Heimild frá Kristjáni Árnasyni um sundkennslu í Skíðastaðalaug (við Varmalæk) og í Steinstaðalaug. Kennari við Skíðastaðalaug var Ólafur Guðmundsson í Hamarsgerði. Bætt er við í lok samantektarinnar að fyrsta stúlkan sem hafi lært sund í Steinstaðalaug hafi verið Sigríður Daníelsdóttir kona Kristjáns I. Sveinssonar.
Ávarp flutt við óþekkt tilefni, sennilega við endurbætur á sundlauginni í Varmahlíð 1989. Rætt er um sundiðkun og keppni í héraðinu og lagt til að Grettisbikarinn verði nú tekinn úr umferð enda sé búið að keppa um hann í 50 ár. Það gefur til kynna að ávarpið hafi verið flutt 1989 en Grettisbikarinn var afhentur sundlauginni í Varmahlíð 1939.
Fyrirspurnir Magnúsar Bjarnasonar á bæjarstjórnarfundi í janúar 1964 þar sem hann spyr m.a. út í ábyrgðir Sauðárkrókskaupstaðar og hversu mikið bæjarsjóður hafi greitt til Fiskivers hf.
Samþykkt Íþróttanefndar í nóvember 1965 vegna íþróttamannvirkja á Sauðárkróki. Nefndina skipuðu Guðjón sjálfur, Hreinn Jónsson, Ragnar Guðmundsson, Kári Jónsson og Rögnvaldur Finnbogason.
Skýrsla um hag og starfsemi Ungmennafélaganna í Norðlendingafjórðungi dagsett 1913. Jafnframt er þar að finna bæði yfirlit yfir skógrækt ungmennafélaga frá 1923 og sýnishorn og kostnaður við skógrækt 1910.
Afrit af umsókn um styrk úr íþróttasjóði frá Hreppsnefnd Sauðárkrókshrepps. Sótt er um 15.000 kr. og var upphæðin ætluð til íþróttavallargerðar á Sauðárkróki.
Frétt send Degi á Akureyri á Öskudag 1955 þar sem fjallað er um sýningu Leikfélags Sauðárkróks á leikritinu Orðið eftir Kaj Munk, leikstjóri var Eyþór Stefánsson.
