Skrúðganga á Sauðárkróki. Gæti verið við vígslu sundlaugarinnar á Sauðárkróki (1957), en þá var gengið frá Barnaskólanum í Aðalgötunni að sundlauginni.
Guðrún Gísladóttir (1918-1988) líklega með Jakobínu dóttur sína. Í baksýn eru húsið Blómsturvellir á Sauðárkróki og sér niður á Skagfirðingabraut. Sauðáin rennur bak á við Guðrúnu.
Jarðaför Péturs Hannessonar (ljósmyndara) frá Sauðárkrókskirkju, en hann lést árið 1960. Líkmenn, t.h að framan er Kristján Skarphéðinsson en Adolf Björnsson aftar og t.v að framan er Gunnar Þórðarson en aftari óþekktur. Vörubíllinn (líkbíllinn) var í eigu Sigurðar Björnssonar Suðurgötu 4. Rotaryfélagar bera kistu hans og standa heiðursvörð.
Sýslumannshús við Aðalgötu 16 á Sauðárkróki - síðar Byggingavöruverslun Kaupfélags Skagfirðinga og loks Kaffi Krókur. Húsið brann - en samsvarandi hús var byggt í þess stað. (ca. 1960-1970).
Kjörskrá Sauðárkróks 1966. Skráin er prentuð á gatapappír með þykkri kápu utan um. Kjörskráin er án ártals, en er líklega frá árunum 1951966, þar sem flestar skrár í safninu eru frá því árabili. Ástand skjalsins er gott.
Sundurliðuð kostnaðaráætlun af öðrum byggingaráfanga Sundhallar Sauðárkróks (búningsálma og áhorfendapallar) frá Verkfræðistofu Sigurðar Thoroddsen 1966.
Standandi lengst til hægri Eyþór Stefánsson, liggjandi lengst til vinstri Eysteinn Bjarnason. Mennirnir sem liggja lengst til hægri með hatta eru Valgard Blöndal með dökka hattinn og fremstur er Lárus Blöndal.
Kýrin Hyrna sem var ein af kúm Michelsens. Kúaeign var almenn á Sauðárkróki fram til ársins 1960. Þegar mest var, voru um 130 kýr á Sauðárkróki. Kýrnar voru reknar í beitihaga eftir mjaltir á sumrin og sóttar í kvöldmjaltir. Höfðu sérstakir kúarektorar það starf að reka kýrnar og sinna þeim yfir daginn.
Landbrot við verslunarhúsin, sem voru staðsett nærri Villa Nova. Landbrot var verulegt vandamál á Sauðárkróki og gerðar margar tilraunir tila ð hefta það. Með tilkomu hafnar út á Eyrinni minnkaði þetta vandamál, en síðar var lagður grjótgarður fyrir framan húsin til að koma í veg fyrir að þau sópuðust á haf út. Brún við gömlu bryggju.
Innbundin og handskrifuð bók með lýsingu körfuboltaleikja fyrstu ár deildarinnar, nánar tiltekið frá 1965-1971. Í bókinni er einnig fundagerðir aðalfunda körfuknattleiksdeildarinnar, frá 11.12.1986 - 11.9.2003 ásamt því að tilgreindir eru einstaklingar sem hlutu verðlaun á uppskeruhátíðum deildarinnar í bæði kvenn- og karlaflokkum frá 1997 - 2000. Einnig eru pappírsgögn, eitt handskrifað og annað ljósritað sem eru með nöfnum einstaklinga sem tengjast viðurkenningum uppskeruhátíðar 1997.
Jón Þ. Björnsson skólastjóri Barnaskólans á Sauðárkróki fylgdist með og skráði líkamlegan þroska skólabarna á tímabilinu 1914-1953. Í þessari bók skráir hann niður mælingar á börnum 1935. Mæld var hæð, þyngd, brjóstmál (brjóstkassi), kraftur/afl og andrými.
Tvær ljósmyndir/pappírskópíur sem hafa varðveist mjög vel, önnur er svart hvít og er tekin á tímabilinu 1965-1970 af körfuboltaliði karla, hin ljósmyndin er í lit og er tekin um 1988-1990 af stúlknaliði Tindastóls.
Vélrituð og handskrifuð pappírsgögn. Þrjár útgáfur af lögum Búnaðarfélags Sauðárkróks allar ódagsettar og án ártals. Handskrifaða eintakið er í A3 stærð, hin í A4. Tvö eins eintök er af einni útgáfunni en á annari þeirra eru athugasemdir skrifaðar á með kúlupenna. Að vissu leyti svipar þeim lögum við það sem handskrifað. Gögnin hafa varðveist misjafnlega vel en eru þó læsileg.
Innbundin handskrifuð bók með línustrikuðum blaðsíðum í bókinni eru skráð lög Verkamannafélagsins Fram. Fyrstu lög félagsins voru skráð 7. febrúar 1933 og til ársins 1938 auk undirskriftum félagsmanna og skráðar eru sex lagabreytingar. Bókin er í A3 stærð er vel læsileg og ágætlega varðveitt.
Jón Þ. Björnsson skólastjóri Barnaskólans á Sauðárkróki fylgdist með og skráði líkamlegan þroska skólabarna á tímabilinu 1914-1953. Í þessari bók skráir hann niður mælingar á börnum frá 1943 til 1953. Mæld var hæð, þyngd, brjóstmál (brjóstkassi), kraftur/afl og andrými.
Jón Þ. Björnsson skólastjóri Barnaskólans á Sauðárkróki fylgdist með og skráði líkamlegan þroska skólabarna á tímabilinu 1913-1953. Í þessari bók skráir hann niður mælingar á nemendum frá 1913 til 1931. Nemendurnir eru frá níu ára og upp í tvítugt. Mæld var hæð, þyngd, brjóstmál (brjóstkassi), kraftur/afl og andrými.
Jón Þ. Björnsson skólastjóri Barnaskólans á Sauðárkróki fylgdist með og skráði líkamlegan þroska skólabarna á tímabilinu 1914-1953. Í þessari bók skráir hann niður mælingar á börnum frá 1931 til 1943. Mæld var hæð, þyngd, brjóstmál (brjóstkassi), kraftur/afl og andrými.
