Innbundin, handskrifuð og vel læsileg bók og vel varðveitt. Bókin er í A4 stærð og í henni eru undirritanir einstaklinga, líklega félagsmanna U.M.F.T. ásamt dagsetningum og hefur verið nýtt sem gestabók / félagatal.

Leikfélag Sauðárkróks setti upp leikritið Galdra-Loft eftir Jóhann Sigurjónsson árið 1960. Það var frumsýnt 13. desember. Leikstjóri var Eyþór Stefánsson.

Fundagerðabók stjórnar Verkamannafélagsins Fram 1935-1942. Innbundin handskrifuð bók með línustrikuðum blaðsíðum í A5 stærð.
Bókin er ágætlega varðveitt og vel læsileg.

Fundgerðabók kjörstjórnar Verkamannafélagsins Fram 1966-1972. Bókin er innbundin með línustrikuðum blaðsíðum, níu fundagerðir eru skráðar í bókina. Bókin er ágætlega varðveitt og vel læsileg.
Í bókinni var umslag sem á stendur "Framboðslistar: til fulltrúakjörs á 32. þing A.S.Í 1972". Með umslaginu eru þrjú blöð, tvö í A4 stærð og eitt í A5, sem er línustrikað. A4 blöðin eru vélrituð og handskrifuð með nöfnum fulltrúa fyrir fulltrúakjör fyrir þing A.S.Í árið 1972 fyrir lista A og B. Á blöðunum eru líka nöfn meðmælenda fulltrúanna. Á A5 blaðinu er handskrifuð yfirlýsing þar sem undirritaður, Egill Helgason segist hafa tekið á móti framboðslistum fyrir áðurnefndu fulltúakjöri. Egill skrifar undir yfirlýsinguna sem er dagsett 4. okt.1972. Blöðin eru viðkvæm til meðhöndlunar.

Þunn stílabók með línustrikuðum blaðsíðum sem inniheldur lista yfir félagsmenn Verkamannafélagsins Fram 1928-1929 og mætingu þeirra á fundi félagsins. Hefti sem binda bókina voru orðin mjög ryðguð og farin að molna og skemma blaðsíðurnar í miðjubrotinu. Heftin voru fjarlægð (molnuðu reyndar í sundur við viðkomu), bókin er vel læsileg og að öðru leyti hefur varðveist ágætlega.

1 handskrifuð og vel læsileg bók, fremsta blaðsíðan er aðeins farin að rifna annars er bókin í mjög góðu ástandi.

Innbundin og handskrifuð bók og vel læsileg. Bókin hefur líklega lent í raka eða bleytu sem sést sést á öftustu blaðsíðunum. Í bókinni er athugasemd sem er svohljóðandi; Bók þessi týndist árið 1941. Var þá ný gjörðabók tekin í notkun og gildir hún frá 5. janúar 1942 til ársloka 1948.

Innbundin og handskrifuð og vel læsileg fundagerðarbók. Í athugasemd í bókinni kemur fram að það vanti fundargerðir fyrir árið 1962 þar sem þær glötuðust.

Innbundin, handskrifuð og vel læsileg bók. Þessi gjörðabók kom í staðinn fyrir aðra sem byrjað var að skrá fundargerðir í (fyrir tímabilið 1939-1962). Bókin hefur varðveist ágætlega.

Fyrsti fundur 5. maí 1953, síðasti fundur 21.06.1965.

Óbundin, línustrikuð og handskrifuð bók og vel læsileg. Blöðin eru flest orðin laus, einnig hafa blöð verið klippt eða skorin úr bókinni en að öðru leyti hefur bókin varðveist ágætlega. Einn vélritaður miði er í bókinni um skyldur fundarritara.

Fundagerðabók Verkamannafélagsins Fram vegna Strandar sf. (sem er Sæmundargata 7b) sem Verkamannafélagið Fram átti. Þar rak félagið veislu- og fundarsal sem það leigði út.
Í bókina eru skráðar þrjár fundagerðir auk þess sem ein fundagerð, dagsett 25. okt. (án ártals) er á lausu línustrikuðu blaði. Einnig voru í bókinni vélrituð blöð með dagskrá stjórnafundar, hugmynd að gjaldskrá og drög að starfslýsingu umsjónarmanns með sal. Bókin er vel læsileg og í góðu ásigkomulagi.

