Afmæliskort til Jóns Nikódemussonar á 26 afmælisári hans, kortið er frá tengdamóður hans, Þorbjörgu. Framan á kortinu er áprentuð mynd af skeifu skreytt með rósum og fleiru.

Afsal þar sem Páll Jónsson trésmiður á Sauðárkróki lýsir því yfir að Nikódemus Jónsson hefur tekið að sér yfirtaka skuld sína við Sparisjóð Sauðárkróks sem hvílir á húseign hans Theobaldshúsi / Lindargötu 7 / Fyrstabóli og borgi umsamið kaupverð nefndrar húseignar. Bréfið er dagsett 20. október 1919 og er undirritað og og stimplað á manntalsþingi á Sauðárkróki 1920.

Afsal þar sem Nikodemus Jónsson á Fyrstabóli selur og afsalar húseign sinni Fyrstabóli / Lindargötu 7 til Jóns sonar síns. Afsalið nær til húseignarinnar ásamt lóðinni Hjaltastað á Sauðárkróki og var umsamið kaupverð 3000 kr. Í afsalinu var skilyrði fyrir því að Nikodemus fengi afnotarétt af norðurstofu í húsinu á meðan hann lifði. Bréfið er dagsett 7. janúar 1930, undirritað og stimplað til þinglýsingar af Sýslumanninum í Skagafjarðarsýslu.

Bréf þar sem Jón S Nikódemusson afsalar Magnúsi Jónssyni, Brekkugötu 3 Sauðárkróki lóð er honum var mæld út vegna byggingar ofan við íbúðarhúsið Lindargötu 7, Sauðárkróki. Engin dagetning er á bréfinu.

Hjónavígslubréf útgefið af Christian hinum 10, konungi Íslands og Danmerkur. Gefið út fyrir hjónin Sigvalda Jón Nikódemusson og Önnu Friðriksdóttur. Undirritað á Akureyri 27. september 1928 af sóknarpresti.

11 skjöl úr dánarbúi Jóns Sigvalda Nikódemussonar. Ýmis afsöl og kaupsamningar ásamt persónulegum gögnum.

Kaupsamningur á milli Nikódemusar Jónssonar og Kristjáns Gíslasonar kaupmanns. Kristján afsalar sér til handa Nikódemusi húseign sína, fjós og hlöður er standa sunnanvert við lóð Nikódemusar uppi undir brekku. Bréfið er dagsett 30. október 1929, undirritað og stimplað af Sýslumanninum í Skagafjarðarsýslu.

Handskrifað ljóð sem ber yfirskriftina Húsið. Enginn höfundur né ártal er skráð við ljóðið. Líklega er ljóðið þó samið um húsið Fyrstaból við Lindargötu 7.

Uppdráttur af lóðum og húseignum við Lindargötu á Sauðárkróki. Engin dagsetning eða undirritun er á blaðinu.

Ýmsir samningar, flestir er varða kaup og sölu á Lindargötu 7 - Fyrstabóli. Einnig aðrir samningar og veðbréf.

Skírnarvottorð fyrir Sigvalda Jón Nikódemusson, fæddur 7. apríl 1908 og skírður 27. apríl sama ár. Skírnarvottar voru Jón Guðvarðsson, Tobías Magnússon og Guðrún Jónatansdóttir. Vottorðið er gefið út 27. júní 1926 af séra Hallgrím Thorlacius í Glaumbæ.

Veðbréf til handar Nikódemusar Jónssonar þar sem gjört er kunnugt að hann hafi fengið að láni hjá Sparisjóði Sauðárkróks 1000 krónur. Bréfið er undirritað og stimplað af Sýslumanninum í Skagafjarðarsýslu.

Veðbréf þar sem Nikódemus Jónsson á Sauðárkróki gjörir kunnugt að hann hafi fengið að láni hjá Sparisjóði Sauðárkróks 400 krónur. Bréfið er undirritað og stimplað af Sýslumanni Skagafjarðarsýslu.

Veðbréf Magnúsar Guðmundssonar, verslunarmanns á Sauðárkróki. Veðsetur húseign sína (Hið svokallaða Theobaldshús eða Lindargata 7) með tilheyrandi lóð. Undirritað í tveggja votta viðurvist - Sauðárkróki 21. nóvember 1908.

Ýmis gögn, lóðauppdráttur, afmæliskort og ljóð.