Showing 3770 results

Authority record
Person

Árni Þorgrímsson (1882-1924)

  • S03172
  • Person
  • 13.10.1882-14.02.1924

Árni Þorgrímsson, f. 13.10.1882, d. 14.02.1924. Foreldrar: Þorgrímur Ásgrímsson (1847-1900), bóndi í Hofstaðaseli í Viðvíkurhreppi og kona hans María Gísladóttir (1852-1929). Árni ólst upp í Hofstaðaseli. Eftir ða faðir hans lést árið 1900 brá móðir hans búi. Hann var skráður vinnumaður í Hofstaðaseli árið 1910 og skráðru í Ásgeirsbrekkur árið 1920.
Maki: Sólveig Ólafsdóttir frá Skottastöðum.

Árni Thorsteinson (1870-1962)

  • S02696
  • Person
  • 15. okt. 1870 - 16. okt. 1962

Foreldrar: Árni Bjarnason Thorsteinson landfógeti í Reykjavík, f. 1839 og Soffía Kristjana Hannesdóttir Thorsteinson húsfreyja, f. 1839. Árni varð stúdent frá Lærða skólanum 1890 og Cand.phil. 1891. Las lög um hríð en lauk ekki prófi. Lærði ljósmyndum á ljósmyndastofu Charles Petersen í Kaupmannahöfn árið 1897. Rak ljósmyndastofu í Reykjavík árin 1897-1918. Var bókhaldari hjá Sjóvártryggingafélagi Íslands 1918-1929 og starfsmaður Landsbankans frá 1930. Maki: Helga Einarsdóttir Thorsteinson húsfreyja, f. 22.10.1875. Þau eignuðust 4 börn.

Árni Þorsteinsson (1851-1919)

  • S003622
  • Person
  • 1851-1919

Árni Þorsteinsson, f. í Úthlíð í Biskupstungum 17.03.1851, d. 14.08.1919 á Kálfatjörn í Vatnsleysustrandarhreppi. (f. 17.02.1851, skv. kirkjubók). Foreldrar: Þorsteinn Þorsteinsson garðyrkjumaður og bóndi og Sesselja Árnadóttir.
Stúdent frá Lærða skólanum 1878, Cand theol. frá Prestaskólanum 18. ágúst 1880. Aðstoðarprestur í Saurbæ í Eyjafirði 1880. Prestur í Ríp í Hegranesi 1881, á Miklabæ í Óslandshlíð 1884 og Kálfatjörn á Vatnsleysuströnd 1886. Þjónaði þar til æviloka. Sýslunefndarmaður í Gullbringusýslu 1908-1918.
Maki: Ingibjörg Valgerður Sigurðardóttir (1848-1925). Þau eignuðust átta börn.

Árni Thorsteinsson (1870-1962)

  • S03623
  • Person
  • 15.10.1870-16.10.1962

Árni Thorsteinsson, f. 15.10.1870, d. 16.10.1962. Foreldrar: Soffía Hannesdóttir Johnsen og Árni Thorsteinsson, landfógeti.
Árni tók stúdentspróf árið 1890 og lagði stund á lögfræði um nokkurt skeið, en hætti því námi og lærði ljósmyndun í Kaupmannahöfn. Stundaði þá iðn um nokkurra ára skeið. Árni var einnig tónskáld.
Maki: Helga Einarsdóttir. Þau eignuðust fjögur börn.

Árni Þorsteinsson (1955-

  • S02463
  • Person
  • 11. okt. 1955-

Árni er fæddur í Neskaupsstað 11. október 1955. Sonur Þorsteins Árnasonar læknis frá Sjávarborg og Önnu Siggerðar Jóhannsdóttur. Býr í Neskaupstað.

Árni Þorvaldsson (1891-1965)

  • S01788
  • Person
  • 23. júní 1891 - 16. mars 1965

Foreldrar: Þorvaldur Ólafsson b. í Hólkoti og k.h. Kristín Magnúsdóttir. Árni ólst upp hjá foreldrum sínum í Hólkoti. Árið 1920 kvæntist hann og bjó síðan í félagi við foreldra sína til ársins 1932 er hann tók alfarið við búi í Hólkoti og bjó þar til sjötugs aldurs, er hann flutti til Sauðárkróks. Árni stundaði sjómennsku meðfram búskapnum. Hann var virkur félagi í hestamannafélaginu Léttfeta á Sauðárkróki og var svo lánsamur að eignast héraðsfræga gæðinga. Árið 1930 var Lestrarfélag Skarðshrepps stofnað. Árni var þá kosinn bókavörður þess og gengdi því starfi í 32 ár, til ársins 1962. Árni kvæntist Sigurbjörgu Hálfdánardóttur frá Sauðárkróki, þau slitu samvistum árið 1935, þau eignuðust fimm börn.

Árni Tryggvason (1911-1985)

  • S03624
  • Person
  • 02.08.1911-25.09.1985

Árni Tryggvason, f. 02.08.1911, d. 25.09.1985. Foreldrar: Tryggvi Árnason trésmiður og Arndís Jónsdóttir. Árni var settur til mennta og lauk studentsprófi 1930 og lögræðiprói 1936. Sama ár varð hann fulltrúi hjá lögmanninum í Reykjavík. Hann var skipaður borgardómari 1944 og gegndi því starfi til 1. maí 1945, er hann var skipaður hæstaréttardómari. Hann fékk lausn úr því embætti 24.03.1964. Gekk hann þá í utanríkisþjónustuna og var sendiherra. Fyrst hafði hann aðsetur í Stökkhólmi en síðan í Bonn og Osló. Árni var sæmdur fjölda heiðursmerkja, bæði innlendra og erlendra.

Arnljótur Gunnbjörn Sveinsson (1917-1992)

  • S03625
  • Person
  • 06.10.1917-06.07.1992

Arnljótur Sveinsson, f. 06.10.1917, d. 06.07.1992. Bóndi á Ytri-Mælifellsá.
Arnljótur var fæddur á Syðri-Mælifellsá en bjó á Ytri-Mælifellsá frá 12 ára aldri en var einnig um tíma á Reykjavöllum og í Sölvanesi.

Arnljótur Jón Kristjánsson

  • S00990
  • Person
  • 10.02.1887-14.03.1928

Arnljótur var annar í aldurröð sex barna sem til þroska komust. Hann ólst upp hjá móður sinni en faðir hans dó þegar hann var átta ára. Arnljóur stóð síðan fyrir búi móður sinnar, þar til hann hóf sjálfstðan búskap í Efra-Lýtingsstaðakoti í Tungusveit ásamt Sigurbjörgu konu sinni. Er þau brugu búi á Hafgrímsstöðum 1921, fluttust þau til Sauðárkróks, þar sem Arnljótur stundaði daglauna vinnu í fyrstu, Hann gekk ekki heill til skógar, og mun Jónas Kristjánsson læknir hafa komið því til leiðar að Arnljótur fékk gæslu eða umsjónarstarf á við Sjúkrahúsið og starfaði hann síðan sem sjúkrahússráðsmaður til dánardags en hann lést 41 árs gamall.

Arnór Árnason (1860-1938)

  • S02942
  • Person
  • 16. feb. 1860 - 24. apríl 1938

Fæddur í Höfnum á Skaga. Foreldrar: Árni Sigurðsson bóndi í Höfnum og fyrra kona hans Margrét Guðmundsdóttir. Arnór ólst upp með foreldrum sínum í Höfnum. Varð stúdent 1884, cand theol. 1886. Kennari við unglingaskóla á Þingvöllum veturinn 1883-1884. Veitt Tröllatunguprestakall 1886 en sat að felli í Kollafirði. Fékk lausn frá embætti 1904. Bóndi að Ballará á Skarðsströnd 1904-1907. Veittur Hvammur í Laxárdal 1907. Fékk lausn frá embætti 1935. Dvaldist á Fossi á Skaga 1935-1938. Arnór gegndi mörgum trúnaðarstörfum og hafði m.a. afskipti af verslunarsamtökum bænda.
Maki 1: Stefanía Sigríður Stefánsdóttir (10.12.1857-07.06.1893). Þau eignuðust 4 börn.
Maki 2: Ragnheiður Eggertsdóttir (28.09.1862-01.01.1937). Þau eignuðust 5 börn.