Fundagjörðir Verkamannafélagsins Fram 1997-1999, í safninu eru úptrentuð og ljósrituð pappírsgögn með fundagerðum stjórnar V.M.F. Fram, stjórn sjúkarsjóðs Vlf. Fram og sameiginlegs fundar Verkamannafél. Fram og Verkakvennafélags Öldunnar.
Safnið inniheldur fundarboð og dagskrá funda, einnig gögn sem tengjast dagskrárefnis fundanna, öll hefti voru hreinsuð úr safninu. Skjölum var raðað eftir dagsetningu funda og ártali - að öðru leyti var það látið haldast óbreytt. Öll gögn eru í góðu ásigkomulagi og vel læsilegt. Í fundagerð 24.9.1998 er t.d. rætt um samstarf V.M.F. Fram og Vkf. Ölduna um ýmis samstarfsverkefni félaganna, þar að auki er rætt um sameiningu þeirra. Í fundargerð stjórnar Vlf. Fram dags.18.10.1999 kemur meðal annars fram formlegar samþykktir félaganna tveggja um sameiningu.

Fundagerðabók Verkamannafélagsins Fram 1993-1998, sem inniheldur fundagerðir stjórnar. Innbundin handskrifuð með línustrikuðum blaðsíðum. Bókin er vel læsileg og ágætlega varðveitt.

Fundagerðabók stjórnar og trúnaðarmannaráðs Verkamannafélagsins Fram tímabilið 1989-1993. Innbundin handskrifuð bók í A4 stærð með línustrikuðum blaðsíðum. Bókin er vel læsileg og hefur varðveist ágætlega.

Fundagjörðir samninganefndar Verkamannafélagsins Fram 1996-1997. Í bókinni er fyrsta fundagerð samninganefndarinnar sem haldin var 12.11.1996 auk tveggja annara funda sem nefndin hélt árið 1997 - ekkert annað er skráð í bókina. Bókin er í A4 stærð og er heilleg og vel læsileg.

Fundagjörðir kjörstjórnar Verkamannafélagsins Fram 1997-1998, bókin er harðspjalda með línustrikuðum blaðsíðum. Í bókinni eru færðar fimm fundagerðir, sú fyrsta er dagsett 23/3 en ekkert ártal er skráð. Bókin er vel læsileg og ágætlega varðveitt.

Tvö lausblaða blöð (líklega klippt úr fundagerðabók, sbr. númerum efst á blöðunum) línustrikuð sem á eru handskrifaðar fundagjörðir kjörnefndar Verkamannafélagsins Fram. Annað blaðið er dagsett 4/3,1996, hið síðara er dagsett 8/3 en ekkert ártal er á því. Blöðin eru vel læsileg og ágætlega varðveitt.

Fundagjörðir hjálparsjóðs og sjúkrasjóðs Verkamannafélagsins Fram 1985-1997, innbundin bók í A4 stærð með handskrifuðum færslum og línustrikuðum blaðsíðum í henni eru persónugreinanleg trúnaðargögn. Bókin er vel læsileg og í góðu ásigkomulagi, ekki er færðar fundagerðir nema í hluta bókarinnar og er hún að mestu heil og ónýtt.

Fundagjörðabók skólanefndar Tónlistarskóla Sauðárkróks 1992-1998.

Innbundin og handskrifuð bók, vel læsileg og varðveitt. Í bókina eru aðeins skráðar þrjár fundargerðir, dags. 26.10., 9.11 og 3.12.1951.

