Handskrifuð stílabók í lélegu ástandi en kápan er rifin í tvennt án kjalar og laus frá bók og blaðsíður blettóttar en bókin er persóungreinanleg og vel læsileg

Pappírsgögn handskrifuð um rekstrarreikninga félagsins, gögnin eru látin halda sér í uppruna eftir ártali en eru í misgóðu ástandi sum rifinn en vel læsileg. Hreinsuð af bréfaklemmum.

Ýmis skjöl er varða félagið, mjólkurskýrslur, ríkisssjóðsstyrkur og skýrsla um kynferði nyt og fóðrun kúa ásamt erindum og reikningskvittanir. Gögnin eru látin halda sér í ártalaröð eins og þau voru fyrir í safni. Gögnin eru í þokkalegur ástandi en hreinsuð af bréfaklemmum og einstaka blöð blettótt og rifin.

Bækurnar eru allar vel læsilegar hafa allar verið varðveittar ágætlega, í tveimur bókunum eru skráðar fundagerðir, reikningar, skýrslur og bréf félagsins frá stofnun þess 1888-1930. Í fundagerðabók fyrir tímabilið 1959-1984 eru laus blöð með fundagerðum þar sem blöðin í bókinni nægðu ekki til. Einnig er í bókinni (líklega) uppkast á tveimur formlegum bréfum, annað til sveitastjórnar Skagafjarðar og hitt til sauðfjársjúkdómanefndar, bæði dags. 1.5.1981 um að sveitastjórnin og sauðfjársjúkdómanefndin beiti sér að fullri hörku með aðgerðir gegn riðuveiki í sauðfé og að nefnd innan hreppsins verði stofnuð.

Innbundin bók. Blöðin eru forprentuð til skýrsluhalds fyrir jarðbætur á bújörðum. Á blöðum eru handskrifaðar upplýsingar um heiti bújarða og framkvæmdir sem gerðar voru á þeim, þ.e. túnsléttur, túngræðsla, sáning og girðingavinna. Einnig vinnsla við vatnsveituskurði, stíflu- og flóðgarða og fl.

Vel varðveittar og vel læsilegar innbundnar bækur.

Harðpsjalda handskrifuð bók um bókhald, félagsmannaskrá, árgjöld og efnahagsreinkninga félagsins. Bókin er í þokkalegu ástandi en brot er á aftari kápu og los er á kili en blaðsíður eru heilar og vel læsilegar.

Harðspjalda handskrifuð bók í góðu ástandi en bókin er með 192 tölusettar blaðsíður. Nokkuð ryð í heftum í bók og blaðsíður blettóttar en vel læsilegar.
Bókin inniheldur fundagerðir, bókhald og meðlimaskrá og aftast bókalisi yfir keyptar bækur 1939 - 1940.

Pappírsgögn er varða félagsstarf Lestrafélagsins, gögnin í misjöfnu ástandi sum rifin en gögnin voru hreinsuð af bréfaklemmum og heftum. Reiknisgögn og erindi ásamt tveim litlum viðskiptabókum frá Sparisjóð Sauðárkróks.

Prentuð og handskrifuð gögn um sauðfé, yfirlitskýrslur, skrár um ásett hrútslömb og einkunn hrúta, einnig persónugreinanleg gögn og.fl. Sett hér í arkir eins og gögn koma frá möppu eftir ártali og látin halda sér að öðru leiti í uppruna.

Prentuð og handskrifuð gögn um sauðfé, yfirlitskýrslur, skrár um ásett hrútslömb og einkunn hrúta, einnig persónugreinanleg gögn og.fl. Sett hér í arkir eins og gögn koma frá möppu eftir ártali og látin halda sér að öðru leiti í uppruna.

Skýrslur um sauðfé og þá sem koma að þeirri starfsemi en gögnin eru persónugreinanleg.

Harðspjalda handskrifuð Gjörðabók segir frá stofnfundi félagsins og þeirri starfsemi er var í félaginu. Í bókina er lítið skrifað og hún er í góðu ásigkomulagi.

