslumaður Skagfirðinga 1. desember 1924 og gegndi því embætti til ársloka 1957. Frá 24.05.1947 var Sigurður jafnframt bæjarfógeti á Sauðárkróki. Sigurður gegndi ýmsum trúnaðarstörfum, var m.a. bæjarfulltrúi á Ísafirði 1917-1920. Gekkst fyrir stofnun Búnaðarsambands Skagfirðinga í árslok 1930 og sat í stjórn þess frá upphafi. Gekkst einnig fyrir stofnun Sögufélags Skagfirðinga 6. febrúar 1937 og sat í stjórn þess frá upphafi og var forseti félagsins 1937-1948. Maki: Guðríður Stefanía Arnórsdóttir (jafnan kölluð Stefanía). Þau eignuðust níu börn.

Stefán Sigurfinnsson (1898-1967)

  • S00161
  • Person
  • 07.08.1898-07.01.1967

Stefán Ólafur Sigurfinnsson var fæddur á Meyjarlandi á Reykjaströnd, Skagafirði þann 7. ágúst 1898. Hann var bóndi á Innstalandi, á Reykjum og á Meyjarlandi á Reykjaströnd í Skagafirði. Var oddviti Skarðshrepps um langt skeið. Ókvæntur og barnlaus.
Hann lést á Innstalandi á Reykjaströnd í Skagafirði 7. janúar 1967.

Svanhildur Eggertsdóttir (1911-2002)

  • S00162
  • Person
  • 08.09.1911-23.11.2002

Svanhildur var fædd í Holtsseli í Grundarsókn í Eyjafjarðarsveit þann 8. september 1911.
Hún var húsfreyja í Holtsseli.
Maður hennar var Egill Halldórsson (1914-1985).
Hún lést á Kristnesi í Eyjafirði 23. nóvember 2002.

Þorsteinn Briem (1885-1949)

  • S00163
  • Person
  • 03.07.1885-16.08.1949

Þorsteinn Briem var fæddur á Frostastöðum í Blönduhlíð í Skagafirði þann 3. júlí 1885.
Hann var prestur í Görðum á Akranesi, alþingismaður og ráðherra. Aðstoðarprestur í Görðum á Álftanesi 1909-1911. Prestur í Grundarþingum, Eyj. 1911-1918, á Mosfelli í Grímsnesi, Árn. 1918-1921 og loks prestur í Görðum á Akranesi 1921-1946. Prestur á Kirkjuhvoli, Akranesssókn, Borg. 1930.
Fyrri kona hans var Valgerður Lárusdóttir (1885-1924). Seinni kona hans var Oktavía Emilía Pétursdóttir Briem (1886-1967) (notaði nafnið Emilía).
Hann lést í Reykjavík 16. ágúst 1949.

Ingólfur Siggeir Andrésson (1912-1957)

  • S00164
  • Person
  • 26.04.1912-26.04.1957

Fæddur í Reykjavík 26. apríl 1912. Foreldrar hans voru Andrés Folmer Nilsen frá Leiðarhöfn við Vopnafjörð og Guðný Jósefsdóttir frá Uppsölum í Flóa. Ingólfur ólst upp með foreldrum sínum Reykjavík. Þegar hann var þriggja ára fékk hann lömunarveiki uppúr kíghósta og var fatlaður á fæti alla tíð síðan. Árið 1936 flutti hann til Sauðárkróks og vann þar við bílaviðgerðir. Í kringum 1943 fór hann aftur suður til þess að nema bifvélavirkjun og útskrifaðist með meistararéttindi í þeirri grein árið 1946. Sneri hann þá aftur til Sauðárkróks og byggði eigið verkstæði norðan við íbúðarhús sitt við Knarrarstíg. Ingólfur giftist Ingibjörgu Ágústsdóttur frá Ósi á Borgarfirði eystra, þau eignuðust eina dóttur.

Árni Ásgrímur Þorkelsson (1852-1940)

  • S00166
  • Person
  • 17.12.1852-02.12.1940

Fæddur á Skeggstöðum, Svartárdal 17. desember 1852. Var á Sauðárkróki 1930. Hreppstjóri og bóndi í Geitaskarði í Langadal, Engihlíðarhr., A-Hún.

