Fréttablaðið Krókstíðindi var gefið út af Óla Birni Kárasyni og Guðna Björnssyni árið 1980 og var tilgangur þess að flytja fréttir úr bæjarlífinu og "lífga svolítið upp á bæjarbraginn" eins og segir í 1. tölublaði.

Bæjarfréttir voru gefnar út af Framsóknarmönnum á Sauðárkróki og fjölluðu um málefni líðandi stundar sem flest tengdust bæjarpólitíkinni.

Krókur á móti bragði var gefið út árið 1984 á Sauðárkróki og flutti fréttir á meðan prentaraverkfalli stóð, sama ár, og var gefið út á meðan verkfallið varði. Ritstjóri og ábyrgðarmaður var Hávar Sigurjónsson.