Skýrslur um sauðfé og þá sem koma að þeirri starfsemi en gögnin eru persónugreinanleg og sett hér eins og þau komu í ártalaröð.

Um er að ræða mikið safn af handskrifuðum, vélrituðum, forprentuðum, tölvuútprentuðum skjölum. Í safninu eru formleg og óformleg erindi og bréf, skýrslur, félagatöl, lög S.S.K og Sambandi Norðlenskra Kvenna (S.N.K.)og Kvenfélagssambands Íslands, einnig ársreikningar, jólakort, símskeyti tilefni 40 og 50 ára afmælis Sambands Skagfirskra Kvenna og bæklingar tengdir ýmsum málefnum sem sambandið lét sig varða. Samband Skagfirskra Kvenna stóð fyrir hugmyndasamkeppni um mynjagrip árið 1987 og er verðlaunateikningin geymd í safninu. Einnig er prótótýpa af teikningu sem hönnuð var fyrir 40 ára afmæli S.S.K. Í safninu er talsvert af úrkliptum auglýsingum sem eru frá sambandinu og tengjast starfsemi þess. Í sér möppu var nokkuð af úrklippum úr dagblöðum héraðsfréttablaða og auglýsingablöðum, sem dæmi auglýsingar úr Sjónhorninu og var það allt fjarlægt úr safninu þar sem blöðin eru aðgengileg á www.timarit.is og engin þörf talin á að geyma þau. Úrklippurnar úr Sjónhorninu voru ódagsettar og án ártals. Safnið er í mjög góðu ásigkomulagi.

Safn með pappírskópíum, bæði í lit og svart hvítar sem tengjast starfi Sambands Skagfirskra Kvenna. Margar myndanna eru merktar SSK og eru með númeratali, þó ekki allar. Myndunum var heldur ekki raðað eftir neinni sérstakri númeraröð þegar var farið var yfir safnið. Elstu myndirnar eru frá árinu 1944 og er á myndinni konurnar sem voru á 2. aðalfundi samabandsins. Yngstu myndirnar eru líklega frá árinu 1987 þegar Friðrik Örn Haraldsson tók við verðlaunum fyrir verðlaunatillögu fyrir minjagrip fyrir S.S.K. Myndirnar eru í ýmsum stærðum og gæðum og sumum þeirra fylgja blöð með nöfnum þeirra einstaklinga sem eru á þeim. Í safninu voru einnig nokkarar myndir úr safninu stækkaðar og ljósritaðar, gæðin á þeim var ekki góð og ákveðið var að taka það úr, að öðru leyti er safnið í góðu ásigkomulagi. Myndirnar voru settar í sýrufría plastvasa ásamt blöðum og miðum með nöfnum þeirra til að auðvelda nafngreiningu.

Harðspjalda handskrifuð félagsbók í nokkuð góðu ástandi, gulnaðar blaðsíður en vel læsilegar.

Harðspjalda handskrifuð bók í góðu ástandi. Lög félagsins skráð og reikningar, fundagerðir, útlán og bókakaup.

Harðspjalda handskrifuð bókaskrá félagsins í góðu ástandi. Hér hefur verið ritað að nýju allar þær bækur frá upphafi félagsins, Skráð er höfundar, þýðandi, staður og ár. Blaðsíður eru tölusettar og ritað er í 173 blaðsíður af 192.

Handskrifuð stílabók um útlán bóka. Bókin er í góðu ástandi en ódagsett.
Aftast í bók kemur fram listi yfir bókagjöf Jóhanns og Maríu á Ljósalandi . Útgáfudagur bóka kemur þar fram og er sett hér fram sem dagsetning.

Ýmis konar pappírsgögn lestrarfélagsins, flokkuð hér eins og þau voru afhent, eftir ártölum umslaga sem þau lágu í og uppruninn látinn halda sér. Gögnin eru hreinsuð af heftum, bréfaklemmum og umslögum sem þau lágu í. Í gögnum eru m. a. kvittanir, reikningar, skrár og skýrslur í ártalaröð.

