Landslagsmynd með tveimur kindum á beit - ein dökk og ein ljós. Óvíst hvaðan. Í bakgrunni má sjá þrjár rafmagnsstaura. Myndin gæti verið frá tímabilinu 1965-1975.
Landslagsmynd - óvíst hvaðan - mögulega í Skagafirði með Blönduhlíðarfjöllin í bakgrunni. Í forgrunni er jarðlita og svört jörð. Myndin gæti verið frá 1965-1975.
Landslagsmynd þar sem vegur liggur í gegnum gulleitann haga og fjall er í bakgrunni. Staðsetning ókunn. Myndin gæti verið frá 1965-1975. Mynd vantar í safn.
Skissa af iðnaðarhúsnæði við litla bryggju í firði - staðsetning ókunn. Í forgrunni má sjá tvenna báta en í bakgrunni er fjall. Myndin gæti verið frá 1965-1975.
Málverk af bátum í fjöru - í bakgrunni er einhverskonar hrúgur sem virðist vera búið að tjalda yfir - mögulega nethrúgur. Myndin gæti verið frá tímabilinu 1965-1975.
Skissa af hesti í forgrunni til hægri og í bakgrunni má sjá á sem rennur þvert yfir myndina og handan við hana er lítið hús. Myndin gæti verið frá 1965-1975.
Myndefnið er bátur sem stendur á landi. Á bátnum stendur manneskja og baksvip annarrar manneskju má sjá í forgrunni. Skipið virðist vera í Elliðárvogi en handan við voginn má sjá Grafarvog og Úlfarsfell. Myndin gæti verið frá 1965-1975.
Óklárað málverk af manni standa við lítið bál - óvíst hvar. Í bakgrunni er einhverskonar veggur - líklega stífla. Myndin gæti verið frá tímabilinu 1970-1980.
Flugumýrarbrenna. Hluti af myndaseríu: Sturlungaöld. 11 myndir. "Flugumýrarbrenna 1253. Gissur Þorvaldsson höfðingi af ætt Haukdæla var í bandalagi við Ásbirninga og hafi flust til Skagafjarðar og keypt Flugumýri. Þar var nýafstaðin veisla þar sem Ingibjörg Sturludóttir (Þórðarsonar sagnaritara) 13 ára var gift Halli, 16 ára syni Gissurar. Lögðu óvinir Gissurar eld að bænum er heimamenn áttu síst von á og brunnu margir þar inni. Hallur var dreginn helsærður til kirkju og Árni beiskur fóstri Halls var veginn" (Á Sturlungaslóð í Skagafirði, Sauðárkróki, 2003. Bls. 36).
Landslagsmynd þar sem vegur hlykkjast í gegnum jarðlita forgrunn en dökkleit fjöll sjást í bakgrunni. Staðsetning óknunn. Myndin gæti verið frá 1970-1980.
Mynd af einhverskonar grind sem er áföst við hús og á henni stendur köttur. Í bakgrunni má sjá hafið. Ólíklegt er að myndin er eftir Jóh.Geir. Myndin gæti verið frá árunum 1970-1980.
Í forgrunni er húsaþyrping en í bakgrunni má greina húsaþök í þéttbýli og þar handan eru fjöll. Staðsetning ókunn en mögulega Heiðmörk með Esjuna í bakgrunni. Myndin gæti verið frá 1970-1980.
Skissa af hestum innan gerðis við tvenn lítil hús. Í bakgrunni er Esjan og miðað við sjónarhornið á fjallið er staðsetningin líklegast í Mosfellsbæ. Myndin gæti verið frá 1970-1980.
Óklárað málverk af baksvip fólks sem horfir út á hafið - óvíst hvar. Yfir þeim má sjá sérkennilegt skýjafar. Myndin gæti verið frá tímabilinu 1970-1980.
Hluti af myndaseríu: Sturlungaöld. 11 myndir. "Hólabardagi 1209. Að tilstuðlan Haukdælingsins Þorvaldar Gissurarsonar í Hruna slóust sunnlenskir og borgfirskir bændur í lið með Arnóri Tumasyni að hefna Kolbeins Tumasonar og tóku upp erindi hans frá Víðinesi. Með þeim voru þeir bræður Sighvatur og Snorri Sturlusynir. Slí í brýnu á Hólum, en biskup var liðfár og gerði Arnór honum þá kosti að létta af þeim bannfæringunni og bauð á móti grip fyrir sakamenn þá sem biskup hélt hlífiskildi yfir. Neitaði biskup þar til Snorri bauð honum með sér í Reykholt og reið með hann brott af Hólastað, en sakamenn þeir sem Kolbeinn hafði sektað voru dregnir úr kirkju og höggnir." (Á Sturlungaslóð í Skagafirði, Sauðárkróki, 2003. Bls. 18).
