Auglýsing í búðarglugga (sennilega á Sæluviku). Alþýðuhúsið að auglýsa skemmtun. Halli og Stína sýna dans, Sigurdór syngur og hljómsveitin Rómó leikur (samanber miðjumyndina). Rómó var fyrsta alvöru hljómsveit Geirmundar (starfaði 1958-1965). Hljómsveitin var tríó og voru meðlimir bræðurnir Geirmundur og Gunnlaugur Valtýssynir og svo Jón Sæmundsson, Fosshóli. (ca. um 1960).
3 fréttir frá Sauðárkróki 1963 sendar Degi á Akureyri. Fjallað um er erindi Adolfs Björnssonar rafveitustjóra um rafveitur í Skagafirði og áætlanir um að virkja Reykjafoss í Tungusveit. Jafnframt er fjallað um frumsýningu Leikfélags Sauðárkróks á Fjalla-Eyvindi. Verkamannafélagið Fram minntist 60 ára starfsafmælis. Mikið atvinnuleysi hafði verið á Sauðárkróki þennan veturinn og afli lítill. Danskennsla var á vegum Æskulýðsráðs Sauðárkróks og var það Rigmor Hanson sem kenndi.
2 erindi frá UMFÍ 1957: -Boðsbréf á athöfn þar sem til stóð að afhjúpa minnisvarða um Aðalstein Sigmundsson. -Greinargerð um vikivaka dansa þar sem ungmennafélög eru hvött til þess að taka upp kennslu á vikivaka, með fylgja bæði sönglög og vikivakaspor.