Showing 6402 results

Authority record

Árni Jóhannsson (1897-1976)

  • S01379
  • Person
  • 08.10.1897-19.08.1976

Foreldrar: Jóhann Kristinn Árnason b. í Garðshorni á Höfðaströnd og þurrabúðarmaður og kennari í Lágubúð á Bæjarklettum og k.h. Sigríður Jónsdóttir. Árni ólst upp með foreldrum sínum til níu ára aldurs er honum var komið í fóstur til Jóns Konráðssonar hreppstjóra og k.h. Jófríðar Björnsdóttur í Bæ á Höfðaströnd. Verslunarmaður og bókhaldari í Hofsósi 1919-1927. Árið 1928 fluttist hann ásamt fyrri konu sinni Guðrúnu Erlendsdóttur, til Siglufjarðar þar sem hann stundaði ýmis verslunar- og skrifstofustörf fyrst um sinn en var svo ráðinn fyrsti framkvæmdastjóri Kjötbúðar Siglufjarðar. Þremur árum síðar gerðist hann bókhaldari Kaupfélags Siglfirðinga og var við það starf í áratug eða þar til hann stofnaði eigin bókhaldsstofu, jafnframt því að reka örlitla umboðs- og heildverslun. Haustið 1945 flutti hann ásamt seinni konu sinni, Ingibjörgu Sigfúsdóttur til Sauðárkróks. Þar starfrækti hann ásamt mági sínum verslunar- og byggingarfyrirtæki. Fimm árum síðar flutti fjölskyldan aftur til Siglufjarðar þar sem þau bjuggu til æviloka.
Kona 1: Guðrún Erlendsdóttir (1887-1938) frá Sauðárkróki, þau eignuðust einn son saman.
Kona 2: Ingibjörg Margrét Sigfúsdóttir (1903-1978), þau eignuðust tvö börn saman, fyrir átti Ingibjörg tvo syni.

Árni J. Jóhannsson (1873-1955)

  • S00130
  • Person
  • 02.07.1873-12.09.1955

Árni var fæddur á Steinsstöðum í Lýtingsstaðahreppi í Skagafirði þann 2. júlí 1873. Hann fór til Vesturheims árið 1876 frá Steinstöðum. Bóndi á föðurleifð sinni við Hallson, N-Dakota, USA og líklega fleiri stöðum. Kona hans var Anna Guðbjörg Björnsdóttir Johnson (1879-1953). Árni lést í Hallson 12. september 1955.

Árni Hólmsteinn Árnason (1923-2001)

  • S03617
  • Person
  • 18.09.1923-30.03.2001

Árni Hólmsteinn Árnason, f. á Kálfsstöðum í Hjaltadal 18.09.1923, d. 30.03.2001 á Sauðárkróki. Foreldrar: Árni Sveinsson bóndi á Kálfsstöðum og kona hans, Sigurveig Friðriksdóttir húsmóðir. Árni ólst upp hjá foreldrum sínum á Kálfsstöðum og vann að búi þeirra. Á veturnar skiptust hann og Friðrik bróðir hans á að fara á vetríði og vinna á Vellinum, eins og það var kallað. Árið 1964 fluttist Árni ásamt fjölskyldunni á Sauðárkrók og bjó þar á Ægisstíg 6 til æviloka. Árið eftir lést Árni, faðir hans. Á Sauðárkróki vann hann í blikksmiðju Jónasar Guðlaugssonar. Einnig vann hann eitt ár hjá versluninni Hegra, síðan 2 ár hjá Braga Sigurðssyni vélsmið og loks eitt ár hjá Trésmiðjunni Hlyn. Árið 1972 hóf hann störf hjá Sútunarverksmiðjunni Loðskinni og vann þar til 1990, er hann fór á eftirlaun. Árni var ókvæntur og barnlaus.

Árni Hólm Gottskálksson (1898-1932)

  • S03616
  • Person
  • 10.03.1898-14.02.1932

Árni Hólm Gottskálksson, f. á Bakka í Vallhólmi 10.03.1898, d. 14.02.1932 í Húsey í Vallhólmi. Foreldrar: Gottskálk Egilsson bóndi á Bakka og kona hans Guðlaug Árnadóttir húsmnóðir. Árni ólst upp hjá foreldrum sínum á Bakka til fullorðins ára. Hann naut ekki skólagöngu og vann ekki utan heimilis að ráði. Hann hóf sjálfstæðan búskap á Bakka 1926 og var Helga systir hans bústýra hjá honum. Tóku þau í fóstur bróðurdóttur sína, Guðlaugu Egilsdóttur. Árni kvæntist ekki.
Eftir fjögurra ára búskap á Bakka keypti Árni nágrannajörðina Húsey, en bjó þar aðeins rúm tvö ár, því hann andaðist úr lugnabólgu aðeins 34 ára að aldri.

Árni Hansen (1905-1988)

  • S00315
  • Person
  • 19. desember 1905 - 16. maí 1988

Árni Þormóður Hansen fæddist 19. desember 1905 á Sauðá í Borgarsveit, Skagafirði. Faðir: Hans Christian Hansen, beykir og bóndi á Sauðá. Móðir: Björg Jóhannesdóttir Hansen, húsmóðir á Sauðá. ,,Árni byrjaði sem aðrir á þessum árum ungur að sækja þá vinnu sem bauðst og réðst til Kristjáns bróður síns í vegavinnu þegar á æskuárum. Í apríl 1943 tók Árni við starfi aðalverkstjóra hjá vegagerðinni að Kristjáni látnum og hafði á hendi, meðan heilsa og kraftar entust. Vann hann í allmörg ár á skrifstofu vegagerðarinnar á Sauðárkróki, eftir að heilsa til útivinnu þraut. Á yngri árum tók Árni virkan þátt í verkalýðshreyfingunni og var formaður Vmf. Fram á Sauðárkróki árin 1935-1939. Voru honum baráttumál launþega afar hugleikin alla tíð. Var hann kjörinn heiðursfélagi Vmf. Fram árið 1953 og Verkstjórafélaga Skagafjarðar og Húnavatnssýslu 1972. Árni átti sæti í hreppsnefnd Sauðárkrókshrepps um nokkurt árabil, en dró sig í hlé frá félagsmálastörfum snemma ævinnar."
Árni kvæntist Rannveigu Þorkelsdóttur Hansen (1901-1988).

Árni Halldórsson (1916-1995)

  • S00940
  • Person
  • 12.04.1916-01.01.1995

Sonur Karólínu Sigurrósar Konráðsdóttur og Halldórs Stefánssonar smiðs á Sauðárkróki. Kaupmaður í Hafnarfirði, kvæntist Guðrúnu Valdimarsdóttur.

