Frétt send Degi á Akureyri í október 1958 þar sem fjallað er m.a. um að svo mikill fiskafli hafi borist undanfarið að starfsmenn fiskvinnslunnar hafi ekki annað framboðinu og því hafi unglingar og börn á barnaskólaaldri verið fengin til að starfa við fiskvinnslu. Í kjölfarið var setningu skólans frestað um nokkra daga. Jafnframt er fjallað um 50 ára afmæli barnaskólans en upphaflega barnaskólahúsið var byggt 1908. Veturinn 1958 voru 150 nemendur í skólanum og skólastjóri var Björn Daníelsson. 60 nemendur voru í gagnfræðiskólanum og skólastjóri var Friðrik Margeirsson.
Aftari röð f.v.: Guðjón Ingimundarson - Páll Þorgrímsson - Gísli Felixson og Magnús Bjarnason.. Fremri röð f.v.: Friðrik Margeirsson - Helgi Konráðsson - Björn Daníelsson og Árni Þorbjörnsson. Sama mynd og fol 240- 591- 592.
Grein send til Einherja í október 1965 þar sem Guðjón segir frá skólastarfi á Sauðárkróki þetta haustið. Í Barnaskóla Sauðárkróks eru 182 nemendur þetta árið og er skólastjóri Björn Daníelsson. Í Gagnfræðiskólanum eru 90 nemendur og skólastjóri er Friðrik Margeirsson. Jafnframt er fjallað um fyrirhugaða byggingu nýs gagnfræðiskólahúss. Í Tónlistarskólanum eru 40 nemendur og er þar skólastjóri Eyþór Stefánsson tónskáld og aðalkennari Eva Snæbjörnsdóttir. Jón Björnsson frá Hafsteinsstöðum er söngstjóri við skólann. Í Iðnskóla Sauðárkróks eru 30-40 nemendur og er skólastjóri þar Jóhann Guðjónsson múrarameistari.
Kennarar ásamt húsverði við barna- og miðskóla Sauðárkróks. Efri röð f.v. Guðjón Ingimundarson - Páll Þorgrímsson (húsvörður) -Gísli Felixson og Magnús Bjarnason. Neðri röð f.v. Friðrik Margeirsson - sr. Helgi Konráðsson - Björn Daníelsson og Árni Þorbjörnsson.
Fréttir sendar Einherja í mars 1964. Í fyrri fréttinni er fjallað um 30 ára afmæli hestamannafélagsins Léttfeta og fjallað stuttlega um starfsemi Léttfeta í gegnum árin. Steingrímur Arason var gerður að heiðursfélaga. Á Sauðárkróki hefur verið rekin tamningastöð í nokur ár þar sem eru að jafnaði 30 hross. Aðal tamningamenn eru Jón Baldvinsson í Dæli og Stefán Helgason á Sauðárkróki. Formaður Léttfeta er Friðrik Margeirsson skólastjóri á Sauðárkróki. Í seinni fréttinni er fjallað um slæmt atvinnuástand á svæðinu og því hafi margir farið suður til að afla sér vinnu