Bókin er vel læsileg og hefur varðveist mjög vel.

1 handskrifuð og læsileg bók með ársreikningum búnaðarfélagsins, tímabilið 1959-1982. Bundin í þykkum pappa, bókin er í góðu ástandi. Kjölurinn er límdur. Pappírsgögn eru handskrifuð, að mestu í góðu ástandi og hafa varðveist ágætlega en nokkuð er um að skjölin séu rifin.

18 ársreikningar, handskrifaðir á blöðum í A3 stærð sem eru brotin í folio broti, inni í þeim eru bókhalds fylgigögn. Skjölin eru að mestu í góðu ásigkomulagi en talsvert hefur rifnað og er mjög viðkvæmt viðkomu.

Handskrifaðir ársreikningar, kvittanir og lánsumsóknir og skuldabréf frá 1898-1925. Gögnin hafa varðveist ágætlega.

Pappírsgögn, formleg og óformleg erindi, vélrituð, prentuð og handskrifuð. Vel læsileg og heilleg gögn sem hafa varðveist ágætlega. Hefti hreinsuð úr og bréfaklemmur fjarlægðar.

Skjölin og bækurnar hafa varðveist ágætlega, allt handskrifað.

Vélritaðar fundargerðir frá aðalfundum Búnaðarfélags Skagafjarðar frá 1936-1946. Skjölin eru í A4 og A3 stærð.

Handskrifaðar fundargerðir, dagskrá funda, lög Búnaðarfélags Seyluhrepps og félagatal.
Í möppunni er einnig handskrifuð ræða dags. 17. mars 1923 sem Valdimar Guðmundsson flutti á búnaðarfundi að Stóru-Seylu í tilefni af 40 ára afmæils Búnaðarfélags Seyluhrepps.

Bókin er þykk, heilleg og læsileg en orðin snjáð. Saurblaðið aftast er farið að losna frá kápunni, bindingin er í lagi. Límt er yfir kjölinn (sem er annars heillegur), á kjölnum er bókin merkt búnaðarfélaginu og innihaldi.

Elstu skýrslurnar eru handskrifaðar með upplýsingar um ástand á bújörðum. Einnig eru forprentuð skýrsluform sem eru með handskrifuðum upplýsingum um ástand bújarða og framkvæmdir á þeim. Skýrslurnar eru heillegar en blettóttar, elstu skýrslurnar eru mjög viðkæmar, ryðguð hefti voru fjarlægð.

Innbundið hefti með forprentuðum skýrslum og handskrifuðum upplýsingum um jarbætur í Seyluhreppi, fyrir tímabilið 1911-1912.
Bókin er þunn, með um 20 blaðsíður og nokkrur blöð hafa verið rifin úr, Hefti binda blöðin við þykkan pappa og límt er yfir kjölinn.

Forprentaðar skýrslur, bók og hefti með upplýsingum um jarðarbætur í Seyluhreppi, gögnin eru handskrifuð og í ágætu ástandi, bindingin í vinnubókinni við saurblaðið aftast er laus. Heftin sem bundu skýrslurnar voru ryðguð, þau voru fjarlægð þar sem þau voru farin að skemma pappírinn. Gögnin eru heilleg og vel læsileg en pappírinn er blettóttur, elstu gögnin frá 1884 eru orðin rifin og viðkvæm.

Innbundin bók með forprentuðum eyðublöðum með handskrifuðum upplýsingum um framkvæmdir á bújörðum. Bókin er í góðu ásigkomulagi en bindingin er farin að losna.