Árni Hafstað (1883-1969)

  • S00649
  • Person
  • 23.05.1883-22.06.1969

Árni Jónsson Hafstað bóndi í Vík í Skagafirði f. 23. maí 1883 á Hafsteinsstöðum d. 22.júní 1969. Foreldrar hans voru Jón Jónsson (1850-1939) bóndi og hreppsstjóri á Hafsteinsstöðum og kona hans Steinunn Árnadóttir (1851-1933). Árni ólst upp hjá foreldrum sínum á Hafsteinsstöðum til 18 ára aldurs en þá fór hann til náms einn vetur til sr. Árna Björnssonar á Sauðárkróki. Næstu tvo vetur var hann á Bændaskólanum á Hólum en fór að því búnu til Akureyrar og lærði garðyrkju og meðferð garðyrkjutækja í Gróðrarstöðinni. Vorið 1906 hélt hann til Danmerkur og Noregs til frekara náms í búfræði. Þar dvaldist hann á annað ár. Vorið 1908 hóf hann búskap í Vík í Staðarhreppi ásamt Sigríði systur sinni. Þar reistu þau stórt hús úr steinsteypu, eitt hið fyrsta þeirrar gerðar í Skagafirði. Í utanför sinni kynntist Árni lýðháskólahreyfingunni á Norðurlöndum og fékk þar mikinn áhuga á alþýðufræðslu. Það varð til þess að hann hann stofnaði unglingaskóla í samvinnu við sveitunga sinn Jón Sigurðsson frá Reynistað. Skólinn tók til starfa í ársbyrjun 1909 í hinu nýreista steinhúsi í Vík. Hann starfaði þó ekki nema í tvö ár en þá var kominn unglingaskóli á Sauðárkróki sem tók starfssemina yfir.

Árni var hugsjóna- og félagsmálamaður. Hann átti þátt í stofnun Ungmennafélagsins Æskunnar í Skagafirði og Ungmennafélagsins Tindastóls [1] á Sauðárkróki. Hann var einn af stofnendum Ungmennafélagasambands Skagafjarðar og fyrsti ritari þess. Hann var samvinnumaður og deildarstjóri í Staðardeild Kaupfélags Skagfirðinga, í stjórn Kaupfélagsins sat hann 1938-1947 og var kjörinn heiðursfélagi þess er hann varð 75 ára. Árni var einn af aðalhvatamönnum þess að koma á stofn héraðsskóla í Varmahlíð sem var fyrsti vísir að þorpinu sem þar er nú.

Árni Hafstað kvæntist 13. mars 1914. Kona hans var Ingibjörg Sigurðardóttir f. 16. júlí 1893 í Valadal, þau áttu saman 11 börn.

Árni Gunnarsson (1936-

  • S02090
  • Person
  • 9. sept. 1936-

Sonur Ingibjargar Guðrúnar Árnadóttur frá Stóra-Hrauni í Kolbeinsstaðahreppi og Gunnars Guðmundssonar b. og rafvirkja á Reykjum á Reykjaströnd. Árni ólst upp hjá foreldrum sínum á Reykjum. Bóndi á Reykjum og síðar verkamaður og fiskmatsmaður á Sauðárkróki, síðar rithöfundur í Reykjavík. Kvæntist Elísabetu Beck Svavarsdóttur.

Árni Gunnarsson (1902-1975)

  • S01199
  • Person
  • 19. okt. 1902 - 29. sept. 1975

Sonur Gunnars Ólafssonar og Sigurlaugar Magnúsdóttur í Keflavík. Árni ólst upp með foreldrum sínum í Keflavík og tók við búi af föður sínum árið 1940 og bjó þar til dauðadags. Árni var ókvæntur og barnlaus.

Árni Guðmundur Pétursson (1924-2010)

  • S01734
  • Person
  • 4. júní 1924 - 1. júní 2010

Árni Guðmundur Pétursson fæddist 4. júní 1924 á Oddsstöðum á Melrakkasléttu. Foreldrar hans voru Þorbjörg Jónsdóttir frá Ásmundarstöðum á Sléttu og Pétur Siggeirsson á Oddsstöðum. Árni varð búfræðingur frá Hólum árið 1944 og búfræðikandídat frá Landbúnaðarháskólanum í Kaupmannahöfn árið 1950. Hann var ráðunautur hjá Búnaðarsambandi Austurlands 1950-1952, kennari við Bændaskólann á Hólum 1952-1962 og skólastjóri þar 1962-63. Árni var ráðunautur í sauðfjárrækt hjá Búnaðarfélagi Íslands 1963-1980, ráðunautur í æðarrækt í hlutastarfi 1970-1980 og hlunnindaráðunautur BÍ 1980-1984. Kunnastur var hann fyrir brautryðjendastarf sitt við heimauppeldi æðarunga. Árni kvæntist 6. janúar 1950 Guðnýju Ágústsdóttur frá Raufarhöfn, þau eignuðust fjórar dætur.

Árni Guðmundsson (1927-2016)

  • S02957
  • Person
  • 12. sept. 1927 - 7. mars 2016

Árni fæddist á Sauðárkróki 12. september 1927. Foreldrar hans voru Dýrleif Árnadóttir og Guðmundur Sveinsson á Sauðárkróki. Árni tók próf frá Héraðsskólanum á Laugarvatni 1945, samvinnuskólapróf frá Samvinnuskólanum í Reykjavík 1947, íþróttakennarapróf frá Íþróttakennaraskóla Íslands 1948, kennarapróf frá Kennaraskóla Íslands 1952 og íþróttakennarapróf frá Statens Gymnastikkskole í Ósló 1954, auk þess sem hann nam við íþróttaskóla víðar á Norðurlöndum og sótti fjölmörg námskeið í faginu. Árni var skólastjóri Íþróttakennaraskóla Íslands frá 1956 og gegndi því starfi í 41 ár. Árni giftist Hjördísi Þórðardóttir og eignuðust þau einn son.

Árni Guðmundsson (1927-1999)

  • S02153
  • Person
  • 8. júlí 1927 - 11. sept. 1999

Foreldrar: Guðmundur Magnús Árnason b. á Þorbjargarstöðum í Laxárdal og k.h. Kristín Árnadóttir. Árni lauk námi í rennismíði frá vélsmiðjunni Héðni árið 1951. Fluttist þá aftur til Sauðárkróks og stofnaði ásamt Ingólfi bróður sínum verkstæðið Áka við þriðja mann. Árni var síðan einn af stofnendum Skjaldar hf. á sjöunda áratugnum sem rak hraðfrystihús á Eyrinni. Kom einnig mjög að stofnun og uppbyggingu Steinullarverksmiðjunnar á Sauðárkróki og sat í stjórn hennar. Starfaði um áratugaskeið í Sjálfstæðisflokknum og gegndi þar margvíslegum trúnaðarstörfum, sat jafnframt í bæjarstjórn Sauðárkróksbæjar ýmist sem aðal- eða varamaður um 16 ára skeið.
Kvæntist Svanfríði Guðrúnu Þóroddsdóttur frá Hofsósi, þau bjuggu alla tíð á Sauðárkróki og eignuðust fjögur börn.

