Bréfið er líklega skrifað til Arngríms eiginmanns hennar. Inni í samanbrotnu bréfinu var hárlokkur í teygju. Bréfið er skrifað þegar hún var að fara að leggjast inn á Landakotsspítala í aðgerð. Hún nefnir m.a að ef hún skyldi ekki snúa aftur úr aðgerðinni að þá vilji hún vera jarðsett heima. Hún biður hann einnig um að reynast móður sinni Þorbjörgu Árnadóttur vel og ekki aðskilja hana og son þeirra Þóri ef komist er hjá því. Bréf skrifað 12/9, ekkert ártal. Þetta er líklega á milli 1923-1929. Hárlokkurinn tókum við úr bréfinu og settum í sér öskju.
Skólahandbók Gardiner Junior Highschool. Skólinn er í Oregon í Bandaríkjunum. Guðlaug fékk þetta sent frá ættingum sem búa þar. Skólinn nefndur eftir móðursystur hennar Þóru Benediktsdóttur Gardiner.
Já eða Nei - Vísnaþáttur. Stjórnandi Sveinn Ásgeirsson Hagfræðingur. Braglistarmenn: Guðmundur Sigurðsson, bókari, Helgi Sæmundsson, ritstjóri, Karl Ísfeld, rithöfundur og Steinn Steinarr, skáld. Útgefandi: Steindórsprent H.f. 61 blaðsíða auk auglýsinga
Meðmælabréf ritað af Rich. N. Braun fyrir Sigríði Benediktsdóttur. Skrifað á dönsku. Undirritað á Akureyri í maí 1918. Kemur fram að hún hættir störfum vegna aðstæðna sem hafa skapast vegna fyrri heimsstyrjaldar. 2 blöð, annað er autt.
Tvö bréf til Guðlaugar og Þóris frá Laufeyju frænku þeirra, skrifuð á íslensku og merkt Winnipeg, Manitoba. Fyrra bréfið er til Guðlaugar og er skrifað 24 desember, 1966. Seinna bréfið er til Guðlaugar og Þóris bróðir hennar, skrifað 27 september, 1973
Bók eftir George H.F Schrader, þýtt hefur Steingrímur Matthíasson. Önnur útgáfa, Akureyri. Inn í bókinni er skrifað: Gjöf til Sigríðar Benediktsdóttur frá L.e S.g.b?
4 bréf ljósrituð á tvö blöð. Þetta eru bréf til Þóris frá Jóni Sig. Innihald bréfana sýna deilur á milli þeirra vegna mjólk sem sótt er frá Þóri til Mjólkursamlagsins.
Bréf frá Sólveigu Arnason, 18 ára. Sent frá Akra, Norður Dakótu. Það kemur ekki fram á bréfi á hvern það er stílað en það kemur fram að það er til frænku. Skrifað á íslensku. Skrifar frá daglegu lífi og aðeins um minningar frá Íslandi
Skólaljóð. Kvæðasafn handa unglingum til að lesa og nema. Valið hefir og búið til prentunar Þórhallur Bjarnason. Þriðja prentun. Reykjavík. Bókaverzlun Sigfúsar Eymundssonar. 1909. Reynt hefur verið að lagfæra bókakápu. Efnisbútur hefur verið límdur yfir kjölinn.
Sálmabók til kirkju- og heimasöngs. Fyrsta prentun. Reykjavík 1945. Forlag Prestekknasjóðsins. Á fyrstu blaðsíðu er skrifað með penna Guðl. Arngrímsdóttir
Rímur af Reimari og Fal enum sterka, kveðnar á Brokey, 1832. Það vantar fyrstu blaðsíðurnar því er ekki vitað hvaða útgáfa þetta er. Úr fórum heimilisfólksins á Litlu-Gröf.
Íslenzk stafsetningarorðbók. Björn Jónsson hefir samið að tilhlutun Blaðamannafélagsins. Reykjavík. Ísafoldarprentsmiðja, 1900. Á fremstu blaðsíðu er bókin merkt með penna Tómasi Skúlasyni Ytra-Vatni og Arngrími Sigurðssyni
Revyetta í tviemur þáttum. Höfundar Pétur og Páll. Leikstjóri Benedikt Árnason. Leikskrá með söngtextum úr leiksýningunni. Í því er einnig að finna auglýsingar.
Minnilegur Fermingardagur. Foreldragjöf á fermingardegi barna. Frá ábyrgðarmanni Þjóðólfs. Reykjavík. Prentaður í prentsmiðju Íslands 1851. Ljósbleik kápa. 64 tölusettar blaðsíður.
Viðskipti Arngríms Sigurðssonar við Kaupfjelag Skagfirðinga. Merkt er ýmist við Freðkjöt eða Saltkjöt. Blað 1 er dagsett 22.09.1932 Blað 2 er dagsett 03.10.1932 Blað 3 er dagsett 13.10.1932
Biblíusögur handa unglingum: íslenzkaðar og lagaðar eptir Biblíusögum C.F. Balslevs af Ólafi Pálssyni Bók merkt innan á kápu: Arngrímur Sigurðsson. Litlu-Gröf.
Á fremstu blaðsíðu er skrifað: Frá mömmu til Siggu 3. júní 1905. Í bókinni eru handskrifaðar vísur og kveðjur frá vinum og vandamönnum, skrifað á mismunandi tímum.
Drápa um Örvar Odd. Sett í tólf kvæði af Benedikt Gröndal. Útgefendur Jón Árnason, Egill Jónsson, Einar Þórðarson, Benedikt Gröndal. Prentað í prentsmiðju Íslands 1851. Reykjavík.
Kort af Reykjavík og Seltjarnarnes. Teiknað hefur Ágúst Böðvarsson eftir uppdráttum bæjarins og eigin mælingu 1947. Endurskoðað 1951. Prentað hjá Gæodætisk Institut i Kaupmannahöfn. Utan á korti er auglýsing frá Flugfélagi Íslands h.f og ferðaáætlun Strætisvagna Reykjavíkur.
Herópið er árlegt rit Hjálpræðishersins. Þetta er forsíðan af blaðinu sem kom út í júní 1917, nr 12, 22 árg. Aftan á henni eru tvær greinar. Annarsvegar "Endurminning" eftir kapt. Kristian Johnsen og hinsvegar "Kveðja frá Akureyri" eftir R. Nielsen, adjutant.
Fimmtán tídavísur um árin 1801-1815. Orktar af sjera Þórarni Jónssyni, fyrrum presti að Múla í þingeyjarsýslu. Útgefendur Jónas Jónsson. Vigfús Sigurðsson. Akureyri 1853. Prentaðar í prentsmiðju norður- og austur-umdæmisins af Helga Helgasyni.
2 bréf til Sigríðar Benediktsdóttur sem var fósturmóðir Magnúsar. Dagsett 02.01.1938 og 06.03.1941. 1 bréf dagsett 09.01.1938, nafn viðtakanda kemur ekki fram.
1 umslag og 4 Bréf skrifuð á íslensku frá Gloriu í Winnipeg, Manitoba: 1981-1986. Fyrsta bréf er dagsett 03.03.1981 Annað bréf er dagsett 20.11.1985 Þriðja bréf er dagsett 21.02.1986 Fjórða bréf er skrifað 1998 Umslag er stimplað 1986 í Winnipeg, Canada
