Bréfið er vélritað á pappírsörk í folio stærð, afrit gert með kalkipappír. Það varðar almennan fund um þátttöku Skagfirðinga í Alþingishátíðinni. Ástand skjalsins er gott.
Fréttabréf frá 1958 sem sennilega hefur verið send til blaðsins Dags á Akureyri. Sagt er frá 65 ára afmæli Guðmundar Sveinssonar og kveðjuhófi sem haldið var fyrir Björgvin Bjarnason sem lét þetta ár af bæjarstjórastörfum. Eins er sagt frá því að Haraldur Pálsson skíðamaður frá Reykjavík hafi verið á Sauðárkróki við skíðakennslu og sagt er frá skíðamóti sem fram fór í Skógarhlíð.
Óþekkt veisla í Miðgarði. F.v. Þór Hjaltalín, Helgi Jónsson Merkigili, Konráð Gíslason og Helga Bjarnadóttir frá Frostastöðum. Á bak við t.v. gæti verið Steinunn Hjálmarsdóttir. Sama tilefni og myndin á undan.
Lengst til vinstri stendur Örn Ingi, þriðji f.v. Vigfús Vigfússon og María Björk Ingvadóttir lengst t.h. Líklega er þetta í tengslum við Sumarsæluviku árið 1994 en þá var Örn Ingi framkvæmdastjóri hátíðarinnar. Þessi hópur er líklega veitingarhúsarekendur á Sauðárkróki sem tóku sig saman og buðu upp á sérbruggaðan bjór í tilefni hátíðarinnar.
Sameiginlegt þorrablót vistmanna og starfsfólks á Hjúkrunar- og dvalarheimilinu á Sauðárkróki í febrúar 1989. Þekkja má Björn Egilsson frá Sveinsstöðum vinstra meginn við borðið og Óskar Stefánsson næst hægra megin.
Afmælishátíð á Sauðárkróki sumarið 1997, en þá voru 140 ár frá því bærinn varð verslunarstaður og 90 ár frá því hann varð sérstakt sveitarfélag og 50 ár frá því hann varð kaupstaður. Langfjölsóttasta samkoma afmælisársins var Geirmundarkvöld í íþróttahúsinu, þar sem yfir 1000 manns mættu, þar á meðal forsetahjónin Ólafur Ragnar Grímsson og Guðrún Katrín Þorbergsdóttir. Sveiflukóngurinn og hans fólk fór á kostum. Söngkonan er Ásdís Guðmundsdóttir (1963-) og Geirmundur Valtýsson (1944-). lengst t.h. aðrir óþekktir.
Á þorrablóti í Miðgarði 1998. Borð Álftagerðis. F.v. María Pétursdóttir (1968-), Elísabet Petrea Ögmundsdóttir (1948-), Herdís Pétursdóttir (1948-) og Ólöf Arna Pétursdóttir (1973-).
Ólafur Ragnar Grímsson forseti Íslands flytur ávarp á Faxatorgi á afmælishátíð Sauðárkróks í júlí 1997. Á bak við er Stefán Guðmundsson alþingismaður t.v. og Elsa Jónsdóttir bæjarritari t.h.