Harðspjalda handskrifuð bók sem er í viðkvæmu ástandi, blöðin gulnuð og nokkuð rifin en vel læsileg. Bókin hefur verið sett í nýja kápu og hún er frá stofnfundi félagsins. Gott væri að mynda þessa bók til að halda í heimildir.

Harðspjalda handskrifuð bók í viðkvæmu ástandi, gulnuð blöð og trosnuð en heilleg og vel læsileg. Bókin hefur verið sett í nýja kápu.

Bókin er harðspjalda og handskrifuð í góðu ástandi. Í bók er skrá yfir fundagerðir, félagaskrá, bókhald og fl. er viðkemur félagsstarfseminni.

Stílabók með límmiða á kili. Bókin er handskrifuð línustrikuð í nokkuð góðu ástandi en aðeins byrjað ryð í heftumog fremsta blaðsíða laus.

Stílabók með görmum á kili, mynd af kisu á bókakápu. Bókin er handskrifuð línustrikuð í góðu ástandi. Útektir eru skráðar á bæjarheiti, ártal og bókaheiti.

Lítil harðspjalda handskrifuð ljóða og minnisbók Sigríðar Traustadóttur. Hún ritar sín ljóð og annarra í þessa litlu bók á meðan hún er á ferðalagi sínu. Hún er einnig að þýða í bókinni ljóð eftir Colly Monrad Rósir lífs og dauða og Kvöldvísa eftir Göethe, ásamt því að yrkja ljóð á norsku, hér er einnig ljóð um Jón Magnússon Ósmann.

Stílabók, rúðustrikuð og handskrifuð í mjög lélegu ástandi. Bókin er öll laus frá kili og band- kjölur er að detta í sundur. Samkvæmt bók eru bókum skipt í deildir eftir því um hvað þær fjalla. Samanber deild E eru leikrit. Bókin er með gulnaðar blettóttar blaðsíður.

Blá stílabók um bókaskrá. Bókin er í góðu ástandi, með hér er skjal um óskrásettar bækur við úttekt 14.06.1964.

Harðspjalda handskrifuð bók í góðu ástandi sem er framhaldsbók og byrjar á D- deild og skráningu nr: 1305. Bókin er í góðu ástandi

Blá stílabók linustrikuð skrifað aftast í bók frá 1969 um Gjafabækur frá Friðbirni Traustasyni og er það heillöng bókaskrá. Bókin

Árskýrslur og Yfirlitskýrslur er lágu í safni.

Kvittanir og reikningar er lágu í safni.

Björn Egilsson og Hjalti Pálsson, staðfesta móttöku skjölum frá Maríu Rósmundsdóttur Efra - Ási 1975. Tilkynning um skipanir sveitastjórnar í nefndir í Hólahreppi1982, og bréf til stjórnar Rekstrarfélags Hólahrepps 1993 um hvort halda eigi áfram rekstri bókasafns undirritað Trausti Pálsson. Allt handskrifðuð gögn.
Svo eru hér hin ýmsu pappírsgögn er lágu inn í bókum.

Prentuð gögn. Lög félagsins eru ódagsett.

Harðspjalda handskrifuð bók í góðu ástandi. Fyrsta stofnfundarbók með lögum félagsins og aðalfundum. Handskrifuð lög félagsins á pappír og lítil viktabók

Ársskýrslur og skýrslur um búfé, fóðurforða og uppskeru. Skýrslurnar eru í misgóðu ástandi þær elstu orðnar snjáðar og rifnar en skýrslur eru látar halda sér í safni eins og þær komu. Eru flokkaðar eftir ártali.

Bókhaldsgögn félagsins, reikningar og kvittanir og skrár. Gögnin eru í misgóðu ástandi en voru hreinsuð af bréfaklemmum og heftum, þau eru látin helda sér í ártalaröð.

Handskrifuð og prentuð erindi til og frá félaginu, mest frá Búnaðarfélagi Íslands. Gögn eru í ágætu ástandi en nokkuð um ryð ogblettótt blöð.

9 fundagerðabækur úr safni A-1. Elsta bókin sem er frá 1930 inniheldur heimild um stofnun félagsins.

