Safn úr eigu Árna Blöndals og Maríu Gísladóttur konu hans. Einkaskjalasafnið var forflokkað af skjalamyndara áður en það var afhent, í því safni er talsvert af persónulegum gögnum, sendibréf, jólakort, DVD diskar auk ljósmynda frá fjölskyldum þeirra bæði á Íslandi og erlendis. Í safninu eru einnig skjöl sem tengjast félögum sem Árni starfaði og kom að í gegnum tíðina. Safnið var að miklu leyti flokkað og voru skjölin geymd í plastvösum sem voru í plastmöppu. Safnið var yfirfarið og sumt flokkað á ný og því skipt í tvennt, það sem tengist byggingu Sauðármýrar 3 á Sauðárkróki og einkaskjöl. Allt plast var grisjað úr safninu, einnig ljósrit af fundargerðum úr fundargerðabókinni, afrit af ljósmyndum sem teknar voru á stjórnarfundum húsfélagsins að Sauðármýri 3.
Hefti voru fjarlægð. Ljósmyndirnar voru settar í sýrufría plastvasa fyrir betri varðveislu, öll pappírsgögn voru sett í arkir. Safnið var í tveimur öskjum.

Skjöl er varða tillögu að stofnun brugghúss á Sauðárkróki - kynning á verkefninu, fundarboð, stofnskrá og frumvarp til laga fyrir félagið, tilaga frá erlendum aðila með framleiðslutæki.

Tveir dvd diskar í plasthulstri merktir "Ferð í Blöndu 1968" og "Júgóslavía".

Ljósmyndir frá ferðakynningu Flugleiða sem haldin var á Hótel Mælifelli á Sauðárkróki um 1980-1985.

Ljósmyndir frá fjölskyldu Árna og Maríu í Bandaríkjunum. Myndirnar voru í pastmöppu merktri Álfheiði Blöndal.

Safn ljósmynda frá fjölskyldu Árna og Mæju, einnig myndir frá ferðakynningu Flugleiða sem haldin var á Hótel Mælifelli á Sauðárkróki um 1980-1985.

Skemmtivísur, annálar og endurminningar úr ferðum erlendis sem flutt var á skemmtunum Rótaryklúbbsins í gegnum tíðina. Flest skjölin eru án ártals.

Ljósrit af skjölum sem tengjast yfirtöku Búnaðarbanka Íslands á Sparisjóði Sauðárkróks.

Kaupsamingur og afsal vegna Víðilæks sem var sumarbústaður í eigu Árna og Maríu, einnig lítil skrifblokk með lista yfir innkaup vegna framkvæmda við bústaðinn. Eitt skjal með lista og útskýringum er varða val á skífu - ekki liggur fyrir hverju það tengist en skjalið var sett með kaupsamningsskjölunum.

Vísur úr safni Árna og nokkrar sem hann samdi sjálfur, einnig er handskrifuð frásögn og á blaðinu er límdur miði - líklega athugasemd frá Árna sjálfum. Skjölin eru án dagsetningar og ártals nema tölvupóstsamskipti Árna við aðra hagyrðinga.

Í safninu er skjalaskrá Jóns Þorlákssonar og Ingibjargar Claessen Þorláksson sem afhent voru Borgarskjalasafni Reykjavíkur. Göngukort í nágrenni við Hraunsvatn í Öxnadal límt við þakkarbréf frá Hrauni í Öxnadal ehf.