Magnús Helgi Helgason (1896-1979) (skrifar undir Magnús Helgason) skrifar Sigurði. Magnús var bóndi í Kolgröf á Efribyggð og í Héraðsdal í Tungusveit, síðast búsettur á Sauðárkróki. Kona: Jónína María Ingibjörg Guðmundsdóttir (1893-1988).
Helgi Björnsson búsettur á Ánastöðum og seinni kona hans Margrét Sigurðardóttir ásamt börnum sínum- talið frá vinstri- aftast: Magnús Helgason- Sigurjón Helgason-- Erlendur Helgason- Hjálmar Helgason og Ófeigur Helgason. Fyrir miðju: Helgi Björnsson- Elín Sigtryggsdóttir fósturdóttir og Margrét Helgadóttir. Fremsta röð: Monika Helgadóttir- Ísfold Helgadóttir- Helga Helgadóttir- Sigríður Helgadóttir og Hólmfríður Helgadóttir.
Viðtal við Magnús Helgason, Héraðsdal. Líklega tekið í kringum 1969-1970. Segir frá uppvexti sínum á Ánastöðum, foreldrum og stórum systkinahópi. Segir frá búskaparháttum og slíku. Talað um lífið eftir dauðann og segir Magnús undir lokin frá dóttur sinni sem fæddist andvana og hann dreymdi alltaf reglulega.