Í bókina eru skráðar fundagjörðir úthlutunarnefndar Verkamannafélagsins Fram 1996-1997. Bókin er innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Í bókina eru skráðar fundagjörðir úthlutunarnefndar Verkamannafélagsins Fram 1991-1996. Bókin er innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Handskrifuð pappírsgögn með fundargerð frá aðalfundi knattspyrnudeilda Tindastóls, 27.12.1990. Ásamt fundagerðinni er dagskrá fundarins rituð á eitt blaðið og tvö önnur fylgigögn sem tengjast umræðunni og ákveðið var að setja þau skjöl með fundagerðinni.
Eitt forprentað fylgiskjal er meðal gagnanna á því er skrifuð nöfn nokkurra leikmanna Tindastóls í karla- og kennaflokki sem hafa staðið sig hvað best það tímabilið en ekki kemur fram hvaða tímabil er um rætt en giskað er á að það sé um 1990. Eitt blað, vélritað með titlinum Uppskeruhátið Meistaraflokks Tindastóls í knattspyrnu 1990, verðlaunaafhending. Á blaðinu eru nöfn einstaklinga sem skarað hafa úr á árinu 1990 í fótbolta, bæði í kvenna- og karlaflokki.

Pappírsgögn með handskrifuðum fundargerðum stjórnar knattspyrnudeildar Tindastóls. Blöðin eru annaðhvort forprentuð með haus með merki U.m.f. Tindastóls einnig línustrikuð og rúðustrikuð blöð sem eru í A4 og A5 stærð. Blöðin eru vel læsileg, þau voru röðuð upp eftir dagsetningu.

Innbundin, handskrifuð og læsileg bók. Bókin er í mjög góðu ásigkomulagi.

Í bókina eru skráðar fundagjörðir úthlutunarnefndar Verkamannafélagsins Fram 1978-1991. Bókin er þykk, innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Innbundin og handskrifuð bók, vel læsileg og vel varðveitt. Í bókina er skráður stofnfundur körfuknattleikdseildar Umf.Tindastóls sem haldinn var 14. des.1969 og eru aðeins sex fundir skráðir í bókina, síðasti fundur er skráður 14.2.1971.

Fundagerðabók stjórnar sjúkrasjóðs Verkamannafélagsins Fram 1962-1985, innbundin handskrifuð bók með línustrikuðum blaðsíðum. Bókin er í A4 stærð og í henni eru persónugreinanleg trúnaðarupplýsingar er varða félagsmenn sem sóttu um hjá sjúkrasjóðnum. Bókin er vel læsileg og ágætlega varðveitt. Aftast í bókinni eru tvö blöð með töllegum upplýsingum frá sjúkrasjóðnum 1973 og 1977.

Innbundin og handskrifuð bók, vel læsileg en kjölur bókarinnar hefur skemmst en að öðru leyti hefur hún varðveist ágætlega. Í bókinni eru fundargerðir stjórnar körfuknattleiksdeildar auk pappírsgagna sem tengjast fundargerðum deildarinnar. Meðal annars er fundargerð dags. 22.11.1993 vegna foreldrafundar. Hins vegar er tölvuprentuð fundargerð frá Formannafundi KKÍ, dags. 8. jan.1994

Innbunding og handskrifuð og vel læsileg bók. Bókin er vel varðveitt og í góðu ástandi.

Innbundin og handskrifuð bók með fundagerðum og er vel læsileg. Bókin hefur varðveist ágætlega og er í góðu ásigkomulagi. Á fyrstu blaðsíðunni að þessi bók hafi verið tekin í notkun í stað annarar sem spannaði tímabilið 16.1.1963 til 24.1.1970 vegna hversu óskiljanlega rituð hún er og ritara fannst ósómi að gera bókina gildari að ritmáli. Einnig segir;" Fundargerðir félags- og stjórnarfunda rita ég í samfelldri röð svo og félagatal fyrir árið og annað sem þýðingu hefur fyrir deildina". Undirritað af Herði Ingimarssyni.

Fundagerðabók hjálparsjóðs Verkamannafélagsins Fram 1954-1961, bókin er innbundin og með línustrikuðum blaðsíðum.
Í bókina eru sjö fundagerðir skráðar, í þeim eru persónugreinanleg trúnaðargögn og í þeirri síðustu sem er dagsett 17. 12.1961 kemur fram að þetta sé síðasta úthlutun úr sjóðnum í núverandi formi, nýtt kerfi tæki við um áramót sem hefur mikið hærri tekjustofn en núverandi kerfi.

Innbundin handskrifuð bók, vel læsileg og vel varðveitt. Kjölurinn er límdur.

Innbundin og handskrifuð bók. Kjölur bókarinnar er aðeins farinn að rifna en annars er hún í góðu ásigkomulagi.

