Grein send til Einherja í október 1965 þar sem Guðjón segir frá skólastarfi á Sauðárkróki þetta haustið. Í Barnaskóla Sauðárkróks eru 182 nemendur þetta árið og er skólastjóri Björn Daníelsson. Í Gagnfræðiskólanum eru 90 nemendur og skólastjóri er Friðrik Margeirsson. Jafnframt er fjallað um fyrirhugaða byggingu nýs gagnfræðiskólahúss. Í Tónlistarskólanum eru 40 nemendur og er þar skólastjóri Eyþór Stefánsson tónskáld og aðalkennari Eva Snæbjörnsdóttir. Jón Björnsson frá Hafsteinsstöðum er söngstjóri við skólann. Í Iðnskóla Sauðárkróks eru 30-40 nemendur og er skólastjóri þar Jóhann Guðjónsson múrarameistari.
Bréf frá Jóhannesi Gísla Sölvasyni tengt starfsemi FRÍ en Jóhannes sat í stjórn og varastjórn Frjálsíþróttasambands Íslands 1958–1961 og var formaður 1960–1961.
Frétt um Safnaðarheimili á Sauðárkróki send degi á Akureyri 1965. Greint er frá kaupum Sauðárkrókssafnaðar á gamla sjúkrahúsinu undir félagsstarf og námskeiðahald fyrir unga jafnt sem aldna.
Grein sem send var Einherja í júní 1967 og ber yfirskriftina "Til þess eru vítin að varast þau" en þar gagnrýnir Guðjón grein sem birt var í blaðinu Norðanfara (málgagni sjálfstæðismanna á Norðurlandi Vestra) 4. maí 1967 en téð grein var að mati Guðjóns ,,árás á meirihluta bæjarstjórnar á Sauðárkróki". Greinarhöfundur var ritstjóri og ábyrgðarmaður Norðanfara, Halldór Jónsson frá Leysingjastöðum.
Yfirlit yfir laun til stundakennara ásamt yfirliti yfir tímakaup fastra kennara frá Fræðslumálastjóra 1966-1967 og launatafla ríkisstarfsmanna frá 1977. TRÚNAÐARGÖGN!
Ýmis gögn varðandi skipulag íþróttasvæðisins á Sauðárkróki, samskipti Guðjóns við Sveitarfélagið, athugasemdir við deiliskipulag og hans eigin hugleiðingar um framkvæmd málsins.
Bréf frá Árna Guðmundssyni fyrrverandi skólastjóra Íþróttakennaraskóla Íslands á Laugarvatni. Árni var fæddur á Sauðárkróki. Guðjón og Árni virðast hafa skrifast á árlega á 11 ára tímabili.
