Tvö minnisblöð v. heimildaöflunar um sundkennslu í Skagafirði. M.a. listi yfir þá aðila sem Guðjón hafði haft samband við og óskað eftir upplýsingum frá.
Minnisbækur Guðjóns Ingimundarsonar, flestar þeirra tengjast bæjarstjórnarmálum en einnig má finna þar punkta um starfsemi hans innan KS og ungmennafélaganna. Jafnframt er elsta minnisbókin frá því hann var á Laugarvatni.
Málefnasamningur milli bæjarfulltrúa Alþýðubandalagsins, Alþýðuflokksins og Framsóknarflokksins á Sauðárkróki. Undirritaður af Huldu Sigurbjörnsdóttur, Erlendi Hansen, Birgi Dýrfjörð, Guðjóni Ingimundarsyni og Stefáni Guðmundssyni.
Yfirlit yfir laun til stundakennara ásamt yfirliti yfir tímakaup fastra kennara frá Fræðslumálastjóra 1966-1967 og launatafla ríkisstarfsmanna frá 1977. TRÚNAÐARGÖGN!
Nafn höfundar er ekki skráð en líklegt er að Jón Jónsson Skagfirðingur hafi ort kvæðið þar sem Guðjón Ingimundarson virðist hafa vélritað mikið af kvæðum Jóns og fannst þetta í sömu möppu og kvæði eftir Jón.
Kvæði Ekkilsins í Urtuvík er 3 erindi og var ort eftir andlát Soffíu konu Jóns Skagfirðings. Kvæðið má finna í bókinni Aringlæður sem kom út árið 1963, Soffía lést 1960.
Sundurliðuð kostnaðaráætlun af öðrum byggingaráfanga Sundhallar Sauðárkróks (búningsálma og áhorfendapallar) frá Verkfræðistofu Sigurðar Thoroddsen 1966.
