Á Höfða í túninu í Miðdal í Mosfellssveit. Í hægra horninu er grafreitur fyrir dýr þar sem börnin í Miðdal höfðu yfirsungið fallin dýr. Fremstur er faðir Georg Lang prestur. Þá Karolína Sigríður Einarsdóttir (1912-1962) frá Miðdal - Þá Annie Schweizer - Sigurður Ólafsson hestamaður og söngvari og loks Leo Schweizer - sem snýr baki í myndavélina.
Útsýni til suðurs frá Heiðarseli á Síðu. T.h. eru Svínadalir og Þorgrímsheiði. Fjaðrargljúfur fyrir miðri mynd og Heiðarásar t.v. Hlaðnir torfgarðar (túngarðar) eru í forgrunni - en bil var haft á milli torfstungunnar (plælunnar) til að koma í veg fyrir að jarðvegurinn rynni til - enda hann gljúpur eftir Kötlugosið 1918. Nýslegið er fyrir ofan garð og sjást ljáför greinilega. Tjald Brunos og Þorbjargar fyrir miðri mynd - þá bæjarhúsin. T.h. er Ekruhesthúsið.
Í Almannagjá séð að Lögbergi. Ekki er fyllilega ljóst hvar Lögberg var. Nýverið hafa komið fram kenningar um að brekkan meðfram berginu hafi verið þingbrekkan - en eldri kenningar hafa vísað til annars staðar.
Horft inn Svarfaðardal frá Urðum. Kirkjan í forgrunni. Búrfellshyrna lengst t.v. - þá Skeiðsfjall og Kotafjall. Við botn dalsins er Deildardalsjökull. Vinstra megin við hann er Heljardalsheiði - en lengst til hægri Hnjótafjall.
Myndin er tekin mót suðaustri rétt norðan Grjótárgerðis. Efst er fjárhúshlaða og fjárhús. Rétt þar framan við er lambhús. Handan Fnjóskár er bærinn á Þórðarstöðum með mörgum útihúsum.
Séð fram Kolbeinsdal í Skagafirði. Á vinstri jarðri er minni Skíðadals - þá Hrútaskálarhnjúkur - Ingjaldsskál með fönnum í. Sér fram til Tugnahryggsjökuls hægra megin Ingjaldshnjúks en hægra megin jökulsins er Tugnahryggur. Næst og t.h. er Elliði.
Séð yfir Hálsmela og í Fornstaðarfjall - sem er austan Fnjóskadals - mynnið á Ljósavatnsskarði lengst t.h. Myndin er tekin af gamla Vaðlaheiðaveginum rétt ofan bæja.
Myndin er tekin af Vaðlaheiðavegi skammt fyrir ofan Skóga - sem er nálægt miðjum Fnjóskadal. Frá vinstri talið sést mikill hluti Vaglaskógar. Ofan hans sést inn Kisárdal til suðausturs. Hann skilur Lundöxlina frá öðrum hlutum fjallgarðsins austan dalsins og sést hvernig hún gengur skáhallt upp á hálendið allt til Háafells - sem ber hæst á fjallgarðinum milli Lunds og Þórstaðafjalla. Er þeim sleppir sést á myndinni lítið vik í fjallahringinn og tekur þar við hinn hvassbrýndi Kambfellshnjúkur. Síðan sést Tunguöxl og Tungufjall - en í smáviki milli þeirra sést í mynni Hjaltadals. Vinstra megin Tungufjalls sést í mynni Bleiksmýradals - sem nær óravegu til suðvesturs inn á hálendið. Nær má svo sjá Sellandsfjall og Illugastaðahnjúk. Næst á myndinni eru undirhlíðar Vaðlaheiðar ofan við Skóga. Á miðri mynd lengst t.v. glittir í Fnjóská.