Hildur Solveig Sveinsdóttir (1874-1931)

  • S00167
  • Person
  • 22.10.1874-14.08.1931

Fædd á Gunnfríðarst., Hún. 22. október 1874. Var á Sauðárkróki 1930. Húsfreyja í Geitaskarði í Langadal, Engihlíðarhr., A-Hún.

Albert Volker Lindemann (1899-1969)

  • S00168
  • Person
  • 17.08.1899-24.03.1969

Albert Volker Lindemann var fæddur í Þýskalandi þann 17. ágúst 1899.
Hann var veitinga- og forstöðumaður í Varmahlíð.
Fékk íslenskan ríkisborgararétt árið 1945.
Hann lést 24. mars 1969.

Ólöf Sigríður Snæbjörnsdóttir (1924-1947)

  • S00169
  • Person
  • 28. jan. 1924 - í júní 1947

Dóttir Snæbjörns Sigurgeirssonar bakara á Sauðárkróki og Ólínu Ingibjargar Björnsdóttur. Starfaði við verslun. Ólöf var heitbundin Erlendi Hansen rafvirkja, hún lést af barnsförum aðeins 23 ára gömul.

Sigurlína Stefánsdóttir (1901-1989)

  • S00170
  • Person
  • 01.10.1901-11.04.1989

Sigurlína var fædd á Refsstöðum á Laxárdal fremri, foreldrar hennar voru Stefán Guðmundsson og Sesselja Guðmundsdóttir. Fyrstu árin ólst hún upp með foreldrum sínum en eftir að hún missti móður sína átta ára gömul fór hún í fóstur til Kristjáns Halldórssonar og Sigríðar Ingibjargar Sigurðardóttur á Blönduósi. Árið 1921 giftist hún Gunnari Guðmundssyni (1898-1976) og eignuðust þau einn son saman. Þau skildu árið 1923. Árið 1928 giftist hún Sigurði Þorkelssyni sjómanni á Sauðárkróki, þau áttu saman tvö börn og einn fósturson. Eftir að Sigurlína tók saman við Sigurð vann hún við fiskvinnslu og önnur störf sem til féllu. Jafnframt söng hún með Kirkjukór Sauðárkróks um áratugaskeið.

Guðjón Sigurðsson (1908-1986)

  • S00174
  • Person
  • 03.11.1908-16.06.1986

Guðjón var fæddur að Mannskaðahóli á Höfðaströnd. Foreldrar hans voru Sigurður Sveinsson og Guðbjörg Þuríður Sigmundsdóttir. Þegar Guðjón var aðeins nokkurra mánaða gamall fór hann í fóstur til föðurbróður síns Sveinbjörns Sveinssonar og konu hans Önnu Hallfríðar Sölvadóttur í Hornbrekku á Höfðaströnd, síðar Á í Unadal. Í kringum árið 1928 fluttist hann til Sauðárkróks og hóf nám í bakaraiðn hjá Snæbirni Sigurgeirssyni bakarameistara. Árið 1931 lauk hann svo iðnskóla- og sveinsprófi í bakaraiðn frá kaupmannahöfn. Eftir það kom hann aftur til Sauðárkróks og starfaði hjá Snæbirni og tók svo við rekstri bakarísins að honum látnum. Guðjón giftist Ólínu Ingibjörgu Björnsdóttur frá Skefilsstöðum á Skaga og eignuðust þau saman þrjú börn. Fyrir átti Ólína fimm börn sem Guðjón gekk í föðurstað.
Guðjón tók ríkan þátt í félagsstarfi og starfaði í flestum félögum á Sauðárkróki. Árið 1946 var hann kjörinn í hreppsnefnd, síðar bæjarstjórn, fyrir Sjálfstæðisflokkinn, og átti þar sæti óslitið til ársins 1974. Jafnframt var hann forseti bæjarstjórnar 1958-1966.