Nóttin fyrir Haugsnesfund. Hluti af myndaseríu: Sturlungaöld. 11 myndir. "...Kolbeinn [ungi] lést af brjóstmeini því er hann hafði lengi átt við að stríða, í júlí 1245. Við völdum hans í Skagafirði tók Brandur Kolbeinsson frændi han á Stað í Reyninesi. Áður en Kolbeinn dó hafði hann ákveðið að afhenda Þórði kakala Norðausturland, til að tryggja friðinn. Það var föðurarfur Þórðar sem Kolbeinn hafði náð undir sig með Örlygsstaðabardaga. Þórður fór einnig með völd vestan lands, og var nú komin upp svipuð staða og fyrir bardagann. Sturlungar réðu Norðausturlandi og Vesturlandi ,en Ásbirningar Skagafirði og höfðu stuðning Haukdæla. Fylgismenn Kolbeins ólu á óvild milli Eyjafjarðar og Skagafjarðar og misklíð milli héraðanna stigmagnaðist. Um páska 1246 leitaði Brandur stuðnings hjá Gissuri Þorvaldssyni vini Kolbeins og bandamanni. Þórður kakali frétti það og var snar í snúningum og safnaði liði af öllu yfirráðasvæði sínu, bæði norðan og vestan. Hann tjáði mönnun sínum á fundi á Grund í Eyjafirði að nú hyggðist hann ráðast inn í Skagafjörð og láta vopnin tala. Þriðjudaginn eftir páksaviku hélt hann af stað vestur Öxnadalsheiði með 600 manna lið. Héldu þeir til Silfrastaða um kvöldið og lágu þar úti um nóttina. það hvessti, og söng vindur í spjótum, sem stungið hafði verið niður úti við. Vöknuðu menn við þetta og héldu að ráðist hefði verið á þá. Í glímuskjálfta og óðagoti var gripið til vopna og börðust menn í ákafa hver við annan um hríð. Einn maður féll og nokkrir særðust áður en menn áttuðu sig á hvers kyns var. Sýnir þessi atburur vel hversu ógnir ófriðarins voru farnar að sauma að taugum liðsmanna Þórðar. Menn voru komnir í óvinaland. Margir höfðu barist á Örlygsstöðum og vor uminnugir þeirra atburða þar sem þeir biðu lægri hlut. Svo átti ekki að fara í þetta sinn. Brandur Kolbeinsson var viðbúinn og hafði safnað liði um Skagafjörð og Húnaþing. Hann var með 720 manna lið á Víðimýri. Reynt var að semja, en kakalinn hafnaði öllum tillögum og vildi ráða öllum samningum sjálfur. Nóttina fyrir bardagann gisti Þórður á Úlfsstöðum í Blönduhlíð. Lið Brands var á Víðimýri illa fyrir kallað og taugaveiklað. Sagt var að undarleg sótt hefði komið í lið hans og féllu um þrjátíu manns í öngvit og urðu ófærir til bardaga. Bardagamorguninn hélt hann yfir Jökulsá og bjóst til bardaga." " (Á Sturlungaslóð í Skagafirði, Sauðárkróki, 2003. Bls. 33).
Hauganesfundur 1. Hluti af myndaseríu: Sturlungaöld. 11 myndir. "Hauganes liggur að eyrum Djúpadalsár í Blönduhlíð. Í Hauganesbardaga féllu 110 manns. Myndsviðið er dökkt, eins og dauðinn hafi brugðið hend fyrir sól þennan vordag, í apríl 1246. Í þessari orrustu var veginn brandur sonur Staðar-Kolbeins, sem fór fyrir liði Skagfirðinga. Hann komst sjálfur undan á hesti, en náðist niðri á grundunum og var tekinn af lífi. Reistur var róðukross þar sem hann féll og vvar grundin kölluð Róðugrund. Kolbeini kaldaljósi, föður Brands, varð mikið um atburðina og dó nokkurm mánuðum seinna." (Á Sturlungaslóð í Skagafirði, Sauðárkróki, 2003. Bls. 32).
