"Sigfús lærði bókband á Vopnafirði. Framhaldsnám í bókbandi hjá Ursin, konunglegum bókbindara í Kaupmannahöfn, 1857-1859. Lærði ljósmyndum hjá Hans Ulseth ljósmyndara og bókbindara í Bergen, jafnhliða störfum við bókband frá apríl 1864-1865. Störf vann við bókband hjá Ásgeiri Finnbogasyni á Lambastöðum á Seltjarnarnesi, sumarið 1857. Bókbandsveinn hjá Ursin 1859-1861. Bókbindari í Kristaníu (Ósló) 1861-1864. Rak ljósmyndastofu á Austurvelli 2, húsi Teits Finnbogasonar, í Reykjavík sumarið 1868. Við ljósmyndun í Stykkishólmi haustið 1868, í Reykjavík sumarið 1869. Ljósmyndari í Reykjavík frá 1871. Byggði sérstakan myndaskála við íbúðarhús sitt, Lækjargötu 2, 1876 og ljósmyndastofu ofan á húsið 1886 og rak hana þar til 1909. Lengst af þem tíma var daglegur rekstur stofunnar í höndum Daníels Daníelssonar. Fór í marga ljósmyndaleiðangra um landið, t.d. um Reykjanes 1873, til Heklu og Geysis 1874, tók ljósmyndir af þjóðhátíðinni saama ár, fór ferðir um Suðurland 1884-1886. Auglýsti eftir eldri mannamyndum og gerði myndir eftir þeim til að tryggja varðveislu þeirra. Fjöldaframleiddi myndir af ýmsum merkismönnum og hópum og seldi. Gekkst fyrir opinberum skuggamyndasýningum í félagið við Þorlák Johnson kaupmann 1884. Gaf út íslensk jólakort 1897. Stundaði bókband á vetrum samhliða ljósmyndastörfum á sumrin. Forgöngumaður um verslun við Norðmenn og kom á fót Norska félaginu, sem verslaði á nokkrum stöðum hér á landi 1870. Stofnaði bókaverslun 1872 og rak hana til 1909. Var jafnframt með bókaútgáfu. Útflutningsstjóri "Allan- línunar" frá 1876 og umsjónarmaður með vesturferðum á hennar vegum. Keypti prentsmiðju Sigmundar Guðmundssonar 3. maí 1887 með Sigurði Jónssyni járnsmið. Sigurður seldi Sigfúsi strax sinn hlut og átti hann því prentsmiðjuna einn, enda var hún nefnd prensmiðja Sigfúsar Eymundssonar. Sigfús seldi prentsmiðjuna 29.01.1890 og varð þá til Félagsprentsmiðjan. Frumkvöðull um gufuskipaferðir á Faxaflóa. Umboðsmaður fyrir ensk reiðhjól 1896. Hammond ritvélar 1901 og Typografinn 1901. Nemar á ljósmyndastofu Sigfúsar: Bent Bjarnason, Bjarni K. Eyjólfssonn, Daníel Daníelsson, Eggert Guðmundsson, Friðrik Gíslason, Guðmundur Guðmundsson, Guðmundur G. Sverrisen, Ingimundur Eyjólfsson, Jón Eymundsson, Jón Guðmundsson, Lárus Gíslason, Magnús Ólafsson, Ólafur Johnson, Ólafur Jónsson, Pétur Brynjólfsson, Pétur Leifsson, Stefán M. Bergmann og Þórður Jasonarson.
Starfsmenn á ljósmyndstofu: Daníel Daníelsson og Friðrik Gíslason.
Plötu- og filmusafn: plötusafn stofunar virðist Pétur Brynjólfsson hafa keypt eftir að ljósmyndasofan var lögð niður því hann seldi það Þjóðminjasafninu 5. maí 1915 á 60 krónur. Það var þá óskráð. Með eftirtökum fengust um 4000 mannamyndaplötur þekktar, en óþekktar mannamyndaplötur eru yfir 10.000. Auk þess eru um 830 útimyndaplötur á safninu." (Inga Lára Baldvinsdóttir: Ljósmyndarar á Íslandi, 320-321.)