Sveitablaðið Viljinn sem Lestrarfélagið í Miklabæjarsókn gaf út. Ritstjóri: Jón Eiríksson. Meðritstjórar: Séra Lárus Arnórsson og Agnar Baldvinsson. Inniheldur ljóð, hugleiðingar og aðsent bréf.
Tölvupóstsamskipti Byggðasafnsins og Árna Daníels Júlíussonar. Varðar endurprentun á riti um Sturlungaslóð. 1 pappírsörk í A4 stærð. Ástand skjalsins er gott.
Sveitarblað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurrisið kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925
Útgáfa bókarinnar Héraðsstjórn í Húnaþingi. Frá vinstri Bragi Guðmundsson og Jón Ísberg sýslumaður, Austur-Húnavatnssýsla. Bókin Héraðsstjórn í Húnaþingi eftir Braga Guðmundsson menntaskólakennara á Akureyri komin út. Í bókinni er rakin saga sýslunefndanna í Húnavatnssýslu 1872-1907 og í Austur-Húnavatnssýslu 1908-1988. Ritverk þetta var formlega afhent Húnvetningum í samsæti á Hótel Blönduósi. Jón Ísberg sýslumaður Húnvetninga gerði lítillega grein fyrir tilurð þessa ritverks og kynnti höfundinn, Braga Guðmundsson, en hann er borinn og barnfæddur Húnvetningur, frá Holti í Svínadal. Bragi flutti ítarlegt erindi um framgang þessara ritsmíða og flutti þeim fjölmörgu sem nálægt því höfðu komið sínar bestu þakkir. Höfundurinn greindi og frá því að öll aðstaða á Héraðsskjalasafninu á Blönduósi hefði verið mjög góð. Það kom fram hjá Braga að fyrstu þrjátíu og sex árin hefði verið starfandi ein sýslunefnd fyrir báðar Húnavatnssýslurnar en árið 1908 skildu leiðir og störfuðu eftir það tvær sýslunefndir sín hvoru megin við Gljúfurá. Það er ljóst að þessi saga um sýslunefndir sem starfað hafa í Húnavatnssýslum í 116 ár er jafnframt saga sýslunnar og kannski ekki hvað síst saga Ísberganna, en Jón Ísberg sýslumaður hefur verið sýslumaður frá árinu 1960 og þar á undan var faðir hans Guðbrandur Ísberg sýslumaður frá árinu 1932. Bókin Héraðsstjórn í Húnaþingi er 478 síður og í ritnefnd voru Jón Ísberg sýslumaður, Stefán Á. Jónsson og Jón Tryggvason. Jón Sig. Morgunblaðið/Jón Sigurðsson. Jón Ísberg sýslumaður (t.h.) og höfundurinn Bragi Guðmundsson með hina nýju bók Héraðsstjórn í Húnaþingi.
Sveitarblað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurrisið kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925.
Skjalasafnið inniheldur bókhaldsgögn, bréf, gögn varðandi félagsheimili, fundagögn, gögn varðandi málaferli v. Eyjafjörð, skólamál skýrslur, útgefin blöð og gögn um sjúkrasamlag, elli- og örorkubætur.
