Frá vinstri Páll Sigurðsson Fæddur í Ytra-Garðshorni í Svarfaðardalshr. - Eyjaf. 3. júní 1904 Látinn 25. desember 1992 og Guttormur Óskarsson Fæddur í Skagafjarðarsýslu 29. desember 1916 Látinn á Sauðárkróki 13. nóvember 2007
Hátíðarhöld í Íþróttahúsinu á Sauðárkróki að fagna komu Vigdísar Finnbogadóttur forseta Íslands. Við borðið f.v. Brynja Kristjánsdóttir - Ingibjörg Sveinsdóttir - Árni Gislason - Vigdís Finnbogadóttir - úlfar Sveinsson - Elin Tómasdóttir - Halldór Þ. Jónsson og Aðalheiður Ormsdóttir.
?Kirkjukór Sauðárkrókskirkju syngur. Hátíðarhöld í Íþróttahúsinu á Sauðárkróki að fagna komu Vigdísar Finnbogadóttur forseta Íslands. Kirkjukór Sauðárkrókskirkju.
Opinber heimsókn Vidísar Finnbogadóttur - veisla í íþróttahúsi. Konan fyrir miðri mynd er María Kristjana Angantýsdóttir (1948-2006) - Maðurinn sem drekkur úr glasinu er Einar Örn Einarsson (1960-) og í hægra horni er sonur hans Gísli Arnar Elínarson (1983-) María Angantýrsdóttir fyrir miðri mynd (í svörtum jakka og rauðri blússu)
Forseti Íslands Vigdís Finnbogadóttir (í gulri dragt) í opinberri heimssókn í Skagafirði. T. v. Stefán Pedersen (í bláum gallabuxum) Sér í bakið á Þorsteini Ásgrimssyni ftá Varmalandi (í ljósum frakka)
Frá vinstri Lilja Ingimundardóttir (1981-) - Guðmundur Heiðar Jensson (1958-) ásamt syni sínum Ingva Guðmundssyni (1988-) og Helga Elísa Þorkelsdóttir (1983-).
Mynd tekin við Dvalarheimilið - frá vinstri Geirmundur Valtýrsson (1944-) - Sigmundur Birgir Pálsson (1932-2003) - Guttormur Óskarsson (1916-2007) - Björn Hjálmarsson frá Mælifellsá og Sigurlaug Guðrún Gunnarsdóttir (1933-2014).
F.v. Áshildur Öfjörð - Kristbjörg Ingvarsdóttir - Lára Angantýrsdóttir - Maríus og Stefán Jasonarson tekur við blómum og fána fyrir framan Dvalarheimili aldraðra á Sauðárkróki á göngu sinni kringum landið árið 1993.
Erindi til stjórnar og framkvæmdastjóra Kaupfélags Skagfirðinga, stílað á Svein Guðmundsson sem var þá starfandi framkvæmdastjóri. Undir erindið ritar Guðmundur Björnsson trésmiður sem hóf störf sem verkstæðisformaður á trésmíðaverkstæði K.S. árið 1950.
Minnisbækur Guðjóns Ingimundarsonar, flestar þeirra tengjast bæjarstjórnarmálum en einnig má finna þar punkta um starfsemi hans innan KS og ungmennafélaganna. Jafnframt er elsta minnisbókin frá því hann var á Laugarvatni.
Stundaskrá með yfirliti yfir afnot ákveðinna hópa af sundlaug Sauðárkróks árið 2002 og samskipti Guðjóns við Sveitarfélagið vegna gjafar hans og eiginkonu hans, Ingibjargar Kristjánsdóttur, til sundlaugarinnar.
Lausavísur á auglýsingatöflu bæjarstjórnarskrifstofunnar á Sauðárkróki 1974.
Ráðalausir labba um storð leggjast svo til náða. Loksins fundu lausnarorð látum Bakkus ráða.
Bakkusarvinur svarar: Hver yrkir þannig? Álasar kóngsins megt, sem ævinlega bætir þegnanna hag. Allavega finnst mér forkastanlegt að fárast yfir því, sem kippt er í lag.
Sífellt fremja ofaníát ótta og hrolli slegin. Virðast ætla að verða mát veslings komma greyin.
Frétt send Degi á Akureyri í október 1958 þar sem fjallað er m.a. um að svo mikill fiskafli hafi borist undanfarið að starfsmenn fiskvinnslunnar hafi ekki annað framboðinu og því hafi unglingar og börn á barnaskólaaldri verið fengin til að starfa við fiskvinnslu. Í kjölfarið var setningu skólans frestað um nokkra daga. Jafnframt er fjallað um 50 ára afmæli barnaskólans en upphaflega barnaskólahúsið var byggt 1908. Veturinn 1958 voru 150 nemendur í skólanum og skólastjóri var Björn Daníelsson. 60 nemendur voru í gagnfræðiskólanum og skólastjóri var Friðrik Margeirsson.