Arnór Egilsson (1856-1900)

  • S00372
  • Person
  • 04.08.1856-04.05.1900

Ljósmyndari í Húnavatnssýslu frá miðju árið 1883-1899, fór á Akureyri og var ljósmyndari þar í eitt ár eða til ársins 1900.

,,Arnór Egilsson fæddist á Holtastöðum í Langadal í Húnavatnssýslu 4. ágúst 1856. Faðir hans var Egill Halldórsson (1819-1894) bóndi og smiður á Reykjum á Reykjabraut og móðir Sigurveig Jóhannesdóttir (1832-1899) húsfreyja frá Laxamýri. Sigurveig var fyrri kona Egils. Þau skildu en hún giftist síðar Þorsteini Snorrasyni bónda síðast í Brekknakoti í Reykjahverfi S-Þing. Síðustu ár sín bjó hún í Argyle byggð í Kanada og lést þar. Arnór ólst upp hjá foreldrum sínum og á Hjaltabakka hjá sr. Páli Sigurðssyni. Þótti hann snemma efnilegur og listfengur. Um tvítugsaldur vann hann við verslunarstörf á Blönduósi en sigldi síðan til Kaupmannahafnar að læra ljósmyndun. Árið 1882 kvæntist hann Valgerði Ólafsdóttur frá Leysingjastöðum og hófu þau búskap á Blönduósi. Þar stundaði Arnór veitingasölu í Vertshúsinu en rak með ljósmyndastofu. Byggði hann viðbyggingu við Vertshúsið árið 1884 sérstakt hús til myndatökunnar og starfaði þar til ársins 1885. Tengdafaðir Arnórs bjó á Hæli í Torfalækjarhreppi síðustu búskaparár sín, en árið 1885 lést hann og Arnór flutti sig um set ásamt Valgerði konu sinni og tók við búi að Hæli. Mun nær útilokað að hafa lifibrauð af ljósmyndatökum, þó veitingasala bættist þar við. Það áttu margir frumkvöðlar ljósmyndunar á Íslandi eftir að reyna og því í raun einsýnt fyrir Arnór að hefja hefðbundin búskap.[1] Á Hæli bjó Arnór til 1890. Árið 1891 var hann á Stóru-Giljá í Þingi, en keypti síðan Bjarnastaði í Vatnsdal og bjó þar ásamt fjölskyldu sinni frá 1892-1899. Allan þann tíma hélt Arnór áfram að taka ljósmyndir af miklum krafti. Vorið 1899 vatt hann sínu kvæði í kross og ákvað að reyna enn á ný að hafa atvinnu af ljósmyndun. Keypti hann þá ljósmyndastofu Önnu Schiöth á Akureyri ásamt öllum tækjum og myndplötusafni. Í auglýsingu í blaðinu Stefni í júnímánuði tilkynnti Arnór að hann hefði nú tekið yfir rekstur Önnu og bauð bæjarbúum að láta taka af sér góðar og vandaðar ljósmyndir, svo notuð séu hans orð. Arnór fullyrti einnig að almennt væri viðurkennt að hans myndir tækju öðrum íslenskum ljósmyndum fram.[2] Akureyringar nutu hæfileika Arnórs þó í stuttan tíma. Þrátt fyrir ungan aldur veiktist hann af krabbameini og var mjög veikur veturinn 1899-1900. Hann lést á vordögum, 4. maí 1900 frá konu og þremur ungum börnum aðeins 44 ára gamall.[3] Þrátt fyrir að glerplötur Arnórs hafi nær allar eyðilagst er varðveitt talsvert magn af pappírseftirtökum í ýmsum söfnum og gefa þær nokkra yfirsýn yfir starf hans. Arnór virðist, eins og flestir ljósmyndarar, hafa gætt þess lengst af að merkja sér myndirnar. Þó er ólíklegt að svo hafi verið í fyrstu. ÁletruninArnór Egilsson Blönduósi er sýnileg á allmörgum ljósmyndum, sem og áletrunin Arnór Egilsson Ísland, en báðar eru þær frá fyrstu árum Arnórs sem ljósmyndara, en eins og áður sagði eru elstu myndirnar líklega ekki áritaðar. Áritanir frá Hæli og Bjarnastöðum er mun fleiri. Þá má geta þess að örfáar myndir eru til með áletruninni Arnór Árnason Gilá, þar sem hann var í eitt ár eins og að framan sagði. Flestar ljósmyndir Arnórs voru svokallaðar visit myndir. Hétu þær þessu nafni þar sem þær voru svipaðar á stærð og heimsóknarspjöld, visitcards, sem velþekkt voru á betri heimilum víða um heim. Myndir í cabinet stærð voru mun fátíðari. Eins og flestir ljósmyndarar var starfsemi þeirra að mestu leyti bundin við ljósmyndastofur, þar sem hægt var að koma við þokkalegri lýsingu. Á þeirri myndatöku höfðu ljósmyndararnir lifibrauð sitt. Hins vegar áttu þeir einnig til að taka útimyndir og mannlífsmyndir, þótt slíkt væri fremur til gamans en til gróða. Þó munu einhverjir hafa keypt slíkar myndir til að hafa uppi við á heimilum sínum. Arnór stundaði slíka myndatöku í nokkru mæli. Varðveist hafa allmargar myndir frá Blönduósi, teknar af Arnóri við upphaf byggðar þar. Leiða má líkum að því að Arnór hafi farið í ljósmyndaferð til Skagafjarðar árið 1888, hugsanlega í boði Ludvigs Popp kaupmanns og fleiri ríkismanna í Skagafirði. Í þeirri ferð tók að þvi er virðist allmargar þekktar ljósmyndir, þar á meðal elstu yfirlitsmyndina, sem er þekkt af Sauðárkróki."

Arnór Sigurðsson (1919-1998)

  • S00920
  • Person
  • 01.03.1919-14.11-1998

Arnór Sigurðsson fæddist á Ísafirði 1. mars 1919. Foreldrar Arnórs voru Sigurður Sigurðsson, sýslumaður í Skagafirði, f. í Vigur í Ísafjarðardjúpi og kona hans Guðríður Stefanía Arnórsdóttir. Arnór kvæntist árið 1943 Guðrúnu Sveinsdóttur, f. 30.3. 1922, d. 24.7. 1981. Arnór og Guðrún eignuðust tvö börn. Sýsluskrifari og verslunarmaður á Sauðárkróki. Var á Sauðárkróki 1930. Síðast bús. í Kópavogi. ,,Arnór flutti barnungur frá Reykjavík til Sauðárkróks þar sem hann bjó til ársins 1996. Hann starfaði sem sýsluskrifari á Sauðárkróki frá árinu 1941 en síðar sem yfirmaður í afgreiðslu skipadeildar hjá Kaupfélagi Skagfirðinga. Arnór var verðlagseftirlitsmaður á Norðurlandi vestra til ársins 1990. Síðustu tvö æviárin bjó hann í Fögrubrekku í Kópavogi."

Arnviður Ævarr Björnsson (1922-2013)

  • S02146
  • Person
  • 27. ágúst 1922 - 17. júlí 2013

Foreldrar hans voru hjónin Björn Jósefsson, læknir á Húsavík, f. á Hólum í Hjaltadal og Sigríður Lovísa Sigurðardóttir, f. á Hofsstöðum í Viðvíkursveit. ,,Arnviður varð gagnfræðingur frá Menntaskólanum á Akureyri árið 1941. Hann varð garðyrkjufræðingur frá Garðyrkjuskóla ríkisins í Hveragerði og vann við garðyrkjustörf í nokkur ár, aðallega í Hveragerði. Arnviður kvæntist 19. október 1944 Þuríði Hermannsdóttur frá Ögurvík í Ísafjarðardjúpi, þau eignuðust fjögur börn. Árið 1944 fluttu þau til Húsavíkur þar sem þau bjuggu í 62 ár en fluttu þá til Akureyrar þar sem hann lést. Arnviður vann sem pípulagningameistari á Húsavík og nágrenni til ársins 1970 þegar hann varð starfsmaður Hitaveitu Húsavíkur sem þá var að taka til starfa. Þar vann hann þar til hann lét af störfum vegna aldurs. Arnviður tók þátt í ýmsum félagsstörfum og var meðhjálpari í Húsavíkurkirkju um árabil."

