Bára Pétursdóttir f. í Minni-Brekku í Fljótum 10.10.1037, d. 13.07.2015 á Akureyri.
Foreldrar: Pétur Jón Stefánsson (1909-2000) og Guðrún Jónsdóttir (1920-2011). Hún ólst upp í Minni-Brekku og Hofi í Vesturdal til 7 ára aldurs. Eftir það fluttist hún alfarið í Hof og ólst upp í stórum systkinahópi. Bára ólst upp við hefðbundin sveitastörf en 16 ára fór hún í vist í Glaumbæ og síðan suður til Kristins föðurbróður síns og var þar einn vetur. 18 ára gömul flutti hún til Akureyrar og starfaði þar svið umönnunarstörf á sjúkrahúsinu, auk þess að vinna hjá Sambandsverksmiðjunum. Árið 1971 útskrifaðist hún sem sjúkraliði og vann m.a. á barnadeild sjúkrahússins á Akureyri og á Kristnesi. Hún var virk í starf Slysavarnarfélags Íslands.
MakiNúmi Sveinbjörn Adolfsson (f. 1938). Þau eignuðust saman fjögur börn. Þau bjuggu saman á Akureyri en slitu samvistum árið 1996.

Erla Sigurbjörg Eiríksdóttir, f. á Sjávarborg í Skagafirði 15.06.1926, d. 11.11.2008. Foreldrar: Eiríkur Björnsson (1895-1986) og Sigríður Margrét Reginbaldsdóttir (1896-1955). Árið 1927 fluttist fjölskyldan að Gili í Borgarsveit en þaðan til Sauðárkróks og þar bjó Erla til æviloka. Hún lauk gagnfræðaprófi frá Menntaskólanum á Akureyri og lauk prófi frá Húsmæðraskóla Reykjavíkur 1949. Erla starfaði lengst við verslunar- og skrifstofustörf bæði á Sauðárkróki og í Reykjavík. Síðar hóf hún nám við Sjúkraliðaskóla Íslands og lauk þaðan prófi 1981 og vann sem sjúkraliði það sem eftir var starfsævinnar.
Erla var ógift og barnlaus.

Halldóra Helgadóttir fæddist á Akureyri 15. apríl 1932, dóttir Helga Ólafssonar kennara á Sauðárkróki og Akureyri og k.h. Valýar Þorbjargar Ágústsdóttur. ,,Halldóra var gagnfræðingur frá Menntaskólanum á Akureyri, hjúkrunarnemi, síðar sjúkraliði á Landakoti um árabil." Halldóra giftist Friðrik Sigurbjörnssyni lögfræðingi, þau eignuðust þrjú börn.