Frétt frá Sauðárkróki send Degi á Akureyri í janúar 1956 þar sem meðal annars er fjallað um að Sauðárkrókskirkju hafi borist skírnarfontur að gjöf frá Pétri Hannessyni og Sigríði Sigtryggsdóttur. Reynir Ragnarsson húsgagnasmíðameistari á Sauðárkróki smíðaði fontinn. Á Þorláksmessu 1955 var jafnframt samþykkt að K.S. myndi ganga til samstarfs við Sauðárkróksbæ um stofnun hlutafélags sem annast muni fiskmóttöku. Mest er þó skrifað um kveðjuhóf sem haldið var til heiðurs Torfa Bjarnasyni héraðslækni og konu hans Sigríði Auðuns.
3 fréttir frá Sauðárkróki 1963 sendar Degi á Akureyri. Fjallað um er erindi Adolfs Björnssonar rafveitustjóra um rafveitur í Skagafirði og áætlanir um að virkja Reykjafoss í Tungusveit. Jafnframt er fjallað um frumsýningu Leikfélags Sauðárkróks á Fjalla-Eyvindi. Verkamannafélagið Fram minntist 60 ára starfsafmælis. Mikið atvinnuleysi hafði verið á Sauðárkróki þennan veturinn og afli lítill. Danskennsla var á vegum Æskulýðsráðs Sauðárkróks og var það Rigmor Hanson sem kenndi.
Grein send Einherja 1969 eftir Martein Friðriksson sem sat þá í meirihluta bæjarstjórnar á Sauðárkróki fyrir Framsóknarflokkinn. Greinin ber yfirskriftina "Norðanfara svarað" og er svar við grein Sjálfstæðismanna á Sauðárkróki sem þá voru í minnihluta. Marteinn kemur víða við í grein sinni og fer meðal annars yfir Fjárhagsáætlun 1968 og rekstrarniðurstöðu þess árs.
Grein send til Einherja í október 1965 þar sem Guðjón segir frá skólastarfi á Sauðárkróki þetta haustið. Í Barnaskóla Sauðárkróks eru 182 nemendur þetta árið og er skólastjóri Björn Daníelsson. Í Gagnfræðiskólanum eru 90 nemendur og skólastjóri er Friðrik Margeirsson. Jafnframt er fjallað um fyrirhugaða byggingu nýs gagnfræðiskólahúss. Í Tónlistarskólanum eru 40 nemendur og er þar skólastjóri Eyþór Stefánsson tónskáld og aðalkennari Eva Snæbjörnsdóttir. Jón Björnsson frá Hafsteinsstöðum er söngstjóri við skólann. Í Iðnskóla Sauðárkróks eru 30-40 nemendur og er skólastjóri þar Jóhann Guðjónsson múrarameistari.
Grein sem send var Einherja í júní 1967 og ber yfirskriftina "Til þess eru vítin að varast þau" en þar gagnrýnir Guðjón grein sem birt var í blaðinu Norðanfara (málgagni sjálfstæðismanna á Norðurlandi Vestra) 4. maí 1967 en téð grein var að mati Guðjóns ,,árás á meirihluta bæjarstjórnar á Sauðárkróki". Greinarhöfundur var ritstjóri og ábyrgðarmaður Norðanfara, Halldór Jónsson frá Leysingjastöðum.
4 fréttabréf frá 1955 sem sennilega hafa verið send Degi á Akureyri en það er þó ekki fullvíst. Fjallað er um flugvöllinn á Sauðárkróki og tekið er fram að árið 1954 hafi lendingar á vellinum verið 254 og farþegar 940. Greint er frá skólaslitum Iðnskólans á Sauðárkróki og kemur þar fram að hæstu einkunn í burtfararprófi hlaut Auðunn Blöndal nemi í flugvélavirkjun eða 8,93 og í 1. bekk hlaut hæstu einkunn Friðrik Jónsson (Fíi) húsasmíðanemi eða 8,33. Einnig er fjallað um nýtt fiskvinnslu og hraðfrystihús á Sauðárkróki.
Fréttabréf frá 1958 sem sennilega hefur verið send til blaðsins Dags á Akureyri. Sagt er frá 65 ára afmæli Guðmundar Sveinssonar og kveðjuhófi sem haldið var fyrir Björgvin Bjarnason sem lét þetta ár af bæjarstjórastörfum. Eins er sagt frá því að Haraldur Pálsson skíðamaður frá Reykjavík hafi verið á Sauðárkróki við skíðakennslu og sagt er frá skíðamóti sem fram fór í Skógarhlíð.