Inniheldur bréf og erindi ásamt kauptöxtum, samningum, beiðni um félagsaðild og úrsögn úr félaginu.

Safn sem áður var skráð C1 inniheldur vélrituð og handskrifuð pappírsgögn með ársreikningum Félagsheimilisins Bifrastar og Vkf Öldunnar, auk og innbundnar bækur sem innihalda félagaskrá og ársreikningum félagsins. Í safninu eru persónugreinanleg trúnaðarmál. Safn sem áður var C2 inniheldur árs- og efnahagsreiknnga Vkf Öldunnar og hreyfingalista frá 1989-1993. Í safninu er einnig lífeyrissjóðsyfirlit einstaklings sem var í Vkf Öldunni og er um að ræða trúnaðarmál.

Í safni sem var D1 eru innbundnar bækur og pappírsgögn, sum í tvíriti, önnur eru afrit af skjölum. Gögnin tengjast úthlutunum á atvinnuleysisbótum, úr sjúkarsjóði einnig örorku og ellilífeyri. Um er að ræða persónugreinanleg gögn og trúnðaðarmál. Safnið er vel varðveitt.

Stimpar úr safni Vkf Öldunnar voru í öskju með safni D1, settir með sama safni í öskju.

Tvær innbundnar og handskrifaðar fundagerðarbækur. Eldri bókin frá 1886 er með leðurbindingu sem er orðin mjög léleg og bæði þurr og götött, auk þess sem bindingin er sömuleiðis orðin léleg og blöðin eru byrjuð að losna úr henni.
Í bókina voru handskrifaðar fundagerðir, félagatal, lög og reikningar félagsins, einnig eignaskrá og yfirlit yfir greiddan styrk til bænda í Skarðshreppi. Á saurblaði bókarinnar er handskrifað með stórum stöfum "Búkolla" líklega hefur bókin verið kölluð það.
Yngri bókin frá árinu 1934, hún er vel læsileg og hefur varðveist ágætlega á kjölnum er límborði. Blaðsíðurnar eru línustrikaðar og í henni eru handskrifaðar fundagerðir, félgatal, lög og reikningar félagsins, einnig yfirlit yfir greidda styrki til bænda í hreppnum.

í safninu eru fundagerðabók, skýrslur og fylgigögn bókhalds í eigu Hrossaræktarfélags Skefilsstaðahrepps, safninu var skipt upp og skráð.

Minnisbækur formanns eru teknar frá safni og settar hér í eina öskju. Bækurnar eru í góðu ástandi og mismikið í þær skrifað. Þetta eru ýmist gormastílabækur, stílabækur eða harðspjalda bækur.

Harðspjalda handskrifuð bók í góðu ástandi. í bók liggur kvittun fyrir afhendingu bókar til skjalasafns. Bókin er handskrifuð af Jóni Gíslasyni Guðmann, bónda á Skarði við Akureyri og afhendist hér með Héraðsskjalasafni Skagfirðinga 16. sept. 1993. Undirritun Ísak Guðmann.
Bókin er uppskrift Jóns G Guðmanns á blaðinu "Mas og þras" frá árinu 1916 - 1917, II. árgangur, tölublöð 1 -11. Vantar allan fyrsta árgang.

Tveir stimplar er lágu í safni setti í sömu öskju. Þeir eru fyrir Lífeyrissjóðastéttarfélaga í Skagafirði og Verkalýðsfélagið Fram.

Litlir bláir miðar um félagaskráningu. Miðarnir eru prentaðir, persónugreinanlegir en án ártals og vel læsilegir.
Gögnin eru sett i öskjur eftir stafrófsröð eins og þau lágu í safni. Gögnin eru hreinsuð af bréfaklemmum, auka eyðublöðum og plast milliblöðum með stafrófstölustöfum.