Haraldur Árnason (1925-2019)

  • S00177
  • Person
  • 1925-2019

Haraldur Árnason var fæddur í Blaine í Bandaríkjunum 6. mars 1925. Foreldrar hans voru þau Árni Daníelsson, bóndi á Sjávarborg í Skagafirði og kona hans Heiðbjört Björnsdóttir húsfreyja. Haraldur var stúdent frá MR 1944. Tveimur árum seinna lauk hann prófi frá Háskóla Íslands í forspjallsvísindum og efnafræði. 1946-1950 var hann við nám í Die Eidgenössische Technische Hochscule í Zürich í Sviss. Þaðan lauk hann prófi sem Diplom Ingenieur Agronom. Haraldur var búfjárræktarráðunautur hjá Búnaðarsambandi Skagfirðinga 1951-1956. Bókhaldari á Sauðárkróki 1960-1965. Þá stofnaði hann verslun Haraldar Árnasonar og rak þar til hann varð skólastjóri við Bændaskólann á Hólum 1971-1980, en hann hafði kennt þar 1968-1971. Hann varð síðar bóndi á Sjávarborg og skrifstofumaður á Sauðárkróki. Kona hans var Margrét Árnason (Margrit Truttmann) (1928-2014), deildarstjóri hjá Kaupfélagi Skagfirðinga og húsfreyja á Sjávarborg II í Skarðshreppi.

Valdimar Guðmundsson (1895-1970)

  • S00178
  • Person
  • 26.11.1895-29.04.1970

Foreldrar hans voru Guðmundur Jónsson og Svava Einarsdóttir, þau skildu þegar Valdimar var tveggja ára. Guðmundur fór þá að Ási í Hegranes ásamt móður sinni og ólst þar upp. Hann lauk búfræðiprófi frá Hólum vorið 1915. Þar kynntist hann Margréti Gísladóttur konu sinni en hún var ættuð úr Fljótum. Vorið 1919 hófu þau búskap að Mið-Mói í Flókadal. Eftir langa og erfiða vetur í Fljótum fluttu þau að Garði í Hegranesi og fengu hluta jarðarinnar til ábúðar. Árið 1925 fluttu þau til Sauðárkróks og hófu að byggja sér íbúðarhús að Skagfirðingabraut 12 og nefndist það Sólbakki. Á Sauðárkróki vann Valdi ýmsa daglaunavinnu, var fláningsmaður í sláturtíð og fór til Siglufjarðar á síldarvertíð á sumrin. Seinna komu þau sér upp nokkrum kindum og áttu fjárhús á Nöfunum fyrir ofan bæinn. Valdi var góður söngmaður og var m.a. einn af stofnendum kirkjukórs Sauðárkróks 1942. Valdimar og Margrét eignuðust tvo syni, aðeins annar þeirra komst á legg.

Pétur Helgason (1905-1980)

  • S00179
  • Person
  • 04.02.1905-13.03.1980

Pétur er elstur þrettán systkina og komust ellefu þeirra upp. Hann ólst upp hjá foreldrum sínum í þessum stóra systkinahópi, fyrst í Pálsbæ, síðan Tungu 1910-1916, á Kálfatjörn á Vatnsleysuströnd til 1918, Reykjavík þar til hann fór til Siglufjarðar upp úr 1930. Pétur stundaði margs konar tilfallandi vinnu, m.a. sjósókn á vertíðum. Hann stundaði nám við Bændaskólann á Hvanneyri veturnar 1926-1927 og 1927-1928 og útskrifaðist búfræðingur þaðan. Að sumrinu var hestamennskan og fyrirgreiðslan við ferðamenn verulegur þáttur í starfi hans. Hann var einn af hestasveinum við konungskomuna 1930. Pétur var góður söngmaður, hafði mikla og fagra bassarödd. Það leiddi til þess að Þormóður Eyjólfsson söngstjóri á Siglufirði hlutaðist til um að útvega Pétri vinnu þar hjá Síldarverksmiðjum ríkisins og fá hann til liðs við karlakórinn Vísi á Siglufirði. Pétur söng með Vísi, sem og Kirkjukór Siglufjarðar á meðan hann átti heim þar. Á veturnar fór hann suður á vertíðir, m.a. til Vestmannaeyja, þar sem lítið var um vetrarvinnu á Siglufirði.