Arthur Charles Gook (1883-1959)

  • S003627
  • Person
  • 11.06.1883-18.06.1959

Arthur Charles Gook, f. í Lundúnum 11.06.1883, d. 18.06.1959.
Arthur var Breti en kom ungur til íslands, settist að á Akureyri sem trúboði og gaf út fjölda ritlinga trúarlegs eðlis. Hann gaf einnig út blaðið Norðurljósið um margra ára skeið.
Fluttist fáeinum árum fyrir andlát sitt til Bretlands.

Ása Nýbjörg Ásgrímsdóttir (1877-1969)

  • S00702
  • Person
  • 03.01.1877-1969

Frá Þóroddsstöðum í Ólafsfirði. Ása var góð saumakona enda lærð til þeirra hluta á Akureyri. Kvæntist Tryggva Friðrikssyni frá Hléskógum í Höfðahverfi í S-Þing., þau bjuggu m.a. í Eyhildarholti og á Ingveldarstöðum á Reykjaströnd, fóru til Vesturheims 1922, bjuggu lengst af í Winnipeg. Þau eignuðust þrjú börn.

Ása Sigríður Helgadóttir (1930-2015)

  • S00471
  • Person
  • 18.03.1930-05.07.2015

Ása Sigríður Helgadóttir var fædd í Vestmannaeyjum 18. mars 1930. Foreldrar Ásu Sigríðar voru hjónin Ellen Marie Torp Steffensen frá Kalundborg í Danmörku og Helgi Jónatansson frá Efsta-Bóli í Önundarfirði. Þau bjuggu í Vestmannaeyjum. Hinn 26. janúar 1952 giftist Ása Sæmundi Árna Hermannssyni frá Ysta Mói í Fljótum, þau eignuðust sjö börn. ,,Ása og Sæmundur bjuggu fyrstu búskaparár sín í Vestmannaeyjum, Reykjavík og Kópavogi. Árið 1957 fluttu þau til Sauðárkróks. Fyrstu árin bjuggu þau í Skógargötu 18 en árið 1967 byggðu þau sér stórt og fallegt heimili á Skagfirðingabraut 47. Sem ung kona í Vestmannaeyjum vann Ása við skrifstofustörf. Er hún flutti til Sauðárkróks var hún heimavinnandi fyrstu árin en síðar vann hún nokkur ár í fiski. Flest ár sín á vinnumarkaði starfaði Ása sem launafulltrúi á Sjúkrahúsi Skagfirðinga á Sauðárkróki. Ása var alla tíð virk í Kvenfélagi Sauðárkróks og gegndi þar fjölmörgum trúnaðarstörfum. Hún söng mikið með kórum á sínum yngri árum í Vestmannaeyjum og síðar í Kirkjukór Sauðárkrókskirkju og kór eldri borgara í Skagafirði. Hún sat í barnaverndarnefnd Suðárkróks um árabil. Seinni árin var hún einnig virkur félagi í Kvenfélaginu Heimaey sem er félagsskapur brott fluttra kvenna frá Vestmannaeyjum."

Ása Sigurðardóttir Briem (1902-1947)

  • S01075
  • Person
  • 14. júní 1902 - 2. nóv. 1947

Dóttir Sigurðar Eggertssonar Briem frá Reynistað og Guðrúnar Ísleifsdóttur. Húsfreyja og talsímakona í Reykjavík.

Ása Þorvaldsdóttir Baldurs (1930-2021)

  • S03629
  • Person
  • 27.11.1930-19.04.2021

Ása Þorvaldsdóttir Baldurs, f. á Þóroddsstöðum í Hrútafirði 27.11.1930, d. 19.04.2021. Foreldrar: Þorvaldur Böðvarsson bóndi og hreppsstjóri á Þóroddsstöðum og kona hans Gróa María Oddsdóttir húsfreyja. Ása ólst upp í stórum systkinahópi. Hún stundaði nám við Reykjaskóla og síðar Kvennaskólann á Blönduósi. Hún starfaði á símstöðinni á Borðeyri í Hrútafirði, hjá Kaupfélagi Skagfirðinga og hjá Langlínumiðstöð Landssímans í Reykjavík. Lengst af starfaði Ása þó hjá Landssambandi vörubifreiðarstjóra. Ása og Jóhann bjuggu lengst af að Urðarbraut 9 í Kópavogi. Ása var virk í félagsstarfi Kvenfélags Kópavogs, Sinawik og ITC.
Maki: Jóhann Frímann Baldurs (1926-2014). Þau eignuðust þrjá syni.

Ásbjörn Ólafur Sveinsson (1942-

  • S02871
  • Person
  • 24. nóv. 1942-

Ásbjörn Ólafur Sveinsson f. 24.11.1942. Lyfjafræðingur. Foreldrar: Sveinn Sigurður Ásmundsson byggingameistari á Siglufirði og kona hans Margrét Snæbjörnsdóttir.
Maki 1: Hildur Svavarsdóttir, f. 1946. Þau eignuðust einn son.
Maki 2: Dagný Bára Þórsdóttir, f. 1945, d. 1996. Þau eignuðust eina dóttur.
Maki 3: Sólveig Kjartansdóttir, f. 1962.

Ásdís Charlotte Guðlaugsdóttir (1887-1960)

  • S00044
  • Person
  • 19. okt. 1887 - 30. sept. 1960

Húsfreyja í Útskálum í Gerðahreppi 1920. Húsfreyja og prestfrú á Akureyri 1930. Maður hennar var Friðrik J. Rafnar vígslubiskup.

Ásdís Guðmundsdóttir (1963-)

  • S03509
  • Person
  • 1963

Ásdís Guðmundsdóttir, frá Ísafirði, bjó um tíma á Sauðárkróki, nú búsett í Reykjavík.

Ásdís Ísleifsdóttir (1928-2002)

  • S00235
  • Person
  • 09.12.1928-14.10.2002

Ásdís Ísleifsdóttir fæddist í Reykjavík 9. desember 1928. Foreldrar hennar voru Ísleifur Árnason, lagaprófessor og borgardómari og Soffía Gísladóttir Johnsen.

Ásdís Sigurjónsdóttir (1949-)

  • S03498
  • Person
  • 27.12.1949-

Ásdís Sigurjónsdóttir, f. 27.12.1949. Foreldrar: Sigurjón M. Jónasson og Sigrún Júlíusdóttir, Skörðugili.

Ásdís Steingrímsdóttir (1931-2018)

  • Person
  • (1931-2018)

Ásdís fæddist í Reykjavík. Foreldrar hennar voru Steingrímur Gunnarsson og Þuríður Guðjónsdóttir. Ásdís starfaði lengi sem skrifstofumaður. Hún var sjúkraliði að mennt og starfaði við það þar til hún lauk starfsæfi sinni. Hún var gift Guðjóni Jónssyni bifreiðastjóra.Þau eignuðust þrjú börn: Sigurður 1952, Sigrún 1953, Steingrímur 1956.
Sigurður er eiginmaður Guðrúnar dóttur Kristmundar.

Ásdís Vilhelmsdóttir (1926-)

  • S00056
  • Person
  • 20.12.1926-

Ásdís Vilhelmsdóttir, f. á Hofsósi 20.12.1926. Foreldrar: Vilhelm Magnús Erlendsson (1891-1972) og Hallfríður Pálmadóttir (1891-1977).

