Grein send til Einherja í október 1965 þar sem Guðjón segir frá skólastarfi á Sauðárkróki þetta haustið. Í Barnaskóla Sauðárkróks eru 182 nemendur þetta árið og er skólastjóri Björn Daníelsson. Í Gagnfræðiskólanum eru 90 nemendur og skólastjóri er Friðrik Margeirsson. Jafnframt er fjallað um fyrirhugaða byggingu nýs gagnfræðiskólahúss. Í Tónlistarskólanum eru 40 nemendur og er þar skólastjóri Eyþór Stefánsson tónskáld og aðalkennari Eva Snæbjörnsdóttir. Jón Björnsson frá Hafsteinsstöðum er söngstjóri við skólann. Í Iðnskóla Sauðárkróks eru 30-40 nemendur og er skólastjóri þar Jóhann Guðjónsson múrarameistari.
Endurrit úr fundargerðarbók Fræðsluráðs Sauðárkrókskaupstaðar í júlí 1965. Undir fundargerðina rita Þórir Stephensen, Guttormur Óskarsson, Magnús Bjarnason, Björn Daníelsson og Jóhann Guðjónsson.
Mennirnir við girðinguna f.v. Björn Guðnason, Jóhann Guðjónsson (Jói múr) og Friðrik Jónsson (Fíi), eru væntanlega að huga að byggingu Safnahússins, en bygging þess hófst árið 1965. Drengurinn næst í mynd er Torfi Ólafsson (frá Skarði).