Á Siglufirði kynntist hann Ingibjörgu Jónsdóttur veitingakonu og giftist henni í desember 1934. Þau fluttust til Sauðárkróks vorið 1945 og hófu rekstur á Hótel Tindastól, sem hann keypti 1. maí það ár. Ráku þau hótelið til 1957. Árið 1955 keypti Ingibjörg Hótel Villa Nova og fluttu þau reksturinn þangað árið 1957 og ráku hótel þar til 1970. Árið 1969 seldu þau Hótel Tindastól og Villa Nova ári síðar. Þá höfðu þau nær lokið við byggingu tveggja hæða húss við Hólaveg 16, með íbúð á efri hæð en verslunaraðstöðu á neðri hæðinni. Þar rak Pétur síðan matvöruverslunina Tindastól í syðri hluta hússins en Ingibjörg hannyrða- og vefnaðarvöruverslun í norður hlutanum. Pétur var virkur félagi í hestamannafélaginu Léttfeta og sat í stjórn þess um tíma.

Jóhanna Árnadóttir Blöndal (1903-1988)

  • S00180
  • Person
  • 18.11.1903-29.06.1998

Jóhanna fæddist á Geitaskarði í A-Hún. Jóhanna var tónelsk og hafði fallega söngrödd. Undirbúning sinn fyrir lífið hlaut Jóhanna á umsvifamiklu heimili foreldra sinna og í húsmæðraskóla. Tvítug gekk hún að eiga Valgarð Blöndal og bjuggu þau á Sauðárkróki. Jóhanna og Valgarð bjuggu lengst af í Villa Nova og var heimilið rómað fyrir myndarskap.

Kristín Margrét Sölvadóttir (1905-2003)

  • S00181
  • Person
  • 01.10.1905-31.05.2003

Kristín var fædd á Sauðárkróki 1. október 1905, foreldrar hennar voru Sölvi Jónsson járnsmiður og vélgæslumaður og Stefanía Marín Ferdinandsdóttir. Kristín ólst upp í Sölvahúsi (Skógargötu 8) á Sauðárkróki og var hún næstelst sjö systkina. Eftir barnaskóla vann hún á ýmsum stöðum, hjá Pálma Péturssyni á Króknum, á Völlum, á Víðivöllum, í bakaríinu hjá Snæbirni og Ólínu, á Reynistað og hjá Kristni P. Briem kaupmanni. Árið 1937 hóf hún störf í vefnaðarvöru- og skódeild Kaupfélags Skagfirðinga, Syðribúðinni. Þar vann hún samfleytt í 44 ár eða til ársins 1981. Stína kom töluvert að félagsmálum og starfaði með ungmennafélaginu Tindastóli, Leikfélagi Sauðárkróks og söng með kirkjukór Sauðárkróks í 50 ár.
Kristín var ógift og barnlaus.

Hannes Pétursson (1931-)

  • S00182
  • Person
  • 14.12.1931-

Hannes Pálmi Pétursson fæddist 14. desember 1931 á Sauðárkróki. Hann ólst upp á Sauðárkróki hjá foreldrum sínum, Pétri Hannessyni (1893-1960) og Sigríði Sigtryggsdóttur (1894-1979). Hann var stúdent frá Menntaskólanum í Reykjavík árið 1952. Í kjölfarið stundaði hann nám í germönskum fræðum við háskólana í Köln og Heidelberg.
Hann útskrifaðist frá Háskóla Íslands árið 1959, Cand. mag. í íslenskum fræðum. Hans fyrsta bók kom út árið 1955, en hún nefnist Kvæðabók. Hann hefur gefið út fjölda bók, ljóð, ferðasögur, frásöguþættir og ævisögu Steingríms Thorsteinssonar. Árið 2011 kom út endurminningabók hans, Jarðlag í tímanum.
Hannes hefur sinnt ritstörfum eingöngu frá árinu 1976. Hann er búsettur á Álftanesi ásamt konu sinni Ingibjörgu Hauksdóttur (1939-).

Þorvaldur Þorvaldsson (1913-2006)

  • S00183
  • Person
  • 05.09.1913-04.07.2006

Þorvaldur Þorvaldsson fæddist á Mörk í Laxárdal hinn 5. september 1913. Foreldrar hans voru hjónin Þorvaldur Guðmundsson kennari og hreppstjóri á Sauðárkróki, f. 13.10. 1883, d. 10.10. 1961, og Ingibjörg Salóme Pálmadóttir húsfreyja, f. 7.10. 1884, d. 21.4. 1957. Þeim Þorvaldi og Salóme varð fjögurra barna auðið og var Þorvaldur næstelstur þeirra.
Kona Þorvaldar var Hulda Jónsdóttir húsfreyja á Sauðárkróki, f. 2.6. 1914, d 9.1. 1992, þau áttu fjögur börn, fyrir átti Þorvaldur eina dóttur.