Árni Gísli Gíslason (1833-1908)

  • S03281
  • Person
  • 08.10.1833-08.09.1908

Árni Gísli Gíslason fæddist 8. október 1833. Faðir: Gísli Árnason (1794-?) bóndi á Ketu og Rein í Rípurhreppi og Hjaltastaðakoti í Akrahreppi. Móðir: Málfríður Guðmundsdóttir (1796-5.8.1859), húsfreyja á sömu stöðum. Ólst upp hjá foreldrum sínum ásamt tveimur systkinum. Árið 1856 flytja þau frá Ketu að Rein. Gísli, faðir Árna, deyr 3. ágúst 1855 og tók þá Málfríður við bústjórn en synir hennar tveir, Árni og Gísli eru ráðsmenn hjá henni. Árið 1859 flytja þau frá Rein að Hjaltastaðakoti í Akrahreppi en Málfríður deyr það sama ár þann 5. ágúst. Upp úr 1860 flytur Árni frá Hjaltastaðakoti (nú Grænumýri) til Suðurnesja. Árið 1870 býr Árni á Hvalnesi í Hvalsnessókn í Gullbringusýslu ásamt konu sinni, Málfríði Jónsdóttur (24.1.1841-3.4.1891),stundum ritað Málmfríður, og tveimur börnum; Halldóru og Magnúsi. Árni er titlaður „hreppstjóri“ og virðist lifa af fiskveiðum. Árið 1880 býr Árni og fjölskylda á Lönd í Hvalsnessókn í Gullbringusýslu. Bæðst hefur í barnahópinn sem nú eru orðin sex. Árni og Málfríður búa þar enn árið 1890 ásamt börnunum sex. Ári síðar, eða 3. apríl 1891 deyr Málfríður. Árið 1901 er Árni skráður til heimilis hjá syni sínum, Magnúsi sem nú býr í Guðfinnuhúsi í Sauðárkrókssókn ásamt konu sinni, Kristínu Sigurðardóttur og syni þeirra Árna Georg. Halldóra dóttir Árna flyst einnig í Skagafjörðinn en hún var gift Friðriki Árnasyni, sjómanni á Sauðárkróki, syni Árna Árnasonar verts á Sauðárkróki.
Árni Gíslason deyr 8. September 1908.

Árni Gíslason (1930-)

  • S01224
  • Person
  • 21.01.1930

Árni Gíslason fæddist í Eyhildarholti í Rípurhreppi í Skagafirði þann 21. janúar 1930. Hann er búfræðingur að mennt, nam á Hólum og var bóndi í Eyhildarholti í áratugi. Þá var Árni hreppstjóri hreppsnefndar Rípurhrepps 1974-1998 og hreppsnefndaroddviti 1986-1994.
Kona hans var Ingibjörg Sveinsdóttir (1936-2018).

Árni G. Eylands (1895-1980)

  • S02210
  • Person
  • 8. maí 1895 - 26. júlí 1980

Árni G. Eylands, ráðnautur, var fæddur á Þúfum í Óslandshlíð, 8. maí 1895. Foreldrar hans voru Þóra Friðbjörnsdóttir og Guðmundur Guðmundsson. Kona Árna var Margit Larsson frá Fosstveit í Noregi. Árni varð búfræðingur frá Hólaskóla en nam síðan búfræði í Noregi og Þýskalandi; kynntist þar ýmsum nýmælum í búskap svo sem vélum og verkfærum. Árið 1921 réðist Árni til starfa hjá Búnaðarfélagi Íslands, m.a. sem þúfnabanastjóri. Síðar varð Árni verkfæraráðunautur Búnaðarfélagsins, framkvæmdastjóri búnaðardeildar SÍS, Áburðarsölu ríkisins og Grænmetisverslunar ríkisins. Þá var hann í forystu Verkfæranefndar og Vélasjóðs þar sem í hlut hans kom það að vinna að innflutningi búvéla og verkfæra, svo og prófun þeirra. Hann leiðbeindi einnig um notkun búvéla og tækni. Má segja að Árni hafi hafi komið að flestu því er varðaði þá miklu verktæknibyltingu landbúnaðarins er hófst á þriðja áratug 20. aldar. Árni skrifaði bókina Búvélar og ræktun, sem út kom árið 1950. Bókin er mikið og einstakt heimildarrit um tæknivæðingu íslensks landbúnaðar á fyrri helmingi 20. aldar, auk þess að vera kennslubók síns tíma í mótor- og búvélafræðum. Árni og Margit eignuðust tvö börn.

Árni Finnbjörnsson ( 1921-2005)

  • Person
  • 1921-2005

Árni var fæddur á Hesteyri við Norður Ísafjarðardjúp. Árni ólst upp á Ísafirði. Hann stundaði nám við Menntaskólann á Akureyri og viðskiptafræði frá Háskóla Íslands. Að námi loknu vann Árni viðtryggingastörf og varð framkvæmdastjóri Íslenska vöruskiptafélagsins 1953-1956, sölustjóri Sölumiðstöðvar hraðfrystihúsanna á meginlandi Evrópu með aðsetur í Berlín. Var Ræðismaður í Prag. Bjó síðast í Reykjavík. Framkvæmdastjóri í Reykjavík.

Árni Elfar (1928-2009)

  • S03435
  • Person
  • 05.06.1928-05.04.2009

Árni Elfar, fæddur 05.06.1928, d. 05.04.2009. Foreldrar: Elísabet Þórunn Kristjándsdóttur frá Sauðárkróki og Benedikt Elfar Árnason frá Akureyri. Árni fæddist á Akureyri en flutti með foreldrum sínum til Reykjavíkur þegar hann var á þirðja ári. Árni missti móður sína ungur og systir hans, eina systkinið hans, fluttist ung vestur um haf, þannig að hann fór snemma að ala önn fyrir sér sjálfur. Nam hann því meðfram vinnu hljóðfæraleik í áföngum og leitaði til margra kennara á ferli sínum, s.s. Árna nafna síns Kristjánssonar, píanóleikara. Opinber tónlistarferill hans hófst á dansæfingum í gagnfræðaskóla. Fyrir tvítugt var hann kominn í hljómsveit Börns R. Einarssonar. Árið 1950 hélt hann til Vestmannaeyja og starfaði um skeið með Sextett Haraldar Guðmundssonar. Í Eyjum tók hann að æfa sig á básúnu, sem fleytti honum seinna inn í Sinfóníuhljómsveit Íslands, þar sem hann lék í hartnær þrjá áratugi. Á sama tíma lék Árni í ýmsum hljómsveitum s.s. KK sextettinum, Svavar Gests, Quintett Gunnars Ormslev, en sú hljómsveit vann til verðlauna á jazzhátíð í Moskvu á þeim tíma. Síðar lék hann með hljómsveitum Karls Linniendahl og Ragnars Bjaransonar. Oft stjórnaði Árni hljómsveitum sjálfur en lét dans- og dægurtónlistina að mestu á hilluna upp úr 1972. Árni var afburðar jazzpíasnisti og kom fram með fjölda erlendra tónlistarmanna á ferli sínum.
Meðfram hljóðfæraleiknum stundaði Árni alltaf myndlistina og kom við í Myndlistarskólanum í Reykjavík um skeið.
Maki: Kristjana Magnúsdóttir. Þau eignuðust fjögur börn og fyrir átti Kristjana eina dóttur. Einnig áttti Árni einn son fyrir.

