Bréfið er handskrifað á 3 pappírsarkir í A4 stærð, afrit gert með kalkipappír. Það varðar eignahlut Þórunnar í Ártúni í Hofshreppi. Með liggur skrá yfir muni Þórunnar úr búinu.
Bréfið er vélritað á pappírsörk í A4 stærð. Með liggur staðfesting Sigríðar á að hún hafi sent afrit af bréfi dags. 16.12.1895 til Ola K. Olson. Einnig liggur með ljósrit af umræddu bréfi frá 1895. Ástand skjalsins.
Bréfið er handskrifað á pappírsörk í A4 stærð. Það varðar lungnapest í sauðfé og beiðni um bætur. Virðist vera um einhvers konar afrit að ræða en ýmsar athugasemdir og tölur eru hripaðar inn á blaðið.
Bréfið er vélritað á pappírsörk í A4 stærð, undirritað af Guðmundi Jónssyni fh framkvæmdanefndar um styttu af Guðmundi biskup góða á Hólum í Hjaltadal.
Óþekktur bréfritari skrifar Halli og óskar honum til hamingju með skírnina á litla bróður hans, Bjarna Sigurvin. Bréfið hefur líklega komist í tæri við bleytu og er það því torskilið og hefur blekið máðst af á hluta.
Uppkast að bréfi frá Sigurjóni, skrifað að Syðra-Skörðugili. Bréfið er svarbréf við auglýsingu sem kom í útvarpinu þar sem óskað var eftir bústjóra á jörð skammt frá Reykjavík. Sigurjón segir stuttlega frá sjálfum sér og spyr jafnan frekari upplýsinga varðandi starfið.
Bréf frá Jónasi Jónassyni til Sigurðar bróður síns. Jónas skrifar frá Reykjavík þar sem hann dvelur við störf, segir frá lífinu í Reykjavík og spyr frétta að heiman.
Gunnlaugur Jónasson skrifar Sigurði bróður sínum. Gunnlaugur skrifar frá Laugarvatni þar sem hann stundar nám. Gunnlaugur er í bréfinu að biðja Sigurð fyrir því að senda sér 500 krónur á Laugarvatn. Spyr jafnframt frétta af mæðuveikinni sem nú geysar í Skagafirði.
Bréfið er handskrifað á rúðustrikaða pappírsörk, alls 4 síður. Búið er að klippa hægra hornið efst af örkinni. Á spássíu er skrifað ljóð með öðru skriffæri og hugsanlega annarri rithönd. Með liggur umslag stílað á Sigurð Sigurðsson, Mjóstræti 2, Reykjavík.
Bréf frá Halli Jónassyni til Sigurðar bróður síns. Hallur skrifar frá Vestmannaeyjum þar sem hann dvelur. Segir Sigurði frá því að hann sé búinn að fá sér hjól en spyr jafnan frétta að heiman, bæði varðandi búskapinn og hvernig landskipti hefðu farið fram eftir að prófasturinn kom í heimsókn.
Bréf frá Jónasi Jónassyni til móður sinnar. Skrifað frá Reykjavík þann 29.12.1940. Jónas þakkar móður sinni fyrir bréfið og skrifar hann um mæðuveikina sem herjar á féð. Hann leggur til að Steinunn komi suður næsta sumar og fái sér gleraugu. Jónas talar einnig um að nóg sé af atvinnu í Reykjavík tengt bretunum.