Þorvaldur bjó mestan hluta ævi sinnar á Sauðárkróki. Hann rak framan af Bifreiðastöð Sauðárkróks ásamt Birni Guðmundssyni en mestan hluta ævi sinnar rak hann verslunina Vísi á Sauðárkróki. Þorvaldur var gæddur listrænum hæfileikum, söng m.a í kirkjukór Sauðárkróks í yfir 40 ár og lék með Lúðrasveit Sauðárkróks. Þorvaldur var einnig hestamaður af lífi og sál og átti þónokkuð af hrossum.

Ingibjörg Stefanía Þorvaldsdóttir (1913-2011)

  • S00185
  • Person
  • 09.06.1913-29.05.2011

,,Ingibjörg Stefanía Þorvaldsdóttir fæddist hinn 9. júní 1913 í Hjaltastaðakoti (nú Grænumýri) í Blönduhlíð í Skagafirði. Foreldrar hennar voru hjónin Þorvaldur Jónsson og Helga Jóhannsdóttir. Árið 1973 giftist hún Ólafi Jónssyni vélstjóra, d. 1985, fyrir átti hún einn son. Ingibjörg ólst upp í Hjaltastaðakoti og á Íbishóli í Skagafirði. Upp úr fermingu var hún í vist á ýmsum bæjum í sveitinni. Fjölskyldan flutti á Sauðárkrók árið 1928 en um það leyti flutti Ingibjörg til Akureyrar. Þar bjó hún til ársins 1985 að hún flutti til Reykjavíkur. Hún starfaði lengst af við saumaskap."

Hallfríður Bára Haraldsdóttir (1928-2012)

  • S00186
  • Person
  • 28.04.1928-10.10.2012

,,Hallfríður Bára Haraldsdóttir fæddist á Sauðárkróki 28. apríl 1928. Hún var einkabarn foreldra sinna, Karólínu Júníusdóttur og Haraldar Andréssonar. Bára, eins og hún var einatt nefnd, lauk hefðbundnu skyldunámi á Sauðárkróki, en að því loknu lá leið hennar út á vinnumarkaðinn. Mestalla starfsævi sína vann hún ýmis störf við fiskvinnslu á heimaslóð, lengst af hjá Fiskiðju Sauðárkróks. Bára var mjög virk í stéttarfélagi sínu, Verkakvennafélaginu Öldunni, og gegndi fjölmörgum trúnaðarstörfum fyrir félagið, hafði meðal annars um árabil umsjón með sjúkrasjóði félagsins og var trúnaðarmaður starfsfólks á vinnustað. Bára hélt heimili með foreldrum sínum á Öldustíg 6 allt til dauðadags þeirra. Sambýlismaður Báru síðan 1995 var Herbert K. Andersen (1930-2014)."

Anna Þorkelína Sigurðardóttir (1929-2002)

  • S00187
  • Person
  • 05.05.1929-19.09.2002

Anna Þorkelína Sigurðardóttir fæddist á Sauðárkróki 5. maí 1929. Foreldrar hennar voru þau Sigurður Þorkelsson verkamaður og Sigurlína Stefánsdóttir. ,,Anna var alin upp hjá föðurömmu sinni, Önnu Sigríði Sigurðardóttur, á Ingveldarstöðum á Reykjaströnd. Hún dvaldi hjá henni fram að fermingu er hún fluttist til foreldra sinna á Sauðárkróki. Hún fór síðan til Reykjavíkur og vann á barnaheimilinu Suðurborg. Hún fluttist til Sandgerðis árið 1952 þar sem hún bjó alla tíð síðan að frátöldum síðustu tveimur árum er hún bjó í þjónustuíbúð í Keflavík. Anna var húsmóðir stærstan hluta ævinnar auk þess sem hún starfaði með hléum við fiskvinnslu í Sandgerði. Frá árinu 1973 vann hún með eiginmanni sínum við eigið fiskvinnslufyrirtæki, Rækjuvinnslu Óskars Árnasonar, sem þau ráku fram til ársins 1990."
Anna giftist 28. maí 1958 Óskari Árnasyni frá Landakoti í Sandgerði, þau eignuðust fjögur börn saman, fyrir átti Anna eina dóttur.