Árni Eiríksson (1857-1929)

  • S01071
  • Person
  • 3. september 1857 - 23. desember 1929

Foreldrar: Eiríkur Eiríksson og Hólmfríður Guðmundsdóttir á Skatastöðum. Árni ólst upp í Sölvanesi hjá móðurbróður sínum Sveini Guðmundssyni og k.h. Guðrúnu Jónsdóttur. Árni var bóndi í Hamarsgerði 1883-1885 og á Starrastöðum 1885-1887, bjó á Akureyri 1887-1888, bóndi á Nautabúi 1889-1897 og á Reykjum í Tungusveit 1897-1907. Fluttist eftir það til Akureyrar þar sem hann starfaði sem gjaldkeri í Íslandsbanka til æviloka. Á sínum yngri árum var Árni einn fremsti glímumaður sinnar sveitar. Árni lærði ungur að leika á orgel og var forsöngvari í Mælifells- og Reykjakirkjum meðan hann bjó á því svæði. Jafnframt var Árni hreppsnefndaroddviti í Lýtingsstaðahreppi í hálfan annan áratug og deildarstjóri KS í þeirri sveit. Árni kvæntist Steinunni Jónsdóttur frá Mælifelli, þau eignuðust fjögur börn en ólu einnig upp nokkur fósturbörn.

Árni Daníelsson (1884-1965)

  • S01547
  • Person
  • 5. ágúst 1884 - 2. ágúst 1965

Foreldrar: Daníel Andrésson og k.h. Hlíf Jónsdóttir á Ingveldarstöðum ytri á Reykjaströnd. Faðir hans lést þegar hann var fjögurra ára gamall. Níu ára fór hann í fóstur til Vesturheims til föðurbróður síns Árna Andréssonar, móðir hans og bræður fylgdu svo á eftir. Fyrir tvítugt gerðist Árni landnemi í Hólabyggð í Manitoba og stundaði skógarhögg af kappi, vann viðinn að nokkru leyti og seldi síðan í sögunarverksmiðju. Árið 1907 flutti Árni ásamt móður sinni aftur til Íslands og settust þau að á Akureyri. Árni bjó á Sjávarborg 1908-1911, í Vík 1911-1914, á Sjávarborg aftur 1914-1920, búsettur í Blaine í Bandaríkjunum 1920-1925, í Reykjavík 1925-1926 og á Sjávarborg í þriðja sinn 1926-1951. Árni var hreppstjóri Skarðshrepps 1934-1947, sýslunefndarmaður 1920 og 1938-1954. Var einnig mjög virkur í starfi ungmennafélagsins Tindastóls.
Árni kvæntist árið 1920 Heiðbjörtu Björnsdóttur frá Veðramóti, þau eignuðust þrjú börn.

Árni Daníel Júlíusson (1959)

  • Person
  • 1959

Árni Daníel fæddist í Reykjavík. Hann er sagnfræðingur að mennt og er sérfræðingur við Hugvísindadeild Háskóla Íslands

Árni Björnsson (1932-

  • S02319
  • Person
  • 16. jan. 1932-

Árni er þjóðháttafræðingur að mennt og hefur skrifað margar bækur um íslenskt þjóðlíf, s.s: Saga daganna, Jól á Íslandi, Íslenskt vættatal, Gamlar þjóðlífsmyndir, Í hálfkæringi og alvöru ofl. Árni var forstöðumaður þjóðháttadeildar Þjóðminjasafnsins frá 1969 - 2002

Árni Björnsson (1894-1966)

  • S02297
  • Person
  • 24. jan. 1894 - 29. apríl 1966

Bóndi og kennari á Stóru-Brekku í Möðruvallasókn í Eyjafirði 1930. Seinna kennari á Akureyri. Kvæntist Jónínu Sigrúnu Þorsteinsdóttur, húsmóður og leikkonu, þau eignuðust tvö börn.

Árni Björnsson (1863-1932)

  • S00812
  • Person
  • 1. ágúst 1863 - 26. mars 1932

Fæddur og uppalinn á Höfnum á Skagaströnd. Stúdent úr Lærða skólanum í Reykjavík 1885, cand. theol. frá Prestaskólanum í Reykjavík 1887 og vígðist Reynistaðarklaustursprestakalls það sama ár. Gegndi hann því prestakalli um 26 ára skeið. Hann hóf búskap á prestssetrinu Fagranesi árið 1889 og nytjaði það að meira eða minna leyti flest prestskaparár sín, en flutti til Sauðárkróks árið 1894, enda hafði prestsetrið verið flutt þangað með lögum frá 1891og kirkja reist þar 1892. Hann var prófastur Skagfirðinga 1908-1913, sýslunefndarmaður í Skagafjarðarsýslu fyrir Sauðárkrók 1906-1913. Tók einnig mikinn þátt í starfi Góðtemplarareglunnar. Sumarið 1913 fékk hann Garða á Álftanesi, þar þjónaði hann í 19 ár. Var einnig prófastur Kjalarnessprófastsdæmis frá 1916 til dauðadags og sýslunefndarmaður í Gullbringusýslu. Bjó síðustu þrjú árin í Hafnarfirði.
Maki: Líney Sigurjónsdóttir frá Laxamýri í Aðaldal, þau eignuðust 12 börn.

Árni Björn Jakobsson (1924-1999)

  • S00293
  • Person
  • 8. júní 1924 - 4. maí 1999

Frá Efra-Spákonufelli. Björn var framkvæmdastjóri heildv. Páls Jóhanns Þorleifssonar sem hann rak ásamt Gunnari J. Pálssyni forstjóra. Saman stofnuðu þeir teppaverslunina Persíu. Eiginkona Björns var Kristín Sveinbjörnsdóttir.

Árni Björn Árnason (1902-1979)

  • S03140
  • Person
  • 18. okt. 1902 - 15. ágúst 1979

Foreldrar: Sr. Árni Björnsson prófastur á Sauðárkróki og k.h. Líney Sigurjónsdóttir. Nam lækningar hér heima og í Danmörku. Héraðslæknir á Grenivík frá 1937. Stundaði einnig búskap á gömlu Grenivíkurjörðinni um tíma. Kvæntist Kristínu Loftsdóttur.

Árni Ásgrímur Þorkelsson (1852-1940)

  • S00166
  • Person
  • 17.12.1852-02.12.1940

Fæddur á Skeggstöðum, Svartárdal 17. desember 1852. Var á Sauðárkróki 1930. Hreppstjóri og bóndi í Geitaskarði í Langadal, Engihlíðarhr., A-Hún.

