Sigurður tekur viðtal við Sigurjón Helgason, Nautabúi. Líklega tekið í kringum 1969-1970. Sigurjón var fæddur a Ánastöðum og var m.a. á Gilhaga sem lausamaður. Rætt um búskap Sigurjóns og landbúnað almennt.
Viðtal við Stefán Rósantsson frá Gilhaga, líklega tekið 1969. Virðist vanta framan á viðtalið. Það er í tvennu lagi og í stafrænu afriti er það klippt saman. Rætt um ýmsa samtíðarmenn Stefáns, m.a. Símon Dalaskáld. Einnig talar Indriði G. Þorsteinsson í þessari upptöku.
Sigurður Egilsson ræðir við Stefán Rósantsson frá Gilhaga. Fyrst er rætt um Jón Sigurðsson rímnaskáld. Síðan sagt frá æsku og uppvexti Stefáns í Reykjarseli, Flatatungu, Tungukoti og Ölduhrygg. Einnig ræða þeir um vinnumennsku Stefáns á Lýtingsstöðum og í Svartárdal. Jafnframt um búkap Stefáns í Sölvanesi og Gilhaga. Loks er sagt frá ýmsum fyrirboðum, sem Egill, faðir Sigurðar, sá.