Grein skrifuð í tilefni af 75 ára afmæli UMSS þar sem farið er yfir sögu félagsins. Greinin var send riti ÍSÍ það sama ár en var ekki birt fyrr en 1987 og þá mjög stytt.
Afrit af umsókn um styrk úr íþróttasjóði frá Hreppsnefnd Sauðárkrókshrepps. Sótt er um 15.000 kr. og var upphæðin ætluð til íþróttavallargerðar á Sauðárkróki.
Álit og tillögur í málefnum MS og KS. Flutningsmenn tillögunnar voru Jón Jónsson Hofi á Höfðaströnd, Gunnlaugur Björnsson á Brimnesi, Kristján Karlsson skólastjóri á Hólum, sr. Lárus Arnórsson Miklabæ og Arngrímur Sigurðsson í Litlu-Gröf.
Tillaga um merkingu gatna, tillaga um rekstur Fiskivers Sauðárkróks, tillaga vegna atvinnumála, breytingartillaga v. Alþýðuhúss, tillaga um Framkvæmdasjóð.
Tillaga vegna flugvallar á Sauðárkróki, flutt á bæjarstjórnarfundi 1966, undirrituð af Guðjóni Ingimundarsyni, Stefáni Guðmundssyni og Marteini Friðrikssyni.
Tilkynning frá Atvinnumálanefnd Sauðárkróks vegna hlutafjársöfnunar þar sem leitað er til Skagfirðinga um þátttöku í hlutafélagi um útgerð. Tilkynningin er ódagsett.
Ávarp flutt við óþekkt tilefni, sennilega við endurbætur á sundlauginni í Varmahlíð 1989. Rætt er um sundiðkun og keppni í héraðinu og lagt til að Grettisbikarinn verði nú tekinn úr umferð enda sé búið að keppa um hann í 50 ár. Það gefur til kynna að ávarpið hafi verið flutt 1989 en Grettisbikarinn var afhentur sundlauginni í Varmahlíð 1939.
Umsókn um styrk úr íþróttasjóði fyrir Varmahlíðarskóla. Upphæðin sem sótt var um var 3500 kr. og var upphæðin ætluð a). kaldri vatnsleiðslu til sundlaugarinnar, b). til endurbóta á heitum vatnsleiðslum, c). til upphitunar á búningsherbergjum og byggingar á baðklefum. Kostnaðaráætlun hljóðaði upp á 10.000 kr.