Árni Ásgrímur Blöndal (1929-2017)

  • S00144
  • Person
  • 31.05.1929-22.09.2017

Árni Ásgrímur Blöndal, f. 31.05.1929, d. 22.09.2017. Foreldrar: Jóhanna Árnadóttir Blöndal frá Geitaskarði í A-Húnavatnssýslu og Jean Valgard Blöndal kaupmaður. Maki: María Kristín Sigríður Gísladóttir, frá Eyhildarholti, f. 04.08.1932. Þau eignuðust ekki börn en tóku að sér bróðurson Árna, Kristján Þórð Blöndal. Árni ólst upp á Sauðárkróki og gekk þar í barnaskóla. Fór síðan í Héraðsskólann í Varmahlíð og stundaði nám við Iðnskólann á Sauðárkróki árið 1954. Foreldrar hans voru hótelhaldarar á Villa Nova á Sauðárkróki og ráku jafnframt bókaverslun Kr. Blöndal. Vann Árni á þessum stöðum frá unga aldri og kom síðar að rekstrinum með foreldrum sínum. Árið 1955 keypti hann bókabúðina og rak hana ásamt konu sinni allt til ársins 1982. Tók einnig við starfi flugvallarvarðar af föður sínum árið 1965 og gegndi því til 1996. Gegndi ýmsum trúnaðarstörfum í félagslífi bæjarins. Stundaði laxveiði og bridge. Var einn af brautryðjendum frímúararreglunnar á Sauðárkróki og félagi í Rótarýklúbbi Sauðárkróks. Var virkur í Félagi eldri borgara og söng í Kór eldri borgara. Mikill áhugamaður um tónlist og hagmæltur og eftir hann liggja vísur sem m.a. hafa birst í vísnahorni Morgunblaðsins.

Árni Árnason (1888-1971)

  • S00991
  • Person
  • 05.09.1888-05.08.1971

Foreldrar: Árni Jónsson b. og snikkari í Borgarey og k.h. Guðrún Þorvaldsdóttir. Faðir Árna lést sama ár og hann fæddist, móðir hann kvæntist tveimur árum síðar Pétri Gunnarssyni b. á Stóra-Vatnsskarði. Árni fluttist með móður sinni og stjúpa að Stóra Vatnsskarði 1899 og átti þar heim upp frá því, fyrst sem fyrirvinna hjá stjúpa sínum síðan sem lausamaður. Þá vann hann nokkur vor við jarðabótavinnu. Árið 1924 hóf hann búskap á hálflendunni á Vatnsskarði á móti Benedikt bróður sínum og bjó þar þangað til Þorvaldur sonur hans tók við búsforráðum. Árið 1931 kvæntist hann Sólveigu Einarsdóttur frá Varmalandi í Sæmundarhlíð, þau bjuggu á Vatnsskarði alla sína búskapartíð, þau eignuðust tvö börn.

Árni Árnason (1879-1962)

  • S01097
  • Person
  • 29. nóvember 1879 - 2. desember 1962

Sonur Árna Ásgrímssonar b. og hreppstjóra á Kálfsstöðum og k.h. Margrétar Þorfinnsdóttur. Árni útskrifaðist frá Bændaskólanum á Hólum um tvítugt. Hóf búskap á Kálfsstöðum árið 1903 og bjó þar í 20 ár er hann flutti til Akureyrar þar sem hann stundaði bókband til æviloka. Árni var hreppsnefndaroddviti í Hólahreppi 1916-1922. Kvæntist Steinunni Jóhannsdóttur frá Syðri-Bakka í Hörgárdal, þau eignuðust tvö börn sem upp komust.

Arngrímur Sigurðsson (1890-1968)

  • S03426
  • Person
  • 31.12.1890 - 05.12.1968

Arngrímur Sigurðsson fæddur 31.12.1890 í Dæli í Sæmundarhlíð. Dáinn 05.12.1968 á sjúkrahúsinu á Sauðárkróki. Hann var bóndi í Litlu-Gröf 1920-1967. Foreldrar hans voru Sigurður Jónsson bóndi í Litlu-Gröf og (Gunnvör) Guðlaug Eiríksdóttir.
Arngrímur ólst upp hjá foreldrum sínum, fyrst í Dæli til sjö ára aldurs, en eftir það í Litlu-Gröf og átti hann heima þar alla ævi síðan. Hann tók við búi foreldra sinna árið 1920. Í æsku naut hann menntunar umfram það sem almennt gerðist. Hann var við nám hjá Jóni á Reynistað, svo jók hann við þekkingu sína með lestri og sjálfsnámi. Hann tók að sér mörg störf í þágu sýslu og sveitar. Hann var oddviti hreppsnefndar Staðarhrepps 1922-1966, varamaður í sýslunefnd í fjölda ára og sat oft sýslufundi, í stjórn Kaupfélags Skagfirðinga 1933-1946, lengstum ritari félagsstjórnar, í stjórn Sjúkrahúss Skagfirðinga lengi, allt til 1966, endurskoðandi reikninga KS 1956-1964, í skattnefnd sveitar sinnar og fræðslunefnd. Hann sat í stjórn búnaðarfélags og ungmennafélags og naut hvarvetna trausts og virðingar fyrir störf sín.
Arngrímur var giftur Sigríði Benediktsdóttur, f. 9.6.1886 á Hofi í Hjaltadal, d. 4.8.1948. Börn Arngríms og Sigríðar voru: Þórir Angantýr f. 2.1.1923, d. 20.12.2000 á sjúkrahúsinu á Sauðárkróki og Guðlaug Sesselja Arngrímsdóttir, f. 14.1.1929, d. 31.3.2017 á Heilbrigðisstofnun Norðurlands.
Fóstursonur Arngríms og Sigríðar var: Ragnar Magnús Auðunn Blöndal f. 29.6.1918 í Stykkishólmi, d. 15.9.2010 á Hjúkrunar- og dvalarheimilinu Kumbaravogi á Stokkseyri.

Arnfríður Jónasdóttir (1905-2002)

  • S01945
  • Person
  • 12. nóv. 1905 - 9. feb. 2002

Arnfríður Jónasdóttir f. í Grundarkoti í Akrahreppi. Foreldrar: Jónas Jónasson skáld (Hofdala-Jónas) á Syðri-Hofdölum og Anna Jónsdóttir frá Þorleifsstöðum. Arnfríður ólst upp hjá foreldrum sínum þar til hún giftist fyrri manni sínum. Hún gekk einn vetur í Barnaskóla á Hofsósi.
Maki 1: Jón Pálmason frá Svaðastöðum (-1955). Þau eignuðust 4 börn.
Maki 2: Hannes Gísli Stefánsson (1910-1985).
Arnfríður og Jón bjuggu á ýmsum stöðum þar til 1939 að þau fluttu að Axlarhaga. Að Jóni látnum bjó Arnfríður þar áfram ásamt tveimur yngri börnum sínum. Síðla árs 1956 fluttist hún að Þverá til Hannesar Sigfússonar og þau giftust skömmu síðar. Árið 1993 fluttist Arnfríður á Sauðárkrók til Þórdísar dóttur sinnar og dvaldi hjá henni þar til hún fór á dvalarheimili árið 1995.

Arnfríður Arnardóttir (1958-

  • S01901
  • Person
  • 15.04.1958-

Dóttir Arnar Friðhólm Sigurðssonar og G. Erlu Ásgrímsdóttur. Búsett í Lækjarholti fyrir utan Sauðárkrók.

