Showing 28 results

Archival descriptions
Gunnar Jóhann Valdimarsson: Skjalasafn
Print preview Hierarchy View:

Bréf fulltrúa sýslumanns til Landsbanka Íslands

Varðar sölubeiðni á eignarhluta Hauks B. Gíslasonar í húseigninni nr. 19 við Freyjugötu og endursending sýslumannsembættisins á frumriti veðskuldabréfs. Handskrifuð undirskrift Stefáns Sigurðssonar, fulltrúa sýslumanns.
Á bréfinu er stimpill frá Landsbanka Íslands um að bréfið sé móttekið. Stimpillinn er dagsettur 9. apríl 1956.

Grunnriss og mál

Grunnriss og mál af íbúð Hauks Gíslasonar, Freyjugötu 19, Sauðárkróki. Eilítil lýsing er á íbúðinni og kemur þar m.a. fram að íbúðin sé steinsteypt neðri hæð í húsinu.
Dagsett 06.05.1953 og undirritað af Vilhjálmi Hallgrímssyni, byggingameistara.
Samþykkt 07.05.1953 og undirritað af Björgvini Bjarnasyni, fyrir hönd byggingarnefndar Sauðárkróks.

Gunnar Jóhann Valdimarsson: Skjalasafn

  • IS HSk N00071
  • Fonds
  • 1921 - 1968

Gögn er varða Freyjugötu 19 á Sauðárkróki og kaup á jörðum. Einnig brot af leikriti og kveðskapur.

Gunnar Jóhann Valdimarsson (1900-1989)

Kvæði

Kvæðið er titlalaust, en undir því er dagsetningin 27. júlí 1958 og stafirnir K.S.
Líklega er þetta úr fórum Amalíu Sigurðardóttur.

Kvæði

Titlalaust kvæði, en undir því er kveðja frá mæðgunum og þeim skrifar. Handskrifuð undirskrift óskýr en virðist vera Kr. Ingi Sveins.
Líklega úr fórum Amalíu Sigurðardóttur.

Leiga (erfðafesta) af lóðinni nr. 19 við Freyjugötu

Bæjarstjóri Sauðárkróks, Björgvin Bjarnason vottar að Haukur Gíslason hafi á leigu (erfðafestu) 1/3 af lóðinni nr. 19 við Freyjugötu á Sauðárkróki. Dagsett á Sauðárkróki 16. ágúst 1954 og undirritað af Björgvini.
Efst á skjalinu er undirskrift Stefáns Sigurðssonar, fulltrúa sýslumanns; móttekið til þinglýsingar í Sauðárkrókskaupstað 16. ágúst sama ár.

Leikrit

Enginn titill er á handritinu, en það hefst á 1. atriði. Á öftustu síðu stendur neðst „Tjaldið“ og þar fyrir neðan er dagsetningin 23.01.1921 og nafnið S. Kristinsson, frá Hólum.

Þrjú kvæði

Þrjú uppskrifuð kvæði, öll með sömu hendi. Kvæðin eru titlalaus en höfunda er getið. Pétur Jónsson á eitt, Kr. Sveinsson næsta og Pétur Hannesson það síðasta.

Til Amalíu Sigurðardóttur

Stafir undir kvæðinu sem gætu gefið vísbendingu um höfundinn, nema þeir eru óskýrir.
Dagsetning gæti gefið til kynna að kvæðið væri samúðarkvæði vegna andláts Jóns Kristbergs Árnasonar, en hann var fyrri maður Amalíu og lést 6. mars 1926.

Umboð

Bréf frá Lárusi Arnórssyni sóknarpresti varðandi skuld við Kaupfélag Skagfirðinga sem hann gefur Gunnari Valdimarssyni umboð til að semja um greiðslu fyrir sína hönd.
Ritað í Miklabæ þann 4. júlí 1958.

Undirritun á skuldabréfi

Blað 1: Varðar beiðni Hauks Gíslasonar um að kona hans, Sigríður Eiríksdóttir fái umboð til þess að undirrita fyrir hans hönd skuldabréf Lánadeildar smáíbúðarhúsa. Bréf er dagsett á Sauðárkróki 6. september og undirritað af Hauki. Vottar: Kristín Vermundsdóttir og Þórey Eríksdóttir.
Á bakhlið blaðsins er kvittun fyrir móttöku til þinglýsingar í Sauðárkrókskaupstað, 28.10.1954, undirritað af Stefáni Sigurðssyni, fulltrúa sýslumanns.
Blað 2: Undirritun Sigríðar Eiríksdóttur, þar sem hún samþykkir lánsbeiðni manns síns, Hauks Gíslasonar hjá veðlánadeild smáíbúa.
Dagsett á Sauðárkróki 16.08.1954.

Útskrift úr landamerkjabók Skagafjarðarsýslu varðandi jörðina Víðimýri

Útskrift úr landamerkjabók Skagafjarðarsýslu, landamerkjaskrá fyrir jörðinni Víðimýri í Seyluhreppi í Skagafjarðarsýslu. Þar kemur fram að jörðinni tilheyri rekaítak í Hvalvík, sem er hálfur viðreki og hálfur hvalreki í Hvalvík, frá Hvallæk inn í miðjan Hvalbás, móts við Reynistaðarklaustur. Ritað í Víðmýri 26. maí 1890 af J. Benediktssyni (eiganda Víðimýrar).
Rétta útskrift staðfestir, skrifstofu Skagafjarðarsýslu, 28. apríl 1936, Sigrún M. Jónsdóttir (handskrifuð undirskrift og stimpill).

Varðar neðri hæð hússins

Bréf bæjarstjóra Sauðárkróks, Björgvins Bjarnasonar er varðar það að Haukur Gíslason á neðri hæð hússins nr. 19 við Freyjugötu og býr þar með fjölskyldu sinni. Fullgengið frá húsinu að utan, en að innan vantar málningu og innréttingu að nokkrum hluta.
Handskrifuð undirskrift Björvins.

Veðbókarvottorð

Veðbókarvottorð Hauks Gíslasonar varðandi húseignina við Freyjugötu 19 á Sauðárkróki.
Handskrifuð undirskrift Stefáns Sigurðssonar, fulltrúa sýslumanns og stimpill frá embættinu.