Ásgeir Ásgeirsson (1894-1972)

  • S02709
  • Person
  • 13. maí 1894 - 15. sept. 1972

Ásgeir Ásgeirsson fæddist árið 1894 í Kóranesi á Mýrum. Ásgeir lauk stúdentsprófi 1912 og guðfræðiprófi frá Háskóla Íslands 1915. Hann stundaði framhaldsnám við háskólana í Kaupmannahöfn og Uppsölum 1916-1917. Kjörinn heiðursdoktor við Manitobaháskóla 1961 og við Edinborgarháskóla 1967. Hann var alþingismaður fyrir Framsóknarflokkinn 1923-1934, utanflokka 1934-1937 og fyrir Alþýðuflokkinn 1937-1952. Forseti Sameinaðs þings 1930-1931 og varaforseti þess 1928-1929. Fjármálaráðherra 1931-1932 er hann varð forsætis- og fjármálaráðherra og gegndi hann því starfi til 1934. Ásgeir var biskupsritari 1915-1916, bankaritari við Landsbankann í Reykjavík 1917-1918 og kennari við Kennaraskólann 1918-1927. Fræðslumálastjóri 1926-1931 og 1934-1938. Bankastjóri Útvegsbankans í Reykjavík. Kjörinn forseti Íslands 29. júní 1952 og endurkjörinn án atkvæðagreiðslu 1956, 1960 og 1964 og lét af embætti 1968. Maki: Dóra Þórhallsdóttir, f. 23.02.1893. Þau eignuðust þrjú börn.

Ásgeir Bjarnþórsson (1899-1987)

  • Person
  • 01.04.1899-16.12.1987

Ásgeir Bjarnþórsson var fæddur á Grenjum í Mýrasýslu 1. apríl 1899. Faðir hans var Bjarnþór Bjarnason Móðir Asgeirs var Sesselja Soffía Níelsdóttir. Ásgeir ólst upp hjá foreldrum sínum á Grenjum í Mýrarsýslu og gekk þar að venjulegum bústörfum. Systkinin á Grenjum voru sjö. 10 ára flutti hann til Reykjavíkur með foreldrum sínum. Fljótlega hneigðist hugur hans til lista. Hóf hann listnám sitt hér hjá þeim Sigríði Björnsdóttur og Laufeyju Vilhjálmsdóttur og síðar hjá Ríkharði Jónssyni myndhöggvara og Ásgrími Jónssyni. "Ásgeir hélt til Danmerkur til náms i málaralist og höggmyndagerð. Var hann í Kaupmannahöfn hjá Viggo Brant og Aagaard og dvaldist í Miinchen í Þýzkalándi við nám hjá Schwegerle og Heimann.
Hann var um skeið hjá Benediktsmunkum í Clervaux-klaustri í Luxemborg og vann þar við kirkjuskreytingu undir fyrirsögn Nodka munks í því klaustri. Ásgeir lauk þessari námsdvöl
sinni erlendis árið 1932 og kom þá hingað heim og hóf að mála myndir, sem hann sýndi nokkrum sinnum í listasölum hér og erlendis. Honum var unun að mála landslagsmyndir,
haustliti, hraun og hríslur, en mannamyndir urðu honum ábatasamari. Náði Ásgeir mikilli leikni í þeirri listgrein og varð einn færasti portrett-málari síns tíma. Fjöldi mannamynda eftir Ásgeir prýðir nú veggi einkaheimila og opinberra stofnana og stuðlar að því að gera þá menn eftirminnilega."
Ásgeir giftist Ingeborg Lorensson frá Eistlandi, þau skildu.

Ásgeir Guðmundsson (1887-1976)

  • S02941
  • Person
  • 5. nóv. 1887 - 23. okt. 1976

Fæddur í Æðey. Foreldrar: Guðrún Jónsdóttir frá Arnardal og Guðmundur Rósinkarsson. Ásgeir bjó alla tíð í Æðey. Eftir lát móður sinnar, 1931, bjó hann þar ásamt systkinum sínum, Sigríði og Halldóri. Sinnti dýralækninum við Djúp þrátt fyrir að vera ómenntaður á því sviði. Hann gegndi mörgum trúnaðarstörfum fyrir sveit sína, var m.a. um langt skeið oddviti Snæfjallahrepps, hreppsstjóri og sýslunefndarmaður. Ásgeir var mikill bókmenntaunnandi og fjölfróður. Hann var ógiftur og barnlaus.

Ásgeir Sölvason (1865-1948)

  • S02658
  • Person
  • 31.01.1866-29.09.1948

Ásgeir Sölvason, ljósmyndari í Kanada. Heimildum ber ekki saman um hvenær hann fæddist. Íslendingabók telur hann hafa verið fæddan 1866 og er þar kenndur við Stóradal, Svínavatnshreppi, A-Hún. Aðrar heimildir segja hann fæddan 31. janúar 1865. Foreldrar hans voru Sölvi Sölvason (1829-1903) og Sólveig Stefánsdóttir (1831-1870), Ytri-Löngumýri.

Móðir hans deyr þegar hann er fimm ára að aldri. Árið 1876 flytur hann ásamt föður sínum til Vesturheims. Fyrstu fjögur árin búa þeir í Nýja-Íslandi og Winnipeg. Árið 1880 flytur fjölskyldan til Dakota og býr Ásgeir hjá föður sínum til fullorðinsára á Hallson svæðinu, vestur af Cavalier. Lítið er vitað um ljósmyndaferil Ásgeir. Í kringum 1890 var hann farinn að taka hágæða ljósmyndir með auðkenninu „A. Solvason, Cavalier“ og rak hann ljósmyndastofu í Cavalier til ársins 1907. Á þessum tíma tók hann hundruði ljósmynda af einstaklingum, hjónum, fjölskyldum og hópum. Hann notaði landslags-bakgrunn á ljósmyndastofu sinni sem urði hans gæðamerki. Hann tók einnig ljósmyndir úti við af býlum, þorpum og hópum. Þegar á leið breyttu ljósmyndir hans um stíl og snið og jafnvel talið að gæði þeirra hafi minnkað.

Vitað er til þess að sumarið 1892 hafi Christian H. Richer, einnig þekktur undir nafninu Kristján Kristjánsson, unnið á ljosmyndastofu Ásgeirs og seinna var Páll E. Eiríksson í starfsþjálfun hjá honum.

Ásgeir kvæntist Ólöfu Vigfúsdóttur Hallsson frá Glasston en hún lest árið 1907. Þá flutti Ásgeir frá Cavalier og settist að í Washington fylki. Ásgeir Sölvason dó í Tacoma 83 ára að aldri. Ekki er vitað til þess að hann hafi átt afkomendur.

Ásgrímur Árnason (1896-1933)

  • S03331
  • Person
  • 30.09.1896-18.01.1933

Ásgrímur Árnason, f. á Lundi í Stíflu 30.09.1896, d. 18.01.1933 á Syðra-Mallandi. Foreldrar: Áeni Magnússon bóndi, síðast á Syðra-Mallandi og kona hans Baldvina Ásgrímsdóttir. Ásgrímur ólst upp í foreldrahúsum, fyrst á Lundi í Stíflu til 1898, Enni á Höfðaströnd 1898-1903, Ketu á Skaga 1903-1904 og loks á Syðra-Mallandi til 1923 að hann reisti þar bú. Hann var þá nýútskrifaður búfræðingur frá Hvanneyi. Ásgrímur veiktist eftir að hann sótti lækni til konu sinnar og lést upp úr því úr ókennilegri hitaveiki.
Maki: Sigríður Sigurlína Árnadóttir (1905-1985).Þau eignuðust þrjú börn.

Ásgrímur Eðvald Magnússon (1919-1939)

  • S00924
  • Person
  • 30.07.1919-07.02.1939

Sonur Elísabetar Evertsdóttur og Magnúsar Ásgrímssonar sem bjuggu m.a. á Rein í Hegranesi. Eðvald fórst með vélbátnum Þengli út af almenningum á leið til Siglufjarðar.