Í safninu eru bækur bæði stílabækur og innbundnar bækur, þær eru allar með línu- eða rúðustrikuðum blaðsíðum. Bækurnar eru ýmsum stærðum og gerðum. Í bækurnar eru skráðar fundagerðir, ársskýrslur, félagaskrá einnig ferðasögur skátaflokkanna. Bækurnar eru allar vel varðveittar og læsilegar og er lítið skrifað í þær flestar. Pappírsgögn sem voru í fundagerðabók (A-E) voru tekin úr bókinni og sett í sér örk (A-G). Í gögnum A-F og A-G eru persónugreinanleg gögn, arkirnar voru settar efst í öskjuna til að hægt sé að taka þau úr safninu. Í einni fundagerðabók, í örk A-F fannst mygla, bókin var hreinsuð (ryksuguð og burstuð eins og kostur var) og er hún að öðru leyti í góðu ásigkomulagi.

í þessu safni eru pappírsgögn, vélrituð, forprentuð og handskrifuð gögn á mismunandi gerð pappíra. Einnig er talsvert af prentuðum blöðum með merki og logo Bandalags íslenskra skáta (BIS). Misjafnt var hvort gögnin voru röðuð upp eftir ártali eða ekki, ákveðið var að raða þeim í ártalsröð til að koma einhverju skipulagi á það og til að auðvelda aðgengi að þeim. Mest er um fréttabréf og erindi frá BIS. Í safni B-J eru skýrslur og inntökubeiðnir skátafélagið og eru þetta persónugreinanleg gögn, þau voru sett efst til að hægt sé að taka þau frá þegar safn er fengið til lestrar. Hefti og bréfaklemmur voru hreinsaðar úr safninu, blöðin eru í mismunandi ástandi, sum rifin og gulnuð og á sumum er sýnilegir ryðblettir eftir hefti. Tvö umslög voru tekin úr safninu, búið var að klippa frímerkin úr, Inntökubeiðnir voru í plastmöppu, þau voru tekin úr möppunni og sett saman við aðrar samskonar skýrslur.

Í safninu eru bókhaldsbækur, dagbókarfærslubækur, viðskiptabók, kassabók og söluyfirlit. Safnið er í góðu ásigkomulagi og vel læsilegt. Bækurnar voru í bland við aðrar í safninu en ákveðið var að halda þessum sér þó svo að önnur fylgigögn bókhalds hafi fengið að fylgja pappírsgögnum í safni B (A-F).

Í þessu safni eru innbundnar bækur sem halda utan um skráningu á skátaprófum, einnig eru pappírsgögn með staðfestingu á skátaprófi sem Franc Michelsen þreytti 1929. Safnið er í góðu ásigkomulagi og vel læsileg.

Í þessu safni eru gögn sem voru í safni Skátafélagsins Andvarar en tengjast kvenskátafélaginu Asynjum á Sauðárkróki. Um er að ræða fundagerðabók og erindi frá Brynju Hlíðar á Akureyri. Safnið er í góðu ásigkomulagi, plastfilma var utan um fundagerðabókina sem var fjarlægt og bréf í umslagi sem vélritað var á Kvenskátafélagið Ásynjur, Sauðárkróki og handskrifað með blýanti nafn sr. Helga Konráðssonar. Búið var að fjarlægja frímerki sem var á umslaginu.

Innbundnar handskrifaðar og vel læsilegar bækur. Bækurnar hafa varðveist ágætlega, bindingar og blöð eru að mestu heilleg. Elsta fundargerðarbókin (frá 1903-1912) hefur varðveist illa.

5 Innbundnar og handskrifaðar bækur og vel læsilegar. Bækurnar hafa varðveist ágætlega, ein bókanna er óinnbundin.

Vélritað pappírsgögn með erindi til Sýslunefndar Skagafjarðarsýslu er varðar tímaritið "Tindastóll", einnig er samskonar blað sem fylgir og er með tillögu og greinargerð um sama blað. Gögnin hafa varðveist vel og voru innan um bókhaldsgögn U.M.F.T. Ákveðið var að setja þau með öðrum gögnum óskyldum bókhaldi félagsins.

Handskrifaðar innbundnar og óinnbundnar bækur, vel læsilegar og í ágætu ásigkomulagi. Bækurnar innihalda fundareglur, einnig lög og reglur U.M.F.T. og lagabreytingar sem gerðar voru á fundum til ársins 1959.

