Ólafur Skúlason biskup visiteraði Ketukirkju á Skaga vorið 1991. Á myndinni má sjá Lárus Björnsson í Neðra-Nesi taka í hönd sr. Hjálmars Jónssonar, þá er Signý Bjarnadóttir t.h. við Hjálmar og Ólaf biskup ber á milli Lárusar og Hjálmars. Aðrir óþekktir. Lárus flutti skemmtilega tölu í kaffisamsæti í Skagaseli að messu lokinni þar sem hann vék að sr. Hjálmari sem hinni mestu óveðurskráku.
Snjóflóð féll úr Tindastóli í febrúar árið 1999 og olli rafmagnsleysi á sex bæjum á Reykjaströnd. Á myndinni má sjá starfsmenn Rarik við viðgerð á rafmagnslínunni.
Snorri Björn Sigurðsson bæjarstjóri tekur niður fána afmælisárs Sauðárkróksbæjar við lokaathöfn afmælisársins sem var haldin við Kirkjutorg í júlí árið 1997. Feykir - 27. tölublað (26.07.1997).
Katrín Sigmundsdóttir frá Siglufirði, nú búsett á Skeiðsfossi í Fljótum. Nemandi í Knattspyrnuskóla Íslands sem var haldinn um verslunarmannahelgina á Sauðárkróki árið 1999.
Á aðalfundi Kaupfélags Skagfirðinga vorið 1999 ákváðu aðlafundarfulltrúar að gefa fundarlaun sín til Rauða kross Íslands og skyldi þeim varið til hjálparstarfs í fyrrum ríkjum Júgóslavíu. Alls voru þetta kr. 300 þúsund. Á myndinni er Katrín María Andrésdóttir fulltrúi Rauða krossins með gjafabréfið og Stefán Guðmundsson stjórnarformaður KS.
Á aðalfundi Kaupfélags Skagfirðinga vorið 1999 ákváðu aðalfundarfulltrúar félagsins að gefa fundarlaun sín alls kr. 300 þúsund til Rauða kross Íslands, sem skyldi varið til hjálparstarfs í fyrrum ríkjum Júgóslavíu. Á myndinni eru fulltrúar Rauða krossins í Skagafirði og stjórnendur KS. Frá vinstri, Rannveig Þorvaldsdóttir (RkÍ), Karl Lúðvíksson (RkÍ), Stefán Guðmundsson stjórnarformaður KS, Þórólfur Gíslason kaupfélagsstjóri og Katrín María Andrésdóttir (RkÍ með gjafabréfið).
Frá stofnfundi Héraðsvatna ehf sem haldin var í Hótel Varmahlíð vorið 1999. Kristján Jónsson stjórnarformaður Héraðsvatna ehf í ræðustóli, honum á vinstri hönd Þórólfur Gíslason kaupfélagsstjóri og óþekktur.
Frá stofnfundi Héraðsvatna ehf sem haldin var í Hótel Varmahlíð vorið 1999. F.v. Óþekktur, Þórólfur Gíslason kaupfélagsstjóri, Sigurður Ágústsson rafveitustjóri, Sverrir Sveinsson rafveitustjóri (í ræðustóli), Kristján Jónsson stjórnarformaður í Héraðsvötnum ehf og Sveinn Þórarinsson stjórnarform. í Rarik.
Myndin er tekin árið 1987 þegar Ómar Unason byrjaði farþega- og sjóstangveiði frá Hofsósi á Svölunni SK 37. Frà vinstri: Magnþòr Jòhannsson, Uni Pétursson, Sunna Dögg Tavsen Òmarsdòttir, óþekktur, Hafdìs Unnsteinsdòttir, Ómar Unason og Herstein Karl Valgarðsson.
Glaumbæjarborðið á þorrablóti í Miðgarði í febrúar 1998. F.v. Sr Gísli Gunnarsson, Skúli Halldórsson frá Halldórsstöðum, Ólafur Rögnvaldsson, útgerðarmaður á Snæfellsnesi og Eiríkur Tómasson útgerðarmaður úr Grindavík.
Á kosningardaginn vorið 1998 var kveikt ruslabing sem beið þess að verða flokkaður í malarnámunum norðan á Gránumóum. Greiðlega gekk að slökkva eldinn, þó þetta væri eldsmatur góður. Augljóslega hafði verið kveikt í.
Frá þreskingu á korni í Hólminum haustið 1996 þar sem nokkrir bændur í Skagafirði stunduðu sameiginlega kornrækt. Gísli Björn Gíslason Vöglum er í þreskivélinni, Símon Traustason Ketu á pallinum og Sigurður Sigfússon Vík með pokann t.h.
Að loknum kornskurði í Hólminum haustið 1996 þar sem nokkrir bændur í Skagafirði stunduðu kornrækt saman. F.v. Árni Halldórsson Útvík, Sigurður Sigfússon Vík, Gísli Björn Gíslason Vöglum, Eiríkur Loftsson héraðsráðunautur og Símon Traustason Ketu.
Kornskurður í landi Vallholts í Hólmi haustið 1996 þar sem nokkrir bændur stunduðu sameiginlega kornrækt. Gísli Björn Gíslason á Vöglum í þreskivélinni og Símon Traustason í Ketu við sekkinn.