Ásgrímur Einarsson (1877-1961)

  • S03167
  • Person
  • 01.05.1877-06.03.1961

Ásgrímur Einarsson, f. að Illugastöðum í Flókadal 01.05.1877, d. 06.03.1961 á Sauðárkróki. Foreldrar: Einar Ásgrímsson bóndi á Vöglum á Þelamörk og víðar og fyrri kona hans, Kristbjörg Jónsdóttir. Ásgrímur ólst að mestu upp með Sölva Sigurðssyni bónda á Ysta-Hóli í Sléttuhlíð og naut þar heimafræðslu og fræðslu sóknarprests. Hann fór í Stýrimannaskólann og lauk þar farmannaprófum og varð stýrimaður og skipstjóri á hákarlaskipum við Siglufjörð og Eyjafjörð en síðast hafnsögumaður á Sauðárkróki. Hann var einnig bóndi að Ysta-Hóli í Sléttuhlíð 1910-1913, Ási í Hegranesi (að hálfu) 1913-1924 og á Reykjum á Reykjaströnd 1924-1931. Flutti þá til Sauðárkróks og keypti húsið Suðurgötu 14 þar í bæ. Átti þar heima til æviloku. Hann var einnig við barnakennslu á vetrum, áður en hann kvæntist og formaður fræðslunefndar í Hegranesi í nokkur ár. Feildarstjóri fyrir Rípurhrepp í Pöntunarfélagi Skagfirðinga meðan það starfaði. Jafnframt studdi hann ýmis önnur félagasamtök.
Maki (gift 28.11.1909): Stefanía Guðmundsdóttir (16.12.1885-08.07.1944). frá Ási í Hegranesi. Þau eignuðust fimm börn. Stefanía var systurdóttir Ásgríms.

Ásgrímur Guðmundsson (1938-1969)

  • S00616
  • Person
  • 12.11.1938-09.11.1969

Bóndi á Þorbjargarstöðum á Laxárdal ytri, Skag. Síðast bús. í Skefilsstaðahreppi. Ókvæntur og barnlaus.

Ásgrímur Hartmannsson (1911-2001)

  • S00132
  • Person
  • 13.07.1911-13.08.2001

Ásgrímur Hartmannsson fæddist í Kolkuósi í Skagafirði þann 13. júlí 1911. Hann var bæjarstjóri, kaupmaður og framkvæmdastjóri á Ólafsfirði.
Kona hans var Helga Jónína Sigurðardóttir (1917-2005).
Ásgrímur lést á Ólafsfirði 13. ágúst 2001.

Ásgrímur Höskuldsson (~1575~)

  • S01431
  • Person
  • um 1575-eftir 1622

Lítið vitað um þennan mann. Til er þó heimild að hann hafi um stund verið í Hegranesþingi en þar er hann nefndur til að skoða og meta viði kirkjunnar á Silfrastöðum 5.10.1609. Í vitnisburði frá 1622 (sjá tengt skjal) segir að hann hafi um tíma verið "vistarmaður" hjá Gunnari bónda Gíslasyni.

Ásgrímur Jónas Brynjólfur Helgason (1933-2010)

  • S01645
  • Person
  • 12. mars 1933 - 14. okt. 2010

Sonur Maríu Guðmundsdóttur og Helga Ísfjörð Gunnarssonar á Fagranesi. Verkamaður á Sauðárkróki. Kvæntist Ragnhildi Guðrúnu Lúðvíksdóttur frá Sauðárkróki.

Ásgrímur Jónsson (1917-1986)

  • S00311
  • Person
  • 8.6.1917-25.3.1986

"Hann missti móður sína, Filippíu Konráðsd., þegar hann var aðeins tveggja ára gamall. Eftir fráfall hennar var honum kom- ið í fóstur hjá vandalausu fólki, því möguleikar voru ekki miklir fyrir einstæðan efnalítinn föður að hafa tvo unga drengi hjá sér. Ekki er ólíklegt að móðurmissirinn hafi haft varanleg áhrif á Ásgrím, svo ungur sem hann var. En þegar faðir hans kvæntist aftur, árið 1927, eftirlifandi konu sinni, Maríu Hjálmarsdóttur tók hann Ásgrím og eldri bróður hans Þorgrím til sín aftur. Áttu þeir því heimili hjá föður sínum og stjúpmóður fram til þess tíma er þeir stigu út í hringiðu lífsins og hófu sjálfstæða lífsbaráttu. Ásgrímur kaus að mennta sig. Hann hóf skólagöngu 17 ára gamall, enda greindur vel og átti létt með að læra. Þræddi hann menntaveginn eins stíft og fjárhagur hans leyfði. Skólagöngu hans lauk er hann út- skrifaðist úr búnaðarháskóla í Ohio. Þegar heim kom, árið 1947, réðist hann til starfa hjá rannsóknarstofn- un Háskólans að Úlfarsá í Mosfells- sveit. Þar lét hann af starfi þremur árum síðar. Flutti hann þá að Laug- arvatni og byggði þar íbúðarhús og gróðurhús. Starfaði hann við gróður- húsræktun á eigin vegum til ársins 1973. Þá tók hann við tilraunastöð landbúnaðarins að Korpu í landi Korpúlfsstaða og veitti henni for- stöðu til dauðadags."

Ásgrímur Stefánsson (1873-1926)

  • S00722
  • Person
  • 11.08.1873-28.04.1926

Sonur Stefáns Ásgrímssonar og Helgu Jónsdóttur í Efra-Ási í Hjaltadal. Ásgrímur ólst upp með foreldrum sínum og sótti námskeið í búnaðarfræðslu við Hólaskóla. Hann dvaldist með foreldrum sínum þar til hann hóf sjálfur búskap að Efra Ási, bóndi þar á árunum 1905-1926 en sum árin á hluta jarðarinnar á móti föður sínum. Kvæntist Sigmundu Skúladóttur frá Ysta-Mói í Flókadal, þau eignuðust þrjár dætur.

Ásgrímur Sveinsson (1914-1995)

  • S00519
  • Person
  • 19.08.1914-12.12.1995

Sonur Sveins Jónssonar b. á Hóli í Sæmundarhlíð og Bergnýjar Magnúsdóttur frá Saurbæ í Kolbeinsdal. Ásgrímur var í unglingaskóla á Hólum 1930-1931 og fór svo til Hafnarfjarðar og var þar við klæðskeranám hjá Einari Einarssyni klæðskerameistara. Sveinspróf tók hann 1937 og fékk meistararéttindi 1940. Frá árinu 1937 var Ásgrímur ráðinn til að veita forstöðu saumastofu Kaupfélags Skagfirðinga sem tók til starfa í nóvember sama ár. Veitti hann stofunni forstöðu til 1952. Þá setti Ásgrímur upp eigin saumastofu og fataverslun á neðri hæð Aðalgötu 3 á Sauðárkróki en þau hjónin bjuggu á efri hæðinni. Verslunina rak hann til 1964 en þá gerðist hann húsvörður við Barnaskóla Sauðárkróks þar sem hann starfaði til 1985. Ásgrímur var hestamaður og smíðaði bæði skeifur og beislisbúnað. Jafnframt aflaði hann sér réttinda til hústeikninga og teiknaði nokkur íbúðarhús á Sauðárkróki. Ásgrímur kvæntist Hólmfríði Jóhannesdóttur frá Sauðárkróki, þau eignuðust þrjú börn.

Ásgrímur Þorgímsson (1879-

  • S03173
  • Person
  • 03.01.1879-?

Ásgrímur Þorgrímsson, f. 03.01.1879, dánardagur óljós. Foreldrar: Þorgrímur Ásgrímsson (1847-1900) bóndi í Hofstaðaseli og kona hans María Gísladóttir (1852-1929). Ásgrímur fór til Vesturheims frá Hofstaðaseli árið 1902.