Arndís Guðrún Óskarsdóttir (1941-2007)

  • S00555
  • Person
  • 28. júlí 1941 - 1. desember 2007

Dóttir Óskars Gíslasonar frá Minni-Ökrum og Sigrúnar Sigurðardóttur frá Sleitustöðum. Arndís ólst upp með foreldrum sínum á Sleitustöðum. Kvæntist Brodda Skagfjörð Björnssyni frá Framnesi, þau eignuðust fimm börn. ,,Lillý ólst upp á Sleitustöðum í Kolbeinsdal. Hún gekk í Barnaskóla Óslandshlíðar í Hlíðarhúsi og fór síðan einn vetur í Héraðsskólann í Reykholti en lauk gagnfræðaprófi frá Gagnfræðaskóla Sauðárkróks. Lillý vann í Reykjavík veturinn. 1958-1959 og sumarið eftir starfaði hún við síldarsöltun á Siglufirði. Veturinn. 1959-1960 stundaði Lillý nám við Húsmæðraskólann Ósk á Ísafirði. Sumarið. 1960 var hún kokkur á síldarbáti en veturinn. 1960-1961 starfaði Lillý sem ráðskona við Bændaskólann á Hólum í Hjaltadal. Lillý og Broddi hófu búskap á Framnesi í Akrahreppi árið 1962 .Hún var virkur félagi í Kvenfélagi Akrahrepps og sat um tíma í stjórn Sambands skagfirskra kvenna."

Arndís Árnadóttir (1888-)

  • S03575
  • Person
  • 15.01.1888-?)

Arndís Árnadóttir, f. 15.01.1888. D.?
Foreldrar: Ingibjörg Valgerður Sigurðardóttir (1848-1925) og Árni á Kálfatjörn.
Var á Kálfatjörn, Kálfatjarnarsókn, Gull. 1890. Var á Kálfatjörn, Kálfatjarnarsókn, Gull. 1901. Húsfreyja í Vesturheimi.

Arnbjörn Jóhannsson (1910-1985)

  • S03287
  • Person

Arnbjörn Jóhannsson, f. 09.10.1910, d. 11.01.1985. Foreldrar: Jóhann Gunnarsson (1880-1985) og Anna Guðrún Þorleifsdóttir (1883-1965). Var búsettur á Sauðárkróki, ókvæntur og barnlaus.

Arnbjörg Guðmundsdóttir (1880-1938)

  • S02847
  • Person
  • 3. des. 1880 - 19. nóv. 1938

Foreldrar: Guðmundur Sigfússon bóndi í Grjótgarði á Þelamörk og kona hans Steinunn Anna Sigurðardóttir. Maki: Valdemar Helgi Guðmundsson. Þau eignuðust tvo syni og ólu auk þess upp fósturdóttur. Þau hófu búskap á Bessahlöðum í Öxnadal en fluttust svo að Efri-Rauðalæk á Þelamörk 1905. Þaðan fluttust þau að Fremri-Kotum 1910 og bjuggu þar til 1924. Þá keyptu þau jörðina Bólu í Blönduhlíð og var Arnbjörg búsett þar til dánardags.

Arnbjörg Eiríksdóttir (1896-1988)

  • S01491
  • Person
  • 27. des. 1896 - 1. sept. 1988

Arnbjörg Eiríksdóttir fæddist 27. desember 1896 í Nesi í Flókadal, dóttir Eiríks Ásmundssonar b. á Reykjarhóli á Bökkum og sambýliskonu hans Guðrúnar Magnúsdóttur. Arnbjörg var alinn upp hjá foreldrum sínum á Reykjarhóli. Hún lauk prófi frá Ljósmæðraskóla Íslands 1. apríl 1924. Hún var ljósmóðir í Haganeshreppi 1924-1946 og 1947-1968. Í Holtshreppi 1925-1928, 1947-1948 og 1961-1968. Maður hennar var Ásmundur Jósefsson (1899-1991), þau eignuðust fimm börn. Þau bjuggu Stóru-Reykjum í Fljótum 1924-1951, á Sigríðarstöðum í Flókadal 1951-1953, í Neskoti í sömu sveit 1953-1954, á Sjöundastöðum í sömu sveit 1954-1968. Síðast búsett á Sauðárkróki.

Arnarneshreppur (1000-2010)

  • S03423
  • Organization
  • 1000-2010

Arnarneshreppur (hét áður Hvammshreppur) ar hreppur vestan megin í Eyjafirði sem sameinaðist Hörgárbyggð undir nafninu Hörgársveit árið 2010. Hreppurinn var kenndur við bæinn Arnarnes á Gálmaströnd. Fyrr á öldum var hann víðlendari en árið 1911 var honum skipti í tvennt og varð nyrðri hlutinn að Árskógshreppi. Hjalteyri tilheyrði hreppnum. Þann 20. mars 2010 var sameining Arnarneshrepps og Hörgárhrepps samþykkt í kosningum.

Arna Björnsdóttir (1975-)

  • S03542
  • Person
  • 19.08.1975

Arna Björnsdóttir, f. 19.08.1975.
Foreldrar: Björn Björnsson og Birna Sigurbjörg Guðjónsdóttir (1943-2021).

Arna Björg Bjarnadóttir (1976-)

  • S03574
  • Person
  • 25.04.1976

Arna Björn Bjarnadóttir, f. 24.04.1976.
Foreldrar: Bjarni Maronsson og Jórunn Guðrún Árnadóttir.
Búsett á Akureyri

Ármann Þorsteinsson (1903-1987)

  • S02797
  • Person
  • 19. mars 1903 - 22. ágúst 1987

Foreldrar: Þorsteinn Jónsson og Ólöf Guðmundsdóttir. Ármann fluttist með foreldrum sínum að Bakka í Öxnadal árið 1912 og ólst þar upp til fullorðinsára. Maki: Anna Sigurjónsdóttir ljósmóðir, f. 1899, frá Ási á Þelamörk. Þau hófu búskap á Ási en fluttu tveimur árum síðar að Þverá í Öxnadal. Þau eignuðust tvo syni. Anna lést árið 1968 og bjó Ármann áfram á Þverá, fyrst hjá syni sínum og tengdadóttur en síðar hjá frænda sínum sem leigði jörðina. Fór síðar á elliheimilið Skjaldarvík. Ármann var um langt árabil formaður Búnaðarfélags Öxndæla og deildarstjóri Öxndæladeildar KEA.

