Málefnasamningur milli bæjarfulltrúa Alþýðubandalagsins, Alþýðuflokksins og Framsóknarflokksins á Sauðárkróki. Undirritaður af Huldu Sigurbjörnsdóttur, Erlendi Hansen, Birgi Dýrfjörð, Guðjóni Ingimundarsyni og Stefáni Guðmundssyni.
Samningur um réttindi á heitu vatni og boranir eftir heitu vatni í Sjávarborgarlandi árið 1951. Samningsdrögin liggja með. Samninginn undirrita Björgvin Bjarnason þáverandi bæjarstjóri og þáverandi eigendur Sjávarborgar og Borgargerðis; Þorsteinn Árnason, Haraldur Árnason og Kristmundur Bjarnason.
Samþykkt Íþróttanefndar í nóvember 1965 vegna íþróttamannvirkja á Sauðárkróki. Nefndina skipuðu Guðjón sjálfur, Hreinn Jónsson, Ragnar Guðmundsson, Kári Jónsson og Rögnvaldur Finnbogason.
Samþykkt sem gerð var á fundi Alþýðuflokksins á Sauðárkróki þar sem fallist var á að standa að ráðningu Hákons Torfasonar, verkfræðings, sem bæjarstjóra á Sauðárkróki.
Fyrirspurnir Magnúsar Bjarnasonar á bæjarstjórnarfundi í janúar 1964 þar sem hann spyr m.a. út í ábyrgðir Sauðárkrókskaupstaðar og hversu mikið bæjarsjóður hafi greitt til Fiskivers hf.
Fyrirspurn varðandi leit að heitu og köldu vatni. Með fylgir tillaga þar sem bæjarstjórn samþykkir leit að heitu og köldu vatni í bæjarlandinu þá um haustið. Einnig er á sama blaði tillaga um laun lögregluþjóns.
Tillaga um merkingu gatna, tillaga um rekstur Fiskivers Sauðárkróks, tillaga vegna atvinnumála, breytingartillaga v. Alþýðuhúss, tillaga um Framkvæmdasjóð.
Álit og tillögur í málefnum MS og KS. Flutningsmenn tillögunnar voru Jón Jónsson Hofi á Höfðaströnd, Gunnlaugur Björnsson á Brimnesi, Kristján Karlsson skólastjóri á Hólum, sr. Lárus Arnórsson Miklabæ og Arngrímur Sigurðsson í Litlu-Gröf.
Tillaga vegna flugvallar á Sauðárkróki, flutt á bæjarstjórnarfundi 1966, undirrituð af Guðjóni Ingimundarsyni, Stefáni Guðmundssyni og Marteini Friðrikssyni.
Ódagsettar tillögur sem komu úr fórum Guðjóns, önnur þeirra fjallar um athugun á byggingu verbúða á Sauðárkróki á vegum "Hafnarsjóðs Sauðárkróks" og hin er tillaga Magnúsar Bjarnasonar við samþykkt hitaveitusamninganna.