Innbundin, handskrifuð bók, með línustrikuðum blaðsíðum. Bókin er í góðu ásigkomulagi og vel varðveitt.

Innbundin og handskrifuð bók í A5 stærð, Bókin er í góðu ásigkomulagi, kjölurinn er límdur. Skrifað er með skrautskrift á fyrstu blaðsíðunni Gjörðabók stjórnar U.M.F.T. Skrifleg athugasemd er í bókinni að hún sé "tekin í notkun 5. maí 1952. Áður hafði stjórnin haldið nokkra fundi en enginn þeirra var bókaður". Einnig er skrifað að síðasta fundargerðin er rituð í þessa bók 27. sept.1965.

Ein innbundin og handskrifuð bók með línustrikuðum blaðsíðum með fundagerðum Búnaðarfélags Sauðárkróks,
Bókin er í ágætu ásigkomulagi, með límborða á kjölnum og vel læsileg. Síðasta fundargerðin sem skrifuð er í bókina er 14. mars 1963.

Innbundin og handskrifuð og vel læsileg bók. Bókin er vel varðveitt og í góðu ásigkomulagi og greinilega lítið notuð þar sem notkun hennar spannar aðeins um átta mánaða tímabil.

Fyrsta stofnfundargerðabók sem er harðspjalda handskrifuð fundagerðabók í nýrri kápu en blaðsíður eru gulnaðar og nokkuð rifnar svo bókin er í lélegu ástandi. Aftast í bók er skráning frá 1915 Leikrit og munir sem Hið skagfirska félag á og svo upptalning á því. Hefur verið ritað síðar.

Harðspjalda handskrifuð fundargerðabók í lélegu ástandi. Kápa er laus frá en er með límborða sem heldur bók saman. Bókin er bundin saman með bandi og los á blaðsíðum og nokkrar alveg lausar.

Harðspjalda handskrifuð fundagerðabók í nokkuð góðu ástandi. Bókin er bundin með bandi og fremstu tvær blaðsíður hafa verið klipptar en blaðsíður nokkuð krassaðar. Aftari bókakápa með broti í horni.

Harðspjalda handskrifuð fundageraðbók í góðu astandi en lítillegt los á fremstu blaðsíðum. Bókin segir frá síðustu árum félagsins sem vitað er af í þessum gögnum.

Harðspjalda handskrifuð bók í góðu ástandi, segir frá stofnun félagsins.

Harðspjalda handskrifuð fundagerðabók í þokkalegu ástandi en nokkuð er um ryð frá heftum við kjöl og blettóttar blaðsíður. Bókin hefur verið límd innanvert á bókakápu.

Harðspjalda handskrifuð fundagerðabók í góðu ástandi en nokkuð blettótt. Bókin er bundin með bandi og með fallegri skrift.

Harðspjalda handskrifuð fundagerðabók ´imjög góðu ástandi, hefti ekki farin að ryðga. Í upphafi bókar er talað um 35 konur séu meðlimir félagsins.

3 fréttir frá Sauðárkróki 1963 sendar Degi á Akureyri.
Fjallað um er erindi Adolfs Björnssonar rafveitustjóra um rafveitur í Skagafirði og áætlanir um að virkja Reykjafoss í Tungusveit. Jafnframt er fjallað um frumsýningu Leikfélags Sauðárkróks á Fjalla-Eyvindi. Verkamannafélagið Fram minntist 60 ára starfsafmælis. Mikið atvinnuleysi hafði verið á Sauðárkróki þennan veturinn og afli lítill. Danskennsla var á vegum Æskulýðsráðs Sauðárkróks og var það Rigmor Hanson sem kenndi.

Frétt send Degi á Akureyri í október 1958 þar sem fjallað er m.a. um að svo mikill fiskafli hafi borist undanfarið að starfsmenn fiskvinnslunnar hafi ekki annað framboðinu og því hafi unglingar og börn á barnaskólaaldri verið fengin til að starfa við fiskvinnslu. Í kjölfarið var setningu skólans frestað um nokkra daga. Jafnframt er fjallað um 50 ára afmæli barnaskólans en upphaflega barnaskólahúsið var byggt 1908. Veturinn 1958 voru 150 nemendur í skólanum og skólastjóri var Björn Daníelsson. 60 nemendur voru í gagnfræðiskólanum og skólastjóri var Friðrik Margeirsson.