Áskell Einarsson (1923-2005)

  • S03109
  • Person
  • 3. júlí 1923 - 25. sept. 2005

Fæddist í Reykjavík. Móðir hans var Ólafía Guðmundsdóttir og faðir hans var Einar Þorkelsson, skrifstofustjóri Alþingis. Uppeldisforeldrar Áskels frá sex ára aldri voru hjónin Jón Guðmundsson, móðurbróðir hans, bóndi á Brúsastöðum í Þingvallasveit og veitingamaður á Valhöll á Þingvöllum, og k.h. Sigríður Guðnadóttir. ,,Áskell lauk gagnfræðaprófi við Flensborgarskólann í Hafnarfirði árið 1939 og síðar námi við Samvinnuskólann á Bifröst árið 1948. Að loknu námi réðst Áskell sem auglýsingastjóri við dagblaðið Tímann og starfaði þar til 1956. 1956-1958 starfaði Áskell sem fulltrúi á skrifstofu Raforkumálastjóra. Árið 1958 var Áskell ráðinn sem bæjarstjóri á Húsavík og starfaði þar til ársins 1966 þegar hann réðst sem framkvæmdastjóri Sjúkrahúss Húsavíkur. Árið 1971 var Áskell ráðinn framkvæmdastjóri Fjórðungssambands Norðlendinga (samtök sveitarfélaga á Norðurlandi) staðsett á Akureyri og starfaði þar út starfsævina eða til ársins 1993 en Fjórðungssambandið var þá lagt niður í þáverandi mynd. Áskell tók virkan þátt í félagsmálum. Eftir hann liggja ótal greinar um landsbyggðarmál ásamt ritinu Land í mótun, byggðaþróun og byggðaskipulag, sem kom út árið 1970."
Barnsmóðir: Sveinsína Jóhanna Jónsdóttir, þau eignuðust eina dóttur.
Maki 1: Þórný Þorkelsdóttir, þau eignuðust tvær dætur.
Maki 2: Áslaug Valdemarsdóttir, þau eignuðust tvö börn, fyrir átti Áslaug son.

Ásmundur Árnason (1884-1962)

  • S00993
  • Person
  • 9. sept. 1884 - 17. júní 1962

Foreldrar: Árni Magnússon og Baldvina Ásgrímsdóttir á Syðra-Mallandi á Skaga. Ásmundur ólst upp á heimili foreldra sinna á ýmsum stöðum en hóf ungur sjóróðra frá Hofsósi og Drangey, var auk þess sigmaður í Drangey laust uppúr aldamótunum. Eina vertíð réri hann frá Klöpp í Sandgerði, líklega árið 1905, en uppfrá því með Sveini Jónatanssyni á Hrauni á Skaga og Steini syni hans, bæði fisk og hákarl. Sjálfur átti hann tvo báta, skektu og fjögurra manna far. Ásmundur kvæntist árið 1906 Steinunni Sveinsdóttur og voru þau í vinnumennsku í Víkum á Skaga 1906-1907, en síðan í húsmennsku til 1909 að hann hóf búskap á Ytra-Mallandi. Tveimur árum síðar tóku þau við ábúð í Ásbúðum og bjuggu þar til dauðadags. Ásmundur og Steinunn eignuðust fimm börn. Ásmundur átti einnig dóttur með Sigurlaugu Skúladóttur vinnukonu í Ásbúðum.

Ásmundur Eiríksson (1899-1975)

  • S01406
  • Person
  • 2. nóv. 1899 - 12. nóv. 1975

Skrifstofumaður í Yzta-Mó, Barðssókn, Skag. 1930. Heimili: Reykjarhóll. Forstöðumaður Hvítasunnusafnaðarins í Reykjavík.

Ásmundur Eiríksson (1950-)

  • S01539
  • Person
  • 6. sept. 1950-

Sonur Eiríks Ásmundssonar frá Stóru-Reykjum í Fljótum og Huldu Ingibjargar Magnúsdóttur.

Ásmundur Guðmundsson (1888-1969) (biskup)

  • Person
  • 1888-1969

Ásmundur var fæddur í Reykholti. Hann var stúdent 1908 og með próf í guðfræði 1912. Ásmundur var vígður til prests árið 1954 . Hann var vígður aðstoðarprestur í Stykkishómi 1915 og settur sóknarprestur þar 1916 . Ásmundur var skipaður skólastjóri á Eiðum og dósent við guðfræðideild H.Í. 1928 og prófessor þar til 1934. Ásmundur var forseti guðfræðideildar 1934-1935 og skipaður biskup, síðar fékk hann lausn frá embætti árið 1959, vegna aldurs. Hann var mikilvirkur fræðimaður og gengdi fjölda trúnaðarstarfa fyrir kirkjuna.

Ásmundur Jónsson (1899-1963)

  • S02213
  • Person
  • 6. júlí 1899 - 18. sept. 1963

Foreldrar: Jón Sigurðsson bóndi, oddviti og sýslunefndarmaður á Skúfsstöðum og barnsmóðir hans Guðrún Þorsteinsdóttir. Ásmundur ólst upp á Skúfsstöðum. Hann fór ungur til Reykjavíkur og gerðist starfsmaður danska sendiráðsins þar, en fékkst einnig af og til við verslunarstörf og fleira. Ásmundur dvaldist síðan lengi erlendis, mest í Danmörku og Þýskalandi og kvæntist þar 1938 vel menntaðri danskri söngkonu af pólskum og þýskum ættum, Irmu Weile. Eftir seinna stríðið fluttust þau heim til Reykjavíkur og bjuggu þar síðan. Ásmundur gaf út þrjár ljóðabækur og starfaði einnig við blaðamennsku.

Ásmundur Jósefsson (1899-1991)

  • S01477
  • Person
  • 6. feb. 1899 - 25. maí 1991

Foreldrar: Jósef Björnsson b. á Stóru-Reykjum og k.h. Svanfríður Sigurðardóttir. Hann ólst hjá foreldrum sínum á Stóru-Reykjum og tók við búinu árið 1924 og bjó þar til 1851 er hann flutti að Sigríðarstöðum í Flókadal. Bjó í Neskoti í sömu sveit 1953-1954, á Sjöundastöðum í sömu sveit 1954-1968. Síðustu áratugina bjó hann á Sauðárkróki, en þar keypti hann efri hæð hússins að Skagfirðingabraut 1. Á Sauðárkróki vann hann m.a. hjá hitaveitunni og síðar við sjúkrahús Skagfirðinga hjá Sæmundi Á. Hermannssyni. Kona hans var Arnbjörg Eiríksdóttir (1896-1988), ljósmóðir, þau eignuðust fimm börn.

Ásmundur Þorsteinsson (1944-2013)

  • S02351
  • Person
  • 1. jan. 1944 - 13. sept. 2013

Ásmundur fæddist í Móakoti í Norðfirði. Foreldrar hans voru Þorsteinn Norðfjörð Jónsson sjómaður og Sigríður Elíasdóttir húsmóðir. Ásmundur stundaði sjómennsku og fékk skipstjórnarréttindi frá Sjómannaskólanum 1966. Hann lauk svo prófi í rennismíði 1976. Árið 1996 hóf hann störf við Verkmenntaskóla Austurlands og gegndi því starfi til vorsins 2013 þegar hann lét að störfum vegna aldurs. Ásmundur kvæntist Hildi B. Halldórsdóttur, þau eignuðust þrjú börn.

Ásta Bjarnadóttir (1922-2007)

  • S01398
  • Person
  • 16.02.1922-23.02.2007

Ásta Bjarnadóttir fæddist á Húsavík 16. febrúar 1922. Foreldrar Ástu voru Bjarni Benediktsson, kaupmaður á Húsavík og Þórdís Ásgeirsdóttir. 1947 giftist Ásta Kjartani Sæmundssyni, kaupfélagsstjóra í Reykjavík. Sambýlismaður Ástu frá 1974 var Atli R. Ólafsson.

Ásta Eygló Pálsdóttir (1938-

  • S02043
  • Person
  • 02.02.1938-

Ásta Pálsdóttir fæddist á Sauðárkróki 2. febrúar 1938 en flutti til Keflavíkur 1954 og hefur búið þar síðan. Ásta hefur stundað myndlistarnám víða.

Ásta Hálfdánardóttir (1939-

  • S02045
  • Person
  • 22.07.1939-

Dóttir Hálfdáns Helga Sveinssonar bílstjóra og verslunarmanns á Sauðárkróki og k.h. Pálu Sigurrósar Ástvaldsdóttur.

