Hjónavígslubréf útgefið af Christian hinum 10, konungi Íslands og Danmerkur. Gefið út fyrir hjónin Sigvalda Jón Nikódemusson og Önnu Friðriksdóttur. Undirritað á Akureyri 27. september 1928 af sóknarpresti.
Bréfspjald með ljósmynd í brúntónum. Á myndinni er eldri maður. Bréfspjaldið er skrifað á Akureyri 2.maí 1923 og undirskrifað af Steingrími en föðurnafn er óljóst. Það er sent Hrólfi Þorsteinssyni á Ábæ í Skagafirði.
Bréf frá Sveini Sigfússyni (tilgáta en erfitt er að lesa úr undirskrift). Ritað á Akureyri og dagsett 9. janúar 1939. Meginerindi bréfsins er að kanna hvort viðtakandinn (líklega Jón Þ. Björnsson skólastjóri) vilji eða geti notað starfskrafta kennara (skíðakennara?) á vegum fræðslumálastjóra.
Bréf frá Der Landrat des Kreises Landsberg am Lech til Bruno Schweizer (Kleppi, Reykjavík) varðandi flutning á þýsku verkafólki til Íslands til að vinna við íslenskan landbúnað.
Bréfið er handskrifað á línuustrikaða pappírsörk og undirritað af J.V. Havsteen. Aftan á örkina eru drög af tveimur bréfum, rituðum 1924 af Guðmundi Valdemarssyni.
Ljósmynd í stærðinni 8,5x5,9. Á myndinni eru Steinunn Eiríksdóttir (t.v.) og Auður Guðjónsdóttir (t.h.) ásamt tveimur af sjö börnum Auðar. Aftan á myndina er handskrifað: "Auður Guðjónsdóttir og Steinunn Eiríksdóttir Akureyri með börn Auðar. Glerárg 2 Ak."
Pappírskópía límd á pappaspjald. Um er að ræða skólaspjald frá Menntaskólanum á Akureyri. Á myndinni er m.a. Stefán Stefánsson skólameistari, auk kennara og nemenda.
Pappírsskjal í stærðinni A5, þunn örk sem rifin hefur verið af stærri örk. Vélritað bréf til Hrefnu Hermannsdóttur frá Dúnhreinsun SÍS, undirritað af Ófeigi Péturssyni.
Bréfið er handskrifað á línuustrikaða pappírsörk og undirritað af J.V. Havsteen. Aftan á örkina eru drög af bréfi til Guðmundar Jónssonar á Stekkjarflötum í Akrahreppi frá Valdemar Guðmundssyni.
Svar Landesarbeitsamt Tirol (Innsbruck) við fyrirspurnum Bruno Schweizer varðandi hugsanlega komu verkafólks til Íslands í því skyni að vinna við íslenskan landbúnað.
Við myndina stendur: "Þóranna, Pálmi, Pétur, Jón, Bryndís, Jóhann". Þóranna, Jón, Bryndís og Jóhann voru börn séra Pálma Þóroddssonar og Önnu Hólmfríðar Jónsdóttur. Pétur Pétursson var eiginmaður Þórönnu og sonur þeirra hét Pálmi Pétursson en þeir eru fremst á myndinni.
Bréf SJG til Árna Eydals. Afar líklegt að hér sé um Sigurð J. Gíslason að ræða. Bréfið varðar yfirlestur og leiðréttingar á handriti Árna G. Eydals meðal annars um tækniframfarar í landbúnaði.
Saltfiskþurrkun á vírnetum á þurrkreitum á gömlu Akureyrinni. Hér stóðu húsin sem brunnu 1912. Til vinstri er Tuliniusarhúsið nær og bryggjuhúsið fjær - nú Hafnarstræti 18 og 18b. Local Caption Svipuð BS 244
Hlíðarshús - Lækjargata 3 - Akureyri. Þar bjó Sigurður Hlíðar (1885-1962) dýralæknir í Norðlendingafjórðungi með búsetu á Akureyri þangað til hann var skipaður yfirdýralæknir með búsetu í Reykjavík árið 1943. Sigurður var þýskur vararæðismaður á Akureyri frá 1927 til 1940. Kona hans var Guðrún Louisa Guðrbrandsdóttir frá Reykjavík (1887-1963). Tréin til vinstri eru í garði sr. Geirs Sæmundssonar vígslubiskups. Telpurnar á myndinni eru systurnar Jóna Alfreðsdóttir (f.1929) og Helga Alfreðsdóttir (f. 1927) sem ólust upp á Lækjargötu 6 - - dætur Alfreðs Steinþórssonar frá Hömrum (f.1903). Gamla konan er líklega María Friðfinnsdóttir í Ráðhússtíg 2 - kölluð María í Smiðjunni.
Trésmiðurinn sem sá um viðgerðina á gamla bænum í Laufási var Baldur Helgason (1889-1977) sem hér stendur hjá verkstæði sínu bak við Hótel Goðafoss. Baldur var frá Grund í Höfðahverfi og starfaði alla tíð sjálfstætt að iðn sinni á Akureyri. Lengst hafði hann verkstæði sitt við Hafnarstræti - en síðustu árin í Laxagötu 4. Hann flutti inn fyrstu eða eina af fyrstu trésmíðavélum til Akureyrar.