Bannfæring. Hluti af myndaseríu: Sturlungaöld. 11 myndir. "Kolbeinn og Gyðríður bjuggu á Víðimýri og hjá þeim hafði Guðmundur verið presturtvo vetur þegar Brandur Sæmundsson Hólabiskup dó 1201. Kolbeinn kallaði þá saman fund á Völlum í Svarfaðardal. Þar mættu helstu höfðingar Norðlendinga og Gissur Halsson Haukdælingur, sem bað fyrir biskupefni Magnús son sinn. Úr varð að Guðmundur var kjörinn biskup, enda vinsæll og hæógvær maður og hefur Kolbeinn, að líkindum, talið að hann yrði auðvelt verkfæri sitt. Fór Kolbeinn til Hóla eftir biskupskjörið, tók búið í sínar hendur og fékk Guðmundur litlu ráðið, þótt hann sætti ekki við það ráðslag. Var ákveðið að Sigurður Ormsson tæki við umsjón Hólastaðar og Kolbeinn fór heim aftur, en vinskapur þeirra Guðmundar var orðinn lítill. Um 1250 skarst alvarlega í odda milli þeirra tveggja út af dómsmáli yfir Ásbirni presti, sem kallaður var pungur. Dæmdi Kolbeinn prestinn sekan skóggangsmann. Biskup hafnaði niðurstöðu dómsins, enda taldi hann að kirkjan ætti að dæma í málinu, tók prestinn til sín og bannaði að nokkur prestur veitt Kolbeini kirkjulega þjónustu, né nokkrum sem í dómnum sat eða bar vitni. Mótspil Kolbeins var að fara til Hóla með skóggangsstefnu á húskarla vegna samneytis við prestinn. Þá bannfærði biskup Kolbein. Sættir tókust í málinu í að sinn fyrir tilstilli Páls Jónssonar Skálholtsbiksups, en áfram deildu þeir." (Á Sturlungaslóð í Skagafirði, Sauðárkróki, 2003. Bls. 9-10).
Hauganesfundur 1. Hluti af myndaseríu: Sturlungaöld. 11 myndir. "Hauganes liggur að eyrum Djúpadalsár í Blönduhlíð. Í Hauganesbardaga féllu 110 manns. ... Í þessari orrustu var veginn brandur sonur Staðar-Kolbeins, sem fór fyrir liði Skagfirðinga. Hann komst sjálfur undan á hesti, en náðist niðri á grundunum og var tekinn af lífi. Reistur var róðukross þar sem hann féll og vvar grundin kölluð Róðugrund. Kolbeini kaldaljósi, föður Brands, varð mikið um atburðina og dó nokkurm mánuðum seinna." (Á Sturlungaslóð í Skagafirði, Sauðárkróki, 2003. Bls. 32).
Aðför að Oddi þórarinssyni. Hluti af myndaseríu: Sturlungaöld. 11 myndir. "Aðförin að Oddi Þórarinssyni í Geldingarholti. Sá atburður gerðist 13. janúar 1255. Gissur var í Noregi og hafði beðið Odd að stjórna liði sínu og hafa með mannaforráð að gera þar til hann kæmi aftur. Oddur rændi því sem hann vildi af andstæðingum Gissurar og stefndi til hefnda við Eyjólf ofsa, þann er brenndi Flugumýri. Er skemmst frá að segja að menn Eyjólfs komust í Geldingarholt án þess að njósn bærist og var Oddur drepinn úti á túni, þar sem hann varðist einn lengi vel, uns maður skreið aftan að honum og hélt fótum hans." (Á Sturlungaslóð í Skagafirði, Sauðárkróki, 2003. Bls. 40).
Hvítklædd kona situr í grasi og vinstra megin við hana stendur svartklæddur maður. Hægra megin við þau eru tveir kálfar á beit. Í bakgrunni er fjörður og þar handan eru fjöll. Myndin gæti verið frá 1970-1980.
Í forgrunni er húsaþyrping en í bakgrunni má greina húsaþök í þéttbýli og þar handan eru fjöll. Staðsetning ókunn - mögulega Heiðmörk. Myndin gæti verið frá 1970-1980.
Landslagsmynd þar sem vegur hlykkist gengum landslagið - á veginum virðist vera ökutæki og hestar eru á beit vinstra megin við veginn. Í forgrunni má sjá menneskju standa við vatn en í bakgrunni er fjall. Sólarlag er hægra megin fjallssins. Staðsetning ókunn. Myndin gæti verið frá 1970-1980.
Götumynd af gömlum húsum en eitt þeirra er í fúnkis stíl og stendur uppúr. Húsið er hátt - mjótt og ferkantað. Á götunni má sjá gangandi vegfarendur. Staðsetning er ókunn. Myndin gæti verið frá 1970-1980.
Landslagsmynd með dökkann forgrunn en ljós snæviþakin fjöll í bakgrunni - óvíst hvar. Myndin er líklega máluð með spaða. Myndin gæti verið frá tímabilinu 1970-1980.
Óklárað málverk af staurum í landslagi. Í forgrunni má sjá snjó leysa í jörðu og í bakgrunni er djúpblár himinn. Myndin gæti verið frá tímabilinu 1970-1980.
Götumynd - óvíst hvar - mögulega í Þingholtunum. Á götunni keyrir vörubíll og manneskja gengur eftir göngustíg til hægri. Myndin gæti verið frá 1970-1980.