Erindi til Guðjóns Ingimundarsonar frá Jóni Erni Berndsen vegna deiliskipulags íþróttavallarins á Sauðárkróki ásamt erindi frá stjórn UMSS og fleiri aðilum þar sem fjallað er um deiliskipulagið.
Tvö bréf frá Þorgilsi Guðmundssyni frá Valdastöðum sem starfaði á þessum tíma á fræðslumálaskrifstofunni í Reykjavík og var einnig gjaldkeri ÍSÍ um tíma.
Bréf frá Steinunni, eftirnafns er ekki getið, þar sem hún innir Guðjón eftir því hvort einhverjir atvinnumöguleikar séu fyrir hana "heima eða fram í firði" og óskar jafnframt eftir aðstoð Guðjóns við atvinnuleitina.
Bréf frá Jóhannesi Gísla Sölvasyni tengt starfsemi FRÍ en Jóhannes sat í stjórn og varastjórn Frjálsíþróttasambands Íslands 1958–1961 og var formaður 1960–1961.
Bréf og ljósritaður kafli úr Strandamannabók - Þættir af Ströndum, þar sem fjallað er um Gísla hreppstjóra Sigurðsson hin auðga í Bæ á Selströnd. Bréfið er frá Ingimundi Guðmundssyni frænda Guðjóns.
Bréf frá Árna Guðmundssyni fyrrverandi skólastjóra Íþróttakennaraskóla Íslands á Laugarvatni. Árni var fæddur á Sauðárkróki. Guðjón og Árni virðast hafa skrifast á árlega á 11 ára tímabili.
