Dóttir Halldórs Einarssonar b. í Álftagerði, Íbishóli, Grófargili o.v. og k.h. Sigríðar Jónasdóttur. Efemía kvæntist Sigurjóni Gíslasyni, þau bjuggu á Syðstu-Grund og eignuðust einn son saman sem lést eins árs gamall. Fyrir hafði Efemía eignast einn son. Einnig ólu þau upp systurson Efemíu frá þriggja ára aldri.

Garðar Skagfjörð Jónsson fæddist á Mannskaðahóli í Skagafirði 24. desember 1913. Foreldrar hans voru Jón Jónsson bóndi og Sigríður Halldórsdóttir. Þegar Garðar var um þriggja ára gamall fór hann í fóstur til móðursystur sinnar Efemíu og Sigurjóns Gíslasonar að Syðstu-Grund í Blönduhlíð. ,,Garðar varð gagnfræðingur frá MA árið 1932, hann lauk kennaraprófi frá KÍ 1935, var farkennari á Höfðaströnd 1935-1939, þá varð hann skólastjóri við barnaskóla Hofsóss til ársins 1978. Garðar vann ýmis trúnaðarstörf á Hofsósi. Hann var hreppstjóri Hofsósshrepps árið 1952-1972, formaður áfengisvarnarnefndar Skagafjarðar, í stjórn lestrarfélags Hofsóss, bókavörður í nokkur ár, í stjórn kennarafélags Skagafjarðar í nokkur ár og gæslumaður barnastúkunnar á Hofsósi. Árið 1978 flutti hann til Akureyrar ásamt konu sinni." Garðar kvæntist 5.5. 1946 Guðrúnu Sigfúsdóttir frá Gröf á Höfðaströnd, þau eignuðust eina dóttur, fyrir átti Guðrún dóttur.

Búsettur á Syðstu-Grund í Blönduhlíð. Maki: Kolbrún María Sæmundsdóttir.

Foreldrar: Kolbrún María Sæmundsdóttir og Hinrik Már Jónsson á Syðstu-Grund í Blönduhlíð.

Foreldrar: Jón Jónsson b. að Syðstu-Grund og k.h. Björg Jónsdóttir frá Kárastöðum. Lilja ólst upp hjá foreldrum sínum, naut heimafræðslu og barnakennslu að nokkru, aflaði sér svo frekari menntunar á góðum heimilum í hannyrðum og bústjórn. Var góð saumakona fyrir heimili sitt og aðra. Var þriðja kona Jónasar Jónssonar í Hróarsdal, þau eignuðust 13 börn. Tók þátt í félagsmálum kvenna eftir því sem aðstæður leyfðu. Hún bjó eftir lát manns síns 1927 til dauðadags að Hróarsdal og keypti jörðina að ríkssjóði 1932 á 4000 kr. og seldi svo aftur þremur sonum sínum.

Fæddur á Krithóli á Neðribyggð. Foreldrar: Gísli Guðmundsson og Herdís Ólafsdóttir, þau voru ekki kvænt. Herdís varð síðar ráðskona Sigurðar Gunnarssonar b. í Syðra-Vallholti. Sigurjón var gagnfræðingur frá Möðruvallaskóla og stundaði barnakennslu í Akrahreppi um alllangt skeið meðfram búskapnum. Sigurjón ólst upp á ýmsum stöðum í Skagafirði, fyrst með föður sínum en síðan um hríð með móður sinni eftir lát föður hans. Var bóndi á Syðstu-Grund 1900-1930, er hann brá búi. Reisti aftur bú í Húsey árið 1934 með seinni konu sinni og bjó þar til 1944. Hóf svo búskap að nýju í Torfgarði árið 1946. Keypti þá jörð og bjó þar til dánardags. Maki 1: Efemía Halldórsdóttir (1869-1929). Þau eignuðust einn son er lést á öðru ári. Einnig fóstruðu þau systurson Efemíu, Garðar Jónsson hreppstjóra og skólastjóra á Hofsósi. Fyrir átti Efemía einn son.
Maki 2: Sigríður Jóhannsdóttir (1906-1970) ljósmóðir, frá Torfustöðum í Svartárdal. Þau eignuðust ekki börn.

Sigurjón Jónsson, f. á Syðstu-Grund í Blönduhlíð 17.09.1869, d. 05.01.1937 á Akureyri. Foreldrar: Jón Jónsson bóndi á Syðstu-Grund og kona hans Björg Jónsdóttir. Þau fóru til Vesturheims og létust bæði þar. Sigurjón ólst upp með foreldrum sínum á Syðstu-Grund. Fór að vinna fyrir sér, er hann hafði aldur til og reri meðal annars á Suðurnesjum. Bóndi á Þorleifsstöðum 1893-1894, Keldum í Sléttuhlíð 1894-1899, Skálá í Sléttuhlíð 1899-1901. Keypti Ósland og bjó þar 1901-1918. Seldi þá jörðina og brá búi að mestu. Var í Torfhól 1918-1920. Fór til Vesturheims og dvaldi þar 1920-1922. Setti á stofn og rak kjötbúð á Siglufirði 1922-1923. Bóndi á Hvalnesi í Skaga 1923-1931 og 1933-1934. Bjó á Borgarlæk 1928-1930 og 1932-1934. Brá þá búi og flutti fyrst til Skagastrandar til barna sinna. Sigurjón var einn af stofnendum Búnaðarfélags Óslandshlíðar og formaður þess um skeið.
Maki (gift 1892): Sigurjóna Magnúsdóttir, f. 16.03.1861, d. 23.06. 1929. Þau eignuðust sjö börn. Áður átti Sigurjóna eitt barn með heitmanni sínum, Jóni Jónssyni, bróður Sigurjóns.