Ásta Jónasdóttir (1911-2009)

  • S01635
  • Person
  • 9. nóv. 1911 - 29. apríl 2009

Dóttir Jónasar Kristjánssonar læknis á Sauðárkróki og k.h. Hansínu Benediktsdóttur.

Ásta Jónína Kristmundsdóttir (1902-1980)

  • S03339
  • Person
  • 12.06.1902-15.04.1980

Ásta Kristmundsdóttir, f. að Selá á Skaga 12.06.1902, d. 15.04.1980 á Sauðárkróki. Foreldar: Kristmundur Guðmundsson síðast bóndi á Selá og kona hans Guðrún Guðmundsdóttir. Ásta var yngst fjögurra systkina. Hún ólst upp hjá foreldrum sínum til 12 ára aldurs, fyrstu sex árin á Selá en síðan að Höfnum á Skaga. Síðan dvaldi hún á Hóli og hjá hjá systur sinni og mági á Hrauni. Sautján ára gömul réðist hún til Þorvaldar Guðmundssonar bónda í Brennigerði og Salóme Pálmadóttur. Þau ráku sjúkrahúsið á Sauðárkróki og vann Ásta þar um skeið. Á Sauðárkróki dvaldi hún um tíma á heimili Jóhanns og Þorbjargar Möller.
Ásta og Vilhjálmur bjuggu í Víkum 1926-1934 og á Hvalnesi 1934-1956. Eftir að Ásta fluttist til Sauðárkróks vann hún lengst af við fiskverkun og ræstingu á pósthúsinu. Hún var mikil hannyrðakona og öll matreiðsla fórst henni vel úr hendi.
Maki: Vilhjálmur Árnason (1898-1974). Þau eignuðust þrjú börn og ólu upp tvö fósturbörn, Karl Thomsen Hólm og Önnu Liljju Leósdóttur.

Ásta Jónsdóttir (1909-1975)

  • S01966
  • Person
  • 10. okt. 1909 - 30. júní 1975

Foreldrar: Jón G. Erlendsson b. á Marbæli og k.h. Anna Rögnvaldsdóttir. Ásta ólst upp hjá foreldrum sínum á Marbæli. Hún var vetrartíma á unglinganámskeiði á Hólum og tvo vetrarparta við hússtörf í Reykjavík hjá Guðrúnu Lárusdóttur. Samkvæmt Íslendingabók var Ásta námsmey á Akureyri árið 1930. Árið 1939 kvæntist hún Ólafi Jónssyni ráðunaut frá Nautabúi á Neðribyggð. Þau bjuggu á Felli í Sléttuhlíð 1938-1941 og í Stóragerði 1945-1949 er Ólafur lést. Þá flutti Ásta til Sauðárkróks með börn þeirra. Árið 1956 fluttist hún til Reykjavíkur til að skapa börnum sínum meiri möguleika til menntunar. Sonurinn Jón hafði fengið heilahimnubólgu barn að aldri, sem varð þess valdandi að hann varð heyrnarlaus. Þar sem ekki voru þá skilyrði fyrir hann til framhaldsnáms eftir Heyrnleysingjaskólann á Íslandi kom hún honum í iðnnám í Noregi, og þar settist hann að. Ásta starfaði sem matráðskona hjá Landsíma Íslands í Reykjavík. Þau Ólafur eignuðust fjögur börn.

Ásta Karlsdóttir (1929-

  • S02686
  • Person
  • 22. des. 1929-

Ásta Karlsdóttir, f. 22.12.1929 á Akureyri, Maki: Ólafur Sveinsson læknir.

Ásta Pálína Hartmannsdóttir (1911-1981)

  • S01954
  • Person
  • 10. ágúst 1911 - 25. ágúst 1981

Foreldrar: Hartmann Magnússon b. á Melstað og k.h. Gunnlaug Pálsdóttir. Ásta kvæntist Óskari Stefáni Gíslasyni frá Tumabrekku, þau bjuggu í Tumabrekku 1936-1944 og í Þúfum 1944-1965 er þau fluttust til Akureyrar. Ásta var virkur félagi í Ungmennafélaginu Geisla (nú Neista). Eftir að þau fluttu til Akureyrar starfaði hún í súkkulaðiverksmiðjunni Lindu til starfsloka. Ásta og Óskar eignuðust þrjú börn.

Ásta Sigurlaug Björg Kristinsdóttir (1905-1943)

  • S01115
  • Person
  • 26.12.1905-09.06.1943

Dóttir Kristins Erlendssonar kennara og Sigurlína Gísladóttur, sem bjuggu lengst af á Hofsósi. Húsfreyja á Siglufirði. Gift Gísla Sigurðssyni bókaverði.

Ásta Sigvaldadóttir Jónsson (1911-1988)

  • S00427
  • Person
  • 10.05.1911 - 31.07.1988

Ásta Sigvaldadóttir fæddist 10. maí 1911.
Hún var hárgreiðslumeistari og húsfreyja á Akureyri.
Hún var skírð Sigurást Hulda Sigvaldadóttir en notaði Ástu-nafnið. Í dánartilkynningum var hún nefnd Ásta Sigvaldadóttir Jónsson.
Maður hennar var Pétur Stefán Jónsson (1900-1968).

Ásthildur Ólafsdóttir (1921-1999)

  • S00913
  • Person
  • 05.07.1921-15.10.1999

Var á Sauðárkróki 1930. Fósturforeldrar Kristinn og Kristín Briem. Bankaritari í Reykjavík. Síðast bús. þar.

Ástína Þorbjörg Jóhannsdóttir (1892-1954)

  • S02747
  • Person
  • 4. okt. 1892 - 4. feb. 1954

Fædd á Vatnsenda í Ólafsfirði. Foreldrar: Jóhann Friðrik Tómasson og Sigurbjörg Björnsdóttir, síðast búsett í Sveinskoti á Reykjaströnd. Maki: Jón Gíslason, f. 1891. Þorbjörg kom sem kaupakona í Skagafjörð og kynntist Jóni þar. Þau bjuggu í Krossanesi 1922-1933, síðan á Sauðárkróki. Þau eignuðust einn son.

Ástríður Jóhannesdóttir (1921-1988)

  • S00413
  • Person
  • 23.05.1921 - 13.03.1988

Ástríður Jóhannesdóttir fæddist 23. maí 1921.
Hún var á Gauksstöðum, Útskálasókn, Gullbringusýslu 1930. Húsfreyja á Torfalæk í Torfalækjahreppi, A-Húnavatnssýslu.
Maður hennar var Torfi Jónsson (1915-2009).

Ástríður Jónsdóttir (1863-1944)

  • S02982
  • Person
  • 2. feb. 1863 - 27. jan. 1944

Foreldrar: Jón Ólafsson bóndi á Völlum á Kjalarnesi og kona hans Ása Þorláksdóttir. Maki: Gunnar Eggertsson (1870-1942) bóndi á Selnesi. Þau eignuðust 2 dætur.
Bjuggu á Sævarlandi á Skaga 1895-1903 og næstu tvö árin á eftir rak Gunnar útgerð þar. Bjuggu á Selnesi 1905-1942. Gunnar brá búi öðru hverju hin síðari ár og leigði þá mest af jörðinni en var þar með fénað sinn og taldist þá húsmaður. Byggði hann bæ nær og kallaði Grund. Ástríður var lærð ljósmóðir og gegndi lengi ljósmóðurstörfum í Hvammsprestakalli. Eftir andlát Gunnars fór hún til dóttur sinnar á Bergþórshvoli og bjó þar til dánardags.