Ármann Rögnvaldur Helgason (1899-1977)

  • S01552
  • Person
  • 1. jan. 1899 - 3. jan. 1977

Foreldrar: Helgi Pétursson og k.h. Margrét Sigurðardóttir. Ármann ólst upp hjá foreldrum sínum á Hofi á Höfðaströnd 1899-1901, á Spáná í Unadal 1901-1902, Geirmundarhóli í Hrolleifsdal 1902-1910 og á Kappastöðum í Sléttuhlíð 1910-1911, en foreldar hans bjuggu þar til 1915. Árið 1913 fór Ármann sem hjú að Ríp í Hegranesi og var þar til vors 1917. Þá fór hann að Eyhildarholti og var þar í eitt ár. Síðan að Ási og var þar til vors 1924, að hann fór í Vatnskots til vorsins 1927. 1927-1930 var hann við vega- og símavinnu í Suður - Þingeyjarsýslu. Árið 1930 var hann talinn til heimilis að Hamri í Hegranesi hjá Hróbjarti Jónassyni mági sínum, þá skráður sem símamaður að atvinnu. Árið 1931 flutti Ármann til Sauðárkróks og hóf störf hjá Kaupfélagi Skagfirðinga. Þar vann hann margvísleg störf, s.s. við fiskvinnslu, sláturhússtörf og fl. Hjá KS vann hann samfellt fram á sjötugsaldur.
Kvæntist Sigurbjörgu Stefaníu Pálmadóttur frá Skagaströnd, þau eignuðust þrjú börn.

Ármann Halldórsson (1916-2008)

  • Person
  • 1916-2008

Fæddur á Snotrunesi í Borgarfirði eystra árið 1916. Kennari við Alþýðuskólann að Eiðum.

Ari Trausti Guðmundsson (1948-

  • S02471
  • Person
  • 3. des. 1948-

Ari Trausti er fæddur í Reykjavík. Hann er jarðfræðingur og hefur skrifað fjölda rita um jarðfræði og náttúru Íslands.

Ari Þorvaldsson Arason (1892-1967)

  • S03422
  • Person
  • 18.03.1892-15.07.1967

Ari Þorvaldsson Árason, f. 18.03.1892, d. 15.07.1967. Foreldrar: Þorvaldur Ari Arason (1849-1926) og Anna Vigdís Steingrímsdóttir. Ari ólst upp á Víðimýri í Skagafirði.
Hann hóf störf hjá Landsbankanum 1929 og starfaði þar til starfsloka.
Maki: Karítas Jónsdóttir. Þau eignuðust tvær dætur.

Ari Már Þorkelsson (1948-

  • S02880
  • Person
  • 16. jan. 1948-

Foreldrar: Sólveig Márusdóttir, f. 1923, húsfreyja á Minni-Reykjum í Fljótum og Þorkell Björn Guðjónsson f. 1924, múrarameistari. Sólveig giftist síðar Þórarni Guðvarðarsyni og þau bjuggu á Minni-Reykjum. Maki: Jónína Stefanía Sigurbjörnsdóttir. Þau eignuðust tvo syni. Þau skildu. Búsettur á Siglufirði.

Ari Leó Björnsson Fossdal (1906-1965)

  • S01808
  • Person
  • 30. okt. 1907 - 23. ágúst 1965

Faðir: Björn Benediktsson Fossdal, verkamaður, Skagaströnd. Móðir Helga Hannesdóttir, húfreyja, Botni. Ari lærði ljómyndun hjá Hallgrími Einarssyni um 1925.
Vann sem ljósmyndari hjá Hallgrími Einarssyni frá 1927 eða 1928 um árabil. Var einnig í samstarfi við syni Hallgríms, Jónas og Kristján. Rak ljósmyndastofu á Akureyri frá um 1930-1953 og tók ljósmyndir í heimahúsum. Fór í myndatökuferðir á flesta þéttbýlisstaði á norðurlandi og tók mannamyndir, en einnig myndir af bæjum og kauptúnum. Stækkaði og handlitaði landslagsmyndir. Var í íhlaupavinnu meðfram ljósmyndum.

Ari Jónsson Arnalds (1872-1957)

  • S03420
  • Person
  • 07.06.1872-14.04.1957

Ari Jónssson Arnalds, f. á Hjöllum við Þorskafjörð 07.06.1872, d. 14.04.1957. Foreldrar: Sigríður Jónsdóttir (1831-1914) og Jón Finnsson sem þar bjuggu. Ari ólst upp á Hjöllum. Hann lauk stúdentsprófi 1898 og lögfræðiprófi við Kaupmannahafnarháskóla 1905. Var um skeið blaðamaður við Verdens Gang í Osló. Ritstjóri Dagfara á Eskifirði og meðritstjóri Ingólfs í Reykjavík. Sýslumaður um skeið í Húnavatnssýslu og Norður-Múlasýslu og bæjarfógeti á Seyðisfirði. Þá var hann um árabil starfsmaður í fjármálaráðuneytinu. Árin 1909-1911 var hann þingmaður Strandasýslu. Á eftri árum vann hann að ritstörfum og ritaði fjölda greina í blöð og útvarp.
Maki: Matthildur Einarsdóttir, Þau eignuðust þrjá syni. Þau skildu.

Ari Ívarsson (1931-

  • S02421
  • Person
  • 21. júlí 1931-

Frá Melanesi á Rauðasandi. Sonur hjónanna Ingibjargar Júlíönu Júlíusdóttur og Ívars Rósinkrans Halldórssonar bænda þar. Eiginkona Ara er Arnfríður Ásta Stefánsdóttir. Hann er fyrrum ýtumaður á Patreksfirði. Ari skrifaði í Árbók Barðastrandasýslu um vélvæðingu báta, bíla, dráttarvéla og jarðýta.

Ari Guðmundsson (um 1555-eftir 1619)

  • S01433
  • Person
  • (um 1555-um 1619)

Lögréttumaður, bjó í Ytri-Djúpadal og á Flatatungu í Skagafirði. Getið á Alþingi 1619.

Ari Birgir Pálsson (1934-2001)

  • S03421
  • Person
  • 08.03.1934-04.02.2001

Ari Birgir Pálsson, f. á Sauðárkróki 08.03.1934, d. 04.02.2001. Foreldrar: Ósk Guðbrún Aradóttir frá Móbergi í Langardal og Páll H. Árnason frá Geitaskarði. Ari bjó á Móbergi til 17 ára aldurs. Þá flutti hann til Vestmannaeyja með foreldrum sínum og tveimur bræðrum. Ari og Rebekka hófu búskap í Stakkholti í Vestmannaeyjum en fluttu svo í Uppsali þar sem Ari bjó þar til hann lést. Hann stundaði sjómennsku á yngri árum en gerðist svo bifreiðastjóri.
Maki: Rebekka Óskarsdóttir. Þau áttu þrjú börn.

Ari Arason (1813-1881)

  • S01722
  • Person
  • 1. jan. 1813 - 12. sept. 1881

Ari var fæddur á Flugumýri 1813. Faðir: Ari Arason (1763-1840) fjórðungslæknir. Móðir: Sesselja Vigfúsdóttir húsfreyja.
Ari ólst upp hjá foreldrum sínum og hlaut "betri manna" menntun fyrir fermingu. Eftir fermingu var honum komið til náms hjá Pétri prófasti Péturssyni á Víðivöllum. Útskrifaðist stúdent úr heimaskóla sumarið 1831 hjá Gunnlaugi Oddssyni dómkirkjupresti í Reykjavík. Fór til Kaupmannahafnar sama sumar til náms í Háskólanum. Hóf þar nám í tannlækningum. Kom heim aftur 1833 en fór aftur utan sama ár og tók þá að lesa læknisfræði. Lauk þar ekki fullnaðarprófum til embættis. Faðir hans aldraður og heilsuveill kallaði hann heim til að aðstoða sig við búreksturinn. Faðir hans lést 1840 og veitti Ari búi móður sinnar forstöðu þar til hún andaðist árið 1843. Það haust fór Ari til Reykjavíkur og dvaldi þar við ýmis störf um veturinn, meðal annars lagði hann stund á orgelleik og söng hjá Pétri Guðjónsen orgelleikara. Ari er skráður húsmaður á Flugumýri 1844 en tók jörðina til ábúðar 1845 og bjó þar til æviloka. Rak þar stórbú.
Eiginkona: Helga Þorvaldsdóttir (1816-1894).
Saman áttu þau 11 börn. Fjögur þeirra komust á legg.

