Runólfur Jónsson (1864-1943)

Identity area

Type of entity

Person

Authorized form of name

Runólfur Jónsson (1864-1943)

Parallel form(s) of name

  • Runólfur Jónsson

Standardized form(s) of name according to other rules

Other form(s) of name

  • Runólfur predikari
  • Runki predikari

Identifiers for corporate bodies

Description area

Dates of existence

23.07.1864-04.06.1943

History

Runólfur ólst upp hjá foreldrum sínum, en hóf sjósókn ungur að aldri og reri í ýmsum verstöðvum. Kom frá Akureyri til Sauðárkróks 1903 og dvaldist þar síðan til æviloka. Fyrstu árin á Sauðárkróki átti hann dálítinn bústofn og stundaði garðyrkju með góðum árangri jafnframt sjósókninni. Árið 1915 eignaðist hann einn eigin bát, fjörgurra manna far, og sótti þá sjóinn fast, var oftast einn á bátnum og aflaði vel. Árið 1918 taldi hann sig hafa aflað 950 stórþorska, 2000 þyrsklinga og 7050 ýsur af ýmslum stærðum. Veiddi einnig hafsíld í net með góðum árangri. Oft herti hann mikið af afla sínum og seldi bændum fyrir landbúnaðarafurðir eða peningagreiðslur. Gaf einnig oft nágrönnum sínum sínum á staðnum og kunningjum af afla sínum. Hann hneigðist nokkuð til víndrykkju framan af ævi og var mikill fyrirferðar við skál, en hætti því með öllu og varð strangur bindindismaður, er hann varð fyrir trúaráhrifum frá Lárusi farandpredikara Jóhannessyni. Eftir það tók Runólfur að predika úti á götum Sauðárkróksbæjar og kenndi þá í anda hinnar gömlu bókstafstrúar á Biblíuna. Var það látið afskiptalaust af andlegu stéttinni. Hann var mjög rómsterkur, svo að ræður hans heyrðust um allan bæ, ef hann stóð í honum miðjum. Mikill kynngikraftur var í ræðum hans og eigi sparaði hann stóryrði við þá sem höfðu ræður hans í flimtingum. Og vissulega voru kenningar hans fluttar af heilum hug og einlægri trú á það góða. Áheyrendur voru mismargir og fáa fékk hann aðdáendur.

Places

Legal status

Functions, occupations and activities

Mandates/sources of authority

Internal structures/genealogy

General context

Relationships area

Control area

Authority record identifier

S02082

Institution identifier

IS-HSk

Rules and/or conventions used

Status

Final

Level of detail

Partial

Dates of creation, revision and deletion

Frumskráning í AtoM, 16.01.2017,sfa

Language(s)

  • Icelandic

Script(s)

Sources

Skagfirskar æviskrár III, 1890-1910.

Maintenance notes