Ástríður Magnúsdóttir (1904-1990)

  • S02190
  • Person
  • 18. sept. 1904 - 3. apríl 1990

Fædd og uppalinn í Laxnesi í Mosfellsdal, dóttir Magnúsar Þorsteinssonar prests og k.h. Valgerðar Gísladóttur. Ung að árum fór hún til starfa á Hvanneyri og kynntist þar mannsefni sínu, Tómasi Jóhannssyni frá Möðruvöllum í Eyjafirði. Þau kvæntust árið 1924 og höfðu á árunum 1924-1927 jörðina Hlíð í Hjaltadal á leigu, en bjuggu þó ekki þar nema eitt sumar en höfðu húsfólk á jörðinni. Þau voru búsett á Hólum til 1929 er Tómas lést. Árið 1930 flutti Ásta með dætur sínar til móður sinnar að Svanastöðum við Mosfellsheiði, fóru síðan að Brúarlandi í Mosfellssveit. Þar starfaði Ásta við símavörslu á landssímastöðinni. Árið 1939 flutti hún til Reykjavíkur og bjó þar síðan. Í Reykjavík starfaði Ásta m.a. á Vöggustofunni að Hlíðarenda og á Hrafnistu. Ásta og Tómas eignuðust tvær dætur.
Maki 2: Páll Guðjónsson sérleyfishafi frá Stokkseyri. Þau skildu.
Maki 3: Júlíus Ágúst Jónsson bifreiðastjóri og sérleyfishafi úr Kjós.

Ástrún Jónsdóttir Sívertsen (1915-1999)

  • S01293
  • Person
  • 24. mars 1915 - 27. október 1999

Petrea Ástrún Jónsdóttir Sívertsen fæddist á Mælifelli í Skagafirði 24. mars 1915. Foreldrar hennar voru hjónin Jórunn Hannesdóttir frá Skíðastöðum og Jón Sigfússon frá Mælifelli. Var á Sauðárkróki 1930. Kvæntist 26. október 1941 fyrri manni sínum, Sveini Steindórssyni, garðyrkjubónda frá Efri-Steinsmýri í Meðallandi, þau eignuðust eina dóttur, þau bjuggu að Álfafelli í Hveragerði. Sveinn lést 1944. Seinni maður Ástrúnar var Marteinn Sívertsen, húsasmíðameistari og kennari, þau bjuggu í Reykjavík, þau áttu ekki börn saman en Marteinn átti fyrir einn son.

Ástvaldur Kristinn Hjálmarsson (1921-2002)

  • S03483
  • Person
  • 13.06.1921-04.10.2002

Ástvaldur Kristinn Hjálmarsson, f. á Helgustöðum í Fljótum 13.06.1921, d. 04.10.2002. Foreldrar: Hjálmar Jónsson bóndi í Stóra-Holti og ráðskona hans Sigríður Eiríksdóttir. Valli, eins og hann var alltaf kallaður, var ásamt tvíburabróður sínum yngstur níu systkina. Hann ólst ekki upp hjá foreldrum sínum. Hann missti móður sína í janúar 1922 og föður sinn í febrúar sama ár, er hann var á fyrsta aldursári. Hann fór í fóstur í Stóru-Brekku tik Kristjáns Bjarnasonar og Ástu Friðbjarnardótturog ólst upp hjá þeim til fullorðinsára. Vilhjalmur tvíburabróðir hans ólst upp hjá Siglulínu í Tungu en hún var hálfsystir þeirra bræðra.
Valli naut barnaskólalærdóms og ólst upp við hefðbundin sveitastörf. Hann tók virkan þátt í menningarlífi sveitarinnar, m.a. með ungmennafélaginu, og lék á harmónikku við ýmis tækifæri. Á unglingsárunum vann hann ýmis tilfallandi störf og fór m.a. til Siglufjarðar og lærði smiðar hjá Sveini Ásmundssyni. Hann vann mikið víð smíðar meðfram búskapnum, m.a. við byggingar hjá Samvinnufélagi Fljótamanna á árunum 1949-1956. Einnig hjá ýmsum bændum í sveitinni.
Valli og Sigga hófu sambúð í Grund í Haganesvík árið 1949. Þaðan fluttu þau í Sléttu í Holtshreppi þar sem þau byrjuðu að koma sér upp bústofni. Árið 1957 keyptu þau jörðina Delpa í Sítflu sem hafði verið í eyði í nokkur ár. Þar bjuggu þau til ársins 1973, er þau fluttu í Siglufjörð og seldu allan fjárstofninn nema nokkrar kindur. Er synir þeirra, Reynir og Kári, hófu búskap í Bakka í Ólafsfirði, fóru Valli og Sigga til að hjálpa við búskapinn, meðan Reynir fór á Bændaskóla.Þar voru þau til ársins 1981, að þau fluttu aftur í Depla og byggðu þar nýtt íbúðarhús. Nokkra síðustu veturna fóru þau til Silgufjarðar en dvöldu á Deplum á sumrin.
Maki: Sigríður Inigbjörg Sveinsdóttir (1931-2008) frá Brautarholti í Haganesvík. Þau eignuðust sjö börn.

Atli Víðir Hjartarson (1966-

  • S02260
  • Person
  • 11. mars 1966-

Sonur Rannveigar Aðalbjargar Jóhannesdóttur og Hjartar Vilhjálmssonar á Sauðárkróki. Framhaldsskólakennari á Sauðárkróki.

Auðbjörg Sigríður Albertsdóttir (1908-1994)

  • S02870
  • Person
  • 27. sept. 1908 - 13. sept. 1994

Auðbjörg Sigríður Albertsdóttír f. 27.09.1908 í Neðstabæ í A-Húnavatnssýslu. Foreldrar: Hólmfríður Margrét Guðjónsdóttir (alin upp á Sölvanesi) og Gottskálk Albert Björnsson frá Kolgröf, þau bjuggu á Neðstabæ. Auðbjörg ólst þar upp hjá foreldrum sínum. Einn vetur stundaði hún nám við Hvítárbakkaskólann. Maki: Sigurður Guðlaugsson frá Sæunnarstöðum í Hallárdal. Þau hófu búskap á Neðstabæ en fluttust þaðan að Hafursstöðum og bjuggu þar um 30 ára skeið. Árið 1972 fluttu þau að Blönduósi. Þau eignuðust fimm börn. Frásagnir eftir Auðbjörgu hafa birst í tímaritinu Heima er best, þar sem hún segir sögur af dýrum og ýmsum atburðum. Hún hafði einnig mikla ánægju af garðrækt og fékkst nokkuð við að yrkja kvæði.

Auðunn Blöndal (1936-2012)

  • S00215
  • Person
  • 24.11.1936-21.12.2012

Auðunn Blöndal fæddist á Sauðárkróki. Foreldrar hans voru Valgard Blöndal og Jóhanna Árnadóttir. Auðunn kvæntist Ólu Sveinbjörgu Jónsdóttur, leiðir þeirra skildu. Saman eignuðust þau tvo syni.

Auðunn Blöndal (1980-)

  • S03541
  • Person
  • 08.07.1980

Auðunn Blöndal, f. 08.07.1980.
Frá Sauðárkróki.

Auður Guðjónsdóttir (1930-2008)

  • S02602
  • Person
  • 6. júlí 1930 - 27. apríl 2008

Auður Guðjónsdóttir f. á Tunguhálsi í Lýtingsstaðahreppi, dóttir Guðjóns Jónssonar b. á Tunguhálsi og k.h. Valborgar Hjálmarsdóttur. Maki: Stefán Arnbjörn Ingólfsson frá Víðihóli á Hólsfjöllum í Fjallahreppi, N-Þingeyjarsýslu, þau eignuðust sjö börn. Stundaði almenn sveitastörf á uppvaxtarárum sínum að Tunguhálsi. Árin 1947-1948 stundaði hún nám við Húsmæðraskólann að Löngumýri í Skagafirði. Árið 1952 fluttist hún til Akureyrar. Hóf störf við Útgerðarfélag Akureyringa 1965 og starfaði þar til ársins 2000. Gegndi ýmsum trúnaðarstörfum tengdum starfi sínu bæði hjá Útgerðarfélagi Akureyringa og hjá Verkalýðsfélaginu Einingu á Akureyri. Virk í félagsstarfi aldraðra á Akureyri.

Auður Herdís Sigurðardóttir (1967-)

  • S03491
  • Person
  • 17.03.1967

Auður Herdís Sigurðardóttir, . 17.03.1967. Foreldrar: María Helgadóttir (1933-) og Sigurður Björnsson (1927-2015).
Búsett í Brekkukoti í Blönduhlíð.

Results 256 to 340 of 3770