Stefán Sölvi Sölvason (1914-1993)

  • S00188
  • Person
  • 24.10.1914-19.06.1993

Fæddur á Sauðárkróki. Foreldrar hans voru Sölvi Jónsson járnsmiður og vélgæslumaður og Stefanía Marín Ferdinandsdóttir. Sölvi starfaði lengst af við vélgæslu hjá Fiskiðju Sauðárkróks eða í 40 ár samfellt. Sölvi giftist Lilju Aðalbjörgu Jónsdóttur frá Sauðárkróki, þau voru barnlaus.

Eiríkur Briem (1846-1929)

  • S00189
  • Person
  • 17. júlí 1846 - 27. nóv. 1929

Foreldrar: Eggert Briem sýslumaður á Reynistað og k.h. Ingibjörg Eiríksdóttir. Prófastur á Steinnesi í Þingeyrarsókn 1880. Seinna prestaskólakennari, alþingismaður og prófessor í Reykjavík.

Dóra Ingibjörg Magnúsdóttir (1928-2019)

  • S00190
  • Person
  • 7. júní 1928 - 4. júní 2019

Foreldar hennar voru Hólmfríður Elín Helgadóttir saumakona og Magnús Halldórsson beykir. Dóra giftist Rögnvaldi Ólafssyni (Valda rakara) frá Siglufirði, þau eignuðust fimm börn, fyrir átti Rögnvaldur einn son.

Sveinn Sveinsson (1857-1946)

  • S00191
  • Person
  • 22.08.1857-20.10.1946

Var húsmaður og lausamaður í Sléttuhlíð og á Höfðaströnd, Skag. Var í Mosfelli í Fagranessókn, Skag. 1860. Leigjandi á Keldum í Fellssókn, Skag. 1910. Ókvæntur. Oft nefndur sem síðasti förumaðurinn í Skagafirði.

Sigríður Auðuns (1904-1992)

  • S00192
  • Person
  • 13.01.1904 - 28.06.1992

Sigríður Auðuns fæddist á Ísafirði 13. janúar 1904. Hún var húsfreyja á Hvammstanga, Sauðárkróki og Akranesi meðan maður hennar, Torfi Bjarnason (1899-1991) gengdi embættisstörfum læknis. Þau voru síðast búsett í Reykjavík.
Sigríður lést 28. júní 1992.

María Pálsdóttir (1881-1950)

  • S00193
  • Person
  • 07.02.1881-01.10.1950

Frá Sölvahlíð í Eyjafirði. Giftist Steindóri Jónssyni trésmiði á Sauðárkróki, þau eignuðust tvö börn og tvær fósturdætur.

Ísleifur Gíslason (1873-1960)

  • S00194
  • Person
  • 20.06.1873-29.07.1960

Ísleifur var fæddur í Ráðagerði í Leiru. Hann tók gagnfræðapróf úr Flensborgarskóla 1896. Árið 1904 gerðist hann verslunarmaður á Sauðárkróki og rak þar síðan verslun til æviloka. Ísleifur var gamansamur og mælti óspart vísur af munni fram, ekki síst sínar alkunnu búðarvísur. Hann gaf út nokkur vísnakver og má þar nefna: Nýja bílvísnabók (1940), Þú munt brosa (1944) og Stjórabrag (1955). Eftir dauða hans kom út bókin Detta úr lofti dropar stórir – kveðskapur, bernskuminningar, viðtöl og fleira. Hannes Pétursson og Kristmundur Bjarnason völdu efnið og bjuggu til prentunar. Ísleifur orti gjarnan undir dulnefnum, svo sem Hallfreður vandræðaskáld, Þorbjörn hornklofi og Sneglu-Halli.
Kona Ísleifs var Engilráð Valgerður Jónasdóttur, þau slitu samvistum 1922, þau áttu eina dóttur.

Results 171 to 255 of 6402