Ari Arason (1763-1840)

  • S03334
  • Person
  • 23.03.1763-06.12.1840

Faðir: Séra Ari Þorleifsson að Tjörn í Svarfaðardal. Móðir: Þorkatla Sigurðardóttir frá Barði. "Eftir lát föður síns (1769) ólst han upp hjá föðurbróður sínum, síra Jóni Þorleifssyni að Múla; var eftir lát hans með móður sinni að Ingvörum og að Syðri Brekkum í Skagafirði. Tekinn í Hólaskóla 1782, stúdent þaðan 25. maí 1789 ... Fekk 2. okt. s. á. Predikunarleyfi í Skálholtsbyskupsdæmi og var þá kominn suður að nema lækningar af Jóni landlækni Sveinssyni í Nesi við Seltjörn; tók próf hjá honum 7. Júlí 1794. Var 4. Sept. 1795 settur til aðstoðar Jóni lækni Péturssyni í Norðlendingafjórðungi .... . Settur fjórðungslæknir þar 18. Júlí 1801, en skipaður til fullnaðar 9. apr. 1802. Bjó fyrst á Víðivöllum í Blönduhlíð, sem hann hafði keypt, til 1805, er hann fluttist að Flugumýri, sem hann keypti ásamt fleiri jörðum Hólastóls í Skagafirði. Fekk lausn frá embætti 21. Jan. 1820, en stundaði þó lækningar eftir það. Var falið að lækna sárasótt, sem upp kom í Húnavatnsþingi 1824 (dagbók hans í Lbs. 1208, 4, to). Hann andaðist á Flugumýri. ... Lækningar heppnuðust honum allvel.“
Eiginkona: Sesselja Vigfúsdóttir (1780-1843). Tilgreind þrjú börn: Guðlaug, Anna Sigríður, Ari.
(Páll Eggert Ólason: Íslenskar æviskrár I, bls. 12-13).

Ari Aðalsteinn Guðmannsson (1971-)

  • S03573
  • Person
  • 1971

Ari Aðalsteinn fæddist í Reykjavík 1971. Hann er lögmaður og býr í Luxembourg. Foreldrar hans eru Kristín Aradóttir og Guðmann Sigurbjörnsson. Kristín móðir hans er systurdóttir Kristmundar. Eiginkona Ara er Annette Ziel læknir.

Arent Valgardsson Jean Claessen (1887-1968)

  • S00245
  • Person
  • 31.01.1887-21.04.1968

Sonur Jean Valgard Claessen kaupmanns á Sauðárkróki, síðar landsféhirðir í Reykjavík og seinni konu hans, Önnu Margrétar Þuríðar Kristjánsdóttur Möller. Arent kvæntist Helgu Kristínu Þórðardóttur og eignuðust þau fimm börn. Hann var stórkaupmaður, forstjóri og aðalræðismaður í Reykjavík.

Árdís Maggý Björnsdóttir (1945-)

  • S00363
  • Person
  • 10.08.1945

Árdís Maggý Björnsdóttir fæddist 10. ágúst 1945. Hún var húsfreyja á Vatnsleysu í Viðvíkurhreppi, síðar búsett á Sauðárkróki.
Maður hennar var Jón K. Friðriksson (1941-2004).

Anton Ingimarsson (1958-2011)

  • S01896
  • Person
  • 11.08.1959-31.08.2011

Anton Ingimarsson fæddist á Sauðárkróki 11. ágúst 1959. Foreldrar hans eru Ingimar Antonsson og Gíslína Kristín Helgadóttir. ,,Anton ólst upp hjá foreldrum sínum og systkinum á Sauðárkróki. Hann nam vélvirkjun og starfaði í því fagi framan af. Lengst af starfsævinni vann hann hjá ÁTVR, fyrst á Sauðárkróki, þá í Reykjavík sem verslunarstjóri í Austurstræti og Kringlunni og loks sem verslunarstjóri á Akureyri og svæðisstjóri vínbúða á Norðurlandi."
Sambýliskona 1: Ólöf Ása Þorbergsdóttir, þau eignuðust eina dóttur, þau slitu samvistum.
Maki 2: Ólöf Pálína Úlfarsdóttir, þau eignuðust einn son, þau skildu.

Anton Grímur Jónsson (1882-1931)

  • S03248
  • Person
  • 11.12.1882-26.04.1931

Anton Grímur Jónsson, f. að Garði í Ólafsfirði 11.12.1882, d. 26.04.1931 á Siglufirði. Foreldrar: Jón Gunnlaugsson bóndi að Garði, síðast að Mjóafelli í Stíflu og kona hans Guðrún Jónsdóttir. Anton ólst upp hjá foreldrum sínum og vandist snemma algengri sveitavinnu. Stóð hugur hans snemma að smíðum og varð hann lagtækur smiður. Anton var bóndi að Deplum 1907-1920 er hann fluttist að Reykjum í Ólafsfirði og var þar til 1924. Flyst þá að Nefsstaðakoti (nú Nefstöðum) og bjó þar til dauðadags, fyrst sem leiguliði en keypti síðar jörðina. Stefanía kona hans hélt áfram búskap eftir lát hans til 1934 er Jónas sonur hennar tók við búsforráðum.
Maki: Jónína Stefanía (15.05.1881-24.04.1954). Foreldrar: Jónas Jósafatsson síðast bóndi á Knappstöðum og fyrri kona hans Guðlaug Hólmfríður Jónsdóttir frá Móskógum. Þau eignuðust sex börn en misstu eitt þeirra ungt. Einnig eignuðust þau fósturbarnið Stefaníu Guðnadóttur.

Anna Vigdís Steingrímsdóttir (1855-1939)

  • S03415
  • Person
  • 05.09.1854-24.01.1939

Anna Vigdís Steinsgrímsdóttir, f. 05.09.1854, d. 24.01.1939. Foreldrar: Steingrímur Jónsson bóndi í Saurbæ í Myrkárdal og kona hans Rósa Egilsdóttir.
Anna Vigdís og Þorvaldur Ari bjuguu á Flugumýri 1882-1896 og á Víðimýri 1896-1921.
Maki: Þorvaldur Ari Arason (1849-1926). Þau eignuðust sex börn sem náðu fullorðinsaldri.

Results 6121 to 6205 of 6402