Use for: Sweden, Sverige

• Konungsríkið Svíþjóð (sænska: Konungariket Sverige) er land í Norður-Evrópu og eitt Norðurlandanna. Landamæri liggja að Noregi til vesturs og Finnlandi til norðausturs, landið tengist Danmörku með Eyrarsundsbrúnni. Einnig liggur landið að Eystrasaltinu til austurs. Svíþjóð er fjölmennust Norðurlanda með yfir níu milljónir íbúa en er þó frekar strjálbýlt. Langflestir íbúanna búa í suðurhluta landsins. Höfuðborg Svíþjóðar er Stokkhólmur. Aðrar stærstu borgir landsins, í stærðarröð, eru Gautaborg, Málmey, Uppsalir, Linköping, Västerås, Örebro, Karlstad, Norrköping, Helsingjaborg, Jönköping, Gävle, Sundsvall og Umeå.

• "Bláskógar er svæðið norðan, vestan og sunnan Þingvallavatns, þ.e. Þingvallaskógur og Þingvallahraun, allur sigdalurinn, skógi og kjarri vaxinn. Nafnið er talið stafa af dökkum, blágrænum lit sem stundum slær á birkikjarrið á þessu svæði, t.d. í skúraveðri.Bláskógar við Þingvelli eru nefndir í Íslendingabók þar sem þess er getið að maður að nafni Þórir kroppinskeggi sem land átti í Bláskógum hafði orðið sekur um morð á þræl eða leysingja. Talið er líklegt að Þórir hafi búið á þeirri jörð sem síðar varð Þingvöllur. Land hans varð þess vegna allsherjarfé og lagt til alþingis. Í Landnámabók er nefndur Grímkell goði í Bláskógum og einni gerð Landnámu er nefnd Skálabrekka („þar sem nú heitir Skálabrekka í Bláskógum“). Í Ölkofra þætti er Þórhallur ölkofri sagður búa í Bláskógum á Þórhallsstöðum. Ölkofrahóll er nú nefndur á milli Þórhallsstaða og Skógarkots. Síðast var búið á Þórhallastöðum (Þórhallsstöðum) um 1704. Þeir eru ekki oft nefndir í síðari alda heimildum, t.d. hvorki í Jarðabók Árna Magnússonar og Páls Vídalíns né sýslu- og sóknalýsingum Bókmenntafélagsins frá um 1840. Bláskógaheiði er nefnd í Íslendingasögum og í Sturlungu og svo nefndist afrétturinn norður og vestur af Þingvöllum öldum saman. Það nafn setti Björn Gunnlaugsson á Íslandskort sitt 1844 sem annað nafn á Gagnheiði. Í bók Björns Th. Björnssonar, Þingvellir – staðir og leiðir, er kort yfir Bláskóga: Þingvelli, þjóðgarð og nágrenni."

• "Kolviðarhóll er botnurðarhóll, og annar slíkur er á Krossfjöllum, og liggur norðan við þjóðveginn vestan í Hellisheiði. Þar var á 19. og 20. öld frægur áningastaður ferðmanna sem áttu leið yfir heiðina. Þar var síðar reist veglegt steinsteypuhús til að taka á móti ferðamönnum en sem síðar varð skíðaheimili I.R.-inga árið 1938. Starfsemin leið undir lok árið 1952. Síðan urðu húsin á Hólnum spellvirkjum og óheiðarlegum vegfarendum að bráð. Húsin á Kolviðarhóli voru rifin og jöfnuð við jörðu árið 1977. En má sjá votta fyrir tóttum hússins."