Bærinn að Svínavatni í Húnavatnshreppi. Á hlaði stendur Steingrímur Jóhannesson bóndi með kíki. Bustirnar eru f.v. Betri stofan - en fyrir ofan hana geymsluloft sem gengið var í úr hlóðaeldhúsi - sem var baka til. Stofan er nú á byggðasafninu á Reykjum í Hrútafirði. Bæjardyr voru fremur rúmgóðar. Þriðja burst var geymsla. Lengst til hægri var smiðjan. Að baki þessum húsum var baðstofan.
Jarpur fluttur í dragferju yfir Blöndu. Ferjumaðurinn er Þorgrímur Stefánsson (1891-1955) - sem bjó í Syðra-Tungukoti eða Brúarhlíð. Ferjan var rétt til móts við bæinn. Ferjað var knúin með því að snúa hjóli sem knúði ferjuna áfram.
Horft inn Svarfaðardal frá Urðum. Kirkjan í forgrunni. Búrfellshyrna lengst t.v. - þá Skeiðsfjall og Kotafjall. Við botn dalsins er Deildardalsjökull. Vinstra megin við hann er Heljardalsheiði - en lengst til hægri Hnjótafjall.
Elín Kristjánsdóttir (1886-1956) á Grímsstöðum í Mývatnssveit með eggjakörfu. Karfan var riðin úr einirótum og var gerð af Baldvin Stefánssyni frá Haganesi.
Sr. Þormóður Sigurðsson (1903-1976) á Vatnsenda í Ljósavatnsskarði. Hann heldur á Vigdísi dóttur hans (f. 1931). Óvíst er hvenær myndin var tekin en hugsanlega 1936 eða 1938.
Nanna Jónsdóttir (1907-1976) frá Halldórsstöðum í Reykjadal í dyrum á prestsbústaðnum á Vatnsenda í Ljósavatnsskarði. Fyrir framan hana eru þrjú börn hennar og Þormóðs Sigurðssonar. F.v. Vigdís 1931 - Kristbjörg (f. 1933) og Árni (f. 1932).
Í Almannagjá séð að Lögbergi. Ekki er fyllilega ljóst hvar Lögberg var. Nýverið hafa komið fram kenningar um að brekkan meðfram berginu hafi verið þingbrekkan - en eldri kenningar hafa vísað til annars staðar.
Kirkjuklukkan á Mosfelli. Um klukkuna og kirkjuna á Mosfelli fjallar Halldór Laxnes á einstakan hátt í Innansveitarkróniku sinni. Klukkan hefur væntanlega verið sett upp í sálnahliðinu til að Bruno gæti tekið af honum myndina.
sr. Hálfdan Helgason (1897-1954) á Mosfelli í Mosfellssveit með börnum sínum. f.v. Jón Helgi (f. 1933) - Marta María (f. 1935) - Árni Reynir (f. 1931). Lengst t.h. er Helga Þórðardóttir (f. 1929) - síðar kona Benedikts Magnússonar á Vallá.
Hemla í V-Landeyjahreppi. Íbúðarhús og útihús. Við bæinn stendur tjaldbúð sem Rangæingar reistu á Alþingishátíðinni 1930 og nefndu Rangæingabúð. Myndin er tekin 15. ágúst 1938 á útfarardegi Hólmfríðar Magnúsdóttur húsfr. í Hemlu. Bíllinn er af Nash gerð og bar skráningarnúmerið L-12.
,
,
,
,Sjá einnig BS 2754
Hemla í V-Landeyjahreppi. Íbúðarhús og útihús. Við bæinn stendur tjaldbúð sem Rangæingar reistu á Alþingishátíðinni 1930 og nefndu Rangæingabúð. Myndin er tekin 15. ágúst 1938 á útfarardegi Hólmfríðar Magnúsdóttur húsfr. í Hemlu. Bíllinn er af Nash gerð og bar skráningarnúmerið L-12. 
,
,
,
,Sjá einnig BS 2758
Útsýni til suðurs frá Heiðarseli á Síðu. T.h. eru Svínadalir og Þorgrímsheiði. Fjaðrargljúfur fyrir miðri mynd og Heiðarásar t.v. Hlaðnir torfgarðar (túngarðar) eru í forgrunni - en bil var haft á milli torfstungunnar (plælunnar) til að koma í veg fyrir að jarðvegurinn rynni til - enda hann gljúpur eftir Kötlugosið 1918. Nýslegið er fyrir ofan garð og sjást ljáför greinilega. Tjald Brunos og Þorbjargar fyrir miðri mynd - þá bæjarhúsin. T.h. er Ekruhesthúsið.