Fréttir frá Sauðárkróki í desember 1954. Þar kemur meðal annars fram að á þessum tíma hafi margir bæjarbúar átt fé og telur Guðjón að um 1770 fjár sé í bænum, 50 naugripir og 55 hross.

4 fréttabréf frá 1955 sem sennilega hafa verið send Degi á Akureyri en það er þó ekki fullvíst. Fjallað er um flugvöllinn á Sauðárkróki og tekið er fram að árið 1954 hafi lendingar á vellinum verið 254 og farþegar 940. Greint er frá skólaslitum Iðnskólans á Sauðárkróki og kemur þar fram að hæstu einkunn í burtfararprófi hlaut Auðunn Blöndal nemi í flugvélavirkjun eða 8,93 og í 1. bekk hlaut hæstu einkunn Friðrik Jónsson (Fíi) húsasmíðanemi eða 8,33. Einnig er fjallað um nýtt fiskvinnslu og hraðfrystihús á Sauðárkróki.

Fréttabréf frá 1958 sem sennilega hefur verið send til blaðsins Dags á Akureyri. Sagt er frá 65 ára afmæli Guðmundar Sveinssonar og kveðjuhófi sem haldið var fyrir Björgvin Bjarnason sem lét þetta ár af bæjarstjórastörfum. Eins er sagt frá því að Haraldur Pálsson skíðamaður frá Reykjavík hafi verið á Sauðárkróki við skíðakennslu og sagt er frá skíðamóti sem fram fór í Skógarhlíð.

Grein send til Einherja í október 1965 þar sem Guðjón segir frá skólastarfi á Sauðárkróki þetta haustið. Í Barnaskóla Sauðárkróks eru 182 nemendur þetta árið og er skólastjóri Björn Daníelsson. Í Gagnfræðiskólanum eru 90 nemendur og skólastjóri er Friðrik Margeirsson. Jafnframt er fjallað um fyrirhugaða byggingu nýs gagnfræðiskólahúss. Í Tónlistarskólanum eru 40 nemendur og er þar skólastjóri Eyþór Stefánsson tónskáld og aðalkennari Eva Snæbjörnsdóttir. Jón Björnsson frá Hafsteinsstöðum er söngstjóri við skólann. Í Iðnskóla Sauðárkróks eru 30-40 nemendur og er skólastjóri þar Jóhann Guðjónsson múrarameistari.

Frétt um 40 ára afmæli Rótarýklúbbs Sauðárkróks sem Guðjón sendi í tvö blöð árið 1988, Feyki og Rotary Norden.

Frétt frá Sauðárkróki send Degi á Akureyri haustið 1966 þar sem fjallað er um framkvæmdir á fyrirhuguðum gagnfræðiskóla á Sauðárkróki.

Frétt frá Sauðárkróki send Degi á Akureyri í janúar 1956 þar sem meðal annars er fjallað um að Sauðárkrókskirkju hafi borist skírnarfontur að gjöf frá Pétri Hannessyni og Sigríði Sigtryggsdóttur. Reynir Ragnarsson húsgagnasmíðameistari á Sauðárkróki smíðaði fontinn. Á Þorláksmessu 1955 var jafnframt samþykkt að K.S. myndi ganga til samstarfs við Sauðárkróksbæ um stofnun hlutafélags sem annast muni fiskmóttöku. Mest er þó skrifað um kveðjuhóf sem haldið var til heiðurs Torfa Bjarnasyni héraðslækni og konu hans Sigríði Auðuns.

Vélrituð pappírsgögn í A5 stærð. Pappírinn er bleikur á lit og á því er erindi frá U.M.F.T, undirritað af Birni Daníelssyni þáverandi stjórnanda félagsins til Sýslunefndar Skagafjarðarsýslu um styrk til útgáfu á blaðinu "Tindastóll" sem félagið gaf út. Bréfið er dagsett 10.6.1965. Einnig er blað með tillögu og greinargerð um sama erindi. Gögn þessi voru með bókhaldsbókum U.M.F.T. en ákveðið var að setja þau með öðru skriflegum gögnum.