Innbundnar og handskrifaðar bókhaldsbækur. Bækurnar eru allar í góðu ásigkomulagi og hafa varðveist ágætlega. Pappírsgögnin eru vélritaðar skýrslur með efnahagsreikningi U.M.F.T. fyrir árin 1961-1964.

4 innbundnar og handskrifaðar bækur með fundargerðum knattspyrnudeildar Tindastóls frá árunum 1963-1990. Bækurnar hafa allar varðveist ágætlega og eru í góðu ásigkomulagi. Einnig eru handskrifuð pappírsgögn, rúðustrikuð A4 og A5 blöð með fundagerðum deildarinnar frá árunum 1990-1991 sem höfðu verið stungið inn í eina fundagerðabókina en ákveðið var að flokka blöðin eftir ártali og dagsetningum til að hægt sé að hafa betra aðgengi að þeim.

Tvær ljósmyndir/pappírskópíur sem hafa varðveist mjög vel, önnur er svart hvít og er tekin á tímabilinu 1965-1970 af körfuboltaliði karla, hin ljósmyndin er í lit og er tekin um 1988-1990 af stúlknaliði Tindastóls.

Ein handskrifuð harðspjaldabók í góðu ástandi en blaðsíður blettóttar og nokkuð um ryðguð hefti við kjöl. Bókin fjallar um aðalfundi félagsins, tekjur og gjöld, allt vel læsilegt.

Harðspjalda handskrifuð bók skýrslur um kynferði, nyt og fóðrun kúnna í félaginu. Fram koma nöfn bæja, kúa, fæðingaár, litur ,faðir/móðir o.s.fr.

Handskrifuð blöð um bókhald félagsins . Rekstursreikningur frá 1935 ein opna. Skýrslur, pappírsgögn, um viðskipti við bændur, nöfn þeirra og heimili og þeirra bókhaldsfærslur við félagið árið 1935 og 1937.

Safn sem í voru stílabók og pappírsgögn frá Lýtingsstaðadeild Kaupfélags Skagfirðinga.

Í safninu var ein innbundin og handskrifuð fundagerðabók en talsvert af öðrum pappírsgögnum bæði vélrituðum og handskrifuðum. Búið var að grófflokka safnið, farið var í að flokka skjölin betur eftir ártali - eins og hægt var og aðgreina það. Nokkur umslög með litlum miðum með orðsendingum sem aðallega voru um ósk um inntöku í félagið eða úrsagnir úr því voru í safninu, ákveðið var að halda eftir þremur umslögum með frímerkjum til varðveislu. Einnig er í safninu nokkrir miðar með handrituðum athugasemdum, fundargerðum sem eru án dagssetingar eða án ártals.
Jarðbótaskýrslum var safnað saman og þeim raðað eftir ártali. Forprentaðar auglýsingar, félagatal, bókhaldsgögn og kvittanir, kaup- og leigusamningur vegna jarðvinnslutækja félagsins, einnig eru í safninu fomleg erindi frá Stéttarsambandi Bænda, Áburðarsölu Ríkisins, Sambandi Ísl. Samvinnufélaga, Búnaðarsambandi Skagfirðinga og fleirum voru einnig flokkað eftir ártali eins og hægt var.
Í einni örk eru lög félagsins - bæði handskrifuð og vélrituð, bæði í A4 og A3 stærð og eru þetta líklega breytingartillögur þar sem athugasemdir eru handskrifaðar á tveimur skjalana.
Gögnin hefur varðveist misjafnlega vel en eru þó læsilegt, Jarðabótaskýrslurnar voru sumar talsvert rifnar og eru því viðkæmar allri meðhöndlun, sérstakegla sú sem er frá árinu 1931. Allar bréfaklemmur sem voru í safninu voru orðnar mjög ryðgaðar, þær voru allar fjarlægðgar en það má sjá för eftir þær á flestum skjölunum, hefti voru sömuleiðis fjarlægð.

sr. Helgi Konráðsson: Líkræður og húskveðjur fluttar af honum 1934-1959.